လမ်း (ကျော်သူ)

အမျိုးသားပညာရေးဥပဒေအား သပိတ်မှောက်လမ်းလျှောက် ဆန္ဒပြနေသည့် ကျောင်းသားသပိတ်စစ်ကြောင်းအဖွဲ့ကို ကျန်းမာရေးစောင့်ရှောက်မှုအဖြစ် (မြင်းခြံ၊ တောင်သာ၊ ပုပ္ပါး၊ ကျောက်ပန်းတောင်း) ခရီးစဉ်တွေကို ကျွန်တော် လိုက်ပါသွားခဲ့ပါတယ်။ ကျွန်တော် ၂ဝ၁၁ ခုနှစ်က ရေးသားခဲ့တဲ့ “ငယ်စဉ် ကြီးလိုက်” ဆိုတဲ့ ကဗျာစာသားတွေကို အမှတ်ရနေခဲ့တဲ့အတွက် ပြန်လည်တင်ပြလိုက်ပါတယ်။ 

ယင်းကဗျာစုလေး ပေါ်ပေါက်လာတဲ့ ရည်ရွယ်ချက်က - 

(၁) လူသားချင်း စာနာထောက်ထားစေလိုသော စိတ်။ 
(၂) ဗြဟ္မစိုရ်တရားလေးပါးအား လက်ကိုင်ပြုလိုသော စိတ်။ 
(၃) စည်းလုံးခြင်း အင်အားစုကြီးဖြင့် ငြိမ်းချမ်းသော ကမ္ဘာ့ရွာကြီး တည်ဆောက်စေလိုသော စိတ်။ 
(၄) လူမျိုးဘာသာ အဆင့်အတန်း ပညာအရည်အချင်း မခွဲခြားစေလိုသော စိတ်ဓာတ်များ ရှင်သန်ပေါက်ဖွားစေလိုသော ပရဟိတသမားတစ်ဦး၏ ခံစားမှု (သို့) နိုင်ငံ့အရေး ပြည်သူလူထုအရေးကို ထမ်းရွက်နေသော ပရဟိတသမားတစ်ဦး 
လျှောက်ခဲ့သောလမ်း ... 
ဖောက်ခဲ့သောလမ်း ... 
ဝင်လေထွက်လေရပ်သည်အထိ ဆက်လျှောက်နေမည့်လမ်း ... ပင်ဖြစ်တော့သည်။

ပရဟိတ ကာ/ချုပ်ကြီး ဦးကျော်သူထံ အိတ်ဖွင့်ပေးစာ (ကျော်သူ)

ကျွန်တော်သည် ပရဟိတလုပ်ငန်းဖြင့် အများပြည်သူတို့အား အတ္တဖြုတ်၍ အနစ်နာခံ ပေးဆပ်ခဲ့ရာ ယခုဆိုလျှင် (၁၃) နှစ်ကျော်ခဲ့ပြီဖြစ်သည်။ (၁၃) နှစ်ပြည့်သော အချိန်ကာလဖြစ်သည့် ၂ဝ၁၄ ခုနှစ် ဇန်နဝါ ရီလ (၁) ရက်နေ့တွင် ကျွန်တော်၏ စိတ်အလျင်တို့သည် သာသနာပြုလိုသောစိတ်၊ သာသနာ ပြန့်ပွားလို သောစိတ်နှင့်အတူ ပရဟိတလောကသားများအတွက် ကမ္ဘာတည်သရွေ့ မှတ်ကျောက်တင်နိုင်ရန် ပရဟိတ စေတီတော် တည်ထားကိုးကွယ်ရန် ဖြစ်ပေါ်ခဲ့သည်။ 

