Thursday, August 27, 2009

အနှစ် ၄ဝ ပြက္ခဒိန်

အောင်ဘညို


ငါ့ခေတ်ကို ဖွဲ့နွဲ့ဖို့

ငါ သူရဲကောင်းဆန်ချင်ပါဘိ။


အမှန်တရား

ဘယ်နှစ်ကျပ်သား

အမှားခါးခါး ဘယ်နှစ်ပိသာ

ဒီလိုချိန်ဆဖို့

ငါ့ကိုယ်ငါ

ဘယ်လောက်တောင့်ခံနိုင်မလဲ။


မနက်ခင်းတိုင်း

ကိုယ်လက်ကို သန့်စင်

ပြီးရင်

ကိုယ်လုံးပေါ် မှန်ရှေ့မှာရပ်

မိမိကိုယ်ပြန်ရှက်ဖို့

ရဲရင့်စွာ တံခါးဖွင့်ထားရဲလား။


ချောတိုင်တက်ပွဲမှ

သံဝေဂ ယပ်တောင်

သင့် ပူလောင်မှုများ

ချုပ်ငြိမ်းပါစ။


ငါ့ကောင်းကင်မှ

ကောက်ကျစ်တောက်ပသော နှစ်များ

အချစ်ဖြင့် လောင်ကျွမ်းခဲ့

နှစ်ပေါင်း ၄ဝ။


အောင်ဘညို

(ရနံ့သစ် မဂ္ဂဇင်း၊ အမှတ် ၅၈၊ ဧပြီလ၊ ၁၉၉၈ ခုနှစ် )


အများညီရင် ... (ကာတွန်း စောငို)


စစ်အုပ်စု သက်တမ်းရှည်နေသရွေ့(၂၄)


