နော်ဝေးဂုဏ်သိက္ခာကို ကာကွယ်တဲ့နေ့ (ကိုညို)

နိုဘယ်ငြိမ်းချမ်းဆု ချီးမြှင့်ခံရတဲ့ ၁၉၈၉ နှစ် ငွေရတုအဖြင့် အော်စလို ကိုကြွရောက်လာမယ့် (မေ ၇-၉) နေ့ မတိုင်ခင်ကတည်းက တိဘက်ဘုန်းတော်ကြီး ဒလိုင်လားမား အရေးတော်ပုံက နော်ဝေးနိုင်ငံရေးလောကမှာ ဟော့(တ်) ဖြစ်နေပါတယ်။ တရုတ်နိုင်ငံရဲ့ဖိအားပေးမှုကြောင့် နော်ဝေးနိုင်ငံ လက်ရှိအစိုးရက ဘုန်းတော်ကြီး ဒလိုင်လားမားကို လက်ခံတွေ့ဆုံ ကြိုဆိုမှာမဟုတ်ဘူးလို့ လူသိရှင်ကြား ကြေငြာလိုက်ကတည်းက နော်ဝေးပြည်သူတွေရဲ့ ပြစ်တင်ငြိုငြင်မှုကို သက်တမ်း ၆ လလောက်သာရှိသေးတဲ့ အော်စလို အစိုးရက ရင်ဆိုင်နေရတယ်။ 

တနေကုန် မိုးတဖွဲဖွဲကျပြီး အေးခဲနေတဲ့ရာသီကို အံတုပြီး နော်ဝေးပြည်သူတွေနဲ့ နိုင်ငံရေးသမားတွေဟာ မနက် ၁၀ နာရီကတည်းက ဘုန်းတော်ကြီး တည်းခိုသီတင်းသုံးမယ့် ဂရင်းဟိုတယ်ရှေ့မှာ ကြိုဆိုဖို့ စုဝေးရောက်ရှိနေကြတယ်။ ဟိုတယ်မျက်နှာမူရာ ပါလီမန်ရှေ့ မြက်ခင်းမှာလည်း ဒလိုင်လားမားကို ထောက်ခံကြိုဆိုသူ နိုင်ငံရေးအဖွဲ့အစည်းတချို့နဲ့ ရာနဲ့ချီတဲ့ ပြည်သူတွေဟာ မိုးကာတွေ၊ ထီးတွေ ကိုယ်စီဆောင်းပြီး စကားပြောစင်ပေါ်က အစိုးရအပေါ် ဝေဖန်ချက်တွေကို ဆူညံသံမပြု အာရုံစိုက်နေကြတယ်။ ငြိမ်သက်စွာနားထောင်နေတဲ့ ပြည်သူတွေဟာ သူတို့သဘောကျတဲ့ စကားဆို လက်ခုတ်လက်ဝါးတီးကြတယ်။ ဝေးခနဲ အသံပြုထောက်ခံကြတယ်။ 


ဝန်ကြီးချုပ်ဟောင်းလည်းဖြစ်၊ တချိန်က မြန်မာပြည်ဒီမိုကရေစီအရေးကို အားပေးထောက်ခံခဲ့သူလည်းဖြစ်တဲ့ Kjell MagneBondevik က သူ ဝန်ကြီးချုပ်ဖြစ်စဉ်ကလည်း တရုတ်အစိုးရရဲ့ ဖိအားပေးမှုတွေကို ကြုံခဲ့ရကြောင်း၊ ဒါပေမယ့် နော်ဝေးနိုင်ငံရဲ့ ရပ်တည်ချက်နဲ့ ဂုဏ်သိက္ခာတရပ်လည်းဖြစ်တဲ့၊ လူ့အခွင့်အရေးနဲ့ ငြိမ်းချမ်းရေးအပေါ်မှာတော့ ကာကွယ်စောင့်ရှောက် ဆောင်ရွက်ရမှာဖြစ်တဲ့အကြောင်းနဲ့ တိဘက်ဘုန်းတော်ကြီး ဒလိုင်လားမားဟာ ဗုဒ္ဓဘာသာ ခေါင်းဆောင်တယောက်ဖြစ်ပေမယ့် ဘာသာအသီးသီးရဲ့ တူညီတဲ့သဘောထားဖြစ်တဲ့ ငြိမ်းချမ်းရေးနဲ့ စုစည်း ညီညွတ်မှုအပေါ်အခြေခံပြီး လူ့အဖွဲ့အစည်းရဲ့ ကောင်းနိုးရာရာကို ရွက်ဆောင်နေသူဖြစ်တယ်လို့ ပြောသွားတယ်။ 

