Wednesday, April 29, 2009

နှင်းတွေနဲ့သင်္ကြန်

နှင်းတွေနဲ့သင်္ကြန်


သူရိယာသည်

ဘူမိကမ္ဗလာတွင်

အတာသဘင်ကိုချစ်ခြင်းဖြင့်

အလင်းကို စေခဲ့၏။


ယမန်တနေ့ကား

သင်္ကြန်ဓလေ့ကို ကြိုပုံထူး

တန်ခူးမည်မှတ်

လောကဓာတ်ဖွေးဖွေး

နှင်းထွေးထွေးမှာ

ဘယ်တေးကို ဆိုရပါတုံ။


နှင်းတွေဖုံးလွှမ်းတဲ့

ရော့ကီးတောင်တန်း တည်ရာမှာ

ပြည်မြန်မာနှစ်အကူးက

မက်မူးစရာ့ ပိတောက်မြေ

ဘယ်ဖွေလို့လည်းမရှိ

ကြည့်လေရာ ကွင်းအလုံး

နှင်းတရုန်းရုန်းနဲ့

သီတင်းသုံးတဲ့ အတာ။


သင်္ကြန်တေး သင်္ကြန်အကနဲ့

သင်္ကြန်ကျတဲ့ သည်နယ်

ဘယ်ကြမ္မာနှိပ်စက်လို့

အိပ်မက်နဲ့ဖွဲ့စည်းတဲ့

ခရီးရှည်ကိုလျှောက်ပါလိမ့်

ပန်းပိတောက်တွေ မဝေ

အခုတော့လည်း

နှင်းမှောက်တဲ့နွေပါကွယ်။


လတန်ခူးကို

အလှထူးစေ ဆင်ယင်လို့မို့

ပင်လုံးညွှတ်ခိုင်ရွှေဝါ

မြေအလွှာကိုခင်း

ပိတောက်သင်းတဲ့ဌာနေ

ဇာတိချက်ကြွေ

ပိတောက်ရေ

ငါ့မြေထံ

အမြန် ပြန်ခေါ်ပါလှည့်။


နှင်းနဲ့နွေ

ဘယ်အခြေနဲ့မှ မစပ်ဟပ်

တောအရပ်တောင်အရပ်

တံလျှပ်တွေပွက်ပွက်ဝေ

ရွက်ကြွေတော တရံခါလည်း

ဒဏ်ရာတွေမတိတ်

တရိပ်တရိပ်ဝေးလွင့်ခဲ့သည်ကော။


ပုစဉ်းရင်ကွဲသံ

တောလုံးညံတဲ့

သံလွင်ရဲ့မြိုင်စောင်းကို

ပြန်ပြောင်းသိမ်းပိုက်

တိုက်ခိုက်လုယူမှဖြစ်ချေမယ်။


ပိတောက်ခင်းတဲ့

ပိတောက်သင်းတဲ့

နှင်းပျောက်တဲ့သင်္ကြန်

တံလျှပ်တွေနဲ့နွေ

ရွက်ကြွေတော မြေယာမှာ

အတာရေ လောင်းခွင့်ကား

တောင်းယူလို့မရစရာ

နှစ်တို့အလီလီပြောင်းပါဘိ။


အတာနှစ်သစ်

ယခုလှစ်၍

အညစ်ကြေးကင်းကွာ

ကျန်းမာပါစ တိုင်းပြည်။



ဂူရီး

ဒင်းဗား

ဧပြီ ၂၂၊ ၂ဝဝ၉

Sunday, April 26, 2009

ကိုယ့်အလုပ်ကိုယ်လုပ်ကြ (ကာတွန်း စောငို)

ကိုယ့်အလုပ်ကိုယ်လုပ်ကြ (ကာတွန်းစောငို)


Saturday, April 18, 2009

သက်ကြီးပူဇော်ပွဲ (မောင်တောက်)

