"အပစ်အခတ် ရပ်စဲတာနဲ့ လက်နက်ကိုင်လမ်းစဉ် စွန့်တာကိုတော့ ခွဲခြားပြီးတော့ အားလုံးကိုတော့ သိစေချင်တယ်။ ကျနော်တို့ ယုံကြည်ထားတဲ့ နိုင်ငံရေး ရည်မှန်းချက်တွေ အကောင်အထည် ဖော်နိုင်ဖို့အတွက်ကို အကန့်အသတ် ရှိနေသ၍ ဒီ အခြေခံတွေ မဖြစ်ပေါ်သ၍တော့ လက်နက်ကိုင်လမ်းစဉ်ကို ဘယ်သူမှ စွန့်မှာ မဟုတ်ပါဘူး ..."
ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ ဦးစံမိုးဝေ က မကြာသေးခင်က မြန်မာအစိုးရ ပြည်ထောင်စု ငြိမ်းချမ်းရေးဖော်ဆောင်ရေးအဖွဲ့နဲ့ တွေ့ဆုံဆွေးနွေးခဲ့တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် (ABSDF - All Burma Students' Democratic Front) ရဲ့ တာဝန်ခံတဦးဖြစ်သူ ဒုတိယ ဥက္ကဋ္ဌ ကိုမျိုးဝင်း ကို ဆက်သွယ်မေးမြန်းပြီး ABSDF ရဲ့  ရပ်တည်ချက် နဲ့ တွေ့ဆုံဆွေးနွေးမှုအကြောင်းကို ဆွေးနွေး တင်ပြထားပါတယ်။
ဦးစံမိုးဝေ ။ ။ ၁၉၈၈ တနိုင်ငံလုံး အတိုင်းအတာနဲ့ ပါဝင်ခဲ့တဲ့ ဒီမိုကရေစီလိုလားတဲ့ လူထုအုံကြွမှုကြီးကနေ သန္ဓေတည်ခဲ့တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဟာ မြန်မာပြည်က စစ်အစိုးရကို လက်နက်စွဲကိုင် တိုက်ပွဲဝင်ခဲ့တာ အခုဆိုရင် ၂၃ နှစ် ကျော်ခဲ့ပါပြီ။ ပြီးခဲ့တဲ့ ဖေဖော်ဝါရီလ ၉ ရက်နေ့ကတော့ ABSDF အဖွဲ့ဟာ စစ်တပ်ရဲ့  ကျောထောက်နောက်ခံယူထားတဲ့ အရပ်သားအစိုးရရဲ့ ကိုယ်စားလှယ်အဖွဲ့ဖြစ်တဲ့ ပြည်ထောင်စု ငြိမ်းချမ်းရေးဖော်ဆောင်ရေးအဖွဲ့နဲ့ ထိုင်း-မြန်မာနယ်စပ်မှာ ပဏာမ တွေ့ဆုံစကားပြောဆိုခဲ့ပါတယ်။ ABSDF အဖွဲ့ဟာ မြန်မာအစိုးရက မတရားအသင်းအဖြစ် ကြေညာထားခံရတဲ့အဖွဲ့ဖြစ်သလို အရင်ကလည်း ဒီလို တွေ့ဆုံခဲ့မှုမျိုး မရှိခဲ့ပါဘူး။ အခုလို တွေ့ဆုံစကားပြောဆိုမှု ဘယ်လိုကနေ အစပြုခဲ့တယ်ဆိုတာကို ABSDF အဖွဲ့ရဲ့  ဒု-ဥက္ကဋ္ဌ ကိုမျိုးဝင်း ကို မေးမြန်းခဲ့ပါတယ်။
