Tuesday, June 24, 2014

ပြည်ထောင်စု မပြိုကွဲရေး ဆိုရာဝယ် (ခင်မမမျိုး)

ပြည်ထောင်စု မပြိုကွဲရေး .......................................... ဒို့အရေး
တိုင်းရင်းသားစည်းလုံးညီညွတ်မှု မပြိုကွဲရေး .................. ဒို့အရေး 
အချုပ်အခြာအာဏာ တည်တံ့ခိုင်မြဲရေး ......................... ဒို့အရေး 

ဆိုတဲ့ စာတမ်းတွေကို မြို့အနှံ့၊ နယ်အနှံ့မှာ ဆိုင်းဘုတ်တင်ထားတာတွေ၊ တိုင်း၊ တပ်မ၊ တပ်ရင်းနဲ့ အစိုးရ ဌာနဆိုင်ရာအသီးသီးမှာ ဆိုင်းဘုတ်တင် ချိတ်ဆွဲထားတာတွေ၊ ရုပ်မြင်သံကြား၊ ရေဒီယိုနဲ့ ဖျော်ဖြေရေး မီဒီယာတွေမှာ ထည့်သွင်းထားတာတွေကို ကျွန်ုပ်တို့အားလုံး တွေ့မြင်နေကြရပါတယ်။ နိုင်ငံတော်မူဝါဒဖြစ်တဲ့ ဒီစကားလုံးတွေဟာ စကားလုံး အနှစ်သာရအနေနဲ့ကြည့်မယ်ဆိုရင် ကောင်းမွန်ပါတယ်။ ဒါပေမယ့် ဒီမူဝါဒတွေကို အမှန်တကယ် ကျင့်သုံးနိုင်ခဲ့ခြင်းရှိပါသလားဆိုတာကို လေ့လာဆန်းစစ်ရန် လိုအပ်လာပါတယ်။ 


Sunday, June 22, 2014

ထိခွင့်မပြု... (ကာတွန်း အောင်မော်)


အရှုံးထွက်နေတဲ့ ထွက်ပေါက် (ကိုညို)

မွန်းကြပ်မှုရဲ့ ထွက်ပေါက် 

ဖေ့စ်ဘွတ်စာမျက်နှာမှာ သတင်းတွေတက်ကြည့်ရင် အများဆုံးလိုလို မြင်ရတတ်တာက အစိုးရနဲ့ အာဏာရှိ အကြီးအကဲတွေ ဝန်ကြီးတွေကိုဝေဖန်တဲ့ သတင်းအတိုအထွာတွေနဲ့ မကြေမနပ် ရင်ဖွင့်ချက်တွေပါ။ ဒါ့အပြင် ဖိုတိုရှော့ပ်နဲ့ ဖန်တီးပြုပြင်ထားတဲ့ တိုင်းပြည်ခေါင်းဆောင်တွေရဲ့ ဟာသ သရုပ်ဖော်ဓာတ်ပုံတွေ၊ ကာတွန်းနဲ့ ဂရပ်ဖစ်ဒီဇိုင်းပုံတွေ ဖြစ်တယ်။ ဒါတွေဟာ သောကစိတ်နဲ့ မွန်းကြပ်နေသူတွေ၊ မကျေမနပ်ဖြစ်နေသူတွေ၊ အုပ်ချုပ်သူတွေအပေါ် အလိုမကျဖြစ်နေသူတွေရဲ့ တဒင်္ဂစိတ်ထွက်ပေါက်တွေလည်း ဖြစ်တယ်။ 

လူထု အဆုံးအမ

နှစ်ပေါင်းများစွာ အာဏာရှင်စနစ်အောက်ရောက်ခဲ့ရရှာတဲ့ အဖိနှိပ်ခံ ပြည်သူတွေဟာ လွတ်လပ်ပြီး မိမိတို့ စိတ်ကြိုက် လိုရာဘဝဖြစ်မလာတဲ့အခါ အုပ်ချုပ်မင်းလုပ်သူ တာဝန်ရှိသူတွေအပေါ် ငြိုငြင်မုန်းတီးတတ်တာ သဘာဝပါ။ 


Friday, June 20, 2014

တရားရုံးထဲ ခြေကျင်း၊ လက်ထိတ် ဖြုတ်ပေးပါ (ကိုညို)

ဖေ့စ်ဘွတ် သတင်းစာမျက်နှာတွေမှာ ကိုထင်ကျော်ကို ခြေကျင်းဒေါက်ခတ်ရက်နဲ့ တရားရုံးဝင်းထဲ ဆန္ဒပြနေတာမြင်ရတော့ စိတ်အတော်ထိခိုက်တယ်။ လူတယောက်ကို တရားရုံးထုတ်ပြီဆို ခြေကျင်းဒေါက်၊ လက်ထိတ်ခတ်ထားတာတွေ ဖြုတ်ပေးသင့်တယ်။ လူ့ဂုဏ်သိက္ခာကို လေးစားသင့်တယ်။ ကိုထင်ကျော်ဟာ သူခိုး ဂျပိုး မဟုတ်ဘူး။ အများပြည်သူအတွက် မိမိကိုယ်ကျိုးစွန့်ပြီး လူ့အခွင့်အရေး၊ ဂုဏ်သိက္ခာအတွက် လှုပ်ရှားနေတဲ့ နိုင်ငံရေးသမားဖြစ်တယ်။ 

