Wednesday, December 31, 2014

အဘ အတွက် အမှတ်တရ ရေးတဲ့စာ (ကျော်ကျော်ငြိမ်းချမ်း)

အရင် နဝတ.. နအဖ.. ခေတ်မှာရော ခု နမလ ခေတ်မှာရော နေရာတကာမှာ.. အဘတွေက များလှသဗျာ..။ (ဘာမှန်းမသိအောင် နားမလည်နိုင်တဲ့ခေတ်ဆိုတော့ နမလ ခေတ်ပေါ့ဗျာ) 

အရင် ကျနော်တို့ခေတ် မကဒတ (ABSDF) ကျောင်းသားတပ်မတော်မှာတုန်းကတော့ လူတိုင်းက အဘ ခေါ်တာ ၂ ယောက်လောက်ပဲ ရှိသဗျ.. ကျနော်တို့ရဲ့ အဘ ဗိုလ်စွန်ညို [ဒုတိယဗိုလ်မှူးကြီး(ငြိမ်း) အေးမြင့် (ကြည်း-၈၅၆၃)] နဲ့ ဆက်သွယ်ရေးက အဘ ဦးဝင်းမောင် (အချက်ပြဆက်သွယ်ရေးတပ် တပ်ကြပ်ကြီးဟောင်း.. မကဒတ ဗဟိုဆက်သွယ်ရေးတပ်-နည်းပြ)။ အဘ ဗိုလ်စွန်ညိုကိုတော့ ကေအန်ယူနဲ့ တခြားမဟာမိတ်ခေါင်းဆောင်၊ ရဲဘော် အတော်များများကလည်း ကြီးကြီးငယ်ငယ် ကျနော်တို့ခေါ်သလို အဘ ပဲ ခေါ်သဗျ။ 

လူချင်းစတွေ့တော့ ၁၉၉၀ နှစ်ဆန်းပိုင်း ထင်ပါတယ်.. ဒေါက်တာနိုင်အောင်၊ ဒေါက်တာသောင်းထွန်းတို့က အဘကို ဘန်ကောက်ကနေ မဲဆောက်ကို လာပို့ပါတယ်။ ကျနော်က မာနာပုလောကနေ မဲဆောက်ကို လာကြိုပါတယ်။ ဒီမတိုင်ခင် သူ ဘန်ကောက်မှာရှိနေစဉ်က ကိုနိုင်အောင်နဲ့ ကိုသောင်းထွန်းတို့က လှမ်းအကြောင်းကြားလို့.. သူ ကျနော်တို့ မကဒတ-ကျောင်းသားတပ်မတော်မှာ ကာလတခုလာနေရင်း သင်တန်းလာပေးမယ့်အကြောင်း၊ ခွင့်ပြုပေးဖို့အကြောင်း မာနာပုလောမှာ ကေအဲန်ယူခေါင်းဆောင်များနဲ့ ညှိနှိုင်းခဲ့ပါတယ်။ 


သတိနဲ့နေပြီး ဆက်ဆံနေရပါတယ်... (ကာတွန်း အောင်မော်)


ဒဏ်ရာစိမ်း (နေဇော်နိုင်)

ပြေးထွက်သွားတော့မှ အလွမ်းတွေမှန်း သိတယ် 
အငွေ့တွေ ကုန်သွားမှာကို မလုံမလဲဖြစ်နေဆဲ 
အသည်းမှာ ဒဏ်ရာတချို့ ခ ခဲ့ပြီ။ ။ 

နေဇော်နိုင် 
၃၀ ဒီ ၂၀၁၄ 


 

Tuesday, December 30, 2014

ပန်းခြံထက်မှာ နတ်ဆိုးရဲ့ ကြုံးဝါးသံတွေ ရှိတယ် (ဇွန်မှိုင်း)


(၁) 

ကျနော် ပန်းဆိုးတန်းမှတ်တိုင်မှာ ဆင်းလိုက်ပြီး ဆူးလေဘုရားဘက်ကို လျှောက်ခဲ့တယ်။ သိတ်မကြာခင် ကျနော် မဟာဗန္ဓုလပန်းခြံရှေ့ကို ရောက်တော့မယ်။ စဉ်းစားကြည့်လိုက်တော့ ဒီပန်းခြံရှေ့ကို ကျနော် မရောက်ဖြစ်တာ တော်တော်တောင်ကြာခဲ့ပြီပဲ။ ဒီနေရာကို ကျနော့်စိတ်နှင့်ကျနော် မရောက်ဖြစ်ခဲ့တာတော့ လုံးဝ မဟုတ်ပါဘူး။ ဆူးလေစေတီတော်မြတ်ရှိရာ၊ မြို့တော်ခန်းမရှိရာ ပြီးတော့ ကျနော်ချစ်တဲ့ ပန်းဆိုးတန်းစာအုပ်တန်းရှိရာ ဒီနေရာ ဒီဝန်းကျင်တွေကို ကျနော် သိတ်လာချင်တာပေါ့။ ဒီဝန်းကျင်လေးဟာ ကျနော့်အတွက် အမှတ်ရစရာတွေ အများကြီးရှိတဲ့ နေရာလေးပါ။ 

ဒီနေရာလေးကို ကျနော် အင်မတန် ချစ်တယ်၊ အင်မတန်လည်း လာချင်ခဲ့ပါတယ်။ ဒါပေမယ့် ကျနော် ဒီနေရာလေးကို လာလို့မရခဲ့ဘူးလေ။ ကျနော် ဘယ်လောက်ပဲ လာချင်လာချင် စေတန်နတ်ဆိုးက ကျနော့်ကို လာခွင့်မပြုခဲ့ဘူး။ ကျနော့်ကို ဒီနေရာလေးဆီ လွတ်လပ်စွာလာရောက်ခွင့်ကို အဲဒီစေတန်နတ်ဆိုးက ကန့်ကွက်တားဆီးခဲ့တယ်။ 


လူ့အလို နတ်မလိုက်နိုင်ပြီ ... (ကာတွန်း ဝင်းထွန်း)


ချစ်တယ် (နေဇော်နိုင်)

မလိုချင်မှာ စိုးလို့ 
ငြိုငြင်မှာ စိုးလို့ 
ကိုယ်တချိန်လုံး သိမ်းထားတဲ့စကား 
သူများကို မင်း ပြောလိုက်ပြီလား ဟင်။ ။ 

နေဇော်နိုင် 
၃၀ ဒီ ၂၀၁၄ 

Monday, December 29, 2014

အရေးတော်ပုံအနံ့ ရတယ်၊ သပိတ်စုံရင် သူပုန်ထလိမ့်မယ် (ကိုညို)