ဘာနုရာဇာမည်သော တနင်္ဂနွေဂြိုလ်မင်းက အောင်မဲညိုပွင့်အဆင်းနှင့် ဘီလူးကို စီး။ ထင်းမီးတဖက် ကိုင်၊ ဝမ်းဗိုက်ကို တဖက်က ပိုက်လျက် အရှေ့မြောက်ထောင့်မှ အနောက်တောင်ထောင့်သို့ ဝင်လေ၏။ သို့နှင့် သင်္ကြန်သုံးပါးတို့တွင် အာယာမဟု မည်သော မဟာအတာသင်္ကြန်ကား ပြီးဆုံးခဲ့လေပြီ။


ထိုသို့ပြီးဆုံးခဲ့သော အတာတန်ခူးတွင် ထူးတာမြူးတာမှတဆင့် ရူးတာ၊ မူးတာလေးများလည်း အရံအသင့် သဘောလောက်ပါမည်ဟု ဉာဏ်ချင့်၍ပြောရပေမည်။ ပျော်ပွဲက တလွန်လွန်၊ လူတွေကလည်း တသဲသဲပေကိုး။


သို့နှင့် လူကြီးသူမ သက်ကြီးရွယ်အိုတို့အား ဦးခေါင်းလျှော်၊ ရေမိုးချိုး၊ နံ့သာပက်ဖြန်း၍ ပူဇော်ကန်တော့သော နှစ်ဆန်းတရက်နေ့သို့ ရောက်ရှိလာပြန်သည်။ ဒါနကုသိုလ် ဓလေ့စရိုက်နှင့် နှစ်သစ်၏ အကူးအစ ပထမဦးဆုံး နေ့ရက်ကို ဖွင့်လှစ်လိုက်ခြင်းပင်တည်း။


ကောင်းစွ။


“သက်ကြီးပူဇော်ပွဲ”


ထိုဝေါဟာရကို ငယ်စဉ်ကတည်းက ကြားဖူးခဲ့။ ကိုယ်တိုင်လည်း ပါဝင်ဆင်နွှဲခဲ့ဖူးသည်။ ထိုစဉ်ကတော့ အသက်အရွယ်ကြီးသော လူကြီးသူမတို့ကို ပူဇော်ကန်တော့ခြင်း (သို့မဟုတ်) ကိုယ့်ထက် အသက်အရွယ်ကြီး ရင့်သော သူတို့ကို အရိုအသေပြုခြင်းဟု သဘောပေါက် သိမြင်နေမိခဲ့၏။ တနည်းအားဖြင့် အသက်ကို ပဓာနထားကာ လေးစားဂါရဝပြုကြတာဟု လက်ခံထားမိခဲ့သည်။



ထိုစဉ်က … ။


ယခုတော့ အသက်အရွယ်ဟူသော ပညတ်အမြင်နှင့်ယှဉ်တွဲနေသည့် လူပုဂ္ဂိုလ်တို့အပေါ် အာရုံစူးစိုက်လာမိတော့ သည်။ အချိန်ကား အကန့်အသတ်မရှိ စီးဆင်းနေ၏။ ထိုအကန့်အသတ်မဲ့ စီးဆင်းနေသော အချိန်ကာလနှင့်အတူ ပူးကပ်ဖြတ်သန်းနေသည်မှာ လူပုဂ္ဂိုလ်များဖြစ်ကြ၏။


လူမျိုး ဘာသာမရွေး အသက်အရွယ်ကြီးရင့်သူတိုင်းတွင် ညီမျှသော အချိန်ကာလဖြတ်သန်းမှုတို့ ကိုယ်စီကိုယ်ငှ ရှိနေကြသည် မဟုတ်လား။


