မိရိုးဖလာ အစဉ်အဆက် နေထိုင်ကြတဲ့ တောင်သူတွေ စိုက်ပျိုးလုပ်ကိုင်နေတဲ့ မြေတွေပေါ် မြို့ပြတည်ဆောက်ရာမှာ လယ်ယာမြေ နိုင်ငံပိုင် ဥပဒေ၊ မြေလွတ်၊ မြေလပ်၊ မြေရိုင်း ဥပဒေတို့နဲ့ လုပ်ထုံးလုပ်နည်းအတိုင်း သိမ်းယူတာ မဟုတ်ဘဲ စည်ပင်သာယာ နယ်နိမိတ်ဖြစ်သွားပြီဆိုပြီး နှင်ထုတ်၊ တရားစွဲတာတွေလုပ်ခဲ့တယ်လို့ မြေသိမ်းခံ ပြည်သူတွေအတွက် ဥပဒေကြောင်းအရ လိုက်ပါဆောင်ရွက်ပေးနေတဲ့ ရှေ့နေကြီး ဦးမြင့်သွင်က ပြောပါတယ်။
အဲဒီလို သိမ်းယူထားတဲ့မြေတွေကို ကုမ္ပဏီတွေ၊ လုပ်ငန်းရှင်တွေနဲ့ အစိုးရဌာနတွေကို ခွဲဝေပေးကြတယ်လို့လည်း သူက ပြောပါတယ်။
တောင်သူတွေဟာ ခေတ်အဆက်ဆက် အစိုးရတွေ လက်ထက်မှာရော၊ အခု အစိုးရ လက်ထက်မှာပါ ဥပဒေအရ အကာအကွယ်ပေးခံရတာ မရှိဘူးလို့လည်း ဦးမြင့်သွင်က ပြောပါတယ်။
အခု အစိုးရလက်ထက်မှာတော့ မြေကျူးကျော်မှု ဥပဒေတွေနဲ့ ဖမ်းဆီးခံရတဲ့ သက်ကြီးရွယ်အိုတွေ ပိုများလာရာမှာ နေပြည်တော်၊ ရှမ်းပြည်နယ်၊ ဧရာဝတီတိုင်းနဲ့ ရန်ကုန်တိုင်းတို့မှာ အများအပြား တွေ့ရတယ်လို့ သူက ပြောပါတယ်။
သူတို့ နှစ်ပေါင်းများစွာ အစဉ်အဆက်လုပ်ကိုင်ခဲ့တဲ့ မြေတွေကို ပိုင်ဆိုင်ခွင့်ရနိုင်ဖို့ဆိုရင် ဖွဲ့စည်းပုံ အခြေခံဥပဒေထဲက လယ်ယာမြေကို နိုင်ငံတော်က ပိုင်တယ်လို့ ပြဋ္ဌာန်းထားတဲ့အချက်ကို ပြင်ဆင်ဖို့လိုတယ်လို့ ဦးမြင့်သွင်က ပြောပါတယ်။
ဒါ့အပြင် ရှေ့နေတွေအနေနဲ့လည်း နိုင်ငံသားတွေရဲ့အခွင့်အရေး ထိပါးခံရတဲ့အခါ ပြည်ထောင်စု တရားလွှတ်တော်ချုပ်မှာ လျှောက်ထားနိုင်တယ်ဆိုတဲ့ ဥပဒေတွေကို နှံ့စပ်အောင်လေ့လာပြီး သက်ကြီးရွယ်အိုတွေနဲ့ နိုင်ငံသားတွေကို အကာအကွယ်ပေးသင့်တယ်လို့လည်း သူက ပြောပါတယ်။
သတင်း - ဘီဘီစီ
No comments:
Post a Comment