Saturday, February 28, 2009

အလင်းရနံ့ ဂျာနယ် အမှတ် (၂)


အလင်းရနံ့ ဂျာနယ်

အမှတ် (၂)

ဖေဖော်ဝါရီလ၊ ၂၀၀၉ ခုနှစ်



Wednesday, February 25, 2009

ခင်ဗျားတို့ ပြောပြောနေတဲ့ ဘဝသရုပ်ဖော် ဝတ္ထု


၃၈ လမ်းဈေးက

ပဲပင်ပေါက်ရောင်းတဲ့ ကောင်မလေးရေ

အခွင့်အရေးဆိုတာ

ပထွေးကပေးမယ့် အမွေလိုပဲ

ဘာကြောင့် စောင့်မျှော်နေမှာလဲကွယ်။


တို့နှစ်ယောက် ဆက်ဆံရေးမှာ

ဘယ်သူမှမသိတဲ့ အခြေခံဥပဒေ ရှိပြီးသားပါ

တို့နှစ်ဦးသား နစ်မျောမှုကို

အပြစ်ပြောချင်သူတွေ ပြောပစေပေါ့။


ငါ စိတ်ကူးယဉ်မိတယ်

ပန်းချီကားတွေနဲ့ပဲ နေချင်တယ် လို့

ရွှေငါးလေးတွေ မွေးချင်တယ် လို့

ရေကန်ထဲက ကြာပွင့်တွေလို

လွတ်လပ် ပွင့်လင်းချင်တယ် လို့။


တကယ်တော့ ကမ္ဘာကြီးဟာ

ငါထင်သလောက် မသာယာပါဘူး

တနေရာရာမှာ

စစ်ပွဲတွေက ရှိမြဲ ရှိနေတာပါပဲ။


ဒါပေမယ့် ကောင်မလေးရေ

ဒုက္ခသည်စခန်းဆိုတာ

လူ့ဘဝရဲ့ ပန်းတိုင်လို့တော့ မထင်လိုက်လေနဲ့။


ငါတို့ ဘယ်တော့ သေကြမယ်ဆိုတာ

ခန့်မှန်းခြေအားဖြင့်တောင် မသိနိုင်ပါဘူး

ဒီတော့ ငါတို့ ဘယ်လို နေနေရတယ်ဆိုတာ

ဘယ်သူမှ မသိကြလည်း

ဝမ်းမနည်းပါနဲ့ကွယ်။


လူ့ဘဝဆိုတာ

ဆံပင်ညှပ်ဆိုင်သွားရမှာ ပျင်းသလို

အားကစားသတင်းတွေ ဖတ်ရမှာ ပျင်းသလို

အဲဒီလိုလည်း မဟုတ်ချေဘူး။


တို့လက်ထဲရောက်လာတဲ့ နေ့တွေကလည်း

တို့ကို သိမ်မွေ့အောင်

ဘယ်လိုမှ မစွမ်းဆောင်နိုင်ခဲ့။


၃၈ လမ်းဈေးက

ပဲပင်ပေါက်ရောင်းတဲ့ ကောင်မလေးရေ

တို့တတွေ မရှိတဲ့ဖောင်ကို

ဟန်ဆောင်ပြီး ဖျက်ခဲ့ကြတယ်နော်။


မိန်းမကောင်းက

မိန်းမပျက်ကိုကြည့်တဲ့ အကြည့်မျိုးကိုလည်း

တို့ ခံနိုင်ရည်ရှိခဲ့ပြီပဲ။


ဘယ်လိုမှ

မငြီးငွေ့နိုင်သေးတာကတော့

လူဖြစ်နေရတဲ့ အရသာပါပဲကွယ်။


ဟိုတနေ့က

ရေဒီယိုက ကြားရတယ်

အင်္ဂါဂြိုဟ်ပေါ် လူတယောက်ရောက်ဖို့

အမေရိကန်ဒေါ်လာ ကုဋေ ၅ဝဝဝ လောက်

ကုန်ကျမယ် တဲ့

အဲဒါကိုလည်း လူ ၁ဝဝ မှာ လူ ၄ ယောက်ပဲ

သဘောကျသတဲ့။


ကမ္ဘာပေါ်က

ငတ်မွတ်ခေါင်းပါးနေကြသူတွေခမျာ

ဒုက္ခရောက်နေကြသူတွေခမျာ

အင်္ဂါဂြိုဟ်ကို သတိရပါ့မလား

တခါတခါ ကျတော့လည်း

လောကကြီးကို

ဘာပြောရမှန်းတောင်မသိပါဘူး။


တကယ်ဆို

ခေတ်ကြီးကိုက အ, လွန်းပါတယ်

ခုနှစ်တချို့တလေ အချောင်ရသွားတဲ့ သူတွေကို

မနာလို ဖြစ်မနေပါနဲ့ကွာ။


ဒါပေမယ့်

အမြစ်မရှိတဲ့ သစ်ပင်တွေကိုတော့

မချစ်ခင်နဲ့လေ

အူနေတဲ့ မီးခိုးတွေကိုလည်း

မကိုးကွယ်လေနဲ့

တို့တွေဟာ ခေတ်ရဲ့ ဓားစာခံ ဖြစ်ခဲ့ပြီပဲ။


၃၈ လမ်းဈေးက

ပဲပင်ပေါက်ရောင်းတဲ့ ကောင်မလေးရေ

တို့နှစ်ယောက်ရဲ့ကြားမှာ

ပြဒါးတိုင်တွေ မလိုပါဘူးကွယ်

တကယ်လိုအပ်နေတာက တနိုင်မွေးမြူရေးပါ။


လှသန်း

စာပေဂျာနယ်

၁၉၉၅၊ ဇန်နဝါရီ။



သရုပ်ဖော်ပုံ - အင်တာနက်


Sunday, February 22, 2009

စစ်အုပ်စု သက်တမ်းရှည်နေသရွေ့ - ၁၅



အမဲစက် တကွက်

ဒီအတွင်း ဒုတိယအသုတ်က ဝင်တိုက်နေတဲ့ Striker တွေထဲကတယောက် ဖောက်ထွက်သွားပါတယ်။ ဆေးလာစစ်တဲ့ ဆရာဝန်အရောက်မှာ “ကျနော် ဆေးအကုခံတော့မယ်။ ဆက်မတိုက်တော့ဘူး”လို့ ပြောလိုက်တယ်။
ထမ်းစင်နဲ့ ချက်ချင်းသယ်ထုတ်နေစဉ် သူနဲ့ရင်းနှီးတဲ့ တတိယအသုတ် Striker ရဲဘော် လေးမောင်က “ဟေ့ကောင် … သစ္စာဖောက်၊ မင်းမျက်နှာ မကြည့်ချင်ဘူး” … လို့ အော်လွှတ်လိုက်တယ်။

… ဟာ ရှက်ပြီး မျက်နှာကို စောင်နဲ့ဖုံးကာ လိုက်သွားရပါတော့တယ်။

ဖြစ်စဉ်က မြန်လွန်းပြီး တိတ်တိတ်ဆိတ်ဆိတ်ဖြစ်သွားတာမို့ အပြင်မှာရှိနေတဲ့ ရဲဘော်တွေ ဘယ်သူမှ မသိလိုက်၊ ထမ်းစဉ်နဲ့ Striker တယောက် သယ်ထုတ်လာတာတွေ့လို့ ကြည့်လိုက်တော့ စောင်အောက်ကလွတ်နေတဲ့ ခြေထောက်ကို မြင်မိကြတယ်။
“သြ … ခြေမကြီးကိုး” လို့ အာမေဋိတ်သံ ပြုလိုက်ကြတယ်။

ရန်သူက အားတက်သွားပါပြီ၊ ရဲဘော်တွေ ဒေါပွကုန်ပါတယ်။ ပါတီခေါင်းဆောင်တွေလည်း စိတ်ပူကုန်ကြတယ်။ ကျန်အဖွဲ့အစည်းတွေကလည်း ဟန်မှဟန်ပါတော့မလား၊ သံသယ ဝင်ကုန်ကြတယ်။ အကူအညီတွေ ပိုပေးလာပါတယ်။ ဆေးလိပ်တွေ လှူပါတယ်။ ပြုစုစောင့်ရှောက်သူတွေ တိုးပြီးပေးလာပါတယ်။ တိုက်ပွဲရက် ပိုကြာတော့မယ်လို့ တွက်,ရကြပြီလေ။

ကျနော် စဉ်းစားမိတယ်။ အဖိုးကြီးတွေနဲ့တွေ့စဉ်က တိုက်ပွဲအလားအလာနဲ့ပတ်သက်ပြီး မိမိအမြင် တင်ခဲ့တယ်။ “တိုက်ပွဲကတော့ နိုင်အောင်တိုက်ရင် နိုင်မှာပဲ၊ ဒါပေမယ့် အနည်းဆုံး ၃ ယောက်၊ အများဆုံး ၅ ယောက်လောက် ကျနိုင်တယ်” လို့ ပြောခဲ့တယ်။ ခုတော့ အနည်းဆုံး ၅ ယောက်လို့ ပြင်ရမလို ဖြစ်နေပြီ။

အာဇာနည်ဂုဏ်ပြုတေးတွေကို တဦးစီအလိုက် မရေးနိုင်တော့ပါ။ အလုပ်က ပိုရှုပ်လာခဲ့တယ်။ အထူးသဖြင့် ပြုစုရေးဘက်မှာ ဖြစ်တယ်။ တီးဝိုင်းက နောက်ရဲဘော်တွေအတွက် ရဲဘော် သိန်းကြည်၊ ရဲဘော် အုံးမော်တို့ အတွက်စပ်ထားတဲ့ သီချင်းနှစ်ပုဒ်ထဲမှာ ကျန်ကျဆုံး ရဲဘော်တွေရဲ့ နာမည်တွေထည့်ပြီး ပြင်တယ်ဆိုရုံ ပြင်ကာ တီးမှုတ်လှုံ့ဆော်နေရပါတယ်။

ကျနော်တို့ဟာ အဲဒီညမှာ အာဇာနည်ဗိမာန်ထဲ လာထိုင်ကြပြီး အလောင်းစဉ်ပေါ်က စီတန်းနေတဲ့ ခေါင်း ၃ လုံးကိုကြည့်ကာ ငိုင်နေကြတယ်။ အသံတိုးတိုးနဲ့ သူတို့ရဲ့ဂုဏ်ကျေးဇူးတွေကို ဖော်ထုတ်နေကြတယ်။ မမေ့နိုင်စရာတွေပါလေ …

၎။ ရဲဘော် ထွန်းမြင့် (ဒုတိယ အသုတ်)