ကျနော်တို့ရဲဘော်တွေနဲ့ သစ္စာဖောက် ၃ ဦးတို့ ထိပ်တိုက်ရင်ဆိုင်ပြီးတဲ့နောက် (လွတ်တဲ့သူ လွတ်ကုန်ကြတဲ့ အထိ) သူတို့ကိုခေါ်မတွေ့လို့ ရဲနီတွေ ပူစပ်ပူလောင် ဖြစ်လာကြပါတယ်။ ထောင်မှူး ကျော်မင်းကတဆင့် “ရဲဘော်မြ၊ ကိုဘခက်တို့နဲ့ တွေ့ပါရစေ” လို့ တင်ပြကြပါတယ်။
အကြောင်းပြန်ကြားချက်ကတော့ “ခင်ဗျားတို့နဲ့ ကျနော်တို့ ဘာပြဿနာမှ မရှိတော့ဘူး၊ မကြာခင် လွှတ်ပေးတော့မှာပါ” တဲ့။
“မဟုတ်ပါဘူး၊ ကျနော်တို့အနေနဲ့ တခြားတင်ပြဆွေးနွေးစရာတွေလည်းရှိလို့ ခဏစီဖြစ်ဖြစ် တွေ့ချင်ပါတယ်” လို့ ထပ်ဆင့် တင်ပြကြပြန်တယ်။
ဒါကြောင့် ရဲနီအားလုံး အဆောင်ထဲကသာမက တိုက်ထဲက ရဲနီတွေပါတပေါင်းတည်း ခေါ်တွေ့ပါတယ်။ ၂ဝ ကျော်လောက် ရှိပါမယ်။ ဒါပေမယ့် ကျနော်တို့အခန်းထဲက ရဲနီကြီးတယောက် ပါမသွားပါ။ တနာရီလောက်ကြာမှ တခေါက် ပြန်ခေါ် ပါတယ်။
ဖြစ်ပုံက ချန်ထားတဲ့ကိစ္စ သူတို့က မေးမြန်းတောင်းဆိုတော့ ဘခက်က “ --- ရဲ့ ညီကို ပြောတာ မဟုတ်လား၊ ဒီကောင်က ဘဝင်မြင့်နေတာ၊ ကျနော်တို့ကို ခွေးလို့ပြောသွားတဲ့ကောင်ပဲ၊ တွေ့ပြီးပြီ” လို့ပြောမှ နာမည်တူ တနယ်ထဲသားချင်းပါ လို့ ရှင်းပြရကြောင်း၊ ရဲနီကြီး ဦးအောင်ရက ပြန်ပြောပြပါတယ်။
သူတို့က အခွင့်အရေးတွေ တောင်းဆိုခဲ့ကြောင်း၊ စာနယ်ဇင်းမဖတ်ရလို့ ကမ္ဘာကြီး ဘာဖြစ်နေတယ်ဆိုတာ မသိရကြောင်း၊ အသစ်တက်လာတဲ့ ကုလသမဂ္ဂအတွင်းရေးမှူးသစ် ပဲရစ်ဒီကွေးလျား ဘယ်နိုင်ငံသားမှန်းမသိ ဖြစ်ရကြောင်း၊ ဒါကြောင့် စာဖတ်ခွင့်ပြုဖို့ တောင်းဆိုခဲ့ကြောင်း မိတ်ဆက်ပေးပါတယ်။
ဘခက်တို့ဘက်က “ခင်ဗျားတို့ ဆရာကြီး သခင်စိုး အင်းစိန်ထောင်ထဲမှာပဲ အေးအေးဆေးဆေး စာဖတ် ကျမ်းပြု နေကြောင်း သီးသန့် အိမ်ကလေးတလုံးနဲ့ သီးခြားထားတာဖြစ်ကြောင်း၊ ကိုယ့်အိမ် တံခါးကိုယ့်စိတ်ကြိုက် ဖွင့်ချင်ဖွင့် ပိတ်ချင်ပိတ်လို့ရကြောင်း၊ ဒါ့အပြင် ဆရာကြီးက ကျန်းမာရေးအတွက် အလေးမ လေ့ကျင့်ခန်းတွေ လုပ်နေကြောင်း၊ ထောင်ထဲမှာပဲ မခင်စုနဲ့ နောက်ထပ် ကလေးတယောက် ရနေပြီဖြစ်ကြောင်း” … စသည်များလည်း ပါ,ပါတယ်။
“ခင်ဗျားတို့ စိတ်ချလက်ချသာနေ လွှတ်ပေးဖို့ စီစဉ်နေပါတယ်” လို့ ကတိပေးလိုက်ကြောင်းလည်း … ရှင်းပြပါတယ်။
ပြောတဲ့အတိုင်းပါပဲ၊ ၃ လလောက်ရှိတော့ ရဲနီတွေအားလုံး လွတ်သွားကြပါတယ်။
အဆောင်မှာ ကျွန်းပြန်ဆိုလို့ ကျွန်တော်တို့ ၇ ယောက်ပဲ ကျန်ပါတော့တယ်။ တိုက်ထဲမှာတော့ ၄-၅-၆ ယောက် ကျန်နိုင်သေးတယ်။ ကျနော်တို့ကို လက်ကျန်တွေနဲ့ မရောဘဲ ထားပါတယ်။ မကြာခင် အထက်အခန်းမှ ကျောင်းသား ရဲဘော်တွေနဲ့ အဆက်အသွယ် ရလာပါတယ်။
သူတို့ပွဲတောင်းချက်အရ ညနေမှာ ပြည်သူ့အသံက သီချင်းတွေ၊ တခြား တော်လှန်ရေးသီချင်းတွေ ကျွန်းအာဇာနည် ရဲဘော် ၈ ဦး (ပေါင်း ၉ ပုဒ်) သီချင်းတွေကို ကျနော်က ဆိုပြရပါတယ်။ ဝါဒါတွေ ဂျူတီချိန်းချိန် တနေ့ တပုဒ်, နှစ်ပုဒ် လောက်ပဲ ဆိုပြခွင့်ရတာပါ။
