နောက်ဆုံးရ မြန်မာသတင်းများ
4 years ago
Thursday, July 31, 2014
Wednesday, July 30, 2014
မြန်မာ့အပြောင်းအလဲ နဲ့ Prof. Steinberg ရဲ့ အမြင်အတွေး
ဦးကျော်ဇံသာ ။ ။ Prof. Steinberg အခုတလော မြန်မာနိုင်ငံမှာ သိပ်ပြီးတော့ အားတတ်စရာကောင်းတဲ့ သတင်းတွေ၊ အားတတ်စရာကောင်းတဲ့ အသံတွေ မကြားရပါဘူး။ လွန်ခဲ့တဲ့ ၂ နှစ်လောက်လို မျှော်လင့်ချက်ထားတဲ့အသံလည်း မကြားရတော့ပါဘူး။ ဒီမိုကရေစီ ပြုပြင်ပြောင်းလဲရေးမှာလည်း လူတွေက စိတ်တိုင်းမကျ ဖြစ်လာခဲ့တယ်။ တိုင်းရင်းသားတွေနဲ့ပြုလုပ်နေတဲ့ ငြိမ်းချမ်းရေးဆွေးနွေးပွဲတွေလည်း မအောင်မမြင်။ တိုးလိုးတန်းလန်း ဖြစ်နေပါတယ်။ စာနယ်ဇင်းတွေကို ပိုဖိနှိပ်လာတယ်၊ ဖမ်းဆီးတယ်။ ပြင်းပြင်းထန်ထန် ထောင်ချတယ်။ အရာရာမှာ ဆုတ်ယုတ်မှုတွေသာ ကြားလာရပါတယ်။ ဆိုတော့ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေးဟာ ရှေ့ကိုတိုးနေတာမှ ဟုတ်ပါသေးရဲ့လား။ နောက်များပြန်ဆုတ်နေပြီလား။ ဒါကို လူတိုင်း သံသယရှိနေတဲ့ကိစ္စပါ။ ဆရာကြီး ဘယ်လိုသဘောရပါသလဲ။
Prof. David Steinberg ။ ။ အမေရိကန်တွေက အောင်မြင်မှုကို ချက်ချင်းလက်ငင်း လိုချင်နေကြတယ်လို့ ကျနော် ထင်တယ်။ အပြောင်းအလဲတွေကို ရုတ်တရက် လုပ်ချင်နေကြတယ်။ မြန်မာနိုင်ငံမှာ အပြောင်းအလဲဆိုတာ ချက်ချင်း မဖြစ်နိုင်ပါဘူး။ နှစ်ပေါင်း ၅၀ စစ်အုပ်ချုပ်ရေးအောက် နေလာခဲ့ရတာပါ။ ဖွဲ့စည်းပုံဥပဒေကလည်း စစ်တပ်က သူတို့ အာဏာချုပ်ကိုင်နိုင်ရေးကို ဦးတည်ရေးဆွဲထားတာ ဖြစ်ပါတယ်။ တဖြည်းဖြည်းချင်းသာ ပြောင်းလဲလာမယ်လို့ ကျနော် ယုံကြည်ပါတယ်။
Tuesday, July 29, 2014
ရာဇဝင်ထဲက အလင်းရောင် (အရှင်ဇဝန)
ဟုတ်တယ် မိုးကောင်းကင်ကြီးမှာ ကြယ်များစွာဟာ ဖြစ်တည်နေတယ်။ ဒါတွေဟာ ပစ္စုပ္ပန်ကာလမဟုတ်တော့တာ သေချာတယ်။ အကျွန်ုပ်တို့ ယနေ့မြင်နေရတဲ့ ကောင်းကင်ပြင်ကြီးဟာ အတိတ်ရုပ်ပုံကားချပ်ကြီးပါပဲ။ နှစ်သန်းပေါင်းများစွာကြာအောင် ချီတက်ခဲ့ရတဲ့ သူ့ရဲ့ဇွဲ ပင်ကိုယ်က မခမ်းခြောက်တဲ့ စွမ်းရည်တွေကြောင့် ယခုလို လင်းလက်နေ တောက်ပနေတဲ့ ကြယ်တွေအဖြစ် မြင်ကြရတာ မဟုတ်လား။
ကျောက်ဆူးက ပြောတဲ့သမိုင်း (ကိုညို)
လွန်ခဲ့တဲ့ သီတင်းပတ်က နွေရာသီ အားလပ်ရက်မို့ ကျနော်တို့မိသားစု အော်စလိုမြို့ရဲ့ အနောက်တောင်ပိုင်း ပင်လယ်ကမ်းခြေမြို့ငယ်လေးဖြစ်တဲ့ လန်းဂဆွန်း( Langesund) မြို့လေးကို အလည်ခရီးသွားခဲ့တယ်။ ဒုတိယကမ္ဘာစစ်တုန်းက နာဇီဂျာမဏီတွေသိမ်းပိုက်ပြီး ဒိန်းမတ်၊ ဆွီဒင်နဲ့ နော်ဝေး အထက်အောက် ပင်လယ်ပြင်ထွက်ပေါက်ကို