လင်းခါး (မောင်လွမ်းဏီ)

ဘီယာနဲ့ ကွမ်းနံ့
သင်းပျံ့တဲ့ လမ်းမတွေကို
ဆည်းဆာညို နီစိုစိုဖြန်းတိုင်း
လွမ်းရတုတွေ ထုဆစ်ဖြစ်တတ်တယ်
ယဉ်ကျေးခြင်းသီဝရီ။

စာအုပ် ဖုန် ကြက်မွှေး
သွေးသား မိတ်ဆွေ ရဲဘော် အိမ်နားနီးချင်း
အင်ဖော်မေးရှင်းခေတ်
ဒီခေတ်က မတူးဆွလည်း
ဝတ်မှုံကူးခွင့်
ကြုံလင့်ရတာကိုက ကံအကြောင်းတရားလှတယ်
အမေတူးက ပိုလှတယ်
တော်လှန်ရေးသီဝရီ။

ကျနော့်မြို့ကို မပြန်ရဲဘူး (မောင်လွမ်းဏီ)

ကျနော်က 
ဒီမြို့ဟာ နေဖို့မကောင်းတော့ဘူးလို့ ရေးတယ်။ 
သူကတော့ 
သူတို့မြို့ဟာ ပျော်စရာကောင်းတယ်တဲ့။
ယောဟန်အောင်

ငါတို့မြို့က
ပျော်စရာကောင်းတယ်
စောနဒီ (မြစ်ကြီးနား)

နေဖို့ မကောင်းဘူး ကဗျာဆရာတွေနဲ့
ပျော်တဲ့ကဗျာဆရာတွေ ဖွဲ့သီတာ
ခံစားရတာကြောင့်လည်းပါ။

အောင်ဆန်းတံတားတော့ မဟုတ်ပါဘူး
(ဗိုလ်အောင်ဆန်းက အာဇာနည်သူရဲကောင်းကြီးပါ)
နတ်မောက်ကလည်း မင်းဘူး - မကွေး - နတ်မောက်
ဝန်ရိုးစွန်းမတည့်တတည့်လောက်ကျမယ့် မြေလတ်မြို့တွေပါ။ ထား။

ကျောင်းသားတွေ နိုင်တယ် (မောင်လွမ်းဏီ)

ကျန်ခဲ့တဲ့ နှီးခမောက်တိုင်းက 
နောက်သမိုင်းစာမျက်နှာအတွက် 
သွေးစက်စွန်းတဲ့
ရှေ့အဖွင့်စာမျက်နှာပေါ့ ညီရဲဘော်။ 

တို့ ချီတက်ရမယ် 
ချီတက်ကြရမယ် 
မန္တလေးမှသည် မြစ်ဝကျွန်းပေါ်အထိ 
လက်ပံတောင်းမှ လက်ပံတန်းအထိ 
ပဲခူးရိုးမက တနင်္သာရီရိုးမဖျားအထိ 
သာယာဝတီမှ ကမ္ဘာမကြေဆီအထိ 
တို့ခွပ်ဒေါင်းအလံတွေ 
လေကစား ကြွားတလူလူဝေ။ 

ခွေးဆွဲတဲ့ ညနေ (မောင်လွမ်းဏီ)

မတ်နဲ့ တပေါင်း၊ တပေါင်းနဲ့ မတ် 
ကျောချင်းကပ်ရင်၊ ရင်ချင်းထပ်ရင်။ 

သွေးသွန်ချောင်းစီး 
အရေးကြီးပြီ၊ သွေးနီးကြစို့ 
အရေးတော်ပုံ အောင်ရမည်။

သွေးပုံရိပ် (မောင်လွမ်းဏီ)

ငတ်မွတ်လွန်း၍ 
တွန်းလှန်အုံကြွ၊ ရုန်းကန်ထသည် 
လမ်းမပေါ်က လူလှိုင်းကြီး။ 

တပ်ဦးကျောင်းသား၊ မားမားမတ်မတ် 
ရင်ကော့ရပ်နေ၊ သွေးစွန်းပေညစ် 
လက်ရုံးညှစ်အော်၊ မိုးယံကျော်လွှားေ
ကြွေးကြော်သံလား၊ ဗုံးသံလား။ 

ပိတ်စရဲနီ၊ ဒီရေမုန်တိုင်း 
လူလှိုင်းကိုပိုး၊ ရှေ့ကိုတိုးပေါ့ 
သေရိုးမရှိသည့် တို့တိုင်းပြည်။ 

တပေါင်းမီးလျှံ (မောင်လွမ်းဏီ)

တပေါင်း 
တပေါင်း 
ရာဇဝင်ကြောင်းကို 
မီးမောင်းထိုးပြပြန်ပြီကော။ 

တပေါင်းဆိုတာ 
မဟာမီးခဲ၊ ရဲရဲတောက်လောင် 
အမှောင်ခေတ်တိုင်း ဆိုပါတော့။ 

ရင်နဲ့ ဘဝ (မောင်လွမ်းဏီ)