အဆောင်နံပတ် ၄ နဲ့ကပ်လျက်ရှိတဲ့ အဆောင်နံပတ် ၅ မှာလည်း အကျဉ်းသားများ ပြည့်နေပါတယ်။ ၄ ဆောင် အပေါ်ထပ် ကျွန်းပြန်ရဲဘော်တွေနဲ့ ၅ ဆောင်အပေါ်ထပ်ရှိ ရွှေရတု လှုပ်ရှားမှုမှ ထိန်းသိမ်းခံကျောင်းသားများ ဆက်သွယ်မိခဲ့ကြပြီး ဖြစ်တယ်။
ညအချိန် အဆောင် ၄ အပေါ်ထပ် ကျွန်းပြန်တွေမှ ဆေးလိပ်မီး ဝှေ့ယမ်းအချက်ပြမှုကို ၅ ဆောင်က ကျောင်းသားများ ဖတ်လို့ရသွားရာက သတင်း အပြန်အလှန် ပို့နိုင်ခဲ့ကြတာဖြစ်တယ်။
နောက် ကျနော်တို့ ၇ ယောက်ကို လူရှင်းထားတဲ့ ၅ ဆောင်အောက်ထပ်ကို ရွှေ့ပေးရာက ရွှေရတု ကျောင်းသားတွေနဲ့ အထက်အောက် တိုက်ရိုက်ဆက်သွယ်မှု ရခဲ့တာပါ။
အထက်က တက်တက်ကြွကြွ ဆက်သွယ်ရေးလုပ်ပေးနေသူ နှစ်ဦးကတော့ ကျောင်းသားတွေပဲ ဖြစ်ကြတဲ့ ကိုခင်မောင်ဝင်း နဲ့ ကိုမောင်မောင်ပါ။ တယောက်က ပုပု၊ တယောက်က ရှည်ရှည် အိုင်တီ အစ် (it) အတွဲပါ။
တခါတော့ အရှေ့မြောက်စစ်ဒေသ တိုက်ပွဲတခုကမိလာတဲ့ ရဲဘော်လေးတယောက်အကြောင်း သိကြရတယ်။
“ယူနီဖောင်းကြီးနဲ့မိလာတာ၊ အဲဒီ ယူနီဖောင်း ခုအထိ သူ့ဆီမှာရှိဆဲ”… လို့ အပေါ်ထပ်က စာတစောင်ကျလာတယ်။ ကျနော်တို့ ရဲဘော်အားလုံးရဲ့မျက်လုံးတွေ တောက်ပြောင်သွားကြတယ်။
“ကြည့်ချင်လိုက်တာ” … လို့ တသံတည်း ထွက်လာကြတယ်။ “ကြံစမ်းပါဦး”… လို့လည်း တောင်းဆိုလာကြတယ်။
နောက်တနေ့ညနေ ဝါဒါတွေရှင်းခါစ သီချင်းဆိုပြပြီးတာနဲ့ ကြမ်းခင်းပျဉ်ကို ဖောက်ထားတဲ့ အပေါက်ကနေ ကုန်းကြည့်နေတဲ့ အပေါ်ထပ်က ရဲဘော်ကို သမံတလင်းပေါ်မှာ လက်နဲ့ စာရေးပြလိုက်တယ်။
“နက်ဖန် ရေချိုးဆင်းရင် ကိုတင်ဝင်း (အရှေ့မြောက်)ကို P.A ယူနီဖောင်းဝတ်ပြီး ဆင်းခဲ့ပါ”… လို့။
စဉ်းစားသာ ကြည့်ကြပါတော့၊ အားလုံးရဲ့ခံစားချက်မှာ စိတ်တုန်လှုပ်တာက တဖက်၊ ကြည်နူးရတာက တဖက် ဆင်းလာတုန်း ယူနီဖောင်းကြီး ဆွဲချွတ်ပစ်လိုက်မလား? ယူနီဖောင်းကြီးနဲ့ပဲ တိုက်ထဲ ပို့လိုက်မလား?
သို့သော် ဘာမှမဖြစ်၊ ချပ်ချပ်ရပ်ရပ်နဲ့ စမတ်ကျကျ ဝတ်ဆင်းလာတဲ့ ရဲဘော်ဟာ (ရေမချိုးမီ) ရေကန်ပတ်ပြီး လမ်းလျှောက်လိုက်၊ ကျန်းမာရေးလေ့ကျင်းခန်း လုပ်ပြလိုက်နဲ့ ကျက်သရေရှိလိုက်ပါဘိ။ ခုတင်ပေါ်မှာ အိပ်သလိုလိုနဲ့ကြည့်သူ လမ်းလျှောက်ရင်း ကြည့်သူ ကွယ်ကြည့်သူတွေ အားလုံး ပီတိပြုံး ကိုယ်စီနဲ့ပေါ့။
အသေးစိတ်ကအစ စိတ်ထဲမှတ်တေးထားကြပြီး သူတို့ ပြန်ထွက်သွားတာနဲ့ စားမြုံ့ပြန်ကြတော့တယ်။ အင်္ကျီကျယ်သီး ဘယ်နှစ်လုံး၊ အရောင်က ဘာ၊ ယူနီဖောင်းအသားက ဘာ အစ၊ အရောင်က ဘယ်တပ်နဲ့ နီးစပ်တယ်၊ ချုပ်ပုံက ဘယ်လို … စသည် မြိန်ရေရှက်ရေ ပြောမိကြတယ်။ ဒါနဲ့ မပြီး။ ညနေရောက်တော့ တခါ စာရေးပြလိုက်တယ်။
“ယူနီဖောင်းက ကြယ်သီးတလုံး လိုချင်တယ်။ ချပေးလိုက်ပါ”
ဆက်လက်ဖော်ပြပါမယ်။