စိုးမိုးထားနိုင်တဲ့ စစ်ရေးမဟာဗျူဟာကျတဲ့ဒေသမို့ ဟစ်တလာရဲ့ ပင်လယ်ပြင်ထိန်းချုပ်ရေး ရေတပ်ဖွဲ့တွေ အခြေချခဲ့တဲ့အရပ်လည်းဖြစ်တယ်။ ဒီနေ့အထိ ပင်လယ်ဝကို စီးမြင်နိုင်တဲ့ တောင်ကုန်း၊ တောင်ထိပ်တွေမှာ နာဇီဂျာမဏီတွေရဲ့ ခိုင်မာတဲ့ ဘန်ကာကြီးတွေ၊ အမြောက်လက်နက် တပ်ဆင်အသုံးပြုတဲ့ နေရာတွေ၊ မြေအောက်လှိုင်ခေါင်းတွေကို အခိုင်အမာ တွေ့နေရတုန်းပါ။
ကျောက်ဆောင်ထက်က ကျောက်ဆူး
အဲဒီနေရာလေးတွေဟာ လှပအေးချမ်းပြီး နိုင်ငံကူးသဘောင်္နဲ့ မော်တော်တွေ၊ ငါးဖမ်းစက်လှေတွေ၊ အမဲလိုက်အဖွဲ့တွေနဲ့ စည်ပင်သာယာနေတယ်။ ဒေသခံ မိတ်ဆွေ ကိုမောင်မောင်က ကျောက်ဆောင်တွေထူပြောတဲ့ ကမ်းရိုးတန်းနဲ့ ကမ်းခြေကျောက်ဆောင် တခုနဲ့တခုကို ပေါင်းကူးတံတားထိုး ဆက်သွယ်ထားရာနေရာတွေဆီ လိုက်ပို့ပေးတယ်။ စင်ယော်ငှက်မျိုးစုံနဲ့ ဘဲ၊ ဟင်္သာ၊ ငန်းနဲ့ ကနေဒါက ရွှေ့ပြောင်းငှက်မျိုးစုံဟာ လွတ်လွတ်လပ်လပ် အစာရှာ ပြေးလွှားနေကြတယ်။ အန္တရာယ်မပေးတတ်မှန်းသိနေလို့ လူမြင်လည်း မတုန်လှုပ်ဘူး။ ပေါင်မုန့်လေးတွေဖဲ့ကျွေးရင် ငှက်တွေအားလုံး အနားကပ်လာတတ်တယ်။ ည ၁၀ နာရီကျော်ပေမယ့် နွေအခါမို့ ဆည်းဆာက တောက်ပတုန်း။
Monday, July 28, 2014
ပြန်ကြားရေး ဒု-ဝန်ကြီးပြောတဲ့ သတင်းမီဒီယာ လွတ်လပ်ခွင့်
ဦးကျော်ဇံသာ ။ ။ ဝန်ကြီးဦးရဲထွဋ် အထူးကျေးဇူးတင်ပါတယ်။ ဒီအချိန်ဟာ မြန်မာနိုင်ငံ မီဒီယာလွတ်လပ်ခွင့်နဲ့ ပတ်သက်ပြီးတော့ လူပြောသူပြော သိပ်များနေတဲ့အချိန်ပါ။ မြန်မာ့မီဒီယာလောကအတွက် အလွန်တာဝန်ရှိတဲ့ ပုဂ္ဂိုလ်တစ်ယောက်။ မီဒီယာနဲ့ အထိအတွေ့ဆုံး အစိုးရတာဝန်ရှိတဲ့ ပုဂ္ဂိုလ်တစ်ယောက်ကို မေးမြန်းခွင့်ရတာ ကျနော်တို့အတွက် အခွင့်ထူးလို့ ယူဆပါတယ်။ ပထမဦးဆုံးက မြန်မာနိုင်ငံမှာ လွန်ခဲ့တဲ့ ၂ နှစ်လောက်က မီဒီယာလွတ်လပ်ခွင့်က အတော်လေးကောင်းတယ်ဆိုပြီး တကမ္ဘာလုံးက လက်ခုပ်သြဘာတီးပြီး ကြိုဆိုခဲ့ကြတယ်။ အခုနောက်ပိုင်းမှာကြတော့ အဲဒီလွတ်လပ်ခွင့်တွေဟာ လျော့နည်းလာတယ်၊ ကျဆင်းလာတယ်လို့ ဝေဖန်ကြပါတယ်။ အဲဒါကို ဘယ်လို တုံ့ပြန်ပြီး ပြောချင်ပါသလဲ။ ပထမဦးဆုံး။
Sunday, July 27, 2014
သူပုန် - ဆွေနွယ်ငြိမ်း (နတ်တလင်း)
ကိုယ်လုပ်နိုင်ရမယ်ဆိုတဲ့
ဆုံးဖြတ်ချက်နဲ့
ဘဝတစ်ခုလုံးဆီမှာပုံလို့
ယုံကြည်ချက်အလံကို တင်လိုက်သူ
ခင်ဗျားတယောက်ထဲကျန်ရင်... (ကိုညို)
ဒီကမ္ဘာပေါ်မှာ ××× အသက်ရှိတဲ့လူတွေ
သေဆုံးပြီး ခင်ဗျားတယောက်ထဲသာ ××
အသက်ရှိလို့ ×× ဆက်လက်ခါကျန်ရင် ×× ပြောစမ်း ခင်ဗျား ဘာလုပ်အုံးမလဲ ××
ငါးများနဲ့ မြက်နဲ့ ကျောက်ခဲတွေ ××× ပေါ်ဦးသက် ပန်းချီကားတွေနဲ့ ××