လက်ဝဲပါတီ ခေါင်းဆောင်တယောက်ကလည်း ဒုတိယကမ္ဘာစစ်ကာလ ကြုံခဲ့ဖူးတဲ့အဖြစ်တခုနဲ့ ယှဉ်ပြီးပြောသွားတာက “တနေ့မှာ ပင်ပမ်းနွမ်းနယ်ပြီး ဆာလောင်နေတဲ့ ဂျာမန်စစ်သားတွေ ကျနော့်အဖွားရဲ့ ဥယျဉ်ခြံကို ရောက်လာတယ်၊ ပြီးတော့ အသီးအနှံတချို့ရောင်းပေးဖို့ ပြောတယ်၊ကျနော့်ရဲ့ဖခင်ဟာ အဲဒီတုန်းက နာဇီတွေရဲ့ချုပ်နှောင်မှုကိုခံနေရပါတယ်၊ ဒါပေမယ့် အဖွားက သူ့သားအတွက် စိတ်ခံစားမှုနဲ့ ဂျာမန်ကျူးကျော်သူတွေရဲ့ မေတ္တာရပ်ခံမှုကို မတုံ့ပြန်ခဲ့ဘူး၊ ဘယ်လိုလူမျိုးပဲဖြစ်ပါစေ ငါ့အိမ်ခြံထဲလာတဲ့သူမှန်သမျှ အစာငတ်ပြတ်ပြီး မပြန်စေရ... ဆိုပြီး ရန်သူတွေကို ရှိတာထုတ်ပြီး ကျွေးမွေးခဲ့တယ်၊ မေတ္တာပြခဲ့တယ်၊ ဒီကနေ့ ကျနော်တို့နိုင်ငံကို အလည်လာတဲ့ ဧည့်သည်ကိုတောင် အိမ်ရှင်ဖြစ်တဲ့ အစိုးရက နှုတ်ဆက်ကြိုဆိုမှုမပြုနိုင်တာ၊ စကားထွက်မပြောနိုင်တာဟာ နိုင်ငံအတွက် အကြီးအကျယ် အရှက်ရစေပါတယ်” လို့ ပြောသွားတယ်။ 

SV ပါတီ ခေါင်းဆောင်တယောက်ကတော့ “လူငယ်ဘဝက တိဘက်ပြည်ကို အလည်ရောက်ဖူးပြီး၊ တိဘက်ပညာရှင်တွေရဲ့ အံ့မခန်းဘွယ် ယဉ်ကျေးမှု၊ အနုပညာလက်ရာတွေကို မြင်ခဲ့ရကြောင်း၊ တရုတ်အစိုးရက ဘာသာရေး အဆောက်အဦတိုင်းမှာ လုံခြုံရေးကင်မရာတွေ တပ်ဆင်ထားပြီး တိဘက်ရဟန်းပျို အများစုဟာ နိုင်ငံခြားသားတွေနဲ့ စကားမပြောရဲတဲ့အကြောင်း၊ တရက်မှာ တိဘက်ရဟန်းပျိုတယောက်က မိမိကို တိတ်တဆိတ်ခေါ်ပြီး ခါးကြားမှာ ဝှက်ယူလာတဲ့ စာလေးတစောင်ကို ကမန်းကတန်း ပေးခဲ့တယ်။ စာထဲမှာ နိုင်ငံတကာက မိမိတို့ကို ကူညီဖို့၊ ထောက်ခံဖို့၊ မိမိတို့ ဖိနှိပ်ခံနေရမှုကို သိအောင်ပြောပြကြဖို့ အကူအညီတောင်းခံကြောင်း ရေးထားပါတယ်” လို့ ပြောသွားတယ်။