Sunday, August 23, 2009

မျက်ရည်သစ်ပင်


မည်သူ့ကိုမှ ကျနော် အပြစ်မတင်။ လူကြီးတွေက လူငယ်များကို နားလည်မှုမပေးနိုင်သော ခေတ်နှောင်းပိုင်းထဲမှ နောက်ဆုံးလူသားနှစ်ဦးဟု ကျနော်နှင့် သူမ အမည်ကို ရေးသွင်းလိုက်မိတော့၏။


မျက်ရည်တစ

သည်လမ်းမမှာ

ကြွေကျ ကျန်ရစ်

သစ်ပင်ဖြစ်နေ …


ကျနော့်ဘဝထဲ၌ အဆုံးမသတ်နိုင်သော ကဗျာပေါင်းများစွာ ရှိသည်။ ထိုအထဲ အထက်ပါ ကဗျာတပိုဒ်လည်း အပါအဝင်…။


ပြောရဦးမည်။


ကဗျာကိုသာ အဆုံးမသတ်နိုင်သည် မဟုတ်။ ကဗျာနှင့် ပတ်သက်သော ကျနော့်ဇာတ်လမ်းကလည်း မလှမပနှင့် နိဋ္ဌိတံခဲ့ရပေသည်။


ရိုးမတောင်ခြေ ကျေးလတ်၊ မြေနီလမ်းနှင့် ကျနော်၏ အချစ်ဦးရက်စွဲများ …။


လက်ရှိကာလမှ လွန်ခဲ့သည့် ၁၅ နှစ်ကျော်ကို လှမ်းမျှော်ကြည့်လျှင် ရင့်အိုနေပြီဖြစ်သောအတိတ်ဟု ဆိုရပေတော့မည်။ သို့ပေမင့် ထိုအတိတ်ထဲသို့ ပြန်လည်ဝင်ရောက်မိသောအခါ အရာရာတိုင်းက စိမ်းမြနေပြန်၏။


ထိုစဉ်က …


ရိုးမတောင်ကျေးလက်နှင့် မလိုက်ဖက်သောအိပ်မက်တွေ ကျနော့်ရင်ထဲတွင် မဆန့်မပြဲ ရှိနေသည်။


သူမကတော့ …


ကျေးလက်ဖန်ပေါင်းချောင်ထဲတွင် ကျနော့်ကို မွေးမြူထားချင်သည့်သဘော။ သို့မဟုတ်လျှင်လည်း သူမ မျှော်မှန်းထား သော အနာဂတ်စိတ်ကူးထဲတွင် ကျနော် အပါအဝင် မည်သည့်အရာကိုမှ အဆုံးရှုံးမခံနိုင်သည့်သဘော ဖြစ်လိမ့်မည်။


နောက်ဆုံးတော့ …


လူ့ကျင့်ဝတ်နှင့် ဘာသာတရားတို့ကလွဲလျှင် အခြားအရာတွေကို ထိမ်းသိမ်းမထားချင်သော ရှေးရိုးစွဲမဆန်သော ကျနော်နှင့်ဘဝကို သမရိုးကျတွက်ထားသော သူမတို့၏ လှပသော တွေ့ဆုံဆွေးနွေးပွဲက နားလည်မှုများဖြင့် အဆုံးသတ်လိုက်နိုင်သည်။


မှတ်မှတ်ရရ … ထိုနေ့က မိုးတွေ ရွာမနေပါ။


သို့ပေမင့် နှုတ်ဆက်စကားတွေ အပြန်အလှန်ပြောကြရင်း သူမ မျက်ဝန်းထဲက တိမ်ညိုညိုတွေ ပြိုကျလာသည်။ ကျနော့် ကျန်းမာရေး၊ အနေအထိုင်၊ လူမှုဆက်ဆံရေးနှင့် ကျနော်တို့၏ ခိုင်မြဲမှုသက်တမ်းကို စိမ်းလန်းနေအောင်ကြိုးစားဖို့ … စသည့် အမှာစကားတွေကိုချွေရင်း သူမ ပါးပြင်ပေါ်မှ မျက်ရည်စတွေသည် တဖျတ်ဖျတ် တောက်ပနေတော့၏။


မျက်ရည်တစက ပါးပြင်ပေါ်မှခုန်ချသွားသောအခါ နှစ်ဦးလုံး ပြိုင်တူငုံ့ကြည်မိသည်။ မော့ကြည့်ဖြစ်ကြတော့လည်း ပြိုင်တူ။ ကျနော်ကတော့ ‘မငိုဖူးသေးတဲ့ မျက်လုံးများဟာ ဘယ်နည်းနဲ့မှ လုံးဝမလှနိုင်’ ဟူသော စကားပုံကို ရင်ခုန်နေမိပြန်သည်။ သလိုနှင့် ပြန်ဆုံကြရမည့်အချိန်တခုကိုတွေးရင်း နှစ်ဦးသား စကားတိတ်နေကြ၏။


တကယ်တော့ …


သူမ၏ မျက်ရည်များသည် ကျနော့် ဘဝအတွက် နောက်ဆုံးရွာသွန်းသော မိုးရည်စက်များဟု ထိုစဉ်က မသိခဲ့သလို သူမသည်လည်း မတွေးထင်ထားခဲ့။


စာပေအနုပညာ အိပ်မက်များဖြင့် အနာဂတ်ကို အလျားလိုက်ကူးခပ်ရသော ကျနော်၏မြို့ပြဖြစ်တည်မှုတွေက ကြမ်းလှသည်။ တဖန် လွတ်လပ်ပွင့်လင်းမှု တောင်းဆိုသံတေးသစ်က ၁၉၈၈ ခုနှစ်တွင် တနိုင်ငံလုံးအတိုင်းအတာနှင့် သမိုင်းစာမျက်နှာသစ်ကို ဆွဲဖွင့်ပစ်လိုက်သေး၏။