ထို့ကြောင့် ယခု ၂ဝ၁၄ ခုနှစ် မတ်လတွင် မိမိစိတ်တွင်ဖြစ်ပေါ်လာသော ကောင်းမှုကုသိုလ်တော်ကြီးအား ဆရာတော်ကြီးများနှင့် ဆွေးနွေးတိုင်ပင် အကြံဉာဏ်များ တောင်းခံခဲ့ပြီးသည့်နောက် ပြည်မြို့တစ်ဖက်ကမ်းရှိ မြတ်စွာဘုရား သက်ရှိထင်ရှားရှိစဉ်ကာလတွင် မြတ်စွာဘုရား ကြွရောက်သာသနာပြုခဲ့သည့် တောင်ကိုးလုံးတွင် ပါဝင်သော ဖိုးဦးတောင်အနီးရှိ ကြခတ်တောင်တော်ပေါ်တွင် "မဟာပဏ္ဍိတပရဟိတ အောင်တော်မူစေတီ" နှင့် မြတ်စွာဘုရားဆင်းတုတော်ကြီးအား တည်ထားကိုးကွယ်ရန်အတွက် ရည်စူး၍ နတ်မောက်မြို့နယ်အတွင်းရှိ သမိုင်းဝင် နှစ်ပေါင်းတစ်ထောင်ကျော်ရှိပြီဖြစ်သော ပင်းမဟာဗောဓိ ရွှေညောင်တော်နှင့် သပြေညီနောင်တို့ရှိရာ နတ်မောက်မြို့နယ် ပင်းဂွေးချိုးကျေးရွာအုပ်စု၊ ပင်းမြို့ဟောင်းကျေးရွာ၊ ပုဗ္ဗရုံကျောင်းတွင် လာရောက်၍ အဓိဋ္ဌာန်ဝင်ခဲ့တော့သည်။ 

ပွဲစား (ကျော်သူ)

အိမ်ပွဲစား၊ ခြံပွဲစား၊ တိုက်ပွဲစား၊ ကားပွဲစား၊ ကျောက်ပွဲစား၊ စိန်ပွဲစား၊ ရွှေပွဲစား စသဖြင့် ပွဲစားများသည် ယခင်ခေတ်အဆက်ဆက်တွင် ပေါ်ထွန်းလာသော လူ့အဖွဲ့အစည်းအတွင်းရှိ ပွဲစားများဖြစ်သလို ယခု ခေတ်ကာလတွင် လက်နက်ပွဲစား၊ လူပွဲစား၊ ငြိမ်းချမ်းရေးပွဲစား ဟူ၍ ပေါ်ပေါက်လာပြန်သည်။ အမှန်စင်စစ် ပွဲစားဟူသည် အကျိုးဆောင်ပေးသော လုပ်ငန်းတစ်ရပ်ဟု အဓိပ္ပာယ်ခေါ်ဆိုနိုင်သည်။ 

လူ့လောကတို့တွင် လူ့ကျင့်ဝတ်၊ လူ့စည်းကမ်းဟူ၍ တိုင်းနိုင်ငံ၊ အဖွဲ့အစည်းများ၊ အသင်းအဖွဲ့များလည်း စည်းမျဉ်းစည်းကမ်း ဥပဒေသများရှိခဲ့သလို ပွဲစားလောကတွင်လည်း ပွဲစားများစောင့်ထိန်းရမည့် ကျင့်ဝတ်စည်းကမ်းများရှိခဲ့ကြောင်း သိရှိခဲ့ရသည်။ ယင်းတို့သည် ရောင်းသူနှင့်ဝယ်သူတို့ အဆင်ပြေချောမွေ့ရန် လုပ်ဆောင်ရာတွင် ရောင်းသူ၏ ကုန်ပစ္စည်းများအားလည်း ကြားမှနေ၍ အမြတ်တင်ရောင်းချခြင်း မပြုလုပ်ရ ပွဲစားတို့သည် ထိုက်သင့်သော အခကြေးငွေကိုသာ ယူဆောင်ခွင့်ရှိသည်။ မတရားလောဘစိတ်ဖြင့် မိမိ၏ ဆောင်ရွက်ခွင့် အဖိုးအခကိုမြှင့်တင်၍ မယူဆောင်ရ။ လူတစ်ဦးနှင့်တစ်ဦး လုပ်ဆောင်သော လုပ်ဆောင်မှုများအား အဆင်ပြေစေရန် မိမိမှ လူသားချင်းစာနာစိတ်ဖြင့် ဆောင်ရွက်ပေးရသော လုပ်ငန်းတစ်ရပ်ဖြစ်သည်။ 

ပြည်သူတွေသာ သမ္မတကြီးဖြစ်ခဲ့ရင် (ကျော်သူ)