နေ့လည် ၁၁ နာရီမှာ ဘုန်းတော်ကြီး ဒလိုင်လားမား တည်းခိုရာ ဂရင်းဟိုတယ်ကို ဆိုက်ရောက်လာပါတယ်။ လမ်းဘေးဝဲယာက လူထုပရိဿတ်ကြီးဟာလည်း တိဘက်အလံငယ်တွေဝှေ့ရမ်းပြီး ဟိုတယ်ရှေ့ မျက်နှာမူ စုဝေးလိုက်ကြတယ်။ လူပေါင်း ရာနဲ့ချီရှိတယ်။ နော်ဝေးပြည်သူတွေ ဒီလောက်များများ လာအားပေးတယ်ဆိုတာ အစိုးရရဲ့ ဒလိုင်လားမားခရီးစဉ်အပေါ် အသိအမှတ်မပြုမှု၊ လူ့အခွင့်အရေးစံနှုန်းကို မငဲ့ကွက်မှု၊ လူ့ဂုဏ်သိက္ခာအပေါ် မထောက်ထားမှုတွေအပေါ်အခြေခံပြီး မကျေမချမ်းမှုတွေနဲ့ လာကြိုကြတာဖြစ်တယ်။ ဒလိုင်လားမားကိုမြင်တာနဲ့ ဆယ်ကျော်သက်ရွယ် လူငယ်တွေရော၊ လူကြီးတွေ၊ အဖိုးအဖွားတွေရော အော်ဟစ်နှုတ်ဆက် ကြိုဆိုကြတယ်။ တိဘက်အလံကြီးတွေ တလွှင့်လွှင့်နဲ့။ မကြာခင် ဟိုတယ်အပေါ်ထပ် လေသာဆောင်ကနေ ဘုန်းတော်ကြီး လူလုံးပြပါတယ်။ ယခင်နိုဘယ်လ်ဆုရှင်တွေပြုနေကျ အစဉ်အလာတွေနဲ့ဆန့်ကျင်ပြီး ဘုန်းတော်ကြီးဟာ လေသာဆောင်ကနေ မိုက်ကရိုဖုန်းနဲ့ နှုတ်ခွန်းဆက်စကား ပြောပါတယ်။ လူထုပရိတ်ဿတ်ကြီးနဲ့ တိုက်ရိုက်ဆက်ဆံခွင့်ရတာပဲ ဖြစ်တယ်။ 

ဒလိုင်လားမားက နော်ဝေးလူထုပရိဿတ်ကြီးကို လက်အုပ်ချီ ဂါရဝပြုလိုက်တယ်။ မာန်မာနကင်းစင်ပြီး ပြုံးရွှင်နေတဲ့ ဘုန်းတော်ကြီးရဲ့မျက်နှာဟာ တောက်ပနေတယ်။ ပထမဆုံး နော်ဝေးပြည်သူတွေ အခုလို သူ့အပေါ် မေတ္တာ၊ ဂရုဏာထားပြီး လာရောက်တွေ့ဆုံစုဝေးကြတာကို ကျေးဇူးတင်တဲ့အကြောင်း၊ မိမိဟာလည်း လောကထဲက လူသားတယောက်ဖြစ်သလို ပရိဿတ်ကြီးနဲ့လည်း ဘာမှကွဲပြားခြားနားမှု မရှိတဲ့အကြောင်း၊ လူတိုင်းဟာ တစ်ဦးနဲ့တစ်ဦး ခွဲခြားမှု၊ ကွဲပြားမှုမရှိသလို လွတ်လပ်မှု၊ ငြိမ်းချမ်းမှု ကိုယ်စီလိုလားတတ်ကြောင်း၊ လူသားတိုင်း ပျော်ရွှင်ငြိမ်းအေးမှုကို လိုလားတယ်။ အဲဒီ ပျော်ရွှင်မှု၊ ငြိမ်းအေးမှုဟာ စိတ်နှလုံးသားနဲ့သာ သက်ဆိုင်ပြီး ငွေကြေးကြွယ်ဝမှုတွေ၊ ရုပ်ဝတ္တုတွေနဲ့ ဝယ်ယူလို့မရနိုင်ကြောင်း ဟောသွားခဲ့တယ်။ 