ထို့နောက် ယဉ်ကျေးမှုသစ်တွေနှင့် ထိတွေ့ပျော်ဝင်နေရာမှ ကျေးလက်သို့ ပြန်လာနိုင်ခဲ့ပေပြီ။ သမိုင်းဆိုင်ရာ အနာဂတ် တောင်းဆိုမှုလှိုင်းတွေက ကျနော့် ကျေးလက်သို့လည်း အထိုက်အလျောက် ရိုက်ခတ်ခဲ့ပြီမို့ အရာရာပြောင်းလဲနေ၏။


ထို အရာရာထဲတွင် သူမလည်း ပါဝင်သွားခဲ့ပေပြီ။


“အဖေ့ကို မလွန်ဆန်ရဲဘူး … ” ဆိုသော စကားလုံးသည်သာ ကျနော့်အတွက် သူမ၏ နောက်ဆုံးလက်ဆောင်ဖြစ်ပြီး ယခုတော့ ဟောင်းမြင်းလှသည့် ကျေးလက်စာအုပ်ထဲတွင် သေဆုံးသွားလောက်ပေပြီ။ မည်သူ့ကိုမှ ကျနော် အပြစ်မတင်။ လူကြီးတွေက လူငယ်များကို နားလည်မှုမပေးနိုင်သော ခေတ်နှောင်းပိုင်းထဲမှ နောက်ဆုံးလူသားနှစ်ဦးဟု ကျနော်နှင့် သူမ အမည်ကို ရေးသွင်းလိုက်မိတော့၏။


ကျေးလက်မှ ပြန်လည် မထွက်ခွာမီ တရက်။


လေးတွဲ့ရွေ့လျားနေသော တိမ်တွေနောက် တကောက်ကောက်လိုက်ရင်း သူမနှင့် နောက်ဆုံးဆုံတွေ့ခဲ့ရာ မြေနီလမ်းမပေါ် ပြန်ရောက်ခဲ့မိသည်။


ယခုတော့ … မြေနီလမ်း မဟုတ်တော့။ ဂဝံကျောက်တို့ ထူထပ်သော လမ်းမ ဖြစ်နေပြီ။ ထို့အတူ သူမပါးပြင်ပေါ်မှ မျက်ရည်တစ ခုန်ချခဲ့ရာနေရာတွင်လည်း သစ်ပင်တပင် ပေါက်နေပေ၏။


မျက်ရည်တစ

သည်လမ်းမမှာ

ကြွေကျ ကျန်ရစ်

သစ်ပင်ဖြစ်နေ ...


အော် … ခုထိ ကျနော် အဆုံးမသတ်နိုင်သေးသော ကဗျာတပိုဒ်က သူ့ဘာသာသူ ကာရန်နှင့် စကားလုံးတွေ လိုက်ရှာနေပြီလား မသိ။


ရေစီးသံ ဂျာနယ် (ဇွန်လ ၁၆ ရက်၊ ၂ဝဝ၂ ခုနှစ်)


Friday, August 21, 2009

စစ်အုပ်စု သက်တမ်းရှည်နေသရွေ့(၂၃)


