Thursday, December 31, 2009

မုန်တိုင်းကိုဆန်၍ ပင်လယ်ကိုဖြတ်သောအခါ (၂၀)

ဒီမနက်တော့ ကျနော်နဲ့ ဖထီးမန်း ၂ ယောက် အိမ်ဟောင်းတွေက ပျဉ်းချပ်တွေကို သံကုလားအော်(သံတူရွင်း) နဲ့ ခွာပါသည်။ သံကုလားအော်မှာ ကိုအုန်းမောင် ပန်းပဲဖိုလက်ရာဖြစ်ပါသည်။ ခွာလိုက်တဲ့ပျဉ်တွေကို ရိုက်ထားတဲ့ သံချောင်းအဟောင်းတွေပါ နုတ်ယူပါသည်။

ခွာပြီးသားပျဉ်ဟောင်းတွေကို ချုံထဲမှာ ထမ်းပြီး ဝှက်ထားလိုက်ပါသည်။ ပျဉ်တွေက အများကြီးခွာပြီး ပုံထားလို့ မဖြစ်ပါ။ တနိုင်သာသာခွာပြီး ညမိုးချုပ်ရင် နေရာရွှေ့ရမှာ။ ဒီနေ့အဖို့ ဒီလောက်ဆို တော်ပြီ။ ရေမိုးချိုးပြီး စခန်းတွင်းသို့ ပြန်ဝင်ခဲ့သည်။ နေ့လည် တရေးတမောအိပ်ပြီး ညနေစောင်း ထမင်းစားပြီး ပြန်ထွက်ခဲ့သည်။

အနောက်ဘက်ကမ်းခြေ တောင်ကြောလေး၏ တောင်ခြေချုံအစပ်တွင် ကွမ်းသီးပင်လောက် အရွယ်ရှိသည့် ဗန်ဒါ(ဗာဒံ) ပင်ပျိုလေး ၂ ပင်ရှိသည့်အနက် တပင်ပေါ်သို့ ကျနော် တက်နေလိုက်ပါသည်။ အနောက်ဘက် ကမ်းခြေ သဲသောင်စပ်တွင် လူသွားလူလာကို အပေါ်စီးမြင်ကွင်းမှ စောင့်ကြည့်သည်။

တချို့လူကြီးပိုင်းတွေလည်း အညောင်းပြေ လမ်းလျှောက်ကြရာမှ နေဝင်တော့မည်ဖြစ်၍ စခန်းတွင်းသို့ ပြန်ဝင်ကြပါသည်။ လူငယ်ပိုင်းကလည်း ငါးရှာ၊ ဖားရှာ၊ ခရုကောက်သမားတွေ ပြန်ဝင်သွားကြလေပြီ။ ကမ်းခြေတွင် လူရိပ်လူခြေ လုံးဝမရှိတော့ပါ။ အားလုံးစခန်းတွင်းသို့ ပြန်ဝင်ကုန်ကြပါပြီ။ မှောင်ရီလည်း ပျိုးလေပြီ။ ဗာဒံပင်ပေါ်မှ ကျနော် ဆင်းခဲ့သည်။ ခဏအကြာ ဖထီး မန်းအောင်ကြည် ရောက်လာသည်။

ကျနော်တို့ ၂ ယောက် နေ့ခင်းက ခွာပြီးချုံထဲတွင် ဝှက်ထားခဲ့သော ပျဉ်ပြားများကို တယောက်တနိုင် ထမ်း၍ ထွက်လာပါသည်။ ချုံစပ်တောရိပ်ကိုခိုပြီး ကျွန်း၏ တောင်ဘက်ဖျားသို့ သွားသည်။ တောင်စွယ် တောရိပ် ဆုံးတော့ သောင်ခုံကြီးကို ဖြတ်ရသည်။ ဤသောင်ခုံကြီးမှာ ကို ၃၀၀ နီးပါးရှိမည် ထင်သည်။

အကာအကွယ်မရှိသည့်အတွက် သောင်ပြင် ဟာလာဟင်းလင်းမှာ ၂ ယောက်သား ပျဉ်တွေ အထမ်းကိုယ်စီနှင့် ခပ်သွက်သွက် ဖြတ်ရပါသည်။ ညနေက လူသွားလူလာ စောင့်ကြည့်ထားပေးမယ့် သောင်ပြင်မှာ မြင်ကွင်းက ရှင်းလွန်းလှသည်။ ပုန်းကွယ်ခိုနားစရာ မရှိပါ။

သောင်ခုံကို ဖြတ်လာလို့ဆုံးတော့ ကိုက် ၅၀ နီးပါးရှိသည့် ရေလက်ကြားကို အထမ်းနှင့်ဖြတ်ကူးသည်။ ပင်လယ်ဒီရေ တက်ကာစမို့ ဒူးဆစ်လောက်ပဲ ရှိသေးသည်။ ရေလက်ကြားဆုံးတော့ သောင်စပ်နှင့် သန္တာ ထုံးကျောက်များကို ဖြတ်တက်လိုက်သည်။ စိတ်အေးသွားရပါပြီ။ လုံခြုံသွားပါပြီ။

ဂျယ်ရီကျွန်းပေါ် ရောက်လာပါပြီ။ ဂျယ်ရီကျွန်းမှာ သန္တာကျောက်ခက်များနှင့် ပြည့်နှက်နေသည်။ ဉာဥ့်ကာလအချိန် တိတ်ဆိတ်နေသော ကျွန်းကလေးပေါ်သို့ ကျနော်တို့ ၂ ယောက်တက်လာသည်။ ဝင်ကစွပ်ကောင်လေးများ “ဂလောက် ဂလောက်” “ ဂလက် ဂလက်” လျှောက်သွားနေရာမှ ခရုခွံထဲ ပြန်ဝင်သွားပြီး တိတ်နေကြသည်။

ကိုက် ၁၀၀ နီးပါးခန့် ထမ်းလာပြီး ဆပ်သွားဖူးချုံကြီးတခု၏ ဘေးတွင် ပျဉ်တွေကို ချထားလိုက်ပါသည်။ ဤ ဆပ်သွားဖူးချုံကြီးမှာ ၁၀ ကိုက်နီးပါး ရှိပါသည်။ ဆပ်သွားဖူးပင်ကြီးမျိုးဖြစ်ပြီး ဆပ်သွားဖူးပင်ကြားတွင် တစောင်းပင်နှင့် ခပ်ဆင်ဆင်တူသော အကိုင်းဆတ်ပြီး ကျိုးလွယ်သည့် အပင်လေးများ ညှပ်ရောပြီး ပေါက်နေသည်။

ဖထီးမန်းက ၎င်းအပင်ကလေးများ၏ အကိုင်းကို အသာလေး မပြီး လေးဘက်ထောက်၍ ကုန်းဝင်သွားသည်။ ပြီးတော့မှ ဆပ်သွားဖူး ခြေသလုံးအရွယ် အကိုင်းတခုကို ကျော်တက်လိုက်သည်။ ပြီးတော့မှ ကျနော့်ဆီကို ပျဉ်တွေသွင်းဖို့ လှမ်းတောင်းသည်။ ပျဉ်တချပ်ကိုယူပြီး ဖြည်းဖြည်လေး ထိုးသွင်းရသည်။ ဖထီးမန်းက လှမ်းယူပြီး ဖြည်းဖြည်း ဆွဲယူသည်။ ပြီးတော့မှ နေရာချထားသည်။

တစောင်းပင်အကိုင်းလေး ကျိုးမသွားအောင် အရွက်လေးတရွက် ကြွေမသွားအောင် အလွန်ဂရုစိုက်ရပါသည်။ ဒီချုံကြီးကို အပြင်ကနေကြည့်ရင် သာမန်ချုံကြီးတချုံအဖြစ်ပဲ မြင်နေရမည်။ မူလသဘာဝအနေအထား မပျက်အောင် ဂရုစိုက်ရခြင်း ဖြစ်ပါသည်။ သဘာဝပတ်ဝန်းကျင် ထိန်းသိမ်းရေးကို အလေးအနက်ထားပြီး လုပ်ခဲ့သူတွေထဲမှာ ကျနော်တို့က ရှေးဦးမဆွ လူတွေပေါ့။

ဒီဆပ်သွားဖူးချုံကြီးရဲ့အလယ်မှာတော့ ရှင်းထားတာ လှေတစီးတည်ဆောက်ဖို့ပါပဲ။ အပြင်ကနေ ကြည့်လေ၊ ကြည့်ချင်သလိုကြည့် သာမန်ဆပ်သွားဖူးရုံကြီး တရုံပဲပေါ့။ သူ့ပတ်ဝန်းကျင်မှာလည်း အဲဒီလို ဆပ်သွားဖူး ချုံတွေကလည်း ရှိနေတာကိုး။ သဘာဝတရားရဲ့ ဖန်တီးထားတဲ့ အရှိတရားကို ကျနော်တို့ ရည်မှန်းချက်အတွက် ကောင်းကောင်း အသုံးချသွားတာပါ။ ဒီ အစီအစဉ်၊ ဒီ စိတ်ကူးတွေက ဖထီးမန်းအောင်ကြည်ရဲ့ စိတ်ကူးစိတ်သန်းတွေက ပေါက်ဖွားလာတာပါ။

ပျဉ်တချပ်ချင်း သစ်တချောင်းချင်းကို စိတ်ရှည်လက်ရှည်နဲ့ သွင်းရတာဆိုတော့ ဘယ်လောက်ကြာသလဲဆို တနာရီကျော်လောက် ကြာမယ်ထင်တယ်။ လက်စသိမ်းပြီး ၂ ယောက်သား ပြန်ထွက်လာခဲ့ကြတယ်။ ကူးလာခဲ့တဲ့ ကျွန်းကလေးထိပ် ပြန်ရောက်တော့ ရေလက်ကြားမှာ ရေတက်လာတာ ရင်ခေါင်းလောက် ရောက်ပါသည်။ ကျွန်းမကြီးဘက်ကို ပြန်ကူးလို့ မဖြစ်တော့ပါ။ ညဘက်ဆို ငါးမန်းကြီးတွေကမြူးပြီး ဒီ ရေလက်ကြားကို ရောက်လာတတ်ပါသည်။

ဂျယ်ရီကျွန်းကလေးရဲ့အဆုံး မြောက်ဘက်ထိပ်က ကျောက်ဆောင် ကျောက်တုံးကြီးတွေနဲ့ ပြီးတော့ ကမ်းစောက်ပြီး ရေနက်တယ်။ ကျောက်ဆောင်ကြီးတွေပေါ်ကနေ အောက်ကိုငုံ့ကြည့်ရင် တခြားပင်လယ်ပြင် မြင်ကွင်းနဲ့မတူပါ။ နက်ပြာပြီး မှောင်နေတယ်။ မြင်ကွင်းကိုက ကြောက်စရာကြီး။

တယောက်တည်းသွားကြည့်ရင် ကျောချမ်းမိတယ်။ ဒီကျောက်ဆောင်ကြီးတွေရဲ့အောက်မှာ ငါးမန်းကြီးတွေက ကျက်စားတယ်လို့ သိရတယ်။ ဒီငါးမန်းကြီးတွေဟာ ညဘက်ဆိုရင် ဒီရေလက်ကြားကို ကူးလာတတ်တယ်။ နောက်တခုက ရင်ခေါင်းလောက်ဆိုရင် ရေလက်ကြားက ရေစီးသိပ်ပြင်းတယ်။

ကျွန်းကလေးထိပ်ရဲ့ ချုံတွေကြားက သန္တာကျောက်တွေပေါ်မှာ အိပ်စက်ဖို့ ချုံကြားမှာတိုးပြီး ခေါင်းချ အနားယူလိုက်တယ်။ အိပ်မလို့လုပ်တာနဲ့ ဝင်ကစွပ်ကောင်ကလေးတွေက သန္တာထုံးကျောက်တွေပေါ်မှာ လျှောက်သွားနေတဲ့အသံဟာ အတော်နဲ့ အိပ်လို့မရပါ။ ချုံတွေကြားကနေ ကောင်းကင်ကို ကြည့်လိုက်တယ်။ ကောင်းကင်ပြင်မှာတော့ ကြယ်တွေက လင်းလက်လို့ နေပါတယ်။ မနက်ဝေလီဝေလင်းမှာ နိုးလာကြတယ်။

ဖထီးမန်းက “ကျနော် ဝင်းထဲကို ပြန်သွားမယ်၊ စားစရာတခုခု ယူလာမယ်။ ခင်ဗျား ဒီမှာပဲနေခဲ့၊ ပြီးတော့ ဒီကျွန်းကလေးပေါ်ကို ဘယ်သူတွေကူးလာသလဲ၊ ဘာလုပ်သလဲဆိုတာ ကင်းစောင့်ပြီး ကြည့်ပေါ့” ဖထီးမန်း ကျွန်းမကြီးဘက် ပြန်ကူးသွားပါသည်။ ဂျယ်ရီကျွန်းကလေးပေါ်တွင် ကျနော် တယောက်တည်း ရှိသည်။

ကျွန်းမကြီးဘက်က ကူးလာမည့် ဘယ်သူဘယ်ဝါ၊ ဘာလုပ်မလဲ စောင့်ကြည့်ဖို့ နေရာရှာသည်။ မြင်ကွင်းက မကောင်းပါ။ ကျွန်းထိပ်တွင် ၁၅ ပေနီးပါးမြင့်သည့် အရွယ်တူ အုန်းပင်ပျိုလေး ၃ ပင်က ဖိုခနောက်ဆိုင် ပေါက်နေသည်။ တပင်ပေါ်ကို ကျနော် တက်လိုက်သည်။ အုန်းဇက်ကိုခွ၊ အုန်းလက်ပေါ်မှာ ထိုင်လိုက်သည်။ အပေါ်စီးမြင်ကွင်းမို့ ကျွန်းမကြီးဘက်သို့ လှမ်းကြည့်လိုက်ရာ ရှင်းလှပါသည်။

အတော်ကြာတွင် ကျွန်းမကြီးဘက်မှ လူလုံး မကွဲသော လူ ၃ ယောက် ကိုကိုးကျွန်း၏ အနောက်ဘက် ကမ်းခြေ အတိုင်း ဖြည်းဖြည်းမှန်မှန် လျှောက်လာကြပါသည်။ လူလုံးသဲကွဲစွာ မြင်ရတော့မှာ ပြည်သူ့တိုးတက်ရေးပါတီမှ ဥက္ကဋ္ဌ သခင် ခင်အောင်၊ ဦးညွန့်တင် (ဂျိုးဖြူစာပေ)၊ ဆရာ ဗန်းမော်တင်အောင်။ သူတို့လူကြီး ၃ ဦးသည် နံနက်ခင်း လေကောင်းလေသန့်ရှူရင်း ကျန်မာရေးအရ အညောင်းပြေ လမ်းလျှောက်ကြပါသည်။

သူတို့စကား တပြောပြောနှင့် လမ်းလျှောက်ကြရင်း သဲသောင်ကမ်းစပ်တွင် ခရုလှလှလေးများ တွေ့ရင်လည်း ကောက်၊ ကမ်းခြေသို့ လှိုင်းရိုက်၍လာဆိုက်သော ပုလင်းလှလှမျိုးစုံကို တွေ့ရင်လည်း ကောက်ကြပါသည်။ တခါတလေလည်း လေထီး ဗိုလ်အုန်းမောင်၊ ဆရာ ရာဂျန်၊ ဒလ ဦးထွန်းစိန်တို့ လေညင်းခံ အညောင်းပြေ လမ်းလျှောက် ထွက်တတ်ပါသည်။

ဤလူကြီးများအတွက်တော့ ပူစရာမရှိပါ။ ဒီဘက်ကမ်းခြေသို့ ကူးလာကြမည့်လူများ မဟုတ်ပါ။ သူတို့ အညောင်းပြေ ကျန်းမာရေးအတွက် လမ်းလျှောက်သူများသာ ဖြစ်ပါသည်။ ကျွန်းကလေးပေါ်တွင် လှေကို ခိုးပြီး တည်ဆောက်သည့် ကာလတလျှောက်လုံး ဤကျွန်းကလေးထိပ်တွင် ကျနော်ကင်းစောင့်ခဲ့ရာ ဆရာ ဗန်းမော် တင်အောင်တို့ ၃ ယောက်သည် မနက် ညနေ လမ်းအမြဲတမ်း လျှောက်လေ့ရှိကြပါသည်။ တခါတလေ ၃ ယောက်တွဲ ပါမလာတတ်ပါ။ ၂ ယောက် (သို့) ဆရာ ဗန်းမော်တင်အောင် တယောက်ကတော့ အမြဲတမ်း လျှောက်လေ့ရှိပါသည်။

ဆက်လက်ဖော်ပြပါမည်

ကျောင်းသား ထောင် တော်လှန်ရေးသမား (၃၀)

အဲဒီလှေလာနေတဲ့အချိန်မှာ ဒီဘက်မှာကျတော့အဲဒီ ခုနကပြောတဲ့ ရေတပ်က စစ်သားတွေ၊ ထောင်အမှုထမ်းတွေဟာ သဲတွေထဲမှာ ကတုတ်ကျင်းလိုဟာတွေ တူးထားတယ်။ နဂိုကတည်းက ရှိနေတဲ့ ဟာတွေ။ ချိုင့်တွေ၊ ကျင်းတွေပေါ့ဗျာ။

အဲဒါတွေထဲမှာ သူတို့က ကတုတ်ကျင်းလို၊ လိုက်ကျင်းလိုလုပ်ပြီး အဲဒီမှာ စစ်တိုက်ဖို့ အသင့်နေရာယူနေကြတာ။ သူတို့က ဝပ်ပြီးနေရာယူတယ်။ သေနတ်တွေကိုလည်း အသင့်ချိန်ပြီး စောင့်နေကြတယ်။ ဟိုကလာနေတာ ဘယ်သူမှန်း မသိ၊ ဘယ်ဝါမှန်း မသိလေ။

ကျနော်တို့ကတော့ ပင်လယ်ကမ်းထဲမှာ ပွဲလာကြည့်တဲ့လူတွေလိုပဲ ပျော်လို့။ ဟိုဟာပြော ဒီဟာပြောလို့ စုစု စုစုနဲ့ ဟိုဘက်သွားလိုက်၊ ဒီဘက်သွားလိုက် တရုန်းရုန်းပဲ။ ကျနော်တို့က အဲဒီ သေနတ်ကိုင်ထားတဲ့လူတွေနဲ့ သေနတ်နဲ့ ဟိုဘက်က သွားချိန်ထားတဲ့ တဖက်ကလာမယ့် အဲဒီကြားထဲလည်း ကျနော်တို့ ဖြတ်သွားတာပဲ။ သူတို့ရှေ့မှာ ရပ်ချင်လည်း ရပ်နေတာ။

အဲဒါ ကျနော်တို့ ရုတ်ရုတ်ရုတ်ရုတ်နဲ့လုပ်နေတာ ရေတပ်က လူတွေကရော၊ ထောင်အာဏာပိုင်တွေရော နည်းနည်းမှ မကြည်ဘူး။ သူတို့မျက်နှာတွေက မှုန်ကုပ်နေတာ။ ပြောလို့လည်း မကောင်းဘူး။ နောက်ကျ ထောင်အမှုထမ်းတွေက လာပြီးတော့ မေတ္တာရပ်ခံတယ်။

“ခင်ဗျားတို့ဗျာ အန္တရာယ်လည်းရှိပါတယ် တခုခုဖြစ်သွားလျှင်လည်း မကောင်းဘူး၊ နောက်နားခပ်ဝေးဝေးမှာ နေကြပါ” ကျနော်တို့လူတွေက သူတို့ပြောတာ ဘာမှ ဂရုစိုက်တာ မဟုတ်ဘူး။ အဲဒီ ကိုယ့်မိတ်ဆွေ၊ ကိုယ့်ဧည့်သည်လာတာကို ကြိုဆိုရေး လုပ်နေတာကြနေတာပဲ။

ကျနော်တို့ အဲလိုနဲ့ လာနေတဲ့လူက တဖြည်းဖြည်း ပိုပို ပိုပိုပြီး နီးလာတာ မြင်ရတယ်။ မြင်ကွင်းကလည်း ပိုပြီး ရှင်းလာတယ်။ ပိုပြီး သဲကွဲလာတယ်။ အဲဒီတော့ လာနေတာက လှေမဟုတ်ဘူး။ ဖောင်။ ဖောင်တလုံးပေါ်မှာ လူ ၃-၄ ယောက် လှော်လာကြတာ။

အဲဒါ ပိုပိုပြီးနီးလာတဲ့အခါကျ အဲဒီဖောင်ဆိုတဲ့ဟာက စည်ပိုင်းကြီးတွေကို ဖောင်ဖွဲ့ပြီးလှော်လာတာ။ ဓာတ်ဆီထည့်တဲ့ စည်ပိုင်းလိုဟာမျိုးကြီးတွေ။ သူတို့က မတ်တပ်ရပ်ပြီး လှော်လာကြတာ။ သူတို့ကြည့်ရတာ လက်နက်လည်း ပါဟန်မတူဘူး။ အဲဒီတော့ နီးသထက် နီးလာတော့ အဲဒီ ဖောင်ပေါ်ကလူတွေက အသားမည်းမည်းတွေ။ ကုလားတွေဆိုတာ ရှင်းသွားတယ်။

နောက် သူတို့ဝတ်ထားတာကလည်း အစိမ်းရောင်၊ အပြာရောင်၊ အနီရောင်။ ဒေါင်လိုက် ငွေရောင်အစင်းတွေ၊ ရွှေရောင်အစင်းတွေ၊ တောက်တောက်ပြောင်ပြောင် အင်္ကျီဘောင်းဘီတွေ။ အင်္ကျီနဲ့ ဘောင်းဘီက အစ တစတည်းကို ချုပ်ထားတာ။ နောက်ပြီး သူတို့ခေါင်းပေါ်မှာ မွတ်ဆလင်တွေ ဗလီတက်တဲ့အခါဆောင်းတဲ့ ဦးထုပ်လို ဟာမျိုးလေးတွေလည်း ကိုယ်စီဆောင်းထားတာ တွေ့ရတယ်။

အဲဒီတော့ ကျနော်တို့ထဲကလည်း ကိုယ့်အထဲက ကုလားဆိုတဲ့လူတွေကို စကားပြောခိုင်းကြတာပဲ။ ကျနော်တို့ စခန်းထဲမှာရှိတဲ့ ကုလားဆိုတဲ့ လူတွေအထဲမှာလည်း ကုလားစကား တကယ်တတ်တာဟာ သိပ်များများရှိဟန် မတူပါဘူးဗျာ။ ကျန်တဲ့လူတွေကတော့ အတင်းပြောခိုင်းတာပဲ။

နောက် ကုလားစကားဆိုတာလည်း အမျိုးမျိုးရှိတယ်ဆိုတာလည်း ကျနော်တို့ မသိတာမဟုတ်ဘူး၊ သိတယ်။ အဲဒီတော့ ဘာသာစကားမတူရင် ကုလားအချင်းချင်းလည်း ပြောလို့ရတာမှ မဟုတ်ဘဲနဲ့။ ဒါပေမယ့် ကျနော်က အတင်းတိုက်တွန်း၊ အင်္ဂလိပ်လို ပြောမယ့်လူကလည်း ပြင်။ အကုန်လုံး ကျနော်တို့အခြေအနေကို မိတ်ဆက်ပြမယ်ပေါ့လေ။

ဒီလိုနဲ့အဲဒီလူတွေက အဲဒီဖောင်က ကမ်းနားရောက်လာတယ်ဆိုတာနဲ့ ရေတပ်က သေနတ်နဲ့ချိန်းပြီးတော့ အတင်း တက်လာခိုင်းတာပဲ။ အဲဒီလူတွေမှာ လက်နက် မပါဘူးဆိုတာလည်း သေချာတဲ့အခါကျတော့ ရေတပ်က တခါတည်း ထွက်ရပ်ပြီးတော့ အဲဒီလူတွေကို သေနတ်နဲ့ချိန်ပြီး တက်ခိုင်းတယ်။

အဲဒီတော့ အဲဒီလူတွေလည်း ကမ်းပေါ်တက်လာတော့ လက်မြှောက်ပြီး တက်လာတယ်။ လက်မြှောက်တက်လာပြီး ရေတပ်လည်းရောက်တဲ့အခါကျတော့ အဲဒီရေတပ်က သူတို့ကို လက်ထိပ်တွေ ဘာတွေ မခတ်ပါဘူး၊ ကြိုးတွေ ဘာတွေလည်း မချည်ဘူး။ ဒီအတိုင်းပဲ လက်ပြန်ချပြီး ခေါ်သွားတယ်။

ရေတပ်က ခေါ်တဲ့နေရာကို သူတို့လည်း ဘာစကားမှ မပြောဘူး။ စကားမပေါက်လို့လား ဘာလို့လား၊ အဲဒီ ဖမ်းတဲ့လူတွေနဲ့ အဖမ်းခံရတဲ့လူတွေ စကားပြောတာ လုံးလုံး မတွေ့ရဘူး။ အဲဒါ သူတို့လည်း လိုက်လာတာပဲ။ အသာတကြည် လိုက်လာတာ။

အဲလို ရေတပ်နဲ့ သူတို့နဲ့သွားနေတဲ့အခါမှာ ကျနော်တို့ဆီကလူတွေက အဲဒီကုလားတွေကို အတင်းဝင်ပြီး စကားပြောကြတာ။ ကုလားစကား ပြောတဲ့လူက ပြော၊ အင်္ဂလိပ်လို ပြောတဲ့လူက ပြောပေါ့လေ။ အဲဒါ ကျနော်တို့ ပြောချင်တာကို ကျနော်တို့က နိုင်ငံရေးအကျဉ်းသားတွေ ဖြစ်တဲ့အကြောင်း၊ ဗမာပြည် ပြည်မကနေပြီးတော့ ထောင်အသီးသီးကနေပြီး ဒီကို ပို့တယ်ဆိုတဲ့အကြောင်း အကုန်လုံး ပြောတာပဲ။ ဒီမှာ ဘယ်သူတွေ အစာငတ်ခံပွဲမှာ သေသွားတယ်ဆိုတဲ့အကြောင်း၊ ထောင်က ထွက်ပြေးကြတယ်ဆိုတဲ့အကြောင်း အကုန်လျောက်ပြောတာ။

ဒါပေမယ့် အဲဒီလူတွေက စကားမပေါက်တာလား၊ ဘာလား မသိဘူး။ ကျနော်တို့ ပြောတာကို မကြားသလိုဘဲ လုပ်နေတယ်။ နောက်ဆုံးကျတော့ အဲဒီထဲကတယောက်က ကျနော်တို့လူတယောက်ဘက်ကို လှည့်ပြီးတော့ သူ့လည်ပင်းသူ လက်ဝါးစောင်းနဲ့ ဖြတ်ပြတာ။ အဓိပ္ပာယ်က ကျုပ် ခေါင်းပြတ်လိမ့်မယ်ဆိုတဲ့ အဓိပ္ပာယ်ပေါ့။

အဲဒါနဲ့ ကျနော်တို့လည်း ဆက်မပြောကြတော့ပါဘူး။ သူတို့ကို စာနာစွာနဲ့ပဲ ဒီအတိုင်းကြည့်တာ။ သူတို့လည်း ကြောက်မှာပေါ့ဗျာ၊ ဟိုက သေနတ် G-3 လို ဟာမျိုးကြီးနဲ့ ချိန်ထားတာ။ စတင်းဂန်းတွေ၊ G-3 တွေနဲ့။ နောက် သူတို့ရဲ့စက်လှေဟာ ကိုကိုးလေးကျွန်းရဲ့ ဟိုးအနောက် ဘက်ကမ်းမှာ ရပ်ထားတာ။ အဲဒါ ကျနော်တို့ဘက်က ဘယ်လိုမှ လှမ်းမမြင်ရဘူး။ စက်လှေလို့ ကျနော်တို့ နားလည်မိတယ်။

အဲဒီတော့ အဲဒီလှေပေါ်မှာ ဘာကုန်တွေပါလို့ လူ ဘယ်နှစ်ယောက် ကျန်တယ်ဆိုတာလည်း ကျနော်တို့ ဘာမှ မသိဘူး။ သူတို့က ဘယ်နိုင်ငံသားတွေဆိုတာလည်း မသိလိုက်ရဘူး။ ဖြစ်နိုင်တာက ဒီလူတွေက မှောင်ခိုပစ္စည်းသယ်တဲ့ လူတွေပဲလို့ ထင်တယ်လေ။

သူတို့ကို ရေတပ်ကခေါ်သွားပြီးတဲ့နောက် သူတို့အကြောင်း နောက်ထပ် ဘာမှမကြားရတော့ဘူး။ ကျနော်တို့ကလည်း တခြားအရပ်ကလာကတဲ့ ဇာတ်အဖွဲ့လေးတဖွဲ့ ပြန်သွားသလိုလောက်ပဲ။ သူတို့လည်း ပျောက်သွားတော့ ပြီးပြီးစေ ဖြစ်သွားတာပဲ။ ကိုယ့်မူလဘဝ၊ ကိုယ့် နေ့စဉ်ဘဝတွေက အာရုံတွေ ပြန်ရောက်လာတော့တာ။

ဆက်လက်ဖော်ပြပါမယ်။

Wednesday, December 23, 2009

ရာသီဖျား

ခပ်ရိုးရိုး
အခိုးအငွေ့တွေ သယ်ဆောင်
တိမ်ယောင်တိမ်ရိပ် အကျိုးအပဲ့တွေ
ကောင်းကင်ကို ချိုးဖွဲ့သွားမှာစိုးတယ်။ ။

နေဇော်နိုင်
စာပေဂျာနယ်
ဇူလိုင် ၁၉၉၅

Seasonal Fever

Simply that
smoke and air carried upwards
to from broken clouds
and shadows.
I’m afraid that
they might break the sky
into pieces.