မဲကြီးကျသွားတဲ့အချိန်မှာ သူ့ရဲ့ခြေတွေလက်တွေ အေးနေပြီ … လေ၊ ဒါဟာ ကျတော့မယ့် လက္ခဏာပဲ၊ ဆရာ ရာဂျန်ဟာ သူ့ခြေရင်းမှာထိုင်ပြီး ခြေထောက်ကလေးတွေကို ဆုပ်နယ်ပေးနေတယ်၊ အတွေးအခေါ်လုပ်ငန်းလည်း တဖက်က လုပ်ပေးနေရှာတယ်။
“ရဲဘော်ထွန်းမြင့် ခြေထောက်တွေတောင် အတော်အေးနေပြီ၊ နွေးသွားအောင် အဝတ်နဲ့ပတ် စောင်ခြုံပေးထားပါ”လို့ စောင့်ရှောက်နေသူ ရဲဘော်တဦးကို ခိုင်းလိုက်တယ်။

ဒါကို သူကြားတော့ “ဆရာရယ် … ကျနော့် ခြေတွေလက်တွေအေးနေပေမယ့် ကျနော့် နှလုံးသားက မော်စီတုန်းအတွေးအခေါ်နဲ့ နွေးထွေးနေဆဲပါ” … လို့ ခပ်ယဲ့ယဲ့ ပြောလိုက်ပါတယ်။ သူဟာ မှတ်တမ်းရေး မသွားပါဘူး၊ ၄၃ ရက်မြောက်တဲ့နေ့ သူ ကျဆုံးသွားပါတယ်။

အင်တာနေရှင်နယ်ဆိုပြီးတာနဲ့ မိုးတွေသည်းသည်း၊ လေပြင်းပြင်းမှာ ဘူးဝကို ထွက်ခဲ့ကြတယ်။ သူ့အတွက် စွဲချက်တွေတင်၊ ကြွေးကြော်သံတွေတိုင်အပြီး အဆောင်တွေဘက် ပြန်အလှည့်၊ လမ်းတဝက်လည်းရောက်ရော …

အားလုံးသတိ !
အင်တာနေရှင်နယ် စ,ဆို !

… ဆိုတဲ့အသံ ကြားလိုက်တာနဲ့ သိလိုက်ပါပြီ၊ ရဲဘော် စိန်ချင်းတယောက်လည်း ကျသွားပါပကော …။

ချက်ချင်း ပြန်လှည့်လိုက်ကြပြီး ရင်တွေ၊ နှလုံးတွေ အက်ကွဲစွာနဲ့ စွဲချက်တွေတင် ကြွေးကြော်သံတွေ တိုင်ကြရပြန်ပြီ … လေ။

ရဲဘော် ထွန်းမြင့်က စာရေးဝန်ထမ်း၊ ကလေး ၂ ယောက်ဖခင် ဖြစ်ပါတယ်။ အေးအေးဆေးဆေး တည်တည်ငြိမ်ငြိမ်နေတတ်တယ်။ မျက်နှာရဲ့ထူးခြားချက်က အမြဲပြုံးနေတာ ဖြစ်တယ်။ အဆောင် ၄ ကဖြစ်ပြီး ညနေ ညနေမှာ အဆောင် ၈ နဲ့ ၉ အကြားရှိ နှစ်တန်းဘားစင်ပေါ်မှာ အမြဲတွေ့ရတတ်တယ်။ တွေ့ကြရင် ရွှေသွားလေးပေါ်အောင် ပြုံးပြတတ်တာကလွဲလို့ စကားများများပြောလေ့ မရှိ၊ မျောက်ရှုံးတဲ့ ကျနော်တို့နဲ့ အတွဲမညီလှ၊ သူက လူကြီးဆန်ပါတယ်။

၅။ ရဲဘော် စိန်ချင်း (ဒုတိယ အသုတ်)

တိုက်ပွဲဆောင် ၂ မှာ ရဲဘော် ထွန်းမြင့်နဲ့ ဘေးချင်းယှဉ်အိပ်နေသူ၊ ဆရာ ရာဂျန်ကို သူပြောခဲ့တဲ့ စကားတခွန်း (ခြေမကြီး သစ္စာဖောက်သွားတဲ့အချိန်က) ကျနော်တို့ ကြားထားကြပြီး ဖြစ်တယ်။

“ကျနော်ကတော့ အလုပ်သမားလူတန်းစားရဲ့ ဂုဏ်သိက္ခာကို ညှိုးနွမ်းအောင် ဘယ်တော့မှ မလုပ်ဘူး ဆရာ” … တဲ့။

သူရဲ့တိုက်ပွဲဝင်ရက် ၄၃ ရက်မြောက်တဲ့နေ့မှာ ကျဆုံးသွားရှာတယ်။ သူက ပခုက္ကူဘက်မှ ဖြစ်ပြီး အလုပ်ကြမ်းစုံအောင် လုပ်ခဲ့သူဖြစ်ပါတယ်။ သူ့ဘဝ ဖြတ်သန်းမှုတွေ ဘယ်လောက် ကြမ်းတမ်းတယ်၊ တွေ့ရတဲ့ လူ့အလွှာအမျိုးမျိုးတွေရဲ့စရိုက်တွေက ဘယ်လို ဆိုတာတွေ ပြောပြတတ်တယ်။ စက်ဆုပ်ရွံရှာဖွယ်၊ ကျောချမ်းဖွယ်ရာတွေ မယုံကြည်လောက်စရာတွေ အများအပြားပါ။

အလုပ်ကြမ်းသမားဆိုပေမယ့် ဂီတအနုပညာဘက်မှာ တိမ်းညွတ်မှုရှိတယ်။ တယော ကောင်းကောင်း ထိုးတတ်တယ်။ တိုက်ပွဲတွင်းမှာပဲ (ထင်တယ်) သူစပ်သွားတဲ့ သီချင်းလေးတပုဒ်ဟာ ရဲဘော်တွေရဲ့ရင်ကို အတော်လေး စွဲခိုက်စေခဲ့တယ်။

လူကြမ်းကြီးရဲ့ ရင်ထဲကထွက်လာတဲ့ ဒီ တော်လှန်ရေး တေးကလေးဟာ နူးညံ့လှပလွန်းနေပါတယ်။
တိုက်ပွဲတွင်းက သူ့ပြောစကားလေးကိုပဲ အာဇာနည်ဗိမာန်မှာ ဆွဲချိတ်ထားလိုက်ကြရပါတယ်။

အဆုံးအဖြတ်အခန်း

ကျနော်မှန်းထားတဲ့ ၅ ယောက်စေ့သွားပါပြီ၊ ကျန်အများစုကလည်း နေ့ချင်းညချင်း ကျသွားနိုင်ကြတဲ့ အခြေအနေ … ။

ဘာလုပ်ကြမလဲ၊ ခေါင်းပူအောင်စဉ်းစားကြတယ်။ ရဲဘော် အုံးမော်ကျပြီးကတည်းက ကျနော့် ခေါင်းထဲ စီမံကိန်းတခု ဝင်နေတာရှိခဲ့တယ်။ ညတည အာဇာနည်ဗိမာန်မှာ အိပ်ရာ မဝင်သေးတဲ့ ရဲဘော်တစုထိုင်နေကြစဉ် တင်ပြလိုက်တယ်။

ဒီ ရဲဘော်တွေကယ်ဖို့ နည်းတနည်း စဉ်းစားမိတယ်။ “သူတို့ကို အမီလိုက်ဖို့ပဲ၊ အဖိုးကြီးတွေနဲ့ မကျန်းမာသူတွေ ချန်ပြီး ကျန်တဲ့ လူတွေ ရေပါဖြတ် တိုက်ပွဲဝင်ရမယ်”

အားလုံးငြိမ်သွားကြတယ်။ မဖြစ်နိုင်ဘူးထင်သူရယ်။ စဉ်းစားတွက်ချက်နေသူရယ်။ သူတို့ က အများစု … တဦး နှစ်ဦးက ပစ်ထောက်ခံတယ်။

နောက်နေ့ ဖိုးသံကို ဆွေးနွေးတော့ “စဉ်းစဉ်းစားစားလည်း လုပ်ပါ AN ရာ၊ Striker တွေကို ဘယ်သူပြုစုမလဲ” တဲ့။

“တခြားအဖွဲ့အစည်းတွေကို အကူအညီတောင်းမှာပေါ့” လို့ပြောပေမယ့် သူက လက်ခံပုံ မပြ။

ကိုအောင်ဘော်၊ ကိုညွန့်ခေါင်၊ ကိုဇော်တို့ကတော့ “ချလိုက်လေ ကြာသလား” သဘောထား ပေးသူတွေပါ။
၅ ယောက်စေ့သွားတဲ့ရက်မှာ အဖိုးကြီး ၂ ယောက်ဆီသွားပြီး တင်ပြမိပြန်တယ်။ တိုက်ပွဲရဲ့တက်မကိုင်ဖြစ်တဲ့ ရဲဘော် ဗိုလ်အုန်းမောင်က …

“မဖြစ်ဘူးထင်တယ်။ အဲဒီလို ဝင်လိုက်မှ ရန်သူက ‘ဒီကောင်တွေ သူတို့လူတွေသေမှာ သိပ်စိုးနေကြပြီ။ လျှော့ဈေးနဲ့တိုက်ပွဲလှန်နိုင်တယ်’ လို့ တွက်သွားနိုင်တယ်။ ပိုအကျအဆုံး များသွားလိမ့်မယ်” လို့ တုံ့ပြန်တယ်။

(ခု ပြန်စဉ်းလိုက်တော့ တကယ့်ကို အန္တရာယ်ကြီးပါလား)

ဒီလိုနဲ့ ရှည်လျားလှတဲ့ နေ့တာ ညတာတွေကို ခဲခဲယဉ်းယဉ်း ဖြတ်သန်းနေကြရပြန်တယ်။ တနေ့ပြီး တနေ့ … တညပြီး တည …
အာဏာပိုင်တွေကလည်း တိုက်ပွဲလှန်နိုးနိုးနဲ့ စောင့်ကြည့်နေပါတယ်။ တကယ်က သူတို့လည်း ချောက်ချားနေကြပါပြီ။ ဒါကို အပြင်ဘက်စခန်းမှာနေတဲ့ မလညပ ရဲဘော်တယောက် ပစ်သွင်းလိုက်တဲ့ စာအရ သိရတယ်။

နောင်မှာ စကားပြောခွင့်ရတဲ့ ဝါဒါတွေပြောတာမှာလည်း ဒီ အချက်ထင်ရှားတယ်။

“ခင်ဗျားတို့တော့ မသိဘူး၊ ကျွန်တော်တို့တော့ ရူးကုန်မလား ထင်မိတယ်။ အိပ်မရ စားမရပါပဲ၊ အင်တာနေရှင်နယ် သီချင်းသံကြားပြီဆိုရင် ဆက်နားမထောင်ရဲတော့ဘူး၊ နားတွေ ပိတ်ထားရတယ်”… တဲ့။

ပထမ အသုတ် တိုက်ပွဲဝင်ရက် ၅၃ ရက်မြောက်တဲ့နေ့မှာ ထောင်အာဏာပိုင်တချို့ တိုက်ပွဲဆောင်ထဲ ရောက်လာတယ်။
“သပိတ်မလှန်သေးဘူးလား” … လို့မေးပါတယ်။ ပါတီကော်မတီဝင် ခေါင်းဆောင်တဦးဖြစ်တဲ့ ရဲဘော် ဖေအောင် (သခင် ခင်အောင်တူ)က “ကျနော်တို့ တောင်းဆိုတာကိုပေးလေ၊ မပေးရင် မလှန်ဘူးပဲ” လို့ ဖြေပါတယ်။

“ခု ၅ ယောက်ရှိသွားပြီ၊ ထပ်သေကုန်ပါဦးမယ်ဗျာ”လို့ ခြောက်ပြန်ပါတယ်။

ကိုဖေအောင်က ခန်းဆီးတွေ၊ ခြင်ထောင်တွေကို လှပ်လိုက်ပြီး
“ဟောဒီမှာ ကြည့်သွား … နောက်ထပ် အသေခံဖို့ တန်းစီနေတဲ့ ရဲဘော်တွေ...”