ဘုန်းတော်ကြီး ဟောပြောနေစဉ် ဂရင်းဟိုတယ်ရဲ့ ဝဲဘက် ပလက်ဖောင်းမှာ “ဒလိုင်လားမား၊ လိမ်ညာမှုတွေ ရပ်၊ ဘာသာရေးလွတ်လပ်မှု အလိုရှိတယ်” ဆိုပြီး ပိုစတာကိုင် ကြွေးကြော်သံတွေ ဟစ်အော်ဆန္ဒပြနေတဲ့ လူ ၅၀ ဝန်းကျင်ကို တွေ့ရတယ်။ တိဘက်ယောဂီဝတ်စုံ ဝတ်ထားသူတွေလည်း ပါတယ်။ အသားအရောင်မျိုးစုံ၊ လူမျိုးစုံ ပါဝင်တယ်။ အော်စလိုတက္ကသိုလ်က စိတ်ပညာပါမောက္ခတစ်ဦးက ဦးဆောင်တာ ဖြစ်တယ်။ 

စုံစမ်းမေးမြန်းကြည့်တော့ ဗုဒ္ဓဘာသာလမ်းစဉ်နဲ့ရော၊ ကျင့်စဉ်နဲ့ပါ ခြားနားပြီး ပန်းတိုင်ရောက်နိုင်ဖို့ ခက်ခဲတဲ့ ဝိဉာဉ်အယူဝါဒ ကိုးကွယ်ယုံကြည်သူတွေဖြစ်ပြီး ဒလိုင်လားမားကြီးကိုယ်တိုင် အဆိုပါအယူဝါဒကို ကန့်သတ်ထားတယ်လို့ သိရတယ်။ (ဒလိုင်လားမားအဆိုအရ ၅ ကြိမ်မြောက် ဒလိုင်လားမားနဲ့ ၁၃ ကြိမ်မြောက် ဒလိုင်လားမားတို့ခေတ်ကလည်း ဝိဉာဉ်ကိုးကွယ်တဲ့ဝါဒကို တားမြစ်ခဲ့ဖူးကြောင်း သိရတယ်) ယခု ၁၄ ကြိမ်မြောက် ဒလိုင်လားမားက ဟိုတယ် လေသာဆောင်ကနေ အဆိုပါ ဆန္ဒပြသူတွေကို ရည်ညွှန်းပြီး မိမိကိုကြိုဆိုတဲ့ အထူးဧည့်သည်တွေကိုလည်း လေးစားပါကြောင်း၊ မိမိဟာ ဒီမိုကရေစီကို ယုံကြည်သူမို့ ဒီမိုကရေစီ နည်းကျကျ လုပ်ဆောင်မှုတွေ သဘောကျတဲ့အကြောင်း ပြောဆိုသွားတာကို ပရိဿတ်တွေက သြဘာပေးကြတယ်။ 

ဒလိုင်လားမားကြီးဟာ အထူးသဖြင့် ချစ်ခြင်းမေတ္တာတရားနဲ့ မျှတ ငြိမ်းချမ်းစွာ အတူယှဉ်တွဲရပ်တည်နိုင်ခွင့်ရှိတဲ့ လူ့အဖွဲ့အစည်းကို အဓိကညွှန်းသွားတာ တွေ့ရတယ်။ 

သူ့ရဲ့သတင်းစာရှင်းပွဲမှာလည်း မိမိခရီးစဉ်ဟာ လူသားတန်ဖိုး မြှင့်တင်ဖို့နဲ့ ညီညွတ်မျှတမှုကို မြှင့်တင်ထိန်းကျောင်းပေးဖို့ ဖြစ်တယ်၊ မိမိအနေနဲ့ လူပရိဿတ်တွေနဲ့ စကားပြောဆိုရတာကို စိတ်ဝင်စားတယ် လို့ ပြောခဲ့တယ်။ ဘာသာရေးချည်းသက်သက် ဟောပြောနေတာတော့ မဟုတ်ဘူး၊ သတင်းထောက်တွေကမေးရင် နိုင်ငံရေးလည်း ပြောတယ်။ သူ အဓိကပြောနေတာက “အကြောက်တရားနဲ့ ယုံကြည်မှု အတူယှဉ်သွားလို့ မရဘူး၊ စိုးရိမ်ကြောက်ရွံမှုကို ဖယ်ရှားဖို့လိုတယ်၊ တရုတ်က မိမိသွားလေရာ စိုးရိမ်ပူပန်မှုကို ပြသနေတယ်၊ တိဘက်မှာလည်း အကြောက်တရားတွေနဲ့ အုပ်ချုပ်ထားတယ်”လို့ ပြောသွားတယ်။ 