မန္တလေးက အရက်ချက်တဲ့ စက်ရုံတွေ ××× မိုးကုတ်ပတ္တမြားတွေရယ် ××
သီချင်းက အားလုံးပေါင်းမှ ကောရပ်စ်အသေးတခု အပါအဝင်မှ သုံးပိုဒ်ပဲရှိတာ။ အဲဒီပထမအပိုဒ်ကတော့ ရှင်းတယ်။ ဘယ်သူမှမရှိတဲ့ ကမ္ဘာကြီးမှာ တယောက်ထဲကျန်ရစ်နေတဲ့ လူတယောက်ကိုရှိသမျှ အားလုံးပိုင်ဆိုင်ခွင့်ပေးလိုက်တာ။ တနည်းပြောရရင် တိုင်းပြည်မှာရှိတဲ့ ရုပ်ဝတ္တုဥစ္စာတွေရှိရှိသမျှ ကြွယ်ဝချမ်းသာနေသူတဦး...။ ဒါပေမယ့် သူ့အနားမှာ ဘယ်သူမှ မရှိဘူး။ သူ့အတ္တပဲရှိတယ်။ ဘယ်သူ့ရဲ့မေတ္တာမှ မရှိဘူး၊ သူ့လောဘနဲ့သူ...။ ဒုတိယသီချင်းပိုဒ်လေးက ပိုပြီးသရုပ်ပေါ်လာလိမ့်မယ်...။
Saturday, July 26, 2014
ဒုက္ခသည်ဈေးတနေ့ (လူဗိုလ်)
(တစ်)
“အဖိုးကြီး ထထ၊ ဒီနေ့ ဈေးနေ့လေ... ကျမ ထမင်းချက်ထားလိုက်မယ်”
“ကလေးတွေ ကျောင်းတက်အမီ စားသွားလို့ရအောင်၊ အမြန်လည်း ပြန်ခဲ့အုံးနော်”
ဟုတ်ပ ဒီနေ့ သောကြာနေ့ဆိုတော့ ဈေးနေ့။ ပြီးခဲ့တဲ့ တနင်္လာနေ့နဲ့ ဗုဒ္ဓဟူးဈေးနေ့တွေမှာ ဈေးမသွားဖြစ်ခဲ့။ ဒါကြောင့် ဒီနေ့တော့ သွားကိုသွားတော့မှ… ပြောမယ့်သာ ပြောရတာပါ။ တခါတခါလည်း နှစ်ပတ်သုံးပတ်အထိကို ဈေးမသွားနိုင်တဲ့အခါလည်း ရှိပါတယ်။ ရှိတော့ရှိတယ် များတယ်လို့တောင် ပြောရမလိုလို၊ အိမ်ရှေ့မျက်စောင်းထိုးမှာရှိတဲ့ ကုန်စိမ်းဆိုင်လေးက ချဉ်ပေါင်ရွက် ၅ ဘတ်ဖိုးလောက်၊ ကန်စွန်းရွက် ၅ ဘတ်ဖိုးလောက်နဲ့ ပြီးသွားရတဲ့ရက်တွေကလည်း အများကြီး။
အခုဟာကလည်း ငွေယားလေးရှိလာလို့လို့ ပြောရမှာပဲ။ နော်ဝေးကို မကြာခင်ကမှ ထွက်သွားတဲ့ ကိုနွေအောင်က ကလေးတွေကို သင်္ကြန်မှာသုံးနိုင်ဖို့အတွက်ဆိုပြီး ရင်းနှီးရာ တအိမ် တအိမ်ကို ဘတ် ၅၀၀ စီပို့လိုက်လို့ ကလေးတွေ စကေးထဲက ကပ်သုံးရမှာ ကလေးတွေကတော့ မသိရှာကြပါဘူး။ တယောက်ကို ၂၀ တန်တရွက်စီနဲ့ သင်္ကြန်သေနတ်လေးတွေ ဝယ်ပေးလိုက်လို့ ပျော်နေကြပြီ။ ဒုက္ခသည်စခန်းမှာကလည်း တတိယနိုင်ငံတခုခုကို ထွက်သွားတဲ့လူတွေ ပြန်ကြင်နာနိုင်မှ အူစိုကြရတာ။
Friday, July 25, 2014
နှောင်းနောင်တ (ခင်မမမျိုး)
အာဇာနည်ခေါင်းဆောင်ကြီးများကို စိတ်ထဲက ရည်စူးအလေးပြုပြီးချိန်မှာ အင်တာနက်ဝပ်ဘ်ဆိုက်တွေမှာ တင်ထားတဲ့ “အာဇာနည်နေ့၊ ဒို့မမေ့”ဆိုတဲ့ သီချင်းလေးကို ပြန်နားထောင်လိုက်မိပါတယ်။ ဒီလိုနဲ့ သီချင်းနားထောင်နေရင်း စိတ်ထဲမှာ အရင်တုန်းကတည်းက မတင်မကျဖြစ်ခဲ့ဖူးတဲ့ အတွေးလေးတခုက ပြန်ပေါ်လာပါတယ်။ ဗိုလ်ချုပ်တို့ကျဆုံးပြီးချိန်မှာ ဗိုလ်ချုပ်တို့ရဲ့ လုပ်ဖော်ကိုင်ဖက်တွေ၊ ရဲဘော်ရဲဘက်တွေက “ဒီလို လုပ်ကြံမှုကြီးရဲ့ ခြေလှမ်းတွေကို ငါတို့တတွေ သတိမထားမိလေခြင်း၊ ဗိုလ်ချုပ်တို့လို ခေါင်းဆောင်ကြီးတွေကို မကာကွယ်လိုက်နိုင်လေခြင်း”လို့ ယူကြုံးမရဖြစ်ခဲ့ကြမှာ အသေအချာပါပဲ။