ကျနော်တို့အိမ်နီးချင်း ဒီမိုကရေစီနိုင်ငံကြီးဖြစ်တဲ့ အိန္ဒိယမှာလည်း တရားစွဲခံရတဲ့လူတိုင်းကို တရားရုံးထဲဝင်တာနဲ့ လုံခြုံရေးရဲက လက်ထိတ်ဖြုတ်ပေးတယ်။ အချုပ်အနှောင် မရှိစေရဘူး။ တရားသူကြီးကိုယ်တိုင်လည်း လက်ထိတ်၊ ခြေထိတ်နဲ့ဝင်လာသူကို လက်မခံဘူး။ တရားရင်ဆိုင်နေတဲ့ ပုဂ္ဂိုလ်မှမဟုတ်၊ ရဲလည်း လက်နက်ကိုင်ပြီး တရားရုံးခန်းမထဲ ဝင်ခွင့်မရှိ။ ရုံးတော်ရဲ့ဂုဏ်သိက္ခာကို ပမာမခန့်မပြုရဘူး။ ဒါ ကိုယ်တွေ့မို့ ပြောတာ...။ 


Thursday, June 19, 2014

ပြည်တော်ပြန် ၈၈ မျိုးဆက်တွေနဲ့ ပြည်တွင်းနိုင်ငံရေး

ဒီတပတ် မြန်မာ့မျက်မှောက်ရေးရာဆွေးနွေးခန်းအစီအစဉ်မှာ ပြည်ပတိုင်းနိုင်ငံများမှာ နှစ်ပေါင်းများစွာ ခိုလှုံပြီး မြန်မာ့အရေးလှုပ်ရှားခဲ့ကြတဲ့ ၈၈ မျိုးဆက်များ မြန်မာနိုင်ငံကို ပြန်လည်ဝင်ရောက်ပြီး နိုင်ငံရေးလှုပ်ရှားမှုများ လုပ်ကိုင်ရာမှာ ကြုံတွေ့ရတဲ့ အခက်အခဲ၊ ပြဿနာ အခြေအနေများကို မကြာသေးခင်က မြန်မာနိုင်ငံကို ပြန်သွားခဲ့တဲ့ လူ့ဘောင်သစ်ဒီမိုကရက်တစ်ပါတီအဖွဲ့ဝင် ဦးဇော်မိုးကျော် ကို ဦးကျော်ဇံသာ က ဆက်သွယ်မေးမြန်း ဆွေးနွေးတင်ပြထားပါတယ်။ 

ဦးကျော်ဇံသာ ။ ။ ကိုဇော်မိုးကျော်တို့လို ပြည်ပမှာ နှစ်ပေါင်း နှစ်ဆယ်ကျော်လောက်ကြာနေပြီး ပြည်တွင်းကို ပြန်သွားတဲ့ ၈၈ က တက်ကြွစွာလှုပ်ရှားခဲ့ကြတဲ့ ကျောင်းသားဟောင်းတွေဟာ မြန်မာနိုင်ငံရေးမှာ ဆက်လက်ပြီးတော့ ပါဝင်လုပ်ဆောင်ဖို့ဆိုတဲ့ ရည်ရွယ်ချက် ဘယ်လောက်ရှိကြပါသလဲ။ ပြည်ပကို ထွက်လာတဲ့ ကျောင်းသားတွေအားလုံးဟာ တစုတပေါင်းတည်းသဘောနဲ့ ငါတို့ပြန်လည်ပြီးတော့ ငါတို့စခဲ့တဲ့လမ်းကို ပြန်ပြီးဆက်လျှောက်မယ်ဆိုတဲ့ အယူအဆမျိုး မပြန်ခင်မှာ ရှိကြရဲ့လား။ သို့မဟုတ် တယောက်ချင်းတဦးချင်း ကိုယ့်သဘောအရ ကိုယ်ပြန်ကြတာလား။ သိချင်ပါတယ်။ 

ဦးဇော်မိုးကျော် ။ ။ ရှိပါတယ်။ ကျနော်တို့ ၁၉၈၈ ကတည်းက စခဲ့တဲ့ ဒီမိုကရေစီရေးလှုပ်ရှားမှု မပြီးဆုံးသေးဘူး၊ ဆက်လုပ်မယ်။ နောက်ဆုံး မြန်မာနိုင်ငံ ကျနော်တို့ဖြစ်စေချင်တဲ့ နိုင်ငံတကာ စံချိန်စံညွှန်တွေနဲ့ညီတဲ့ နိုင်ငံရေးအခြေအနေ၊ လူမှုရေးအခြေအနေ၊ စီးပွားရေးအခြေအနေရှိတဲ့အထိ တိုင်းပြည်ကို ပြုပြင်ပြောင်းလဲပြီးတော့ လုပ်ဆောင်သွားချင်တယ် ဆိုတဲ့ စိတ်ကူးမျိုးတွေရှိတယ်။ ၈၈ ပြီးခါစတုန်းက စပြီးလုပ်ခါစတုန်းကတော့ မခံချင်စိတ်တွေနဲ့ တွန်းလှန်မယ် ဆိုတာလောက်ပဲ ရှိတယ်။ နောက်ပိုင်း နိုင်ငံတကာကိုရောက်တဲ့အခါမှာ တချို့လေ့လာခွင့်ရတာတွေ၊ နိုင်ငံတကာမှာရှိတဲ့ တခြားနိုင်ငံတွေရဲ့ နိုင်ငံရေးပုံစံတွေ၊ လူမှုရေးပုံစံတွေ သိမြင်လာလေ၊ ကိုယ့်နိုင်ငံကို ဖြစ်ထွန်းပြောင်းလဲစေချင်တဲ့ စိတ်ကူးတွေ၊ အိုင်ဒီယာတွေ ပိုပြီးရှိလာလေ။ 