ပြည်သူနဲ့ အယုံအကြည် ပျက်သွားပြီ 

ကြံ့ဖွတ်အစိုးရ မတရားမှုတွေကို ၃ နှစ်အတွင်း ပြည်သူတွေ သည်းမခံနိုင်ဖြစ်လာပြီ။ အုပ်ချုပ်သူတွေနဲ့ ခရိုနီတွေ၊ ဝန်ထမ်းတွေရဲ့ ဓနဥစ္စာ တဖက်စောင်းနင်း ပိုင်ဆိုင်မှု၊ စီးပွားရင်းနှီးမှုနဲ့ အရင်းအမြစ်မှန်သမျှ လောဘတကြီး သိမ်းကြုံး လက်ဝါးကြီးအုပ်မှု၊ နဂိုအကျင့်စရိုက်ကို မပြောင်းလဲ မပြုပြင်နိုင်မှု၊ ရာထူးစည်းစိမ်နဲ့ ဂုဏ်အရှိန်အဝါ၊ လာဘ်လာဘ ဆုံးရှုံးမှာကို စိုးရိမ်ပူပန်မှု၊ အကြောက်တရား ကြီးမားမှု၊ စစ်ဗြူရိုကရေစီယန္တယားရဲ့ ခိုင်မာအားကောင်းမှုဟာ ဒီကနေ့ ဒီမိုကရေစီအရွေ့ကို အနှောက်အယှက်ပေးလာတယ်။ 

လူထု မကျေနပ်မှုကို တနေ့တခြား ကြီးမားစေတယ်။ လတ်တလောအခြေအနေက ကျင့်ဝတ် စံနှုန်းမရှိတဲ့ တရုတ်အစိုးရအပေါ် လိုက်လျော ဆက်ဆံလွန်းတာပါ။ စစ်ယူနီဖောင်းချွတ် အရပ်သား သမ္မတ တက်ခါစ အခြေအနေနဲ့ ဆန့်ကျင်ဘက်အဆင့်ထိ ပြောင်းလဲသွားတယ်။ သမ္မတ ဦးသိန်းစိန်ကို အရင်လို လက်ခုတ်တီး ကြိုဆိုမယ့်သူ ရှားပါးနေတာ သတိပြုမိတယ်။ အစိုးရနဲ့ ပြည်သူ အယုံအကြည်ပျက်သွားတာက ၈၈ အာဏာသိမ်းစစ်အစိုးရနဲ့ ဆက်ဆံခဲ့ကြသလိုပါပဲ။

ဒေါ်အောင်ဆန်းစုကြည် အရွေ့ 

၂၀၁၂ ကြားဖြတ်ရွေးကောက်ပွဲကို ဒေါ်အောင်ဆန်းစုကြည်ဟာ အရဲစွန့်ဝင်လိုက်တာဟာ အစိုးရရော၊ လွှတ်တော်နဲ့ပါ ယုံကြည်မှုတည်ဆောက်ပြီး ပြုပြင်ပြောင်းလဲရေးကို လွှတ်တော်ကနေ တဖြည်းဖြည်းလုပ်ယူမယ့် အဓိပ္ပာယ်ပြခဲ့တယ်။ 


စိတ်သစ် နဲ့ လူဟောင်း ... (ကာတွန်း ဝင်းထွန်း)


Saturday, December 27, 2014

အထွေထွေသပိတ်ကြီးသို့  တမ်းချင်း (အောင်ဝေး)

အ ဖိ နှိ ပ် ခံ ဘ ဝ ဆို တာ
တို က် ပွဲ ။
တို က် ပွဲ ဆို တာ
ပ ထ မေ တာ့  ရှုံး မှာ ပဲ ။
( မ ရှုံး ဖူး တဲ့ တို က် ပွဲ မ ရှိ )
ရှုံး လ ည်း ဆ က် တို က်
တို က် ရ င်း နို င် မှာ ဘ ဝ ပဲ ။

ရု န်း ထ ကြေ ဟ့
ပွ င့် အာ ကြေ ဟ့။
ရှ င် သ န် ကြေ ဟ့
ထေ မြာ က် ကြေ ဟ့။
မီး ပွား ကေ လး က ။
ေ တာ မီး ကြီး ဖြ စ် တာ ပဲ ။
သ စ်ေ စ့ ကေ လး က
ေ တာ အု ပ် ကြီး ဖြ စ် တာ ပဲ ။
မျိုးေ စ့ ကေ လး က
ပ န်းေ တာ ကြီး ဖြ စ် တာ ပဲ ။
ရု န်း ထ ကြေ ဟ့
ပွ င့် အာ ကြေ ဟ့။


ဆင်းရဲမွဲတေမှု ပပျောက်ရေး (ကာတွန်း ဝင်းအောင်)


လက်ပံတောင်းရှိုက်သံ (ခိုင်မာကျော်ဇော)

စစ်တပ်က ဖိ 
တရုတ် အိသည် 

မြေကိုချစ်မိ 
အပြစ်ရှိလား။ 

မျက်ရည်အိုင်ထွန်း 
သွေးတွေစွန်းခဲ့။ 

ဘုရားပုထိုး စေတီကျိုးပြတ် 
မြေသို့ခသည် 
ထန်းပင်ထန်းတော 
လွမ်းမောဆိတ်သုဉ်း 
ဘုန်းဘုန်းလဲကျ လုပ်ရက်ကြသည်။ 


Tuesday, December 23, 2014

လက်ပံတောင်းကျိန်စာ - မောင်စိန်ဝင်း (ပုတီးကုန်း)

လက်ပံတောင်း 
အသက်ပေါင်းများစွာစတေး 
သွေးနဲ့မော်ကွန်းတင် 
ရာဇဝင်သမိုင်းအသစ် 
အရိုင်းတခေတ်ကို ကမ္ပည်းထိုးပြီ။ 

ဒါ ဒို့ရေ ဒါ ဒို့မြေ 
ငါတို့တတွေပိုင်တဲ့ တောင်တွေကိုဖျက် 
လယ်ကွက်မြေကွက် အဓမ္မလု 
မမျှမတတဲ့ လူ့အခွင့်အရေး 
အသက်ကိုပါပေးရတဲ့အဖြစ် 
လက်ပံတောင်းတောင် စစ်တလင်း 
သွေးချင်းချင်းနီ 
ပြည်သူကိုသတ်တဲ့ ကျည်ဆံ 
သမိုင်းကိုမှန်ပြီး ကျန်ခဲ့။ 


အမည်းစက် ဘယ်မှာတို့ရမလဲ ... (ကာတွန်း ဝင်းထွန်း)

Monday, December 22, 2014

နိုင်ငံတော်ကို ဈာပနချကြဖို့ လိုပြီလား (ရဲဘော်ကျော်သန်း)

တအုံနွေးနွေး လောင်မြိုက်နေတဲ့ လက်ပံတောင်းတောင်အရေးဟာ ဗမာပြည်ရဲ့ အချုပ်အချာအာဏာကို သွေးတိုးစမ်း စိန်ခေါ်နေတဲ့အရေးဖြစ်တယ်။ အင်္ဂလိပ်တို့ ဗမာပြည်ကိုသိမ်းဖို့ ကြံစည်အားထုတ်စဉ်ကာလက ဖြစ်ခဲ့ရတဲ့ ရှင်မဖြူကျွန်းအရေးနဲ့ အလားသဏ္ဌာန်တူတယ်လို့ ဆိုရပါမယ်။ 

ဒီအရေးနဲ့ပတ်သက်ပြီး စစ်အုပ်စုဝန်ကြီး အောင်မင်းက တရုတ်ကိုလည်း ကြောက်ရတယ်လို့ဝန်ခံပြီး ပြည်သူကို တရုတ်နဲ့ လှည့်ခြောက်ခဲ့ပါတယ်။ တပြည်လုံး အားကိုးမျှော်လင့်နေတဲ့ ဒေါ်အောင်ဆန်းစုကြည်ကလည်း "တိုင်းပြည်ရဲ့ အနာဂတ်အကျိုးစီးပွားအတွက် ဒီဟာ(စီမံကိန်းအတွက် လယ်တွေသိမ်း တောင်တွေဖြို သိမ်တွေဖျက်တဲ့ကိစ္စတွေ) သူ တာဝန်ယူတယ်၊ သူ့စကားကို နားထောင်လက်ခံကြပါ" လို့ပြောပြီး လက်ရှောင်သွားခဲ့တယ်။

