ပါတီ ဗဟိုအလုပ်အမှုဆောင်အဖွဲ့ရဲ့ ခွင့်ပြုချက်ရမှသာ အဲဒီလို ဆောင်ရွက်ခွင့်ရှိတယ်လို့ NLD ပါတီ ပြောခွင့်ရသူတစ်ဦးဖြစ်တဲ့ ဗဟိုအလုပ်အမှုဆောင် ကော်မီတီဝင် ဦးဝင်းမြင့်က ပြောပါတယ်။
ဒေါက်တာသိန်းလွင်ကို ဘယ်လိုအရေးယူမယ်ဆိုတာကိုတော့ ပါတီစည်းကမ်းထိန်းသိမ်းရေးအဖွဲ့ကသာ ဆုံးဖြတ်မှာဖြစ်ပြီး အဲဒီဆုံးဖြတ်ချက်ကို ပါတီ ဗဟိုအလုပ်အမှုဆောင် ကော်မီတီကို တင်ပြရမှာဖြစ်တယ်လို့ သူက ဆိုပါတယ်။
ဒေါက်တာသိန်းလွင်ကတော့ သူ့ကို အရင်ကလည်း ဒီလိုပါဝင်ဆောင်ရွက်တာမျိုး ဆက်မလုပ်ဖို့ ပါတီခေါင်းဆောင်ပိုင်းက သတိပေးခဲ့တာရှိတယ်လို့ ပြောပါတယ်။
ဒါပေမယ့် သူ့အနေနဲ့တော့ ပညာရေးဆောင်ရွက်နေတဲ့ ပညာရှင်၊ အဖွဲ့အစည်းတွေပါဝင်တဲ့ ကွန်ရက်ဖြစ်လို့ လူထုကို ကိုယ်စားပြုတဲ့အတွက် ပါဝင်ဆောင်ရွက်တာဖြစ်တယ်လို့ ပြန်ဖြေရှင်းခဲ့တယ်လို့ ဆိုပါတယ်။
NLD က ဒေါက်တာသိန်းလွင်ကို NNER မှာ ဘာကြောင့် မပါစေချင်တာလဲဆိုတာကိုတော့ ရှင်းရှင်းလင်းလင်း မသိရပါဘူး။
ဒေါက်တာသိန်းလွင်ကတော့ သူ့အနေနဲ့ NNER ကွန်ရက်မှာ ဆက်လက် ပါဝင်ဆောင်ရွက်မှာဖြစ်ပြီး NLD ပါတီက အပြစ်ပေးမယ်ဆိုရင်လည်း ခံယူမှာဖြစ်တယ်လို့ ပြောပါတယ်။
သူက အင်္ဂါနေ့ နေပြည်တော်မှာကျင်းပမယ့် နောက်ထပ် လေးပွင့်ဆိုင် ဆွေးနွေးပွဲမှာလည်း တက်ရောက်မှာဖြစ်တယ်လို့ ဘီဘီစီကို ပြောပါတယ်။
ဆန္ဒပြမှုကို ဦးဆောင်တဲ့ ဒီမိုကရေစီပညာရေးလှုပ်ရှားမှု ဦးဆောင်ကော်မီတီကတော့ အန်အယ်ဒီအနေနဲ့ အခုလို ကျောင်းသားတွေနဲ့ အစိုးရ ဆွေးနွေးနေချိန်နဲ့ အချိန်ကိုက်ပြီး NLD က ကြေညာချက် မထုတ်သင့်ဘူးလို့ ဆိုပါတယ်။ ။
သတင်း၊ ဓာတ်ပုံ - ဘီဘီစီ
No comments:
Post a Comment