သမိုင်းအချက်အလက်တွေကို ပြန်ဆန်းစစ်ကြည့်မယ်ဆိုရင် ဗိုလ်ချုပ်တို့လုပ်ကြံခံရမှုကြီး မဖြစ်ပွားခင်မှာ လုံခြုံရေး ရှုထောင့်အရ ထည့်သွင်းစဉ်းစားစရာတွေဖြစ်တဲ့ pre- incident indicators တွေ ရှိနေခဲ့ပါတယ်။ ကြိုတင်စီစဉ်ထားတဲ့ ရာဇဝတ်မှုခင်းတွေ၊ လုပ်ကြံမှုတွေတိုင်းမှာ မှုခင်းမဖြစ်ပွားမီကတည်းက အန္တရာယ် အချက်ပြမီးတွေလို့ဆိုနိုင်တဲ့ group-related indicators, target-related indicators နဲ့ incident-related indicators တွေ ပေါ်ထွက်လေ့ရှိပါတယ်။ ဒီလို ပေါ်ထွက်လာပြီးမှ ရာဇဝတ်မှုခင်းတွေနဲ့ လုပ်ကြံမှုတွေ အောင်မြင်သွားခြင်းကတော့ ရလာတဲ့ သတင်းအချက်အလက်တွေကို အမှုမဲ့ အမှတ်မဲ့နေခြင်း၊ ရန်သူဘက်ကို အထင်သေးခြင်းနဲ့ မိမိဘက်ကို အထင်ကြီးခြင်းတို့ပဲ ဖြစ်ပါတယ်။
Thursday, July 24, 2014
အလန်းဇယားခင်းတဲ့ ဗန်းစကားပြင်းတွေ (ဖိုးသော်တာ)
ကြီးမှစဉ်းစားမိတာ ဓားတောင် ဝထ္တုရေးရာမှာ အဲဒါလည်း ပါဝင်နိုင်တယ်လို့ ထင်လာတယ်။ သေတော့မသေချာဘူးပေါ့။ အဲတုန်းက ဆံပင်ရှည်ထားတာလည်း ခေတ်စားနေတာကိုး။ လမ်းသူရဲခေတ်ပေါ့လေ။ ဆံပင်ရှည်ထားတိုင်း လမ်းသူရဲ မဟုတ်ကြောင်းနဲ့ လူကြီးတွေအနေနဲ့ လူငယ်တွေကို နားလည်ဖို့လိုကြောင်း ဝထ္တုထဲမှာ ထည့်ရေးထားတာကိုး။ နောက်ပိုင်း ဟောပြောပွဲတွေမှာလည်း ထည့်ဟောခဲ့တာပဲလေ။ အဆိုတော်ကြီး မင်းမင်းလတ်ဟာ အဲတုန်းက အနောက်နိုင်ငံတွေမှာ ခေတ်စားနေတဲ့ သီချင်းသံစဉ်တွေကို မြန်မာဂီတပရိသတ်နဲ့ မိတ်ဆက်ပေးသူတွေထဲမှာ တယောက်အပါအဝင်ဆိုတာ ဘယ်သူမှ ငြင်းကြမယ် မထင်ပါဘူး။ သူ့ကို သီချင်းရေးပေးသူတွေကလည်း တကယ့်ခေါင်ဆိုတဲ့ လူတွေ။
Wednesday, July 23, 2014
ကျနော်တွေ့ကြုံခဲ့တဲ့ ယင်၊ ခြင် ကြွက်၊ ပိုးဟတ်နဲ့ သန်း၊ ကြမ်းပိုးတွေ အကြောင်း (၁)
နွေဆို ပန်းဝတ်ရည်စုတ်တတ်တဲ့ ပျားကောင်လေးတွေ အိမ်ထဲ အလည်ရောက်တတ်လို့ ပျားရိုက်တံလေးတခု အိမ်မှာဆောင်ထားတာ ပျားမရိုက်ရဘဲ ယင်ချည်း သတ်နေရတယ်။ အခုလည်း ပူလို့ နောက်ဖေးတံခါး ဖွင့်ထားတာကို အခွင့်ကောင်းယူပြီး ယင်တကောင် ဝှီးခနဲ ပျံလာတယ်။ သားက သူ့မိုက်ခရိုစကုတ်နဲ့ ယင်ကောင်ရိုက်ပြီး အနုစိတ်ကြည့်တတ်တယ်။ မှန်ဘီလူးနဲ့ အနီးကပ်ကြည့်လိုက်ရင် မျက်လုံးပြူးပြူးရဲရဲ၊ အမွှေးအမျှင်တွေနဲ့ ကြောက်စရာ့ယင်ကောင်ကို သမီးနဲ့သားက စိတ်ဝင်တစား အလုအယက် ကြည့်ကြတယ်။