ဒေါ်အောင်ဆန်းစုကြည်ပြီးရင် လူထုက အားကိုးအမျှော်လင့်ဆုံး ၈၈ ပွင့်လင်းတွေဆို ဝေးဝေးကရှောင်နေကြရုံတင်မက ဒီအရေးမှာ ဝင်ပါနေကြတဲ့ သူတို့နဲ့ပတ်သက်နွယ်သူတွေကိုတောင် ဟန့်တား မာန်မဲခဲ့ကြတယ်။ ဒါကြောင့် သူတို့ကို ကျေးရွာသားတွေက ဦးပိုင်-ဝမ်ပေါင် ကုမ္ပဏီတွေနဲ့အတူ မသာချ ဆန္ဒပြခံခဲ့ကြရတယ်။ 


တို့ရင်းတဲ့ ရင် (မောင်လွမ်းဏီ)

အညာဆောင်းငဲ့ 
သွေးမြေကျတဲ့ လက်ပံတောင်း 
ခေါင်းချချင်စိတ် ပေါက်လာပြီ။ 

အကြွေးကို 
သွေးနဲ့ ဆပ်လေသလား၊ 
အရေးရယ်ဆို 
လယ်တီကို တိုင်တည်ကြလေသလား၊ 
ဘူဒိုဇာ လူကိုယ်ပါ ထိုးကာအပ် 
ပြတ်သားတဲ့ ဘဝပေးအသိ 
ကြည့်ရက်သူ ကြည့်ကြစမ်းပါစေ။ 

Wednesday, November 12, 2014

အရှေ့စူးစူး ... အနောက်ယွန်းယွန်း ... (ကာတွန်း Mr Burma)




အော်စလိုက သူခိုး (ကိုညို)

ဒီနေ့ ကျနော်အလုပ်လုပ်တဲ့ဆိုင်မှာ သူခိုးတယောက် မိတယ်။ ဈေးဝယ်တယောက်က သတင်းပေးလိုက်လို့ ဆိုင်တာဝန်ခံက ခဏမေးစရာရှိတယ်ဆိုပြီး သူခိုးကို ရုံးခန်းထဲ ခေါ်လာတယ်။ သူခိုးက ထွားထွားကျိုင်းကျိုင်း၊ အရှေ့ဥရောပ (ရိုမေးနီးယား) နိုင်ငံသား၊ အရက်နံ့ရတယ်။ 

အပေါ်အနွေးထည်အထူကို ချွတ်ခိုင်းတယ်။ မချွတ်ဘူး၊ ဂျစ်ကန်ကန် ပြန်ဟောက်တယ်။ ငါ့ဘာကြောင့်ခေါ်တာလဲ၊ ဘာညာနဲ့ ဆဲတယ်။ ကိုယ့်ဆိုင်တာဝန်ခံကလည်း သူခိုးကို ဇွတ်မချွတ်ခိုင်းဘူး။ စီစီတီဗွီမှတ်တမ်းကို ပြန်ကြည့်တယ်။ ချောကလက်တောင့် ပတ်ကင်တွေထားတဲ့နေရာမှာ သူခိုးက အပီအပြင် ထည့်နေတာ...။ ခိုးနေတဲ့ သူ့ပုံကြီးမြင်ပေမယ့် သူခိုးက ငြင်းနေတယ်။ 


Sunday, November 9, 2014

ကြိုး - ၁ (မင်းသိုက်)

ဒေါ်အောင်ဆန်းစုကြည် ဦးဆောင်ကျင်းပတဲ့ လွတ်လပ်ခြင်းအနုပညာပွဲတော်မှာ ဇာတ်လမ်းတိုဆုရခဲ့တဲ့ “ကြိုး” ဇာတ်လမ်းတိုဟာ ကြာမြင့်ချိန် ၆ မိနစ်တိတိရှိပါတယ်။ ဒီပွဲကို ပါဝင်လာအောင် စိတ်သွင်းပေးတာ ကျွန်တော့်ညီငယ် ဝဏ္ဏကျော်ပါ။ ဖြစ်ရပ်မှန်ဇာတ်လမ်းအပေါ် အခြေပြုလို့ Cream ဖြူး အဓိပ္ပာယ်များစွာဖြင့် ရိုက်ကူးခဲ့သော ကြိုးဇာတ်လမ်းတိုမှာ ရိုက်ကူးရေးကိစ္စ crew တွေ အသံဖမ်းသမားးးတွေ သိုင်းဝန်းပြီး ဖန်တီးခဲ့ရတာတော့ မဟုတ်ပါဘူး။ ရုပ်ရှင်အကြောင်း ဘာမှနားမလည်တဲ့ ကျွန်တော့်မိန်းမရယ်၊ ထိုင်းမှာနေစဉ်ကတည်းက ကျွန်တော့် ဒုက္ခတွေ ပြဿနာတွေကို လိုက်ရှင်းလိုက်ဖေးမပေးခဲ့တဲ့ “ဖိနိုင်” ဆိုတဲ့ .... အစ်ကိုကြီးတစ်ယောက်ရယ်၊ ဒီ ၂ ယောက်အားကိုးနဲ့ ဖန်တီးခဲ့ပါသည်။

ရိုက်ကွင်းပေါ်မှာ ပြဿနာပေါင်း သိန်းခြောက်သောင်းနဲ့ ရင်ဆိုင်ခဲ့ရတယ်။ လိုကေးရှင်းတွေမှာ ဒေါ်အောင်ဆန်းစုကြည် ဦးဆောင်တဲ့ပွဲဆိုတော့ ကြောက်ပြီး ဆက်ရိုက်ခွင့်မပေးဘဲ နှင်ချခံရတာတွေရှိတယ်။ နောက်ဆုံး ကျွန်တော် စိတ်ပျက်ပြီး မရိုက်တော့ဘူးဆို တဝက်တပျက်နဲ့ ပစ်ထားတဲ့အနေအထားဖြစ်သွားတယ်။


Tuesday, November 4, 2014

အမှား ... (ကာတွန်း စောငို)


ကြိုး (မင်းသိုက်)

၁၉၉၀ နှောင်းပိုင်းကနေ သက္ကရာဇ် ၂၀၀၀ နှောင်းပိုင်းအထိ ထိုင်းနိုင်ငံမှာရပ်တည်ခဲ့သော ကျွန်တော့်ဘဝဖြတ်သန်းမှုမှာ အနုပညာနဲ့မပတ်သက်တဲ့ ကိုယ်ပိုင်စီးပွားရေးနဲ့သာ ရှင်သန်ခဲ့တယ်။ နည်းပညာနဲ့ အနုပညာကိစ္စတွေကိုတော့ လုံးဝ မျက်ခြေမပြတ်ခဲ့။ ၁၉၈၇ ကတည်းက ကျွမ်းကျင်စွာတတ်မြောက်ခဲ့သော ဗီဒီယိုတည်းဖြတ်ခြင်း အလုပ်ကို ၂၀၀၀ နောက်ပိုင်း ရန်ကုန်မှာ ပြန်အခြေစဖို့ အိမ်မက်က အမြဲမက်တယ်။