ဦးမျိုးဝင်း ။ ။ အဓိက အခြေခံအားဖြင့် ဆွေးနွေးဖြစ်တဲ့အကြောင်းကတော့ ကျနော်တို့ ABSDF လည်း ကနေ့ တိုင်းပြည်အတွင်းမှာ ရှိနေတဲ့ နိုင်ငံရေးပြဿနာကို နိုင်ငံရေးနည်းအရ တွေ့ဆုံဆွေးနွေးဖို့အတွက်ကို နည်းလမ်းအဖြေနဲ့ လက်ခံထားတာ ရှိပါတယ်။ ဒီကနေ့ တိုင်းပြည်မှာ နိုင်ငံရေးပြဿနာကို တွေ့ဆုံဆွေးနွေးအဖြေရှာခြင်းအားဖြင့် ပြည်သူလူထုအတွက် အကောင်းဆုံး အခြေအနေတွေကို ဖန်တီးပေးနိုင်လိမ့်မယ်လို့ ယုံကြည်မျှော်လင့်ထားပါတယ်။ ဒီအခြေခံပေါ်မှာ ဒီကနေ့ ဖြစ်ပေါ်နေတဲ့ နိုင်ငံရေးအခြေအနေပေါ်မှာ ပြည်ထောင်စု ငြိမ်းချမ်းရေးဖော်ဆောင်ရေး အဖွဲ့ကိုယ်စားအဖွဲ့ဝင်တဦးဖြစ်တဲ့ ဦးခင်စောအနေနဲ့ ငြိမ်းချမ်းရေးကမ်းလှမ်းစာကို ဇန်နဝါရီလ ၁၀ ရက်နေ့မှာ ပေးပို့လာပါတယ်။ အခုလိုမျိုး တရားဝင်စာနဲ့ ငြိမ်းချမ်းရေးစားပွဲမှာ ငြိမ်းချမ်းရေးပြဿနာတွေကို တန်တူညီတူ ဆွေးနွေးဖို့ အတွက်ကို တရားဝင်စာနဲ့ ပေးပို့လာတဲ့အပေါ်မှာ ဒီလို ကမ်းလှမ်းမှုကို ကျနော်တို့ ကြိုဆိုတယ်။ ဒီ ကမ်းလှမ်းမှုကလည်း အဓိက နိုင်ငံရေးပြဿနာ အဖြေရှာနိုင်ဖို့အတွက် နည်းလမ်းဖြစ်လာလိမ့်မယ်လို့ မျှော်လင့်ယုံကြည်မိပြီးတော့ ဒီကမ်းလှမ်းမှုကို ကြိုဆိုပြီးတော့ အဖွဲ့အစည်းအနေနဲ့လည်း ဒီမိုကရေစီအရေး၊ အမျိုးသားတန်တူရေးနဲ့ ပြည်ထောင်စု စစ်မှန်သော ပြည်ထောင်စု ပေါ်ထွန်းရေးအတွက် တိုက်ပွဲဝင်နေတယ်။ သူတို့ရဲ့ကမ်းလှမ်းချက်ကို ကျနော်တို့ အဖွဲ့အစည်းအနေနဲ့ လက်ခံခဲ့တာ ဖြစ်ပါတယ်။
ဦးစံမိုးဝေ ။ ။ အခုဆိုရင် အစိုးရက တိုင်းရင်းသား လက်နက်ကိုင်အဖွဲ့တွေနဲ့ အပစ်ရပ် ငြိမ်းချမ်းရေး ဆွေးနွေးနေတာ ရှိပါတယ်။ တချို့ ဆိုရင်လည်း သဘောတူ လက်မှတ်ရေးထိုးနေတာတွေ ရှိနေပါပြီ။ ABSDF ကျောင်းသားတပ်မတော်ဟာ တိုင်းရင်းသားလူမျိုးစု လက်နက်ကိုင်အဖွဲ့တွေ ထိန်းချုပ်နေတဲ့နေရာတွေမှာ အခြေပြုလှုပ်ရှားနေတာဆိုတော့ အခုလို အစိုးရနဲ့ ABSDF ငြိမ်းချမ်းရေးဖြစ်လာအောင် ပြင်ပကနေ ဖိအားပေခံရတာမျိုး ရှိသလား။
ဦးမျိုးဝင်း ။ ။ မရှိပါဘူး။ ကျနော်တို့ အတူတကွ လက်တွဲပြီး အနှစ် ၂၀ ပူးတွဲဆောင်ရွက်ခဲ့တဲ့အပေါ်မှာ အပြန်အလှန် နားလည်းမှု၊ အပြန်အလှန် ယုံကြည်မှု၊ အပြန်အလှန် လေးစားမှု နဲ့ အပြန်အလှန် အသိအမှတ်ပြုမှု ကျနော်တို့ဆီမှာ ရှိပါတယ်။ ဒီ အခြေခံပေါ်က မူတည်ပြီး ကျနော်တို့ ကိုယ်ပိုင်နိုင်ငံရေး