ဒီယင်ကောင်တွေကလည်း အနံ့ခံတာ သိပ်ကောင်းတယ်။ ဟင်းချက်ဖို့ ငပိ၊ ငါးခြောက်လေး ထုတ်လိုက်ရုံရှိသေးတယ် ချက်ချင်း ဝီခနဲ အပြေးရောက်လာတယ်။ သိပ်မြန်တယ်။ ပြီးတော့ ဘယ်နည်းဘယ်ပုံ အင်ဖော်မေးရှင်း ပို့လိုက်လည်းမသိ။ နောက်ထပ်၊ နောက်ထပ် အကောင်တွေ တိုးလာတယ်။ နောက်ဆုံး အလုပ်တွေ ခဏဖယ် ယင်စစ်ဆင်ရေး အရင်လုပ်ရတော့တယ်။
Tuesday, July 22, 2014
Saturday, July 19, 2014
သူ့မိဘတွေကိုလည်း အားနာပါ (ကိုညို)
ဦးအောင်ဆန်းဦးနာမည်ကို ကျနော်တို့ ၈၈ ပြည်သူ့အရေးတော်ပုံမှာ စပြီးကြားဖူးတယ်။ အောင်ဆန်းဦး ပြန်လာမယ်၊ ဒီမိုကရေစီတိုက်ပွဲကို ဦးဆောင်မယ်ဆိုတဲ့ ကောလဟလတွေနဲ့ စိတ်ခွန်အားတက်ခဲ့တယ်။ နောက်ပိုင်း အမေရိကားနိုင်ငံသား အောင်ဆန်းဦးရဲ့ ပြည်သူ့ထံ အိတ်ဖွင့်ပေးစာတွေတောင် ထွက်လာသေးတယ်...။ အဲဒီတုန်းက ဗိုလ်ချုပ်ရဲ့သားကြီး ဦးအောင်ဆန်းဦးကို တိုင်းပြည်ခေါင်းဆောင်အဖြစ် ကျနော်တို့ စိတ်ကူးမျှော်မှန်းခဲ့တယ်။
Wednesday, July 16, 2014
Tuesday, July 15, 2014
လောင်းကြေး (ဆောင်းလူ)
ကုန်ကူးချင်နေတဲ့ခေတ် ...။
ခေတ်ဆန်လာပေမယ့် ...
ကုန်ကူးချင်တဲ့ ခေတ် ...။
စိန်ကုန်ကူးမယ် ...
ကျောက်ကုန်ကူးမယ် ...
သစ်ကုန်ကူးမယ် ....
နောက်ဆုံး ... လူကုန်ကူးမယ် ...။
.......
.......
.......
Thursday, July 10, 2014
သတင်းမီဒီယာလောကကို အမြန်ဆုံး ကာကွယ်စောင့်ရှောက်ကြ (ကိုညို)
ဒါကို သတင်းသမားတွေ ငြိမ်ခံနေမယ်ဆို နောက်ပိုင်း ပိုမိုတင်းကြပ်တဲ့ဥပဒေတွေ တခုပြီးတခုထုတ်ပြီး ချောင်ပိတ်ရိုက်လိမ့်မယ်။ ယူနတီသတင်းထောက်တွေက နိုင်ငံတော်လုံခြုံရေးကို ထိပါးနှောက်ယှက်တာ မဟုတ်ဘူး။ အစိုးရရဲ့ ပွင့်လင်းမြင်သာမှုမရှိတဲ့ လုပ်ဆောင်မှုတွေကို ပြည်သူတွေသိအောင် ထောက်ပြညွှန်ပြခဲ့တာ ဖြစ်တယ်။
Tuesday, July 8, 2014
အော်စလိုက မက်ထရိုမှာ... (ကိုညို)
ကျနော့်ရှေ့ထိုင်ခုံမှာ ထိုင်နေတဲ့ ရွှေရောင်ဆံပင်နဲ့ အမျိုးသမီးက စာအုပ်တအုပ်ဖတ်နေတယ်။ သူ့ဘေးက အမျိုးသားက သတင်းစာပေါ်က မျက်မှန်ကိုမခွာ။ ကျနော့်ဘေးကလူကို မသိမသာအကဲခတ်လိုက်တော့ သူကလည်း ပြူတင်းပေါက်မှန်ကနေ အပြင်ဘက်ငေးနေတယ်။ ဘေးကမျက်စောင်းထိုးခုံမှာ အသက် ၆၀ ဝန်းကျင် နော်ဝေး အဖွားကြီးတယောက်နဲ့ သူ့ဘေးမှာ မြီးကောင်ပေါက် အာဖရိက ကျောင်းသူလေးတယောက်။ ကလေးမလေး အိုင်ဖုံးကနေ နားထောင်နေတဲ့ သီချင်း စည်းဝါးသံ တရှုးရှုး တရွှတ်ရွှတ်ဟာ နားကြပ်ကတဆင့် ကျနော့်နားဝထိ ရောက်နေတယ်။ ဒီခေတ်လူငယ်တွေ သီချင်းနားထောင်ရင် ငြိမ့်ငြိမ့်ညောင်းညောင်း မရှိ၊ ဆူဆူညံညံ စူးစူးရှရှ၊ မြန်မြန်ထက်ထက် အတုံးလိုက် အတစ်လိုက် စကားလုံးတွေနဲ့။