ဒီလိုနဲ့ သက္ကရာဇ် ၂၀၀၀ နောက်ပိုင်း ရန်ကုန် (၃၄) လမ်း အလယ်ဘလောက် စန္ဒာညွန့်စာအုပ်ဆိုင် အပေါ်ဆုံးထပ် ၃ ထပ်မှာ (ဓာတ်ပုံ စိုင်းဘုန်းထူးအခန်း) ကို ကျပ်ငွေ ငါးဆယ့်ငါးသိန်းပေးဝယ်ပြီး အက်ဒစ်ခန်းလေး စထူထောင်ဖြစ်တယ်။ တစ်ဗွေတည်းပဲ၊ ဘာ တပည့်တပန်းမှ မရှိဘူး၊ ကြော်ငြာနဲ့ MTV တွေပဲ ဆက်တယ်။ ၃ နှစ်လောက်နေပြီး အဲဒီအခန်းလေးကို မိတ်ကပ်အောင်အောင် (တောင်ကြီး) ကို ၉၂ သိန်းနဲ့ပြန်ရောင်း တာမွေ မအူကုန်း ၁၃၃ လမ်းနဲ့ စက်ရုံလမ်း (မင်္ဂလာဈေးရှေ့လမ်း) ဒေါင့် မီးပွိုင့်ဘေးက မိုးသောက်ပန်းတိုက် ၇ လွှာမှာ အခန်းတစ်ခန်း ၁၁ သိန်းနဲ့ဝယ်ပြီး သိန်းငါးဆယ်ဖိုးလောက် ရွိုင်း၊ ကျန်တဲ့ပိုက်ဆံ စက်ပစ္စည်းတွေထပ်ဖြည့်ပြီး အက်ဒစ်ဆက်လုပ်။


Thursday, October 30, 2014

တိဝူး ... (ကာတွန်း စောငို)


ငဝန် (သစ်ကောင်းအိမ်)

အနောက်ရိုးမနဲ့ လက်မောင်းသွေးဖောက်ဖို့ 
မင်းအချစ်မှာ
မြစ်ဖျားခံ စီးဆင်းခဲ့တဲ့ 
မြစ်တစင်းဖြစ်တယ်။ 

ရိုးရာအဆက်ဆက် 
ငါ့ကမ်းပါးမှာ 
ဖောင်ဖျက်ထားတဲ့ ဓားတွေရှိတယ်။ 


၂၀၁၅ ရွေးကောက်ပွဲ ပုံစံ ... (ကာတွန်း စောငို)


ကိုပါကြီးအတွက် မေးခွန်းများစွာ ရှိနေဆဲ (ဇော်သက်ထွေး)

အောက်တိုဘာလ ၂၃ ရက်နေ့ (ဒီပါဝလီနေ့) ညနေ ၅ နာရီ ၂၀ မိနစ်မှာ မြန်မာနိုင်ငံ စာနယ်ဇင်းကောင်စီ(ယာယီ)ကို တပ်မတော်မှ သတင်းထုတ်ပြန်ချက်တစ်ရပ် ပေးပို့ခဲ့ပါတယ်။ ဒီထုတ်ပြန်ချက်ထဲမှာ မွန်ပြည်နယ် ကျိုက်မရောမြို့နယ်ထဲက ရွှေဝါချောင်ကျေးရွာမှာ ကင်းစောင့်စစ်သည်ရဲ့ သေနတ်ကိုလုယူပြီး ထွက်ပြေးရန်ကြံစည်တဲ့ KKO အဖွဲ့က ဗိုလ်ကြီးအောင်နိုင်ကို ပစ်ခတ်ဖမ်းဆီးခဲ့ပြီး ရွှေဝါချောင်ကျေးရွာတောင်ဘက် မီတာ ၈၀၀ ခန့်အကွာမှာ ကောင်းမွန်စွာ မြေမြှုပ်သင်္ဂြိုဟ်ခဲ့ကြောင်း ပါရှိပါတယ်။ 

ဒီသတင်းထုတ်ပြန်ပြီးတဲ့နောက်မှာတော့ မြန်မာနိုင်ငံ ပြည်တွင်းထဲရော ပြည်ပမှာပါ လှုပ်လှုပ်ရှားရှား ဖြစ်သွားကြပါတယ်။ နိုင်ငံတကာ သတင်းအေဂျင်စီတွေနဲ့ နိုင်ငံရေးပါတီအဖွဲ့အစည်းတွေကတော့ မြန်မာနိုင်ငံ စာနယ်ဇင်းကောင်စီကိုပေးပို့တဲ့ ဒီသတင်းဟာ မြန်မာ့တပ်မတော်က ပေးပို့တာ ဟုတ်၊ မဟုတ် အတည်ပြုချက်ရယူကြသလို မြန်မာနိုင်ငံ စာနယ်ဇင်းကောင်စီ(ယာယီ)ရဲ့ လုပ်ဆောင်ချက်တွေကို အပြစ်ဆိုချင်သူတွေကတော့ တပ်မတော်ကပေးပို့တဲ့ သတင်းတွေကို နောက်တစ်နေ့မှ မီဒီယာတွေကိုပေးပို့တဲ့အတွက် ဝေဖန်မှုတွေ ရှိခဲ့ပါတယ်။ 


Wednesday, October 29, 2014

၂၀၁၅ ရွေးကောက်ပွဲ... (ကာတွန်း စောငို)



ဖြေရှင်းရမယ့် သတင်းထောက် သတ်မှု

ဒီတပတ် မြန်မာ့မျက်မှောက်ရေးရာ ဆွေးနွေးခန်းမှာ အလွတ်သတင်းထောက် ကိုပါကြီးကို စစ်တပ်က ပစ်ခတ် အသေဖမ်းဆီးလိုက်တယ်ဆိုတဲ့ကိစ္စဟာ မြန်မာနိုင်ငံ တရားဥပဒေစိုးမိုးရေးကိုသာမက သတင်းလွတ်လပ်ခွင့်ကိုပါ ဆိုးဆိုးဝါးဝါး ထိခိုက်သွားစေတယ်လို့ သုံးသပ်သူတွေက ဆိုကြပါတယ်။ မြန်မာနိုင်ငံ လူ့အခွင့်အရေးရှေ့နေ ဦးသိန်းသန်းဦး၊ မြန်မာ့နိုင်ငံရေး လှုပ်ရှားသူလည်းဖြစ် သတင်းသမားတဦးလည်းဖြစ်တဲ့ ဦးထက်အောင်ကျော်တို့နဲ့ ဦးကျော်ဇံသာက ဆွေးနွေးသုံးသပ်ထားပါတယ်။ 