ကျွန်တော်သည် စာရေးဆရာတစ်ဦး မဟုတ်။ လွန်ခဲ့ပြီးသော အချိန်ကာလများတုန်းက ရုပ်ရှင်သရုပ်ဆောင်ဘဝဖြင့် ကချင်ပြည်နယ်အတွင်း တိုက်ပွဲများပြင်းထန်နေချိန်တွင် ကျွန်တော်၏သမီးငယ် မြင့်မိုရ်ဦး လူ့လောကထဲသို့ရောက်ရှိသည့် ၂ ရက်မြောက်နေ့တွင် နိုင်ငံတော်၏ တပ်မတော်နေ့ ဇာတ်ကားအဖြစ် ထိုအချိန်က အနက်ရောင်နယ်မြေဟု သတ်မှတ်ထားသော ကချင်ပြည်နယ် မြစ်ကြီးနား၊ ဖားကန့်၊ လုံးခင်း ဒေသများသို့ ရုပ်မြင်သံကြား သွားရောက်ရိုက်ကူးရန်အတွက် ဖြစ်ပေါ်လာသည်။ အနုပညာသမားတစ်ယောက် မငြိမ်းချမ်းသော ပြည်နယ်တစ်ခုတွင် လက်နက်ဆွဲကိုင်ကာ ကျည်ဆံ၊ ဗုံးဆံများကြားထဲ၌ ရုန်ကန်လှုပ်ရှားပေးဆပ်ခဲ့ရသည်။ အချိန်ကာလအားဖြင့် တစ်လနီးပါးကြာခဲ့သည်။ 

ရိုက်ကူးရေးပြီးဆုံးသွား၍ ရန်ကုန်မြို့သို့ ပြန်လည်ရောက်ရှိသောအချိန်တွင် ကျွန်တော်သည် တံငါနားနီး တံငါ၊ မုဆိုးနားနီး မုဆိုးဆိုသလို စိတ်ကြမ်း၊ လူကြမ်း၊ စရိုက်ကြမ်းများ ဖြစ်ပေါ်ခဲ့ရသည်။ ကျွန်တော့်၏ နေအိမ်အတွင်းသို့ ပြန်လည်ရောက်ရှိသောအခါ ပုခက်ငယ်အတွင်း၌ ကျွန်တော်၏ ချစ်စရာသမီးငယ်လေးအား မြင်တွေ့မိသောအခါတွင် ကျွန်တော်၏ စိတ်ရိုင်း စရိုက်ကြမ်းများ လျော့ပါးသွားမှုကို ပေါ့ပါးစွာဖြင့် ခံစားမိတော့သည်။ 

မင်းတို့ကတော့ ပျော်မြူးနေကြ … ဒီမှာက ဘဝတွေ ဆုတ်ပြတ်သတ် (ကျော်သူ)

ကျွန်တော်တို့ မဟာရန်ကုန်မြို့ကြီးသည်လည်း ဒေဝါမိုး၏ ထစ်ချုန်းမှုကြောင့် ရပ်ကွက်များ၊ မြို့နယ်များ၊ လမ်းမများတွင် ရေများဖုံးလွှမ်းလျှက်၊ မော်တော်ကားများသည်လည်း မော်တော်ဘုတ်များသဖွယ် မောင်းနှင်နေဆဲ၊ မိဘပြည်သူအပေါင်းတို့သည်လည်း ရုံးသွား/ရုံးပြန်၊ အလုပ်သွား/အလုပ်ဆင်း၊ ကျောင်းသွား/ကျောင်းပြန် ဒူးပေါ်/ပေါင်ပေါ် လျှောက်လှမ်းနေဆဲ အချိန်ကာလအတွင်း မြန်မာပြည် နယ်အရပ်ဒေသအသီးသီးတို့တွင်ရှိသော ပြည်သူလူထုအပေါင်းတို့မှာကား နေအိမ်များအားစွန့်ခွာ၍ ရေဘေးဒုက္ခသည်စခန်းများသို့ ရောက်ရှိနေကြရသည်ဖြစ်သည်။ 

 