Nay Zaw Naing

ဗမိုး အင်္ဂလိပ်ဘာသာ ပြန်ဆိုသည်။
စာပေဂျာနယ် ကဗျာများ
၁၉၉၈ ခုနှစ်၊ မတ်လ

Tuesday, December 22, 2009

မုန်တိုင်းကိုဆန်၍ ပင်လယ်ကိုဖြတ်သောအခါ (၁၉)

ကြုံလို့ပြောလိုက်ချင်သေးသည်။ အင်းစိန်ထောင်ကြိုးတိုက်ထဲမှ အခန်းချင်း အုတ်နံရံခြား ကပ်လျက်နေခဲ့ရသည့် ကျနော့် ဆရာ ဦးဝင်းခက်နှင့် မာနယ်ပလောမှာ ပြန်တွေ့ကြတော့ ဆရာဦးဝင်းခက်က သူအမြဲတမ်း ပြောလေ့ရှိသည့် စကားတခွန်း ရှိပါသည်။

“မောင်ရင် ကိုယ့်မှာတော့ လိပ်ကြီး ပက်လက်လှန်ထားသလို ယက်ကန်ယက်ကန်နဲ့ ဘာမှလုပ်လို့ မရဘူး”

ကျနော့်ဆရာ ဒီစကားပြောတိုင်းပြောတိုင်း ကိုကိုးကျွန်း လိပ်သောင်မှာ ၁၀ ဂဏန်းကျော်ထက်မနည်း ကျနော် ပက်လက်လှန်ထားခဲ့သော လိပ်ကြီးများကို မျက်စေ့ထဲမှာ တဖြည်းဖြည်း မြင်ယောက်မိပါသည်။

လိပ်ကြီးတကောင်ကိုဖျက်ရင် ယောင်္ကျားကြီး ၂ ထမ်းစာ ထမ်းရပါသည်။ လိပ် ၂ ကောင်ဆိုတော့ ၄ ထမ်းပေါ့။ ကျနော်တို့ တာဇံတသိုက် ခပ်သွက်သွက်နဲ့ လိပ်သောင်က ဆုတ်လာလိုက်ပါသည်။ ထောင်ဝါဒါတွေ ဂိတ်ဝရှေ့က ဖြတ်လာတော့ လိပ်သားနံ့က တညှီညှီ၊ ခွေးတွေက တစီစီဖြစ်နေပါသည်။

ထောင်မှူးထောင်ပိုင်တွေက သိသော်လည်း ကျနော်တို့ကို မပြောပါ။ ပြောရင်လည်း ရမှာမဟုတ်သည့်အတွက် မသိချင်ယောင်ဆောင်နေခြင်းလည်း ဖြစ်မည်ထင်ပါသည်။ အမှန်က ပင်လယ်လိပ်ကြီးတွေကို မသတ်ရလို့ ပင်လယ်ဥပဒေရှိသည်ဟု ကြားရပါသည်။ ဟုတ်သော် ဟုတ်ကောင်းရာ၏။ လိပ်တကောင် အရွယ်ရောက်ဖို့ အနှစ် ၂၀ ခန့်ကြာသည်ဟု သိရသည်။

ဖိုကြီးထဲကို ထမ်းလာတဲ့ လိပ်သားတွေရောက်လာပြီဆိုတော့ ရဲဘော်တွေအားလုံးကို စားရေး သောက်ရေးအတွက် အဆင်ပြေအောင် စီစဉ်ပေးရတယ်။ ဆရာဦးလှဖေတို့၊ လူထုစိန်ဝင်းတို့ လူကြီးတွေ အလုပ်ပိုများလာပါသည်။ အေးအေးလူလူနေတတ်တဲ့ ကိုထင်ရှိန်တို့၊ ကိုရဲမြင့်တို့၊ ဗိုလ်ကလေး ကိုလှကြည်၊ ဗိုလ်ကလေး လှတင်အောင်၊ ဗိုလ်ကလေး သိန်းဆွေ အစရှိတဲ့ အကိုကြီးတွေနဲ့ တခြား ရဲဘော်တွေလည်း ဖိုကြီးကို ဝိုင်းကူကြရပါတယ်။

လိပ်တကောင်၏ ဥသိမ်က ကျောက်ဒိုးအရွယ်လောက်၊ ဥက ၅၀၀ ကျော် ၆၀၀ လောက်ရှိမည်။ အဲဒီလိပ်ဥတွေကို မုန့်လုပ်ရပါသည်။ ကုလားပဲခြမ်းကို လှော်၊ အမှုန့် ထောင်း။ ဆန် လှော်၊ အမှုန့် ထောင်း။ အုန်းသီးအလုံး သုံးလေးဆယ် အုန်းနို့ညှစ် ထည့်၊ နို့ဆီ ထည့်၊ သကြား ထည့်၊ ကျိုခဲအောင် မွှေ။

ပြီးတော့မှ လက်လုပ် အိုးခင်းနှင့် အထက်မီး အောက်မီး ဖုတ်၊ နောက်တနေ့ မနက်ကျတော့ လက် ၃ သစ်လောက်ထူပြီး လက်ဝါးလောက်ကြီးတဲ့ အတုံးကြီးတတုံး။ အနံ့ကလည်း သင်း၊ အရသာကလည်း ပြောပြလို့မတတ်အောင် အင်မတန်ကောင်းမွန်သည့် မဏိတဘောဇဉ်မှာ လက်ဘက်ရည်ကျကျတခွက်၊ အဲဒီမနက်ကတော့ ရဲဘော်တိုင်းအတွက် အလုပ်အကျွေး ဆက်ပါသည်။

လိပ်တကောင်ရပြီဆိုလျှင် အူမကြီး၊ အူနု၊ အသဲ စသည့်ကလီစာက တနပ် စားရတယ်။ အသားက တနပ်။ အရိုး၊ အခွံ၊ အခေါက်တွေက စွပ်ပြုတ်တအိုး။ အခေါက်တွေကို နူးအောင်ပြုတ်ပြီး သုတ်စား။ လိပ်တကောင်ဆိုရင် ၃ နပ် စားရပါသည်။ ကျနော်တို့ မြောက်ဘက်ခြမ်းဖိုကြီးက စားအား ၁၀၀ ကျော်ရှိတာတောင် ၃ နပ်စားရပါသည်။ လိပ် ၂ ကောင်ဆိုတော့ ရဲဘော်တွေ ဝဝလင်လင် စားရပါသည်။

ဖော်မြူလာနည်းကျကျနဲ့ ချက်ပြုတ်တာ

စားခြင်း၊ သောက်ခြင်းအမှုနဲ့ပတ်သက်ပြီး မှတ်သားဖွယ်တခုကို မှတ်တမ်းပြုချင်ပါသေးသည်။ ကျနော်တို့ ရဲဘော်တွေထဲမှာ မြင့်ဦးသစ်ဆိုတဲ့ ရဲဘော်တယောက်ရှိသည်။ အရပ်က မြင့်မြင့်၊ လူကောင်က ထွားထွား ပြီးတော့လည်း စတိုင်က ခပ်ကြွားကြွား၊ အပြောအဆို အနေအထိုင်ကလည်း သူများနဲ့ နည်းနည်းခြားပါသည်။

သူ့နာမည်ကို ‘ဆန်းချောချစ်’ လို့ ကျနော် နာမည်ပေးထားပါသည်။ ဆန်းလည်း ဆန်း၊ ချောလည်း ချော၊ ချစ်စရာလည်း ကောင်းလို့ ဆန်းချောချစ် လို့ နာမည်ပေးထားတယ်။ သူက ဂျာမန်ဘာသာကို ခြောက်တီးခြောက်ချက် သင်လာခဲ့ရတော့ စကားစကြုံတိုင်း “အာဘေဆေဒေအေ အက်(စ)ကေ” ဆိုတဲ့ ဂျာမန်စာ ကကြီး၊ ခခွေးကို ရွတ်ပြီး ကျနော်တို့ကို ကြွားလေ့ရှိပါသည်။ စားဖိုဆောင်မှာ သူလည်း စီမံကြီးကြပ်သူ တယောက်ပါ။

တနေ့တော့ ရမ်းဗြီးနဲ့ ကိုအောင်ထီ ငါးလိပ်ကျောက်ကြီးတကောင် ရပါသည်။ စကောဝိုင်းလောက် ကြီးပါသည်။ ငါးလိပ်ကျောက်ဟာ ဖမ်းရတာ အန္တရာယ်ရှိပါသည်။ သူ့အမြီးက တလံလောက်ရှည်သည်။ အမြီးဖျားအချွန်က အဆိပ်ရှိပါသည်။ ငါးလိပ်ကျောက်ထိုးသည့် မှိန်းက ၂ လံကျော် ရှည်သည်။ ငါးလိပ်ကျောက်ကလည်း လူကိုတွေ့ရင် တော်ရုံမပြေး။ ရမ်းဗြီးက သူ့မှိန်းရှည်ကြီးနဲ့ လှမ်းထိုးပြီး ထောက်ထားလိုက်သည်။

ငါးလိပ်ကျောက်ကလည်း အမြီးနဲ့ တရွှမ်းရွှမ်းရိုက်ပြီး ထိုးတော့သည်။ မှိန်းရိုးက ရှည်တော့ လူကိုမထိပါ။ ငါးလိပ်ကျောက် မောပြီး ငြိမ်နေတော့မှာ ကိုအောင်ထီက ဓားရှည်နှင့် အမြီးကို ဇက်ခနဲ ခုတ်ဖြတ်လိုက်သည်။ သူတို့ ၂ ယောက် ငါးလိပ်ကျောက်ကြီး ဖမ်းလာပြီးနောက် ဖိုကြီးကို အပ်တာပေါ့။ ဆန်းချောချစ်ကြီး စားဖိုမှာ ကြီးကြပ်နေတဲ့ အလှည့်နဲ့ကြုံပါသည်။ ဒီမှာတင် ဆန်းချောချစ်ကြီးက ကြွေးကြော်ပါတော့သည်။

“ဒီ ငါးလိပ်ကျောက်ကြီးကို ဖော်မြူလာနည်းကျကျ ရဲဘော်တွေကို ချက်ကျွေးပြမယ်ကွ”

ဆန်းချောချစ်ကြီးက ဖော်မြူလာနည်းကျကျ လက်စွမ်းပြပါတော့သည်။

ဆားကို ၂ ဗူးထည့်၊ ငရုတ်သီးမှုန့် တဗူး၊ ဆနွင်းက ဗူးဝက်၊ ဆီက ၃ ဗူး၊ ကျန်တာ အမွှေးအကြိုင်နဲ့ပေါ့။ ဆန်းချောချစ်ကြီး သူ့စိတ်ကူးရတဲ့ ဖော်မြူလာနဲ့ ပညာပြပြီး ချက်ပါတော့သည်။

ဟင်းကျက်ချိန်ရောက်လို့ မြည်းကြည့်လိုက်တော့ “လား ... လား” ငန်တူးပြီး စပ်ကလည်း စပ်၊ ဆနွင်းနံ့ကလည်း စူးစူးဝါးဝါးနဲ့။ ဒီမှာတင် ဆန်းချောချစ်ကြီး မျက်လုံးပြူးပါတော့သည်။ ကြားဖူး နားဝရှိတဲ့သူတွေက အငံကို စုပ်တာ မီးသွေးခဲပဲဆိုပြီးတော့ မီးသွေးခဲကို အဝတ်နဲ့ထုတ်၊ ဟင်းအိုးထဲထည့်။ ဒါလည်းမရ။

နောက် မန်ကျည်းသီးနိုင်နိုင်နဲ့ဖြေ၊ ဒါလည်းမရ။ နောက်ထပ် သကြား နို့ဆီဗူးတဗူးထည့် ဖောက်ပြန်တဲ့အရသာ လုံးဝဖြေလို့ မရဘဲဖြစ်နေတယ်။ ကျနော်တို့ ထင်းဖြတ်ပြီးလို့ မောမောနဲ့ ပြန်လာကြ။ ၁၀ နာရီကျော်ပြီ စားရိပ်သာကိုသွားတော့ ရိပ်သာကလည်း တံခါးတွေပိတ်ထား။ မေးကြည့်တော့ ဟင်းမကျက်သေးလို့တဲ့။

မသင်္ကာလို့ နောက်ဘက်မီးဖိုဘက် လှည့်သွား ကြည့်တော့ ဖော်မြူလာနည်းကျကျ ချက်ပြုတ်ထားတဲ့ကိစ္စကို ကျိတ်ပြီးရှင်းနေကြတာကိုး။ ဘယ်လိုမှမပြေလည်တဲ့အဆုံး ရဲဘော်တွေကို ချကျွေးလိုက်ရတာပေါ့။ ဒီမှာတင် ဖော်မြူလာရဲ့အရသာကို လွေးကြရပါတော့တယ်ဗျာ။

ဖော်မြူလာ ငါးလိပ်ကျောက်ဟင်းက ငန်ကလည်း ငန်၊ စပ်ကလည်း စပ်၊ ချဉ်ကလည်း ချဉ်၊ ချိုကလည်း ချို၊ ဆနွင်းနံ့ကလည်း ပိုလိုက်သေး။ ဒီမှာတင် ဆန်းချောချစ် ကိုမြင့်ဦးသစ်ကြီးကို ရဲဘော်တွေ ဝိုင်းပြီး ချီးကျူးလိုက်ကြတာ အဲဒီနေ့ကစပြီး ကျွန်းပေါ်မှာနေခဲ့ရ သမျှကာလပတ်လုံး ကိုမြတ်ဦးသစ်ကြီးတယောက် ဖိုကြီးတာဝန်ကို ဘယ်တော့မှ ခြေဦးမလှည့်ဘဲ ဖြစ်သွားပါသဗျာ။

တိုက်ပွဲတပွဲ တိုက်နိုင်ဖို့ဆိုတာ

တိုက်ပွဲတပွဲတိုက်ဖို့ ပြင်ဆင်ရာမှာ ဘက်စုံ ထောင့်စုံ၊ အခြေအနေစုံ လိုအပ်ပါတယ်။ ကျွန်းပေါ်ကနေ တကယ်ပဲ ထွက်ပြေးဖို့ ဆုံးဖြတ်ချက်ချလိုက်ပါပြီ။ တွဲဖော်တွဲဖက်၊ ရဲဘော်ရဲဘက်တွေ အဓိကထဲက ကိုချစ်ဆွေ၊ ကိုအုန်းမော်တို့နဲ့ နေအတူ၊ စားအတူ၊ သွားအတူ၊ အလုပ်အတူ သိပ်မရှိနိုင်တော့ပါ။ တခါတလေလည်း ညဘက် ပျောက်ပျောက်နေတော့ တချို့ရဲဘော်တွေက ခြေမမှန်တော့သော ကျနော့်ကို အမြင်လွဲကြပါသည်။

ကျနော်ကလည်း ဘယ်လိုလုပ်ပြီး ဖြေရှင်းမလဲ။ ကျနော် ကျွန်းကထွက်ပြေးဖို့ နေ့မအား ညမအား လုပ်နေရတာပါဗျာ။ ရဲဘော်တို့ ကျနော့်ကို အထင်မလွဲကြပါနဲ့ဆိုပြီး လူတကာကို လိုက်ပြီးဖြေရှင်းလို့ ရကောင်းတဲ့ကိစ္စမဟုတ်တဲ့အတွက် ဘယ်လိုလုပ်မလဲ။ အထင်လွဲ အထင်သေးလည်း မတတ်နိုင်ပါ။ တနေ့တော့ ရဲဘော်တို့အားလုံး ကျနော့်လုပ်ရပ်တွေက ဖြေရှင်းပေးသွားမှာပါ။ ဒီလိုပဲ စိတ်ထဲက မှတ်ယူပြီး ခေါင်းငုံ့ခံခဲ့ရပါသည်။

ကျနော့်ဘဝခရီးကြမ်းတလျှောက်တွင် အကြိမ်တော်တော်များများ ဤကဲ့သို့ အထင်အမြင်လွဲမှားခြင်း ကြုံခဲ့ရသည်။ သည်းခံပြီး ခေါင်းငုံ့ခံခဲ့ရသည်။ အချိန်နှင့်ကာလတခုရောက်မှပဲ လက်တွေ့ဖြစ်ရပ်တွေက အလိုလို ဖြေရှင်းလိုက်ကြပါသည်။

ဆက်လက်ဖော်ပြပါမည်

ကျောင်းသား ထောင် တော်လှန်ရေးသမား (၂၉)

နောက် ထူးခြားချက်တခုက ကျနော်တို့ဘက်က အတွေးအခေါ်ရေး၊ နိုင်ငံရေး အမြဲရှင်သန်နေအောင် ကိုယ့်လူတွေကို ကိုယ်လုပ်ထားနိုင်တယ်။ ကျနော်တို့ ဒီမှာ ပြည်မနဲ့ အဆက်အသွယ်ပြတ်နေပေမယ့် တခြားထောင်တွေမှာလို အဆောင် တခုနဲ့တခု တိုက်ခန်းတခုနဲ့တခု အဆက်ဖြတ်ထားတဲ့ဟာမျိုး လုပ်လို့မရဘူး။ အမြဲတမ်း အလုပ်ထွက် လုပ်နေကြတဲ့အခါကျတော့ အကုန်လုံးက တိုးလျှိုပေါက်။ နောက်ပိုင်း ခြံစည်းရိုးတောင် မရှိတော့တဲ့ အခြေအနေမျိုး။

အဲဒီတော့ အဲလို အဆက်အသွယ် သိပ်ကောင်းနေတဲ့အခါကျတော့ တဦးကိုတဦး အကြံပေးနိုင်တယ်၊ အားပေးနိုင်တယ်။ စိတ်ဓာတ်ကျရင်လည်း အကူအညီပေးနိုင်တယ်။ တိုင်ပင်ညှိနှိုင်းနိုင်တယ်။ အစည်းဝေးကြီးတွေ ကျင်းပနိုင်တယ်။ ကလပ်စည်း အစည်းအဝေး မပြောနဲ့၊ စခန်းလုံးကျွတ် အစည်းအဝေး ကျင်းပမလား၊ ကျနော်တို့ ရိက္ခာလုံးကျွတ် အစည်းအဝေး ကျင်းပမလား။ ကပွဲကြီးတွေလုပ်မလား၊ ဟောပြောပွဲကြီးတွေ လုပ်မလား၊ အားကစားပွဲကြီးတွေ လုပ်မလား ဘာမဆိုလုပ်လို့ ရတယ်။ လုပ်လည်း လုပ်နေကြတယ်။

အဲဒီတော့ ကျနော်တို့ အခမ်းအနားတွေမှာ လုပ်ခဲ့တယ်ဆိုလို့ရှိလျှင် ကျနော်တို့မှာ တီးဝိုင်းတွေ အပြည့်အစုံနဲ့။ တီးဝိုင်းမှာ လေမှုတ်တဲ့ဘက်ကပဲ နည်းနည်း အားနည်းတယ်။ လေမှုတ်တာတော့ ပလွေပဲရှိတာ။ ကြိုးတပ် တူရိယာတွေမှာဆိုလျှင် တယော၊ ဒုံမင်း၊ မယ်ဒလင်၊ ဂီတာ၊ နောက် ပတ္တလား။ သားရေဘက်မှာဆိုရင်လည်း ခြောက်လုံးပတ်၊ အိုးစည် ဒိုးပတ် အကုန်ရှိတယ်။ နောက် ပါတီသီချင်းတွေ၊ ကျောင်းသားသီချင်းတွေ၊ ကျွန်းပေါ်မှာ ထပ်ရေးတဲ့ သီချင်းတွေ၊ နောက် တိုက်ပွဲအတွင်းမှာ ကျဆုံးသွားတဲ့လူတွေကို ဂုဏ်ပြုတဲ့သီချင်းတွေ အများကြီးပဲ။ ကျနော်တို့အဲဒီမှာ တီးကြမှုတ်ကြ၊ ကပွဲကြီးတွေဆိုလျှင် ဟိန်းနေတာ ပြဇာတ်တွေနဲ့။

ဒီ ၅၃ ရက် တိုက်ပွဲထဲမှာကျသွားတဲ့ ကိုသိန်းကြည်တို့၊ ကိုမောင်မောင်စိုးတို့ဆို သီချင်းရေးကောင်းတဲ့လူတွေပေါ့။ အဲဒီ ၅၃ ရက်မှာကျသွားတဲ့ ကိုထွန်းဝင်းဆိုတာတော့ သူ့လက်ဖျားမှာ အလင်္ကာလို့ ဆိုရမလောက်အောင် အနုပညာမြောက်တဲ့ တူရိယာပစ္စည်းတွေကို ဖန်တီးနိုင်တဲ့လူ။ ကျနော်တို့ တူရီယာဝိုင်းမှာ တူရီယာဝိုင်း ခေါင်းဆောင်က ကိုလှိုင်တင်၊ နောက် ကိုတေဇ၊ ကိုမြတ်ဆွေ၊ ကိုမြတ်သောင်း၊ ကိုဝင်း … အစရှိသူတွေ။ အင်မတန်မြိုင်တဲ့ တူရီယာတီးဝိုင်းပါ။

အားကစားပြိုင်ပွဲတွေဆိုလို့ရှိရင်လည်း ကျနော်တို့ ထောင်ထဲမှာ ဘောလီဘောပြိုင်ပွဲ၊ ဘောလုံးပြိုင်ပွဲ၊ စစ်တုရင်ပြိုင်ပွဲ၊ ကျားပြိုင်ပွဲ အကုန်ရှိတယ်။

နောက်တခါ သဘောတရားရေး စာစောင်တွေ ဖြန့်ကြတာ။ ဒါလည်း အင်မတန် စနစ်ကျတယ်။ ကျနော်တို့ အထက်ကပြောခဲ့သလိုပဲ ရေဒီယိုကနေပြီးတော့ ကျနော်တို့ သတင်းတွေ ရတယ်။ နောက်ပြီး ဆောင်းပါးတွေ ရတယ်။ အဲဒါတွေ ကူးတယ်။ ကူးပြီး စာအုပ်ထုတ်ကြတယ်။ နောက်တခါ အခါကြီးရက်ကြီး၊ နေ့ကြီးတွေမှာ မဂ္ဂဇင်းတွေ ထုတ်တယ်။

စာအုပ်က ဘယ်လိုဖြစ်သွားလဲဆိုတော့ နို့ဆီဗူးပက်တွေကို ကျနော်တို့က ကော်နဲ့ကပ်ပြီးတော့ စာရွက်ဖြစ်အောင် လုပ်တာ။ ထမင်းလုံးကို ကော်တိုက်တာပေါ့ဗျာ။ ပိတ်သားခံပြီး ထမင်းလုံးကို ကော်တိုက်၊ ပြီးလို့ရှိရင် အဲဒီ နို့ဆီဗူး အပတ်ကလေးတွေ ကို ထိပ်ကလေးတွေ လိုက်ဆက်ယူတာ။ နို့ဆီဗူးပတ် ၂ ခုဆိုလို့ရှိရင် စာအုပ်ငယ်ငယ်၊ ၃ ခုဆိုရင် နည်းနည်း ပိုကြီးတာပေါ့။ နောက်တခါ ဘိလပ်မြေအိတ် အခွံတွေနဲ့လည်း ကျနော်တို့ အဲဒါ စာအုပ်လုပ်တယ်။

အဲ … ရေးတာကတော့ ကလောင်နဲ့ရေးတာ။ ကလောင်က အမျိုးမျိုးပဲ။ ရိုးရိုးသံပြားက အစ ကြေးပြားပါမယ်၊ ဆေးပုလင်း ဖြတ်တဲ့လွှကို ကလောင်လိုသွေးထားတာ၊ အင်မတန် လက်ရာမြောက်တယ်။ နောက်တခါ ဆေးသွင်းတဲ့ Drip သွင်းတဲ့ အခါမှာသုံးတဲ့ ပုလင်းထဲကို ထိုးစိုက်တဲ့ အပ်အတုတ်ကိုဖြတ်ပြီးတော့ ထိပ်က နည်းနည်းလေးခွဲပြီး လုပ်ထားတာ။ အဲဒါ အကောင်းဆုံးပဲ။ မင်က အများဆုံးကတော့ သရက်ပင်အခေါက်နဲ့ သံချေးပေါ့ဗျာ။ အဲဒါ အင်မတန်မှ အဆင့်မြင့်ပါတယ်။

အဲဒီလို နိုင်ငံရေးရှင်သန်အောင် လုပ်ထားတဲ့နိုင်တဲ့အတွက် တိုက်ပွဲဝင်တဲ့လူတွေရော၊ အပြင်ဘက်က လူတွေရော အင်မတန် တက်ကြွနေပြီးတော့ တိုက်ပွဲကို အစကနေ အဆုံးအထိ အလံတလူလူနဲ့ သီချင်းတွေ တဟိန်းဟိန်းနဲ့ သယ်ဆောင်သွားနိုင်တာ ဖြစ်ပါတယ်။

