ထွီ ... ထွမ် ... (ကာတွန်း စောငို)

စစ်အာဏာရှင်တွေရဲ့ ဆင်ခြေ (ကိုညို)

မတ်လ ၂ ရက်နေ့ဟာ ကျနော်တို့နိုင်ငံသမိုင်းမှာ မေ့ရက်စရာမရှိသလို ဆင်ခြင်သံဝေဂယူစရာ နေ့တနေ့အဖြစ် သမိုင်းတလျှောက်သတိပေးနေမယ့် နေ့ဖြစ်တယ်။ ပြီးတော့ မြန်မာပြည်သူတွေနဲ့ တိုင်းပြည်အတွက် ဝမ်းမြောက်စရာ၊ ဂုဏ်ယူစရာမရှိတဲ့ ရုပ်ဆိုးအကျည်းတန်တဲ့နေ့လည်းဖြစ်တယ်။

ဘာကြောင့်လဲဆိုတော့ လွန်ခဲ့တဲ့ မတ်လ ၂ ရက်နေ့ကစလို့ လက်နက်နဲ့ နိုင်ငံတော်အာဏာသိမ်းခဲ့ပြီး အာဏာရှင်စနစ်နဲ့အုပ်ချုပ်ခဲ့တဲ့ ဒဏ်ရာဒဏ်ချက်တွေ၊ အကျိုးဆက်တွေနဲ့ အနိဌာရုံတွေအားလုံးဟာ ၅၂ နှစ်တိတိကြာမြင့်လာတဲ့ ဒီကနေ့၊ ဒီအချိန်ကာလအထိ အဆုံးမသပ်နိုင်သေးလို့ ဖြစ်ပါတယ်။ ထူးခြားတာက သမိုင်းဖြစ်စဉ်တွေဟာ တထပ်တည်းမကျပေမယ့် ဆင်တူရိုးမှားသဏ္ဍန် ပြန်လည်ပတ်တတ်တယ်ဆိုတဲ့ အဆိုအတိုင်း ဒီကနေ့ နိုင်ငံရေးအခြေအနေတချို့ဟာ လွန်ခဲ့တဲ့ ၁၉၆၂ စစ်အာဏာသိမ်းပြီးနောက်ပိုင်း အနေအထားတွေနဲ့ ခပ်ဆင်ဆင်တူနေတာ တွေ့ရပါတယ်။

အကယ်၍များ မတ်လ ၂ ရက်နေ့မှာ စစ်အာဏာမသိမ်းခဲ့သလို ၁၉၆၂ ဖေဖော်ဝါရီလ ၂၄ ရက်ကနေ မတ်လ ၁ ရက်နေ့အထိ ဖယ်ဒရယ်မူနဲ့ပတ်သက်တဲ့ လူမျိုးပေါင်းစုံ နှီးနှောဖလှယ်ပွဲကြီးကို အဖြေရှာ ဆုံးဖြတ်နိုင်တဲ့အထိ ကျင်းပနိုင်ခဲ့ရင် မိမိတို့နိုင်ငံဟာ တချိန်ကလို အရှေ့တောင်အာရှရဲ့ ခွန်အားအကြီးဆုံး၊ သြဇာအကောင်းဆုံး နိုင်ငံကြီးအဖြစ် ပိုနေမြဲ ကျားနေမြဲရှိနေမယ်ဆိုတာကို လက်ရှိအနေအထားများက နှိုင်းယှဉ်သက်သေပြနေပါတယ်။

ပြောတာပဲ (ဇော်သက်ထွေး)

ပြည်ထောင်စုလွှတ်တော်ဥက္ကဋ္ဌကြီး က မြေသိမ်းယာသိမ်းကိစ္စတွေမှာ ပြည်သူတွေ နစ်နာဆုံးရှုံးမှုမရှိအောင် လုပ်ရမယ်လို့ ပြောပါတယ်။ နိုင်ငံတော် သမ္မတကြီးကလည်း မိဘပြည်သူများ ခင်ဗျားဆိုပြီး ရိုသေကျိုးနွံစွာနဲ့ တိုင်းပြည်ကို မိန့်ခွန်းပြောလေ့ရှိပါတယ်။ ကာကွယ်ရေးဦးစီးချုပ်ကလည်း ပြည်တွင်းငြိမ်းချမ်းရေးရဖို့အတွက် တပ်မတော်ဟာ အတတ်နိုင်ဆုံး စိတ်ရှည်သည်းခံပြီး ဆောင်ရွက်နေတယ်လို့ နိုင်ငံတကာကို ပြောခဲ့ပါတယ်။ 