Wednesday, June 18, 2014

ကရင်တစီး၊ ဗမာတစီး ချက်ခြင်းစီး (ဇော်မင်း)

ဆောင်းပါးတွေရေးတော့ ဘာပဲပြောပြော နိုင်ငံရေးနဲ့ပတ်သက်ရတာပေါ့။ အတည်ပေါက်တွေ ရေးရတာမို့ တခါခါ ဆောင်းပါး ဆိုတာတွေဟာ လူတွေကို ဆရာလုပ်နေသလို ဖြစ်နေတယ်လို့ တွေးမိတယ်။ ဆရာလုပ်တာကို လောကကြီးမှာ ဘယ်သူမှ မခံချင်ပါ။ မကြိုက်ကြပါ။ ကျနော်လည်း ကျနော့်ကို ဆရာလာလုပ်ရင် မကြိုက်တတ်သူတဦးပါ။ တခြားသူတွေလည်း ဘယ်ခံချင်ပါ့မလဲလို့ စိတ်ထဲမှာ ကိုယ်ချင်းစာမိပါတယ်။ ဒါကြောင့် လူတွေကို ဆရာလုပ်ရတဲ့ ဆောင်းပါးမျိုးတွေကိုရေးဖို့ တခါတခါ ငြီးငွေ့လာတယ်။ အပြောင်အပျက် စာကလေးတွေ ရေးရရင် အပျင်းလည်းပြေသလို စိတ်မှာလည်း ပေါ့ပါးတာပေါ့။ ဟုတ်တယ်မို့လား။ 

လက်နက်ကိုင် တိုင်းရင်းသားအဖွဲ့တွေ အစိုးရနဲ့ ငြိမ်းချမ်းရေးစကားပြောကြတော့ အစိုးရဆီက အခွင့်အလမ်းတွေရခဲ့ကြတယ် မဟုတ်လား။ ကျောက်စိမ်းတူးခွင့်တို့၊ မိုင်းရှူးရတနာမြေတို့၊ တခြားသတ္ထုမိုင်းတွေ တူးဖော်ခွင့်တို့၊ သစ်ခုတ်ခွင့်တို့၊ ရွှေတူးခွင့်တို့၊ ဘာကုမ္ပဏီ ညာကုမ္ပဏီတွေ ထူထောင်လုပ်ကိုင်ခွင့်တို့ရခဲ့တာကို မှတ်မိနေပါတယ်။ တိုင်းရင်းသား လက်နက်ကိုင် အဖွဲ့အစည်းတွေက ဆင်းရဲလေတော့ အစိုးရကပြန်ကြည့်တဲ့ သဘောမျိုးလားတော့ မသိဘူး။ ဒါမှမဟုတ် သွယ်ဝိုက်ပြီး လာဘ်ထိုးတာ များလားပေါ့။ စဉ်းစားကြည့်တာပါ။ ဘယ်သူ့ကိုမှ အပြစ်တင်တာ မဟုတ်ပါဘူး။ 


Saturday, June 14, 2014

ခွေးမသာ ဦးအံ့မောင်နှင့် ယုန်တစ်ကောင်၏ နောက်ဆုံးခရီး (အရှင်ဉာဏိက)

ဒီနေ့ နေ့ဆွမ်းကို ဆန်ဖရန်စစ္စကိုမြို့အနီးက ဒေလီစီးတီးကို ကြွခဲ့ရတယ်။ ဒေလီစီးတီဆိုတာက အမေရိကရောက် မြန်မာနွယ်ဖွားတွေ အနေများတဲ့မြို့။ အခြားနေရာတွေမှာ မြန်မာတွေ များကောင်းများမယ်။ ဒါပေမယ့် ဧရိယာကျဉ်းကျဉ်းလေးထဲမှာ အမေရိကရောက် မြန်မာနွယ်တွေ အများဆုံး စုနေတဲ့နေရာကိုပြပါဆိုရင် ဒီမြို့ကို ပြရမယ်။ လမ်းတိုင်းမှာ မြန်မာမိသားစု တစ်စုတော့ အနည်ဆုံးရှိတယ်။ အချို့လမ်းများမှာဆိုရင် မြန်မာမိသားစုတွေ လေးငါးဦးမက။ ဈေးဆိုင်တွေမှာ အလုပ်လုပ်နေကြသူတွေထဲမှာလည်း မြန်မာတွေဆိုတာ နေရာအနှံ့။ 

ဒီမြို့လေးမှာ ရောက်ရှိနေထိုင်သူတွေအများစုက မြန်မာပြည်ဖွား တရုတ်အနွယ်တွေ။ ရောက်နေကြတဲ့နှစ်တွေလည်း မနည်းကြတော့။ အချို့ဆိုရင် တတိယမျိုးဆက်တောင် ရှိနေကြပြီ။ ပထမမျိုးဆက်တွေက အသက်တွေကြီးနေကြပြီမို့ မီးစာကုန် ဆီခမ်း အရွယ်ရောက်နေကြပြီ။ ဒါကြောင့် ကံကုန်သက်တမ်းစေ့ အမှည့်ကြွေ ကြွေကြသူတွေလည်း ဒီပတ်ဝန်းကမြို့များထဲမှာဆို ဒီမြို့လေးမှာက အများဆုံး။ ရွယ်နှောင်းရင့်ကြွေ သေသူတွေရဲ့ အသုဘရှု အခမ်းအနားတွေအတွက်နဲ့ ဒီမြို့လေးမှာ ကြွရတာက တော်တော်များပါတယ်။ 