အခုလို ကျနော်တို့ရဲ့အကျဉ်းစခန်းထဲမှာ၊ အဖွဲ့အစည်း အသီးသီးကြားမှာ၊ လူတဦးချင်းရဲ့ခေါင်းတွေထဲမှာ အတွေးအခေါ်ရေးအရ၊ နိုင်ငံရေးအရ ရှုပ်ရှုပ်ထွေးထွေးတွေ ဖြစ်နေတုန်းမှာပဲ မှတ်လောက်သားလောက်တဲ့ ထူးထူးခြားခြား အဖြစ်အပျက်တခုနဲ့ ကြုံရတယ်ဗျ။ အတော်တော့ မမေ့နိုင်စရာကောင်းတဲ့ အဖြစ်အပျက်ကလေး တခု။

အဲဒါက တနေ့၊ နေ့လယ် ၁ နာရီ ၂ နာရီလောက်ဖြစ်လိမ့်မယ်။ ကျနော်က ကျနော့်ရဲ့အိပ်ဆောင်ထဲမှာ ထိုင်နေတာ။ အဲဒီအချိန်မှာ လှေတစင်း ဒီကျွန်းဘက်ကို လာနေတယ်ဆိုတဲ့သတင်း ကျန်တဲ့ အကျဉ်းသားတွေက ပြောလို့ ကျနော်တို့ စခန်းတွေထဲကို ရောက်လာရော။ ကျနော်လည်း “ဟာ!” သိပ်အံ့သြသွားပြီးတော့ အင်မတန် စိတ်ဝင်စားပြီး လှေလာနေတဲ့ဘက်ကို ကျနော်တို့ အကုန်ပြေးထွက်သွားကြတာ။

အဲဒါ အဆောင်တွေတိုင်းက လူတွေအကုန်လုံး ပြေးထွက်တာပဲ။ တယောက်မှတောင် မကျန်ဘူးထင်တယ်။ အဖိုးကြီးတွေလည်း လိုက်လာတယ်။ ဆရာ ရာဂျမ်တို့၊ လေထီး ဗိုလ်အုန်းမောင်တို့ သူတို့လည်း လိုက်လာတယ်။ ဦးလေး ဗန်းမော်တင်အောင်တို့၊ ဦးမြသန်းတို့လည်း လိုက်လာတယ်။ ကျန်တဲ့ အဖွဲ့အစည်းက လူတွေ၊ ကျန်တဲ့အဆောင်က လူတွေလည်း အကုန်လုံး ထွက်လာကြတာပဲ။

အဲဒီတော့ ဒီမှာ ကျနော်တို့ဖြတ်ပြောချင်တာ တခုရှိတယ်။ အဲဒါ ဘာလဲဆိုရင် ကျနော်တို့ကျွန်းကိုပို့ပြီး နှိပ်စက်နေတဲ့ အကြောင်းကို ကျနော်တို့က သူများတွေမသိမှာ သိပ်စိုးတယ်။ တကယ်လည်း ဒီစစ်အစိုးရဟာ ကမ္ဘာနဲ့ရော၊ ပြည်တွင်းက လူထုနဲ့ရော အဆက်ဖြတ်ပြီးတော့ ကျနော်တို့ ဒီထဲမှာ ကပ်ပြီး နှိပ်စက်နေတာ။ အဲဒါကို ကျနော်တို့က ကျနော်တို့သတင်းကို အပြင်ကို သိပ်ပို့စေချင်တာ၊ ရောက်စေချင်တာ။ အဲဒါကို စာရေး၊ စာကိုပုလင်းထဲမှာထည့် ပုလင်းကိုပိတ်ပြီး ပင်လယ်ထဲပစ်တာမျိုးတောင် စဉ်းစားဖူး လုပ်ကြဖူးသေးတယ်။

အဲဒါ တခါတခါဆိုလျှင် ကျနော်တို့ကျွန်းနဲ့ မလှမ်းမကမ်းမှာ ပင်လယ်ကူးသင်္ဘောကြီးတွေ ဖြတ်သွားတာ တွေ့ရတယ်။ ပင်လယ်ကူးသင်္ဘောကြီးတွေက နေ့ဘက်ဆိုလျှင် မီးခိုးတွေ တန်းလို့၊ မီးခိုးတလူလူနဲ့ သွားတယ်။ ကျနော်တို့မြင်နေရတာ တဖြည်းတဖြည်း ဝေးဝေး ဝေးဝေးပြီး ပျောက်သွားတာ။ ညဆိုလို့ရှိရင်မီးတွေထိန်လို့ တရိပ်ရိပ်သွားနေတာ။ တခါကလည်း ကျနော်တို့ မန္တလေးက သင်္ကြန်အလှပြကားကြီးတစင်း ဖြတ်သွားသလား အောက်မေ့ရတယ်။

သူတို့ကတော့ ပင်လယ်ပြင် အကျယ်ကြီးမှာ မိုးကောင်ကင်ကျယ်ကျယ်ကြီးမှာ လွတ်လွတ်လပ်လပ်ကြီးနဲ့ ဖြတ်သွားကြတာလေ။ ကိုယ်ကတော့ ပင်လယ်ဝန်းရံထားတဲ့ အချုပ်စခန်းတခုထဲမှာ အပိတ်အနှောင်ခံနေရတာ။ တကယ်ကို အဲဒီသင်္ဘောကြီးတွေ ဖြတ်သွားတာကြည့်ရတာ လွမ်းစရာကြီးပဲ။ ကျနော်တို့ အညာမှာ ဧရာဝတီမြစ်ကမ်းထိုင်ပြီးတော့ သင်္ဘောကြီးတွေဖြတ်သွားရင် လွမ်းရတာထက် အဲဒီထက်တောင်ပိုပြီး လွမ်းစရာ ကောင်းသေးတယ်။

အဲဒီတော့ အခုဒီမှာ လှေတစင်းရောက်လာပြီ၊ လူစိမ်းတွေလာတော့မယ်ဆိုတော့ အို … ကျနော်တို့ အင်မတန် စိတ်ဝင်စား၊ စိတ်လှုပ်ရှားကြတာ၊ အင်မတန်လည်း တက်ကြွကြတာ။ အဲဒါနဲ့ ကျနော်တို့ ကိုကိုးကျွန်းရဲ့ အနောက်ဘက် ကမ်းခြေဘက်ကို တန်းပြေးကြတာပဲ။

ကျနော်တို့ရောက်တော့ အဲဒီမှာ ကျနော်တို့အရင် ရေတပ်တွေ၊ ထောင်အမှုထမ်းတွေက ရောက်နေကြပြီ။ သူတို့က အကုန်လုံး အခြေအနေသိပြီးသား။ အဲဒီတော့ သူတို့က လက်နက်တွေကိုယ်စီနဲ့ စစ်တိုက်ပွဲတပွဲလို နေရာယူပြီး စောင့်နေကြတာ။ အဲဒီတော့ကျနော်တို့ရဲ့ အနောက်ဘက် ၁၄ မိုင်လောက်ဝေးတဲ့နေရာမှာ ကိုကိုးလေးကျွန်း ရှိတယ်။ ကိုကိုးလေးကျွန်း ဆိုတာလည်း သိပ်တော့ မသေးဘူး။ သူ့အရှည်က ၃-၄ မိုင်တော့ ရှိမယ်ထင်တယ်။ အဲဒီ ကိုကိုးလေးကျွန်းဘက်ကနေ ပြီးတော့ လှေလိုလို၊ ဖောင်လိုလိုတစင်း ကျနော်တို့ဘက်ကို လာနေတာလှမ်းမြင်နေရတယ်။ လှုပ်လှုပ် လှုပ်လှုပ်နဲ့ပေါ့လေ။

ဆက်လက်ဖော်ပြပါမယ်။

Saturday, December 19, 2009

ခြင်သုံးကောင် နဲ့ ကျနော် (မောင်တော်ရှင်ချစ်)

ကြုံဖူးကြမှာပါ။ အနားမှာ တဝီဝီလာလုပ်နေတဲ့ ကောင်တွေကို။ သိပ်မုန်းဖို့၊ သိပ်ဒေါသထွက်ဖို့ကောင်းတဲ့ ကောင်တွေဗျာ။ ကျနော်ပြောတာက ကိုက်ရင်လည်း ကိုက်ပလိုက်။ ဘာလဲ တဝီဝီနဲ့။ သူတို့ ကိုယ်သူတို့ ကြော်ငြာနေသလို၊ “ဟင်း … ကိုက်ပလိုက်မယ်နော်၊ ကိုက်ပလိုက်မယ်နော် …”လို့ ခြိမ်းချောက်နေသလို။

လာကိုက်လိုက်တော့ အကောင်အထည် မြင်ရတာပေါ့ဗျာ။ သူလျင် သူစား၊ ကိုယ်လျင် ကိုယ်စား၊ သူတင် ကိုယ်တင် ရှိသေးတာပေါ့။ အခုဟာက လာမကိုက်သေးဘဲ ဟန်ရေးပြနေတာ ဆိုးတယ်။

ကျနော်နေတဲ့အခန်းက သိပ်အကျယ်ကြီး မဟုတ်ပါဘူး။ ပိုင်ရှင်ကလည်း သဘောကောင်းစွာ သံဇကာတွေ တပ်ပေးထားပါတယ်။ ကျနော်လည်း အဲဒီ တဝီဝီအသံကို ကြောက်လွန်းလို့ တံခါး အဖွင့်၊ အပိတ်လုပ်တိုင်း သတိထားပြီး အလျှင်အမြန် အဖွင့်အပိတ် လုပ်တာပါပဲ။

ဒါပေမယ့် ဒီသကောင့်သားတွေက အရမ်းလျင်တယ်ဗျာ။ ကျနော် အဲဒီလောက် သတိထားတဲ့ကြားက မရရအောင်ကို တိုးဝင်လာနိုင်တယ်။ ဒါတောင် ကျနော်က အိပ်ခါနီး မီးမပိတ်ခင် အခန်းတခုလုံးကို စေ့စေ့စပ်စပ် လိုက်စစ်၊ တဝီဝီအသံကို ဂရုတစိုက် နားထောင်၊ တွေ့တာနဲ့ အပြတ်ရှင်း၊ အဲဒီလို အဆင့်လိုက် စီမံကိန်းနဲ့ အကောင်အထည်ဖော်ပြီး ရည်မှန်းချက်ပြည့်ပြီဆိုမှ စိတ်ချလက်ချ မီးပိတ်၊ အိပ်တော့တာ။

အဲဒီ ညကတော့ဗျာ … အတော့်ကို ဆိုးပါတယ်။

ကျနော်ကလည်း ကျနော်ပဲ၊ တော်တော်နဲ့ အိပ်မပျော်ဘူး။ အိပ်မပျော်တဲ့လူတွေရဲ့ ထုံးစံအတိုင်း အတွေးတွေကလည်း ကာလသုံးပါး လှည့်ပတ်လို့ပေါ့။ စိတ်က အိပ်ချင်နေပြီ၊ အိပ်ဖို့လည်း ကိုယ့်ကိုကိုယ် အတိအကျ ဆုံးဖြတ်ပြီးသား၊ အိပ်မက်ကလည်း မက်ချင်နေပြီ။ တခါတခါ အိပ်မက်တွေက အရမ်းလှတော့ ကျနော်က အိပ်မက်တွေကို မျှော်လင့်လေ့ရှိတယ်။

ဒါပေမယ့် မျက်စေ့က အလိုက်မသိစွာ မအိပ်ဘူးဗျာ။ ဘယ်လိုမှကို မအိပ်ဘူး။ ကျနော်မှာ အိပ်မပျော်သေးမှန်း သိသိကြီးနဲ့ အိပ်မက်မက်သလိုလို ကိုယ့်ကိုယ်ကို ဟန်ဆောင်နေရတယ်။ မရပါဘူး၊ တခါပြန်ထ၊ ရေသောက်၊ အိမ်သာတက်၊ ဆေးလိပ်တလိပ်ကုန်အောင် သောက်၊ ပြန်အိပ်၊ ဟိုလှိမ့်၊ ဒီလှိမ့်၊ မှောက်လိုက်၊ လှန်လိုက်၊ စောင်းလိုက်။ အိပ်ယာပေါ်ရောက်တာ နှစ်နာရီကျော် သွားပြီ။ မျက်လုံးနဲ့ စိတ်နဲ့ အခုထက်ထိ ညှိလို့ မရသေးဘူး။ တခါ ပြန်ထ၊ အခုန အစီအစဉ်အတိုင်း ပြန်လုပ်။ ပြန်ညှိ။

အဲ … အဲဒီအချိန်မှာ စတော့တာပဲဗျို့။ စဉ်းစားကြည့်၊ ကျနော် အိပ်ယာပေါ်ရောက်တာ ကြာလှပြီ၊ ပထမတုန်းက ဘာသံမှ မကြားရဘဲနဲ့၊ ခုမှ … ။

“ဝီ … ဝီ … ဝီ … ဝီ”

ပေပြီးနေပလိုက်တယ်။ နားထဲထိ တိုးဝင်တော့မလို။ ဟိုဖက်လှည့်၊ လက်နဲ့ ရမ်း၊ အိပ်စမ်းကွာ။

“ဝီ … ဝီ … ဝီ … ဝီ”

အသံပိုကျယ်လာတယ်။ အရေအတွက် ပိုများလာတယ်။ ကျနော် ဘယ်လိုမှ သည်းမခံနိုင်တော့ဘူး။ ဝုန်းခနဲ ထထိုင်၊ မီးခလုတ်ကို ချောက်ခနဲ ဖွင့်၊ နားစွင့်။

ဟော … ပျောက်သွားတယ်။ အသံ ငြိမ်သွားတယ်။

ဒီလိုမျိုးနဲ့တော့ ဘာရလိမ့်မလဲ။ ကျနော့်ရဲ့စီမံကိန်းတွေအဆင့်တွေကို အကောင်အထည် ဖော်တော့တာပေါ့။ တွေ့ပြီ … တကောင်။ သူများအခန်းတွေက အသံကြားမှာစိုးလို့ လက်ဝါးနဲ့ မရိုက်ရဲဘူး။ အနားအသာ ကပ်၊ လက်ချောင်းလေးနဲ့ ဖိသတ်ဖို့ ကြိုးစား။ လျင်လိုက်တဲ့ ကောင်။ ဝီခနဲ အသံပြုပြီး ပျံပြေးတယ်။ ကျနော်ကလည်း မျက်လုံးကို တောင်ပံတက်ပြီး လိုက်တာပေါ့။ Survival Course တက်ထားတဲ့ကောင် ထင်ပါရဲ့ဗျာ။

ကျနော် လက်လှမ်းမမီနိုင်တဲ့ ခပ်မြင့်မြင့်မှာ သွားနားနေတယ်။ ကျနော်ကလည်း အသာထိုင်ပြီး ဒီကောင့်ကို စောင့်ကြည့်နေတာပေါ့။ ထပျံတာနဲ့ လိုက်ဖို့အဆင်သင့်။ အဲ့ဒီအချိန်မှာ နောက်တကောင် ထပ်လာတာပဲ။ စစ်မျက်နှာ နှစ်ခုဖြစ်သွားပြီ။ နားနေတဲ့အကောင်ကို တချက်ချက် ပြန်ကြည့်၊ ဒုတိယ စစ်မျက်နှာကို ရင်ဆိုင်။

ဟော … နားပြီ။ မီတယ်၊ ကဲ …

“ထောက်”

လက်ညှိုးနဲ့ထိမိတဲ့ အုတ်နံရံတောင် ဆေးနည်းနည်း ကွာသွားတယ်။

ဒီကောင်ကလည်း သင်တန်းဆင်းပဲ။ ပထမအကောင်နဲ့ မလှမ်းမကမ်းမှာ သွားနားတယ်။ ပထမ အကောင်ကလည်း အဲ့ဒီ နေရာက မရွှေ့ဘူး။ အသာအယာထိုင် ငြင်ငြင်သာသာ လှုပ်ရှားပြီး ဆေးလိပ်တလိပ် မီးညှိသောက်၊ မျက်လုံးက မခွာတမ်း။

သောက်လက်စဆေးလိပ် တဝက်လောက်အရောက် ခြုံခိုအတိုက်ခံလိုက်ရတယ်။ ဒီတခါ ဘာသံမှ မကြားရဘဲနဲ့ လည်ပင်းမှာ စူးခနဲ ဖြစ်သွားတာ။ ကျင့်သားရနေတဲ့လက်က ချက်ချင်းပဲ မြောက်တက်သွားတယ်။

“ဖြတ်”

“ဝီ … … ဝီ … …”

ဒေါသတွေ ပစ္စိဖိတ်သမုဒ္ဒရာမှာ လှိုင်းထသွားတယ်။

လွဲတယ်ဗျာ။ အရိုက်ခံလိုက်ရတဲ့ လည်ပင်းသာ နာသွားတယ်။

ရှေ့မှာ … ထပ်လိုက် … ထပ်ရိုက် … ထပ်လွဲ … လိုက် … လိုက် … လိုက် …

ဟား … ဒီကောင်တွေ သင်တန်းတခုတည်း ဆင်းထားတာဗျ။ သုံးကောင်သား မလှမ်းမကမ်းလေး နားနေလေရဲ့။

ကဲ … လှိုင်းတွေကို နည်းနည်းငြိမ်အောင် ကြိုးစား၊ ဒီအချိန်မှာ စိတ်လှုပ်ရှားလွန်းလို့ မရဘူးဆိုတာ အတွေ့အကြုံအရ သိနေတယ်။ သတိထား၊ အသက်မှန်မှန်ရှု၊ အကြောတွေ လျော့ထား၊ အာရုံကို စုစည်း၊ မျက်တောင် မခတ်မိစေနဲ့။

စပြီ …။ တကောင် … လိုက်ထား။

အဲဒီကောင်ကို မျက်ခြေပြတ်သွားလို့ ဟိုနှစ်ကောင်ကို လှမ်းကြည့်လိုက်တော့ တကောင်မှ မရှိတော့ဘူး။ အခုမှ တကယ့်ပွဲ။ ဘာရမလဲဗျာ။ မိုးလင်းသွားပလေ့စေ။

ပထမဆုံး နောက်ထပ် ခြုံခိုအတိုက်မခံရအောင် ဝင်လာနိုင်တယ်လို့ထင်ရတဲ့ အပေါက်တွေ အကုန် ပိတ်လိုက်တယ်။ ပြီးတော့ အပေါ်အင်္ကျီကို ချွတ်လိုက်တယ်။ ဒီကောင်တွေကို နေရာပိုပေးပြီး မျှားလိုက်တာလေ။ လာကြစမ်း … …

လာတယ် … ရိုက်တယ် … လွဲတယ် … နားပြီ … ဖိတယ် … လွဲတယ် … ဟိုမှာ တကောင် … တောက်တယ် … လွဲတယ်။

အချိန်ဘယ်လောက် ကြာသွားမှန်း မသိဘူး။ ဒီကောင်တွေကလည်း သတ္တိကြောင်တွေ။ ကျနော် တကယ်လုပ်မှန်းသိတော့ ဘယ်ချောင်သွားနားမှန်း မသိဘူး။ ဘာသံမှလည်း မကြားရတော့ဘူး။

ဟော … ခုမှပဲ၊ ညှိနေတဲ့စိတ်နဲ့ မျက်စေ့ တည့်သွားတယ်ထင်ပါရဲ့။ ခဏထိုင်နားလိုက်တာ ငိုက်ကျလာတယ်။ ဟေး … တောင့်ထားဦး။ မိုးလင်းချင်လင်းပစေ၊ တရေးမှ မအိပ်ရရင် နေပလေ့စေ၊ ဒီကောင်တွေနဲ့တော့ စာရင်းရှင်းမှ ဖြစ်မယ်။

အား … မရတော့ဘူးဗျာ။ ဗျူဟာပြောင်းရတော့မယ်။ ဒီကောင်တွေကို ဒီည ပေးကျွေးလိုက်တော့မယ်။ မနက်ကျရင် ဒီကောင်တွေ ပျံဖို့နေနေသာသာ လမ်းတောင် ကောင်းကောင်းလျှောက်နိုင်မှာ မဟုတ်တော့ဘူး။ အဲ့ဒီကျမှ အသာကောက်စားလိုက် … အိုကေပဲပေါ့။

ကဲ … ဘာတူညီမှုရထားတဲ့စိတ်နဲ့ မျက်စေ့ရဲ့လုပ်ငန်းစဉ်ကို အကောင်အထည်ဖော်။

*****

အပြင်မှာ အတော်ဆူညံလာမှ မျက်စေ့ပွင့်တယ်။ ပွင့်ပွင့်ချင်း ဟိုကောင် သုံးကောင်ကို သတိရလိုက်တာပဲ။ ချက်ချင်း လူးလဲထ၊ စီမံကိန်းအဆင့်အတိုင်း အကောင်အထည်ဖော်တော့ …

ဟား … ဟား … ဟား … ကျနော် မပြောဘူးလား။

ဖောင်းကားမည်းနက်နေတဲ့ ဗိုက်တွေကို မနိုင့်တနိုင်သယ်ပြီး နံရံပေါ်မှာ တလှမ်းချင်း လှမ်းနေကြလေရဲ့။ သင်တန်းက သင်ပေးလိုက်တဲ့ နောက်ဆုံးသင်ခန်းစာကို ဒီကောင်တွေ မလိုက်နာနိုင်တော့ဘူးလေ။ နင်းကန် စားထားတယ်လေဗျာ။

လာ … တကောင် … “ဇွိ” …

နောက်တကောင် ... “ဇွိ” …

လွယ်လိုက်တာဗျာ။

ညကကုန်သွားတဲ့ အချိန်တွေကိုတောင် ပြန်နှမျောမိသေး။ အစောကြီးကတည်းက ဒီဗျူဟာကို ကျင့်သုံးလိုက်ရမှာ။ ကျနော်ကိုက ညံ့တာပါ။ ။

သရုပ်ဖော်ပုံ - အင်တာနက်

မြန်မာ့နည်း မြန်မာ့ဟန် ဒီမိုကရေစီ (ကာတွန်း စောငို)


Friday, December 18, 2009

မုန်တိုင်းကိုဆန်၍ ပင်လယ်ကိုဖြတ်သောအခါ (၁၈)

ဖထီးမန်းအောင်ကြည်ညွှန်ပြရာ ပင်လယ်ဘက်သို့ ကျနော်လှမ်းမျှော်ကြည့်လိုက်ရာ ပင်လယ်ကြီးမှာ မြူနှင်းများ ဝေ့ပြီး ငြိမ်သက်နေပါသည်။ ဖထီးမန်း ညွှန်ပြသည့် ထိုနေ့မနက်ကမြင်ကွင်းကို ယနေ့အထိ ကျနော် မြင်ယောင်နေပါသေးသည်။ ပင်လယ်ပြင်ကြီးကို ကျနော်ရပ်၍ ကြည့်နေပါသည်။ ကျနော့်စိတ်ကူးထဲတွင် ပင်လယ်ပြင်ကြီးကို အောင်မြင်စွာ ဖြတ်သန်းလိုက်သည်။ ကမ်းခြေရောက်ပြီး လက်နက်ကိုင်တော်လှန်ရေးကို ဆင်နွှဲရတော့မည်။ ကျနော် အလွန်ပျော်လာပါသည်။ စိတ်မှာလည်း ရွှင်လန်းပေါ့ပါးနေပါသည်။

ကျနော်ရောက်နေသော ကုန်းကြောကလေးမှာ ကြိမ်ဆူး၊ ကြိမ်နွယ်များ ထူထပ် စွာရှိနေသဖြင့် ဖထီးမန်းသည် ကြိမ်ခါးဖူးကို သူ့ ဓားရှည်ကြီးဖြင့် ခုတ်ပါသည်။ ကြိမ်ခါးဖူး လေးငါးဆယ်ချောင်းရမှ ကျနော် တို့တောင်ခြေသို့ ဆင်းလာကြပါသည်။ ဖထီးမန်းယူလာသော ကြိမ်းခါးဖူးကို တောင်ခြေတွင် မီးမွှေးပြီးဖုတ်သည်။ ကြိမ်ခါးဖူး ကျက်တော့မှ သူခွာစားပါသည်။ သူက ပြောလိုက်သေးသည်။

“ကြိမ်ခါးဖူး ခါးသက်သက် ဆိမ့်ပြီး စားလို့ကောင်းတယ်၊ ခင်ဗျားလည်း ခွာစား”

ကျနော့်ကို ကြိမ်ခါးဖူးတခု ပေးသည်။ ကျနော်လည်း ကျနော့် တာဇံဓားမြှောင်နှင့် ခွာစားပါသည်။ စားသောက်ကြပြီးနောက် ဖထီးမန်းအောင်ကြည်က သူ့အစီအစဉ်ကို ဆက်၍ရှင်းပြပါသည်။

“ရိက္ခာကတော့ လိပ်သားကျပ်တိုက်ခြောက် ပြီးတော့ ကစွန်းဥ၊ ရေကတော့ ပုံးလုပ်ပြီးပြီ။ ရေချိုထည့်ပြီး အဖုံးနဲ့ပြန်ဖုံးထားမယ်။ ရေပုံးအတွက် မန်းဝင်းမြင့်ကို လုပ်ခိုင်းထားတယ်”

“ဖထီး မန်းဝင်းမြင့်ကို မဆွေးနွေးကြည့်ဘူးလား” ကျနော် မေးပါသည်။

“ကျနော် သူ့ကို ဆွေးနွေးကြည့်တယ်၊ သူကတော့ မလိုက်ရဲဘူးတဲ့၊ ဒီလောက်အထိ မစွန့်စားရဲဘူးလို့ ပြောတယ်။ ဒါပေမယ့် လိုအပ်တာကို ဘေးကနေ ဝိုင်းကူလုပ်ပေးမယ်လို့ ပြောတယ်။ ဒီည လိပ်သောင်ကိုသွားမယ်၊ လိပ်ကိုဖမ်းပြီး အသားကျပ်တိုက်ခြောက် လုပ်မယ်၊ ကျနော်တို့ လူချင်းခွဲပြီး ပြန်ဝင်မယ်”

လိပ်သောင်ကို ဦးဆုံးစွန့်၍ သွားခဲ့သူများ

ကျနော်တို့ လူချင်းခွဲပြီး ဝင်းထဲသို့ ပြန်ဝင်ခဲ့သည်။ မိုးချုပ်စီစဉ်ထားသောအချိန်ရောက်လျှင် ၁၂ ဆောင်၏ အနောက်ဘက် မလွယ်ပေါက်မှ အသာလေးလျှိုပြီး ထွက်ခဲ့ပါသည်။ အပြင်တွင် ဖထီးမန်းအောင်ကြည် စောင့်နေသည်။

လဆုတ်ရက်မို့ ကြယ်ရောင်ကိုပဲအားပြုပြီး ကုန်းကြောလေးကိုကျော်ပြီး အနောက်ဘက်ကမ်းခြေသို့ ဦးတည်ထွက်လာသည်။ အိမ်လွတ် အိမ်ဟောင်းတွေရောက်မှ ဘောလုံးကွင်းကိုဖြတ်ပြီး မြောက်ဘက်သို့ ဦးလှည့်သည်။ ဘောလုံးကွင်းကိုဖြတ်ရာတွင် ဟင်းလင်းပြင်မို့ ကြယ်များ၏ အလင်းရောင်မြင်ကွင်းမှာ ရှင်းလှပါသည်။ ဘောလုံးကွင်းကိုလွန်ပြီး အုန်းတောသို့ဝင်လိုက်ရာ အမှောင်အားနည်းနည်း ပိုလာပါသည်။

