ဝယ်ပြီးရင်း ဝယ်မယ်လေ … (ကာတွန်း စောငို)

နှစ်ဆယ့်လေးနှစ် ခရီး

၁၉၈၈ . . . . . . . ။

ယခု အပတ်ဆိုလျှင် နှစ်ဆယ့်လေးနှစ် တင်းတင်းပြည့်ပြီ ဖြစ်ပါသည်။ အချို့သောသူများ ယနေ့ထက်တိုင် အထင်အမြင်လွဲပြီး ဝေဖန်သုံးသပ်နေသေးသည့် ယင်းဒီမိုကရေစီလှုပ်ရှားမှုကြီးမှာ မြန်မာ့နိုင်ငံရေးသမိုင်းအတွက် အလွန်ထူးခြားမှု ရှိပါသည်။

ယနေ့ အစိုးရခေါင်းဆောင်သော ဒီမိုကရေစီ တိုးတက်မြင့်မားရေး အလုပ်သဘော လမ်းညွှန်ချက်များက စပြီး တိုင်းပြည်နှင့် ပြည်သူလူထုအကျိုးကို ဦးတည်သည့် စကားများ ပြောဆိုလာနေသော လွှတ်တော်များ ပေါ်ပေါက်လာတာ၊ နိုင်ငံရေး စီးပွားရေး လူမှုရေး အပြောင်းအလဲများဖြစ်ပေါ်ဖို့ တာစူလာတာ၊ နိုင်ငံတကာ အဝန်းအဝိုင်းက မြန်မာနိုင်ငံကို အလေးထား ဆက်ဆံလာတာ၊ ယခုလို စာနယ်ဇင်းများမှာ အတော်အတန် ပွင့်ပွင့်လင်းလင်း ထုတ်ဖော်ပြောဆိုနိုင်သည့် အခြေအနေရောက်လာတာ စသည့် စသည့် မြောက်မြားလှစွာသော အချိုးအကွေ့များမှာ အဆိုပါ ၁၉၈၈ က မြစ်ဖျားခံတာ ဖြစ်ပါသည်။

၂၄ နှစ်မြောက် ၈၈၈၈ အခမ်းအနား

 

ရန်ကုန်မှာ သြဂုတ် ၈ ရက်နေ့က ကျင်းပခဲ့တဲ့ ၂၄ နှစ်မြောက် ၈၈၈၈ အခမ်းအနားက ပုံရိပ်တချို့ပါ။

ဓာတ်ပုံ - အေပီ 

အမျှဝေရတော့မလား ဝင်းမော်ဦး (ကေသွယ်)

ဒီမိုကရေစီ ရပြီတဲ့ ... ဝင်းမော်ဦး ရေ ...

အဖွား ဒေါ်နီ တို့ အမျှဝေကြပြီလား ...

မင့်ဓာတ်ပုံဘောင်ကလေးကိုတော့ ခြ မစားစေလေနဲ့ ...

အိမ်ထုတ်တန်းမှာ ထိုးထားခဲ့ရတဲ့ အရေးတော်ပုံ စာစောင်တွေတောင် ဈေးကောင်းရနေပြီ ...

ချမရောင်းခဲ့တဲ့ မင့်သမိုင်းကြောင့်

ဈေးကွက်စီးပွားရေး (ကာတွန်း စောငို)

တခါက အမေတို့ရွာမှာ ... (ကမာပုလဲ)

ကျနော့်မှာ အမေ ရှိခဲ့တယ်။ သြော် လူဆိုမှတော့ အမေ မရှိဘဲ မွေးလာမလားဟဲ့လို့ အရပ်က မေတ္တာပို့ရင်လည်း ခံရမှာပါ။ ဒီလိုပါ။ ဆုံးသွားရှာပြီဖြစ်တဲ့ အမေကို တမ်းတမိတဲ့အခါ ‘အမေ ရှိခဲ့တယ်’ လို့ စိတ်ထဲ ခံစားတွေးမိတတ်တဲ့ အကျင့်က ပါနေလို့ ခုလို ရေးဖြစ်သွားတာပါ။