မနေ့က တညနေလုံး လမ်းလျှောက်ရင်း စကားလုံးစီထားတဲ့ အချက်အလက်တွေထဲက အဓိက ကျတဲ့ ဝါကျတွေ အသုံးဝင်လာပါပြီ။
“ဟုတ်ပြီ ကျနော်ပြောမယ်၊ ကျနော်ချစ်တဲ့ လေးစားကြည်ညိုတဲ့ ရဲဘော်တွေ ခေါင်းဆောင်တွေဟာ သူတို့ အသက်ကိုစွန့်ပြီး တော်လှန်ရေးလုပ်ရင်း ရာသက်ပန် တော်လှန်ရေးသမားဘဝကို ခံယူသွားခဲ့ကြပါပြီ။ ဒါပေမယ့် ဒီအထဲက တချို့ရဲဘော်တွေကျတော့ အပြီးအပိုင် မစွန့်လွှတ်နိုင်လို့ တော်လှန်ရေးခရီးလမ်းဆုံးအောင် မလိုက်ပါ နိုင်ဘဲ တပိုင်းတစနဲ့ ကျန်နေရစ်ခဲ့ကြတာ တွေ့ရတယ်။
- ဒီထောင်ထဲမှာ လွန်ခဲ့တဲ့ ၄ နှစ်လောက်က ဧပြီ ထိုးစစ် နာမည်တပ်ပြီး Suppression (ဖိနှိပ်ရေး) လုပ်ခဲ့တယ်။ ရဲဘော်တော်တော်များများ တောင့်ခံကြတယ်။ ဒီအထဲက ကျနော် လေးစားတဲ့ ရဲဘော်တယောက်ဟာလည်း အချိန်အတော်ကြာ တောင့်ခံထားပါတယ်၊ ထမင်းမကျွေး ရေမပေးဘဲ တိုက်ခန်းကျဉ်းတွေထဲ လူအပြည့် ထည့်ထားတာပါ၊ တခါတရံ ဝင်ရိုက်လိုက်သေးတယ်။
အညံ့ခံတဲ့ သူကို အဆောင်ပြန်ပို့ပြီး ကောင်းကောင်းကျွေးမွေးတယ် … တဲ့။ သူဟာ နောက်ဆုံးကျန်တဲ့အထိ တောင့်ခံနေပါသေးတယ်။ နောက်ဆုံး သေရမယ့်အချိန်ရောက်တော့ တောင့်မထားနိုင်တော့ဘူး၊ ‘အညံ့ခံ လက်မှတ် ဘွန်း(BOND)’ ထိုးပေးလိုက်ရတယ်။
- အဆောင်ပေါ်ပြန်ရောက်တော့ ယူကြုံးမရ အဆောင်နံရံတိုင်ကြီးကို ခေါင်းနဲ့တိုက်တိုက်ပြီး ငိုတယ်ဆိုပဲ။ ပါးစပ်က သူ့နာမည်ကို ရွတ်ရွတ်ပြီး “--- မင်းခွေးဖြစ်ပြီ၊ --- မင်း ခွေးဖြစ်ပြီ” … လို့လည်း ရွတ်ဆိုသတဲ့။
- ကဲ … ဒီတော့ ခင်ဗျားတို့ စဉ်းစား၊ မခံနိုင်လို့ လက်မှတ်ထိုးမိတဲ့ ပါတီဝင်တယောက်ကတောင် သူ ခွေးဖြစ်ပါပြီလို့ ခံယူတယ်ဆိုရင် ဒူးထောက်လက်နက်ချရုံတင်မက ကိုယ့်ပါတီ ကိုယ် သစ္စာဖောက်တဲ့သူတွေဟာ ဘာဖြစ်သွားမလဲ? ကိုယ်ဘာသာ ဆုံးဖြတ်ပေတော့ …”
ကျနော်က အသက်မရှူအားဘဲ တရစပ် ပြောချလိုက်ပါတယ်။
မင်းသားခေါင်းစွပ်ကြီး ပြုတ်ကျသွားပါပြီ။ မျက်နှာကြီး ညိုမည်းသွားကာ ဝုန်းခနဲ ထရပ်လိုက်ပါတယ်။ တင်ရှိန်ရော အပေါက်ဝမှာ အသံခိုးဖမ်းနေတဲ့ ၂ ယောက်ပါ လှုပ်လှုပ်ရှားရှားဖြစ်သွားကြတာ သတိထားလိုက်မိတယ်။
ဘခက်က စားပွဲကိုလက်ဝါးနဲ့ တဖျန်းဖျန်းရိုက်ရင်း …
“ခင်ဗျားက ကျုပ်တို့ကို ခွေးလို့ ပြောတာပေါ့၊ ဟုတ်လား၊ ဒီမယ် ကို-- ခင်ဗျားကို ဘယ်တော့မှ မလွှတ်ဘူး၊ ဒါပဲ” … လို့ အံကြိတ်ပြီး ပြောပါတော့တယ်။
“ကျနော်ကလည်း ခင်ဗျားတို့ခေါ်လို့လာတာ။ လွတ်ချင်လို့လာတာ မဟုတ်ဘူး။ ကြိုက်သလောက်သာထား” … လို့ အရသာရှိရှိ ပြောပစ်လိုက်ပါတယ်။
ကျနော့် ရည်မှန်းချက် ပေါက်မြောက်သွားပေပြီ။
(၅)
မျှော်တော်ဇောနဲ့ မောနေတဲ့ အခန်းထဲက ရဲဘော်တွေ … ကျနော့်ကိုမြင်တာနဲ့ အားရဝမ်းသာ ဖြစ်ကုန်ကြတယ်။
“ကဲ … ထမင်းချန်ထားတယ် မဟုတ်လား၊ ဆာလှပြီ၊ စားရင်း ပြောကြတာပေါ့”
ကျနော့် ဇာတ်လမ်းလည်း ကြားပြီးရော အားလုံး ကျွက်ကျွက်ညံသွားကြတယ်။
“ဘယ်လို လုပ်ရမလဲ? တခြားအဖွဲ့အစည်းကလူတွေကိုကော ပြောရမလား?”