နည်းနည်းဆက်လျှောက်ရာ ဗိုလ်တင့်တယ်တို့ မလညပ တောင်ယာ ရောက်လာသည်။ တောင်ယာကိုလွန်တော့ တောအုပ်ထဲသို့ရောက်လာ၍ ပိုပြီးမှောင်လာပါသည်။ လိပ်သောင်ဘက်သို့သွားသည့် တောလမ်းကို ကြယ်ရောင်ကိုအားပြုလျှက် ၂ ယောက်သား စမ်းစမ်းနှင့်လာခဲ့ကြသည်။ တနာရီလောက်လျှောက်လိုက်ရာ လိပ်သောင်ကမ်းခြေကို ရောက်လာပါတော့သည်။

လိပ်သောင်ကို တောစပ်အတိုင်း တောရိပ်ခိုပြီး မြောက်ဘက်သို့ ဆက်သွားသည်။ ပင်လယ်လေကလည်း တဝူးဝူး တိုက်ခတ်နေသည်။ လှိုင်းတွေကလည်း သောင်ခြေကို တဝုန်းဝုန်းနှင့် ပြေးပြေးရိုက်နေသည်။ ကမ်းစပ်သောင်ခြေရှိ အုန်းပင်တန်းကြီးကလည်း ပင်လယ်လေတိုက်သည့်အတွက် တဝူးဝူး အသံပေးပြီး ပုံသဏ္ဍာန်မျိုးစုံနှင့် ယိမ်းထိုးကနေကြသည်။ ဤ လိပ်သောင်ကို ပထမဆုံး စွန့်စားပြီးရောက်ခဲ့သည်မှာ ဖထီး မန်းအောင်ကြည်နှင့် ကျနော်တို့ ၂ ဦးဖြစ်ပါသည်။

လိပ်သောင်ကြီးတခုလုံးမှာ ဖထီးမန်းအောင်ကြည်နှင့် ကျနော်တို့ ၂ ယောက်ထဲ ၁၅ မိနစ်လောက် လျှောက်လာရာ ပင်လယ် ဒီရေတက်လာလို့ ရေပြည့်ချိန်အရောက်မှ ပင်လယ်လိပ်ကြီးတွေက တရှူးရှူးနှင့် မနည်းပါ။ အကောင် ၄၀ လောက်ရှိမည် ထင်သည်။

ဖထီးမန်းအောင်ကြည်နှင့် ကျနော်တို့ ၂ ယောက် စကောဝိုင်းထက်အရွယ်ကြီးသော ပင်လယ်လိပ်ကြီး ၃ ကောင်ကို ပက်လက်လှန်ပြီး ရှေ့လက် ဂျိုင်းကနေကိုင်ပြီးတော့ တောစပ်ဘက် ဘီးစပ်တောနှင့် ဆပ်သွားဖူးချုံကြားသို့ ဆွဲသွင်းထားလိုက်သည်။

ပင်လယ်ထဲသို့ပြန်ဆင်းတော့မည့် လိပ်ကြီးတကောင်ကို ကျနော် တက်စီးကြည့်သည်။ ကျနော် သူ့အပေါ် တက်စီးသည်မှာ ဘာမှပြဿနာမရှိပါ။ ကမ်းခြေရေစပ်သို့ သူ့နဂိုဆင်းမြဲအတိုင်း တရွေ့ရွေ့ ဆင်းသွားပါသည်။ ရေထဲအတော်လေးရောက်မှ သူ့ကျောကုန်းပေါ်က ဆင်းလိုက်ပါသည်။

ပင်လယ်လိပ်၏ ရှေ့လက်မှာ တောင်ဆုပ်နီးပါးရှိသည်။ နောက်လက်မှာတော့ တမိုက်လောက်ရှိသည်။ အမြီးက ၄ လက်မ လောက်ရှိမည် ထင်သည်။ ခေါင်းကတော့ ပုံမှန်အုန်းသီး ခပ်ကြီးကြီးအရွယ်လောက် ရှိပါသည်။

လိပ်တကောင်ကို အတွင်းပိုင်း ချုံနက်နက်သို့ဆွဲသွင်းပြီး ရှေ့လက်ကိုခုတ်ဖြတ်ပြီး ခေါင်းကို ဖြတ်၊ ပြီးတော့မှ ကျောကုန်းအခွံနှင့် ရင်ဘတ်အခွံစပ်တွင် ကျနော့် တာဇံဓားမြှောင်ကို ထိုးသွင်းပြီး ဆွဲဖွင့်လိုက်သည်။

လိပ်ကြီး၏ဗိုက်ထဲမှ ကျောက်ဒိုး အရွယ် ဝါဝင်းနေသော ဥသိမ်များ အပြည့်ရှိနေသည်။ ဥတွေကို အရင်ထုတ်ပြီးတော့မှ အသဲတွေ၊ အူတွေထုတ် အုန်းလက်ကိုခုတ်ပြီး အခင်းလုပ်၊ အသားတွေ လှီးထုတ်ပြီး ၎င်းအုန်းလက်ခင်းပေါ်မှာ ပုံပါသည်။ ပြီးတော့မှ သဲတွင်းတူးပြီး အခွံ၊ အရိုးတွေမြှုပ် လက်စဖျောက်ပစ်ပါသည်။

အသည်းနှင့် ဥတွေသာ ယူပါသည်။ အူမကြီးနှင့်အူကို မယူပါ။ ပြီးတော့ အသား တယောက် တထမ်းလွယ်ပြီး ပြန်လာခဲ့ပါသည်။ ကျန်တဲ့လိပ်ကြီး ၂ ကောင်ကတော့ ချုံထဲမှာပဲ ထားရစ်ခဲ့ပါသည်။

လိပ်သောင်အတိုင်းပြန်လာခဲ့ပြီးနောက် လိပ်သောင်လွန်ပြီး ဆက်လျှောက်လာရာ ကမ်းခြေနှင့်ဝေးသည့် အနောက်ပိုင်းတောထဲသို့ ဝင်လိုက်သည်။ လေးတိုင်စင်တခုကို လုပ်လိုက်သည်။ အုန်းလက်ကို ထူထူခင်း၊ လက်ဝါးတုံးကြီးလောက်ရှိသည့် လိပ်သားတုံးကြီးတွေကိုပုံ အပေါ်ဘက်ကနေ အုန်းလက်ထူထူ ပြန်အုပ်၊ အောက်ကနေ မီးကျီခဲကောင်းကောင်းနှင့် ကျပ်တိုက်သည်။

ဒီနေ့အဖို့ကတော့ ပါလာသည့် မန်းဝင်းမြင့် ရိုက်ပေးလိုက်သည့် လက်လုပ်ပုံးကလေးနှင့် အသည်းတွေ၊ လိပ်ဥတွေ ပြုတ်၊ ဆားငန်ရည် နည်းနည်းထည့် တနေ့လုံး ဆာလိုက် လိပ်ဥ လိပ်သားစား၊ အုန်းရည်သောက် ပင်လယ်လိပ်အသည်းမှာ တပိဿာနီးပါးရှိရာ ကျနော်တို့ ၂ ယောက် ဘယ်လိုလုပ် စားလို့ကုန်မလဲ။

ရဲဘော်တွေဖို့ အင်မတန်ကောင်းမွန်သည့် အမွန်အမြတ် အစာလေးကို ကျွေးချင်လှပါသည်။ စေတနာ ထက်သန်လှသော်လည်း ကျွေးလို့တော့ မကျွေးရက် မကျွေးရဲပါ။ လိပ်ဥနှင့် လိပ်သည်းကျွေးလိုက်ပြီး အသားကျတော့ ဘယ်မှာလဲဆိုတာ ပြဿနာကြီးပါ။

အသားက အောက်ကရော အပေါ်ကရော အုန်းလက်ထူထူခင်း ထူထူလုပ်ထားတော့ အသားဟာ အပူငွေ့နဲ့ ပေါင်းထားသလိုဖြစ်ပြီး အရည်တွေက စစ်ပြီးသွားပါသည်။ အသားတွေက ကျက်လည်း ကျက်၊ ခြောက်လည်း ခြောက်၊ စားလို့လည်းကောင်း ပါသည်။ ရေငွေ့ခြောက်တော့ အကြာကြီးလည်းထားလို့ ဖြစ်သွားပါသည်။

ကျနော်တို့ ၂ ယောက် ဘယ်လိုမှစားမကုန်သော အသည်းနှင့် ဥသိမ်တွေကို စောမောင်မောင်နှင့် မန်းဝင်းမြင့်ကို တိုးတိုးတိတ်တိတ်ပေးပြီး တိုးတိုးတိတ်တိတ် စားခိုင်းပါသည်။

ကျန်တဲ့ချုံထဲမှာ ပက်လက်လှန်ထားခဲ့သော လိပ် ၂ ကောင်ပြဿနာကတော့ တွဲဖော်တွဲဖက် ရဲဘော်ရဲဘက် ကိုအုန်းမော်ကြီးနှင့် ကိုချစ်ဆွေကြီးကို လက်တို့လိုက်ပါသည်။ ကျနော်တို့လူငယ်တသိုက် အုပ်စုဖွဲ့ပြီး လိပ်သောင်ကို ထွက်လိုက်လာပါတော့သည်။ လိပ်သောင်ရောက်တော့ ပက်လက်လှန်ထားလို့ ရက်ကန်ရက်ကန်ဖြစ်နေသော လိပ်ကြီး ၂ ကောင်ကို တာဇံတသိုက်က ဝိုင်းကိုင်လိုက်တာ ခြေရာလက်ရာ ပျောက်သွားပါရော။

ဆက်လက်ဖော်ပြပါမည်

ကျောင်းသား ထောင် တော်လှန်ရေးသမား (၂၈)

အဲဒီလိုနဲ့ သူတို့ကို ပြန်မလွှတ်တာလည်းသိရော ကျနော်တို့က နောက်တနေ့မှာ တခါတည်း ထောင်ပေါက်ဝမှာ သွားပြီးတော့ ကြွေးကြော်သံတွေ တိုင်တယ်။ နောက်ပြီး ထောင်အာဏာပိုင်တွေဆီကိုလည်း ရာဇသံတွေ ပေးတယ်။ ဒီလူတွေကို လွှတ်ပေး၊ လွှတ်မပေးရင် တိုက်ပွဲကြီးတခု ဆင်ရလိမ့်မယ်လို့ အာဏာပိုင်တွေကို ရာဇသံပေးတယ်။ အဲဒီဟာနဲ့ တချိန်တည်းမှာ ကျနော်တို့က တိုက်ပွဲအတွက် ကျနော်တို့ အဖွဲ့အစည်းအတွင်း မှာရော၊ ရိက္ခာရုံအတွင်းမှာရော၊ ကျန်တဲ့ အဖွဲ့အစည်းတွေနဲ့ရော ညှိနှိုင်းတိုင်ပင်ကြတယ်။

ထောင်အာဏာပိုင်တွေဟာ ခုနကဖမ်းထားတဲ့ ရဲဘော်အုန်းမော်နဲ့ ရဲဘော် မောင်မောင်စိုးကို ပြန်လွှတ်ပေးပါတယ်။ ဒါပေမယ့် အဲဒီအချိန်မှာ ကျနော်တို့ထဲမှာက တိုက်ပွဲအတွက် ဆုံးဖြတ်ချက်က ကျသွားပြီ။ ဆုံးဖြတ်ပြီးတယ်လို့ သိတာနဲ့တပြိုင်နက် ကျနော်တို့ထဲက ရဲဘော်တွေအတော်များများဟာ ခေါင်းဆောင်တွေ ဖြစ်တဲ့ လေထီးဗိုလ်အုန်းမောင်တို့၊ ဆရာရာဂျမ်တို့ဆီကိုသွားပြီး ကျနော်တို့လည်း တိုက်ပွဲထဲပါ ပါရစေလို့ အလျှိုလျှို သွားပြီးတင်ပြကြတယ်။ ဒီလိုနဲ့ ၁၉၇၁ ခုနှစ် ဇွန်လ ၉ ရက်နေ့မှာ ကိုကိုးကျွန်းရဲ့ အခြေခံအကျဆုံး ကိုယ်ထူကိုယ်ထ ပေါ်လစီကို ဆန့်ကျင်တိုက်ခိုက်တဲ့ ၅၃ ရက် အစာငတ်ခံတိုက်ပွဲကြီးကို စတင်ခဲ့ကြတယ်။


ဧည်သည်တွေ ရောက်လာ

အဲဒီ ဇွန်လ ၉ ရက်နေ့ကစခဲ့တဲ့ တိုက်ပွဲဟာ ဇူလိုင်လ ၃၁ ရက်နေ့ကျမှပြီးတော့ ဒီတိုက်ပွဲကို ‘၅၃ ရက် တိုက်ပွဲ’ လို့ နာမည်တွင်ခဲ့တယ်။ ဒီတိုက်ပွဲဟာ အခြားတိုက်ပွဲတွေနဲ့ မတူတဲ့အချက်တွေရှိတယ်။ အဲဒါဘာလဲဆိုတော့ အခြေခံအကျဆုံး ပေါ်လစီကို တိုက်တာ။ ဒီကျွန်းမှာ ကိုယ်ထူကိုယ်ထသာ အလုပ်မခိုင်းဘူးဆိုလို့ရှိရင် ဒီကျွန်းကို ထားစရာ အကြောင်းကို မရှိဘူး။ ပိုက်ဆံလည်း ကုန်၊ စရိတ်လည်း ကုန်၊ နာမည်လည်းပျက်တဲ့ အလုပ်။ ဒီ ကိုယ်ထူကိုယ်ထသာ မရှိဘူးဆိုရင် ဘာမှကို အဓိပ္ပာယ်မရှိတော့ဘူး။ သိပ်အခြေခံကျတဲ့ ပေါ်လစီဖြစ်တယ်။

အဲဒါ အခြေခံကျတဲ့ ပေါ်လစီဖြစ်တဲ့အတွက် အုပ်စိုးသူတွေ အာဏာပိုင်တွေကလည်း ဒါကို အသေအလဲ ကာကွယ်မယ်ဆိုတာ ကျနော်တို့ သိထားတယ်။ ကျနော်တို့ အဲလိုပဲ နားလည်ပြီးသား။ နောက် ပြည်မနဲ့၊ ကမ္ဘာနဲ့ ကျနော်တို့နဲ့ အဆက်အသွယ်ပြတ်နေတယ်။ နောက်တခုက ကျနော်တို့ စခန်းအတွင်းမှာ ညီညွတ်ရေးတွေ သိပ်မကောင်းဘူး။ အဖွဲ့အစည်း တခုနဲ့တခုအကြားမှာလည်း နည်းနည်းလေးတွေ ရှိတယ်။ ခုနကပြောတဲ့ ကိစ္စမျိုးပေါ့။ အဖွဲ့အစည်း တခုစီအတွင်းမှာလည်း ပြဿနာလေးတွေ ရှိကြတယ်။

ဒါ့အပြင် စောစောကပြောခဲ့တဲ့ အလံနီတွေရဲ့မအောင်မြင်တဲ့ တိုက်ပွဲ။ အဲဒီကိစ္စတွေက ရန်သူ့ဘက်က အသာစီးရစေပြီးတော့ အခက်အခဲကြီးစေတဲ့ အရာတွေ။ ဒါတွေ ကျနော်တို့ အားလုံးတွက်မိတယ်။ ဒါကြောင့်မို့လို့ ဒီတိုက်ပွဲဟာ အခက်အခဲကြီးမယ်၊ စွန့်လွှတ်မှုတွေ ပေးရလိမ့်မယ်လို့ နဂိုကတည်းက ဆုံးဖြတ်ထားခဲ့တာ။

ဒီလိုနဲ့ တကယ်တိုက်ပွဲဝင်တဲ့အခါကျတော့ ကျနော်တို့ ရိက္ခာရုံတရုံတည်းကပဲ တိုက်ပွဲဝင်တယ်။ ကျန်တဲ့ အဖွဲ့အစည်းတွေက ထောက်ခံတယ်ဆိုတာပဲ ရတယ်။ တကယ်တမ်းကျတော့ ဝင်မတိုက်ပါဘူး။ ကျားနဲ့ဆင် လယ်ပြင်မှာတွေ့တဲ့သဘောပဲ။ စီးချင်းထိုးကြတဲ့သဘောပဲ။ ကျန်တဲ့ဟာတွေက ရှဲသွားတာပဲ။ ဒါပေမယ့် ဘာပဲပြောပြော သူတို့တတွေ ဒီတိုက်ပွဲကို ထောက်ခံတဲ့အနေနဲ့ ကြွေးကြော်သံတိုင်တယ်၊ ထောင်ထဲက ထောင်အပြင်ကို မထွက်ဘဲနေတယ်၊ စည်းကမ်းတကျ သေသေဝပ်ဝပ်နေကြတယ်။ အဲဒါအတွက် ကျနော်တို့က ကျေးဇူးတင်ပါတယ်။

အဲဒီတော့ တိုက်ပွဲတိုက်လိုက်တယ်။ စ လိုက်တယ်ဆိုတာနဲ့တပြိုင်နက် ကျနော်တို့ အထဲမှာရှိတဲ့ အယူအဆ ကွဲလွဲတဲ့ဟာတွေလည်း စဲသွားတယ်။ ဒါက ဘာကိုဖော်ပြသလဲဆိုလို့ရှိရင် ကျနော်တို့ချင်းဖြစ်နေတဲ့ ပြဿနာဟာ တိုက်ပွဲတိုက်ရေး အပေါ်မှာ၊ ရန်သူအပေါ်မှာထားတဲ့ ပြဿနာနဲ့ မဆိုင်ဘူးဆိုတာ ရှင်းသွားတယ်။

ဒါဟာ နောင်မှာ ကျနော်တို့ ဆက်လုပ်ကြမယ့် ကျနော်တို့အချင်းချင်း မြေအောက်အဖွဲ့အစည်းတွေ ပြန်ပြီး တည်ဆောက်ကြမယ့်အတွက် အခြေခံအယူအဆ ပြန်ဖြစ်လာခဲ့တယ်။ ရန်သူအပေါ်မှာ ဘယ်လို သဘောထားမလဲ၊ ရန်သူကို ဆန့်ကျင်ရေး တိုက်ပွဲတွေအပေါ်မှာ ဘယ်လို သဘောထားမလဲ။ အဲဒါအပေါ်မှာဆိုလျှင် ကျနော်တို့ ဘယ်သူနဲ့မဆို လက်တွဲလုပ်နိုင်တယ်ဆိုတာ ဖြစ်လာတယ်။


ဒီတိုက်ပွဲဟာ စံပဲ။ ဓာတုဗေဒက လစ်တမတ်စက္ကူနဲ့ စမ်းသပ်သလိုပဲ။ ဒီတိုက်ပွဲနဲ့ စမ်းသပ်တာပဲ။ အဲဒီတော့ ထောင်ထဲမှာ အသေခံ၊ အစာငတ်ခံတိုက်တယ်ဆိုတာ ထောင်တိုက်ပွဲထဲမှာ အမြင့်ဆုံးသဏ္ဍာန်ပဲ။ ဒါ တရားဥပဒေဘောင်ထဲက တိုက်တာ။ ထောင်တိုက်ပွဲတွေထဲမှာ တခြားအန္တရာယ်ရှိတဲ့ တိုက်ပွဲသဏ္ဍာန်တွေ ရှိတာပေါ့။

ဥပမာ … ထောင်တွင်း ပုန်ကန်မှုလို ဟာမျိုးပေါ့လေ၊ ဒါကကျတော့ တည်ဆဲဥပဒေနဲ့ နည်းနည်းပြဿနာရှိတယ်။ အစာငတ်ခံတိုက်ပွဲကတော့ တည်ဆဲဥပဒေနဲ့ ဘယ်လိုမှလုပ်လို့ မရဘူး။ ဒါပေမယ့် အင်မတန်မှ အန္တရာယ်ကြီးပါတယ်။ ဒါဟာ အမျိုးမျိုး၊ အဘက်ဘက်က စဉ်းစား တွေးဆပြီးတော့မှ ကျနော်တို့ ဆုံးဖြတ်ရတဲ့ကိစ္စမျိုး ဖြစ်တယ်။

ဗမာပြည်မှာ အစာငတ်ခံတိုက်ပွဲဝင်တယ်ဆိုတာက အနောက်တိုင်းကဟာတွေနဲ့ မတူဘူး။ ကျနော်တို့ဘာဆို ဘာမှ မစားတာ။ ရေကလွဲပြီး ဘာမှ ဗိုက်ထဲကို မသွင်းဘူး။ ဆားတောင် ကျနော်တို့ မသွင်းဘူး။ အဲဒါကြောင့်မို့ ကျနော်တို့က အစာငတ်ခံတယ်ဆိုလျှင် အမြဲတမ်း ဆရာဝန်ခေါ်ပြီး လာစစ်ခိုင်းနေတာ။ ကျုပ်တို့ ဘာမှ မစားဘူးဆိုတာ ဖော်ပြတယ်။

ဒါကြောင့်မို့လို့ ထောင်ထဲမှာ အစာငတ်ခံတိုက်ပွဲဖော်ထုတ်မယ်ဆိုလျှင် အဘက်ဘက် ချင့်ချိန်ပြီးမှ ဆုံးဖြတ်တယ်။ တခြားတိုက်ပွဲသဏ္ဍာန်တွေ စမ်းကြည့်၊ လုပ်လို့မရတော့မှ ဒါ နောက်ဆုံးအနေနဲ့ သုံးတာဖြစ်တယ်။ စပြီဆိုလျှင်လည်း ဆုတ်လို့ မရဘူး။ အသေခံဖို့ စိတ်ပိုင်းဖြတ် တကယ်မရှိရင် ဒီလိုတိုက်ပွဲမျိုး ဆင်နွှဲလို့ မရဘူး။

အဲ … ၃ ရက် အစာငတ်ခံ၊ ၅ ရက် အစာငတ်ခံ စသဖြင့် စတိ အစာငတ်ခံတဲ့ တိုက်ပွဲတွေတော့ တိုက်လို့ရတာပေါ့။ ဒါပေမယ့် တိုက်ပွဲရဲ့ပစ်မှတ်ဟာ ကြီးတာနဲ့ အမျှ ကျနော်တို့ရဲ့ ပိုင်းဖြတ်ချက်ဟာလည်း ကြီးမားလာမယ်လို့ ထင်တယ်။ ခုနက ပြောခဲ့သလိုပဲ ဒီလို အစာငတ်ခံတိုက်ပွဲတွေထဲမှာ အလံနီရိက္ခာရုံကနေ မကဘူး။ ကျနော်တို့ရိက္ခာရုံထဲမှာ အဲလိုပဲ လက်နက်ချပြီးတော့ အလျော့ပေးသွားတာတွေ ကြုံရပါတယ်။

အဲဒီတော့ ကိုကိုးကျွန်းမှာဖြစ်တဲ့ အစာငတ်ခံတိုက်ပွဲကို ပြောမယ်ဆိုလို့ရှိလျှင် ကျွန်းရဲ့ထူးခြားချက်တွေကို ကျနော်တို့ ပြန်ပြီး မပြောလို့ မရဘူး။ အခု နောက်ဆုံးအခြေအနေ (ဒီတိုက်ပွဲဖော်ထုတ်မယ့် နောက်ဆုံးအခြေအနေ) မှာ အကျဉ်းသားတွေဘက်က ကြည့်လိုက်လျှင် သူတို့အဖို့ဟာ သန်းခေါင်ထက်ညဥ့် မနက်တော့ဘူး။ ထောင်အပြင် တန်းမရှိတော့ဘူး။ နောင်ရိုးတိုက်ပွဲ စိတ်ဓာတ်လို့ ပြောလို့ရတယ်။ တကယ်လည်း အဲဒီစိတ်ဓာတ်နဲ့တိုက်ခဲ့ကြတာ။ တိုက်ပွဲဝင် အစာငတ်ခံတဲ့ လူတွေတင် မကဘူး။ အပြင်မှာရှိတဲ့ လူတွေလည်း ဒီ စိတ်ဓာတ်တွေနဲ့တိုက်ပွဲဝင်ခဲ့ကြတာ။

တဖက်မှာ အစိုးရဘက်ကကြည့်လိုက်လို့ရှိလျှင်လည်း သူ ဘာမှလုပ်လို့ မရဘူး။ တခုက သတ်ပစ်လို့မရဘူး။ အသေခံလို့ မဖြစ်ဘူး။ ဒီလူတွေသေရင် သူတို့ အကြီးအကျယ် နာမည်ပျက်မယ်ဆိုတာ သူတို့သိတယ်။ နောက်တခုက ပြည်မထောင်တွေမှာလို တိုက်ထဲမှာ ပိတ်တာတို့၊ ရိုက်တာ နှက်တာတို့ လုပ်လို့မရဘူး။ သူတို့ အကြမ်းဖက်မယ်ဆိုလို့ရှိလျှင် ထောင်ကျတွေဆီမှာလည်း လက်နက်တွေရှိတယ်။ ကျနော်တို့တတွေဆီမှာ အားလုံး ဓားတွေ၊ မှိန်းတွေ အကုန်လုံးရှိတယ်။ အကုန်လုံး ဖြစ်ချင်တာတွေ ဖြစ်ကုန်မှာ။

သူတို့ အဲလိုလည်း လုပ်လို့ မရဘူး။ အဲဒီတော့ သူတို့ကဘာမှ ဆုပ်ဆုပ်ကိုင်ကိုင် လုပ်မရတဲ့အခြေအနေ။ သူတို့ဘက်ကကြည့်လျှင် ဒီ ကိုကိုးကျွန်းဆိုတဲ့ စခန်းကြီးက ဗြဟ္မာကြီးဦးခေါင်းလို ဖြစ်နေတာ။ ဒါ သူတို့ဘက်က သိပ်ကြီးတဲ့ အားနည်းချက်ဖြစ်တယ်။

ဆက်လက်ဖော်ပြပါမယ်။

Wednesday, December 16, 2009

ဘေးကနေပဲ အမိန့် အဲ … အဲ အကြံပေးရုံလေးပါ ... (ကာတွန်း စောငို)


အဖွဲ့ချုပ် ခေါင်းဆောင်ပိုင်း အပြောင်းအလဲလုပ်မည့်အပေါ် ဦးဝင်းတင်ရဲ့ သဘောထား


“တိုင်းပြည်ရဲ့အနေအထားက ဒီမိုကရေစီနဲ့က ကျနော်ထင်တယ် တယူဇနာ မဟုတ်တောင်မှ အတော် ကွာကွာလှမ်းလှမ်းကို ရှိနေတယ်လို့ ကျနော်တို့ ပြောရမလိုဖြစ်နေတယ်။ ဘာဖြစ်လို့လဲဆိုတော့ ကျနော်တို့မှာ ဘာလွတ်လပ်ခွင့်မှမရှိဘူးဗျာ”

ဒေါ်အောင်ဆန်းစုကြည်ကတော့ အန်အယ်လ်ဒီခေါင်းဆောင်ပိုင်းကို ပြန်လည်ပြင်ဆင်ဖွဲ့စည်းမယ်လို့ ပြောလိုက်ပါပြီ။ ခေါင်းဆောင် လူကြီးတွေကလည်း သဘောတူတယ်လို့ သိရပါပြီ။ ဒီကနေ့ကာလ အခြေအနေနဲ့ ကိုက်ညီတဲ့ ပါတီခေါင်းဆောင်မှုကို ဘယ်လိုပုံစံမျိုး ဖွဲ့စည်းသင့်ပါသလဲ။