“နိုင်ငံခြားသားတွေ တိဘက်ပြည်ကို အလည်အပတ်သွားဖို့ ကြိုးစားပါ၊ အဲဒီက အခြေအနေမှန်တွေကိုသိအောင် သွားကြည့်ကြပါ” လို့ ပြောတော့ ဒလိုင်လားမားကို လာဖို့ဖိတ်ကြားခဲ့တဲ့ နိုဘယ်လ်ဆု ရွေးချယ်ရေးအဖွဲ့ ဥက္ကဋ္ဌက အနားမှာရှိတဲ့ ဒလိုင်လားမားကို “နော်ဝေးပြည်သူတွေ တိဘက်သွားခွင့် မရှိဘူး၊ တရုတ်က ပိတ်ပင်ထားတယ်” လို့ လှမ်းထောက်ပါတယ်။ အဲဒီတော့ ဒလိုင်လားမားက ချက်ချင်းပဲ “ခင်ဗျားတို့အစိုးရက တရုတ်ကို အခု တိုက်တွန်းလို့ရပြီ၊ နော်ဝေးနိုင်ငံသားတွေကို တရုတ်ပြည်ကိုသွားဖို့ ခွင့်ပြုခိုင်း” လို့ပြောလို့ မီဒီယာသမားတွေ ပွဲကျကုန်တယ်။ 

“တရုတ်လူငယ်တွေ ကမ္ဘာအနှံ့ထွက် ပညာသင်မှုတွေ များများပေါ်လာစေချင်တယ်၊ အခု အမေရိကားနဲ့ ဥရောပ၊ အိန္ဒိယမှာ တရုတ်လူငယ်တွေ ပညာဆည်းပူးနေတယ်၊ ကောင်းတဲ့လက္ခဏာဖြစ်တယ်၊ ဒါမှ နိုင်ငံတကာက အခြေအနေတွေ ပိုသိမြင်လာမယ်၊ ရုပ်ဝတ္တုသာမက အတွေးအခေါ်နဲ့ အသိပညာ ပေါင်းကူးဆက်ဆံမှုတွေ ပိုဖြစ်လာမယ်” လို့ ဘုန်းတော်ကြီးက ပြောခဲ့တယ်။ 

တရုတ်အစိုးရက ဒလိုင်လားမားကိုသာမက မိမိတို့ အတိုက်အခံ နိုင်ငံရေးသမား Liu Xiaobo (၂၀၁၀ နိုဘယ်ငြိမ်းချမ်းဆု) ကိုလည်း မထောက်ခံဖို့ နော်ဝေးအစိုးရကို သတိပေးခဲ့တယ်။ ဒါကိုလည်း နော်ဝေးအစိုးရသစ်က သဘောတူထားပါတယ်။ မီဒီယာတွေနဲ့ တွေ့ဆုံမေးမြန်းပွဲတခုမှာ တရုတ်ပြည်နဲ့ပတ်သက်ပြီး “ တရုတ်ဟာ ဒီထက်ပိုမိုလွတ်လပ်တဲ့၊ အပြောင်းအလဲတခုဆီ သွားရတော့မှာဖြစ်တယ်၊ ပြောင်းလဲကောင်း ပြောင်းလဲရတော့မှာ ဖြစ်တယ်” လို့ ပြောသွားတယ်။ “အရင်က ကြောင်ဖြူဖြစ်ပစေ၊ ကြောင်နက်ဖြစ်ပစေ ကြွက်ခုတ်နိုင်ဖို့ အဓိကလို့ပြောခဲ့ပေမယ့် ဒီကနေ့ ကြောင်အနက်တွေချည်း ကြွက်ခုတ်နေတယ်၊ ခြစားမှုတွေ နေရာအနှံ့ အကြီးအကျယ်ပဲ” လို့လည်း သရော်သွားတယ်။ 