ဒီတော့မှ အာဏာပိုင်တွေအနေနဲ့ “ဒီကောင်တွေ တယောက်မကျန် အသေခံတော့မှာပါလား” လို့ စဉ်းစားမိသွားကြဟန်တူတယ်။ Striker တွေရဲ့ မျက်နှာတွေကို သူတို့ ရဲရဲတောင် မကြည့်ရဲ၊ လွှဲထားကြတယ်။

“ကဲ … သပိတ်လှန်လိုက်ကြပါတော့ ကိုယ်ထူကိုယ်ထ ဖျက်သိမ်းပေးပါမယ်”လို့ လျှောချလိုက်ပါတယ်။

“ဒီလိုဆိုရင် စာရွက်စာတမ်းနဲ့ လက်မှတ်ထိုးပေး …”လို့ ကျနော်တို့ဘက်က အခိုင်အမာရအောင် တောင်းဆိုကြပြန်တယ်။

“ဟာ … ဒါကတော့ … ကျနော်တို့ လုပ်ပိုင်ခွင့် မရှိဘူး၊ မနက်ဖန် နေဗီစခန်းဘက် ကျနော်တို့ သွားယူပေးမယ်။ ခင်ဗျားတို့က သပိတ်လှန်နှင့်ပေါ့ …”လို့ ပြောကြပြန်တယ်။

ကျနော်တို့ခေါင်းဆောင်တွေကလည်း လက်မှတ်ထိုးပေးပြီးမှ တိုက်ပွဲလှန်မယ့်အကြောင်း တည်တည်ငြိမ်ငြိမ်ပဲ အဖြေပေးလိုက်ကြတယ်။
ဒီလိုနဲ့ တမိုးချုပ်သွားခဲ့ပြန်တယ်။
ဒီညမှာ ကျနော်တို့ တမှေးမှ အိပ်မရ၊ ရှည်လွန်းတဲ့ ညတာရယ် ကုန်နိုင်ခဲပါဘိ … တသက်မှာ တခါကြုံရတဲ့ည … စက္ကန့်တိုင်း ရပ်ဆိုင်းရပ်ဆိုင်း ဖြစ်နေသလားထင်ရလောက်အောင် နှေးကွေးလွန်းတဲ့ည။

Striker တွေကတော့ ထူးခြားမှု မပြ၊ မှိန်းမြဲမှိန်းနေကြလျှက်ပါ။

ဆက်လက်ဖော်ပြပါမယ်။

Monday, February 16, 2009

ကျနော် မေ့သွားတယ်

ဒါပေမယ့်လည်း ကျနော်တို့ လုပ်ဆောင်ခဲ့ပုံတွေကတော့ ကွဲပြားလျက်ပါ။

တချို့ကို စိတ်ဝင်တစား လုပ်ခဲ့တယ်။ တချို့ကို ဝတ်ကျေတန်းကျေ လုပ်ခဲ့တယ်။

တချို့ကို အာရုံမစိုက်ဘဲ လုပ်ခဲ့တယ်။ တချို့ကိုတော့ ကြုံကြိုက်တုန်း လုပ်လိုက်တယ် … စသဖြင့်ပေါ့။

အဲဒီလို ကွဲပြားတဲ့လုပ်ဆောင်မှုတွေအတိုင်း ရလဒ်တွေကလည်း ကွဲပြားနေတာပါပဲ။


ရှက်စရာလား၊ ရယ်စရာလား မကွဲ ပြားတဲ့ အတွေ့အကြုံကလေးတခု ကျနော့်မှာ ရှိခဲ့ပါတယ်။ အဲဒါက ကျနော် မေ့လျော့သွားတဲ့ ဖြစ်ရပ်ကလေးပေါ့။


ဟိုး … ရှေးရှေးတုန်းကလို့ မဆိုနိုင်ပေမယ့် တော်တော်ကြာခဲ့ပါပြီ။ အချိန်က အဆင့်မြင့်ရုပ်ရှင်ရုံတွေ မရှိသေးဘဲ လက်မှတ်မှောင်ခိုရောင်းချတာတွေ တွင်ကျယ်နေတဲ့အချိန်၊ ကျနော်ကလည်း ကိုယ်ကြည့်ချင်တဲ့ ရုပ်ရှင်ကား ဆိုရင် အကြိတ်အနယ် တိုးဝှေ့ပြီး လက်မှတ်ဝယ်ဖို့ ဝန်မလေးတဲ့အရွယ်။ အဲဒီအခါတုန်းကပေါ့။


ရုပ်ရှင်ရုံကိုသွားတာက ကျနော်ရယ်၊ ကျနော့်အမေရယ်၊ ကျနော့်တူမလေး တယောက်ရယ်ပါ။ ရုပ်ရှင်က ဘာကားလဲတော့ မမှတ်မိပါဘူး။ လူကတော့ တော်တော်ကိုများတယ်။ အချိန်စောစော ရောက်သွားတာတောင် ကိုယ့်ရှေ့မှာ လူက အများကြီး။


ဒီတော့ လက်မှတ်ရောင်းတဲ့ အချိန်လည်းရောက်ရော တိုးကြပါလေရော။ နဂိုက တန်းစီနေတဲ့သူတွေအပြင် ဘေးကနေ ကြားဖြတ်တိုးတဲ့သူတွေကလည်း အများကြီးဆိုတော့ တကယ့်ကို အကြိတ်အနယ်ပါပဲ။


ကိုယ့်ပိုက်ဆံနဲ့ကိုယ် အပင်ပန်းခံပြီး ချွေးထုတ်တဲ့ အတွေ့အကြုံတွေပေါ့။ အဲဒီလို တိုးရင်းနဲ့လည်း ကိုယ့်နေရာပျောက်ပြီး တန်းစီထားတဲ့နေရာရဲ့အပြင်ကို ရောက်သွားမှာ၊ ကြားဖြတ်မယ့်လူ ဝင်လာမှာတွေကို စိုးရိမ်တကြီး ဖြစ်နေရပါသေးတယ်။


ဒီအခါ ကျနော်က မမေ့သင့်တဲ့အရာကို မေ့သွားပါတော့တယ်။ အဲဒါကတော့ ကျနော်နဲ့အတူ ပါလာတဲ့ ကျနော့်တူမလေးပါ။ ၁ဝ နှစ်တောင် မပြည့်သေးတဲ့ကလေးဟာ တိုးဝှေ့နေတဲ့လူအုပ်ကြားမှာ မျက်လုံးလေး ကလည်ကလည်နဲ့ ညပ်နေလို့ ကျနော့်နောက်က အမျိုးသမီးတချို့က “ဟဲ့ ဒီမှာ နင့် ကလေး ညပ်နေပြီ”လို့ ပြောကြပါတယ်။


ဒါပေမယ့် ကျနော်ကတော့ “ဘယ်က နင့်ကလေးလဲ။ အပိုတွေလုပ်မနေနဲ့”လို့ ရန်တွေ့ရင်း ရုပ်ရှင်လက်မှတ်ရဖို့ပဲ အာရုံစိုက်နေမိပါတယ်။ ကလေးကတော့ ကျနော့်အမေနဲ့အတူ လူအုပ်ကြားထဲမှာညပ်ရင်း ယိမ်းထိုးနေရှာတာပေါ့။ ဒါကိုမြင်ပြီး သနားလို့ နောက်က အမျိုးသမီးတွေက ထပ်ပြောတော့လည်း ကျနော်က ထပ်ပြီး ရန်လုပ်လိုက်တာပါပဲ။


နောက်ဆုံး ကလေးက ငိုမဲ့မဲ့ မျက်နှာကလေးနဲ့ ကျနော့်ကိုခေါ်လိုက်မှ သတိရသွားပြီး စိတ်မကောင်း ဖြစ်မိရပါတယ်။


ဒါက ကျနော့်ရဲ့ မဟာမေ့လျော့မှုကြီးတခုပါပဲ။ ဒီတခုတည်းလားဆိုတော့ မဟုတ်ပါဘူး။ အိမ်နေရင်း ဝတ်ထားတဲ့ အဝတ်အစားအစုတ်ကြီးနဲ့ ရန်ကုန်မြို့ထဲ ထွက်ဖြစ်တာ၊ ပိုက်ဆံမေ့ကျန်ခဲ့လို့ ဈေးဆိုင်ရောက်ခါနီးမှ ပြန်လှည့်လာရတာတွေ စတဲ့ မေ့လျော့မှု ပေါင်းများစွာ ရှိခဲ့ပါတယ်။


မေ့လျော့တဲ့အတွက် တခုခုလွဲချော်သွားခဲ့မယ်ဆိုရင်တော့ ပုံမှန်စကားလေးတခွန်းကိုပဲ အဖော်ပြုကြတယ် မဟုတ်လား။ “ကျနော် မေ့သွားတယ်” “ကျမ မေ့သွားတယ်”ပေါ့။


ဒီလို မေ့လျော့ခြင်းတွေက ဘာကြောင့်ဖြစ်ရပါသလဲ။ မှတ်ဉာဏ်အားနည်းလို့ဆိုတဲ့ အပြောမျိုးတွေကိုတော့ ကြားနေရပါတယ်။ ဒါပေမယ့် အဲဒီစကားက အလုံးစုံ မမှန်ဘူးလို့ ထင်မိပါတယ်။ ကျနော်တို့ကိုယ်တိုင်က ကိုယ့်ရဲ့အာရုံစူးစိုက်မှုအပေါ် ထိန်းချုပ်နိုင်စွမ်း အားနည်းတာကြောင့်သာ မေ့လျော့တာက များလိမ့်မယ်လို့ ယူဆပါတယ်။