ကလေးသူငယ်၊ ကျောင်းသူလူငယ်များအဖို့ “ရေတက် ကျောင်းပိတ်” ဆောင်ပုဒ်အား မည်သည့်အချိန်ကာလအထိ လက်ကိုင်ပြုနေတော့မည်ကိုတော့ မသိရှိနိုင်ပေ။ တိုင်းပြည်၏ အနာဂတ်ခေါင်းဆောင် ကလေးငယ်များ၏ဘဝကား မည်သို့မျှဖြစ်လာမည်ကိုတော့ မခန့်မှန်းနိုင်တော့ပေ။ ထိုကဲ့သို့ ရေဘေးသင့်အရပ်ဒေသများရှိ မိဘပြည်သူအပေါင်းတို့၏ သွားရေးလာရေး ကိစ္စရပ်များအတွက် လှေငယ်လေးများနှင့်သာ လှော်ခတ်သွားလာရခြင်းတို့ကို မြင်တွေ့မိတော့သည်။ သူတို့၏ဘဝများကား မော်တော်ကားဆိုသည်ကို စီးနင်းခွင့်ပင်မဆိုထားနှင့် မြင်တွေ့ဖို့ကား ဝေးလှသည်။ လူသားများအတွက် အစာအဟာရအဖြစ်သော်၎င်း၊ လုံခြုံမှုအတွက်သော်၎င်း အသက်စွန့် ပေးဆပ်နေကြသော နွား၊ ကျွဲ၊ ဆိတ်၊ ခွေး စသည့်သတ္တဝါများပင် နေထိုင်သွားလာ၊ စားသုံးရန် အခက်အခဲပေါင်း ကြီးမားစွာ တွေ့ကြုံနေရပြီ ဖြစ်တော့သည်။ 

နည်းပညာကို နည်းပညာနဲ့တိုက် (ကျော်သူ)

ယနေ့ ကမ္ဘာကြီးပူနွေးလာမှုနှင့် စက်မှုသိပ္ပံများ ထွန်းကားလာမှုတို့ကြောင့် ရာသီဥတု ပြောင်းလွဲဖောက်ပြန်မှုများ၏ဒဏ်ကို လူသားတို့တစ်ရပ်လုံး ခံစားနေကြရပြီဖြစ်သည်။ 

ထိုထက်ပို၍ဆိုးသည်မှာ သောက်သုံးရန်သင့်လျှော်သော ရေကောင်းရေသန့်ရရှိရန် ခက်ခဲလာခြင်းဖြစ်သည်။ “နောက်နှစ် အနည်းငယ်အတွင်း ရေကြောင့် နိုင်ငံအချင်းချင်း စစ်ခင်းကြမည်” ဟူ၍ ပညာရှင်တို့ မိန့်ဆိုနေကြပြီဖြစ်သည်။ 

ပင်လုံကျောက်တိုင်မှသည် ငြိမ်းချမ်းရေးကျောက်တိုင်ဆီသို့ (ကျော်သူ)

ညောင်ရွှေမြို့သို့ ဗြဟ္မစိုရ်ခရီးဆက်နေစဉ် ၁၉. ၈. ၂ဝ၁၃ ရက်နေ့ ညနေပိုင်းအချိန်တွင် ဆရာကြီး ဒဂုန်တာရာ ကွယ်လွန်သွားကြောင်း ကြားသိခဲ့ရသည်။ ညောင်ရွှေမြို့မှ အောင်ပန်းမြို့ရှိ ဆရာကြီး၏ နေအိမ်သို့သွားရောက်ရန် ခရီးဆက်ခဲ့သည်။ ဆရာကြီးသည် ငြိမ်းချမ်းစွာ လှဲလှောင်းနေသည်ကို တွေ့မြင်ခဲ့ရသည်။