မိုးရေတက်ရေ တဖွေးဖွေး ... (ကာတွန်း ဝင်းထွန်း)


Friday, June 13, 2014

လောကဓံလေပြင်း တိုက်ခတ်ခဲ့သော်လည်း (ခင်ငြိမ်းသစ်)

တကယ်တော့ ဘဝဆိုတာမျိုးက ကိုယ်ဖြစ်ချင်တိုင်းလည်း ဖြစ်တာမဟုတ်သလို၊ ကိုယ်ပျက်ချင်တိုင်းလည်း ပျက်တာ မဟုတ်ပါဘူး။ ဘဝမှာ ဖြစ်လာတဲ့အတိုင်းသာ နေနိုင်ဖို့ကြိုးစားကြရပါတယ်။ တကယ်လို့များ ဖြစ်လာတဲ့အတိုင်း မနေနိုင်သေးတဲ့အခါ၊ ဒါမှမဟုတ် မနေနိုင်တော့တဲ့အခါ စိတ်ဖိစီးမူတွေနဲ့ ကိုယ်စိတ်ကို နွမ်းကြေစေမှာဖြစ်ပါတယ်။ ဒါကြောင့် လောကဓံလေပြင်းပြင်း အတိုက်ခံခဲ့ရသူတွေဘဝကို ဘယ်လိုတည်ငြိမ်အောင် ကြိုးပမ်းခဲ့ကြလဲဆိုတာကို ဗိုလ်မှူးဝင်းနိုင်ကျော်ရဲ့ ဇနီးမခင်မိုးဆမ်းက သူ့ဘဝအကြောင်းတွေကို ပြောပြပါတယ်။ 

ကျွန်မတို့ကြားဖူးတာက တပ်ထဲက တပ်မတော်သားတွေရဲ့ဇနီးတွေဟာ သူတို့ခင်ပွန်းတွေ ရာထူးတိုးဖို့၊ အထက်အရာရှိ သဘောကျဖို့အတွက် အရာရှိတွေရဲ့နေအိမ်မှာ ဝိုင်းကူပေးရတယ်လို့ သိထားပေမယ့် မခင်မိုးဆမ်းရဲ့ခင်ပွန်း ဗိုလ်မှူးဝင်းနိုင်ကျော်ကတော့ နဝတခေတ်က ဗိုလ်ချုပ်ဦးတင်ဦးရဲ့ ကိုယ်ရေးအရာရှိဖြစ်ခဲ့တာကြောင့် သူဟာ တပ်ထဲမှာ သွားမနေခဲ့ရဘူးလို့ ပြောပြပါတယ်။ သူ့ခင်ပွန်းက သူ့အပေါ် အလေးအမြတ်ထားတာကြောင့်လည်းပါသလို ဗိုလ်ချုပ်တင်ဦးမိသားစုက စိတ်သဘောထား ပြည့်ဝတာကြောင့်လည်း ဗိုလ်ချုပ်မိသားစုနဲ့ ပုံမှန်အတိုင်းပဲ ဆက်ဆံနိုင်ခဲ့တယ်လို့ မခင်မိုးဆမ်းက ပြောပြပါတယ်။ 


Wednesday, June 11, 2014

PR ... (ကာတွန်း အောင်မော်)


အိန္ဒိယက မြန်မာ့ဒီမိုကရေစီခံတပ်ကြီး အန်ကယ်လ် ဂျော့ခ်ျ (ကိုညို)

ကျနော်တို့ သူ့ကို စတွေ့ဖူးတာ ၁၉၉၂ ပြည်ထောင်စုနေ့က ဖြစ်လိမ့်မယ်။ ကျနော်တို့ မြန်မာကျောင်းသားလူငယ်တွေ နယူးဒေလီကိုရောက်လာတာ လအနည်းငယ်အကြာ မြန်မာသံရုံးရှေ့မှာ သူကိုယ်တိုင် ဦးဆောင်လှုံ့ဆော်ကျင်းပတဲ့ မြန်မာ့အရေးဆန္ဒပြပွဲမှာပါ။ အသားလတ်လတ်၊ အရပ်မြင့်မြင့် မျက်မှန်တပ်ထားပြီး မဖီးမသင် ပွယောင်းယောင်းဆံပင်နဲ့ သူ့ဟန်ပန်ဟာ သာမန်အရပ်သားတယောက်နဲ့ ဘာမှမကွာခြားပါ။ သူအမြဲလိုလို ဝတ်ဆင်လေ့ရှိတဲ့ ပြည်တွင်းဖြစ် ရိုးရာပင်နီရောင် ချည်ထည်အင်္ကျီတိုနံ့နံ့၊ ချည်ဘောင်းဘီရှည်ဖြူ  (Kurta Pajama) ဝတ်စကလည်း သူ့ရဲ့ စိတ်သဘောထား ရိုးသားဖြူစင်မှုကို ညွှန်းပြနေတယ်။ 