“ပြောပေါ့၊ ကျနော်တို့ ဘယ်လိုရပ်တည်တယ်ဆိုတာ အသိပေးရမယ်။ ဒါမှ သူတို့ ဘယ်လို ရပ်တည်ရမယ် … ဆိုတာ စဉ်းစားနိုင်လိမ့်မယ်”
ရဲနီတွေကလွဲပြီး ကောင်းသောဂယက် ဖြစ်သွားပါတယ်။ သူတို့က ‘လေကျယ်တာပါ၊ အဲဒီလို ပြောရင် တိုက်ထဲရောက်သွားမှာပေါ့’ လို့ပြောကြောင်း တခြားအဖွဲ့အစည်းတွေက ပြန်ပြောပြလို့ သိကြရတယ်။
အထက်ခန်း၊ ဘေးက အခန်းတွေလည်း သတင်းဖြန့်လိုက်ပါတယ်။ ရဲဘော်အသီးသီးက မောင်းတင်ထားကြပေပြီ။ နောက်ပိုင်းခေါ်တွေ့တဲ့အခါ ၃ ယောက်တတွဲ ၄ ယောက်တတွဲတွေ ဖြစ်သွားပါတယ်။ ပွဲကလည်း တစတစနဲ့ ပိုကြမ်းလာပါတယ်။
ကိုအောင်ဘော်တို့အဆိုင်းကတော့ သာသာနဲ့နာနာနှက်လာတဲ့ အဆိုင်းဖြစ်တယ်။ နိုင်ငံရေးအကျဉ်းသားတွေရဲ့ ရပိုင်ခွင့်နဲ့ လက်ရှိဖြစ်နေတာ ခင်ဗျားတို့ပြောတာတွေနဲ့ ကျုပ်တို့ ခံနေရတာတွေဟာ ခါးတောင်းကျိုက်တခြား ဖင်တခြား ဖြစ်နေတယ်လို့ ‘လှောင်ပြောင်’ ပြီး ရိခဲ့ကြတာကြားလို့ ပြုံးမိရသေးတယ်။
(အုတ်ရိုးသတင်းတခုအရ ဖိုးသံ(ချောင်း)က သူတို့နဲ့ စကားမပြောဘူး၊ ပါလာတဲ့ MI ဗိုလ်မှူး စိုးမြင့်ကို “သူတို့က သစ္စာဖောက်တွေ ကျနော် စကားမပြောနိုင်ဘူး၊ ပြောစရာရှိရင် ခင်ဗျားတို့နဲ့ပဲ ပြောမယ်” … လို့ ရပ်ခံခဲ့ကြောင်းကြားကြရလို့ ကျန်ရဲဘော်များ ပိုပြီး အားတက်ကုန်ပါတယ်။ ကြုံလို့ မေးကြည့်တော့ ဟုတ်ကြောင်း သိရတယ်။)
နောက်ဆုံးအဆိုင်းကတော့ ပွဲအကြမ်းဆုံး ဖြစ်သွားပါတယ်။ DSI အရာရှိဟောင်း ကရင်ကြီး ကိုအောင်နိုင်က …
“ဒီမယ် ကိုမြ၊ ခင်ဗျားနဲ့ကျနော် ပဲခူးရိုးမကတည်းက သိခဲ့ကြတာဖြစ်တယ်။ ခင်ဗျားကို ဖမ်းမိသွားတော့ ‘အသေဖမ်းမိခြင်း’ လို့ သတင်းစာထဲ ထည့်လိုက်တယ်။ အဲဒါကိုပြပြီး လက်နက်ချမလား၊ မချဘူးလား မေးတယ်၊ သေရမှာကြောက်ပြီး ခင်ဗျား လက်နက်ချလိုက်တာ မဟုတ်လား?” လို့ ချက်ကျကျ မေးခဲ့တယ်။
ရမ်းဗြဲကျွန်းသား ရခိုင်ကလေး ကိုကံမြင့်က “ခင်ဗျားတို့ဟာ ရန်သူနဲ့ပေါင်းပြီး ယုတ်ယုတ်မာမာတွေ လုပ်ခဲ့ကြတယ်။ ခင်ဗျားတို့လည်း ရန်သူပဲ။ တွေ့ရာသင်္ချိုင်း ဓားမဆိုင်းပဲ” လို့ ကြိမ်းခဲ့တယ်။
ရဲဘော် အောင်ထီက “ခင်ဗျားတို့က ကျနော်တို့ကို လွှတ်ပေးမယ် ပြောတယ်။ ဒီနေ့ လွှတ်ရင် နက်ဖန် တောခိုပြီး ခင်ဗျားတို့ကို တိုက်မယ်”လို့ ပြောပြန်တယ်။
သူတို့တတွေကတော့ အဆောင်ပြန်မရောက်ဘဲ တိုက်ထဲရောက်ကုန်ကြပါတယ်။
မကြာမီ ဒုတိယအသုတ် (၃ဝ ကျော်) လွှတ်ပေးလိုက်ပါတယ်။ ဗိုလ်အုန်းမောင်၊ ဦးခင်မောင်မြင့် အပါအဝင် ပြည်သူ့တိုးတက်ရေးပါတီက ရဲဘော်များ၊ ကိုဉာဏ်ဝင်း၊ ကိုတင်မောင်ဝင်း ညီအကို၊ ထက်မြက်၊ ကျနော်တို့ အခန်းထဲက ကိုဌေးမောင်၊ ကိုညွန့်ခေါင်၊ ကိုခင်မောင်ဇော် စသည့် ရဲဘော်တွေ လွတ်သွားပါတယ်။
ကိုဉာဏ်ဝင်းတို့ ညီအစ်ကိုကို သူတို့ဖခင်ရဲ့တပည့်ဖြစ်ခဲ့ဖူးတဲ့ မျက်မှန်တင်ဦးက သူကိုယ်တိုင် ကားမောင်းပြီး အိမ်တိုင်ယာရောက် ပို့ပေးတယ်ဆိုတဲ့ အုတ်ရိုးသတင်းတခုလည်း ထွက်လာခဲ့တယ်။
ဆက်လက်ဖော်ပြပါမယ်။