အန်အယ်ဒီပါတီ လက်ရှိ ဗဟိုအလုပ်အမှုဆောင်တဦးဖြစ်တဲ့ ဦးဝင်းတင်ကို ဘီဘီစီက ဆက်သွယ်ပြီး ဒေါ်အောင်ဆန်းစုကြည် စတင်ပြောဆိုလာပြီဖြစ်တဲ့ ပါတီခေါင်းဆောင်မှု ပြောင်းလဲမယ့်ကိစ္စနဲ့ပတ်သက်ပြီး ဘယ်လိုသဘောထားရပါလဲလို့ မေးကြည့်တော့ …

ဦးဝင်းတင်။ ။ ဒီဟာက ဖြစ်လာရမယ့် ကိစ္စပဲလို့ ကျနော် ယူဆပါတယ်၊ ဘာဖြစ်လို့လဲဆိုတော့ ဒီပုဂ္ဂိုလ်ကြီးများလည်း ပါတီမှာ ထမ်းဆောင်လာခဲ့တာ နှစ်ပေါင်းကို ဆယ်စုနှစ်ကို ကျော်သွားပြီနော်၊ အသက်တွေလည်းကြီးလှပြီ၊ ကျန်းမာရေးတွေကလည်း ချို့တဲ့လာပြီဆိုတဲ့အခါကျတော့ ဘာပဲပြောပြော သူတို့က အနားယူရမယ့် အချိန်လည်းရောက်လာတယ်။ အဲဒီအခါကျတော့ စီအီးစီက တိုးချဲ့တယ်ပဲခေါ်ခေါ်၊ အားဖြည့်တယ်ပဲခေါ်ခေါ်၊ လုပ်ရတော့မယ့်ကိစ္စပဲဗျ။

ဘီဘီစီ။ ။ ဟုတ်ကဲ့ပါ။ ကျနော်တို့လေ့လာစုံစမ်းမိသလောက် အန်အယ်ဒီ လူလတ်ပိုင်းနဲ့ လူငယ်ပိုင်းတွေက ပါတီခေါင်းဆောင်မှု အပိုင်းကို စနစ်တကျ ရွေးကောက်တင်မြှောက်တဲ့ပုံစံနဲ့ သွားချင်တယ်ဆိုတဲ့သဘောမျိုးတွေ တွေ့ရပါတယ်။ အဲဒါရော တကယ်လက်တွေ့မှာ ဖြစ်လာနိုင်ပါ့မလား။ ဒေါ်အောင်ဆန်းစုကြည်နဲ့ ခေါင်းဆောင်တွေက အဲလိုမျိုးဖြစ်ဖို့ကို သဘောတူမယ်လို့ ထင်ပါသလားခင်ဗျ။

ဦးဝင်းတင်။ ။ ဟာ ... ထင်တာပေါ့ခင်ဗျာ။ ထင်တာပေါ့၊ ဘာဖြစ်လို့လည်းဆိုတော့ ကျနော်တို့အဖွဲ့အစည်းက နာမည်ကိုက အမျိုးသားဒီမိုကရေစီအဖွဲ့ချုပ် ဗျ၊ ဒီမိုကရေစီ အဖွဲ့အစည်း။ ကျနော်တို့က အာဏာရှင်အဖွဲ့အစည်း မဟုတ်ဘူး။ အဲဒါကြောင့် ဒီမိုကရေစီကျင့်ထုံးတွေ၊ ဒီမိုကရေစီလုပ်ရပ်တွေ၊ ဒီမိုကရေစီမျှော်မှန်းချက်တွေ ရည်မှန်းချက်တွေ၊ ဒီမိုကရေစီလုပ်ဟန်တွေကို ကျနော်တို့ မူအားဖြင့်တော့ အားလုံးလက်ခံမှာပဲဗျ။ နောက်တခုက ဒေါ်အောင်ဆန်းစုကြည်တို့၊ ဦးတင်ဦးတို့ စသည် ဒီခေါင်းဆောင်တွေရှိနေတဲ့ (အကျဉ်းကျနေတဲ့ ခေါင်းဆောင်တွေပေါ့ဗျာ) ဒီခေါင်းဆောင်တွေထဲမှာလည်း (ခေါင်းထဲမှာလည်း၊ ရင်ထဲမှာလည်း) ဒီမိုကရေစီရေးအတွက် လုပ်လာခဲ့သူတွေ။ ဒီလူတွေဟာ မနေ့တနေ့ကမှ တက်လာတဲ့လူတွေ၊ ကြားဖြတ်ပြီးတော့မှ ဝင်လာတဲ့ လုပ်တဲ့လူတွေ မဟုတ်ဘူး။ ၁၉၈၈ ဒီမိုကရေစီ အရေးတော်ပုံကြီးထဲကနေ ပေါက်ဖွားလာတဲ့ ခေါင်းဆောင်တွေ ဖြစ်တယ်။ ဆိုတော့ အဖွဲ့ချုပ်ကိုယ်တိုင်ကလည်း ဒီမိုကရေစီ အရေးတော်ပုံကြီးကနေ ပေါက်ဖွားလာတဲ့ အဖွဲ့အစည်းဖြစ်တယ်။ အဲဒီအခါကျတော့ ကျနော်တို့က ဒီမိုကရေစီနည်းဟန်တွေနဲ့ ပတ်သက်ပြီးတော့ တွန့်ဆုတ်ခြင်း ဘာဆိုဘာမှ မရှိဘူးလို့ ပြောနိုင်တယ်။ အဲ … တခုပဲရှိတယ်။ လူငယ်တွေ အင်အားသစ်တွေကနေပြီးတော့ မျှော်မှန်းနေတဲ့ ဒီမိုကရေစီနည်းကျ တင်မြှောက်ခြင်း၊ ဒီမိုကရေစီနည်းကျ ရွေးချယ်ခြင်း ဆိုတာတွေက တခါတလေကျတော့ အခု ဗမာပြည်မှာ အနေအထားက ဘယ်လိုဖြစ်နေလဲဆိုတော့ ကျနော်တို့ကသာ ဒီမိုကရေစီ စိတ်ထားနေတာ၊ ဒီမိုကရေစီ ရှေးရှုနေတာ။ တိုင်းပြည်ရဲ့အနေအထားက ဒီမိုကရေစီနဲ့က ကျနော်ထင်တယ် တယူဇနာ မဟုတ်တောင်မှ အတော် ကွာကွာလှမ်းလှမ်းကို ရှိနေတယ်လို့ ကျနော်တို့ ပြောရမလိုဖြစ်နေတယ်။ ဘာဖြစ်လို့လဲဆိုတော့ ကျနော်တို့မှာ ဘာလွတ်လပ်ခွင့်မှ မရှိဘူးဗျာ။ ဘာပဲပြောပြော ကျနော်တို့က အားနဲ့မာန်နဲ့၊ ခွန်အားနဲ့ စိတ်ဓာတ်နဲ့ တွန်းတွန်းတိုက်တိုက်ကလေး လုပ်မယ်ပေါ့ဗျာ။ ထားရာနေ၊ စေရာသွားဆိုတဲ့ စိတ်မဟုတ်ဘဲနဲ့ လုပ်ကြမယ်ဆိုရင်တော့ ကျနော်ထင်တယ် အခုခင်ဗျားပြောခဲ့တဲ့ ခေါင်းဆောင်သစ် ဖော်ထုတ်ရေးတို့၊ အင်အားသစ်ဖော်ထုတ်ရေးတို့၊ လုပ်ငန်းသစ်များ ဖော်ထုတ်ရေးတို့ဆိုတာတွေဟာ တနည်းမဟုတ်တနည်း အနှေးနဲ့အမြန် ပေါ်လာမှာပဲလို့ ကျနော်ကတော့ အဲဒီလိုယုံကြည်ပါတယ်ဗျာ။

ဒီဇင်ဘာလ ၁၆ ရက် ၂၀၀၉ ခုနှစ်၊
ဘီဘီစီ(မြန်မာပိုင်း) ညပိုင်းအစီအစဉ်မှ ကောက်နုတ်ဖော်ပြပါတယ်။


ပုံတူကောက်ကြောင်းပန်းချီ - မင်းကျော်ခိုင်

မုန်တိုင်းကိုဆန်၍ ပင်လယ်ကိုဖြတ်သောအခါ (၁၇)

ညနေ နေရီဆည်းဆာတွင် ပင်လယ်လေကလည်း တသုန်သုန်မြူး၊ လှိုင်းကလေးများကလည်း မြူးနေချိန်မှာ မိသားစုကို လွမ်းရှာကြပါသည်။ အောက်ခြေထုအချို့ဝါဒါများခမျာမှာ ဖြေမဆည်နိုင်၊ လွမ်းမျက်ရည် ဖြိုင်ပါတော့ သည်။ ကျနော်တို့တတွေကတော့ ဒီလိုအချိန်မျိုးကို ဘယ်အချိုးနှင့်ဝင်ရမလဲဆိုတာ နောကြေကြပါသည်။

တကယ်ကလည်း ကျနော်တို့က ဟန်ဆောင်ပန်ဆောင် စည်းရုံးတာမဟုတ်ပါ။ လူမှုရေးအရ တကယ် စာနာပါသည်။ ကျနော်တို့ကတော့ ကိုယ့်ယုံကြည်ချက်၊ ကိုယ့်ခံယူချက်၊ ကိုယ့်လုပ်ဆောင်ချက်ကြောင့် ကျွန်းရောက်လာလည်း ဘာမှ မှုကြသူများမဟုတ်ပါ။ သူတို့အမှုထမ်းတွေ ခမျာမှာတော့ တာဝန်အရ လာကြရတာ၊ သွားရောက်ရမယ့်နေရာကို စခန်းတနေရာဆိုပြီး အမှန်အတိုင်းလည်း မပြော။ အထူးအခွင့်အရေးများလည်း တစိုးတစိမှ မခံစားရ။ ရောက်မယ့်ရောက်လာတော့ ကျနော်တို့နှင့် ကျွန်းမှာအတူတူ။ သူတို့ရဲ့ အပူတွေက ထုထည် မသေးလှ။ အလွန်အမင်း သနားဖွယ်ကောင်းလှသည့်ဘဝ ဖြစ်ပါသည်။

အောက်ခြေထု ဝါဒါရဲဘော်များနှင့် ဆက်ဆံရေး အင်မတန် ကောင်းလာပါသည်။ လသာသောရက်များတွင် အိုနာဆစ် သင်္ဘောပျက်ကြီးဘေးနားက သောင်ခံမှာထွက်ပြီး အနားယူကြ၊ လူကြီးပိုင်း လေထီးဗိုလ်အုန်းမောင် တို့၊ ဆရာ ရာဂျန်တို့၊ ဆရာ ဗန်းမော်တို့၊ ဆရာ ဦးမြသန်းတင့်တို့ကလည်း လေညင်းခံ၊ လမ်းလျှောက်ကြ၊ ကိုတေဇတို့ အနုပညာသမားတွေ ကလည်း တယောသံ ညှင်းညှင်းသွဲ့သွဲ့နဲ့ လွမ်းချင်းတွေနဲ့ နွဲ့နေကြပါသည်။

ကမ်းစပ် ဝါဒါကင်းတဲလေးထဲတွင် တာဝန်ကျ ဝါဒါလေးကလည်း တိတ်တိတ် ဆိတ်ဆိတ်ပင် ရှိပါသည်။ ကျနော်တို့ကို ဘာမှပြောဆိုဟန့်တားမှု မပြုပါ။ ကျွန်းပေါ်ရောက်စက မနက် ၆ နာရီ ထောင်ဖွင့်၊ ညနေ ၆ နာရီ ထောင်ပိတ်၊ အခုလည်း ညနေ ၆ နာရီ တရားဝင် ပိတ်ပါသည်။ မလွယ်ပေါက်ကနေ ကမ်းခြေသောင်ခုံကို အလျှိုလျှိုရောက်လာပြီး လွတ်လပ်မှု၏ အရသာကို ကိုယ်စီကိုယ်ငှ ခံယူနေကြခြင်းဖြစ်ပါသည်။ ည ၉ နာရီ၊ ၁၀ နာရီကျမှ မလွယ်ပေါက်ကပဲ အဆောင်ထဲ ပြန်ဝင်အိပ်ကြပါသည်။

ကျွန်းပေါ်ရောက်ပြီး ၆၉ မိုးကုန်ခါနီး အောက်တိုဘာလတွင် အရှေ့ဘက်မှ မုန်တိုင်းကျလာပါသည်။ မုန်တိုင်းမှာ အတော်ပြင်းပါသည်။ အိုနာဆစ်သင်္ဘောကြီးအား လှိုင်းလုံးကြီးများ ဝင်ပြီး ပြေးရိုက်လိုက်သည်မှာ သင်္ဘော လင်းယဉ်တိုင်နှင့် ကရိန်းတိုင်ကိုပင် လှိုင်းညွန့်က ကျော်ကျော်သွားပါသည်။ မုန်တိုင်းမှာ ၁၀ ရက်လောက် ကြာမည် ထင်ပါသည်။ အိုနာဆစ်သင်္ဘောကြီး၏ ဘေးသံပြားကြီးတခြမ်းမှာ လှိုင်းရိုက်ပြီး ပင်လယ်ထဲ ပြုတ်ကျသွားပါသည်။ အစအန အရိပ်အယောင်ပင် မတွေ့တော့ပါ။

တော်လှန်တဲ့ဘဝဆိုတာ

မုန်တိုင်းစဲပြီး နောက်တနေ့မနက်တွင် ဖထီး မန်းအောင်ကြည်က ကျနော့်အားအဖော်ခေါ်၍ အပြင်ကို ထွက်လာခဲ့ပါသည်။ အနောက်ဘက်ကမ်းခြေ ဘောလုံးကွင်းဘေးရှိ ၁၀ ပေပတ်လည်ခန့်ရှိမည့် ကွန်ကရစ် အဆောက်အဦပျက်ကလေးတခု ရှိပါသည်။ အပေါ်သို့ ဖထီး မန်းအောင်ကြည် ဦးဆောင်တက်သွားပါသည်။ ပတ်ဝန်းကျင်အား လှမ်းမျှော်အကဲခတ်ပြီး နောက် လူသူအရိပ်အယောင် ကင်းရှင်းမှ ပြန်ထိုင်လိုက်ပြီး ထူးဆန်းသောစကားကို ပြောလာပါသည်။

“ကျနော်တို့ဟာ ရန်သူ့လက်ထဲမှာ ဒီလိုနေသွားလို့ မဖြစ်ဘူး။ လွတ်မြောက်နိုင်မယ့်နည်းလမ်းတွေကို ရှာကြံရမယ်။ ရန်သူ မမျှော်လင့်တဲ့အချိန်၊ မမျှော်လင်တဲ့နေရာ၊ မမျှော်လင့်တဲ့တိုက်ပွဲကို တိုက်ရမယ်။ အခု ထောင်ဝါဒါတွေဟာ အတော်လေး သတိပေါ့လျော့နေတယ်။ အခုနေ လှေတစင်းကို လျှို့လျှို့ဝှက်ဝှက်နဲ့ တည်ဆောက်နိုင်မယ်ဆိုရင် ကျနော်တို့ ဒီကျွန်းက ထွက်ပြေးလွတ်မြောက်သွားနိုင်တယ်။ အခုလာမယ့် ဒီဇင်ဘာ၊ ဇန်နဝါရီ၊ ဖေဖော်ဝါရီလတွေဟာ ပင်လယ်မှာ လှိုင်း၊ လေ အင်မတန်ငြိမ်သက်တယ်။ အရှေ့မြောက်လေခိုပြီး ကန့်လန်ဖြတ် ရွက်တိုက်နိုင်မယ်ဆိုရင် မြစ်ဝကျွန်းပေါ်ကမ်းခြေကို ရောက်သွားမှာ ဖြစ်တယ်။ ကမ်းခြေရောက်ရင် ဟိုမှာ ကျနော်တို့ရဲဘော်တွေချည်းပဲ။ ကျနော်တို့ လက်နက်ကိုင် တော်လှန်ရေးကို ဆက်ပြီးဆင်နွှဲသွားနိုင်မယ်။ ရန်သူ့လက်ထဲမှာ ဒီလိုငုံ့ခံပြီး နေသွားလို့ မဖြစ်ဘူး”

ကျနော် ဖထီး မန်းအောင်ကြည်မျက်နှာကို သေသေချာချာ စူးစိုက်အကဲခတ် လေ့လာနေပါသည်။ ဖထီးမန်းအောင်ကြည် မျက်နှာမှာ အတော့်ကို ထက်သန်တက်ကြွနေပါသည်။ ကျနော် သူ့ကို မေးခွန်းတခု ထုတ်လိုက်ပါသည်။

“ဖထီးမှာ ဒီရည်မှန်းချက်အတွက် အသေအချာ စဉ်းစားစိတ်ကူးထားတာ ရှိသလား”

“ရှိတာပေါ့၊ လှေက ဒီပုံစံပဲ” ပါးစပ်ကပြောပြီး မြေနီခဲတခုနှင့် သံမံတလင်းပေါ်တွင် လှေပုံသဏ္ဍာန် ဆွဲပြပါသည်။

“ဦးချွန် ဖင်ပိတ် လျှပ်စစ်မီးပူပုံပေါ့ဗျာ၊ ကျနော်တို့ဟာ လှေတော့ မဆောက်ဖူးဘူးပေါ့၊ ဒါပေမယ့် ကျနော်တို့က မြစ်ဝကျွန်းပေါ်သားတွေပဲ၊ လှေဆောက်တာ မြင်ဖူးတယ်၊ ကျနော်လည်း လှေဆောက်ရင် တတ်ရမှာပေါ့၊ လှေရွက်လွှင့်တာလည်း တွေ့ဖူးတယ်၊ ကျနော်တို့လည်း ရွက်လွှင့်ရင် တတ်ရမှာပေါ့၊ တက်မ ကိုင်တာလည်း တွေ့ဖူးတာပဲ၊ ကျနော်တို့လည်း တက်မ ကိုင်ရင် တတ်ရမှာပေါ့”

ဖထီးမန်းအောင်ကြည် ပြောနေပုံမှာ လုပ်ရင် တခုမှမဖြစ်တာမရှိ၊ အကုန်ဖြစ်၊ တခုမှ မတတ်တာမရှိ၊ အကုန်တတ်၊ အတော် အားရှိစရာကောင်းပါသည်။ သူက ဆက်ပြောပြန်သည်။

“ကျနော်တယောက်တည်း မဖြစ်နိုင်ဘူး၊ ဆုံးဖြတ်ချက်ကျပြီး ရဲရဲရင့်ရင့် စွန့်စွန့်စားစားလုပ်မယ့် ရဲဘော်လိုတယ်။ ခင်ဗျားကို လေ့လာအကဲခတ်နေတာ အတော်ကြာပြီ၊ ခင်ဗျားဟာ အတော်တက်ကြွတယ်၊ ဖြတ်လည်း ဖြတ်လတ်တယ်၊ လုပ်ရဲကိုင်ရဲလည်း ရှိတယ်၊ ဒီတိုက်ပွဲမှာ ကျနော်နှင့်အတူ ပူးပေါင်းပြီးတိုက်ဖို့ ကျနော် အတော် မျှော်လင့်အားကိုးတယ်”

ဖထီးမန်းက စကားကိုဖြတ်လိုက်ပြီး ကျနော်မျက်နှာကို စေ့စေ့ကြည့်ပါသည်။ ကျနော့် မျက်လုံးတွေကိုလည်း ကြည့်ပြီး စူးစမ်း အကဲခတ်နေပါသည်။ ကျနော်ကလည်း သူ့မျက်လုံးကို စေ့စေ့ကြည့်ပါသည်။ မျက်လုံးချင်းဆုံပြီး တယောက်ကိုတယောက် မမှိတ်မသုံ ကြည့်နေပါသည်။ မျက်နှာတခုလုံးနှင့် သူ့မျက်လုံးတွေက ကျနော့်ကို တကယ်ပဲမျှော်လင့်အားထားပုံမှာ ပေါ်လွင်လှပါသည်။ သူ့မျက်လုံးသည် အရောင်လက်လျှက် စူးစူးစိုက်စိုက် ကျနော့်ကို ကြည့်နေပါသည်။

“ကျနော်ကတော့ ရန်သူကိုတိုက်ရမယ်၊ စွန့်စားရမယ်ဆိုရင် အချိန်မရွေး အဆင်သင့်ပဲ”

ဖထီးမန်း၏မျက်နှာသည် ဝင်းလက်ရွှင်ပြုံးသွားပြီး ခေါင်းတဆတ်ဆတ် ညိတ်ပါသည်။ သူက “ကျနော် လုပ်လက်စတွေ ရှိတယ်။ ကျနော်လိုက်ပြမယ်၊ လာသွားကြစို့”

တိုက်ပျက်လေးပေါ်မှ ကျနော်တို့ ၂ ယောက်ဆင်းလာကြသည်။ တိုက်ပျက်ကလေးမှ တောင်ဘက်သို့ ဆက်လာရာ ၅၈ ခုနှစ်၊ နေဝင်း အိမ်စောင့်အစိုးရလက်ထက် ကျွန်းသို့ ပထမအကြိမ် ပို့ခဲ့စဉ်က လူမနေတော့သည့် အိမ်ဟောင်း၊ အဆောက်အဦဟောင်းများရှိရာသို့ ရောက်လာပါသည်။

ကိုကိုးကျွန်းသည် တောင်ဘက်သို့ သွယ်တန်းရှူးသွားရာ တောင်ကြောကလေးတခုသည်လည်း ကျွန်း၏ တောင်ဘက်သို့ ဆင်းသွားပါသည်။ ၎င်းတောင်ခြေ၏ အနောက်ဘက်တောစပ် ချုံကောင်းကောင်းအောက်တွင် ၆x၁ ပျဉ်ပြားများ၊ ၃x၁ခွဲ ပျဉ်ချောင်းများကို ပုံထားသည်ကို တွေ့ရပါသည်။ ယခုနေရာမှာ တောင်ကြော၏ အနောက်ဘက် တောင်ခြေဖြစ်ပါသည်။

ဖထီးမန်းက ပြောသည်။ “ပျဉ်တွေ၊ သစ်သားချောင်းတွေက မလောက်သေးဘူးပေါ့ဗျာ၊ ကျနော်တို့ အိမ်ဟောင်းတွေဆီက ဆက်ခွာရဦးမှာပေါ့”

ကျနော်တို့ တောင်ကြောလေးပေါ် တက်လာကြပါသည်။ တောင်ကြောကလေး၏တနေရာသို့အရောက်တွင် အနောက်ဘက် အိန္ဒိယသမုဒ္ဒရာ ပင်လယ်ဘက်သို့ ဖထီးမန်းအောင်ကြည်က မျက်နှာမူ၍ လက်ညှိုးဖြင့်ထိုးကာ …

“ခင်ဗျားကြည့်စမ်းပါဦး ပင်လယ်ကြီးက ငြိမ်သက်နေတာပဲ၊ ဒီလိုလှိုင်းလေငြိမ်သက်ပြီး ရာသီဥတုသာယာရင် မြစ်ဝကျွန်းပေါ်သို့ အသေအချာ ရောက်တာပေါ့”

ဆက်လက်ဖော်ပြပါမည်

ကျောင်းသား ထောင် တော်လှန်ရေးသမား (၂၇)

အကြီးအကျယ် စေ့စပ်ချင်နေတဲ့အခါကျတော့

ဒီအချိန်မှာပဲ အပြောင်းအလဲတခု ရှိလာတယ်ဗျ။ အဲဒါ ကျနော်တို့ ထောင်တွင်းမှာရှိတဲ့ အဖွဲ့အစည်းတွေ အတွင်းမှာ ညီညွတ်ရေး အရင်ကလောက် မကောင်းတာ၊ ဒါကို ထောင်အာဏာပိုင်တွေကလည်း သိတယ်။ ထောင်အာဏာပိုင်တွေက သိတဲ့အတွက် ဒါကို အခွင့်ကောင်းယူပြီးတော့ ပြန်ပြီးတော့ ဖိလာတာတွေ တွေ့ရတယ်။

တိုက်ဆိုင်ချင်တော့ အဲဒီအချိန် ပြည်မကြီးမှာဖြစ်နေတာက ကျွန်းဆွယ်အရေးအခင်း၊ ရန်ကုန်တက္ကသိုလ် ရွှေရတု အရေးအခင်း အဲဒါတွေ ဖြစ်ပေါ်နေတယ်။ အဲဒါ အပြင် ဗမာပြည်အရှေ့မြောက်ပိုင်းက နယ်စပ် တလျှောက်မှာ ဗမာပြည်ကွန်မြူနစ်ပါတီက ဦးဆောင်တဲ့ ပြည်သူ့တပ်မတော်ရဲ့ စစ်ရေးအောင်ပွဲတွေကလည်း မပြတ်ပေါ်နေတယ်။

အဲလို အခြေအနေတွေ အမျိုးမျိုးရှုပ်ထွေးနေတဲ့အချိန်မျိုးမှာ ကောင်းတာလည်း ရှိ၊ မကောင်းတာလည်း ရှိ။ အဲဒီလို ရှုပ်ထွေးနေတဲ့အချိန်မျိုးမှာ ထောင်တွင်းမှာရှိတဲ့ အလံနီပါတီဦးဆောင်တဲ့အဖွဲ့က သူတို့ချည်း တိုက်ပွဲတခု ဖော်ထုတ်လိုက်တယ်။ ကျန်တဲ့ အဖွဲ့အစည်းတွေကို သူတို့ လုံးဝ မတိုင်ပင်ဘူး၊ မညှိဘူး။ သူတို့ ကိုယ်တိုက်တော့မယ်ဆိုတော့မှ ကျန်တဲ့အဖွဲ့အစည်းတွေကို ပြောတာ။

ပြောတဲ့အခါကျတော့ကျန်တဲ့အဖွဲ့အစည်းတွေက “ဟာ … ဒီကိစ္စကို အားလုံး အတူညှိညှိနှိုင်းနှိုင်းနဲ့ တိုက်ကြရအောင်” လို့ပြောတော့ သူတို့က လက်မခံဘူး။ သူတို့ပြောတာ ရှင်းရှင်းလေး။ သူတို့ခေါင်းဆောင်မှုကို လက်ခံ၊ လက်ခံလို့ရှိရင် ထောက်ခံပါဝင်နိုင်တယ်။ အတော်လေး ရင့်သီးပါတယ်။ ကျန်တဲ့အဖွဲ့အစည်းတွေကို တန်းတူထား မဆက်ဆံဘူး။

သူတို့တောင်းဆိုတာက ဖမ်းထားတဲ့သူတွေကို လွှတ်ပေး၊ ရိက္ခာနှုန်းတိုးပေး။ ဒီ ၂ မျိုးထဲပဲ ရှင်းရှင်းလေး။ တိုက်ပွဲဝင်တာလည်း လူနည်းနည်းလေး။