သူ့ဟန်ပန်က မိန့်ခွန်းပြောရင် အစပိုင်းတော့ လေသံအေးအေး ငြင်ငြင်သာသာ၊ နောက်တော့ အသံပြင်းလာပြီး အချက်ကျကျနဲ့ လက်သီးလက်မောင်းတွေတန်းပြီး မာန်ပါပါပြောတယ်။ အဲဒီတုန်းက သူက ဖမ်းဆီးထားတဲ့နိုင်ငံရေးသမား၊ ကျောင်းသားလူငယ်တွေနဲ့ ဒေါ်အောင်ဆန်းစုကြည်ကို ချက်ချင်းလွှတ်ပေးဖို့၊ ၁၉၉၀ ရွေးကောက်ပွဲအနိုင်ရ NLD ပါတီကို အာဏာအမြန်လွှဲပြီး စစ်တပ်က စစ်တန်းလျှားပြန်ဖို့ အိန္ဒိယပြည်သူတွေက အပြင်းအထန် လိုလားနေတယ်လို့ ပြောသွားတာ မှတ်မိနေသေးတယ်။ သူ့နာမည် အပြည့်အစုံက ဂျော့ခ်ဖာနန်ဒေ့စ် (Georg Fandenesh) ဖြစ်ပြီး ကျနော်တို့ မြန်မာတွေက အန်ကယ်လ်ဂျော့ခ်ျလို့ ခေါ်လေ့ရှိတယ်။ သူဟာ မြန်မာ့ဒီမိုကရေစီအရေးမှာ အိန္ဒိယက ဘယ်ဝန်ကြီး၊ ဘယ်နိုင်ငံရေးသမားနဲ့မှမတူ အစွမ်းကုန် တက်ကြွလှုပ်ရှားဆောင်ရွက်တတ်သူ၊ မြန်မာတွေဘက်က အမြဲရပ်တည် အကာအကွယ်ပေးသူ၊ အိန္ဒိယက မြန်မာ့ဒီမိုကရေစီခံတပ်ကြီးဖြစ်တယ်။ 


Monday, June 9, 2014

ကျနော် ထောင်ကလွတ်တဲ့နေ့ (ထက်ရာဇာ)

အဲဒီနေ့ကတော့ ဘဝမှာ ဘယ်တော့မှ မေ့နိုင်မယ့်နေ့ မဟုတ်ပါဘူး။ ၁၉ မေလ ၁၉၉၄ မနက်မှာပါ။ ထောင်ဖွင့်သံ သံချောင်းခေါက်အပြီးမှာတော့ ထောင်မှူး ထောင်ပိုင်နဲ့ ဝန်ထမ်းတွေက ပုံစံခေါင်းတွေငုံ့ထားလို့ အော်သံအဆုံး ကျနော့်တိုက်ခန်းရှေ့ကို ရောက်လာကြပါတယ်။ “ထက်ရာဇာ ထောင်ကျနံပါတ် ၈၃၃၂ /စီ ဟုတ်တယ် မဟုတ်လား” တဲ့။ ကျနော်ကလည်း “ဟုတ်ပါတယ်” ဆိုတော့ “မင်းအိပ်ယာလိပ် သိမ်းပါ” တဲ့။ ကျနော် ကြောင်သွားတယ်။ ထောင်ပိုင်ကို ပြန်မေးတယ်။ “ကျနော့်ကို လွှတ်တာလား၊ ထောင်ပြောင်းမှာလား” ဆိုတော့ “မင်း ဒီနေ့လွတ်ပါပြီလို့ ထောင်ပိုင်က ပြောတယ်။ ကျနော့်ကိုယ်ကျနော် မယုံနိုင်လောက်အောင်ပါပဲ။ ထောင်ထဲမှာ အကြာကြီးနေခဲ့ရတဲ့လူ ကျနော် လွတ်ပြီ။ ကျနော်တကိုယ်လုံး ဆတ်ဆတ်တုန်နေတယ်။ ဖမ်းတုန်းက ကျနော် အဲဒီလောက် စိတ်မလှုပ်ရှားခဲ့ဖူးဘူး။ 

ကျနော်ကို တိုက်တံခါးဝဖွင့်တဲ့အချိန်မှာပဲ လည်ကတုံးနဲ့ ကချင်ပုဆိုးနဲ့ လူတယောက်ရောက်လာတယ်။ “ညီလေး နေကောင်းပါတယ်နော်၊ အကို မင်းကိုလာကြိုတာပါ၊ အကို ရဲသတင်းတပ်ဖွဲ့ (SB) ကပါ” လို့ပြောပြီး နှုတ်ဆက်တယ်။ ကျနော့်အပျော်တွေအားလုံး ပျောက်သွားခဲ့ပြီ။ ကျနော် ရေမချိုးခင် ထောင်ပိုင်ရုံးကိုခေါ်ပြီး ကျနော် ထောင်ထဲဝင်ခါစက ကျနော့် နာရီတွေ၊ ပိုက်ဆံတွေပြန်ပေးပြီးတဲ့အခါမှာတော့ ပြဿနာက စပါပြီ။ အပြင်ရောက်လို့ နိုင်ငံရေးလုပ်ရင် လက်မှတ်ထိုးရမယ် တဲ့။ ကျနော်ပြောတယ်၊ မထိုးနိုင်ဘူး။ ကျုပ် လွတ်ရက်စေ့လို့လွတ်တာ လာမလုပ်နဲ့၊ မထိုးဘူး။ ထောင်ထဲပြန်ထည့်ရင် ပြန်ထည့်လို့ပြောတဲ့အချိန် ကျနော့်ကို တကယ်ပဲ ကျနော်နေတဲ့ အခန်းထဲကို ပြန်ထည့်ခဲ့ပါတယ်။ ကျနော့်စိတ်ဓာတ်တွေ သုညကို ရောက်သွားခဲ့ပေါ့။ 


Sunday, June 8, 2014

အခွက်ပြောင်သူတွေ ... (ကာတွန်း အောင်မော်)