ဆုံးဖြတ်ချက်နဲ့ နိုင်ငံရေးအမြင် သဘောထား ရှိပါတယ်။ အဲဒါကြောင့်မို့ တိုင်းရင်းသားလက်နက်ကိုင်အဖွဲ့တွေရဲ့  ကနဦး ကြိုးပမ်းမှု အပစ်အခတ်ရပ်စဲရေး ကြိုးပမ်းနေတာကိုလည်း ကျနော်တို့ ကြိုဆိုတယ်။ ထောက်ခံတယ်။ ဒါပေမယ့် ကျနော်တို့အမြင်ကို အမြဲတမ်း အဖွဲ့အစည်းတွေကို တင်ပြတယ်။ စစ်မှန်တဲ့ ပြည်တွင်း ငြိမ်းချမ်းရေးကို ဖော်ဆောင်ဖို့အတွက်ဆိုရင်တော့ အပစ်အခတ် ရပ်စဲရေးသက်သက်နဲ့တော့ မဖြစ်နိုင်ဘူး။ ပြည်တွင်းစစ်ဖြစ်ခဲ့တဲ့ နိုင်ငံရေးအကြောင်းတရားတွေကို အဖြေရှာနိုင်မှသာလျှင် စစ်မှန်တဲ့ ငြိမ်းချမ်းရေး ဖော်ဆောင်နိုင်လိမ့်မယ်လို့ ကျနော်တို့ တင်ပြခဲ့တယ်၊ ဆွေးနွေးခဲ့တယ်။ ဒီကနေ့ ABSDF အနေနဲ့ အခုလိုမျိုး ငြိမ်းချမ်းရေးဆွေးနွေးဖို့ ကမ်းလှမ်းလာတဲ့အပေါ် ဆုံးဖြတ်ဆောင်ရွက်ချက်ကလည်း ကျနော်တုို့ ABSDF ဗဟိုကော်မတီရဲ့ သုံးသပ်ချက်၊ နိုင်ငံရေးအမြင်၊ နိုင်ငံရေး ယူဆချက်၊ နိုင်ငံရေး မျှော်လင့်ချက် ဖြစ်ပါတယ်။
ဦးစံမိုးဝေ ။ ။ အခုလို ဆွေးနွေးဖို့ ABSDF ဗဟိုကော်မတီကပဲ ဆုံးဖြတ်ခဲ့တာလား။ ပြည်တွင်းပြည်ပမှာ ရှိခဲ့တဲ့ ရဲဘော်တွေအဖွဲ့ဝင်တွေနဲ့ အဲဒီလို တွေ့ဆုံဖို့ ညှိနှိုင်းတိုင်ပင်ဖို့ ရှိပါသလား။
ဦးမျိုးဝင်း ။ ။ ရှိပါတယ်။ အခုန ပြောသလို ကျနော်တို့က ABSDF အဖွဲ့တဖွဲ့တည်းနဲ့ ဒီကိစ္စကို ဆုံးဖြတ်တာ မဟုတ်ဘူး။ တတိုင်းပြည်လုံးရဲ့ကိစ္စကို စီစဉ်ဆောင်ရွက်နေတဲ့နေရာမှာ အားလုံးရဲ့အမြင်သဘောထားပေါ်မှာ ထင်ဟပ်ဆောင်ရွက်မှာ ဖြစ်တဲ့အတွက် တရားဝင် ပြည်တွင်းမှာရှိတဲ့ အင်အားစုတွေကိုလည်း ပေးပို့ပါတယ်။ ပြည်ပမှာရှိတဲ့ အဖွဲ့ဝင်တွေ၊ တပ်ဖွဲ့ဝင်တွေ၊ ကျနော်တို့ကို တလျှောက်လုံး ထောက်ခံပံ့ပိုးခဲ့တဲ့ အင်အားစုတွေကို ဒီလုပ်ငန်းစဉ်နဲ့ ပတ်သက်တဲ့ ရှေ့သွားမယ့် ခရီးလုပ်ငန်းတွေမှာ အင်အားစုအားလုံးရဲ့ ဆန္ဒသဘောထား ထင်ဟပ်ပြီးဆောင်ရွက်ဖို့ တရားဝင် အကြံပြုလွှာတွေ တောင်းခံခဲ့ပါတယ်။ ဒီအကြံပြုထားတဲ့အပေါ်မှာ အခြေခံပြီးတော့ အခုလိုမျိုး တွေ့ဆုံဆွေးနွေးဖို့ကို ဆုံးဖြတ်ခဲ့တာပါ။