Monday, July 7, 2014
၇ ရက် ဇူလိုင် အရေးအခင်းကို ဘာကြောင့် နှစ်စဉ် အထိမ်းအမှတ်ပြုနေရသလဲ (ရဲဘော်ဖိုးသံချောင်း)
၇ ရက် ဇူလိုင်အရေးတော်ပုံဟာ ဆိုရှယ်လစ်ဆိုင်းဘုတ်တပ်။ အမျိုးသားရေး စကားတွေ လှိုင်လှိုင်ပြောပြီး ဗမာပြည်မှာ စစ်အာဏာရှင်စနစ်ကို (၁၉၅၈ ခုနှစ်တုန်းကလို မြေစမ်းခရမ်းပျိုး မဟုတ်ဘဲ) အတည်တကျ တည်ဆောက်လာတာကို စစ်ဦးမှာ ထိပ်တိုက်တိုက်ခဲ့ကြတဲ့၊ အသက်တွေစတေးခဲ့တဲ့ တိုက်ပွဲကြီးဖြစ်ပါတယ်။ ဗိုလ်နေဝင်းတို့ဟာ ၁၉၅၈ ခုနှစ် အာဏာသိမ်းတုန်းက ရက်ရက်စက်စက်လုပ်ပြထားတာ။ အာဏာသိမ်းတဲ့ မတ်လ ၂ ရက်နေ့ညမှာ သမ္မတနဲ့ ဝန်ကြီးတွေ အပါအဝင် နိုင်ငံရေးသမားပေါင်း မြောက်မြားစွာကို “ထိန်းသိမ်း”လိုက်တာ။ အပြစ်မဲ့ ၁၇ နှစ် ကျောင်းသားလေး စဝ်မီမီသိုက်ကို ကြက်ကလေးငှက်ကလေး သတ်သလို သတ်ဖြတ်ပြထားတာ။ တဖက်မှာတော့ ဆိုရှယ်လစ်စကားတွေ သံကောင်းဟစ်နေတာ စတာတွေကြောင့် နိုင်ငံရေးလောကမှာ ဗိုလ်နေဝင်းတို့ကို ကြောက်သူနဲ့။ ခွေးကတက်ကနေ အလုပ်အကြွေးပြုချင်သူတွေသာ လွှမ်းမိုးနေပါတယ်။
Sunday, July 6, 2014
တန်ပြန် အကြမ်းဖက် ကာကွယ်ရေးအဖွဲ့တွေ ဖွဲ့ပါ (သို့မဟုတ်) မိမိကိုယ်ကိုတည်ဆောက်ပါ (ကိုညို)
အမှန်တော့ ပြည်သူတွေကို အကြောက်တရားတွေ၊ စိုးရိမ်သောကတွေ၊ သံသယတွေ၊ မယုံကြည်မှုတွေ ဆိုတဲ့ စိတ်ဓာတ်တွေ ရိုက်သွင်းပေးနေတာဖြစ်တယ်။ ဒါမှ အာဏာပိုင်တွေက လူထုကို အလွယ်တကူ ထိမ်းချုပ်နိုင်မှာ၊ အမိန့်ပေးနိုင်မှာဖြစ်တယ်လေ။ လူတွေညီညွတ်ပြီး၊ အစိုးရအပေါ် မကျေနပ်မှုတွေ၊ ဆန့်ကျင်စိတ်တွေ မပေါ်အောင် ဒီနည်းနဲ့ ထိမ်းချုပ်တာဖြစ်တယ်။
အာဏာရှင်ကြီးစိုးတဲ့ နိုင်ငံတိုင်းမှာ ဒီလို ဖြစ်ရပ်တွေ ရှိတယ်။ တောကြောင်တွေမွေးပြီး လူထု စည်းလုံးညီညွတ်မှုကို ဖြိုခွဲနေတာဖြစ်တယ်။ ဒါမှ အစိုးရကို၊ လက်နက်ကိုင်တပ်တွေကို လူတွေက အားကိုးယုံကြည်မှာလေ။ ဗုဒ္ဓခေတ် အိန္ဒိယ ရာဇဝင်မှာ လဇ္ဇဝီတွေရဲ့ ညီညွတ်မှုနဲ့ တည်ဆောက်ထားတဲ့ ဝေသာလီကို ဖြိုခွဲခဲ့တာ ဒီအတိုင်းပဲ။
Saturday, July 5, 2014
ခွပ်ဒေါင်းနှင့်အတူ (၂) - ကိုစိုးသိမ်း (ပဲခူး)
ခွပ်ဒေါင်းစုံညီ ရှေ့သို့ချီပြီ
ကျောင်းသားထု၏ သွေးစည်းညီညွှတ်မှုရေချိန်သည် အရှိန်မြင့်မားစွာ တက်ကြွလျက်ရှိနေပေသည်။ စစ်ဗိုလ်အစိုးရသည် ကြက်သေ သေ၍နေရလေသည်။ ဇောချွေးများပင် ပြန်နေပါသေး၏။ သတင်းစာများနှင့်တကွ မိဘပြည်သူတရပ်လုံးကလည်း ကျောင်းသားထု၏ မှန်ကန်၍ တရားနည်းလမ်းကျသော တောင်းဆိုချက်များကို အားပေးထောက်ခံ၍ နေလေသည်။