အမျိုးဘာသာ သာသနာ နဲ့ နိုင်ငံတော်တည်ဆောက်ရေး

ဒီတပတ် မြန်မာ့မျက်မှောက်ရေးရာ သုံးသပ်ချက်အစီအစဉ်မှာ မြန်မာနိုင်ငံ ပြည်ထောင်စုလွှတ်တော်ရဲ့  “ကိုးကွယ်ရာ ဘာသာကူးပြောင်းခြင်းဆိုင်ရာ ဥပဒေ (မူကြမ်း)” ဆိုင်ရာ အတည်ပြုပြဌာန်းရေး ကြိုးပမ်းဆောင်ရွက်လုပ်ကိုင်နေတဲ့ လှုပ်ရှားမှုများ၊ ယုံကြည်ခံယူချက်ဆိုင်ရာတို့ကို ထေရဝါဒဗုဒ္ဓသာသနာပြု တက္ကသိုလ် မဟာဌာနမှူး ပါမောက္ခ ဒေါက်တာဓမ္မပီယ ကို ဦးကျော်ဇံသာ က ဆက်သွယ်မေးမြန်း ဆွေးနွေးတင်ပြထားပါတယ်။ 

ဦးကျော်ဇံသာ ။ ။ ဆရာတော်ဘုရား တပည့်တော် ပထမဦးဆုံး လျှောက်ထားလိုတာကတော့ တပည့်တော်က သတင်းသမားအနေနဲ့ မေးရမှာ ဖြစ်ပါတယ်။ အင်မတန်လေးနက်တဲ့ ဘာသာရေး၊ သာသနာရေးကိစ္စကို မေးမှာဖြစ်ပါတယ်ဆိုတော့ အမေး နွားကျောင်းသား၊ အဖြေ ဘုရားလောင်းလို ဖြစ်ကောင်းဖြစ်နေပါလိမ့်မယ်။ တပည့်တော်ကို ခွင့်လွှတ်ပြီးတော့ ဖြေကြားပေးပါလို့ တောင်းပန်ချင်ပါတယ်။

ဒေါက်တာဓမ္မပီယ ။ ။ တတ်နိုင်သမျှတော့ ဖြေကြားပေးပါမယ် ဒကာကြီး။ 


Saturday, June 7, 2014

အာဏာရှင်စိတ်တွေ ကြွင်းကျန်သေးလား (ကိုညို)

ကျနော်တို့နိုင်ငံဟာ ရာစုနှစ်ဝက်ကျော်လောက် အာဏာရှင်အောက်ရောက်ခဲ့ရုံမက၊ အုပ်ချုပ်သူတွေ အဆက်ဆက်ကလည်း ဒီနေ့အထိ အာဏာရှင်အဟောင်း အရပ်ဝတ်တွေဖြစ်နေပြန်တော့ အာဏာရှင် ယဉ်ကျေးမှုဟာ လုံးဝ မငုတ်လျှိုးနိုင်တာကို မြင်တွေ့နေရတယ်။ ဖိနှိပ်မှုနဲ့ ကျင့်သုံးတဲ့စနစ်အမှားကြောင့် ဆင်းရဲမွဲတေမှု၊ ပညာမဲ့မှု၊ အမှန်တရား ဆိတ်သုဉ်းမှု ခံစားနေရဆဲဖြစ်သလို ကျနော်တို့ပြည်သူတွေကိုယ်တိုင်ကလည်း အာဏာရှင်စနစ်ရဲ့ သားကောင်တွေအဖြင့် ခေါက်ရိုးကျိုး အတွေးအခေါ်တွေရှိနေတာ မြင်ရတယ်။ 

ဒီတစ်ပတ်မှာတော့ အာဏာရှင်တွေရဲ့ သဘောသဘာဝနဲ့ ပြုမူဆောင်ရွက်တတ်မှုတွေကို တင်ပြချင်တယ်။ အခုဖော်ပြချက်တွေဟာ မိမိကိုယ်တိုင် လေ့လာထားမှုတွေချည်းသက်သက်မဟုတ်ဘဲ သြစတေးလျှားနိုင်ငံ၊ ဆစ်ဒနီမြို့က စိတ်ပိုင်းဆိုင်ရာ အထူးကုဆရာဝန်ကြီး ဒေါက်တာရေမွန်တင့်ဝေနဲ့ ဆွေးနွေးခြင်း၊ မေးမြန်းချက်တွေကိုအခြေခံပြီး ရေးသားတာဖြစ်ပါတယ်။ 


Thursday, June 5, 2014

တံတိုင်းကိုဖြို… (ဂါမဏိ)

စစ်ထွက်တယောက်ဖြစ်တဲ့ ပြန်ကြားရေး ဒုဝန်ကြီးဆိုသူက တပ်မတော်သားတယောက်လောက်ကို စည်းရုံးနိုင်ရဲ့လားဆိုပြီး ရိသလို ထေ့သလို ပြောသွားတာ တွေ့လိုက်ရတော့ ဒီလူ့နှယ် ၄ နှစ်တက်ရတဲ့ DSA မှာတုန်းက စစ်ဖက်ဥပဒေတွေ မသင်ခဲ့ရဘူးလား၊ စာမေးပွဲ ဘယ်လိုအောင်လာပြီး ကော်မရှင်ဘယ်လိုရလာတာလဲ၊ ဒုဗိုလ်မှူးကြီးနဲ့ ထွက်တာဆိုတော့ တပ်ရင်းမှူးလည်း လုပ်ခဲ့ဖူးမှာပဲ၊ ကိုယ့်တပ်ရင်းထဲက ရဲဘော်တွေကို ဘယ်လိုထိန်းချုပ်ခဲ့ရသလဲ မမှတ်မိတော့ဘူးလားလို့ တွေးစရာတောင် ဖြစ်သွားတယ်။ 