သံဆူးကြိုးကို 
တိုးဖြတ်ရတာ ဘဝတစ်ခုလုံးပါပဲ 
ဒီဘဝပဲ ရင်းစရာရှိတော့တယ်လေ။ 

ကျွန်မတို့ အုံကြွရင် 
သူပုန်ထင်သလား၊ 
စားရမဲ့ သောက်ရမဲ့ ကျူးကျော်တဲရိပ်ညက 
ခြင်ဆေးခွေ ထွန်းညှိရုံနဲ့ 
အနာဂတ်ကို သွန်းထုလို့ မလုံလောက်ဘူးထင်တယ်။ 

မန်းရှာရေ ... (မောင်လွမ်းဏီ)

မန်းရှာရေ 
မြစ်ဝကျွန်းပေါ်က 
တို့ဘဝတွေယူခဲ့ … 

မန်းရှာရေ 
ပဲခူးရိုးမက 
အချစ်ညတွေယူခဲ့ … 

မန်းရှာရေ 
ဒေါနတောင်တန်းက 
တောပန်းတွေယူခဲ့ … 

မြေလတ်သား လောဘ (မောင်လွမ်းဏီ)

ရရင်ရ
မရရင်ချ ဆိုတဲ့ ကျောင်းသားခေါင်းဆောင်။

အနီးကပ်ဆုံး
ရန်သူကို ရှာပြီး တိုက်ကြ ဆိုတဲ့ စစ်သေနာပတိ။

တစ်နှစ်အတွင်း
လွတ်လပ်ရေး ရစေရမယ် ဆိုတဲ့
ကတိကို ပေးရဲတဲ့ အမျိုးသားခေါင်းဆောင်။

သမဂ္ဂ (မောင်လွမ်းဏီ)

စစ်ခွာသံတွေ 
ညာသံ မပေးနဲ့ 
အာခံရေးဆိုတဲ့ သမိုင်းက 
ကာရန်နဲ့ ရေးရေး 
ကာရန်မဲ့ တွေးတွေး 
ပညာရေးတိုက်ပွဲက 
သမဂ္ဂအလံတော်ရဲ့ ပြဌာန်းချက်ပဲ 
ချီတက်ကြ။ ။

မောင်လွမ်းဏီ 
၈ - ၂ - ၂၀၁၅ 

စတုတ္ထအောင်လံ (မောင်လွမ်းဏီ)

မနက်ဖြန် 
အာခံကာ ချီမတဲ့ 
မောင်ကျောင်းသားရဲ့ တပ်ဦး စံ။ 

စတုတ္ထသပိတ်၊ စတုတ္ထတိုက်ပွဲ 
လိုက်ရဲသူ လက်ချင်းတွဲ 
ခိုင်မြဲတဲ့ သံန္နိဋ္ဌာန် ဖိုးသခင်ထံ 
အပ်နှံထားသည်တဲ့ 
ထီမထင်ကျောင်းတော်သားတွေရဲ့ နှလုံးရည်။ 

လမ်းမကြီးဆီ (မောင်လွမ်းဏီ)

ဒီဇင်ဘာ ၂၀ ရက် တမ်းချင်း
(သို့မဟုတ်) ရဲဘော်ရဲ့ကဗျာ* ကို
ဇန်နဝါရီ ၂၀ လမ်းမထက်မှာ ကျဲဖြန့်လိုက်
ကျဲဖြန့်လိုက်ကြ။

ဒါဟာ
တို့တတွေ ဟစ်ကြွေးကြတဲ့
စတုတ္ထ ကျောင်းသားသပိတ်ရဲ့
အမျိုးသားပညာရေး ကမ္ပည်းထိုးသံပဲ။

လွှတ် (မောင်လွမ်းဏီ)

လက်ဝါးထောင်၍ 
အမည်ရှေ့မှာ ရေးထွင်းပြတယ်။ 

ညာလက်ဝါးက 
သံမဏိဓား၊ ပါးပါးလေးလို 
သံချေးမတက်။ 

တို့ရင်းတဲ့ ရင် (မောင်လွမ်းဏီ)

အညာဆောင်းငဲ့ 
သွေးမြေကျတဲ့ လက်ပံတောင်း 
ခေါင်းချချင်စိတ် ပေါက်လာပြီ။ 

အကြွေးကို 
သွေးနဲ့ ဆပ်လေသလား၊ 
အရေးရယ်ဆို 
လယ်တီကို တိုင်တည်ကြလေသလား၊ 
ဘူဒိုဇာ လူကိုယ်ပါ ထိုးကာအပ် 
ပြတ်သားတဲ့ ဘဝပေးအသိ 
ကြည့်ရက်သူ ကြည့်ကြစမ်းပါစေ။ 