အထူးသဖြင့်ကတော့ လတ်တလော အာရုံစိုက်ရမယ့်အရာကို တခြားအရာတွေနဲ့ အစားထိုးလိုက်လို့ ဖြစ်ပါတယ်။ လူကြီး သူမတွေပြောတတ်ကြတဲ့ “စိတ်နဲ့ကိုယ် မကပ်ဘူး”ဆိုတဲ့ သဘောမျိုးဖြစ်မယ်ထင်ပါရဲ့။


ခရီးတခုကို ကျနော်တို့က ကားမောင်းပြီး သွားကြတယ်ဆိုပါစို့။ လတ်တလော ကျနော်တို့ အာရုံစိုက်ကြရမှာက ကားလမ်းတလျှောက်က အနေအထားတွေ၊ ကိုယ်မောင်းနေတဲ့ကားရဲ့ အခြေအနေတို့ ဖြစ်ပါတယ်။


ဒါပေမယ့် ကျနော်တို့က ကိုယ့်အိမ်က အကြောင်းအရာတွေ၊ အလုပ်ထဲက အဖြစ်အပျက်တွေ၊ အပေါင်းအသင်းများနဲ့ ပတ်သက်တာတွေ စသဖြင့် စဉ်းစားတွေး တောမိတတ်ကြပါတယ်။ ဒီကြားထဲ လမ်းဘေးက ရှုခင်းကောင်းကောင်း၊ မြင်ကွင်းလှလှကလေး တွေ့လိုက်ရင်လည်း ငေးလိုက်ချင်သေး။


ဒီတော့ မဖြစ်သင့်တာတွေကို ဖြစ်ကုန်ကြတာပေါ့။ ဒီလိုအတွေးများနဲ့ ကားမောင်းတဲ့သူတွေကတော့ ရုပ်ရှင်တွေထဲမှာ ဆေးရုံရောက်သွားကြတာ အများကြီးပါပဲ။ အပြင်မှာလည်းရှိနေမှာ အသေအချာပါပဲ။ ကိုယ့်ကိုယ်ကိုယ် တိုက်တွန်းသင့်တာကတော့ “သားရေး သမီးရေး အိမ်ထောင်ရေး … ကိစ္စအဝဝ … တွေးရင်း တောရင်း ငေးရင်းမောရင်း … မမောင်းနဲ့ဗျ” ဆိုတဲ့ ယာဉ်စည်းကမ်းထိန်းသိမ်းရေး သီချင်းလိုပေါ့။


ကျနော်တို့ဘဝမှာ လုပ်ချင်ကိုင်ချင်တာ၊ လုပ်မယ်ကိုင်မယ်လို့ ဆုံးဖြတ်ချက်ချထားတာတွေက အများကြီးပါ။ အဲဒါတွေကို အနည်းနဲ့အများ ကျနော်တို့က လုပ်ဆောင်ခဲ့ကြတာပါပဲ။


ဒါပေမယ့်လည်း ကျနော်တို့ လုပ်ဆောင်ခဲ့ပုံတွေကတော့ ကွဲပြားလျက်ပါ။ တချို့ကို စိတ်ဝင်တစား လုပ်ခဲ့တယ်။ တချို့ကို ဝတ်ကျေတန်းကျေ လုပ်ခဲ့တယ်။ တချို့ကို အာရုံမစိုက်ဘဲ လုပ်ခဲ့တယ်။ တချို့ကိုတော့ ကြုံကြိုက်တုန်း လုပ်လိုက်တယ် … စသဖြင့်ပေါ့။ အဲဒီလို ကွဲပြားတဲ့လုပ်ဆောင်မှုတွေအတိုင်း ရလဒ်တွေကလည်း ကွဲပြားနေတာပါပဲ။


အများသိတဲ့အတိုင်း ဘယ်သူမဆို ဇောက်ချပြီး တစိုက်မတ်မတ် လုပ်ကိုင်တဲ့ အလုပ်တွေမှာ ကျွမ်းကျင်လာကြသလို အာရုံစူးစိုက်မှုရှိမှသာ အမှားအယွင်းနည်းမှာလည်းဖြစ်ပါတယ်။ ဒါတွေကို လူတိုင်းလိုလို သိရှိပြီးဖြစ်ပေမယ့် လူတိုင်းလိုလို အမှုမထားဘဲ နေတတ်ကြတာပါပဲ။ ဒီတော့ မေ့ကြတာပေါ့။


ဘဝဆိုတာ တိုတောင်းတဲ့အချိန်ကာလပေါင်းများစွာနဲ့ ဖွဲ့တည်ထားတာ ဖြစ်ပါတယ်။ ဒါကြောင့်မို့ အဲဒီ တိုတောင်းတဲ့ ကာလတွေအတွင်းက မေ့လျော့မှုများကို ဂရုတစိုက် ထိန်းသိမ်းနိုင်မယ်ဆိုရင်တော့ ဘဝကိုလည်း ထိန်းသိမ်းပြီးသားဖြစ်မယ်လို့ ကျနော်က တွေးမိပါတယ်။ ဒါပေမယ့်လည်း “ကျနော် မေ့သွားတယ်”လို့ မပြောဖြစ်အောင် ကျနော်ကိုယ်တိုင် ထိန်းရဦးမှာပါ။


ထိန်လင်း

၂၄၊ ၇၊ ၂ဝဝ၃

ရေစီးသံဂျာနယ်

အတွဲ ၇၊ အမှတ် ၅

သြဂုတ်လ ၁ ရက်၊ ၂၀၀၃ ခုနှစ်


Saturday, February 14, 2009

စစ်အုပ်စု သက်တမ်းရှည်နေသရွေ့- ၁၄



ကျွန်းအာဇာနည်များ
၁။ ရဲဘော် သိန်းကြည် (ပထမ အသုတ်)

မုန်တိုင်းက မစဲ၊ မိုးက မပြတ်၊ ရာသီကအေး, အေးလာရင်းက ရဲဘော် သိန်းကြည်တယောက် အအေးမိ သွားခဲ့တယ်။ သူ့အသက်ရှူသံဟာ ပြင်းသည်ထက် ပြင်းလာခဲ့တယ်။ သူ့ရင်အုံဟာ ဖားဖိုကြီးလို ပိန်လိုက် ဖောင်းလိုက်နဲ့၊ လေရှူသံ နှာမှုတ်သံက တခန်းလုံးကို လွှမ်းနေပါတော့တယ်။

မုန်တိုင်း ခဏငြိမ်သွားတဲ့အခိုက်ဆိုရင် တခြားအခန်းတွေကပါ ကြားကြရတယ်။ ကျနော်တို့ ဘယ်လိုလုပ် အိပ်လို့ရပါတော့မတုန်း။ နာကျင်မှုဝေဒနာတွေ ကိုယ်စီနဲ့အမျှပါ။ ဒီလိုဖြစ်နေတာ ၃-၄ ရက်ရှိသွားခဲ့ပြီ။

တိုက်ပွဲဝင်ရက် ၃၇ ရက်အရောက် ထူးထူးခြားခြား နေသာနေပါတယ်။ မရတော့မှန်း သိလာကြတော့တဲ့အခါ … ညနေခင်း တိုက်ပွဲဆောင် ၁ ရဲ့ အနောက်တောင်ထောင့် ငှက်ပျောပင်အောက်က တယောသံလေးတသံ ထွက်လာခဲ့တယ်။ တမြှင်းမြှင်းထွက်လာတဲ့ တေးသွားက အင်တာနေရှင်နယ် သီချင်းသံ …။

တယောပြားလေး မေးအောက်မှာထားပြီး ဝမ်းနည်းကြေကွဲဆို့နစ်စွာ တေးသွားကို ဖော်ကျူးနေသူ ရဲဘော်မြင့်သောင်း (ဒူးချက်ဖ်) ရဲ့မျက်လုံးထဲမှာ မျက်ရည်တွေ ဝိုင်းလို့ …။

ဒီ တေးသွားကို ရုတ်တရက် ဖြတ်တောက်ပစ်လိုက်တာက “သတိ” ဆိုတဲ့အမိန့်ပေးသံ …

တခန်းလုံးရှိ ရဲဘော်တွေ ရောက်ရာအရပ်မှာ သတိဆွဲ ရပ်လိုက်ကြတယ်။ “အင်တာနေရှင် နယ်သီချင်း စ,ဆို” ဆိုတဲ့အသံ ဆက်ပေါ်လာတာနဲ့ အင်တာနေရှင်နယ်သီချင်းသံဟာ တကျွန်းလုံးကို ဖုံးလွှမ်းသွားပါတော့တယ်။

သီချင်းလည်းဆုံးရော … ဘူးဝ သွား။ အာဏာပိုင်တွေကို ခေါ်။ လက်ညှိုးငေါက်ငေါက်ထိုးပြီး ကြွေးကြော်သံတွေကို တိုင်ကြတယ်။

ရဲဘော် သိန်းကြည်ကို သတ်တာ … … (စစ်အစိုးရ၊ စစ်အစိုးရ)
ဖိနှိပ်ချုပ်ခြယ်မှု … … (အလိုမရှိ၊ အလိုမရှိ)
ကိုယ်ထူကိုယ်ထ … … (ဖျက်သိမ်းပစ်၊ ဖျက်သိမ်းပစ်)

ရဲဘော်တယောက်ကျတိုင်း တနာမည်တိုးပြီး ဒီပုံစံအတိုင်း ကျနော်တို့ ကြွေးကြော်ခဲ့ကြတယ်။

ရဲဘော် သိန်းကြည်ရဲ့ရုပ်အလောင်းကို ကျပ်စီးလိုက်တယ်။ ရဲဘော်တချို့စခန်းသစ်ဘက် ထွက်သွားပြီး၊ သွပ်ပြားတွေ ခွာ၊ အိပ်စင်ပျဉ်တချို့ ဖြုတ်ယူလာခဲ့တယ်။ နောက် စခန်းတွင်း အလယ်အူကြောထဲမှာ အာဇာနည်ဗိမာန်တခု ထူဆောက်လိုက်တယ်။ အထဲမှာ ခါးလောက်မြင့်တဲ့ တိုင်တွေစိုက် တန်းရှည်ကြီး နှစ်တန်း ပစ်ထားပါတယ်။ အလောင်းစင်ပါ။

ခွာလာတဲ့ သွပ်ပြားတွေကို ခေါင်းရိုက်၊ ပြာတွေထည့်၊ ရဲဘော်သိန်းကြည်ရဲ့ရုပ်ကလာပ်တင် ပြာဖုံး၊ သွပ်ပြားအဖုံးနဲ့ ပိတ်လိုက်ကြကာ စင်ပေါ်ထိပ်ဖျားမှာ တင်လိုက်ကြပါတယ်။