တကယ်တော့ အရာရှိဖြစ်စေ အခြားအဆင့်ဖြစ်စေ စစ်သားသူသမျှကို လူထုနဲ့ မပတ်သက်မိအောင်၊ နိုင်ငံရေးနဲ့ မပတ်သက်မိအောင် စစ်ဘက်ဥပဒေတွေနဲ့ ကန့်သတ်ထားသလို အမိန့်ညွှန်ကြားချက်တွေ၊ လုပ်ထုံးလုပ်နည်းတွေနဲ့လည်း ကာထားတာ ဖြစ်တယ်။ 


ဖဲသုံးချပ်ခေတ် (မောင်လွမ်းဏီ)

သုံးလွန်းတင်မှ ကြိုး 
သုံးကျောင်းပြောင်းသော ရှင် 
သုံးလင်ပြောင်းသော မိန်းမ 
အဆိုအမိန့်များမှသည်။ 

သုံးချောင်းထောက် ပေါ်လစီ 
သုံးချောင်းမူ ညီညွတ်ရေး 
သုံးပါတီ သဘောထား 
ခေတ်တရားက သုံးပွင့်ဆိုင်။ 


နိုင်ငံရေးအကျဉ်းသားတစ်ဦး၏ ပါရမီဖြည့်ဖက် (ခင်ငြိမ်းသစ်)

အသက် ၇၃ နှစ်ရှိပြီဖြစ်လို့ ဆံပင်တွေက အဖြူရောင်သန်းနေခဲ့ပြီ၊ သို့သော် ဆံပင်တွေက အခြားလူတွေလို ပါးလွှာသွားတာမျိုးမရှိလို့ အမြဲတမ်းတစ်ပတ်လျို ဆံတုံးကို ထုံးထားတတ်သည်။ မျက်နှာပေါ်မှာ ဇရာ၏အရေးအကြောင်းများ ပေါ်နေသော်လည်း ငယ်ရွယ်စဉ်ကတော့ ချောမောခဲ့သည့် အသွင်အပြင်ရှိသည်။ ထိုသို့သောသူက အခြားသူတော့မဟုတ်ပါ။ ခင်ပွန်းကနေစပြီး သားနဲ့ မြေးတွေအထိ နိုင်ငံရေးလှုပ်ရှားမှုများကြောင့် ဖမ်းဆီးခံခဲ့ရသည့် မျိုးဆက်တစ်ခု၏မိခင် သို့မဟုတ် ၁၉၉၀ ရွေးကောက်ပွဲတွင် ထီးလင်းမြို့နယ်မှ အနိုင်ရခဲ့သော ကိုယ်စားလှယ်တစ်ဦးဖြစ်သည့် ဦးစောဝင်း(စာရေးဆရာ၊ အယ်ဒီတာ ကျော်ဇောလင်း)၏ ဇနီးဒေါ်ခင်တိုးဝင်းပင် ဖြစ်ပါသည်။ 

သူ့ကို ကျွန်မတို့အသိုင်းအဝိုင်းက အမေဟုသာ ခေါ်ဝေါ်ကြသည်။ အမေ့သားတွေရဲ့ သူငယ်ချင်းတွေကလည်း ဒေါ်ခင်တိုးဝင်းကို အမေဟုသာ ခေါ်ဝေါ်ကြလေသည်။ အမေ့တွင် သား ၄ ယောက် သမီး ၃ ယောက်ကို မွေးဖွားခဲ့သော်လည်း ဝမ်းမနာသားသမီး များစွာရှိလေသည်။ အမေ့သားတွေထဲက ပထမသား ကိုဇော်ဇော်မင်းနဲ့ တတိယသား ကိုကျော်ကျော်မင်းတို့က နိုင်ငံရေး အကျဉ်းသားဟောင်းတွေဖြစ်ပြီး၊ ဒုတိယသား ကိုဆလိုင်းယောအောင်က ၁၉၈၈ စစ်တပ်မှ အာဏာသိမ်းပြီးကတည်းက တောခိုသွားခဲ့တာ နှစ်ပေါင်းများစွာ အဆက်အသွယ်ပြတ်သွားခဲ့ရပြီး သေလား ရှင်လားတောင် မသိခဲ့ရသည့်အချိန်တွေရှိခဲ့သည့်အကြောင်း အမေက ပြောပြခဲ့လေသည်။ 


Wednesday, June 4, 2014

ပြေးကြည့်ရတဲ့ ပညာရှိ ... (ကာတွန်း Mr Burma)


ပြတ်ရွေ့မှတ်တမ်း (ဝေမှူးသွင်)

မပြေလည် နိုင်သေးတဲ့
ဝဋ်ကြွေးများစွာဟာ
ဒီကနေ့ရဲ့အစီအစဉ် တစ်ခုလား။

အမှောင်ကိုထမ်းရွက်ထားသော နေ့စွဲများမှာ၊
လစ်ဘရယ်တွေနေတဲ့ အခန်းမှာ၊
ထေရဝါဒအစွန်းရောက်တွေ ရှိတဲ့အရပ်မှာ၊
ငါက
တောမော်ဒန်တွေ ဖတ်ပြီး
ဘဝင်မြင့်နေမိတယ်။