အနှစ်တရာအတွင်း အားလုံးဟာ ခေတ်ပြိုင်ချည်းပါပဲဟု ကဗျာဆရာတဦးက ဒဿနဆန်ဆန် ပြောကြားခဲ့ဖူး သည်။ သို့သော်လည်း ကျနော်တို့အရင် အနှစ် ၅ဝ သမိုင်းသည် အယဉ်လား၊ အရိုင်းလားဟု မေးခဲ့သည်ရှိသော် နုနယ်သောအရွယ်က ဖြတ်သန်းခဲ့ရသည်မို့ ဝေဝေဝါးဝါးပင် ပြန်လည်ဖြေကြားနိုင်ပေမည်။ ထိုထက်စောစွာသော အတိတ်သမိုင်းတို့ဆိုလျှင် မည်သို့မျှ ပီပီပြင်ပြင် ဖြေကြားနိုင်မည် မဟုတ်တော့။


“၁၉၂ဝ ကျောင်းသားသပိတ်ကိုတော့ ကျနော် မမီလိုက်။ ကျနော်မွေးပြီး နောက်တနှစ်တွင် ယင်း ၁၉၂ဝ ကျောင်းသားသပိတ် ဖြစ်ခဲ့သည်။ သို့သော် ကျနော်သည် အမျိုးသားကျောင်းများတွင် စာသင်ကြားခဲ့ရာ အမျိုးသားနေ့ကို ဆင်နွှဲမိခဲ့ရသည်။ ယင်း အမျိုးသားနေ့၊ အမျိုးသားကျောင်းဆိုသည်မှာ ၁၉၂ဝ ကျောင်းသား သပိတ်နှင့် ဆက်စပ်နေသည်။ ထိုအတိတ်ကို ကျနော်တို့ကိုယ်တိုင် ခံစားထိတွေ့ခဲ့သည် မဟုတ်။ သို့သော် သမိုင်းခေတ်များကို ဖြတ်သန်းရင်းက အတိတ်ကိုလေ့လာရသည်။ ထိုအခါ အတိတ်ကာလကိုမီသော ကျနော့်ထက် အသက်များစွာကြီးသော သူများထံမှ မေးမြန်းရသည်။ အတိတ်၏ သမိုင်းခေတ်များကို သိရသည်”


(ဒဂုန်တာရာ)

“သမိုင်းသည် မဆုံး”

ရွှေဝတ်ရည်မဂ္ဂဇင်း၊ အမှတ်(၁)

အောက်တိုဘာလ၊ ၁၉၉၇။


စာပေသစ်ဖခင်ကြီး ဒဂုန်တာရာ၏ “သမိုင်းသည်မဆုံး” ဟူသော ဆောင်းပါးကိုဖတ်မိရာမှ လင်းလက်ခဲ့ရသော အပိုဒ်တပိုဒ်။ လေးစားဦးခိုက်စရာ လူကြီးသူမတို့၏ အတိတ်ဖြတ်သန်းမှုပုံရိပ်များ။ လူပုဂ္ဂိုလ်တို့၏ နောက်ခံ ကားချပ်တို့ကား အတိတ်ဖြတ်သန်းမှု အယဉ် အရိုင်းတို့နှင့် လှိုင်းကြွနေသည်။


ကျနော်ကား အတိတ်သမိုင်းနှင့် သမိုင်းနောက်ခံရုပ်ပုံကားချပ်တို့ကို လွန်နှင့်ပြီးသူများ၏ ပြုစုရေးသားထားခဲ့မှုများ၊ သမိုင်းဆိုင်ရာ စွမ်းဆောင်ချက်များ၊ အဆိုအမိန့်များ၊ ထူးခြားသောဖြစ်စဉ်ထဲမှ ကောက်နုတ်ထုတ်ယူရရှိမှုများဖြင့် တွေ့ထိရင်း ဆက်လက်ကြီးပြင်းနေကြရသည်။


ကိုယ့်နိုင်ငံ၏သမိုင်းကား မသိလို့ မဖြစ်။ နိုင်ငံ၏သမိုင်းကိုမသိလျှင် မိမိကိုယ်မိမိ မသိသူသာလျှင် ဖြစ်ပေတော့ မည်။