ဖြူနှင်းထွေးပေး မေတ္တာစာ (မောင်လွမ်းဏီ)

မတ်တပ်ရပ်လို့ 
လမ်းမှာ မငိုခဲ့သလို 
မှောင်မိုက်မှာ မငို 
လက်ပံတောင်းတောင်ရိပ်မှာ 
ခိုခဲ့တဲ့ သမီးလေး 
တောင်ကြွေး တောကြွေး ဆပ်တယ်။ 

ဗကသ 
ရတနာပုံမိုးကောင်းကင် 
ခုတော့ ပို သစ်လွင် လင်းပ။ 

ဖဲသုံးချပ်ခေတ် (မောင်လွမ်းဏီ)

သုံးလွန်းတင်မှ ကြိုး 
သုံးကျောင်းပြောင်းသော ရှင် 
သုံးလင်ပြောင်းသော မိန်းမ 
အဆိုအမိန့်များမှသည်။ 

သုံးချောင်းထောက် ပေါ်လစီ 
သုံးချောင်းမူ ညီညွတ်ရေး 
သုံးပါတီ သဘောထား 
ခေတ်တရားက သုံးပွင့်ဆိုင်။ 

ရင်ကျိုးအင်း တစ္ဆေ (မောင်လွမ်းဏီ)

ရောင်းစားစရာလည်း မရှိ 
ပေါင်းစားစရာလည်း မရှိတော့ 
တောင်းစားရတာပဲကို။ 

မြို့နဲ့ကွာလှမ်း ရွာလမ်းနံဘေး 
ငေးရီလည်ဆန့် လက်ဖြန့်တွန်းထိုး 
ဝမ်းအူပိုးကိုက် ပြေးလိုက်ထိုင်လိုက် 
တွေးလိုက်မှိုင်လိုက် မှေးလိုက်ယိုင်လိုက် 
အေးလိုက်တာလည်း လက်ကုန်အေ။ 

ဟွန်းသံပေးရင် သွေးပျက်ချင်တယ် 
လွန်းပျံပြေးရင်း ဟင်းမပါလည်း 
ထမင်းလေးပဲ၊ လွေးလိုက်ချင်ပ 
ပေါက်စ အဖွားကို မျှပါကွယ်။ 

ကေသရာဇာ (မောင်လွမ်းဏီ)

ရဲဘော်ဝင်းတင် 
သင်ဟာ 
ခြင်္သေ့တစ်ထောင်ပမာ 
တိုင်းရင်းသား လူမျိုးစု 
လူထုက ထုဆစ်တယ်။ 

ကမ္ဘာမကြေနေ့များ 
သင့်ရဲ့ လည်ဆံတဖွားဖွားနဲ့ 
ကျောသား ရင်သား မခွဲခြား ချစ်သူ။ 

ခြေမှာ ကကြိုး၊ လက်ဖျားကဗျာ 
ရာဇဝင်ထဲမှာ ဝင်းတင်ဆိုတာ 
လူထုထဲက သူရဲကောင်း။ 

တို့ဟာ ကဗျာတွေ ဖြစ်ခဲ့တယ် (မောင်လွမ်းဏီ)

တစ်ရံတစ်ခါဆီက 
မဟုတ်ပါဘူး ချယ်ရီ ညီမငယ်။ 

တို့ မောင်နှမတွေ 
တို့ ရဲဘော်တွေ 
တို့ သွေးသားတွေ
ဝေးခဲ့ကြသမှ၊ ထောင်ထဲ တောထဲ 
တောင်နဲ့ နိုင်ငံရပ်ခြားတွေ 
သေလောက်အောင် လွမ်းတာရှည်ခဲ့ 
သေမဲ့သေတော့ နင်က စောပြန်ရော။ 

ကိုမိုးသီး ပြန်လာတယ် 
ကိုသက်မှူး ပြန်လာတယ် 
ကိုလွမ်းဏီ ပြန်လာတယ် 
ကိုသက်ဇော် ပြန်လာတယ်
နေရိန်ကျော်လည်း ပြန်လာတယ်။ 

နယ်စပ်က ပို့တဲ့ ထောင်ဝင်ကဗျာ (မောင်လွမ်းဏီ)

ထောင်မှာအကျဉ်းထား 
လ ရက် လား တူမောင်။ 

ပုဒ်မ ၁၈ 
ကျုပ်တို့ခေတ်မှာ 
ပြာစ လွင့်ပျံ စေရမယ်။ 

အဖွား 
ကြားပါစေ 
ပေပေါ်တင်ထု ထုချင် ထု 
မီးပေါ်တင်ရှို့ ရှို့ချင် ရှို့။ 

ဒီငြိမ်းလင်း ဓား
ကြေမသွားဘူး၊ 
ဘုရားစူး စေ့ ကျိန်ရတယ်။    ။ 

မောင်လွမ်းဏီ 
၂၃ - ၁၁ - ၂၀၁၃