ဦးကျော်ဇံသာ ။ ။ ပထမဦးဆုံး ကိုထက်အောင်ကျော်နဲ့ စပါရစေ။ ကိုထက်အောင်ကျော်တို့က တချိန်က ၈၈ တောခိုခဲ့တဲ့ ကျောင်းသား။ နောက်ပိုင်းမှာ သတင်းထောက်ဖြစ်လာခဲ့တယ်ဆိုတော့ မြန်မာနိုင်ငံ ဒီလိုအခြေအနေမျိုးမှာ အထူးသဖြင့် နယ်စပ်ဒေသမှာ activists နဲ့ နိုင်ငံရေးလှုပ်ရှားသူနဲ့ သတင်းသမားဆိုတာ ခွဲခြားရ၊ ပြတ်ပြတ်သားသား ရှိပါသလား။ 

ဦးထက်အောင်ကျော် ။ ။ အဲဒီလို ပြောဖို့တော့ ခက်မယ်ထင်တယ်။ ဥပမာ ကျနော်တို့ဆိုရင် ၈၈ မှာ ပါခဲ့တယ်။ ကိုပါကြီးလည်း ၈၈ မှာ ပါခဲ့တယ်။ သုံးရောင်ခြယ်အဖွဲ့မှာ ပါတယ်။ ဒေါ်အောင်ဆန်းစုကြည် လုံခြုံရေးမှာပါတယ်။ ဓာတ်ပုံတွေထဲမှာ တွေ့ရတယ်။ အခု အဖမ်းခံရတာ အသတ်ခံရတဲ့အချိန်မှာတော့ အလွတ်သတင်းထောက် ဖြစ်တယ်ပေါ့။ ကျနော်တို့လည်း လိုအပ်ချက်အရ ဗမာပြည်နိုင်ငံရေး၊ ဗမာပြည် သတင်းလောကရဲ့ လိုအပ်ချက်အရ ဒီမိုကရေစီနဲ့ လွတ်လပ်ခွင့်မှာ နိုင်ငံရေးအရ ပြောင်းလဲဖို့လုပ်သလို၊ သတင်းမီဒီယာကလည်း နိုင်ငံရေးမှာ ဒီမိုကရေစီနဲ့ လွတ်လပ်ခွင့်မှာ အရေးကြီးတဲ့အတွက် တာဝန်ဝင်ထမ်းကြတယ်လို့ မြင်တယ်။ ကျနော်တို့ activist journalist ဖြစ်လာခဲ့တယ်။ တခြားနိုင်ငံတွေမှာလည်း ရှိပါတယ်။ တော်လှန်ရေးရှိတဲ့ နိုင်ငံတွေမှာ။ 


Saturday, October 25, 2014

စနေသား တန်းစီးကြီးပြောတဲ့ “ဘာဆိုလားပဲ လူတန်းစား” (မင်းသိုက်)

အင်းစိန်ထောင်ကြီးထဲမှာ လူချစ်လူခင်များတဲ့ စနေသား တန်းစီးကြီးတစ်ယောက် ရှိခဲ့ဖူးတယ်။ သူပေးဆပ်စရာတွေ ပေးဆပ်ပြီးလွတ်လာတော့ သူ့ထောင်တွင်း အတွေ့အကြုံတွေ ဇာတ်လမ်းပေါင်းစုံတွေကို ညည လက်ဖက်ရည်ဆိုင်ထိုင် ပြန်ပြောပြတာ နားထောင်ခဲ့ရဖူးတယ်၊ ခုတော့ သူလည်း ဆုံးပါးသွားရှာပါပြီ။

သူ့အတွေ့အကြုံတွေထဲက “ဘာဆိုလားပဲ လူတန်းစား” ထောင်တွင်း အသိုင်းအဝိုင်းအကြောင်း အလွန် စိတ်ဝင်စားစရာကောင်းတယ်။ အ.က.စ လို့ခေါ်တဲ့ အကျဉ်းဦးစီးဌာနရဲ့ဝန်ထမ်းတွေ ဘဝမဖူလုံလို့ အကျဉ်းသားတွေဆီက တောင်းစားနေရတာတွေ၊ အကျဉ်းသားတချို့ကို ကိုးကွယ်ကြရတာတွေထဲကမှ ရွှေနားကွပ် အိန္ဒိယမိတ် ပိတ်ဖြူပုဆိုး ဝတ်၊ မြင်းခေါင်းတံဆိပ် စွပ်ကျယ်လက်စကနဲ့ ကတ္တီပါဖိနပ်စီး၊ စီးကရက်ဘူးကိုင် မီးခြစ်ခါးထိုး၊ ရေသန့်ဘူး တစ်သျှူးသုံးကြတဲ့ “ဘာဆိုလားပဲ ” လူတန်းစားရှိခဲ့လေသတဲ့။


ရှေ့တိုး လုပ်နေတာ... (ကာတွန်း Mr Burma)




Wednesday, September 24, 2014

သူတောင်းစားလောက (ဆောင်းလူ)

တခါ တခါ သူတောင်းစားတွေအကြောင်း တွေးမိတယ်ဗျ ...။ ဒီ သူတောင်းစားဆိုတာ ဘယ်လိုများရှိခဲ့လဲပေါ့ ...။ သူတို့လည်း မျိုးရိုးရှိမှာပဲ ...။ 

သူတောင်းစားတွေက သူ့တို့ ဝမ်းဝဖို့ ... အကိုကြီးရယ်တို့ သနားကြပါ ... အမကြီးတို့ရယ် သနားကြပါဆိုပြီး လူသနားအောင် ... ပတ်ချွဲ နှပ်ချွဲ လုပ်ရတာဗျ ...။ ဒါလည်း သူစားကောင်းအောင် သူ့ဝမ်းဝအောင်လုပ်ရတဲ့ လောကဗျ။ သွားမရှုပ်နဲ့ ...။ ဒါလည်း သူ့ရဲ့ တပ်အပ်တဲ့ပညာပေါ့ဗျာ ...။ လေးစားသမှုတော့ ပြုရမှာပေါ့ ...။ 

အဝတ်အစားဆိုလည်း ကြည့်ပါလား ...။ စုတ်ပြတ်သတ်နေအောင် ဆင်ရ ယင်ရတာဗျ။ သူ့ခန္ဓာမှာ ပြစရာ ဒဏ်ရာဒဏ်ချက်လေးရှိ ပိုကောင်းတာပေါ့ဗျာ ...။ ဒါမှလည်း ဟန်မူပိုပိုနဲ့ ပိုအသက်ဝင်တာပေါ့ ...။ 


Tuesday, September 23, 2014

ဖြူနှင်းထွေးပေး မေတ္တာစာ (မောင်လွမ်းဏီ)

မတ်တပ်ရပ်လို့ 
လမ်းမှာ မငိုခဲ့သလို 
မှောင်မိုက်မှာ မငို 
လက်ပံတောင်းတောင်ရိပ်မှာ 
ခိုခဲ့တဲ့ သမီးလေး 
တောင်ကြွေး တောကြွေး ဆပ်တယ်။ 

ဗကသ 
ရတနာပုံမိုးကောင်းကင် 
ခုတော့ ပို သစ်လွင် လင်းပ။ 


Monday, September 22, 2014

နရသိန်ထဲက စိတ်ဖြေသီချင်း (ခင်ငြိမ်းသစ်)