ဒီနေရာမှာ ပြောဖို့လိုလာတာကဖမ်းထားသူတွေ လွှတ်ပေးဆိုတဲ့ကိစ္စ။ ဖမ်းထားသူတွေဆိုတာက အဲဒီကာလ အတွင်း အဖြစ်အပျက်တခု ရှိတယ်။ အဲဒါဘာလဲဆိုတော့ ရခိုင်ရဲဘော် ကိုအောင်သာကျော်တို့တတွေ လှေနဲ့ထွက်ပြေးဖို့ လုပ်ကြတာရှိတယ်။ ပထမ မန်းအောင်ကြည်တို့၊ ဦးအောင်ဝေတို့၊ မန်းငြိမ်းမောင်တို့ သူတို့ လွတ်ထွက်အောင်မြင်သွားတယ်ဆိုတဲ့ သတင်းကြားရတော့နောက်လူတွေကလည်း လှေနဲ့ထွက်ပြေးဖို့ လုပ်တဲ့လူတွေ အများကြီးပဲ။

အဲဒီထဲမှာ ကိုအောင်သာကျော်တို့က အရင်ဆုံးလုပ်ကြတာ။ အဲဒီတော့သူတို့ လုပ်တယ်ဆိုတာကို ထောင်အာဏာပိုင်တွေက သိနေတယ်။ တောထဲမှာ ဝင်လုပ်ကြရတာကိုး။ သူတို့က လျှို့ဝှက်မှုလည်း ညံ့တာကိုး။ တူသံ၊ လွှသံတွေ တဒုန်းဒုန်းနဲ့လုပ်နေကြတော့ ထောင်အာဏာပိုင်တွေက သိတယ်။

ထောင်အာဏာပိုင်တွေက သိတော့ သူတို့အထက်ကို သူတို့အစီရင်ခံတယ်။ ဘယ်သူတွေလုပ်တယ် ဆိုတာလည်း သူတို့သိတယ်။ အဲဒီတော့ ကိုအောင်သာကျော်တို့ လှေလုပ်နေကြပြီ၊ ထွက်ပြေးဖို့ စီစဉ်နေကြတယ်။ အဲလို အထက်ကိုအစီရင်ခံတော့ အထက်ကနေ “လုပ်ပါစေ၊ ပြေးလည်း ပြေးပါစေ၊ ကမ်းနဲ့လှမ်းလှမ်း ရောက်မှ မြှုပ်ပစ်လိုက်”လို့ အမိန့်ပေးမယ်။ လုပ်ပါစေလို့ပဲ အကြောင်းပြန်တယ်။

အဲလိုနဲ့ တနေ့ကျတော့ ကိုအောင်သာကျော်တို့တတွေ လှေနဲ့ထွက်ကြတာပေါ့။ ကျနော်တို့က သူတို့လှေနဲ့ ထွက်တာကို မသိပါဘူး။ နောက်တနေ့ မနက်အစောကြီးမှာ ကျနော်တို့စခန်းထဲကို သတင်းရောက်လာတယ်။ ဟိုမှာ လှေတစင်း တွေ့နေရတယ်။ ရိက္ခာတွေ၊ ဗူးသီးတွေ၊ ခရမ်းသီးတွေလည်း အကုန် ပေါလောမျှောလို့ဆိုတဲ့ သတင်း ကြားရတယ်။

ဒါနဲ့ ကျနော်တို့အားလုံး ပြေးပြီး သွားကြည့်ကြတယ်။ ကိုကိုးကျွန်းရဲ့ အနောက်ဘက်မှာ။ အဲဒါ ဘာ သွားတွေ့လဲဆိုတော့ လှေကြီးတစင်းက တုံးလုံးကြီးလဲလို့၊ ရေထဲမှာလဲနေတာ။ ခုနကပြောတဲ့ ဟင်းသီးဟင်းရွက်တွေ၊ ပုံးတွေ ပလုံးတွေရော အကုန်လုံး အဲဒီဘေးမှာ ပေါလောကြီး မျောလို့။ ဘာဖြစ်တာလဲဆိုတော့ အဲဒီလှေက အဲဒီ ရေပေါ်မှာတင် လဲကျသွားတာလို့ ပြောတာပဲ။ အသေးစိတ် အဖြစ်အပျက်တော့ မသိဘူး။ တချို့ကပြောတာလည်း တက်တဲ့လူများလို့ လို့ ဆိုတယ်။

ဒါနဲ့ “ကိုအောင်သာကျော်တို့ရော”လို့ မေးလိုက်တော့ “ဟာ … သူက စိတ်ပျက်ပြီး အိပ်ဆောင်ကို ပြန်အိပ်နေတယ်” လို့ ပြောတယ်။ အဲလို အိပ်နေတုန်းမှာပဲ ထောင်အာဏာပိုင်တွေက ရေတပ်နဲ့ သူတို့ကို လာခေါ်ပြီး ရေတပ် စခန်းဘက်ခေါ်သွားတယ်။ အဲဒီဘက်မှာ ထောင်ချပစ်လိုက်တယ်။ ဒါက တကြိမ်။

နောက်တခါ အဲဒီ အလံနီရိက္ခာရုံကပဲ သူတို့ဆီက အလံနီ၊ ရဲနီတွေ ၃ ယောက်ထင်တယ် တောတိုးကြတာ၊ တောတိုးပြီး ဟင်းရှာစားကြပေါ့လေ။ အဲဒီအခါမှာ အဖမ်းခံရတာ။ အဖမ်းခံရတော့ အိမ်ပြန်မရောက်တဲ့ အခါကျတော့ အိမ်မဟုတ်ပါဘူးလေ။ အဆောင်ကို ပြန်မရောက်တဲ့အခါကျတော့ နောက် အဖွဲ့တခုဖွဲ့ပြီး ထပ်ပြီး လိုက်ရှာတယ်။ အဲဒီအဖွဲ့လည်း အဖမ်းခံရတယ်။ အဲလိုအခြေအနေမှာ အလံနီက ခုနကပြောတဲ့ ဖမ်းထားသူတွေ လွှတ်ပေး၊ ရိက္ခာနှုန်း တိုးပေးဆိုတဲ့ တောင်းဆိုချက် ၂ ခုတင်ပြီး တိုက်တာပဲ။

သူတို့ ဒီတိုက်ပွဲဝင်တာဟာ တိုက်ပွဲတပွဲကို သူတို့ချည်းတိုက်လို့ရတယ်။ ကျန်တဲ့လူတွေနဲ့ပေါင်းဖို့ မလိုဘူးဆိုတာဟာ ပြတာ။ ကျန်တဲ့လူတွေက အချောင်သမားတွေလို့ သူတို့ပြောပြီးတိုက်တာ။ အဲဒီတော့ ကျနော်တို့က ဒီတိုက်ပွဲဟာ တထောင်လုံးနဲ့ ဆိုင်ပါတယ်။ ကျနော်တို့လည်း ပါဝင်ပါရစေဆိုတော့ သူတို့ လက်မခံဘူး။

အဲဒီတိုက်ပွဲက ၄၆ ရက်ကြာတယ်။ တိုက်ပွဲအတွင်းမှာ သူတို့ထဲကတယောက်သွေးပျက်ပြီးတော့ လက်နက်ချသွားတယ်။ အဲ … ၄၆ ရက်ကြာတော့ ရဲနီဗိုလ်ကြူ (မန္တလေးတက္ကသိုလ်က ကျောင်းသားဟောင်း၊ ပခုက္ကူဘက်က) သူ ကျသွားတယ်။ အဲလို သူကျသွားတော့မှ သူတို့လည်း အူယားဖားယားနဲ့ အာဏာပိုင်တွေနဲ့ အတင်းစေ့စပ်တယ်။ ဖမ်းထားတဲ့ လူတွေကတော့ တိုက်ပွဲစပြီး မကြာခင်ပဲ လွှတ်ပေးလိုက်ပါတယ်။

ဒါပေမယ့် ဒုတိယတောင်းဆိုချက်ဖြစ်တဲ့ ရိက္ခာနှုန်းတိုးပေးရေးဆိုတာနဲ့ ပတ်သက်လို့ကျတော့ ကိန်းဂဏန်းတွေပဲ အမျိုးမျိုး လှည့်ကစားလိုက်တာ။ အာဏာပိုင်က ဘာမှ မယ်မယ်ရရ လျော့မပေးဘူး။ ဒါပေမယ့် ကိုယ့်ဘက်က အကြီးအကျယ် စေ့စပ်ချင်နေတဲ့အခါကျတော့ တခါတည်း အလျော့ပေးလိုက်ရသလို ဖြစ်သွားတာ။ အဲဒီတိုက်ပွဲမှာ အင်မတန် အခြေအနေဆိုးလို့ ပြည်မ ပြန်ပို့လိုက်ရတဲ့ ရဲနီနေလင်း ဆိုတဲ့လူ (လူငယ်ပါ သူက တောင်တွင်းကြီးက) သူက ပြန်အပို့ သင်္ဘောပေါ်မှာပဲ ဆုံးသွားတယ်လို့ ကြားရတယ်။

အဲဒီတော့ ကျနော်တို့စခန်းထဲမှာ ဒီလိုမညီမညွတ်တွေ ဖြစ်တယ်၊ နောက် တိုက်ပွဲတပွဲလည်း ဦးကျိုးသွားတယ် ဆိုတော့ ထောင်အာဏာပိုင်တွေက သိပ်အားတက်သွားတာ။ အဲဒီအချိန်မှာပဲ နောက်တိုက်ပွဲအတွက် ခလုတ်ဖြုတ်တဲ့ အဖြစ်အပျက်တခု ထပ်ပေါ်လာခဲ့တယ်။ အဲဒါ ဘာလဲဆိုတော့ ကျနော်တို့ရိက္ခာရုံက ရဲဘော်အုန်းမော်နဲ့ ရဲဘော်မောင်မောင်စိုးတို့ တောတိုးရင်း အဖမ်းခံရတာ။ ကျနော်တို့ဆီက ရဲဘော်တွေကတော့ တမင်ကို တောတိုးတယ်ဆိုပြီးတော့ ဒီကျွန်းကို နှံ့အောင် ပိုင်အောင်လုပ်နေကြတာ။ ထောက်လှမ်းတယ်ပဲ ဆိုကြပါစို့ဗျ။

အဲဒီတော့ သူတို့တတွေ တောတိုးရင်းနဲ့ အဖမ်းခံရတယ်။ ဖမ်းတာ ရေတပ်က ဖမ်းတယ်။ ဖမ်းပြီးတော့ သူတို့ ရေတပ်စခန်းကို ခေါ်သွားတယ်။ ပြီးတော့ အဲဒီ ကိုကိုးကျွန်းမြို့နယ်ဆိုတဲ့ တရားရုံးကနေပြီးတော့ သူတို့ကို ထောင်ချလိုက်တယ်။ အတော်တော့ ရယ်စရာလည်း ကောင်းတယ်၊ အံ့သြစရာလည်း ကောင်းတယ်။ ထောင်စကားမှာ ‘ထောင်အပြင် တန်းမရှိဘူး’ ဆိုတယ်။ အခုတော့ ကျွန်းအပြင် ထောင်တောင် ထပ်ရှိနေလိုက်သေးတယ်။ တကျွန်းကျနေတဲ့အပြင် လူတွေက ထပ်ပြီးထောင်ချခံရသေးတယ်။

ဆက်လက်ဖော်ပြပါမယ်။

Tuesday, December 15, 2009

အမိုက်အမဲလေးမို့ ခွင့်လွှတ်ပေးပါ (ကာတွန်း စောငို)


သင် သေသွားသော်

ကျနော့်ဆရာတယောက်ပြောဖူးတဲ့ စကားလေးတခွန်းကို အမှတ်ရမိပါတယ်။ အဲဒီစကားရပ်ကတော့ …

“ဘဝမှာက ဖြစ်ချင်တိုင်း ဖြစ်တာကွ။ ဖြစ်ချင်တိုင်းဆိုတာက ကိုယ်ဖြစ်ချင်တဲ့အတိုင်းဖြစ်တာ မဟုတ်ဘူး။ သူဖြစ်ချင်တဲ့အတိုင်း သူဖြစ်တာ” တဲ့။


အလုံးစုံမှန်ကန်တယ်လို့ မဆိုနိုင်ပေမယ့် ကိုယ်ထင်တဲ့အတိုင်း ဖြစ်ချင်မှဖြစ် တတ်တယ်ဆိုတဲ့သဘောကိုတော့ တွေ့ကြရမှာပါ။ အကယ်၍များ ကျနော်တို့ရဲ့ဘဝတွေက ကိုယ်ထင်တဲ့အတိုင်း မဖြစ်ခဲ့ဘူးဆိုရင် ဘယ်လို လုပ်ကြမလဲ။ တွေးကြည့်စရာပါ။

ကိုယ့်ဘဝရဲ့ အချိန်ကာလတွေကို ကိုယ်က ဘယ်လိုပဲ ဖြတ်သန်းဖြတ်သန်း အစားပြန်မရတာကတော့ အသေအချာပါပဲ။ ဒါကြောင့်မို့ ကျနော်တို့က ကိုယ်ရောက်နေတဲ့ အသက်အရွယ်အပိုင်းအခြားကို မူတည်ပြီး ဆက်စပ် တွေးတောကြည့်ဖို့ လိုအပ်ပါတယ်။ အထူးသဖြင့်ကတော့ ကိုယ် ဘယ်လို ရှင်သန်နေထိုင်သွားမယ် ဆိုတဲ့အချက် ဖြစ်ပါတယ်။

ဒီအခါ ဆရာဇော်ဂျီရဲ့‘သင် သေသွားသော်’ ဆိုတဲ့ ကဗျာလေးတပုဒ်ကို သတိရမိပါတယ်။ အထူးသဖြင့် အဲဒီကဗျာထဲက စာပိုဒ်ကလေးတခုက နှိုးဆော်လိုက်တာဖြစ်ပါတယ်။ ကဗျာစာသားကတော့ ရိုးရိုးကလေးပါ။

“သင်သေသွားသော်
သင်ဖွားသောမြေ
သင်တို့မြေသည်
အခြေတိုးမြှင့်
ကျန်ကောင်းသင့်၏” … တဲ့။

ဆရာ ဇော်ဂျီဟာ သူအသက်ရှင်စဉ်ကာလအတွင်း တိုင်းပြည်အတွက်၊ လောကအတွက် ကောင်းမွန်တဲ့ လုပ်ရပ်တွေ လုပ်ဆောင်ခဲ့သူတယောက်ဖြစ်တာမို့ ဒီစာသားကလေးက သူကိုယ်တိုင် ကျင့်ဆောင်ခဲ့တဲ့ ဆင်ခြင်တွေးဆချက်တရပ် ဖြစ်တယ်လို့ ယူဆမိပါတယ်။ ဒါ့အပြင် ကျနော်တို့ တဦးချင်းတွေးသင့်တဲ့ အတွေးကို ဖော်ပြလိုက်တာလည်း ဖြစ်ပါတယ်။

ဘယ်သူမဆို ဒေသတခု၊ နိုင်ငံတခုမှာ ကြီးပြင်းလာကြသူတွေချည်းပါ။ အဲဒီလို ကြီးပြင်းလာကြသူတွေအနေနဲ့ ဘဝတလျှောက်လုံး သက်ဆိုင်ရာ ရေမြေ၊ ပတ်ဝန်းကျင်များကို မှီတွယ်ရင်း ကြီးပြင်းခဲ့ကြရတာ ဖြစ်ပါတယ်။ တနည်းအားဖြင့် လောကရဲ့ အဆီအနှစ်များကို စားသုံးရှင်သန်ခဲ့ကြသူများ၊ လောကကြီးထဲကို ဧည့်သည်အဖြစ် ရောက်လာခဲ့ကြသူများသာ ဖြစ်ပါတယ်။ အားလုံးလည်း သိကြပြီးဖြစ်မှာပါ၊ ဧည့်သည်ဆိုတာ ကိုယ်တည်းခိုခဲ့တဲ့၊ ကိုယ့်အပေါ် ဧည့်ဝတ်ပြုဖူးတဲ့နေရာဒေသ၊ ပုဂ္ဂိုလ်များအပေါ် ပြန်လည်ကျေးဇူးပြုဖို့ လိုအပ်သလို ကျနော်တို့အနေနဲ့လည်း လောကအပေါ် တစုံတရာ ကျေးဇူးဆပ်ဖို့ လိုအပ်ပါတယ်။

လောကအပေါ်ကျေးဇူးဆပ်ဖို့ စဉ်းစားကြတဲ့အခါ ကျနော်တို့ရဲ့ရှေ့ကနမူနာ ပြသသွားသူတွေအကြောင်းကို စူးစမ်းကြည့်ဖို့ လိုအပ်မယ်ထင်ပါတယ်။ အထူးသဖြင့် စံနမူနာယူထိုက်သူများရဲ့လုပ်ရပ်များကို ရှာဖွေလေ့လာကြည့်ရမှာ ဖြစ်ပါတယ်။

ကမ္ဘာပေါ်မှာ အနာကြီးရောဂါပိုးကို စတင်တွေ့ရှိသူဟာ အဲဒီရောဂါကို အနိုင်တိုက်ဖို့အတွက် သူ့ကိုယ်ထဲ ရောဂါပိုးတွေ ထိုးသွင်းရင်း စမ်းသပ်မှုများပြုလုပ်ခဲ့ပါတယ်။ ဒါပေမယ့် သူဟာ ရောဂါပျောက်ကင်းအောင် ကုသနိုင်တဲ့ဆေး ရှာဖွေနိုင်ခဲ့ခြင်းမရှိဘဲ အဲဒီရောဂါနဲ့ပဲ ကွယ်လွန်ခဲ့ရရှာပါတယ်။ သူ့လိုပဲ အသက်တွေ၊ ဘဝတွေ ရင်းနှီးပြီး အများကောင်းကျိုး လုပ်ဆောင်ခဲ့သူတွေ တပုံတပင်ကြီးပါ။ တချို့ဆိုရင် မထင်မရှား ကွယ်လွန်ခဲ့ကြရပါတယ်။

အောင်မြင်ထင်ရှားသူများထဲက နောက်တဦးကတော့ သောမတ်အယ်ဒီဆင်ဆိုတဲ့ လျှပ်စစ်မီးကို ရှာဖွေနိုင်ခဲ့သူပါပဲ။ သူဟာ လူသားအားလုံးအသုံးပြုဖို့ လျှပ်စစ်ကို ဖော်ထုတ်နိုင်ခဲ့သူဖြစ်ပေမယ့် ရောင်စုံအလှဆင်ထားတဲ့ မီးဆိုင်းကြီးတွေ၊ ဒီနေ့ခေတ် လျှပ်စစ်ရောင်စုံထွန်းညှိထားတဲ့ မြို့ပြတွေရဲ့ညချမ်းအလှအပတွေကို မြင်မသွားရသလို၊ သူကိုယ်တိုင်လည်း စိတ်တိုင်းကျ သုံးစွဲမသွားရရှာပါဘူး။ အဲဒီလိုလူမျိုးကျတော့ လောကကို ကျေးဇူးဆပ်တဲ့သူတွေလို့ သုံးနှုန်းတာထက် လောကကို ကျေးဇူးပြုသူများလို့တောင် ကင်ပွန်းတပ်လို့ရမယ် ထင်ပါတယ်။

ကိုယ့်ရပ်ကိုယ့်ဒေသကို မိမိတတ်မြောက်ထားတဲ့ပညာ၊ မိမိရဲ့အသိစိတ်တွေနဲ့ ကျေးဇူးပြုတယ်ဆိုတာဟာ ကိုယ့်နောက်က မျိုးဆက်တွေအပေါ် ကျေးဇူးပြုတာလည်း ဖြစ်ပါတယ်။ ဥပမာအားဖြင့် ကိုယ်က ငယ်စဉ်မှာ ချို့ချို့တဲ့တဲ့ ပညာသင်ခဲ့ရတယ်ဆိုရင် ကိုယ့်နောက်ကလူတွေကို မချို့မတဲ့ ပညာသင်ကြားနိုင်အောင် လုပ်ပေးဖို့လိုပါတယ်။

ကိုယ်က လမ်းပန်းဆက်သွယ်ရေး အဆင်မပြေတဲ့နေရာမှာ ကြီးပြင်းလာခဲ့ရတယ် ဆိုရင် ကိုယ့်နောက်ကလူတွေကို လမ်းပန်းဆက်သွယ်ရေး ဖွံ့ဖြိုးတဲ့အရပ်မှာ ကြီးပြင်းနိုင်အောင် ဖန်တီးပေးဖို့ လိုအပ်ပါတယ်။

အထူးသဖြင့် ကိုယ့်ဒေသ၊ ကိုယ့်မွေးရပ်မြေအပေါ် တစုံတရာ ကျေးဇူးပြုနိုင်သူ သာလျှင် ဖြစ်သင့်ပါတယ်။ ကိုယ်က ကိုယ့်ရပ်ကိုယ့်မြေကို ကျေးဇူးပြုတာလည်း မဟုတ်ဘဲနဲ့ ပျက်စီးရာပျက်စီးကြောင်း လုပ်ဆောင်ခဲ့သူ တယောက်ဆိုရင်တော့ ပြုသူမဟုတ်ဘဲ ဖျက်သူသာလျှင် ဖြစ်သွားပါလိမ့်မယ်။ ဒီတော့ ကျနော်တို့ ဘာတွေလုပ်ဆောင်ကြမလဲ။

ကိုယ်ဟာ ဘယ်နေရာမှာရှိနေသည်ဖြစ်စေ၊ ဘယ်လိုလုပ်ငန်းနဲ့ အသက်မွေးဝမ်း ကျောင်းပြုနေရသည်ဖြစ်စေ ဖြူစင်တဲ့စိတ်ထားနဲ့ ကိုယ့်ပတ်ဝန်းကျင်၊ ကိုယ့် အဝန်းအဝိုင်းအပေါ် အကောင်းဆုံးတွေ၊ မိမိအစွမ်းဆောင်နိုင်ဆုံး လုပ်ရပ်တွေ လုပ်ဆောင်ပေးရင်း အသက်ရှင်နေထိုင်ကြရင် မကောင်းပေဘူးလား။ ။

ထိန်လင်း
၁၈၊ ၁၁၊ ၂ဝဝ၃

ရေစီးသံ ဂျာနယ်
အတွဲ ၇၊ အမှတ် ၁၀
ဒီဇင်ဘာ ၁ ရက်၊ ၂၀၀၃ ခုနှစ်

Sunday, December 13, 2009

မုန်တိုင်းကိုဆန်၍ ပင်လယ်ကိုဖြတ်သောအခါ (၁၆)

အိုးစားကွဲပြီ

ကျနော်တို့ ကျွန်းပေါ်ကိုရောက်ကြတဲ့ဘဝ အကျဉ်းသား ၂၃၃ ယောက်ဟာ ရောက်လာကြပြီကတည်းက အတူနေ၊ အတူ စားလာကြပြီး ၆ လလောက် ကြာမယ်ထင်ပါတယ်။ အိုးစားကွဲကြတော့တာပါပဲ။ ပမာတင်တဲ့ အိုးစားကွဲစကား၊ ဥပမာ မဟုတ်ပါဘူး။ တကယ့်ကို အိုးစားကွဲသွားတာပါ။

အလံနီနဲ့ သူ့အသိုင်းအဝိုင်းတွေ ၇၀ ကျော်က အိုးခွဲပြီး စားလိုက်ကြတာပါ။ ဘဝတူတွေက အိုးမခွဲရေး၊ သွေးမခွဲရေး၊ ညီညွတ်ရေးအတွက် အမျိုးမျိုး ဆွေးနွေးကြပါသေးတယ်။ မရပါဘူး။ အိုးခွဲစားတဲ့အတွက် အိုးစားကွဲသွားပါတယ်။

စားဖိုဆောင်ကြီးရဲ့ တောင်ဘက်ခြမ်းကို အလံနီဖို၊ မြောက်ဘက်ခြမ်း မူလဖိုကြီးကိုတော့ ကျန်တဲ့ ကျနော်တို့ပေါ့ဗျာ။ အလံနီကစပြီး အိုးစားခွဲလိုက်တာ ကျန်တဲ့အိုးပိန်၊ အိုးညှပ်တွေလည်း တယောက်စ၊ နှစ်ယောက်စ အိုးစားလေးတွေ ဖြစ်ကုန်ကြတော့တာပဲ။

မြောက်ဘက်ခြမ်းဖိုကြီးကတော့ လေထီးဗိုလ်အုန်းမောင်တို့၊ ဆရာ ရာဂျန်တို့၊ ဒလ ဦးထွန်းစိန်တို့၊ ဗမာပြည် ကွန်မြူနစ်ပါတီရယ်၊ ဗကသ၊ တကသ၊ ရကသရယ်၊ ကျနော်နဲ့ ဖထီးမန်းအောင်ကြည်ကလည်း အဲဒီ ဖိုကြီးမှာပဲ စားကြတာပေါ့။ မြောက်ဘက်ကဖိုကြီးကတော့ မူလကျွန်းစပြီးရောက်ခဲ့တည်းက စားလာခဲ့ကြတာဆိုတော့ အုပ်စီးမပျက် ညီညွတ်လျက်ပဲမို့၊ ချီ - ချီ - ချီ ရှေ့သို့ချီ အဆုံးတိုင်အောင်လမ်း တို့ဦးတည်ပေါ့။

အကျိုးတူ ဘုံတိုက်ပွဲ

ကျနော် အစောကတင်ပြခဲ့သလိုပါပဲ။ ကျွန်းမှာရောက်လာကြတာက နိုင်ငံရေးအရောင်အသွေးကလည်း စုံလှတယ် မဟုတ်လား။ လူကြီးပိုင်းတွေကတော့ တူညီတဲ့ ဘုံတိုက်ပွဲဖော်ထုတ်တိုက်ပွဲဆင်နိုင်ဖို့ အမြဲညှိကြပါတယ်။ ကွန်မြူနစ်ပါတီက လေထီးဗိုလ်အုန်းမောင်၊ ဆရာရာဂျန်၊ အလံနီကွန်မြူနစ်ပါတီက ရဲနီဦးအောင်မြင့်၊ ပြည်သူ့ရဲဘော်က ဗိုလ်တင့်တယ်၊ ဗိုလ်မျိုးထွဋ်၊ မလညပ က ဗိုလ်သန်းမြင့်၊ ABKO က ဖထီးမန်းအောင်ကြည် လူကြီးပိုင်းတွေက မကြာမကြာ တွေ့ကြ၊ ဆွေးနွေးကြ၊ ညှိကြပါတယ်။

ပြဿနာတခုတင်လာတိုင်း တင်လာတိုင်း အမြဲထိပ်တိုက်တိုးကြသူတွေကတော့ ဗမာပြည်ကွန်မြူနစ်ပါတီနဲ့ အလံနီ ကွန်မြူနစ်ပါတီပါပဲ။ ကျောင်းတော်ကကိစ္စ၊ အစွဲတွေ၊ အကွဲတွေက ရောက်လေရာအရပ်မှာ အမြဲ ထိပ်တိုက်တိုးတာပါပဲ။ ကြားထဲက နှစ်ဖက်စလုံးကို ဝင်ညှိပြီး လုပ်ငန်းစဉ်တခုကိုကျအောင် အမြဲ ဝင်ညှိပေးရသူတွေကတော့ ဖထီး မန်းအောင်ကြည်တို့၊ ဗိုလ်တင့်တယ်၊ ဗိုလ်မျိုးထွဋ်တို့ပဲဖြစ်ပါတယ်။