Tuesday, June 3, 2014

နှစ်ထောင်တန် ... (ကာတွန်း စောငို)


မတူကွဲပြားတဲ့ စစ်တပ်အာဏာသိမ်း အုပ်ချုပ်မှု

ဒီတပတ် မြန်မာ့ဒီမိုကရေစီရေးရာ ဆွေးနွေးခန်းအစီအစဉ်မှာ လတ်တလော ထိုင်းနိုင်ငံမှာ ဖြစ်ပွားနေတဲ့ စစ်တပ်ရဲ့ အာဏာသိမ်းမှု အခြေအနေဟာ မြန်မာနိုင်ငံရဲ့ အခြေအနေတွေထက်တော့ ထပ်တူထပ်မျှမတူဘဲ၊ ကွဲလွဲမှုတွေ ရှိနေနိုင်ပါတယ်လို့ ထိုင်းနိုင်ငံမှာအခြေစိုက်တဲ့ မြန်မာနိုင်ငံ ဖွံ့ဖြိုးတိုးတက်ရေး ဆောင်းပါးတွေ ရေးသားနေသူ ဦးဇော်မင်းက ဗွီအိုအေကို ပြောဆိုပါတယ်။ 

ဦးသန်းလွင်ထွန်း ။ ။ ထိုင်းစစ်တပ် အာဏာသိမ်းမှုနဲ့ပတ်သက်ပြီး ထိုင်းပြည်သူတွေကြားမှာ ဘယ်လိုသဘောထားတွေ ရှိနေသလဲဆိုတဲ့ ပထမဦးဆုံးမေးခွန်းကို အခုလို ဖြေဆိုပါတယ်။ 

ဦးဇော်မင်း ။ ။ ကျနော့် တယောက်ထဲအတွက်တော့ ပြောရခက်တယ်။ ဘာဖြစ်လို့လဲဆိုတော့ ထိုင်းမှာက အနည်းဆုံး အုပ်စု ၄ မျိုးလောက်ရှိတယ်။ အုပ်စု ၄ မျိုးမှာ ပထမတမျိုးကတော့ ဒီမိုကရေစီကို တည်ဆောက်နေတဲ့အချိန်မှာ စစ်တပ်က အာဏာသိမ်းတယ်ဆိုတာ ဘယ်နည်းနဲ့သိမ်းသိမ်း သိမ်းတာကို လက်မခံဘူးဆိုတဲ့ အုပ်စုတွေရှိတယ်။ တဆက်တည်းမှာပဲ အရပ်သားနိုင်ငံရေးသမားတွေ မညီညွှတ်လို့ စစ်တပ်က အာဏာသိမ်းတာပဲလို့ ခံယူထားတဲ့လူတွေလည်း ရှိတယ်။ အဲဒီလို အမျိုးမျိုးရှိတဲ့အခါကျတော့ ဗမာပြည်နဲ့ အဲဒီအချက်က မတူဘူးပေါ့။ 


Sunday, June 1, 2014

သတင်းကျင့်ဝတ်၊ ကိုယ်ချင်းစာစိတ်နဲ့ လွတ်လပ်မှု (၂) - ကိုညို

ကျနော်တို့နိုင်ငံမှာတော့ ကျင့်ဝတ်ဆိုတဲ့အရာဟာ လွတ်လပ်မှု၊ မလွတ်လပ်မှုနဲ့လည်း ဆက်စပ်ပတ်သက်နေတတ်ပါတယ်။ ယူနတီ သတင်းထောက် အဖမ်းခံရတဲ့ကိစ္စဟာ ကျင့်ဝတ်တရားဆိုတာထက် သတင်းမလွတ်လပ်မှု၊ အစိုးရနဲ့ သတင်းသမားတွေအကြား အပြန်အလှန် ယုံကြည်မှုမရှိမှုက အခြေခံဖြစ်တယ်။ အဓိက ကတော့အစိုးရရဲ့ သတင်းထိန်ဝှက်မှုတွေနဲ့ နိုင်ငံရေး မလွတ်လပ်မှုပါ။ သတင်းသမားဆိုတာကလည်း အနှောင်အချုပ်ကင်းပြီး လွတ်လပ်တဲ့ သဘာဝအပေါ် အခြေခံတာဖြစ်တယ်။ ဘယ်သတင်းသမားမဆို လွတ်လွတ်လပ်လပ် တွေးချင်၊ ရေးချင်ကြမှာပါ။ 

လောင်းရိပ်မိ သတင်းသမားတယောက်ရေးတဲ့ သတင်းဟာ စိတ်ကူး၊ အတွေး၊ အကြံ မလွတ်လပ်တာမို့ တင်ပြတဲ့သတင်းဟာ ခပ်ပေါ့ပေါ့ဖြစ်နေတတ်သလို၊ ထောင့်မစေ့တတ်ဘူး။ အယ်ဒီတာရဲ့ အခန်းကဏ္ဍကို လေးစားအသိအမှတ်ပြုရပေမယ့် အပေါ်ကအထုခံရမှာ စိုးတထိတ်ထိတ်ဖြစ်နေတဲ့ အယ်ဒီတာလက်က ဖြတ်လာတဲ့သတင်းကတော့ မခန့်ငြားပါဘူး။ အယ်ဒီတာဆိုတာ သတင်းကို ပိုမိုရုပ်လုံးကြွအောင် တည်းဖြတ်နိုင်သလို တော်ရိရော်ရိလည်း ဖြစ်စေတယ်။ သူ့စိတ်စေတနာက ရှေ့ဆောင်တယ်။