သည်တွင် မကသေး။ သက်ရှိထင်ရှား လူကြီးသူမများ၏ အသက်အရွယ်နှင့်ညီမျှသော ဖြတ်သန်းမှု အတွေ့အကြုံများ၊ စံပြ စရိုက်များ လက္ခဏာများ၊ လေးနက်သော လမ်းညွှန်မှုများဖြင့် ပူးကပ်နေထိုင်လျှက် ဆက်လက်ဖြတ်သန်း ကြီးပြင်းနေရသေးသည်။

လူကြီးသူမတို့၏ ဒိဌေ၊ ဒိဌ ကျေးဇူးတရားတို့အား လေးစားဂါရဝပြုစရာ တန်ဖိုးအနဂ္ဂများပင်။


“သက်ကြီးပူဇော်ပွဲ ”


ယခုတော့ … ။


အသက်ကြီးနေသဖြင့် ပူဇော်ရသည်ဟူသော သာမညအမြှေးပါးသည် ကျနော်ဆွဲဖွင့်မိသော အတွေးတံခါး၏ နောက်ကွယ်တွင် ဆွဲအဖယ်ခံလိုက်ရသည့် ဇာခန်းဆီး ပါးပါးလှပ်လှပ်ကလေးကဲ့သို့ လှုပ်လှုပ်ခါခါ ကျန်ရစ်ခဲ့ပေတော့သည်။