ခေါင်းဆောင်ပိုင်းက ညှိကြ၊ ဆွေးနွေးကြတာလည်း အတော်ညီညွတ်မှု၊ နားလည်မှု ရလာကြပါပြီ။ တနေ့တော့ ရိက္ခာထုတ်ပါတယ်။ ထုံးစံအတိုင်းပဲ ရိက္ခာဂိုထောင်ကို သွားကြ၊ ပေးတဲ့ရိက္ခာကို ထုတ်ကြတာပေါ့။ ငါးပိထုတ်တဲ့ အလှည့်ကျတော့ ကျနော်နဲ့ ကိုမောင်မောင်တင် (သာကေတ)(အခုသာကေ တမှာ ဗေဒင်လက္ခဏာ ကဝိတဆူဖြစ်ပြီး တပည့်ပရိတ်သတ် အခြံအရံတွေနဲ့ ပေါများပြည့်စုံနေတယ်လို့ သိရပါတယ်) ပုဇွန် ငါးပိ စဥ့်အိုးတွေဖွင့်လိုက်တော့ အပေါ်ယံက လေသလပ်ပြီး မဲနေပါတယ်။ ဒီမှာတင် အကွက်ဆိုက်တော့တာပဲ။

ကျနော်နဲ့ ကိုမောင်မောင်တင်က …

“ဒီမှာ ဦးနေဝင်း၊ ခင်ဗျား ငပိတွေက ငါးပိပုပ်တွေပဲဗျ၊ မဲတူးနေတာပဲ။ ဒီငါးပိပုပ်တွေကို ကျနော်တို့ မစားဘူး၊ မယူဘူး” ကျနော်တို့ ၂ ယောက် စထောင်ပေးလိုက်ရာ ကျန်တဲ့ လူငယ်ရဲဘော်တသိုက်က စမက်(ရှ်) ဝိုင်းဆွဲပါတော့သည်။ ရိက္ခာထောင်မှူး ဦးနေဝင်းမှာ မအူမလည်နှင့် ကြောင်တောင်တောင် ဖြစ်နေပါသည်။ အကြောင်းအမျိုးမျိုးပြသော်လည်း ကျနော်တို့က ငါးပိမယူဘဲ ပြန်လာခဲ့ကြပါသည်။

အဆိုပါ ငါးပိတွေကို အပေါ်ကမဲနေသည့် ငါးပိနှင့် အောက်ဘက်က ငါးပိတွေကိုရောမွှေစီမံပြီး နောက်ထပ် ကျနော်တို့ကို ထပ်ပေးရာ ပြဿနာက ပိုကြီးသွားပါသည်။ ငါးပိပုပ်ပြဿနာကတော့ တက်လာပါသည်။ ကျန်တာကတော့ လူကြီးတွေက ဆက်ကိုင်တော့ပေါ့။

အမှန်ကလည်း စဉ်းစားကြည့်ပါ။ ငါးပိဆိုသော ပစ္စည်းမှာ အပုပ်ခံမှဖြစ်လာသည့် ပစ္စည်းမဟုတ်ပါလား။ အဲဒီနေ့က စိမ်းစား ပုဇွန်ငါးပိကလည်း အပေါ်ယံက လေသလပ်ပြီး တလက်မခွဲသာသာ မဲတာပါ။ အောက်မှာ နီဝါဝါလေးနဲ့ အကောင်းချည်းပါ။ အနံ့ကလည်း သင်းပါသည်။ ကျနော်တို့က အစလုပ်ပြီး ပြဿနာရှာတာကို မအူမလည် ဦးနေဝင်းတယောက် ခံလိုက်ရတာပါ။ ရိက္ခာထောင်မှူး ဦးနေဝင်းက သူ့အဘ စစ်အာဏာရှင် တဏှာဘီလူး ဦးနေဝင်းလို ပွေရှုပ်လိမ်ကောက်ရာတွင် ဉာဏ်မသွားသောကြောင့် ခံသွားလိုက်ရခြင်း ဖြစ်ပါသည်။

ဦးနေဝင်းကို ကျနော်တို့ နှိပ်ချင်သည်မှာလည်း အကြောင်းရှိပါသည်။ ကျွန်းကိုရောက်ခါစ ကျနော်တို့အချင်းချင်း မစုစည်းမိသေးခင် ဦးနေဝင်း ပြောစကားရှိပါသည်။

“ထောင်ဆိုတာ တိုက်နိုင်မှ အခွင့်အရေးရတာ” ကျနော်တို့ကို ခနဲ့တဲ့တဲ့ ရိသဲ့သဲ ပြောခဲ့ပါသည်။ အဲဒီတုန်းက ရင်ထဲက မျက်သွားပေးမယ့် အပြင်ကိုထုတ်မပြခဲ့ပါ။

ငါးပိပုပ်တိုက်ပွဲကတော့ ထိုက်သင့်သလောက် အောင်မြင်ပါသည်။ တိုက်ပွဲ ပူးတွဲဦးစီးကော်မတီကို ဖွဲ့စည်းပြီး ပါတီစုံမှ ဝင်တိုက်ပါသည်။ ၁၅ ရက်ကြာမည် ထင်သည်။ အခွင့်အရေးတချို့ တိုး၍ရပါသည်။ ရိက္ခာတွေ၊ အမဲသားဗူးတွေ တိုး၍ ရပါသည်။

တော်လှန်တဲ့အတွေးအခေါ် တည်ဆောက်ရေးအတွက်

ကျနော်တို့အကျဉ်းသားများနှင့် ကံတူအကျိုးပေး နေရှင်နယ် လေးလိုင်း ရေဒီယိုတလုံးရှိပါသည်။ ရေဒီယိုကို သေတ္တာထဲထည့်ပြီး သော့ခတ်ထားပါတယ်။ မနက် ၇ နာရီ ရေဒီယိုလာချိန်ကစပြီး ထောင်ဝါဒါတယောက် ယူလာပါသည်။ စားရိပ်သာတွင် လာချထားပြီး သော့ဖွင့်ပေးပါသည်။

ရေဒီယိုအချိန်ကုန်လျှင် သော့ပြန်သိမ်း၊ မဆလ ၏ မြန်မာ့အသံတခုတည်းကိုသာ နားထောင်ခွင့်ပေးပါသည်။ နေ့လည် ညနေ ယူလာ၊ သော့ဖွင့် သော့ပိတ် ပြန်သိမ်း အတော်အလုပ်များပါသည်။ နောက်ပိုင်းမှ ကျနော်တို့ လူတွေက ပုံစံမျိုးစုံနှင့် စည်းရုံးလိုက်သည်မှ ရေဒီယိုမှာ ကျနော်တို့နှင့်အနေပျော်ပြီး ထောင်ဝါဒါတွေဆီ ပြန်မသွားတော့ပါ။

အဲဒီတော့မှ ဆိုင်ရာဆိုင်ရာ ပညာရှင်တွေက ပညာပြကြပါတော့သည်။ ညမိုးချုပ်ပြီဆိုရင် ထောင်ဝင်းသံဆူးကြိုး အဝင်အဝတွင် ကင်းတယောက်ချ၊ လမ်းခုလတ်တွင် ကင်းတယောက်ချ၊ ၁၉ ဆောင်ထိပ်တွင် ကင်းတယောက်ချ၊ ၁၉ ဆောင် အခန်းကျဉ်းလေးထဲတွင် ရေဒီယိုကို ချုပ်နှောင်ထားသည့် အနှောင်အဖွဲ့ သော့ကိုဖွင့်၊ တပ်မတော် (ကြည်း) ဆက်သွယ်ရေး လုံခြုံရေးတပ်မှ ကိုအောင်ထီ (ကျောက်ပိုး)၊ ကိုအုံးမော်တို့က ရေဒီယိုလှိုင်းတွေကို လိုက်ဖမ်း၊ ပီကင်း ရေဒီယိုက အသံလွှင့် ချက်တွေကို လက်ရေးတိုသမားတွေဖြစ်သည့် ကိုတင်မောင်ဝင်း (ရကသ အတွင်းရေးမှူး ကိုဉာဏ်ဝင်း၏ညီ)၊ ကိုခင်မောင်ဇော်၊ အခြားမမှတ်မိတို့က လက်ရေးတိုနှင့်လိုက်ရေးပြီးတော့မှ အချောထုတ်လုပ်၊ စက္ကူကတော့ နို့ဆီဘူး တံဆိပ်ပတ်ကို ဓားနဲ့ ညီညီဖြတ်၊ ၃ ရွက်ကိုဆက်လိုက်တော့ အကောင်းစား စက္ကူအချောရလာ။ မင်ကတော့ (ဂျိုင်းရှင်းဗွိုင်းလက်) ခရမ်းရောင် လိမ်းဆေး၊ ကလောင်ကတော့ ဆေးပုလင်းဖြတ်သည့် စတီးလွှကလေးကို နစ်ပုံစံသွေး၊ ကလောင်ဖြစ်လာပြီး စာရေးလို့ရသွားတယ်။

ပြီးတော့ ဖိုးသံချောင်းတို့ မန္တလေးထောင်က ဘာတန်ခိုးနဲ့များရှိုးပြီး ယူလာခဲ့သည်မသိ။ ထောင်ထဲမှာ မမြင်ရ မတွေ့နိုင်တဲ့ ပီးကင်းရီဗြူး၊ ချိုင်းနစ်လစ်ထရေချာ၊ နယူးဝိစ်၊ တိုင်းမ် မဂ္ဂဇင်း၊ ရီးဒါးဒိုင်ဂျက်၊ အခြား ဂျက်လန်ဒန်၊ ဂေါ်ဂီ စတဲ့ ကမ္ဘာကျော် စာရေးဆရာကြီးများရဲ့ စာအုပ်စာတမ်းတွေ အတော်စုံပါတယ်။

ဘာသာပြန်တာကတော့ ဆရာဦးမြသန်းတင့်ဖြစ်ပါတယ်။ ဆရာဦးမြသန်းတင့် ဘာသာပြန်ဆိုတဲ့ဟန်က စာအုပ်ကို ဗမာလို အထစ်အငေါ့မရှိ တောက်လျှောက်အသံထွက်ပြီး ဖတ်သွားတာကို ကိုခင်မောင်ဇော်နဲ့ အခြားရဲဘော်တွေက ဗမာလို လိုက်ရေးရတာ။ ပြီးတော့ သတင်းတွေ၊ ဆောင်းပါးတွေ ပေါင်းလိုက်ပြီး ‘မီးပွား စာစောင်’ ကို ထုတ်ဝေပါသည်။

အများပြည်သူ လူတကာကြည့်နိုင်တဲ့ စာကြည့်တိုက်ကို အဆောင် ၈ မှာထားပါသည်။ စာစုံ၊ လူစုံ ငှားနိုင် ကြည့်နိုင်ပါသည်။ အဆောင် ၉ က စာကြည့်တိုက်ကတော့ အတွင်းစာကြည့်တိုက် (လျှို့ဝှက်စာကြည့်တိုက်) ဖြစ်ပါသည်။

ထောင်အာဏာပိုင်တွေကို တဖက်ကလည်း အတိုက်အခံလုပ်၊ တဖက်ကလည်း စည်းရုံးနဲ့ ကျနော်တို့ အကျဉ်းသားတွေမှာ အနေအထိုင် အတော်လွတ်လပ်လာပါသည်။ ထောင်အမှုထမ်းတွေကို သူတို့ အထက်အာဏာပိုင်တွေက တာဝန်ပေးမှုကို အတိအကျမပြောဘဲ စခန်းတနေရာဆိုပြီး ပြောထားပါသည်။ ပြည်တော်ညွန့် သင်္ဘောပေါ်တက်ပြီး ကျွန်းပေါ်ရောက်လာမှ ကျွန်းပို့ခံရမှန်းသိ၍ အတော်စိတ်ထိခိုက်ကြပါသည်။

ဆက်လက်ဖော်ပြပါမည်။

ကျောင်းသား ထောင် တော်လှန်ရေးသမား (၂၆)

နောက်ကျ ကျနော်တို့ ခုနက ချိုးဖောက်တဲ့ဟာတွေနဲ့ဆိုတော့ ညပါ လစ်ထွက်ကြတာ။ တညလုံး အပြင်မှာနေတယ်။ အဲဒါ မင်ကိုလုပ်နေတာ။အဲဒီတော့ ခြင်ထောင်ချထားတယ်။ သူတို့ ခြင်ထောင်လှန်ပြီးတော့ ကြည့်တယ်။ အဲလို လှန်ကြည့်ရင်လည်း ကျနော်တို့က အဲဒီလူ အိမ်သာသွားတယ်လို့ပဲ ပြောလိုက်တာ။ အဲဒါ သူတို့ ခြင်ထောင်တွေ အလုံးတွေကိုပဲ ရေရေပြီး သွားတယ်။ အဲဒီလိုကနေပြီးတော့ တဖြည်းဖြည်း ကျွန်းကနေပြီးတော့ လှေလုပ်ပြီး ထွက်ပြေးတဲ့အဆင့် ရောက်လာတယ်။

လှေလုပ် ထွက်ပြေးအောင်မြင်သွားကြတဲ့ လူတွေကတော့ မန်းအောင်ကြည် ABKO ( မြန်မာနိုင်ငံလုံးဆိုင်ရာ ကရင် အစည်းအရုံး)က (နောင်ကျတော့ လှေနဲ့ထွက်ပြေးတာ လွတ်သွားပြီးတော့ KNU ကိုသွားပြီး တောထဲမှာ ရောဂါနဲ့ ကျဆုံးသွားတာ။) နောက်တယောက်က မန်းငြိမ်းမောင် (အခုတော့ သူ KNU ပါတီမှာ ခေါင်းဆောင်တယောက် ဖြစ်နေပါတယ်။ ကျနော်နဲ့ တိုက်ဖော်တိုက်ဖက် ပုဂ္ဂိုလ်ရေး အင်မတန်ရင်းတယ်) နောက်တယောက်က ဗမာပြည်ကွန်မြူနစ်ပါတီက ရဲဘော် အောင်ဝေ (ကျနော်နဲ့တခန်းထဲနေတာ။ ကျနော် ထောင်ကထွက်လာတော့ သူနဲ့ ပြန်အဆက်ရတယ်။ အင်မတန် လူချစ် လူခင်များပြီးတော့ လုပ်ရည်ကိုင်ရည် ရှိတဲ့ပုဂ္ဂိုလ်ကြီး။ ပဲခူးရိုးမမှာပဲ ကျဆုံးသွားတယ်) သူတို့ ၃ ယောက်။

အဲဒီတော့ သူတို့ ထွက်ပြေးသွားတဲ့အခါကျတော့ သူတို့က အင်မတန်ကို ပိပိရိရိနဲ့လုပ်တာကိုး။ ဒီအကြောင်းကတော့ အခုနကပြောတဲ့ ကိုမန်းငြိမ်းမောင် ရေးတဲ့စာအုပ်ထဲမှာ ပါပြီးပြီ။ ကျနော် အသေးစိတ် မပြောတော့ဘူး။ ကျနော်ပြောမှာက သူတို့ မသိတဲ့ ကျနော်တို့ဘက်။ သူတို့က ပိပိရိရိလုပ်တော့ ဘာမှမသိဘူး။ ကျနော်တို့က အထူးသဖြင့် တာဝန်ရှိတဲ့လူမဟုတ်တဲ့ ကျနော်လိုလူက ဘာမှ မသိဘူး။ ကျွန်းပေါ်မှာကလည်း ဒီလို လျှို့ဝှက်လုပ်ငန်းနဲ့ ပတ်သက်လို့ရှိရင် အင်မတန်ကို ကျနော်တို့ထဲမှာ လျှို့ဝှက်ရတယ်။

အဲဒီတော့ စနစ်တကျကို လျှို့ဝှက်ထားတဲ့ဟာကျတော့ ကျနော်တို့ သာမန်ရဲဘော်တွေ ဘာမှ မသိပါဘူး။ အဲ သူတို့ သွားပြီ၊ သူတို့လှေကို တွန်းချပေးလိုက်ပြီဆိုတော့မှ ကျနော်တို့ သိတာ။ တွန်းချပေးတော့ ကျနော်တို့ဆီက ရဲဘော်တွေပဲ အကုန်လိုက်ပြီး တွန်းချပေးတယ်။

အဲဒီ နောင် ၅၃ ရက်တိုက်ပွဲမှာကျသွားတဲ ရဲဘော်တွေ။ ရဲဘော်ချစ်ဆွေတို့၊ ရဲဘော်အုန်းမော်၊ ရဲဘော်မောင်မောင်စိုး၊ နောက် အခု ပဲခူးမြို့နယ်ထဲမှာရှိနေတဲ့ ရဲဘော်ဘထွေးညွှန့်တို့၊ အဲလို ရဲဘော်လေးတွေကလိုက်ပြီးတော့ လှေကို ပင်လယ်ထဲ ရေအနက်ထဲရောက်အောင် လိုက်ပြီး တွန်းပို့ပေးလိုက်ရလို့ အဲဒီတော့မှ ကျနော်တို့သိရတယ်။ အဲဒါ ကျနော်တို့ ချက်ချင်း ရဲဘော်အောင်ဝေဆို ကျနော်တို့ အခန်းထဲကကိုး။ ကျနော်တို့ အဆောင်ထဲက။

အဲဒီတော့ ကျနော်တို့ ချက်ချင်းပြင်ရတယ်။ သူတို့ ထွက်တာလည်း ညထွက်တာ။ ရေအတက် လအပြည့်၊ ရေအတက် အဲဒါနဲ့ထွက်ကြတာကိုး။ အဲဒီတော့ ကျနော်တို့က ပြင်ရတယ်။ ပြင်တယ်ဆိုတာ ဘာလုပ်လဲဆိုတော မနက် လူလာစစ်ရင် မပေါ်အောင်လုပ်ရတယ်။ အဲဒီတော့ ဦးအောင်ဝေ အိပ်ရာမှာ တယောက်က ဝင်အိပ်ပေး။ ပြီးတော့ သူ့အိပ်ယာမှာလည်း ရိုးရိုးပဲ ခြင်ထောင်ချထားတယ်။ အဲဒီလိုနဲ့ လုပ်နေတာပေါ့။ နေ့တိုင်း လုပ်နေတာ။ ထောင်အာဏာပိုင်တွေ လုံးလုံးကို မသိဘူး။ နောက်ဆုံး ဟို တနင်္သာရီတိုင်းမှာ သွားပြီးမိနေတော့မှ ကိုကိုးကျွန်းက အာဏာပိုင်တွေ အော် ဒီကထွက်ပြေးပါလားဆိုတာ သူတို့သိတာ။

အဲဒီတော့ အခု ကျနော်ပြောခဲ့သလိုပဲ ကျနော်တို့ဘက်က စနစ်တကျချိုးဖောက်မှုတွေလုပ်၊ အာဏာပိုင်တွေနဲ့ ထိပ်တိုက် ရင်ဆိုင်ထွက်ပြေးမှုတွေရှိလာတဲ့အခါကျတော့ ကိုယ်ထူကိုယ်ထ စနစ်ကြီးအခုလုပ်ထားတဲ့ ထောင်စနစ်ကြီးဟာဖြင့် မအောင်မြင်ဘူးဆိုတာကို အားလုံးမြင်လာကြတယ်။ သူတို့လည်း မြင်လာတယ်။ ဒီအတိုင်းတော့ မဖြစ်တော့ဘူးဆိုတာ သူတို့သိလာတယ်။ သူတို့ ကိုယ်ထူကိုယ်ထသာ မလုပ်လို့ရှိရင် လှောင်ထားလို့ရတယ်။ ကိုယ်ထူကိုယ်ထ လုပ်ထားရင် သူတို့ လှောင်ထားလို့ မရဘူး။ ပဋိပက္ခက အဲဒီမှာဖြစ်တာ။

ဒီမှာ အဖြစ်အပျက်တခုက ရှိသေးတယ်။ အဲဒါက ဘာလဲ ဆိုတော့ တနေ့မှာ ရဲဘော်အုန်းမော်နဲ့ ရဲဘော် မောင်မောင်စိုး။ (ရဲဘော်အုန်းမော်ဆိုတာက လေတပ်က အစိုးရလေတပ်က။ နောက် ဆက်သွယ်ရေး လုပ်တယ်။) နောက်တခုက ရဲဘော်မောင်မောင်စိုးဆိုတာက ကျောက်ဆည်က တက္ကသိုလ်ကျောင်းသား (ဗကသ) သူတို့ ၂ ယောက်ဟာ အုန်းသီးရှာရင်းကနေပြီးတော့ နယ်လွန်သွားပြီးတော့ဟိုဘက် ရေတပ် ဧရိယာထဲကို ရောက်သွားတယ်။ ရောက်သွားတော့ ဟိုက အဆင့်စောင့်ရင်းနဲ့ ချောင်းစောင့်နေပြီးတော့ သူတို့ကို ဖမ်းချသွားတယ်။ ရေတပ်နဲ့ အဝေးကြီးလိုပါသေးတယ်။ ကျွန်းကို Out of Bond လုပ်ထားတဲ့နေရာ ဆိုတော့ အဲဒါ ရေတပ်နဲ့ အဝေးကြီးပါ။

အဲဒီကနေစောင့်ဖမ်းပြီး ခေါ်သွားရော။ ခေါ်သွားပြီး ပြန်မလွှတ်တော့ဘူး။ ထောင်ချထားသလို လုပ်တယ်။ အဲဒါ ကျနော်တို့ ကျွန်းရောက်ပြီးမှ တခါပြန်ပြီး ထောင်ကျရသေးတာ။ အတော်ရယ်စရာ ကောင်းတယ်။ အဲဒီတော့ ကိုကိုးကျွန်းကလည်း မြို့နယ်တခုဆိုတော့ အဲဒီ ရန်ကုန်တိုင်း အမှတ် ၁၃ မြို့နယ် မြို့နယ်တရားသူကြီးကနေ တောင် သူတို့ အပြစ်တွေဘာတွေ ချပစ်လိုက်တာ။ ပိုင်နက်ကျူးလွန်မှုနဲ့ ချတာလား ဘာနဲ့ချလဲ မသိဘူး။

အဲဒါ အပြစ်တွေ ဘာတွေချပြီးတော့ အဲဒီမှာတင် ရေတပ်ထဲမှာတင် ချုပ်ထားတာ။ ဖမ်းခါစတော့ မျက်စိပိတ်ပြီး နည်းနည်းပါးပါး ရိုက်တယ်လို့ ပြောတယ်။ လမ်းခေါ်သွားတော့လည်း အတင်း တလှိမ့်ကောက်ကွေးပေါ့လေ၊ အတက်အဆင်းတွေ ဘာမှမပြောဘဲ ဒီအတိုင်း တွန်းတွန်းပြီး ခေါ်သွားတော့ လဲတဲ့နေရာ လဲ၊ ပွန်းတဲ့နေရာ ပွန်း အဲလိုဖြစ်ကုန်တာပေါ့။

အဲဒီတော့ သူတို့ အဲလိုဖြစ်ပြီဆိုတာနဲ့ ကျနော်တို့ ကျွန်းကလူတွေ အားလုံးစုပြီးတော့ တခါ ထောင်အာဏာပိုင် တွေကို ကြွေးကြော်သံတွေနဲ့ တောင်းဆိုချက် အော်ကုန်ကြတယ်။ အဲဒါ ၂ ရက်လောက် ကျနော်တို့ တိုက်ပွဲဝင်ပြီးတော့ ပြန်လွှတ်ပေးတယ်။ ဆိုလိုတာ ထောင်အာဏာပိုင်တွေနဲ့ ကျနော်တို့ကြားမှာ ကြာလေကြာလေ တင်းမာမှုက ကြီးလာလေ ဖြစ်လာတာ။ တဖက်ကလည်း သူတို့ရဲ့ ကိုကိုးကျွန်းဆိုတဲ့ ပေါ်လစီက ကြာလေကြာလေ အဓိပ္ပာယ်မဲ့မှု မခိုင်မာမှုကို ဖော်ပြလာနေတယ်။ အဲလို အချက်တွေကနေပြီးတော့ ကျနော်တို့ကို နောက်တိုက်ပွဲတွေ တိုက်ဖို့အတွက် သန္နိဋ္ဌာန်ကျလာစေတယ်။ အားရှိလာစေတယ်။ အဲဒီကို အာရုံကဲလာစေတယ်လို့ ပြောရလိမ့်မယ်ထင်တယ်။

ဆက်လက်ဖော်ပြပါမယ်။

Saturday, December 12, 2009

သူခိုးမပြေးခင် ... (ကာတွန်း စောငို)


မုန်တိုင်းကိုဆန်၍ ပင်လယ်ကိုဖြတ်သောအခါ (၁၅)

တော်လှန်တဲ့ဘဝနဲ့ တော်လှန်တဲ့ အနုပညာ

သင်္ဘောပျက်ကြီးပေါ်က သံတိုသံစတွေ စိတ်ထဲမှာ အသုံးဝင်မယ်ထင်တဲ့ မြင်ကရာ၊ တွေ့ကရာ ပစ္စည်းတွေကို ရေထဲ ပစ်ချပါသည်။ သံတံစဉ်းလို ပစ္စည်းတွေ၊ မော်တာအပျက်အိုးထဲက နန်းကြိုးတွေ၊ သံဗီရိုတွေ၊ ပစ္စည်းတွေက အင်မတန်စုံတာပါဗျာ။ တပြည်တရပ်ခြားက လာဆိုက်ပေးရှာတဲ့ မမြင်ဘူးတဲ့ သူဌေးကြီး အိုနာဆစ်ကြီးကို လှမ်းပြီး ကျေးဇူးတင်လိုက်သေးတယ်။

ရေစစ်ချိန်ရောက်ပြီဆိုရင် ရေထဲကိုပစ်ချထားတဲ့ အမျိုးအမည်စုံလင်တဲ့ ပစ္စည်းတွေ ပြန်ငုပ်၊ ကမ်းပေါ်တင်၊ ကမ်းစပ်နဲ့ကပ်လျက် မီးဖိုချောင်ဘေးသဲခုံကို ပစ်သွင်းပေါ့။ ပြီးတော့မှ ရလာတဲ့ပစ္စည်းတွေကို ကုန်ချောအဖြစ် ထုတ်လုပ်ဖန်တီးတော့တာပါပဲ။

ဗမာ့တပ်မတော် လေတပ်က ကိုတေဇတို့၊ ကိုလှိုင်တင်တို့၊ ကိုထွန်းဝင်းတို့က အနုပညာသမားတွေ၊ မော်တာပျက်အိုးထဲက ကြေးနန်းကြိုးပျက်တွေကို တယော၊ မယ်ဒလင်၊ ဒုံမင်းကြိုးတွေ ပြန်ပြီးဖန်တီး၊ တယောတို့ မယ်ဒလင်တို့ကတော့ အညံ့စား မထင်လိုက်ပါနဲ့။ တကယ့်ထွင်းအိုးတွေနဲ့ လုပ်ထားတာ။

နေ့ကြီးရက်ကြီး ပွဲလမ်းသဘင်ဆိုရင် ကိုလှိုင်တင်တို့၊ ကိုတေဇတို့ တီးဝိုင်းက တယော ၃ လက်၊ မယ်ဒလင်၊ ဒုံမင်း၊ ပတ္တလား၊ ခြောက်လုံးပတ် အလွန့်အလွန်ကိုပင် ငြိမ့်ညောင်းသာယာတဲ့ ဆင်ဖိုနီ တီးဝိုင်းကြီးပါ။ ကျနော်တို့ကျွန်းမှာ အတူမနေခဲ့ရသူတွေအဖို့ ရေးပြ၊ ပြောပြရတာ ပိုကားကြွားတယ်လို့ ထင်ကြမှာပါ။