တရုတ်အစိုးရဟာ ၂၀၁၀ ခုနှစ်က နိုင်ငံရေးအကျဉ်းသား အတိုက်အခံခေါင်းဆောင် Liu Xiaobo ကို နိုဘယ်လ်ဆု ချီးမြှင့်ကတည်းက အဆင့်မြင့် သံတမန်ဆက်ဆံရေးကို ရပ်ဆိုင်းခဲ့တယ်။ နော်ဝေးနိုင်ငံက ထင်ရှားလူသိများတဲ့၊ အနုပညာ၊ နိုင်ငံရေး၊ စီးပွားရေးနယ်ပယ်ကလူတွေကို ဗီဇာပိတ်ပင်ခဲ့သလို နော်ဝေးနိုင်ငံက နှစ်စဉ် တင်ပို့နေတဲ့ ဆော်လမွန်ငါးတွေ အဝယ်ရပ်လိုက်တယ်။ နော်ဝေးက အင်္ဂလန်၊ ဂျာမဏီနဲ့ ရုရှားကိုပို့တဲ့ ဆော်လမွန်ငါးတွေဟာ တရုတ်ထက် နည်းပါတယ်။ အခုလို တရုတ်နဲ့ နော်ဝေးအစိုးရ ဆက်ဆံရေးကောင်းအောင် အလျှော့ပေးမှုဟာ ၂ နိုင်ငံကုန်သွယ်ရေးကို အလေးသာသွားစေမှာ ဖြစ်ပါတယ်။ ဒါပေမယ့် နော်ဝေးနိုင်ငံက ရင်းနှီးပေးလိုက်ရတဲ့ တန်ဖိုးကတော့ ဆော်လမွန်ငါး တန်ချိန်တသောင်းကျော်နဲ့ နှစ်စဉ် ကုန်သွယ်လမ်းကြောင်းမှ ဝင်ငွေ ၅ ဘီလျှံထက်မကအောင် အဆမတန် များလွန်းပါတယ်။ 

အဲဒါက နော်ဝေးပြည်သူတွေ အနှစ်နှစ်အလလ တန်ဖိုးထားထိမ်းသိမ်းခဲ့တဲ့ လူသားတန်ဖိုး (HumanValue) ပါ။ ပြီးတော့ လူ့ဂုဏ်သိက္ခာနဲ့ တရားမျှတမှု၊ ငြိမ်းချမ်းမှုနဲ့ အားနည်းတဲ့ အမှန်တရားဘက်က ဖြောင့်မတ်စွာ ရပ်တည်မှုတရားတွေ ဖြစ်တယ်။ အဲဒီအရာတွေဟာ နော်ဝေးပြည်သူတွေ တန်ဖိုးထားတဲ့ ရတနာဖြစ်တယ်။ ဒီကနေ့ကာလ နော်ဝေးအစိုးရရဲ့ တရုတ်နိုင်ငံအပေါ် စီးပွားရေးအရ အလျှော့ပေး ဆက်ဆံလိုက်တာဟာ နော်ဝေးပြည်သူတွေ ငွေနဲ့တိုင်းတာလို့မရတဲ့ နှလုံးသားက ရတနာတစ်ပါး ပွန်းပဲ့သွားသလိုပါပဲ။ ဒါကြောင့်လည်း လူ့ဂုဏ်သိက္ခာကို ဓနဥစ္စာထက် တန်ဖိုးထားတတ်တဲ့ နော်ဝေးပြည်သူတွေက မိမိနိုင်ငံကို ပြန်သွားခွင့်မရရှာသေးသလို တိဘက်ပြည်သူ ၃ သန်းခွဲကို ကိုယ်စားပြုနေတဲ့ ခေါင်းဆောင် တိဘက်ဘုန်းတော်ကြီးကို တခဲနက် ဂုဏ်ပြုနေတာဖြစ်တယ်။ တနည်းအားဖြင့် မိမိတို့အစိုးရ ဆုံးဖြတ်ချက်ကြောင့် လျှောကျသွားတဲ့ တိုင်းပြည်ဂုဏ်သိက္ခာကို အရေးပေါ် ကာကွယ်လိုက်တဲ့နေ့ပဲ ဖြစ်တယ်။ 

ကိုညို (အော်စလို) 
၀၈ မေ၊ ၂၀၁၄ 
ကိုးကား-NRK News 

၁၁ မေ၊ ၂၀၁၄ (တနင်္ဂနွေနေ့) ထုတ် ဒီမိုကရေစီတူဒေး သတင်းစာမှာ ဖော်ပြခဲ့တဲ့ ဆောင်းပါး