ရဲဘော် သိန်းကြည် တိုက်ပွဲကာလအတွင်း ဖြစ်ချင်တဲ့ ဆန္ဒ၊ ပြောခဲ့တဲ့ သြဝါဒ၊ မှာခဲ့တဲ့ စကားတွေထဲက တချို့ကို ပိုစတာရေးပြီး ဗိမာန်ရှေ့မှာ ထောင်ထားပါတယ်။ အထင်ရှားဆုံးကတော့ …

‘ဆံချည်တမျှင်တောင် နောက်မဆုတ်နဲ့ ဆက်တိုက် …’ဆိုတာပဲ၊ ဒါဟာ သူ့ရဲ့ နောက်ဆုံး စကားလည်း ဖြစ်ပါတယ်။

သူ့ရဲ့ ကိုယ်ရေးရာဇဝင်ကို ချက်ချင်းပြုစုပြီး ကျန်ရဲဘော်တွေကို ဖတ်ပြရတယ်။ သူဟာ အိမ်ထောင်ရှင် တဦးဖြစ်တယ်။ ကိုကိုးကျွန်းပါတီ ဂီတဝိုင်းရဲ့ ဂီတမှူးဖြစ်တယ်။ မာမာအေးကို ပထမဆုံး စင်တင်ပေးတဲ့အထဲမှာ သူလည်းတယောက် အပါအဝင်လို့ သိရတယ်။

အချက်အပြုတ်၊ မုန့်ဖုတ်ကောင်းလို့ ရဲဘော်တွေက သူ့ကို ‘အမေကြည်’လို့ ခေါ်ကြတယ်။ အခမ်းအနားတွေတိုင်း သူ့လက်ရာ မုန့်တွေ တဝတပြဲစားကြရတယ်။ ကျွန်းမှာ သီချင်းတချို့စပ်သွားခဲ့တယ်။ အင်းစိန်ထောင်ထဲ မှာလည်း စပ်ခဲ့တယ်။ သူ စပ်ဆိုသွားတဲ့ တော်လှန်ရေးသီချင်းတွေကို အဆင့်ရှိတဲ့သီချင်းတွေလို့ ဂီတနားလည်သူတွေက ပြောပါတယ်။ ဒါကြောင့်လည်း ရဲဘော်တွေ နှုတ်ဖျားမှာ သူ့သီချင်းတွေ ပျံဝဲနေတာပါ။ စစ်ချီသီချင်းတပုဒ်ဆိုလျှင် အခမ်းအနားတိုင်းမှာ မပါလျှင်မပြီး။

ရဲဘော် သိန်းကြည်ကျဆုံးပြီးနောက်တနေ့မှာ ကျွန်းအာဏာပိုင်တစု လက်ကိုင်အသံချဲ့စက်ကလေးကိုင်ပြီး အလုပ်ရှုပ်နေကြောင်း ကင်းက သတင်းပို့တယ်။ မကြာခင် …။

“ထိန်းသိမ်းအားလုံး ဘူးဝမှာ စုပေးကြပါ။ ပြောစရာရှိတယ်။ ပြောစရာရှိတယ်” … ဆိုတဲ့ အသံ ပေါ်လာပါတယ်။ စပီကာက မကောင်းတော့ အသံထွက်လာပုံက ပြတ်တောင်းပြတ်တောင်း ဖြစ်နေပါတယ်။ အကြိမ်ကြိမ် အော်ခေါ်နေတာပါ။

ပါတီရဲ့ မေတ္တာရပ်ခံချက်အရ ဘယ်သူမှ မသွားကြ။

ဒီတော့မှ ရေတပ်က ဗိုလ်မှူးဟန်တွဲ့ ခေါင်းဆောင်တဲ့ အာဏာပိုင်တစု သက်တော်စောင့်တချို့ခြံရံပြီး ကြောင်စီစီနဲ့ ဝင်လာပါတယ်။ တဆောင်ပြီးတဆောင် ဝင်နှုတ်ဆက်ကြတယ်။ ဘယ်သူကမှ စိတ်ဝင်စားဟန် မပြကြ။

“တိုက်ပွဲ ရပ်ပေးကြပါ။ မကြာမီ ကျွန်းစခန်းဖျက်သိမ်းပေးပါ့မယ်။ ကြားကာလမှာတော့ ကိုယ်ထူကိုယ်ထ ဆက်လုပ်ပေးကြပါ”… လို့ ရင်းရင်းနှီးနှီး ပြောတယ်။

သူတို့ စ,ဝင်တဲ့ အဆောင်တွေက တခြားအဖွဲ့အစည်းတွေရဲ့ အဆောင်တွေပါ။ အထဲမှာရှိတဲ့ ထိန်းသိမ်းတွေက “အခု တိုက်ပွဲဝင်နေတာ ဗမာပြည်ကွန်မြူနစ်ပါတီက ဖြစ်ပါတယ်။ ကျနော်တို့က ထောက်ခံတယ်။ တိုက်ပွဲ ရပ်, မရပ် သူတို့နဲ့ပဲ စကားပြောပါ”… လို့ ပြောလွှတ်လိုက်ပါတယ်။

ပါတီအဆောင်တွေထဲ ရောက်တော့လည်း “ခေါင်းဆောင်တွေရှိပါတယ်။ သူတို့နဲ့ သွားပြောကြပါ” … လို့ ခါ,လွှတ်လိုက်တယ်။ ဘယ်သူမှ သူတို့ကို ဂရုပြုဟန် မပြ၊ လုပ်စရာရှိတဲ့ အလုပ်ပဲလုပ်နေကြတယ်။

ဗိုလ်မှူးဟန်တွဲ့ဟာ သခင် ခင်အောင်နဲ့ ရင်းနှီးပါတယ်။ ဒါကြောင့် ရွှန်းရွှန်းဝေအောင် စကားတွေ ပြောနေတာ မြင်ရတယ်။ အန်ကယ်ကြီး သခင် ခင်အောင်ကတော့ တချက်ပဲ ဝတ်ကျေပြန်ပြုံးပြလိုက်တယ်။

ဒီလိုနဲ့ နောက်ဆုံးတော့ ခေါင်းဆောင်တွေရှိရာကို ရောက်လာကြတယ်။ သူတို့က သူတို့ ကမ်းလှမ်းချက်ကို ပြောပြကြတယ်။ ခေါင်းဆောင်တွေက လက်မခံ၊ “ပထမဆုံးအနေနဲ့ ကိုယ်ထူကိုယ်ထကို ဖျက်သိမ်းပေးပါ” … လို့ ပြန်တောင်းဆိုပါတယ်။ အပေးအယူ မတည့်ကြ။ တပ်ခေါက် ပြန်ထွက်သွားကြတယ်။

ရဲဘော်သိန်းကြည်ကို ဂုဏ်ပြုတဲ့သီချင်းကို ရဲဘော်တွေ စု,စပ်လိုက်ကြတယ်။ ပြီးတာနဲ့ တိုက်ပွဲဝင် ရဲဘော်များနဲ့ ကျန်ရဲဘော်များကို တီးမှုတ်ဖျော်ဖြေကြတယ်။ ရဲဘော်တချို့ မျက်ရည် မဆည်နိုင်။

တိုက်ပွဲအရှိန်ကတော့ မြင့်သည်ထက်မြင့်လာခဲ့ပြီ။

၂။ ရဲဘော် အုံးမော် (ပထမ အသုတ်)

သူဟာ ရန်သူ့ရေတပ်က မရိန်းတပ်သားတဦး ဖြစ်တယ်။ ရေတပ်သားဖြစ်ပြီး ရေမကူးတတ်လို့ အမြဲတမ်း ကျီစယ်နောက်ပြောင်တာ ခံနေရသူပါ။ ကျွန်းရောက်မှ ရဲဘော်တွေ ဝိုင်းသင်ပေးကြတယ်။ ဇွဲကောင်းကောင်းနဲ့ အဆက်မပြတ် လေ့ကျင့်ပါတော့တယ်။ အိုနာဆစ် သင်္ဘောကြီးကို ပတ်ကူးနိုင်တဲ့နေ့ကတော့ လက်ခုပ်သံ တဖြောင်းဖြောင်းနဲ့ သြဘာပေးခံခဲ့ရတယ်။

ဆက်သွယ်ရေးတပ်သားတွေဖြစ်ကြတဲ့ သူနဲ့ ကိုအောင်ထီ (ရခိုင်မှာ ပြောင်မြောက်စွာ ကျဆုံးသူ) က ရန်သူ့ကြားဖြတ်သတင်းတွေ ဖမ်းပေးခဲ့လို့ အများကြီး အကျိုးရှိခဲ့ပါတယ်။ ‘ပြည်သူ့အသံ’ကို စလွှင့်တဲ့ ပထမရက်မှာပင် မိအောင်ဖမ်းပေးနိုင်ခဲ့သူတွေပါ။

ရဲဘော် အောင်ထီက ပုပု၊ သူက အရပ် ၆ ပေ နီးပါးနဲ့ ထွားကျိုင်းသန်မာသူတယောက် ဖြစ်တယ်။ ဆန်ပြုတ်ကို ဘာလီချိုင့် တချိုင့် ကုန်အောင်သောက်နိုင်သူဖြစ်လို့ ရဲဘော်တွေက ‘ဆန်ပြုတ်ကြီး’ လို့ ချစ်စနိုးခေါ်ကြပါတယ်။ ဝမ်းတွေလျှောတဲ့အခါကျတော့ ‘ကိုပါကြီး’ လို့ ပြောင်းခေါ်ကြပြန်တယ်။

တပ်ထဲမှာ U-G လုပ်ကြရင်း ၆၇ -ခုနှစ်မှာ သူနဲ့ ကိုအောင်ထီကိုဖမ်းမိတော့ ရန်သူက အတော်တုန်လှုပ်သွားပါတယ်။ ဗကပ ယူဂျီဟာ တို့လက်ရင်းတပ်တွေထဲအထိ ရောက်နေပါလား … ဆိုပြီး အကြီးအကျယ်နှိပ်စက်ပါတယ်။

၆၈ ခုနှစ် ပဲခူးရိုးမထိုးစစ်နဲ့အတူ အကျဉ်းထောင်တွေမှာ ဖိနှိပ်မှု တွေလုပ်တုန်းက ဗကပ ရဲဘော်တွေ အလူးအလိမ့်ခံကြရတယ်။ အထူး ဦးစားပေးရန်သူ နံပါတ် ၁ သတ်မှတ်ပြီး အညှိုးထား ဖိနှိပ်တာပါ။

ရဲဘော် အုံးမော်ဆိုရင် ဝါဒါ နှစ်ယောက်က ခြေထောက်နှစ်ချောင်း တဖက်တချက်စီ ဒရွတ်ဆွဲပြီး အဆောင်ပေါ်က တိုက်ထဲရောက်တဲ့ အထိ ဆဲဆိုခေါ်သွားတာပါ။ တိုက်ထဲရောက်မှ တကိုယ်လုံး အသားတွေထဲဝင်နေတဲ့ ခဲလေးတွေ၊ သစ်တိုသစ်စလေးတွေ ထွင်ထုတ်ပစ်ရတယ်လို့ ပြောဖူးပါတယ်။

ရဲဘော်တွေကို ချစ်လိုက်တာ သံယောဇဉ်ရှိလိုက်တာကလည်း အရမ်း သူ့မှတ်တမ်းထဲမှာ ရဲဘော် သိန်းကြည် အလူးအလိမ့် ခံနေရတာကို မချိမဆန့် ရေးထားတယ်။ တနေရာမှာ … “ငါ အရင်ဆုံးကျမှ ဖြစ်မယ်။ ဒါမှ ကျန်ရဲဘော်တွေကို ကယ်နိုင်မယ်”… လို့ ဖော်ပြထားတယ်။ (ရဲဘော်တယောက် ကျတိုင်း သူတို့ ကိုယ်ရေး ရာဇဝင်နဲ့ မှတ်တမ်းတွေကို ဝါဒဖြန့်ချိရေး တာဝန်ပေးထားတဲ့ ကျနော့်ဆီ အပ်ထားပါတယ်)

ရဲဘော် သိန်းကြည် အသည်းအသန်ဖြစ်နေချိန် အရင်ကျသွားမှာစိုးလို့ ရေမသောက်ဘဲနေတဲ့ အကြောင်းလည်း ရေးထားတယ်။ ဒါကို စောစောက မရိပ်စားမိကြ နေ့စဉ် ပေါင်ချိန်နေရတာမို့ သူ့ ပေါင်ချိန်က ဒလဟော ကျလိုက် လာပါတယ်။ ပြုစုသူရဲဘော်တွေက သတိထားစောင့်ကြည့်ရာက သိသွားပြီး သတင်းပို့ပါတယ်။

ပါတီက ရေကို ပုံမှန်သောက်ရမယ်လို့ အမိန့်ပေးမှ ပြန်သောက်သူပါ။ တိုက်ပွဲဝင်ရက် ၄၆ ရက် စေ့တဲ့နေ့မှာ သူ ကျဆုံးသွားတော့ သူ့မှာ အသားအရေတွေ အများကြီး ကျန်နေပါသေးတယ်။ ခြောက်ကပ် မသွားပါဘူး။

သူ့မှတ်တမ်းထဲက အဆိုအမိန့်တခုကို ရွေးနုတ်ပြီး ပိုစတာရေးမယ့်ရဲဘော်ကို ပေးလိုက်ပါတယ်။
“လယ်သမားဟာ ထယ်ထိုးတဲ့အခါ အငုတ်အမြစ်ပါ မကျန်အောင် ထိုးရသလို ရန်သူကို တိုက်ရာမှာ အငုတ်အမြစ်ပါ မကျန်စေရဘူး”… တဲ့။

၃။ ရဲဘော် ချစ်ဆွေ (မဲကြီး) (ဒုတိယ အသုတ်)

ဝိုင်းဝန်းပြောဆိုကြရာက နောက်ဆုံးတော့ DC နာခံပါမယ်ဖြစ်လာလို့ ဒုတိယအသုတ်က ပါဝင်ခွင့်ရခဲ့တယ်။ ဒီနေရာမှာ ဘာနဲ့အလားသဏ္ဍန်တူသလဲဆိုတော့ တောတွင်းမှာ ထကြွသောင်းကျန်းနေတဲ့ ကျားကြီးတကောင် (တိုက်ပွဲသွင်းပေးလိုက်တာနဲ့ ကျေနပ်သွားပြီး) ပဉ္စလက်နဲ့ ယုန်ကလေးတကောင်အသွင် ချက်ချင်းပြောင်းလိုက်သလို ရဲဘော်တွေက ခံစားကြရတယ်။

သူရဲ့ရယ်သံမောသံတွေ ကြားလာရပြန်တယ်။ အားလုံးကို ညင်ညင်သာသာ ဆက်ဆံပြီး ပြုံးပန်းတွေ ဝေလာခဲ့တယ်။ ဒါပေမယ့် သူအလို မပြည့်တာတခုကတော့ ကျန်နေဆဲ … သူ့ကို ရဲဘော် အောင်မေသုက အခေါ်အပြော မလုပ်တာဖြစ်တယ်။

ရဲဘော် အောင်မေသုဟာ ပြုစုရေးတာဝန်ကျပေမယ့် မဲကြီးရှိရာ တိုက်ပွဲဆောင် ၂ ကိုမသွားဘဲ၊ တိုက်ပွဲဆောင် ၁ မှာပဲ ပေကပ်နေတယ်။ မဲကြီးက သူ့ကို စကားပြောချင်နေတယ်။ ကျန်ရဲဘော်တွေကို အခေါ်လွှတ်ပေမယ့် မလာ။

တနေ့ … မဲကြီးက ကျနော့်ကို စကားစ,ပါတယ်။ “ဆိတ်သိုးနဲ့ စကားပြောချင်တယ်။ ခင်ဗျား ပြောရင်ရပါတယ်ဗျာ။ လွှတ်ပေးပါလား” … တဲ့။ (ရဲဘော် အောင်မေသုရဲ့ရယ်သံက ဆိတ်မြည်သံ ထွက်တယ်။ သူ့ပါးသိုင်းမွှေးတွေရယ်၊ သူ့အိပ်ရာနား ဆိတ်သိုးကြီးတကောင် လာအော်နေတာရယ်ကြောင့် နာမည်ပြောင် ပေးထားခြင်းဖြစ်)

Striker တယောက်ရဲ့ဆန္ဒကို ဖြည့်စွမ်းပေရမှာက ပြင်ပရဲဘော်တွေရဲ့တာဝန်မို့ “ပြောပါ့မယ်ဗျာ” လို့ ကတိပေးလိုက်မိတယ်။ ရမည်၊ မရမည် မသိ။ ခက်မယ်ဆိုတာပဲ သိတယ်။

ကျနော်က ကိုအောင်မေသုကို “ခင်ဗျား အဆောင် ၉ မှာချည်းမနေနဲ့၊ အဆောင် ၈ လည်းသွား … မဲကြီးနဲ့လည်း စကားပြောပါ” … လို့ ခိုင်းလိုက်တယ်။ သိပ်လုပ်ချင်ပုံ မရ၊ ဒါပေမယ့် ထွက်သွားတာတော့ မြင်လိုက်ရတယ်။

နောက်နေ့ မဲကြီးဆီရောက်တော့ ‘လာရဲ့လား’ မေးမိတယ်။

“လာတော့လာတယ်ဗျ၊ ကျနော်ပြောတာပဲ နားထောင်ပြီး အချိန်ကျတာနဲ့ ထပြန်သွားတယ်။ တောင်းပန်လိုက်ရလို့ ကျေနပ်သလိုလိုတော့အရှိသား ဒါပေမယ့် တမျိုးကြီးပဲဗျာ” … တဲ့။ သူ့အသံက ဆွေးဆွေးမြေ့မြေ့ကြီး … ကျနော် အတော်စိတ်မကောင်းဖြစ်သွားမိတယ်။

ရဲဘော် အောင်မေသုကိုလိုက်ရှာပြီး ဆွေးနွေးရပြန်တယ်။ သူက အင်း မလှုပ်၊ အဲ မလှုပ် …

“ဒီမှာ ကိုအောင်မေသု၊ ရဲဘော်တယောက် အချိန်မရွေးကျနိုင်တဲ့အချိန်မှာ ဓနရှင်ပေါက်စ မာနတွေ ထားမနေနဲ့၊ သူ့ကို DC မနာခံလို့ မခေါ်မပြောဘူးလုပ်ခဲ့တယ်။ ထားတော့ … ခု သူနာခံနေပြီ၊ ခင်ဗျားအလှည့်ရောက်လာပြီနော။ ခု ကျနော်ပြောနေတာဟာ ရဲဘော်အားလုံးရဲ့ဆန္ဒ၊ သဘောထား၊ ချုပ်ကိုင်မှု DC ပဲ၊ ပြန်ပြောရမယ်”

သူ ငိုင်ကျသွားပါတယ်။

၈ ဆောင်ကထွက်လာတဲ့ ရဲဘော်တယောက်ထွက်လာလို့မေးကြည့်တော့ ‘ပြန်ပြောနေတာတော့ တွေ့တယ်၊ စိတ်ရောကိုယ်ပါ ပြောနေတာတော့ မဟုတ်ဘူးထင်တယ် ’ တဲ့။

ဒါပေမယ့် မဲကြီးကတော့ ကျေနပ်သွားပါပြီ၊ ကျနော်နဲ့တွေ့တော့ “ခင်ဗျားကို ကျေးဇူးတင်လိုက်တာ …” လို့ ပြောရှာတယ်။

တိုက်ပွဲတိုက်တာလည်း ၄၈ ရက်ရှိခဲ့ပြီ၊ ရန်သူ့ဘက်ကလည်း နောက်ထပ် ထူးခြားတဲ့ ဖော်ပြချက်မရှိ။ မဲကြီးတို့ ဒုတိယအသုတ် ၄၁ ရက်မြောက် ညသန်းခေါင်လောက်မှာ ၈ ဆောင်ဘက်က ပြုစုသူ ရဲဘော်တယောက် ကတိုက်ကရိုက် ပြေးလာတယ်။

“ကိုအေးမြင့်၊ ထဦး … မဲကြီး ဝမ်းတွေသွားနေတယ်။ သူ့မျက်နှာလည်း သိပ်ကျသွားပြီ၊ ချောင်ပြီး ယိုဆင်းကျသွား သလိုပဲ”
ကတိုက်ကရိုက် ထ,လိုက်သွားမိကြတယ်။ မဲကြီးကတော့ မလှုပ်၊ ဝမ်းသွားထားတာက ဆေးရုံသုံး ကြွေဂံဖလားလေးထဲမှာမို့ လှပ်ပြလိုက်တာနဲ့ ငုံ့ကြည့်မိလိုက်ကြတယ်။

“အိုး” … ဆိုးလိုက်တဲ့အနံ့ကြီး၊ အရောင်တွေကလည်း မဲလို့၊ ချက်ချင်းပြန်အပိတ်ခိုင်းလိုက်ရတယ်။
အပြင်ရောက်တော့ ကိုအေးမြင့်က … “မရတော့ဘူး၊ ငယ်ချေးလို့ ခေါ်တာမျိုးပေါ့ …” တဲ့

နောက်တနေ့ နံနက်စောစောမှာပဲ ရဲဘော်ချစ်ဆွေ(မဲကြီး) ကျဆုံးသွားရှာပါတယ်။ သူကျသွားတော့ “မဲကြီးရေ၊ ဖိုးချစ်ရေ၊ မင်းနဲ့ငါဟာ တယောက်နဲ့ တယောက် အချစ်ဆုံးပါကွာ၊ ခုတော့ …”ဆိုပြီး တစ်ဆို့သွားတဲ့ ကိုအောင်မေသုရဲ့ တုန်တုန်ယင်ယင် ငိုညည်းသံကို ကြားလိုက်ကြရတယ်။