ဒါပေမယ့် လွှတ်တော်ကိုယ်စားလှယ်တွေထဲက ၁၆၀ ကျော်ဟာ လွှတ်တော် သက်တမ်း ၃ နှစ်အတွင်း ဘာမေးခွန်းမှ မမေးခဲ့ပါဘူး။ အစိုးရအဖွဲ့အတွင်းမှာလည်း အကျင့်ပျက်ခြစားမှုကြောင့် အရေးယူခံရတဲ့ ဝန်ကြီး မရှိပါဘူး။ လက်ရှိ အာဏာရထားတဲ့ပါတီထဲက ပုဂ္ဂိုလ်တချို့ဟာ ပြုပြင်ပြောင်းလဲရေးတွေကို ခုခံဖို့အတွက် အရင်အစိုးရရဲ့လက်ရာအတိုင်း ဗြောင်ကျကျ လှုပ်ရှားနေဆဲပါပဲ။ 

ရာသီဥတုက ပူတယ်။ ပြည်သူတွေက ဆင်းရဲတယ်။ ဘတ်စ်ကားကြီးတွေက နိုင်ငံတော်ပိုင်လမ်းပေါ်မှာ စိတ်ထင်သလို မောင်းနေကြတယ်။ ရုပ်ရှင်တွေကလည်း မကောင်းဘူး။ သရုပ်ဆောင်တွေက အခန်းတစ်ခန်းထဲမှာ စုရပ်ပြီး စကားတွေပဲ ပြောနေကြတယ်။ ပြဇာတ်သာသာပဲ။ ဟာသကားတွေပဲများနေပြီး အတွေးအခေါ်တွေက မြင့်မားမလာတော့ဘူး။ 

လိပ်ပြာမသန့်တဲ့ အရပ် (ဆောင်းလူ)

လိုချင်တာမရနိုင်သည့် အခြေအနေကိစ္စတို့ကြောင့် ဆုံးဖြတ်ချက်တခုနှင့်အတူ ကိုယ့်မြေ ကိုယ့်ရေ ကိုယ်လေကို စွန့်ခွာထွက်ခဲ့သည်မှာ အတော်ကြာခဲ့ချေပြီ ...။ ခုတော့လည်း ... အတော်ကျင်လည် ကျက်စားမိသည်နှင့်အညီ .. ကိုယ့်မြေ ကိုယ့်ရေ ကိုယ့်လေကို လွမ်းမိ၏။ 

ထိုအရပ်၏ ယခုနွေတွင် ပုရစ်ဖူးတို့ ဖူးနေပေရော့မည် ...။ 
ထိုအရပ်၏ ယခုနွေတွင် လေရူးတို့ မြူးနေပေရော့မည် ...။ 
ထိုအရပ်၏ မြင်ကွင်းတို့သည် ... 
ထိုအရပ်၏ ရှုခင်းတို့သည် ... 

ထိုအတောအတွင်း ... ဤအရပ်တွင် ... ကျွန်ုပ်သည် စည်းမျဉ်းစည်းကမ်း မကိုက်ညီ၊ အနစ်နာမခံခဲ့ပါဘဲနှင့် အကျိုးအမြတ်ကြီးကြီး ရလိုမှုဖြင့် ဒုက္ခသည်အဖြစ် ဟန်ဆောင်ခဲ့ရသည် ...။ အမှန်တကယ် စစ်မှန်သည့်ဒုက္ခသည်များကိုဖြင့် မျက်နှာပူ အားနာခဲ့ရသည်။ အမှန်တကယ် ဒုက္ခခံရင်းနှီးခဲ့ရသူတို့အတွက် မျက်နှာပူ အားနာခဲ့ရသည်။ 

ပြတင်းတံခါးအပိတ် (သစ်ကောင်းအိမ်)

တံခါးတချပ်ပြီး တံခါးတချပ် 
အခန်းတခန်းပြီး အခန်းတခန်း 
သုံ့ပန်းတယောက်ပြီး သုံ့ပန်းတယောက် 
ဧကရာဇ်တပါးပြီး ဧကရာဇ်တပါး 
စစ်ပွဲတပွဲပြီး ငြိမ်းချမ်းရေးတဆူ 
ငြိမ်းချမ်းရေးတဆူပြီး စစ်ပွဲတပွဲ 

ရှေ့လုပ်ငန်းစဉ် ... (ကာတွန်း အောင်မော်)

သူ့ကို ခလုတ်တိုက်သွားသူတွေအားလုံးကို သတိရနေတဲ့ “ဘိုး ပိန်” (ခန့်အောင်)