ကျောင်းသားထုသည် အစိုးရကို အပြုတ်တိုက်ရန်လည်း မကြံစည်၊ အကြော်ကျွေးရန်လည်း မစီစဉ်သည်မှာတော့ ထင်ရှားလှပေသည်။ ကျောင်းသားထုသည် မိမိတို့၏ငြိမ်းချမ်းစွာ ပညာသင်ကြားရေး ဒီမိုကရေစီအခွင့်အရေး ကာကွယ်ရေး၊ ဖိနှိပ်ချုပ်ချယ်မှု တွန်းလှန်ရေးတို့အတွက် ကျောင်းသားအမြင် ကျောင်းသားအသိတို့ဖြင့် တောင်းဆို တိုက်ပွဲဝင်နေသည်မှာလည်း ရှင်းလှပေသည်။
ထိုအချိန်တွင် စစ်ဗိုလ်အစိုးရ၏ တာဝန်ရှိသူများသည် ကျောင်းသားထု၏ မှန်ကန်သော တောင်းဆိုချက်များကို လုံးဝ လျစ်လျူရှုထားသည်သာမက “ဗူးဆို ဖရုံမသီးဘူးဟေ့” ဟူ၍ပင် တင်းခံနေလိုက်ချေသေး၏။
“မင်းတို့ ရှေ့ဆက်ပြီး ဆူနေရင် ဒို့နဲ့ face to face ရင်ဆိုင်ရမှာဘဲ” ဟုလည်း ဟန့်တားခဲ့သည်။ “တရာ သေလို့ အားမရရင် နှစ်ရာ သတ်ပြမယ်” ဟုလည်း ကြိမ်းဝါးခြိမ်းချောက်ခဲ့သည်။ ထိုမျှမကသေး “စစ်ဗိုလ်အစိုးရ” ၏ အာဏာရှင် ဗိုလ်နေဝင်း ကိုယ်တိုင်ကပင် “တက္ကသိုလ်လှုပ်ရှားမှုဟာ မပြောပလောက်ပါဘူးဗျာ” ဟု ယိုးဒယား သတင်းစာဆရာများအား ဂယောင်ချောက်ချား ပြောခဲ့ချေသေး၏။
Friday, July 4, 2014
ခွပ်ဒေါင်းနှင့်အတူ (၁) - ကိုစိုးသိမ်း (ပဲခူး)
မလဲကျသေးသော ခွပ်ဒေါင်းအောင်လံ
စစ်ဗိုလ်အစိုးရသည် ဇူလိုင်ရက်စက်မှုကြီးကို ကျူးလွန်ပြီးသည့်နောက် တက္ကသိုလ်မြေတွင် ခွပ်ဒေါင်း လည်တိုင်ကျိုးပြီဟု ထင်နေကြ၏။
သြဂုတ်လ ၂၇-ရက်နေ့တွင် ကျောင်းပြန်ဖွင့်သည့်အခါ၌လည်း ကျောင်းသားထုသည် လူဆိုးများသဖွယ် အမျိုးမျိုးအစစ်ဆေးခံ၍ အထပ်ထပ်လက်မှတ်ထိုးလာကြရသည်ဖြစ်ရာ တက္ကသိုလ်ကြီးကိုတော့ ငါတို့ထင်သလို ချယ်လှယ်နိုင်ပြီဟုလည်း ထင်နေကြပေသည်။ မိမိတို့ကိုယ်ကိုပိုင်လှပြီဟုလည်း အထင်ကြီးနေကြလေသည်။ ဗိုလ်နေဝင်း၏ ဓားကြိမ်းကြိမ်းထားသံကြောင့်လည်း သတ္တိပြောင်လှသော သူရဲကောင်း နိုင်ငံရေးပါတီကပင် နားရွက်မျှမလှုပ်ရဲဘဲ အမြီးကုပ်၍နေကြချိန် ဖြစ်နေပေသည်။ မသာအိမ်တွင် ရဲရဲငိုဝံ့သူမရှိအောင်လည်း သူတို့တတွေက ခေတ်ကောင်းနေသည် မဟုတ်ပါလော။
တက္ကသိုလ်တွင်မူ ခွပ်ဒေါင်းအောင်လံကတော့ မလဲကျသေးပါချေ။ ကျောင်းသားထုသည် ဆက်လက်၍ တိုက်ပွဲအတွက် တာစူအားယူနေကြပေသည်။ သို့ရာတွင် တကသ ခေါင်းဆောင်များကား အဖမ်းခံနေရသူနှင့် ပြေးရသူများသာဖြစ်နေရာ တိုက်ပွဲအတွက် အဆက်ပြတ်နေခဲ့ပြီ ဖြစ်လေသည်။
Thursday, July 3, 2014
ခွပ်ဒေါင်းနှင့်အတူ - ကိုစိုးသိမ်း (ပဲခူး)
ခွပ်ဒေါင်းနှင့်အတူ
(၁၉၆၂-၆၃) ခုနှစ် တက္ကသိုလ်အရေးတော်ပုံ မှတ်တမ်း
ရေးသူ-ကိုစိုးသိမ်း (ပဲခူး)
ရေးသူ-ကိုစိုးသိမ်း (ပဲခူး)
‘အမှာ’
ရဲဘော်စာဖတ်သူ ...