ဝါဒါစခန်းဘက်မှာတော့ အင်တာနေရှင်နယ်သံဆုံးသွားတဲ့အချိန် ပြေးဝင်လာတဲ့ ဝါဒါတယောက်က အော်ဟစ်လိုက်တယ်။ “မဲကြီး ကျသွားပြီတဲ့ဟေ့ …” ဆိုပဲ၊ သူတို့ အမြဲလန့်နေရတဲ့ သူတယောက် … ခုတော့ တတောလင်းကြပြီပေါ့။

မဲကြီးရဲ့မှတ်တမ်း ကျနော့်ဆီရောက်လာတယ်။ ဒီအထဲက ရွေးထုတ်ပေးလိုက်မိတာက “ခိုင်မာတဲ့ သန္နိဋ္ဌာန်သာရှိရင်၊ မိုးအောက်မြေပြင်မှာ မလုပ်နိုင်တာ ဘာမှမရှိဘူး” … တဲ့။

ဆက်လက်ဖော်ပြပါမယ်။

Tuesday, February 10, 2009

သပြေညို မအိုပင်



သပြေညိုကို

စာဆိုစိုက်ပျိုး၊ ဘယ်မညှိုးခဲ့။


အမျိုးဘာသာ၊ သာသနာတွက်

ဆရာအားထုတ်၊ နောက်မဆုတ်ခဲ့။


မိုးချုပ်နေဝင်၊ အလုပ်ခွင်၌

မြင်သည် ကြားသည်၊ တွေးကြံသည်ကို

သူသည် စာဖွဲ့၊ မနားခဲ့။


သပြေညိုကား

ပင်အို သက္ကရာဇ်၊ သို့ပင်ဖြစ်လည်း

ရွက်သစ်ဝေဆဲ၊ နုပျိုဆဲပင်

ပွဲတိုင်းမှာနု၊ ဇေယျတုနှင့်

အောင်ဆုပေးဝေနေဆဲပင်။


သပြေညိုလျှင်၊ မအိုပင်ကား

လူ့ခွင်ကောင်းကျိုး၊ သူ သယ်ပိုးရင်း

အရိပ်မိုး၍ နေဆဲပင်။


(ဆရာမင်းသုဝဏ် မွေးနေ့သို့)


စာပေဂျာနယ်

ဇူလိုင်လ၊ ၁၉၉၇ ခုနှစ်


စစ်အုပ်စု သက်တမ်းရှည်နေသရွေ့ - ၁၃



ရန်သူကလည်း ကျနော်တို့ အပြတ်တိုက်မယ်ဆိုတာ သိပြီးသား၊ ရဲဘော်တွေအနေနဲ့ကလည်း ပစ္စည်းမဲ့ပါတီ တရပ်ရဲ့ခေါင်းဆောင်မှုဆိုတာ ဒီလိုထူထောင်ရပါလားလို့ လေးနက်ပြီးသား … ဒီတိုက်ပွဲဟာ ကိုယ်ထူကိုယ်ထ ကျွန်းဘဝ သက်ဇိုးရှည်/မရှည် ဆုံးဖြတ်မယ့်ပွဲ၊ အရင်းအနှီးမပေးဘဲ မရနိုင်။
၁၉၇၁ ခု ဇွန်လ ၉ ရက်နေ့ ဖြစ်တယ်။

အဆောင် ၉ အဝင်ပေါက်ထိပ်မှာ နဖူးစည်းစာတမ်းကြီးတခု အစွင့်သားရောက်နေပါပြီ။ ပြည်သူ့အသံ၏ ကြွေးကြော်သံ။
“ရန်သူတကာ ကြောက်ဒူးတုန်ပါစေ၊ ပြည်သူအပေါင်း ရွှင်လန်းအားတက်ကြပါစေ” တဲ့။

နံက် ၇ နာရီမှာ ကျနော်တို့တတွေ ဘူးဝကိုသွားကြပါတယ်။ ရဲဘော်တွေအားလုံးရဲ့မျက်နှာတွေကို ကြည့်လိုက်ခြင်းအားဖြင့် ‘အရာရာကို ရင်ဆိုင်မယ်’ဆိုတဲ့ ပိုင်းဖြတ်ချက်တွေ ပေါ်နေပါတယ်။ သွက်သွက်လက်လက် လှမ်းသွားကြတာပါ။

ခေါင်းဆောင်တွေက အစောင့်ဝါဒါတွေထဲမှတယောက်ကို အာဏာပိုင်တွေဆီ လွှတ်လိုက်တယ်။ ‘စကားပြောစရာ ရှိတယ်၊ အမြန် လာတွေ့ပါ’ ရောက်လာတာနဲ့ ပထမ၊ စစ်အစိုးရရဲ့လုပ်ရပ်တွေကို ရှုတ်ချပါတယ်။ နောက် ကိုယ်ထူကိုယ်ထ ဖျက်သိမ်းပေးဖို့၊ ပြည်မ အခွင့်အရေး အပြည့်အဝပေးဖို့ တောင်းဆိုပါတယ်။

ထုံးစံအတိုင်း သူတို့ကလည်း အထက်ကို တင်ပြပေးပါမယ်လို့ တုံ့ပြန်တယ်။ ကျနော်တို့က ဒီတောင်းဆိုချက်တွေ မရမချင်း အစာငတ်ခံ တိုက်ပွဲဝင်လိုက်ပြီဖြစ်ကြောင်း ကြေညာပါတယ်။

ကြွေးကြော်သံတိုင်မယ့်ရဲဘော်က ပုဆိုးကို တင်းတင်းတိုတို ပြင်ဝတ်လိုက်တယ်။

ကိုယ်ထူကိုယ်ထ - (ဖျက်သိမ်းပေး၊ ဖျက်သိမ်းပေး)
ပြည်မအခွင့်အရေး - (ချက်ချင်းပေး၊ ချက်ချင်းပေး) … လို့ အားရပါးရ ကြွေးကြော်ကြပြီး ကိုယ့်အဆောင်ကိုယ် ပြန်ခဲ့ကြတယ်။ တိုက်ပွဲမပြီးမချင်း မနက်တခါ ညနေတခါ ဒီပုံစံအတိုင်းသွားခဲ့ကြတယ်။

ဒီနေ့မှစပြီး ဖိုကြီးနှစ်ဖိုက ထမင်းစား၊ ဆန်ပြုတ်သောက်၊ လက်ဖက်ရည်သောက် သံချောင်း ခေါက်သံတွေ တိတ်ဆိတ်သွားခဲ့ပေပြီ။
လှုပ်ရှားမှုတိုင်း ငြင်ငြင်သာသာ၊ သတိနှင့် ဖြစ်လာကြတယ်။ လှုပ်ရှားမှုတိုင်း ဦးတည်ချက်တခု အတွက် အဓိပ္ပာယ်ရှိရှိ လှုပ်ရှားနေကြတယ်။ တိုက်ပွဲဆောင် ၁ ရှိ Striker တွေကို ဆန္ဒအရ ဟုတ် မဟုတ် မေး၊ ဆေးစစ် ပေါင်ချိန် လုပ်နေကြပေပြီ။

ပထမအသုတ်

(၁) ရဲဘော် စိန်ဝင်း
(၂) ရဲဘော် သိန်းကြည်
(၃) ရဲဘော် အုံးမော်
(၄) ရဲဘော် မောင်မောင်စိုး
(၅) ရဲဘော် ဗဖူးညွန့်
(၆) ရဲဘော် လှချို
(၇) ရဲဘော် အောင်ဝင်း
(၈) ရဲဘော် သန်းမောင်
(၉) ရဲဘော် ညွန့်စိန်
(၁ဝ ) ရဲဘော် သောင်းစိန် တို့ တယောက်ပြီး တယောက် …။

ပထမ အသုတ်တွင် ရဲဘော် ချစ်ဆွေ မပါလိုက်ရပါ။ သူ့အတွက် ကျနော်တို့ စိတ်မကောင် ကြ၊ သူလည်း မှိုင်ကျသွားတယ်။ သို့တိုင် သူကျရာ တာဝန်ကို မလစ်ဟင်းရအောင် ဂရုစိုက်လုပ်ဆောင်နေပါတယ်။ ရဲဘော်တွေက ဝိုင်းဆွေးနွေး အဖိုးကြီးတွေက ခေါ်ရှင်းပြလုပ်ရာက နောက်ဆုံးမှာ သူ DC နာခံပါမယ် ဖြစ်လာပါတယ်။ ဒုတိယ အသုတ်မှာ အရွေးခံလိုက်ရပါပြီ။

တိုက်ပွဲအနေအထား

တိုက်ပွဲအလားအလာတွေနဲ့ပတ်သက်ပြီး မတိုက်ခင်ကတည်းက အစုအသီးသီးက မိမိတို့အမြင်တွေ တင်ပြထားကြပြီးလည်း ဖြစ်တယ်။ ကျနော်က အလံနီ ၄၆ ရက် တိုက်ပွဲအပေါ် နိဂုံးချုပ်ပြီး အခုတောင်းဆိုချက်က ပိုမြင့်တယ်။ အလံနီ ၂ ယောက် ကျခဲ့တယ်။ ကျနော်တို့က အနည်းဆုံး ၃ ယောက် အများဆုံး ၅ ယောက် ကျနိုင်တယ် … လို့ တွက်ပြခဲ့တယ်။ အဖိုးကြီးတွေနဲ့တွေ့တုန်းကလည်း တင်ပြပြီးဖြစ်တယ်။ သူတို့ကတော့ ဘာမှ မပြော …။

ရန်သူကလည်း ကျနော်တို့ အပြတ်တိုက်မယ်ဆိုတာ သိပြီးသား၊ ရဲဘော်တွေအနေနဲ့ကလည်း ပစ္စည်းမဲ့ပါတီ တရပ်ရဲ့ခေါင်းဆောင်မှုဆိုတာ ဒီလိုထူထောင်ရပါလားလို့ လေးနက်ပြီးသား … ဒီတိုက်ပွဲဟာ ကိုယ်ထူကိုယ်ထ ကျွန်းဘဝ သက်ဇိုးရှည်/မရှည် ဆုံးဖြတ်မယ့်ပွဲ၊ အရင်းအနှီးမပေးဘဲ မရနိုင်။

ဒါကြောင့်လည်း ရန်ကုန်က ထောက်လှမ်းရေးညွှန်ကြားရေးမှူး လန်ဘား တင်ဦး (မျက်မှန် တင်ဦးလို့လည်း ခေါ်ကြ) ကိုယ်တိုင် ရေတပ်စခန်းမှာလာထိုင်ပြီး ကွပ်ကဲပါတော့တယ်။ ဒါကို စက်ထဲကတဆင့် ပါတီကော်မတီက သိနေတယ်။ ထိပ်တန်းလျှို့ဝှက်ကိစ္စမို့ ကျနော်တို့ မသိရ၊ နောင်မှသိရတဲ့ ကိစ္စပါ။