မနေ့က ကျနော် နဲ့ ကိုလွမ်းဏီ၊ အဘကို သွားကြိုတယ်။ တလမ်းလုံး သူနဲ့ ကိုလွမ်းဏီ ဟိုရောက် ဒီရောက် စကားတွေ ပြောလာကြတယ်။ ကျနော်နဲ့ စကားမပြောဖြစ်ဘူး။ ကိုလွမ်းဏီအိမ်ရောက်တော့မှ အဘ ကျနော့်ကို မှတ်မိလား မေးလိုက်တော့မှ အဘ က မြင်တော့ မြင်ဖူးသလိုပဲကွ ဒါနဲ့ မင်းက ဘယ်သူတုန်းတဲ့၊ နာမည်ပြောလိုက်တော့မှ “မသာရဲ့ ငါလုပ်လိုက်ရ သေတော့မယ်၊ စောစောက ဘာလို့မပြောတုန်း” တဲ့ ဘပိန်တို့က တွေ့လိုက်တာနဲ့ အဲလိုမျိုး။

သူ သတိတရနဲ့ စမေးတာက လူ့ဘောင်သစ်က အရှည်ကြီး ထွန်းထွန်း အဲဒီကောင် ဘယ်ရောက်နေလဲတဲ့ US မှာလေလို့ ဖြေလိုက်တယ်။ ဟေ့ စိုးငြိမ်းကြီး အမေရိကားရောက်ပြီး ဘာမှ မကြားရပါလားတဲ့၊ ဒါနဲ့ အောင်လေးတကောင် ရောတဲ့၊ သူက အမေရိကား VOA မှာ မင်းသားလုပ်နေတယ်လို့ ပြောလိုက်တော့ ဖြစ်မယ် ဖြစ်မယ် ဒီကောင်က တဲ့၊ ပြုံးပြုံး ပြုံးပြုံးနဲ့ ပြောတယ်။ ချက်ချင်းဆိုသလိုပဲ ဘပိန်က ပြောနေတဲ့စကားဝိုင်းနဲ့ ဘာမှမဆိုင်တော့သလို တနေရာကို ငေးပြီး တွေးနေတယ်။

စားကျက်မြေနဲ့ သမ္မတကြီးပြောတဲ့ နွားနို့ (ဇော်မင်း)

မှတ်မိနေတဲ့ကိစ္စတခု ရှိပါတယ်။ အဲဒါက ဘာတုန်းဆိုတော့ ၂ဝ၁၂ ခုနှစ် သြဂုတ်လအတွင်းက လွှတ်တော်မှာ စားကျက်မြေကိစ္စနဲ့ပတ်သက်လို့ အပြန်အလှန် ငြင်းခုံဆွေးနွေးတာတွေ ဖြစ်ခဲ့ပါတယ်။ အဆိုတင်တဲ့ဘက်က မြန်မာနိုင်ငံဟာ နောင်မှာ စက်မှုနိုင်ငံတော်အဖြစ် တည်ဆောက်တော့မှာမို့ စားကျက်မြေဆိုတာ လိုအပ်တော့မှာ မဟုတ်ဘူးလို့ ဆိုပါတယ်။ ဒါကြောင့် စားကျက်မြေတွေကို လယ်ယာမြေအဖြစ် အသွင်ပြောင်းဖို့နဲ့ စက်မှုဇုံတွေအဖြစ် အသွင်ပြောင်းဖို့ လိုအပ်တယ်လို့ တင်ပြလာပါတယ်။ အဲသလို တင်ပြလာတဲ့အဆိုဟာ ဆွေးနွေးဖို့တောင် မလိုအပ်ဘူးလို့ ကန့်ကွက်တဲ့သူတွေလည်း ရှိပါတယ်။ ဒါပေမယ့် ကန့်ကွက်တဲ့ဘက်က ရှုံးနိမ့်သွားတဲ့အတွက် ဒီအဆိုဟာ လွှတ်တော်အတွင်းမှာ မပြီးပြတ်သေးဘဲ ဆက်လက်ဆွေးနွေးဖို့ ရှိလာပါတယ်။ 