သီချင်းတွေဆိုတာလည်း ဗမာပြည်လူ့အဖွဲ့အစည်းဟောင်းထဲက သီချင်းတပုဒ်မှ မပါဘူး။ မဆိုဘူး။ ကျနော်တို့ကျွန်းမှာ ကိုယ်တိုင်ရေးတဲ့၊ သီဆိုတဲ့ ထွန်းလင်းတဲ့ ကမ္ဘာလောကသစ်ကြီးကို ဖော်ညွှန်းတဲ့ တော်လှန်တဲ့ သီချင်းတွေကြီးပါပဲ။

အခုတော့ ကျွန်းတုန်းက သီချင်းတွေကို ၈၈ မျိုးဆက်သစ် ညီငယ် ညီမငယ်၊ ရဲဘော် ရဲဘော်မေများက လက်ဆင့်ကမ်း ပြန်လည်ဖော်ထုတ်ပြီး သမိုင်းတင်ခဲ့ကြပါတယ်။ ဦးသန့်အရေးအခင်းနဲ့ မှိုင်းရာပြည့် အရေးအခင်းမှာ အင်းစိန် ဖိနှိပ်ရေးအကျဉ်းစခန်းကြီးကို ရောက်ခဲ့ကြတဲ့ တော်လှန်တဲ့ ရဲဘော်များကလည်း ဦးသန့်နဲ့ မှိုင်းရာပြည့် ဂုဏ်ပြုသီချင်းတွေကို မော်ကွန်းထိုးခဲ့ပါတယ်။ ဒါလည်း ၈၈ မျိုးဆက်သစ် ညီငယ် ညီမငယ်များကပဲ ပြန်လည်ဖော်ထုတ်ပြီး သမိုင်းမှတ်တမ်း တင်ခဲ့ကြပါတယ်။

သံတိုသံစ သံပြားတွေကိုတော့ အလွန့် လွန်မရှိတဲ့ပစ္စည်းတွေကို လေတပ်က ကိုအုန်းမောင်ကြီးက ပန်းပဲဆရာကြီးအဖြစ်နဲ့ ဦးဆောင် ထုတ်လုပ်ပါတယ်။ လုပ်သားတွေက ကိုအုန်းမော်၊ ကိုအောင်ထီ (သူ့ကို ကျနော်တို့က ချစ်စနိုးနဲ့ ကျောက်ပိုးလို့ ခေါ်သည်)၊ ကိုချစ်ဆွေ၊ ဘဖူးညွန့်၊ ကိုလတ်၊ ရမ်းဗြီး ပြီးတော့ မပါမဖြစ်တဲ့ ဗန်းမော့် ဇာတ်လိုက်။

မီးဖိုဆိုက်တဲ့မီးက သစ်နီသားပေါက်ခြမ်းတွေ၊ မီးခဲကလည်း အင်မတန်ကောင်းတာ၊ မီးဖိုဘေးက စတိုနားမှာ ပေတုံးလုပ်လို့ကောင်းတဲ့ သံတုံးကြီးကိုချ၊ သစ်နီသား ပေါက်ခြမ်းမီးခဲတွေကို လာပုံ၊ ပင်လယ်ကမ်းနားစပ်နဲ့ ကို ၃၀ ကျော်လောက်ပဲ မီးဖိုနဲ့ဝေးတာဆိုတော့ ပင်လယ်လေကလည်း တဟူးဟူးနဲ့ တကယ့်သဘာဝ ပန်းပဲဖိုကြီးပေါ့။

အဲဒီ ပန်းပဲဖိုကြီးထဲကို သံပြားတွေ ထည့်ဖုတ်၊ သံပြားကရဲလာပြီဆိုရင် ပန်းပဲဆရာကြီး ဦးအုန်းမောင် ပြောဆိုညွှန်ပြတဲ့အတိုင်း ကျနော်တို့ငယ်သားတွေကလည်း တယောက်တလဲ ထုကြ၊ လုပ်အားခ ပူစရာမလိုတော့ ဓားတလက်ဆိုရင် ထုမှထုပေါ့။ ဓားကောင်းတလက်လိုချင်ရင် နာနာတေရတယ်လို့ ရှေးအဆိုအမိန့်ကလည်းရှိတယ် မဟုတ်လား။

စိတ်ကြိုက်ရပြီဆိုတော့မှ ကိုအုန်းမောင်ကြီး သင်္ဘောပေါ်ကရတဲ့ သံဖြတ်စို့နှင့် ကြိုက်တဲ့ဓားပုံစံကို ဖြတ်ထုတ်ပြီးတော့ ပြန်ထု၊ ဆေးသားတင်၊ ဆေးသားတင်ပြီးသား ဓားကို နို့ဆီခွက်ကို ထောင်၊ ခုတ်ကြည့်၊ အသွားလိပ်သွားတယ်ဆိုရင် မကြိုက်သေးဘူး၊ ပြန်ထု၊ ပြန်ဆေးသားတင်၊ နို့ဆီခွက်ကို ပြန်ခုတ်၊ တိခနဲပြတ်မှ အိုကေ။

ဒီလိုနည်းနဲ့ ကိုအုန်းမောင်ကြီး ပန်းပဲဖိုက ဓားမြှောင်တွေ၊ ဓားရှည်တွေ၊ ဓားမတွေ၊ လှံတွေ၊ မှိန်းတွေ လူငယ်တိုင်းမှာ ကိုယ်စီကိုယ်ငှ ဓားရှည်တွေ၊ ဓားမြှောင်တွေနဲ့ ဖြစ်လာကြတာပါပဲ။

ကျနော်တို့ကို ထုတ်ပေးတဲ့ အတွင်းခံ၊ အောက်ခံဘောင်းဘီက ဘေးဘက်က တခြမ်းကွဲ ကြိုးနှင့် သုံးချက် ပြန်ချည်ရတယ်။ အဲဒီ ဘောင်းဘီတိုနံ့နံ့နှင့် (ကျနော်တို့လူငယ်တွေက တာဇံဘောင်းဘီလို့ နာမည်ပေးထားတယ်) မနက်လင်းပြီဆိုရင် ကျနော်တို့လူငယ်တသိုက်ဟာ ခါးမှာလည်း ဓားမြှောင်ကြီး ချိတ်သူက ချိတ်၊ တချို့ကလည်း ဓားရှည်၊ တချို့ကလည်း မှိန်းတွေနဲ့၊ တာဇံတသိုက်ကတော့ ခြေဦးတည့်ရာ စိတ်ကူးပေါက်ရာ ကျွန်းပေါ်ကို လျှောက်သွား ရှာဖွေတော့တာပဲ။

မောရင် အုန်းပင်လှဲ၊ အုန်းရည်သောက် အုန်းသားစား၊ တခါတလေ အကျဉ်းသားဘဝကိုတောင် မေ့မေ့သွားသဗျာ။ ဒါပေမယ့် နေဝင် မိုးချုပ်လို့ အိပ်တန်းပြန်တက်ကြမှပဲ တို့ဟာ မလွတ်လပ်ပါလားဆိုတဲ့အသိက ဝင်လာတယ်။

တော်လှန်တဲ့ ဗမာ့တပ်မတော်သားများ

ကျွန်းပေါ်ရောက်လာတဲ့ နိုင်ငံရေးအကျဉ်းသားတွေထဲမှာ ဗမာ့တပ်မတော် လေတပ်က ရဲဘော်များဟာ မနည်းပါဘူး။ ကိုထွန်းဝင်း (ကျွန်းဖျက်သိမ်းရေးတိုက်ပွဲတွင် ကျဆုံး)၊ ကိုတေဇ၊ ကိုလှိုင်ဝင်း၊ ကိုအုန်းမောင်၊ ကိုသိန်းလွင်၊ ကျွန်းမရောက်ဘဲ အင်းစိန်ထောင်တွင် ကျန်ရစ်ခဲ့တာက စောမောင်တင်၊ စောရွှေဘ၊ ဝင်းရွှေချစ် အခြားမမှတ်မိတော့။ ဗမာ့တပ်မတော် လေတပ်မှ အဲဒီလို အစဉ်အလာကြီးခဲ့တာပါ။

၁၉၈၈ ခုနှစ် ဒီမိုကရေစီအုံကြွတိုက်ပွဲဝင်မှုကြီးမှာ ကျောင်းသား၊ ရဟန်းရှင်လူ၊ မိဘပြည်သူများနှင့်အတူ ရှေ့ဆုံးတန်းက လက်တွဲ တိုက်ပွဲဝင်ခဲ့တယ်ဆိုတာ မိဘပြည်သူများ မျက်ဝါးထင်ထင် မြင်တွေ့ခဲ့ကြရပဲ မဟုတ်လား။

သမိုင်းအစဉ်အလာ ကြီးမားတဲ့ ရဲဘော်တွေဖြစ်ပါတယ်။ ဒီရဲဘော်တွေဟာ ပြည်သူတွေဘက်က၊ အမှန်တရားဘက်က ရပ်တည်ပြီး ရှေ့ဆုံးတန်းက ရဲရဲရင့်ရင့်နဲ့ သူတို့ကို ခွပိုးထားတဲ့ စစ်အာဏာရှင်တွေကို ပုခုံးပေါ်ကခါချပြီး တိုက်ပွဲဝင်သွားဦးမယ်ဆိုတာ ကျနော် အလေးအနက် ယုံကြည်ပါတယ်။
ဗမာ့တပ်မတော် (ကြည်း)ကလည်း သမိုင်းတင်ခဲ့သူတွေပါ။ ကိုအုန်းမော်(ကျွန်းဖျက်သိမ်းရေးတိုက်ပွဲတွင် ကျဆုံး)၊ ကိုအောင်ထီ (ရခိုင်စစ်မျက်နှာတွင် ကျဆုံး)၊ ကိုဇော်လွင်၊ ကိုတင်ဝင်း၊ အခြားသူများကို မမှတ်မိတော့ပါ။

ကျနော်တို့လူငယ်တွေ အပြင်ထွက်ပြီး ရှာလို့ဖွေလို့ရလာတဲ့ ငါးတို့ ဘာတို့ဆိုရင် မစားရက်ပါဘူး၊ ဖိုကြီးကို သွားပေးတာပါပဲ။ ဖိုကြီးကနေ လူမမာတွေ၊ နလံထတွေ၊ လူကြီးပိုင်းတွေကို စီစဉ်ချက်ပြုတ်ကျွေးပါတယ်။

ကိုကိုးကျွန်းကြီးရဲ့ အနောက်ဘက်ကမ်း ကျနော်တို့အကျဉ်းစခန်းကနေ ၃ မိုင်လောက်အကွာမှာ လခြမ်းကွေးသဏ္ဍာန် လိပ်သောင်ဆိုတာရှိပါတယ်။ အဲဒီ လိပ်သောင်ကို ရေတပ်ကနေ စစ်ဧရိယာ သတ်မှတ်ထားပါတယ်။ ကန့်သတ်နယ်မြေပေါ့။ မသွားရ မလာရ အမိန့်ထုတ်ထားတယ်။

တညနေတော့ ကျနော်နှင့် ရမ်းဗြီး၊ ကျနော်တို့ကျွန်းပေါ်တက်လာခဲ့တဲ့ ကမ်းနားသောင်ခုံကို လမ်းလျှောက်ကြရင်း လိပ်တက်ဥထားသလို သံခုံကိုဖွသွားတဲ့ စွပ်ကြောင်းကြီး ဖုံအောင် တွေ့ရတယ်။ ကျနော်က တုတ်ရှည်ရှည်တချောင်းနဲ့ လျှောက်ထိုးကြည့်တော့ ဇတ်ခနဲ တုတ်က သဲထဲကို ကျွံကျသွားတယ်။ တုတ်ကို ဆွဲထုတ်လိုက်တော့ တုတ်အဖျားမှာ ချွဲကျိကျိအရာတွေ ကပ်ပါလာတယ်။ ကျနော်တို့ ၂ ယောက်ထိုင်ပြီးတော့ သဲကို ယက်ထုတ်ကြတယ်။ လက်တနှိုက်လောက်ရောက်တော့ လိပ်ဥတွေ အဖွေးသားကို တွေ့ရတယ်။

ကျနော်တို့ ၂ ယောက် ပျော်သွားတာပဲ။ ပင်လယ်လိပ်ဥက ပျော့စိစိပါ။ လိပ်ဥက အားလုံး ၇၀ ကျော်တယ်။ တုတ်နဲ့ထိုးမိတာ ၂ လုံးလောက် ကွဲသွားတယ်။ ကျနော်တို့အပြုံးကိုယ်စီနဲ့ စခန်းထဲပြန်ပြီး ဖိုကြီးကို အပ်လိုက်တာပဲ။ ကျွန်းမှာဆို ပထမဆုံး လိပ်ဥရသူတွေကတော့ ကျနော်နဲ့ ရမ်းဗြီး ၂ ယောက်ပါပဲ။

ဆက်လက်ဖော်ပြပါမည်။

ကျောင်းသား ထောင် တော်လှန်ရေးသမား (၂၅)

အဲဒီတော့ ဒီတိုက်ပွဲမှာ ကျဆုံးတဲ့လူတော့ တယောက်မှ မရှိဘူး။ ဒါပေမယ့် ကျန်းမာရေးချိသွားတဲ့လူတွေ အများကြီးပဲ။ ချိသွားပြီး လူက ဒုက္ခိတလို ဖြစ်သွားတာ။ ဥပမာ … ၅၆ ရွေးကောက်ပွဲတုန်းက ဝါးခယ်မက အမတ်ဖြစ်ခဲ့တဲ့ ကျောင်းသားအမတ် ဦးတင်ရီ၊ ရန်ကုန်တက္ကသိုလ် ကျောင်းသားသမဂ္ဂက ကိုလှကြည်၊ နောက် (ရကသ)က ကိုလှရွှေ (ဒီ ကိုလှရွှေက အခုထိ ထောင်ထဲက ကိုလှရွှေ မဟုတ်ပါဘူး။ တခြား ကိုလှရွှေပါ) အဲဒီတော့ ဒီရဲဘော်တွေက ချိသွားတာ။ လမ်းကို ကောင်းကောင်း မလျှောက်နိုင်ဘူး။ လူက ယိုင်ထိုးယိုင်ထိုးနဲ့ပဲ ခေါင်းကလည်း ပုံမှန်ကို မဟုတ်တော့ဘူး။ အဲဒါနဲ့ သူတို့ကို နောက်ဆုံးကျတော့ ခုနက တိုက်ပွဲထဲမှာ သဘောတူထားတဲ့အတိုင်း ပြည်မကို ပြန်ပို့ပေးလိုက်ရတယ်။

ဒီတိုက်ပွဲရဲ့ အကျိုးကျေးဇူးက စာရေးဆက်သွယ်ခွင့်ရတယ်။ မဂ္ဂဇင်း၊ ဂျာနယ်တချို့၊ အိမ်ကပို့တဲ့စာအုပ်တချို့ ဖတ်ခွင့်ရတယ်။ ကျနော်ဆိုရင် ဖမ်းခံရပြီးတဲ့နောက် ၄ နှစ်ကျော်မှပဲ (ဒီတိုက်ပွဲပြီးမှပဲ) အိမ်နဲ့ စာအဆက်သွယ် ရတယ်။ အဲဒီအရင်က တခါမှ အိမ်ကစာလည်း မဖတ်ခဲ့ရဘူး။ ကျနော့်စာလည်း အိမ်က မဖတ်ခဲ့ရဘူး။ စာအဆက်သွယ်ဆိုပေမယ့် တခုတော့ရှိတယ်။ ဆင်ဆာတော့ အပြည့်ပဲ။ ဆင်ဆာအပြည့်မှာ သူတို့က အဓိက ဘာထားလဲဆိုလို့ရှိရင် ကျနော်တို့ကိုထားတဲ့ နေရာဟာ ကိုကိုးကျွန်းဆိုတာ မပေါ်အောင်လို့ သူတို့ ဆင်ဆာလုပ်တာပဲ။

ဥပမာဆိုရင် ကျနော့်စာထဲမှာ … ‘ကျနော့်တို့ဆီမှာ ကြက်တူရွေးတွေက အုပ်လိုက်ပျံသန်းနေကြတာ’ အဲဒါပါလို့ဆိုပြီး ဖြတ်တာပဲ။ ဖြတ်တာ အဲဒီစာကြောင်းဖြတ်တာ မဟုတ်ဘူး၊ စာတစောင်လုံး ဖြတ်ပစ်လိုက်တာပဲ။ မပေးတော့ဘူး။ အဲဒါ နောင် ကျနော် ထောင်ကလွတ်လို့ အိမ်နဲ့ပြန်မေးကြည့်တဲ့အခါကျတော့ စာတွေ မရောက်တဲ့ဟာတွေ မနည်းဘူးဆိုတာ သိရတယ်။

နောက် အသားစိုဆိုတာ ပေးတယ်။ ပြီးတော့ ဆိတ် ပေးတယ်။ ဘဲငန်း ပေးတယ်။ ဘဲဥ ပေးတယ်။ ဒါပေမယ့် ဒါလောက် လူအများကြီးအတွက် ဒီ အကောင်အရှင်တွေကို သူဘယ်လောက် သယ်နိုင်မှာလဲ။ သင်္ဘောပေါ်မှာ။ အဲဒီတော့ နောက်ဆုံးကျတော့ အသားစိုဆိုတဲ့ဟာလည်း ဘဲဥတွေပဲ ဖြစ်လာတော့တယ်။

အဲဒီလိုနဲ့ အချိန်မျောလာတာနဲ့အမျှ ထောင်ဒဏ် ကျွန်းဒဏ်တွေလည်း ပိသည်ထက် ပိလာတယ်။ ကျန်းမာရေး ဆိုးတဲ့ဟာတွေလည်း များသထက် များလာတယ်။ ပြန်ပို့ရတာတွေလည်း မနည်းဘူး။ အဲဒါအပြင် ကိုယ်ထူကိုယ်ထ ပေါ်လစီကြောင့်မို့ မထင်မှတ်ဘဲ သေဆုံးရတာတွေလည်း ရှိလာတယ်။ သေဆုံးတာ ၂ ယောက်။ တယောက်က ဦးထွန်းရှိန် (မန္တလေး ဆေးရုံကြီး တောင်ဘက် ဦးဖိုးသာဝင်းထဲက ကျောင်းဆရာ) ကျနော်နဲ့ ပုဂ္ဂိုလ်ရေး အင်မတန်ကိုရင်းတာ။ ဦးထွန်းရှိန် ကတော့ ငါးရှာတာပေါ့ဗျာ။

ပင်လယ်ကမ်းစပ်တလျှောက် ခရုတို့၊ ငါးတို့ လိုက်ကောက်ရင်းနဲ့ တနေ့မှာ မထင်မှတ်ဘဲနဲ့ မုန်တိုင်းလိုဟာမျိုးလာပြီးတော့ လှိုင်းလေပုတ်ချသွားတာ။ အလောင်း ဘယ်လိုမှ ရှာမရတော့ဘူး။ ကျနော်တို့ တထောင်လုံး ထွက်ပြီးရှာတာ။ ရှာတာမှ တရက်တည်းမဟုတ်ဘူး။ တပတ်လောက်ရှာတာ။ ပြန်ကို မတွေ့တော့ဘူး။ ပင်လယ်ဆိုတာ အပြင်က အရာဝတ္ထုကို ဘယ်တော့မှ လက်မခံဘူး။ ကမ်းပေါ် ပြန်တင်ပေးလေ့ရှိတယ်လို့ပြောကြတယ်။ ဒါပေမယ့် ဦးထွန်းရှိန်ရဲ့အလောင်းကတော့ ကိုကိုးကျွန်းကမ်းပေါ်ကို ပြန်ရောက်မလာဘူး။ သေချာတယ်။

နောက်တဦးက အလံနီပါတီနဲ့နွယ်တဲ့ ကိုမြင့်သိန်း(ရဲနီမြင့်သိန်း)။ ကျနော်နဲ့ အသက်ရွယ်တူလောက်ပဲရှိဦးမယ်။ လူငယ်လေး။ ပြုံးပြုံး ပြုံးပြုံးနဲ့ အင်မတန် ချစ်ခင်စရာကောင်းတဲ့လူ။ အဲဒီမှာက သီးနှံက မစားရတဲ့အခါကျတော့ အုန်းသီးပဲ စားကြတာကိုး။ အုန်းသီးရှိတော့ အုန်းသီးပဲစားကြတာ။ ကိုမြင့်သိန်းလေးကလည်း အုန်းပင်ပေါ် တက်ရင်းနဲ့ အုန်းပင်ပေါ်က လိမ့်ကျတာ။ အဲဒါနဲ့ ရန်ကုန်ဆေးရုံပို့လိုက်တော့ ဟိုမှာပဲ ဆုံးသွားတာ။

စောစောက ရက် ၄ဝ တိုက်ပွဲပြီးတာနဲ့ ကိုကိုးကျွန်းပေါ်မှာ အာဏာပိုင်နဲ့ ကျနော်တို့အကြားမှာ တင်းမာမှုတွေ ပြန်ပေါ်လာတယ်။ ပိုပြီး တင်းမာလာတယ်လို့တောင် ပြောလို့ရသေးတယ်။ သေချာနေတာက ကိုယ်ထူကိုယ်ထ ဆိုတဲ့ အခရာကျတဲ့ ပေါ်လစီကို အပြတ်မဖြိုနိုင်သရွေ့ ကိုကိုးကျွန်းမှာ တိုက်ပွဲတွေ ဆက်ရှိနေဦးမှာ။ ‘ကိုကိုးကျွန်း’ ဆိုတဲ့ဟာကြီး ရှိနေဦးမယ်ဆိုရင် သေချာတယ်။

အဲဒီတော့ ဒီမှာ ပြောစရာတခုကလည်း အဲလိုအချိန်မှာပဲ သူတို့ ဒီ သဘောတူညီချက်တွေ၊ သဘောတူညီကြပြီးတဲ့ နောက်မှာတော့ ကျနော်တို့ထဲကို ထောင်အာဏာပိုင်တွေက သတင်းလွှင့်လိုက်တယ်။ အဲဒါကတော့ ကျနော်တို့စာတွေ ကျနော်တို့ စားစရာတွေ အိမ်ကပို့တဲ့ဟာတွေ သွင်းပေးတယ်။ နောင်ဆိုလို့ရှိရင် ဒါတင်မကဘူး၊ အိမ်ကလူတွေတောင် ခေါ်ပေးဦးမှာ။ ကျွန်းပေါ်မှာ စပါးစိုက်ဖို့၊ ဂျုံစိုက်ဖို့ လုပ်ပေးမှာ။ ထွန်စက်တွေ ပေးမှာ။ နွားမွေးဖို့၊ ငါးမွေးဖို့ လုပ်ပေးမှာ။ အဲဒီအသံတွေက အကုန်လုံး လွှင့်ထုတ်လိုက်တယ်။

ဆိုလိုတာက သူတို့က သူတို့ရဲ့ အဓိကကျတဲ့ ကိုယ်ထူကိုယ်ထ ပေါ်လစီကိုတော့ တင်းတင်းမာမာ ဆုပ်ကိုင်ပြီးတော့ ဆက်အကောင်အထည်ဖော်မယ်လို့ ကျနော်တို့ထဲကို မသိမသာတဲ့နည်းနဲ့ ခြောက်လှန့်လိုက်တာ ဖြစ်တယ်။ တချိန်တည်းမှာ ကျနော်တို့ သတိထားမိတာက ကိုကိုးကျွန်းမှာရှိတဲ့ ထောင်အာဏာပိုင်တွေဟာ တကယ်ကျတော့ သူတို့လည်းပဲ (ထောင်ပိုင်၊ ထောင်မှူးကြီးကအစ ဝါဒါအထိပါ) ကျနော်တို့လိုပဲ ကျွန်းပို့ခံနေရတဲ့ တကျွန်းစံတွေပဲ။ သူတို့ စားရတာလည်း ကျနော်တို့နဲ့ ဘာမှ မထူးဘူး။ နောက်ပြီး သူတို့မှာ ဘာအာဏာမှ မရှိဘူး။ သူတို့က ဘာမဆို ရန်ကုန်ကို အကုန် အစီရင်ခံပြီးတော့ ဟိုက ခိုင်းတဲ့အတိုင်းလုပ်နေရတာ။ သူတို့ဟာ အဲဒီကျွန်းမှာရှိတဲ့ ရေတပ်ကို အစီရင်ခံနေရတယ်။ ရေတပ်က ရန်ကုန်ကို အစီရင်ခံရတယ်။ ရန်ကုန်က အဆုံးအဖြတ်ပေးတယ်။ အဲဒါကို ကျနော်တို့ သိတယ်။ ဟိုက အဖြေပေးတာကို သူတို့က လာပြီး ပြောရတယ်။ အဲဒီလို ဖြစ်နေတာ။

ကျနော်တို့ဘက်ကလည်း အခြေအနေ တင်းမာလာတာနဲ့အမျှ ခုနက အာဏာပိုင်တွေဘက်က သူတို့ရဲ့ စီမံကိန်းတွေကို သွယ်ဝိုက်တဲ့နည်းတွေနဲ့ ကျနော်တို့အပေါ် ကြေညာပြီးတော့ ခြိမ်းခြောက်လာတာနဲ့အမျှ ကျနော်တို့ဘက်က ဒါတွေကို ပြန်လှန်ဖို့၊ ဒါတွေကိုရိုက်ချိုးဖို့ စဉ်းစားရတယ်။ စဉ်းစားတဲ့အခါကျတော့ စနစ်တကျနဲ့ အစီစဉ်ရှိရှိနဲ့ ထောင်စည်းကမ်းတွေ ချိုးဖောက်တာ လုပ်လာခဲ့တယ်။

ဥပမာဆိုလို့ရှိရင် ကျနော်တို့ကို မသွားရဘူးဆိုတဲ့ Out of Bound ဆိုတဲ့ နေရာတွေကို ကျနော်တို့ သွားတယ်။ မနက်တိုင်း ကျနော်တို့ကို လူစစ်တာ လုပ်တယ်။ နေ့တိုင်း လူစစ်တယ်။ လူစစ်တော့ မနက်မှာ သူတို့က လာစစ်တယ်။ ကျနော်တို့ကို သူတို့လန့်တဲ့အခါကျတော့ ထောင်မှာလို ပုံစံထိုင်ပေးပါလို့ သူတို့ မဆိုရဲဘူး။

အဲဒီတော့ “ကိုယ့်အိပ်ယာပေါ်မှာပဲ အိပ်နေပါ၊ ရပါတယ်။ ကျနော်တို့ လာစစ်ပါ့မယ်” လို့ပြောတယ်။ ဘယ်မှတော့ မသွားပါနဲ့၊ လူစစ်ပြီးမှပဲ အဆောင်ထဲအခန်းထဲက ထွက်ကြပါလို့ သူတို့က အဲလိုပြောတယ်။ ဒါနဲ့ နောက်ကျတော့ ကျနော်တို့က “ဟာ … မီးဖိုကျတဲ့လူက မနက်စာလုပ်ရတဲ့လူက အစောကြီးထရတာ။ ခင်ဗျားတို့လာစစ်တာ စောင့်မနေနိုင်ဘူး” ဆိုပြီး အဲလိုပြောပြီး မီးဖိုမှာသွားနေတယ်။ အဲဒီတော့ သူတို့ မီးဖိုထိ လိုက်စစ်ရတယ်။ အဲလိုဖြစ်လာတယ်။

ဆက်လက်ဖော်ပြပါမယ်။