Thursday, August 6, 2009

သမီးလေးအတွက် အမှတ်တရ

(ဌေးအောင်)


တနေ့ တနေ့နဲ့
ဒီနေ့ကို ရောက်ခဲ့ရပြန်ပေါ့
အရင့်အရင် နှစ်တွေကလိုပဲ
မိုးစက်တွေဟာ
ဖြည်းဖြည်း ဖြည်းဖြည်းနဲ့
ကြွေနေကြတယ် သမီး။

သမီးရဲ့အမေကတော့
အစိမ်းမှာ အဖြူလေးတွေ ကွပ်ထားတဲ့
ဂါဝန်လေးကိုပဲ အသာအယာပိုက်ရင်း
ပင့်သက်တွေ ချနေလေရဲ့။

ဒီအချိန်ဆိုရင် ထပြီ
မျက်နှာသစ်ပြီ
ရေချိုးပြီ
အော်...
ကြာခဲ့ပေမယ့်လည်း
အဖေတို့အတွက် လန်းဆန်းနေဆဲပါ
သမီးရဲ့ ဓာတ်ပုံရှေ့
ပန်းအိုးထဲက
စံပယ်ပွင့် သေးသေးလေးတွေလိုပေါ့။

ကာတွန်းစာအုပ်လေးတွေကလည်း
သမီးကို ဖတ်ပြလို့ဆိုပြီး
ငြိမ်နေအောင် နားထောင်တတ်တဲ့သမီးကို
သတိရနေမှာပါ။

တဖက်ထဲ ပြန်ရတဲ့
ဂေါက်ဂေါက်ဖိနပ်လေးက
အဖေတို့
မမြင်လိုက်ရတဲ့အကြောင်းတွေ
ပြန်ပြောပြတဲ့အခါတိုင်း။

သမီးလေးရယ်...
တကယ်ကတော့
မိုးကောင်းကင်ကြီးတောင်မှ
ငိုလို့ မ၀သေးပါဘူးကွယ်။


ကမ္ဘာလောကရဲ့ သမီး

(ဌေးအောင်)

ဆီရွှဲပြီး နက်ပြောင်နေတဲ့ ဆံပင်ကို
အကျအနဖီးလို့
သနပ်ခါးကို မှုန်နေအောင် လိမ်းထားတဲ့
သမီးလေးဟာ
စိမ်းမြတဲ့ ရွက်နုတွေအကြား
ငုံနေတဲ့ စပယ်ဖြူလေးလို
လှပလန်းဆန်းနေတယ်။

အိပ်ရာထ၊ မျက်နှာသစ်၊ အ၀တ်လဲ
ကျောင်းသွားဖို့
ပြင်ဆင်နေတဲ့
သမီးလေးဟန်ပန်က
လေပြေနဲ့အတူ
ယိမ်းနွဲ့နေတဲ့ စပယ်ငုံလေးပေါ့။

သမီး
လမ်းကူးရင် သတိထားနော်
ဆော့လည်းမသွားနဲ့
ကျောင်းလွှတ်ရင် အိမ်ကိုတန်းပြန်ခဲ့
ဟုတ်လား… သမီး၊


နားထောင်နေတဲ့ သမီးလေးဟာ
ပါးချိုင့်လေးနဲ့ တခါပြုံး
အဖေ့ပါးကို တချက်နမ်းလို့
ပေါ့ပါးစွာပြေးထွက်သွားခဲ့တယ်
လွယ်အိတ်လေးကို
မနိုင့်တနိုင်ဆွဲလို့
ဂါဝန်လေးက လေမှာလွှဲလို့
ပြန်ရောက်မလာတော့ပါလား။

“ခလေးတွေ သတ္တိ ရှိလိုက်ကြတာ
ခွေးတွေ ရက်စက်လိုက်ကြတာ
ကောင်မလေးတယောက်ဆိုရင်….”
အို…
တော်ကြပါတော့ တော်ကြပါတော့
ဆက်မပြောကြပါနဲ့တော့ဗျာ။

သမီးလေးရယ်
အဖေနဲ့အမေတို့ရဲ့
အချစ်တွေနဲ့တင် မလုံလောက်လို့
ကမ္ဘာလောက တခုလုံးရဲ့အချစ်ကို
သိမ်းကြုံးပြီး အရယူသွားလေရော့သလားကွယ်။