ယခု ဆိုပါတော့ … ။ ။


သရုပ်ဖော်ပုံ - ကာတွန်းစောငို


Saturday, April 4, 2009

ဆယ်တန်းတောင် မအောင်တဲ့ကောင်



ကျုပ်လေ … ကျုပ်

ဆယ်တန်းတောင် မအောင်ခဲ့

မြို့မှာနေတုန်းက

မအောင်ဖူးတဲ့ ဒီဆယ်တန်းကြောင့်

ကောင်မလေးတွေက ငေါ့တယ်

ဟင်း … ဆယ်တန်းတောင် မအောင်တာ

ဘာလုပ်ရမှာလဲတဲ့ … အော် … ခက်ပြီ။


အိမ်မှာနေတုန်းကလည်း

မအောင်သေးတဲ့ ဒီဆယ်တန်းကြောင့်

အမေက ပြောတယ်

နင် … ခွေးဖြစ်မယ် တဲ့၊

ကျနော် အခုထိ ခွေးမဖြစ်သေးပါ

ဒါကို … အမေ သိမသွားခဲ့။


လူတွေကလည်း ကျနော့်ဘဝမှာ

ဆယ်တန်းအောင်ပြီးလားလို့

တဖွဖွ အမေးခံခဲ့ရ

ဟင့်အင်း လို့ဖြေရင်

မျက်လုံးအရောင် ပြောင်းလဲ၊ ဆက်ဆံရေးလည်းကျဲ

ကဲ … ဒီဆယ်တန်းကြီးမအောင်တော့ကော ဘာဖြစ်လဲ။


အခု ကျုပ်ဆိုတဲ့ ညံ့ချက်က နာ

ဆယ်တန်းတောင် မအောင်တဲ့ကောင်က

ကိုယ့်အကျိုးကို အပုပ်ခံ၊ လူထုအတွက်မြှုပ်နှံ

သွေး ချွေးကို စတေး ဒီမိုကရေစီကို ဘဝနဲ့ရေးတဲ့

တော်လှန်ရေးသမားဗျ …၊


ကျုပ်တို့ တော်လှန်စစ်လမ်းကြောင်းပေါ်ကို

သန်းနဲ့ချီရှိတဲ့ ဆယ်တန်းအောင်ပြီးတဲ့ကောင်တွေ မလာပါ၊


သန်းနဲ့ချီရှိတဲ့ ဘွဲ့ရပညာတတ်ဆိုတဲ့ကောင်တွေ

အနစ်နာမခံပါ၊


မိုးထဲ ရေထဲ ကျည်ဆံထဲမှာ

ဆယ်တန်းတောင် မအောင်တဲ့ကျုပ်

အသက်ကိုစတေး ပြည်သူ့အတွက်လေ။


သန်းနဲ့ချီတဲ့ ဆယ်တန်းအောင်ကောင်ကော

ဘွဲ့ရကောင်ရော

တော်လှန်ရေးလုပ်ရင်

ဒီမိုကရေစီလည်း မြန်မြန်ရ

ကျုပ်လည်း ဆယ်တန်းမြန်မြန်အောင်

ကဲ … မဟုတ်ဘူးလားဗျာ။


ဂမုန်း

၈၊ ၂၊ ၂ဝဝ၁


သံလွင်သွေးသစ် စာပေအင်အားစုမှ ထုတ်ဝေဖြန့်ချိသည့်

ဒေါနနေခြည်စာစောင် အတွဲ ၄ အမှတ် ၂၊ ၂၀၀၁ ခုနှစ် သြဂုတ်လ မှ


Wednesday, April 1, 2009

စစ်အုပ်စု သက်တမ်းရှည်နေသရွေ့ - ၁၈



ပြည်သူ့ သူရဲကောင်းများ

ကျွန်းပါတီက ဇူလိုင်လ ၃၁ ရက်ကို ‘ပြည်သူ့ သူရဲကောင်းများနေ့’ လို့ သတ်မှတ်လိုက်ပါတယ်။ အာဇာနည်တွေရဲ့ အသုဘအခမ်းအနားကို ပါတီနေ့ (သြဂုတ်လ ၁၅ ရက်)မှာ ကျင်းပမယ်လို့ ကြေညာခဲ့တယ်။

ဒီရက်တွေအတွင်း (အာဇာနည် ၂ ယောက်အတွက် သီချင်း ၂ ပုဒ် စပ်ထားပြီးပြီမို့) ကျန် အာဇာနည် ၆ ယောက်အတွက် သီချင်းစပ်ဖို့ အဖွဲ့ ၃ ဖွဲ့ (၅ ယောက်စီ) ဖွဲ့လိုက်ပါတယ်။ တဖွဲ့ကို ၂ ယောက်နှုန်း သတ်မှတ်ပေးပါတယ်။ ကျနော်က ရဲဘော်မြအောင် ဦးဆောင်တဲ့အဖွဲ့မှာ ပါဝင်ခွင့်ရခဲ့တယ်။ စပ်ရမှာက ရဲဘော် စိန်ချင်းနဲ့ ရဲဘော် မောင်မောင်စိုးအတွက် ...

ရဲဘော် မြအောင်က သီချင်းစပ်ရာမှာ ကျွမ်းကျင်ပြီးသားမို့ ကျနော်တို့က ပါစေချင်တဲ့အချက်အလက်၊ အကြောင်းအရာပဲ ရွေးပေးရပါတယ်။ သြဂုတ်လ ၁ဝ ရက်မတိုင်မီ တီးဝိုင်းအဖွဲ့ကို အဖွဲ့အသီးသီးက သီချင်းအပ်နိုင်ကြတယ်။ ပါတီ ဂီတဝိုင်းကလည်း ရဲဘော် ၈ ယောက်စလုံးအတွက် ရည်ညွှန်းတဲ့ သီချင်းတပုဒ် စပ်ပါတယ်။

ပါတီနေ့မရောက်မီအတွင်း အာဏာပိုင်တွေဆီက ဘိလပ်မြေတွေတောင်းပြီး အာဇာနည် ကျောက်တိုင်တခု ‘ထူ’လိုက်ကြပါတယ်။
ရဲဘော်အားလုံးရဲ့စိတ်ကူးစိတ်သန်းတွေ ပေါင်းစပ်ကာ ထူဆောက်လိုက်တဲ့ အာဇာနည်ကျောက်တိုင်ဟာ အမြင့် ၈ ပေရှိပြီး အပေါ်မှာ ၈ လက်မအရွယ် ကြယ်နီတခု ထွင်းထုတင်စိုက်လိုက်လို့ စုစုပေါင်း ၈ ပေနဲ့ ၈ လက်မ မြင့်ပါတယ်။