ဦးစွာပထမ ဆရာကြီးအား ဂါရဝပြု ကန်တော့ခဲ့ပြီးနောက် ဈာပနအခမ်းအနားအား ဆရာကြီး၏တူမဖြစ်သူ စာရေးဆရာမ သင်းမြစန္ဒီနှင့် တွေ့ဆုံကာ နာရေးကိစ္စရပ်များအား အောင်ပန်းမြို့ရှိ နာရေး ကူညီမှုအသင်းနှင့် ညှိနှိုင်းဆောင်ရွက်ခဲ့သည်။ ၂၁. ၈. ၂ဝ၁၃ ရက်နေ့ နေ့လည် ၂းဝဝ နာရီအချိန်တွင် ဈာပနအခမ်းအနားအား ကျင်းပပြုလုပ်မည်ဖြစ်ပြီး ဆရာကြီး၏ အရိုးပြာများတို့အား အောင်ပန်းမြို့ရှိ ဆရာကြီး ဒဂုန်တာရာ ပိုင်ဆိုင်သည့် မြို့ပြင်ရှိ သုံးဧကအကျယ် ခြံဝန်းအတွင်းတစ်နေရာ၌ ငြိမ်းချမ်းရေး ချိုးငှက်ပုံ ကျောက်တိုင်ထုလုပ်ထားရှိရန် ကျွန်တော်တို့ အကြံပြုခဲ့သည်။

ဆရာမင်းလူနှင့် ကျွန်တော် (ကျော်သူ)

စာရေးဆရာ၊ ကဗျာဆရာ ဦးဉာဏ်ပေါ် (ခ) မင်းလူ (၆ဝ)နှစ်ဟာ ရန်ကုန်မြို့ ဝိတိုရိယဆေးရုံကြီးမှာ ကင်ဆာရောဂါနဲ့ သြဂုတ်လ၊ ၁၄ ရက်နေ့ ညသန်းခေါင်ချိန်က ကွယ်လွန်အနိစ္စရောက်သွားခဲ့သညဆိုသော သတင်းအားကြားခဲ့ပြီးနောက် ကျွန်တော် စိတ်မကောင်းကြီးစွာဖြစ်ခဲ့ရသည်။ ဆရာ့အား လွန်စွာနှမြောမိသည်။ အဘယ့်ကြောင့်ဆိုသော် ကျွန်တော် နယ်မြို့သို့ ခရီးထွက်နေပါသဖြင့် ဆရာ့၏ဈာပနအား ကိုယ်တိုင်လိုက်ပါပို့ဆောင်ခွင့် မရရှိခဲ့၍ဖြစ်သည်။

အတိတ်တစ်ချိန်က ဆရာမင်းလူနှင့်ကျွန်တော် ပထမအကြိမ်ဆုံတွေ့ခဲ့စဉ်က မင်းသားကျော်သူဘဝမှာပင် ရှိပါသေးသည်။ ထိုအချိန်က ဆရာမင်းလူ ထောင်ကထွက်လာပြီးနောက်တွင်ဖြစ်သည်။ ဆရာမင်းလူ၏ အစ်ကိုကြီး ဒါရိုက်တာ မောင်ဝဏ္ဏရိုက်ကူးတဲ့ “ပန်းတွေနဲ့ဝေ” ဗွီဒီယိုဇာတ်ကားကို ရိုက်ကူးနေစဉ် ဆရာမင်းလူ ရိုက်ကွင်းကို လာရောက်ကြည့်ရှု့စဉ်က တစ်ကြိမ်ဆုံတွေ့ခဲ့ဖူးပါသည်။

ဒုတိယအကြိမ် ရင်းနှီးဆုံတွေ့ခဲ့တာကတော့ (၂ဝဝဝ ခုနှစ်)က ဆရာရေးသားခဲ့သော “ရေတမာ” ဝတ္ထုတိုကို ဗွီဒီယို ဇာတ်ကားရိုက်ကူးရာတွင် ကျွန်တော်နဲ့ မေသန်းနု ပါဝင်သရုပ်ဆောင်စဉ်ကတစ်ကြိမ် ရင်းနှီးခဲ့ပါသည်။

သေခါနီးလေ . . . ပျော်စရာကောင်းလေ (ကျော်သူ)

ခန္ဓာကိုယ်တွင်းရှိ ကလီစာများအား ဖြတ်တောက်ခံရသကဲ့သို့ ခံစားမှု၊ အရိုးအကြောများ အပိုင်းပိုင်း ရိုက်ချိုးခံရသကဲ့သို့ ခံစားမှု၊ နှလုံးသားအား ဆုပ်ကိုင်ဖြစ်ညှစ်သကဲ့သို့ ခံစားမှု၊ အသက်ရှူလမ်းကြောင်းအား ဖိညှစ်ပိတ်စို့ခြင်းခံရသကဲ့သို့ ခံစားမှု၊ အသွေးအသားများ ဖောက်ထုတ်စုတ်ယူခံရသကဲ့သို့ ခံစားမှု စသည့် အနိဠာရုံခံစားမှုများသည် ခန္ဓာကိုယ်မှ ဖြစ်ပေါ်လာခဲ့ရသည်။ ဤသည်ကား ကိုယ်ခန္ဓာ (ကာယကံ) ခံစားမှုများတည်း။ 