၁၉၆၂၊ ၆၃ နှစ် တက္ကသိုလ်ကျောင်းသားလှုပ်ရှားမှုများကို နောင်အနာဂတ်တိုက်ပွဲများအတွက် အထောက်အကူဖြစ်စေရန် မှတ်တမ်းတစောင်တဖွဲ့ ထားရှိသင့်သည်ဟုယူဆမိ၍ ဤစာအုပ်ကို ထုတ်ဝေဖြစ်ခဲ့ပါသည်။
ဤမှတ်တမ်းစာအုပ်မတိုင်မီကပင် ဇူလိုင်အရေးတော်ပုံ၏ ဂရက်များဖြစ်သော မန္တလေးဆောင်မှာ ရဲဘော်ကိုခင်ဆွေ၏ (ရင်ပြင်နီ) သည်၎င်း၊ ဒဂုန်ဆောင်မှ ရဲဘော်ကိုလှမြင့်၏ (ဥဒါန်းမကြေ)သည်၎င်း၊ ရဲဘော်ကိုတင်အေး၊ ကိုကြည်ဝင်းနှင့် ကိုသူမွန် (ကိုသိန်းအောင်)တို့၏ (တက္ကသိုလ်ဝန်းကျင်) သည်၎င်း၊ အင်းဝဆောင်မှ ရဲဘော်အောင်မျိုး၏ (အရေးတော်ပုံ စာစောင်သစ်)သည်၎င်း၊ တက္ကသိုလ်နယ်မြေတွင် အားရဘွယ်ရာ ထွက်ပေါ်လာခဲ့ပြီးသည်သာမက၊ ယခုတဖန် ရဲဘော်ကိုခင်ဆွေနှင့် ကိုသန်းထွန်းဦး (အင်းဝ) တို့၏ (အနိုင်မခံ)သည်ပင်လျှင် မကြာမီထွက်လာလိမ့်မည်ဟု ကြားသိရပေသည်။
ဤ (အရေးတော်ပုံမှတ်တမ်း) သည် မမေ့ပျောက်သင့်သော ၁၉၆၂၊ ၆၃ အရေးတော်ပုံကြီးကို အကြမ်းဖျင်း စာပန်းချယ်ထားသည်ဖြစ်ရာ စုတ်ချက် အနုအရမ်း၊ အကြမ်းအပျော့များ ပါကောင်းပါရှိမည် ဖြစ်ပေသည်။
မှတ်တမ်းရေးသူသည် (၆၂-၆၃) ကျောင်းသားလှုပ်ရှားမှုများတွင် လေးဦးကော်မတီမှအစပြု၍ ကျောင်းသားအခွင့်အရေး ကာကွယ်မှုကော်မတီအထိ တိုက်ပွဲအစဉ်အဆက် ရှေ့တန်းမှ ပါဝင်ဆင်နွှဲခဲ့သူဖြစ်သောကြောင့်လည်း ဤမှတ်တမ်းသည် အတော်ပင် ပြည့်စုံခိုင်လုံသည်ဟု ဆိုချင်ပါသည်။
ဤစာအုပ်ထုတ်ဝေခြင်းသည် စီးပွားရေးကိုယ်ကျိုးရှာခြင်းမဟုတ်ဘဲ ယုံကြည်ချက်အတွက်သာဖြစ်ကြောင်း မှတ်တမ်းတန်ဘိုးနှင့် ဈေးနှုန်းကိုယှဉ်ကြည့်လျှင် သိနိုင်မည်ဟု မြော်လင့်ပါသည်။
ညွှန့်သောင်း
(ထုတ်ဝေသူ)
Subscribe to:
Posts (Atom)