ထောင်(သို့မဟုတ်) နရသိန်ထဲမှာနေရတဲ့အချိန်မှာ ပျော်တဲ့လူဆိုတာ မရှိပါဘူး။ အားလုံးဟာ အထီးကျန်တဲ့ ဝေဒနာ၊ စိုးရိမ်ထိတ်လန့်မှုတွေ အပါအဝင် ခံစားချက်တော်တော်များများရှိကြပါတယ်။ ကျမ ထင်ပါတယ်၊ လူ့အခွင့်အရေး အပြည့်အဝပေးထားတဲ့ နော်ဝေနိုင်ငံက ထောင်တွေထဲမှာနေရရင်တောင် ပျော်ဖို့မလွယ်ပါဘူး။ ဒါပေမယ့် အကြောင်းကြောင်းကြောင့် ထောင်ကျခဲ့သူတွေကတော့ မပျော်ရင် ပျော်အောင်နေခဲ့ကြပါတယ်။ ကိုယ့်ရဲ့ အသက်ရှင်သန်မှုနေထိုင်လိုတဲ့ ဆန္ဒတွေကြောင့် ကိုယ့်ဘဝရဲ့ လက်ငင်းအခက်အခဲတွေကနေ ခဏလောက်ဖြစ်ဖြစ် ထွက်ပြေးလို့ရအောင်လို့ အလွယ်ကူဆုံးအဖြစ် စိတ်ဖြေသီချင်းတွေကို သီဆိုတတ်ကြပါတယ်။ 

ကျမတို့ ထောင်မကျခင် ၁၉၉၃ ခုနှစ်က ပထမအသုတ် ထောင်ကနေလွတ်လာတဲ့ နိုင်ငံရေးအကျဉ်းသားတွေက ၁၉၉၀ ခုနှစ်က ထောင်တွင်းတိုက်ပွဲတစ်ခုဖြစ်တော့ နိုင်ငံရေးအကျဉ်းသားတွေဘက်က တိုက်ပွဲကြေညာတဲ့အနေနဲ့ “ကမ္ဘာမကြေဘူး” သီချင်းကိုဆိုကြတဲ့အကြောင်း ပြောပြကြပါတယ်။ အာဏာပိုင်တွေဘက်ကလည်း ဒီတိုက်ပွဲကို နှိမ်နှင်းတဲ့အခါမှာ နိုင်ငံရေးအကျဉ်းသားတွေကို ပုံစံထိုင်ခိုင်းပြီး ရိုက်နှက်ညှဉ်းပမ်းပါတယ်။ ဒီလိုရိုက်တဲ့ နှက်တဲ့ အသံတွေ၊ အော်ဟစ်သံတွေ၊ ညည်းငြူသံတွေ အပြင်က မကြားရအောင်လို့ ထောင်ဘူးဝတွေမှာ “စာဥရေ၊ ငါ အရောက်ပြန်ခဲ့မှာ” ဆိုတဲ့ သီချင်းကို ဖွင့်ခဲ့ပါတယ်။ 


Friday, September 19, 2014

ရန်-ငါ မပြတ်တော့... (ကာတွန်း Mr Burma)


ထောင်ထဲမှာတွေ့ခဲ့ရသော ဆင်ဖမ်းမယ် ကျားဖမ်းမယ်ဆိုတဲ့ ဗိုလ်မှူး ဗိုလ်ချုပ်တွေ (ဇော်သက်ထွေး)

၂၀၀၈ ခုနှစ် နာဂစ်မုန်တိုင်းဒဏ်ကြောင့် လူတစ်သိန်းခွဲကျော်သေခဲ့ရတဲ့ ဧရာဝတီတိုင်းကို ကူညီကယ်ဆယ်ရေးတွေ ဆောင်ရွက်ခဲ့တဲ့အတွက် နာမည်ကျော် လူရွှင်တော် ကိုဇာဂနာကို ထောင်ဒဏ် ၅၉ နှစ် အပြစ်ပေးခဲ့သလို ကျွန်တော့်ကိုလည်း ထောင်ဒဏ် ၁၉ နှစ် အပြစ်ပေးခဲ့ပါတယ်။ ဒါပေမယ့် တတိယအကြိမ် ထောင်ထဲကို ပြန်ဝင်ရတော့ နယ်ပယ်အစုံကလူတွေနဲ့ ဆုံတွေ့ရတဲ့အတွက် တော်တော်ပျော်စရာ ကောင်းတယ်လို့ ဆိုရမယ်။

ထောင်ကျတယ်ဆိုတာ ပျော်စရာ မကောင်းပေမယ့် နိုင်ငံရေးနဲ့ သမိုင်းကို စိတ်ဝင်စားတဲ့သူဆိုရင်တော့ ထောင်ထဲမှာ လူစုံတွေ့ရလို့ တော်တော် တန်ဖိုးရှိပါတယ်။ ထောင်ထဲမှာရှိတဲ့ လူတွေကလည်း ရင်ထဲမှာရှိတဲ့ ခံစားချက်အတိုင်းပြောပြီဆိုတော့ အစစ်အမှန်လို့ ယူဆလို့ရပါတယ်။ ၁၉၉၀ ပထမအကြိမ် ထောင်ထဲကို ရောက်စဉ်က နဝတ အစိုးရကို မကျေနပ်တဲ့သူတွေ၊ ဘုန်းကြီးတွေနဲ့ ကျောင်းသားတွေပဲ အများစု ဆုံတွေ့ခဲ့ရပါတယ်။


Thursday, September 18, 2014

လှည့်နေတာလား၊ လည်နေတာလား... (ကာတွန်း ဝင်းထွန်း)


ထောင်ထဲတွင် ကတ္တီပါ ဖိနပ်မစီးရ (ဇော်သက်ထွေး)

“မင်းတို့ မြဲမြဲမှတ်ထားကြ... ဟောဒီ အကျဉ်းထောင်ကို ဗဟိုစံပြ အင်းစိန်ထောင်လို့ ခေါ်တယ်... ၆၈ ဧကကျယ်ပြီး အုတ်ရိုးက ပေ ၂၀ မြင့်တယ်။ အုတ်ရိုးနှစ်ထပ်ကာထားပြီး ညဘက်ဆိုရင် စစ်ခွေးတွေကို အုတ်ရိုးနှစ်ထပ်ကြားထဲ လွှတ်ထားတယ်... ဒီထောင်ဟာ အရှေ့တောင်အာရှမှာ အကြီးမားဆုံးနဲ့ အလုံခြုံဆုံးထောင်ပဲ... ဒီထောင်ကနေ ထွက်ပြေး လွတ်မြောက်သွားတဲ့ အကျဉ်းသားဆိုတာ ဘယ်တုန်းကမှ မရှိခဲ့ဘူး... ဒီတော့ မင်းတို့အားလုံး ထွက်ပြေးဖို့ မကြိုးစားပါနဲ့... မကြံစည်ပါနဲ့... အေးအေးဆေးဆေးနေကြ... ဒါပဲ”

ဤစကားသည် ကျွန်တော်တို့ ထောင်ထဲရောက်ရောက်ချင်း အင်းစိန်ထောင်ပိုင်ကြီးမှပြောသော သတိပေးစကား ဖြစ်ပါသည်။ သူပြောတာ မှန်ပါသည်။ အင်းစိန်ထောင်သည် အင်္ဂလိပ်အစိုးရလက်ထက်ကတည်းက စနစ်တကျ စီမံဆောက်လုပ်ထားပြီး နှစ်ပေါင်း ၁၀၀ နီးပါးသက်တမ်းရှိသည့် စံပြထောင်ကြီးဖြစ်ပါသည်။ ထောင်ကို နာရီဒိုင်ခွက် ပုံစံအတိုင်း တည်ဆောက်ထားပြီး အလယ်တည့်တည့်တွင် ကင်းမျှော်စင်ကြီး ရှိပါသည်။ အုတ်ရိုးပေါ်တွင်လည်း ကင်းမျှော်စင်များ တည်ဆောက်ထားပြီး ၂၄ နာရီအပြည့် ကင်းအမြဲ ချထားပါသည်။ လုံခြုံရေး အစီအမံတွေက ထူထပ် သိပ်သည်းသည်။