အသံနက်ကြီးဖြင့် စိမ်းစိမ်းဝါးဝါး အော်လိုက်သံ၊ အမေ ကယ်ပါ … အဖေ ကယ်ပါ ဟူ၍ ညည်းညူ အော်ဟစ်သံ၊ ကျိတ်မနိုင်၊ ခဲမနိုင် ဖျစ်ညှစ်အော်လိုက်သည့်အသံများ၊ အထိတ်တလန့် လျှပ်တစ်ပြက် အော်ဟစ်လိုက်သံ၊ ခြောက်ခြားဖွယ်ထွက်ပေါ်လာသော အံကြိတ်သံ၊ ဖြေညှင်းစွာလေသံပျော့ဖြင့် ညည်းတွားလိုက်သံ စသည့် နှုတ်ဝဇီမှ ထွက်ပေါ်လာသော ခံစားမှုများသည် ဝဇီတည်းဟူသော မိမိ၏နှုတ်ခမ်းများမှ ထွက်ပေါ်လာသော အသံများပင်ဖြစ်သည်။ ဤသည်ကား နှုတ်ခမ်းပါးစပ်မှ (ဝဇီကံ) ခံစားမှုများပင် ဖြစ်သည်။ 

‘အထက်’ ကတဲ့လား …. (ကျော်သူ)

ကျွန်တော်တို့ ပရဟိတအဖွဲ့အစည်းများ၊ လူမှုရေးအသင်းအဖွဲ့များ၏ အများပြည်သူ လူထုတို့အပေါ် ဗြဟ္မစိုရ်တရားလေးပါး လက်ကိုင်ပြုပြီး သီလလုံခြုံစွာဖြင့် အနစ်နာခံ ပေးဆပ်မှု စေတနာတရားများအား ဟန့်တားခြင်း၊ ပိတ်ဆို့ခြင်း၊ တားမြစ်ခြင်း စသည့် အကုသိုလ်လုပ်ရပ်များကို ယခင့်ယခင် အစိုးရလက်ထက် များ ကတည်းက တွေ့ကြုံခံစားခဲ့ရသည်။ ကျွန်တော်တို့ ပရဟိတသမားများသည် နိုင်ငံရေးပါတီ ဖွဲ့စည်းတည်ထောင်ထားသော နိုင်ငံရေးသမားများမဟုတ်၊ နိုင်ငံ့အရေး ပြည်သူ့အရေးကိစ္စများကို အစိုးရအား အုတ်တစ်ချပ် သဲတစ်ပွင့် တစ်ထောင့်တစ်နေရာမှ ပံ့ပိုးကူညီပေးနေသော စေတနာရှင်များ သက်သက်သာ ဖြစ်ပါသည်။

နိုင်ငံတော်အား ဆူပူမှုကို လှုံ့ဆော်ကြသူများမဟုတ်၊ နိုင်ငံတော်အာဏာအား လိုချင်တက် မက်ကြသောသူများလည်း မဟုတ်။ ပြည်သူလူထုတို့အားလည်း စည်းရုံးရေးဆင်းရန် မလို၊ ကိုယ့်အလုပ် ကိုယ်လုပ်ကြသော ပရဟိတသမားများသာဖြစ်သည်။ နိုင်ငံတော်ကြီး ငြိမ်းချမ်းမှု၊ သာယာဝပြောမှု၊ မိမိတို့ ရပ်ကွက်၊ မြို့နယ်၊ တိုင်းဒေသအသီးသီးတို့တွင် စိမ်းလန်းစိုပြေဝပြောမှုကိုသာ လိုလားကြသော စေတနာရှင် မေတ္တာရှင် ပေးဆပ်ကြသူများသာဖြစ်သည်။