ကျောက်တိုင်ဟာ ၈ မြှောင့်၊ ၈ မျက်နှာပုံသဏ္ဍာန် ဖြစ်တယ်။ တမျက်နှာစီရဲ့အောက်မှာ အုတ်ဂူလေးတွေ ရှိတယ်။ ဒီအပေါ်မှာ ကျဆုံးသူ ရဲဘော်အမည်၊ အသက်၊ ပါတီဝင်၊ တိုက်ပွဲဝင်ရက်တွေ ရေးထားတယ်။ အထက်ကျောက်တိုင်ရဲ့ မျက်နှာပြင်မှာတော့ သက်ဆိုင်ရာရဲဘော်ရဲ့ အဆိုအမိန့်တခုကို ကမ္ဗည်းထိုးလိုက်ကြတယ်။

အရှေ့အရပ်မှာ ရဲဘော် သိန်းကြည်ရဲ့အုတ်ဂူရှိပြီး အစဉ်အတိုင်း ပတ်ဝိုင်းထားတာပါ။

ကျောက်တိုင် လက်စသတ်လိုက်တော့ ရဲဘော်တွေရဲ့စိတ်ကူးနဲ့လက်ရာကို ကျန်အဖွဲ့အစည်းများက လက်ဖျားခါကြတယ်။ ရဲဘော် မြအောင် ရေးဆွဲထားတဲ့ အာဇာနည်ရဲဘော် ၈ ဦးရဲ့ ပုံတူ ပန်းချီကားကြီးတွေလည်း အဆင်သင့် ဖြစ်နေပါပြီ။

အခမ်းအနားနေ့အတွက် လိပ်ရှာ၊ လိပ်ဥစု၊ ငါးဖမ်း လုပ်တဲ့သူတွေလည်း လိုအပ်သလောက် စုထားလိုက်ကြပါပြီ။
သြော် … သူတို့သာရှိကြရင်ဆိုတဲ့ အတွေးတွေနဲ့ … လှုပ်ရှားနေကြရတာပါ။

သြဂုတ်လ ၁၅ ရက်ရောက်ပါပြီ။

အာဇာနည်ဗိမာန်ကနေပြီး ခေါင်း ၈ လုံးကို ရဲဘော် ၈ ယောက်စီ ထမ်းထုတ်ကြပါတယ်။ ကျနော်က ရဲဘော် လေးမောင်ရဲ့ခေါင်းကို ထမ်းခွင့်ရတယ်။ ကိုရန်ရွှေလည်း ပါတယ်။ ကိုသိန်းမြကတော့ ရဲဘော်မောင်မောင်စိုးရဲ့ ခေါင်းကိုထမ်းတာ တွေ့ရတယ်။

မုန်တိုင်းလည်း စဲသွားပါပြီ။ လှိုင်းလေကလည်း တလိမ့်လိမ့် တဖြူးဖြူး ညှင်းညှင်းသာသာ ရှိပါတယ်။ ကောင်းကင်တပြင်လုံး ကြည်လင်နေပါတယ်။

စခန်းဝင်းနဲ့ မလှမ်းမကမ်း အရှေ့မြောက်ထောင့်၊ အိုနာဆစ်သင်္ဘောကြီးနဲ့ မျက်စောင်းထိုး၊ ပင်လယ်ကမ်းထိပ်နားမှာ အုန်းသုံးပင်က တြိဂံပုံ ပေါက်နေတယ်။ အလယ်မှာတော့ ကျင်းအကျယ်ကြီးတကျင်း တူးထားပြီးပါပြီ။

ခေါင်းတွေမှာတော့ ၄ ထောင့်ကြေးပြားကြီး တချပ်စီထည့်ထားခဲ့ပြီးဖြစ်တယ်။ ကြေးပြားတိုင်းမှာ အာဇာနည် ကျောက်တိုင်ပေါ်နဲ့ အုတ်ဂူလေးတွေပေါ်မှာ မော်ကွန်းတင်ထားတဲ့အတိုင်း ကမ္ဗည်းထိုးထားပါတယ်။