အမေက စာမတတ်ရှာပါဘူး။ မတတ်ဆို သေစာ၊ ရှင်စာလေးတောင် မတတ်ခဲ့တာပါ။ ဒီတော့ ဘုရားစာ၊ တရားစာကလေးတွေဆိုရင် သားသမီးတွေက သူ့ကို ဖတ်ပြရတယ်။ ဆိုတော့ အငယ်ဆုံးဖြစ်တဲ့ ဒီကောင်သာ ပယ်မဲမရှိ ရွေးချယ်ခံခဲ့ရတယ်ပေါ့ဗျာ။ သြကာသ ... သြကာသ ကနေ ဟေတုပစ္စယော အထိ ညစဉ် ရွတ်ဆို တိုင်ပေးရတာပေါ့။

ကုသိုလ်တွေ ငရဲတွေကတော့ ထားပါလေ။ ကလေးပဲ ဘာသိမှာလဲ။ တနေကုန် ဆော့ထားတော့ ညဆို အစောကြီး အိပ်ချင်ပြီ။ ဟင့်အင်း အိပ်လို့ မရဘူး။ အမေက “ဟဲ့ကောင်လေး ... လာ ငါ့ကို နှိပ်ပေးစမ်း” ဆိုတဲ့ အမိန့်သံအဆုံးမှာ နှိပ်ရင်း ... သြကာသ တိုင်ပေးရရင်း ... အိပ်ငိုက်ရင်းနဲ့ပေါ့။

၈၈၈၈ (ကမာပုလဲ)

အားလုံးရဲ့ ရင်ထဲမှာ
သူရှိတယ် ... ။

တပွင့်ချင်း ဖွင့် ဖတ်မလား
တလွှာချင်းစီ ရင်ခုန်ကြည့်မလား ...။

အသံမှာ ဒေါသစွက်ရင်
အဲဒီခေတ်ရဲ့ အပြစ်မဲ့ မျက်ရည်ဘက်က စာနာပါ၊
ရနံ့မှာ
သွေးစိမ်းရှင်ညှီ သင်းနေခဲ့ရင်
ဒီနေ့ခေတ်ရဲ့ မတရားမှုတွေကို
သင့်နှလုံးသားက လက်မခံလိုက်ဖို့ ကြိုးစားပါ။

ကမ္ဘာလောကရဲ့ သမီး (ဌေးအောင်)

ဆီရွှဲပြီး နက်ပြောင်နေတဲ့ ဆံပင်ကို
အကျအနဖီးလို့
သနပ်ခါးကို မှုန်နေအောင် လိမ်းထားတဲ့
သမီးလေးဟာ
စိမ်းမြတဲ့ ရွက်နုတွေအကြား
ငုံနေတဲ့ စပယ်ဖြူလေးလို
လှပလန်းဆန်းနေတယ်။

အိပ်ရာထ၊ မျက်နှာသစ်၊ အဝတ်လဲ
ကျောင်းသွားဖို့
ပြင်ဆင်နေတဲ့
သမီးလေးဟန်ပန်က
လေပြေနဲ့အတူ
ယိမ်းနွဲ့နေတဲ့ စပယ်ငုံလေးပေါ့။

စစ်တမ်း (ကမာပုလဲ)

သူတို့က ...
(ဝင်းမော်ဦးနဲ့ ကျဆုံးရဲဘော်တွေကို ပြောတာပါ)
နီစွေးနေတဲ့ အသက်သွေးနဲ့
ရင်းနှီးရေးခဲ့တယ် ... ၈၈ ။