ဒီအခြေအနေကြားမှာ ဒုတိယအသုတ်နဲ့ တတိယအသုတ် ရဲဘော်တွေ ‘တိုက်ပွဲဆောင် ၂’ (အခန်း ၈) ထဲ လှမ်းဝင်နေကြပါပြီ။

ကျနော့်ကိုပေးထားတဲ့တာဝန်က ဝါဒဖြန့်ချိရေး၊ နိုင်ငံရေးလုပ်ငန်းဖြစ်တယ်။ ရဲဘော်တွေက ပြည်သူ့အသံ၊ ပီကင်းရေဒီယိုကလာတဲ့ ဆောင်းပါးတွေ ချက်ချင်းဖမ်း ချက်ချင်းကူးပေးကြတာတွေကို ကျနော်က ၈ ဆောင်နဲ့ ၉ ဆောင်မှာ တလှည့်စီ ဖတ်ပြရပါတယ်။ တနေ့တချိန် သတ်မှတ်ထားပါတယ်။

ညနေခင်းတွေမှာတော့ အနုပညာအဖွဲ့က တော်လှန်ရေး တေးသီချင်းတွေ တပုဒ်ပြီးတပုဒ် သီဆိုတီး မှုတ်ဖျော်ဖြေတာရှိတယ်။

တတိယအသုတ် တိုက်ပွဲဝင်အပြီး စုစုပေါင်း ၂၁ ရက်ကျော် ၂၂ ရက်နေ့မှာ အလံနီမှ ရဲနီတဦး (ရဲနီ အောင်စိုး)၊ နောက်ရက်မှာ မလညပ ဗဟိုကော်မတီ ဦးစိုးသိမ်း၊ နောက်ရက်ကျတော့ တော်လှန်တဲ့ပြည်သူ့အဖွဲ့မှ ကိုသိန်းလွင် တို့ ရှေ့စဉ်နောက်ဆက် ဝင်လာပါတယ်။
စုစုပေါင်း ၃၃ ဦး ရှိ သွားပါပြီ။ ပါတီအသီးသီးမှ ပြုစုစောင့်ရှောက်သူ တဦးစီ စ,ထည့်ပေးပါတယ်။

တိုက်ပွဲဝင်ရဲဘော်တွေကတော့ …

- အများစုက ပြုစုသူရဲဘော်တွေ၊ အချိန်အားလို့ လာစကားပြောသူတွေနဲ့ စကားစမည် ပြော၊ ဆွေးနွေးစရာရှိ ဆွေးနွေးနေကြတယ်။

- တချို့က နေ့စဉ်မှတ်တမ်းတွေ ရေးကြတယ်။ သီချင်းရေးသူလည်း ရှိတယ်။
သူတို့ရဲ့ ပြောစကားနဲ့ မှတ်တမ်းတွေထဲမှာ

- ပါတီအပေါ် ယုံကြည်မှု
- ပြည်သူအပေါ် ယုံကြည်မှု၊ အလုပ်အကျွေးပြုလိုမှု
- တော်လှန်ရေးအပေါ် ယုံကြည်မှု၊ သစ္စာရှိမှု
- ပြည်သူကို ချစ်ခင်မှု၊ ရဲဘော်တွေအပေါ် တွယ်တာချစ်ခင်မှု
- ရန်သူအပေါ် တူးတူးခါးခါး မုန်းတီးမှု … တွေအပြင် တော်လှန်တဲ့ သူရဲကောင်းဝါဒ အမြင်တွေ စိုက်ထူထားကြတာတွေ့ရတယ်။

တချို့က မိမိ ပထမဆုံး ကျလိုကြောင်း ဖော်ပြကြတယ်။ စာနဲ့မရေးဘဲ ပြောစကားနဲ့လုပ်ဟန်တွေအရ ဒီ စိတ်ဓာတ်ကိုဖော်ပြသွားတဲ့ အချင်းအရာတွေကတော့ များမှများပါ။

မိုးကလည်း ဖြိုင်ဖြိုင်ကျလာပါပြီ၊ နောက်ပိုင်းရက်တွေကျတော့ မုန်တိုင်းပါ,ပါလာခဲ့တယ်။ ပြုစုသူ ရဲဘော်တွေ၊ ကင်းသမားတွေနဲ့ ဖိုတာဝန်ကျ ရဲဘော်တွေ မိုးထဲမုန်တိုင်းထဲမှာ စိုစိုရွှဲရွှဲနဲ့ အပြေးအလွှား ဖြစ်နေကြတယ်။ နေပူရက် မရှိသလောက်ပဲ၊ ရက် ၄ဝ တိုက်ပွဲတုန်းကတော့ မိုးရွာလိုက်သည် မရှိ၊ ပူပြင်းခြောက်သွေ့လှချည့်။

ခုတော့ ဘူးဝ သွား၊ လည်ချောင်းကွဲအောင် အော်၊ မိုးထဲရေထဲ အဝတ်အစားက ခြောက်လိုက်သည် မရှိ၊ အေးလွန်းရင် ဖိုကြီးဘက်သွား … မီးလှုံရုံပဲ ရှိတယ်။ ဘယ်သူမှ မညည်းညူ၊ ကိုယ့်တာဝန် လစ်ဟင်းသွားမှာပဲ စိုးရိမ်နေကြတယ်။ အာရုံတခုတည်းအပေါ်မှာပဲ စူးစိုက်နေကြတာကလား။

မိုးကစဲသည် မရှိတော့၊ စွတ်စိုထိုင်းမှိုင်းမှုကြီးက အိပ်ရာတွေထဲအထိ လိုက်နေပါပကော၊ တိုက်ပွဲဝင်ရဲဘော်တွေ အအေးမမိအောင် ပြတင်းတံခါးတွေ အလုံပိတ်ထားရတယ်။ အဝင်အထွက်တံခါး ၄ ပေါက်ကျတော့ ဂုန်နီအိတ်ခွံတွေစပ်ချုပ်ပြီး ခန်းဆီးအကာတွေ လုပ်ပေးထားရတယ်။ ဒါမှ လူအဝင်အထွက် ကပ်လိုက်လာတဲ့ မိုးစက်မိုးမှုန်တွေကို တားထားနိုင်မှာ …။ ဒါလည်း အနည်းအကျဉ်းတော့ ဝင်တာပါပဲ။

လျှပ်စစ်မီးကလည်း ‘စက်ပျက်သည်’ အကြောင်းပြပြီး မလင်းတာကြာပြီ။ လက်ဆွဲမီးအိမ်ကလေးတွေ ပေးထားတယ်။ နေ့ခင်းမှာမှောင်နေတတ်ပြီး အလုံပိတ်အခန်းထဲမှာ လဲလျောင်းနေရတဲ့ရက်တွေ များလာတယ်။ ခရစ်ယာန်ကျမ်းလာ နောဧရဲ့ လှေကြီးဝမ်းပိုင်းနဲ့ တူနေသလား။ ကျနော် စဉ်းစားမိ။

ပထမဆုံးပြဿနာ

တလကျော်လာပြီး မိုးတွေလေတွေ ကျနေဆဲမှာ ခရမ်းမှ ဗကသ ခေါင်းဆောင် ကိုစိန်ဝင်း (နဝတ လက်ထက် အင်းစိန်ထောင်တွင်းမှာ ကျဆုံး) ကျနော်ဖြစ်ခဲ့သလို ရေသောက်မဝင် ဖြစ်လာတယ်။ ရေတစက်ဝင်တာနဲ့ ဗိုက်ထဲက အဝါရည်၊ အစိမ်းရည်တွေ အန်,အန် ထွက်နေတယ်။ တရက်၊ နှစ်ရက် … ကြာတော့ မောလာပြီ။

ဆေးမှူး ကိုအေးမြင့် (ကျီးသဲ)က အိပ်စဉ်ပေါ် လူနာဘေးထိုင်နေတယ်။ ကျနော်က ခြေရင်း တမံတလင်းပေါ် ရပ်လျက်သား …။

ကျီးက ကျနော့်ကို လက်ညှိုးထိုးပြပြီး “AN တုန်းကလို ရေငုံ,ငုံ ထွေးနေလို့ အကျိုးမရှိဘူး၊ တိုက်ပွဲရက်က ရှည်မှာ၊ ဝင်အောင်တိုက်။ အန်ချင်အန်ပစေ”ဆိုပြီး ပြုစုသူ ရဲဘော်ကို ခိုင်းပါတယ်။ ဒီလိုနဲ့ သောက်လိုက် အန်လိုက်နဲ့ နေ့ဝက်လောက် ကြိုးစားလိုက်တာ ညကျတော့ ပုံမှန်ဖြစ်သွားပြီ၊ ရဲဘော်တွေက ဆေးမှူးကျီးကို ကျေးဇူးတင်ကြတယ်။

ရဲဘော် ကိုစိန်ဝင်းလည်း တိုက်ပွဲကိုပြီးသည်အထိ ဆက်လက်ဆင်နွှဲသွားနိုင်ခဲ့တယ်။ သူက ပထမအသုတ် ရဲဘော်ဖြစ်တယ်။ အရပ် ၅ ပေ၊ ၁၁ လက္မလောက်။ ခန္ဓွာကိုယ်ခပ်ပြည့်ပြည့်၊ အသား လတ်လတ်၊ ဗကသ ခေါင်းဆောင်။ ကျွန်းပါတီကော်မတီထဲမှာ ပါခဲ့သူ။ ကျနော်တို့ ချစ်ကြည်လေးစားတဲ့ အကိုကြီး။

၅၈ ခုနှစ် နိုက်ဂျီးရီးယား ကျောင်းသားခေါင်းဆောင် အန်ဂျလာ ဗမာပြည်ရောက်ခဲ့စဉ် ဗကသ၊ တကသ၊ ရကသ သမဂ္ဂကြီး ၃ ခုနဲ့ပေါင်းပြီး အမေရိကန်သံရုံးရှေ့ ဆန္ဒပြပွဲတခုလုပ်ခဲ့တယ်။ အာဏာပိုင်တွေက ရိုက်ပြီး လူစုခွဲစေရာမှာ ကျောင်းသားတချို့ဒဏ်ရာရခဲ့တယ်။ ကိုစိန်ဝင်း ခါးရိုးကျိုးခဲ့တယ်။ ဒါကြောင့် ဗြက် ၆ လက်မ လောက်ရှိတဲ့ ခါးပတ်ပြားကြီး ပတ်ထားရတဲ့သူဖြစ်တယ်။

ဆက်လက်ဖော်ပြပါမယ်။