ထမ်းထုတ်သယ်ယူလာတဲ့ ခေါင်း ၈ လုံးစေ့တာနဲ့ ပါတီတီးဝိုင်းက အင်တာနေရှင်နယ်သီချင်းကို တယော ၈ လက် အပါအဝင် တူရိယာစုံနဲ့ တီးမှုတ်ရင့်ကျူးပါတယ်။

နောက် ကျဆုံးသွားတဲ့ အစီအစဉ်အတိုင်း ရဲဘော်တယောက်စီရဲ့ခေါင်းကို သူ့အတွက် စပ်ဆိုထားတဲ့ ဂုဏ်ပြုတေးနဲ့ မြေချပါတယ်။ ၈ ယောက်စလုံးကို ပေါင်းစုဂုဏ်ပြုတဲ့ သီချင်းတီးမှုတ်သီဆိုပြီးမှ မြေဖို့ပါတယ်။
နောက် ပန်းခွေချ အခမ်းအနား စပါတယ်။ ဗမာပြည်ကွန်မြူနစ်ပါတီက စပြီး လွမ်းသူ့ပန်းခွေချ အလေးပြုပါတယ်။ ဦးညွှတ်အလေးပြုလိုက်ကြရတဲ့ ကျနော်တို့တတွေရဲ့မျက်လုံးအိမ်ထဲမှာ မျက်ရည်တွေ ဝိုင်းနေကြတယ်။
နောက်မှ တဖွဲ့ပြီးတဖွဲ့ ပန်းခွေချ အလေးပြုတာပါ။ တသီးပုဂ္ဂလများကလည်း ကိုယ်စီ အလေးပြုကြပြန်တယ်။ မှတ်မှတ်ရရ အလံနီ (ဟောင်း) မန္တလေးသား သခင် ရန်ချွေကြီးက တို့ဗမာခေတ်ပုံစံ ဓားမကြီးထမ်းကာ အလေးပြုခဲ့ပါတယ်။

ဘာပဲဖြစ်ဖြစ် အဖွဲ့အစည်းအသီးသီးဟာ ဗမာပြည်နိုင်ငံရေးသမိုင်းမှာ ဖြတ်သန်းကြရင်း အပြန်အလှန် ဂိုဏ်းဂနတွေ၊ အသိအမှတ် မပြုနိုင်မှုတွေ၊ ပွတ်တိုက်မှုတွေ ရှိခဲ့ကြတယ်။

သို့သော်လည်း ဒီတပွဲမှာတော့ ဗမာပြည်ကွန်မြူနစ်ပါတီရဲ့ခေါင်းဆောင်မှုနဲ့ ဒီ ရဲဘော် ၈ ယောက်ရဲ့ ကိုယ်ကျိုးစွန့် အနစ်နာခံမှုကြောင့် ကိုယ်ထူကိုယ်ထစီမံကိန်း ဖျက်ပေးရတာ နိုင်ငံရေးအကျဉ်းသားအားလုံး ပြည်မ ပြန်ရောက်ကြရတာကိုတော့ အသိအမှတ်ပြုကြပါတယ်။

မျက်ရည်များနဲ့ နုတ်ဆက်ခဲ့ကြခြင်း

ကျနော်တို့တတွေဟာ ပြည်မ မပြန်ရမီ မိုးမရွာတဲ့ ညများမှာ အုန်းသုံးပင်အရပ်ကိုသွားပြီး ထိုင်မိတတ်ကြတယ်။ မီးတွေဖိုပြီး စကားစု,ပြောကြတယ်။ တော်လှန်ရေးသီချင်းတွေ ဂုဏ်ပြုတေးတွေ ဆိုခဲ့ကြတယ်။ သူတို့ကို လွမ်းစိတ်နဲ့တမ်းတခဲ့ကြတယ်။ တလပြည့် အထိမ်းအမှတ်အဖြစ် သူတို့ကို ဂုဏ်ပြုတဲ့ ကဗျာစာအုပ်တအုပ် ထုတ်ခဲ့တယ်။