ငါတို့က ...
ကိုယ့်အတ္တ အညစ်အကြေးမှော်ရုံတောထဲမှာ
ပြာနှမ်းနေတဲ့ ဂုဏ်သိက္ခာတွေနဲ့
စိတ်ကူးရေးခြစ် ...
ငြိမ်းချမ်းရေးကို ...။

ကမာပုလဲ 

၃၊ ၈၊ ၂၀၁၂


 

အဖြူရောင် ပေးဆပ်မှုများ (ခင်ငြိမ်းသစ်)

ကျမတို့မိသားစုမှာ သိတတ်တဲ့ ၆ တန်း၊ ၇ တန်း အရွယ်ကတည်းက အဖေ ကျောင်းသားသမိုင်းကို အမြဲပြောပြခဲ့ပါတယ်။ ကိုယ်လိုနီနယ်ချဲ့ကို တော်လှန်ခဲ့တဲ့ ကျောင်းသားတွေအကြောင်း၊ ၁၉၆၂ ခုနှစ်က သူကိုယ်တိုင်ကြုံခဲ့ရတဲ့ ကျောင်းသား တော်လှန်ရေးသမိုင်း၊ ၁၉၇၄ ခုနှစ်မှာ သူ မြင်တွေ့လိုက်ရတဲ့ ကျောင်းသားအုံကြွမှုတွေဟာ အားကျစရာကောင်းလှပါတယ်။ မှိုင်းရာပြည့်ပွဲ အကြောင်း။ ဗိုလ်ကြီးအုန်းကျော်မြင့်။ ကိုဆလိုင်းတင်မောင်ဦး စတဲ့ လူတွေအကြောင်းဟာ အိမ်မက်တတ်ခါစ ၁၀ ကျော်သက်လေး ကျမရင်ထဲမှာ စွဲမက်အားကျမိတဲ့ အကြောင်းအရာတွေဖြစ်သွားခဲ့ပါတယ်။

ဒါကြောင့်လဲ ၁၉၈၈ ခုနှစ်ရောက်တော့ အသက် ၁၉ နှစ်ပဲရှိသေးတဲ့ ကျမဟာ ဘယ်အရာကိုမှ ပဓန မထားဘဲ ဆန့်ကျင်လိုစိတ်တစ်ခုတည်း အားကိုးပြီး တော်လှန်အုံကြွမှုထဲကို ပါဝင်လာပါတယ်။ အဲဒီအချိန်က ဒုတိယနှစ်ကျောင်းသူဖြစ်တဲ့ ကျမဟာ မတ်လ အရေးတော်ပုံတုန်းက ထဲထဲဝင်ဝင် မပါဖြစ်ခဲ့ပါဘူး။ ဘေးကနေ ရပ်ကြည့်အားပေးအဆင့်ကနေ ဇွန်လအရေးတော်ပုံမှာတော့ ထဲထဲဝင်ဝင် ပါဝင်နိုင်ခဲ့ပါတယ်။ ဇွန်လ ၂၁ ရက်နေ့ကတော့ တိုက်ပွဲထဲမှာ ပြည်သူနဲ့ ကျောင်းသား ပူးပေါင်းမိသွားကြပါတယ်။ အဲဒီအချိန်ကစလို့ ပြည်သူတွေမှာ အကြောက်တရားဖယ်ရှားလိုက်နိုင်ကြပါတယ်။ ကျောင်းသားရော၊ ပြည်သူရောရဲ့ ရင်ထဲမှာ စည်းလုံးညီညွတ်ရင် ဦးနေဝင်းခေါင်းဆောင်တဲ့ အာဏာရှင်တွေကို ဖယ်ရှားနိုင်မယ်ဆိုတာကို ယုံကြည်သွားပါတော့တယ်။ အဲဒီစိတ်ဓာတ်က ၈ လေးလုံးအရေးတော်ပုံကြီး ပေါ်ပေါက်ဖို့ အစပျိုးခဲ့တာပဲ ဖြစ်ပါတယ်။