Wednesday, September 17, 2014

စည်းရုံးရေး... (ကာတွန်း Mr Burma)


အကျဉ်းသားတွေကို ဖိနှိပ်ရာမှာ ကင်ပေတိုင်က အဘခေါ်ရတဲ့ ထောင်ပိုင်ကြီး ဘယ်ရောက်နေသလဲ (ဇော်သက်ထွေး)

ကျွန်တော့်ဘဝတစ်လျှောက် ထောင်ထဲမှာ ၁၁ နှစ်နေထိုင်ခဲ့ပြီး ထောင် ၃ ထောင်မှာနေထိုင်ခဲ့ရပေမယ့် အရမ်းဆိုးဝါးတဲ့ ထောင်ပိုင်နဲ့တော့ မကြုံခဲ့ရပါဘူး။ ဒါပေမယ့် ကျွန်တော့်သူငယ်ချင်းတွေ တစ်သက်လုံးမမေ့နိုင်အောင် အကျဉ်းသားတွေအပေါ်မှာ ရက်ရက်စက်စက်ဖိနှိပ်ခဲ့တဲ့ ထောင်ပိုင်ကြီးတစ်ဦးကတော့ မြန်မာနိုင်ငံရဲ့သမိုင်းမှာ အမှန်တကယ် ရှိနေခဲ့ပါတယ်။ 

အဲဒီထောင်ပိုင်ကြီးက “ရဲဘက်အကျဉ်းသားတစ်ယောက်ရဲ့တန်ဖိုးဟာ လျှောက်လွှာစက္ကူ နှစ်ရွက်စာပဲရှိတယ်”လို့ မကြာခဏ ထုတ်ဖော်ပြောကြားလေ့ရှိပါတယ်။ သူတာဝန်ယူတဲ့ ထောင်တိုင်းမှာ သူ့ရဲ့ကြွေးကြော်သံက “ထောင်ထဲမှာ ဝဖြိုးသောအကျဉ်းသား မရှိစေရ”လို့ ဆိုပါတယ်။ ဒီထောင်ပိုင်ဟာ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ နိုင်ငံတော်အာဏာကိုယူပြီးချိန်မှာ တပ်မတော်ကနေ ဗိုလ်ကြီးအဆင့်နဲ့ ရာထူးတစ်ဆင့်တိုးပြီး အကျဉ်းဦးစီးဌာနကို ပြောင်းရွှေ့လာပါတယ်။ သူ့ကို မြန်မာနဲ့ အိန္ဒိယနယ်စပ်ဒေသမှာရှိတဲ့ ကဘော်ချိုင့်ဝှမ်းက ရဲဘက်အကျဉ်းစခန်းကို အုပ်ချုပ်ဖို့ စတင်တာဝန်ပေးခဲ့ပါတယ်။ ဒီရဲဘက်စခန်းမှာ အကျဉ်းသားတွေကို လူမဆန်အောင် နှိပ်ကွပ်ခိုင်းစေခဲ့တဲ့အတွက် ပြည်ထဲရေးဝန်ကြီးက သဘောကျပြီး ထောင်ပိုင်ကြီးအဆင့် ရာထူးကိုတိုးပေးပြီး သရက်ထောင်ကို အပိုင်စားစေခဲ့ပါတယ်။ 


Tuesday, September 16, 2014

ငြိမ်းချမ်းရေး... (ကာတွန်း Mr Burma)


ပျောက်ဆုံးနေတဲ့ ရတနာ (ကိုညို)

“ဖေဖေ... ဂိုဒေါင်ထဲက သမီးစက်ဘီးလေး မရှိတော့ဘူး” 

အလုပ်ကအလာ အိမ်တံခါးဝအရောက် ဆီးပြောလိုက်တဲ့ သမီးစကားကြောင့် အမောဆို့သွားတယ်။ လွန်ခဲ့တဲ့ ၂ ရက်ကပဲ မိသားစု စက်ဘီးစီးထွက်ကြသေးတယ်။ အပြန် သမီးဘီးကို သော့ခတ်မခတ် သတိမထားမိခဲ့။ အခုတော့ ကိုယ့်သတိလက်လွတ်မှုကြောင့် သမီးရဲ့မွေးနေ့လက်ဆောင် စက်ဘီးအသစ်လေး ပါသွားပြီ။ 

အပတ်မင့်တိုက်ခန်းတွေရဲ့ အများသုံးစတိုခန်းဂိုဒေါင်လေးမှာ အိမ်တိုင်းနီးပါးက မိမိအကန့်နဲ့မိမိ စက်ဘီးတွေ တန်းစီ သိမ်းဆည်းလေ့ရှိတယ်။ ဆောင်းတတွင်းလုံး ဘီးမစီးနိုင်လို့ သော့ခတ်သိမ်းခဲ့ပေမယ့် နွေဦးပေါက်လာရင် လူတိုင်း ကိုယ့်စက်ဘီးတွေ ပွတ်တိုက်မွန်းမံပြီး ပြန်အသုံးပြုလာတယ်။ 


Saturday, August 23, 2014

ဒေါင်းနီ (သို့မဟုတ်) သံလွင်ကမ်းက ပဉ္စလက် တော်လှန်ကဗျာမှော်ပန်းချီ (သုအိုင်စံ)

၁၉၈၈ စက်တင်ဘာ ၁၈ မှာ စစ်တပ်အာဏာသိမ်းပြီးမှ တပြည်လုံးက ကျောင်းသားတွေဟာ အသုတ်လိုက် အသုတ်လိုက် အလျှိုလျှို ချိတ်ဆက်ပြီး တောခိုတော့တာပဲ။ အဲဒီမတိုင်ခင်တည်းက ကြိုတွက်ပြီး ကြိုထွက်သွားကြနှင့်သူတွေလည်း အတော်များပါတယ်။ ကျနော်တို့ ကရင်သူပုန်နယ် ဖာပွန်ခရိုင်မှာတော့ ၁၉၈၈ အောက်တိုဘာ တတိယပတ်နဲ့ နောက်ဆုံးပတ်အတွင်းမှာ တပတ်ကျော်ကျော် တောင်တန်းတွေကို ကျော်တက် လျှောက်ဖြတ်ခဲ့ရတဲ့ KNU တပ်မဟာ ၁ နယ်မြေကတဆင့် သထုံ၊ ဘီးလင်း၊ ကျိုက်ထို၊ ပဲခူး၊ ရန်ကုန်၊ ပုသိမ် စတဲ့ အနယ်နယ်က တောခိုလာတဲ့ ကျောင်းသားပေါင်းစုံ လူတန်းစားအသီးသီးဟာ မာနယ်ပလောနဲ့ စက်လှေ တနာရီလောက်မောင်းရတဲ့ သံလွင်မြစ်ကမ်းပေါ်က မယ်လဲထ ဆိုတဲ့ နွားမှောင်ခိုဂိတ်လေးမှာ လာစုဆုံရောက်ကြတယ်။ 