စားကျက်မြေတွေကို အသွင်ပြောင်းဖို့ တင်ပြလာတဲ့သူတွေကို မေးခွန်းတခု မေးလိုပါတယ်။ အဲဒါကတော့ မြန်မာနိုင်ငံဟာ နောင်မှာ စက်မှုနိုင်ငံတော်အဖြစ်သွားတော့မယ်ဆိုတာ ဘယ်ကာလ ဘယ်နှစ် အပိုင်းအခြားကိုဆိုလိုသလဲဆိုတဲ့ မေးခွန်းပဲ ဖြစ်ပါတယ်။ ဘယ်အချိန် ဘယ်ကာလရောက်ရင် ကျွဲနွားကို သုံးစရာမလိုတော့ဘူးလို့ အတိအလင်း တင်ပြတာမျိုးကိုတော့ မတွေ့ရပါဘူး။ ပကတိအခြေအနေအတိုင်း ပြောရမယ်ဆိုရင် မြန်မာနိုင်ငံဟာ အခုအထိ လယ်ယာစိုက်ပျိုးရေးကိုအခြေခံတဲ့ လူ့အဖွဲ့အစည်းတခု ဖြစ်နေတုန်းပါပဲ။ လယ်ယာစိုက်ပျိုးရေးမှာလည်း ကျွဲနွားကို အခြေပြုပြီး စိုက်ပျိုးနေရဆဲ တိုင်းပြည်လည်း ဖြစ်ပါတယ်။ ကျွဲနွားကို အခြေပြုထားရဆဲဖြစ်တာကြောင့် ကိုယ်ခိုင်းစားရတဲ့ ကျွဲနွားတွေကို ကောင်းကောင်းမွန်မွန် ကျွေးမွေးဖို့လည်း တဖက်မှာ လိုလာပြန်ပါတယ်။ အဲဒါကြောင့် ကျွဲနွားတွေကို အစာကျွေးဖို့အတွက် စားကျက်မြေဆိုတာ မရှိမဖြစ်လိုအပ်နေသေးတယ်ဆိုတာ မမေ့သင့်ပါဘူး။ 

ဟယ်ရီလင်းရဲ့ မေးခွန်းများ (သစ်ကောင်းအိမ်)

လက်နှစ်ဖက်ဟာ 
လူသတ်လက်နက်တွေကို 
ကိုင်ဆောင်ခွင့်မရှိ... 
လက်နက်ကိုင်တဲ့လက်တွေကို 
ဖြတ်ပစ်ဖို့ 
ဓားစက်ကြီးတခု ရှိသင့်လား... 

စာရောင်းသမားတွေ အလိုမရှိ 
ခိုဖမ်းသူတွေ အလိုမရှိ 
ငါးဖမ်းသူတွေ အလိုမရှိ 
သက်စေ့လွှတ်သူတွေ အလိုမရှိ 
သတ္တဝါချင်း ဖမ်းဆီးချုပ်နှောင်ထားတဲ့ 
အဲဒီရာဇဝတ်ကောင်တွေကို 
သိုလှောင်ထားဖို့ 
အကျဉ်းထောင်တွေ ရှိသင့်သလား 

အိမ်ထဲမှာ မြွေဝင်နေတယ် (ကိုညို)

အယုဒ္ဒ္ဒယ၊ ဘုံဘေနဲ့ ဂေါ်ဒရာ အဓိကရုဏ်းသင်ခန်းစာ 

အချိန်-၁၉၉၂၊ ဒီဇင်ဘာလ ၆ ရက် ညနေ။

နေရာ-အိန္ဒိယနိုင်ငံ၊ အူတာပရာဒါခ်ျပြည်နယ်၊ ဖိုင်ဇာဘတ်မြို့နယ်၊ အယုဒ္ဒယမြို့။ 

ထောင်နဲ့ချီတဲ့လူထုကြီးဟာ မွတ်စလင်ဆန့်ကျင်ရေး ကြွေးကြော်သံတွေဟစ်အော်ပြီး အေဒီ-၁၆ ရာစု (၁၅၂၈ ခုနှစ်) မဂိုအင်ပါယာခေတ်ကတည်းက ခိုင်ခိုင်ခန့်ခန့် တည်ဆောက်ထားတဲ့ ဘာဘရီဗလီကျောင်းတော်ရာဝင်းကြီးကို ဝန်းရံထားတယ်။ တုတ်၊ ဓားနဲ့ ပေါက်ချွန်း၊ ပုဆိန်၊ ရဲဒင်း ကိုယ်စီကိုင်ထားတဲ့ ဟိန္ဒူအစွန်းရောက်အဖွဲ့တွေက ဗလီကြီးနဲ့ အုတ်နံရံတွေကို စိတ်ရှိလက်ရှိ ထုထောင်းဖြိုဖျက်နေကြတယ်။ အယုဒ္ဒယမှာနေထိုင်တဲ့ မွတ်စလင်တွေကလည်း ရရာလက်နက်ကိုင်ဆွဲပြီး ဟိန္ဒူအစွန်းရောက်တွေကို တန်ပြန်တိုက်ခိုက်ပါတယ်။ တရံတခါတုန်းက ရာမမင်းဆက် အုပ်စိုးခဲ့ရာ အယုဒ္ဒယမြို့ ရာမရဏ တိုင်းဌာနီမှာ အမုန်းတရားတွေနဲ့ ဘာသာရေးပဋိပက္ခမီးကြီး အရှိန်တညီးညီးနဲ့ တောက်လောင်နေပါတယ်။