ပြည်မ ပြန်ပို့ရက် သင်္ဘောပေါ်မတက်ခင်မှာလည်း အသုတ်လိုက်သွားပြီး နုတ်ဆက် အလေးပြုခဲ့ကြတယ်။

မျက်ရည်များနဲ့ … ပေါ့။

နိဂုံး

(၁) ၅၃ ရက်တိုက်ပွဲ နှစ် ၃ဝ ပြည့် အထိမ်းအမှတ်အဖြစ် ရေးခြစ်ပါတယ်။ အချိန်ကြာတာနဲ့အမျှ အမှတ်မှားတာ မေ့ကျန်တာတွေ ရှိပါလိမ့်မယ်။ ဒါကြောင့် သမိုင်းမှတ်တမ်းတင်တဲ့ဘက် အလေးမကဲဘဲ ပြန်ပြောင်းသတိရချက် တခုအဖြစ်သာ သဘောထားစေချင်ပါတယ်။

တိုက်ပွဲကြီးတခုလုံးမှာ အောက်ခြေမှ ကျနော်ပေါင်းစပ်ပေးခဲ့တာက အစိတ်အပိုင်းလေးတခုသာ ဖြစ်ပါတယ်။ အဓိက သော့ချက်နေရာမှာပါဝင်ခဲ့တဲ့ ကျနော်တို့ ခေါင်းဆောင်တွေ၊ ကေဒါတွေ နှစ် ၃ဝ အတွင်းမှာ ကွယ်လွန်ကုန်ကြပါပြီ။ တချို့က ပြန်အဖမ်းခံရပြီး ထောင်ထဲမှာပဲ ကျဆုံးကုန်ခဲ့ကြတယ်။ သူတို့ ရေးမသွားနိုင်ကြပါ။

(၂) ၅၃ ရက် တိုက်ပွဲအတွင်း ကျဆုံးသွားခဲ့သူတွေရော နောက်ပိုင်း စစ်အာဏာရှင်စနစ် ဆန့်ကျင်ရင်း ကျဆုံးသွားကြတဲ့ ကျွန်းရဲဘော်တွေထဲမှာပါ၊ ကျွန်းကာလ အယူအဆ ၃ မျိုးကို သီးခြားစီ ကိုယ်စားပြုခဲ့သူတွေချည်းပါ။ ဒီမှာတွေ့ရတာက လမ်းစဉ် အယူအဆ ဘယ်လောက်ပဲ ကွဲကွဲ၊ အရင်းခံ မူနှစ်ချက်ကို လက်မလွှတ်သမျှ ကိုယ်စီ ကိုယ်ကျိုးစွန့်နိုင်တယ်။ တော်လှန်ရေးကို အလုပ်အကျွေးပြုနိုင်တယ် … ဆိုတာပါပဲ၊ ဒီနှစ်ချက်ကတော့

(၁) ပါတီကို ယုံကြည်ရမယ်။

(၂) ပြည်သူကို ယုံကြည်ရမယ် … ဆိုတဲ့ တောင်းဆိုချက် ဖြစ်ပါတယ်။

(၃) ရေးနိုင်သူ ပေါင်းစပ်နိုင်သူတွေ အများကြီး ကျန်ပါသေးတယ်။ ဒါပေမယ့် အများစုက ဒီမိုကရေစီဆိတ်သုဉ်းတဲ့နေရာမှာ ရှိနေကြတယ်။ သူတို့ကတော့ ကျွန်းရဲဘော်တွေနဲ့ ကျွန်းမှာအတူနေခဲ့ တိုက်ပွဲဝင်ခဲ့ကြတဲ့ မဟာမိတ်တွေပါ။ သူတို့ရေးနိုင်လာတဲ့တနေ့မှာ ဒီ ပန်းချီကားချပ်ကြီး အတော်အတန် ပြည့်စုံသွားနိုင်ပါတယ်။

ရေးနိုင်မယ့်တနေ့ကို စောင့်ကြိုကြပါစို့။ ။

ဆက်လက်ဖော်ပြပါမယ်။