၂၅ ဧကလောက်ပဲကျယ်တဲ့ ဒီမှောင်ခိုဈေးတန်းရွာလေးမှာ တောခိုကျောင်းသား ၂၀၀၀ ကျော်လောက်ဟာ ပြည့်ကြပ်နေတာပေါ့။ အဲဒီတော့ နယ်မြေခံ KNU လူကြီးတွေက သံလွင်မြစ်တလျှောက်မှာ Camp 1၊ Camp 2၊ Camp 3 ဆိုပြီး စခန်း ၃ ခု ခွဲပို့ နေရာချလိုက်တယ်။ Camp 1 က သံလွင်မြစ်ကြီး ဒေါင်လိုက်စီးနေတဲ့ မသာတံခါး လို့ခေါ်တဲ့နေရာအနားမှာ... နယ်မြေ အကြမ်းဆုံးပဲ။ Camp 3 က သေ့လောထ သစ်စက်နားမှာ။ Camp 2 က မယ်ပေါမူထ သစ်စက်နားမှာ။ 

အဲဒီအချိန်မှာ ကျောင်းသားတွေ ငှက်ဖျားဖြစ်ပြီး စ သေနေပြီ၊ စစ်သင်တန်းတွေလည်း စ တက်နေပြီ၊ ဖောက်ခွဲရေးသင်တန်းတွေ တဝုန်းဝုန်းနဲ့ ပေးနေပြီ... ဆိုးတာက နယ်မြေ ကြမ်း၊ အစား ရှား၊ သင်တန်းက ကြမ်းတာပဲ... ကျောင်းသားတချို့ စတင် အိမ်ပြန်နေကြပြီ... အိမ်ပြန်မရောက်ဘဲ လမ်းတဝက်မှာပဲ ပျောက် ပျောက်သွားကြပြီ (ကျနော် နာမည်တွေမှတ်မိနေတဲ့ ရှေ့နေနဲ့ DENTAL ကျောင်းသား ၂၁ ယောက်အုပ်စု လုံးဝ အိမ်ပြန်မရောက်ခဲ့ဘူး၊ ဒီအကြောင်းတွေကို... နောက်မှ ရာဇဝင်ကြွေး ရှင်းမယ်ဗျာ... ပြန်ပြောရင် ပြန်တွေးရင် ရင်မှာ သိပ် ဒေါသတင်းတယ်... ရင်နာတယ်... 


Friday, August 22, 2014

Last Fightting Field (Down Ni)

I have come to the last war, to fight, to win.
I desire to win the war within.
I wore a bright toga (long coat).
My religion and five percepts like flowing soda.
My hair flowing in unison with the wind and it's bright.


Thursday, August 21, 2014

သူငယ်ချင်း ရဲဘော်ဒေါင်းနီ (မင်းကျော်ခိုင်)

သူငယ်ချင်း ရဲဘော်ဒေါင်းနီအတွက် အမှတ်တရပါ...  
(မင်းကျော်ခိုင်)

 

Thursday, August 14, 2014

ချစ်ခြင်းအားဖြင့် ရေးတဲ့ အရေးကြီးပြီ အလွမ်းစာ (ကျော်ကျော်ငြိမ်းချမ်း)

“ဖထီး... ဖထီးမှာ သူ့လိုမျိုး သမီးလှလှလေးတယောက်လောက် မရှိတော့ဘူးလားဗျ...” 

“ရှိရင် ကျနော်နဲ့ ပေးစားဗျာ... ဒါဆို ကျနော် ဒီမှာပဲနေတော့မယ်... မပြန်တော့ဘူး...” တဲ့ ... ...။ 

အဲ ... ကိုငှက်ကြီးကတော့ လုပ်ချလိုက်ပြန်ပြီ...။ 

အချိန်က ၁၉၈၈ ခုနှစ် ဒီဇင်ဘာလ ၂၂ ရက်... မနက်လင်းအားကြီး ၂ နာရီလောက်...။ နေရာက ထိုင်း-မြန်မာနယ်စပ် သောင်ရင်းမြစ်ကမ်းဘေးက မယ်လလို့ခေါ်တဲ့ ထိုင်းကရင်ရွာလေးထဲမှာရှိတဲ့ KNU-KNLA က ဗိုလ်ချုပ်မောင်မောင်ရဲ့ နေအိမ်...။ [ယခု မယ်လ ဒုက္ခသည်စခန်း (ဘဲကလော် ဒုက္ခသည် စခန်း) မဟုတ်ပါ... မယ်လရွာက ဒုက္ခသည်စခန်းကနေ ၁၀ ကီလိုလောက်ဆက်သွားမှ ရောက်ပါသည်... ၎င်းရွာကိုအစွဲပြု၍ ဒုက္ခသည်စခန်းကို မယ်လ ဟုခေါ်ခြင်းဖြစ်ပါသည်...။ ဒုက္ခသည်စခန်းနေရာတွင် ယခင်က ဝါဂွမ်းစိုက်သဖြင့် ကရင်ဘာသာဖြင့် ဘဲကလော် (ဝါဂွမ်းခြံ) ဟုလည်း ခေါ်ပါသည်] 


သန့်ရှင်းတဲ့အစိုးရ ဖြစ်အောင် ... (ကာတွန်း Mr Burma)




Tuesday, August 12, 2014

မရှိတာထက် မသိတာခက် (ကိုညို)

လှေပျက်ကြီး ဘယ်နိုင်ငံသားပဲဖြစ်ဖြစ် နော်ဝေးနိုင်ငံမှာ ပြောင်းရွှေ့အခြေချနေထိုင်မယ်ဆိုရင် ၂ နှစ်အတွင်း နော်ဝေးဘာသာစကားနဲ့ နော်ဝေးလူနေမှုဘဝ၊ သမိုင်း၊ နိုင်ငံရေးနောက်ခံတွေကို မသင်မနေရ လေ့လာသင်ကြားရပါတယ်။ ဒါကို နော်ဝေးတွေက Introduction Program နော်ဝေးနိုင်ငံအကြောင်း အခြေခံသိကောင်းစရာအစီအစဉ် လို့ ဆိုပါတယ်။ ၂၀၀၈ ခုနှစ် ဆောင်းဦးပေါက်မှာ ကျနော်လည်း အဆိုပါ အင်ထရိုပရိုဂရမ်ကို သင်ကြားလေ့လာပါတယ်။ 

နော်ဝေးစကား၊ နော်ဝေးစာ၊ နော်ဝေးသီချင်း၊ လူမှုရေး၊ ယဉ်ကျေးမှု အနုပညာတွေကို ပြတိုက်တွေ၊ ပြခန်းတွေ လက်တွေ့ကြည့်ရှု့လေ့လာရတဲ့ အစီအစဉ်တွေလည်း ပါပါတယ်။ တရက်မှာ ကျနော်တို့ကို သင်တန်းဆရာက အော်စလို ပင်လယ်ကမ်းမြောင်ကို မေးတင်နေတဲ့ ဗစ်ဒွိုင်း Bygdøy အရပ်ကို သွားလေ့လာပါတယ်။