ဦးစံမိုးဝေ ။ ။ ငြိမ်းချမ်းရေးဆွေးနွေးတဲ့နေရာမှာ ဒီ ABSDF ဘက်က စွဲကိုင်ထားတဲ့ မူ ရှိပါသလား။
ဦးမျိုးဝင်း ။ ။ သေချာ ဆွေးနွေးဖို့အတွက် ကြိုးပမ်းတဲ့နေရာမှာတော့ ဒီနေ့ အဓိကဖြေရှင်းရမယ့် ပြဿနာက ABSDF နဲ့ အာဏာရှိတဲ့ အဖွဲ့အစည်းနဲ့ တဖွဲ့ကြားမှာ ဖြေရှင်းရမယ့် ပြဿနာလို့ ကျနော်တို့ မမြင်ပါဘူး။ ကျနော်တို့ ဖြေရှင်းရမှာက တတိုင်းပြည်လုံးရဲ့ပြဿနာ၊ နိုင်ငံရေး ပြဿနာကို ဖြေရှင်းရမှာ ဖြစ်တယ်။ တတိုင်းပြည်လုံးမှာ တည်ရှိတဲ့ နိုင်ငံရေး ပြဿနာက လူမှုရေး ပြဿနာ၊ စီးပွားရေး ပြဿနာ အရပ်ရပ်အားလုံးကို ကျနော်တို့ ဖြေရှင်းရမှာ ဖြစ်တယ်။ ဒါကြောင့်မို့ ကျနော်တို့ထားရှိတဲ့ တွေ့ဆုံဆွေးနွေးရေးပေါ်မှာထားရှိတဲ့ သဘောထားကတော့ ကျနော်တို့ရဲ့ တချို့ဆွေးနွေးမှုက တိုင်းပြည်အတွင်းမှာရှိနေတဲ့ နိုင်ငံရေးပြဿနာတွေကို အဖြေရှာနိုင်မယ့် အင်အားစုအားလုံးပါဝင်တဲ့ နိုင်ငံရေး ဆွေးနွေးပွဲတရပ်ကို ဖြစ်ထွန်းစေချင်တယ်။ အားလုံးပါဝင်တဲ့ နိုင်ငံရေး ဆွေးနွေးပွဲကနေတဆင့် တိုင်းပြည်မှာရှိတဲ့ ပြဿနာတွေကို ဖြေရှင်းနိုင်မယ်။ ဒီမိုကရေစီအသွင်ကူးပြောင်းရေး နိုင်ငံရေးလုပ်ငန်းစဉ်တရပ်ကို ပေါ်ထွန်းလာစေချင်တယ်။ ဒါကြောင့်မို့လို့ ဒီနေ့ကာလမှာ အားလုံးပါဝင်တဲ့ နိုင်ငံရေးဆွေးနွေးမှုတွေ ဖြစ်မြောက်ရေးဖို့ဆိုရင် ကျနော်တို့ ယုံကြည်ထားတာကတော့ တပြည်လုံးအတိုင်းအတာ အပစ်အခတ်ရပ်စဲရေးကို ကြေညာရမယ်။ ထိုနည်းတူစွာပါပဲ ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေးအကျဉ်းသားတွေအားလုံးကိုလည်း လွှတ်ပေးရမယ်။ ထို့နည်းတူစွာပဲ ပြည်တွင်းပြည်ပမှာရှိတဲ့ နိုင်ငံရေးအင်အားစုတခုလုံး ပါဝင်နိုင်ရေးကိုလည်း အထွေထွေ လွတ်ငြိမ်းချမ်းသာခွင့်ကို ကြေညာရမယ်။ ပြီးတော့ တပြိုင်နက်ထဲမှာပဲ တိုင်းပြည်မှာ မီဒီယာ က စတုတ္ထမဏ္ဍိုင်အနေနဲ့ ရှိနေတဲ့အနေအထားမှာ တိုင်းပြည်ထူထောင်ရေးမှာ မီဒီယာအခန်းကဏ္ဍလည်း အရေးကြီးတယ်။ ဒါကြောင့် မီဒီယာတွေ ပါဝင်ခွင့်ရအောင် လောလောလတ်လတ် မီဒီယာ လှုပ်ရှားမှုတွေဖြစ်ပွားဖို့အတွက်ကို ဥပဒေ ပြဌာန်းပေးရမယ်။ ထို့နည်းတူစွာပါပဲ နိုင်ငံရေးအဖွဲ့အစည်းတွေလောက်နဲ့ ဒီကိစ္စတွေကို ဖြေရှင်းနိုင်တဲ့ အခြေအနေ မဟုတ်ပါဘူး။ လူထုအားလုံးပါဝင်တဲ့ အခြေခံလမ်းကြောင်းတွေကို ဖွဲ့ပေးရမယ်။ ဒါကြောင့်မို့ အလွှာအသီးသီးလိုက် လုံလောက်စွာ လှုပ်ရှားနိုင်တဲ့ အလုပ်သမားသမဂ္ဂတွေ ဖွဲ့စည်းပေးရမယ်။ လယ်သမားသမဂ္ဂတွေ ဖွဲ့စည်းပေးရမယ်။ ကျောင်းသားသမဂ္ဂတွေ ဖွဲ့စည်းရမယ်။ သံဃာဆို သံဃာအလိုက် အရင်ကတည်းက တည်ရှိခဲ့တဲ့ ရဟန်းပျိုသမဂ္ဂလို။ ဒီလို အလွှာအသီးသီးပါဝင်တဲ့ နိုင်ငံရေးအရ ပါဝင်မှုကိုလည်း လုပ်ပေးရမယ်။ အဲဒီလို အခြေခံကောင်းတွေ ဖန်တီးပေးပြီးတော့မှ အားလုံးပါဝင်နိုင်တဲ့ နိုင်ငံရေးဆွေးနွေးပွဲတွေကို ဖော်ဆောင်ပေးတယ်။ အဲဒီမှတဆင့် ကျနော်တို့ တိုင်းပြည်မှာရှိတဲ့ နိုင်ငံရေး ပြဿနာတွေကို အဖြေရှာသွားနိုင်မယ်။ ဖြေရှင်းသွားနိုင်မယ်။ ဒီမိုကရေစီ အသွင်ကူးပြောင်းရေး ရည်မှန်းချက်ကို ဖော်ထုတ်ဖို့ လိုလိမ့်မယ်လို့ ကျနော်တို့ ABSDF နဲ့ မျှော်လင့်ထားပါတယ်။
ဦးစံမိုးဝေ ။ ။ မြန်မာအစိုးရဘက်က ဆွေးနွေးဖို့ ကမ်းလှမ်းလာတာကို သဘောတူ လက်ခံခဲ့တာဆိုတော့ မြန်မာနိုင်ငံအတွင်းမှာ ပြုပြင်ပြောင်းလဲမှုတွေဖြစ်နေပြီလို့ ယုံကြည်လို့လား။
ဦးမျိုးဝင်း ။ ။ ဒီနေ့ကာလမှာတော့ ဖြစ်နေပြီဆိုတဲ့ဟာကိုတော့ ပြောဖို့အတွက်ကို စောသေးတယ်လို့ ထင်ပါတယ်။ ဖြစ်စပြုနေပြီ၊ ဖြစ်စပြုနေတဲ့ ဒီလမ်းကြောင်းပေါ်ကနေ စစ်မှန်တဲ့ အပြောင်းအလဲမှုဖြစ်အောင် အားလုံးပါဝင်ခွင့်ရအောင် ကျနော်တို့ မျှော်မှန်းခဲ့သလို အားလုံးပါဝင်တဲ့ ဒီမိုကရေစီ အသွင်ကူးပြောင်းရေး၊ နိုင်ငံရေးလုပ်ငန်းစဉ်တခု ဖြစ်ပေါ်လာအောင် ကျနော်တို့ ကြိုးပမ်းရအုန်းမယ်။ ထို့နည်းတူစွာပဲ လူထုခေါင်းဆောင် ဒေါ်အောင်ဆန်းစုကြည် လေးစားတဲ့ခေါင်းဆောင်ပြောသလို တရားဥပဒေ စိုးမိုးရေးက အင်မတန်မှ အရေးကြီးတယ်။ တရားဥပဒေအရ ချမှတ်ထားတဲ့ ကာကွယ်မှုတွေ ရှိဖို့လိုတယ်။ အခုဆက်လက်ပြီး တရားဥပဒေ စိုးမိုးမှုအပေါ် အခြေခံပြီး ပြောင်းလဲမှုတွေ မဟုတ်သေးပါဘူး။ အထူးသဖြင့် အားလုံးသိတဲ့အတိုင်း ဟိုအရင် ၁၉၀၈ ခုနှစ်ကတည်းက ကိုလိုနီလက်ထက်တည်းက ပြဌာန်းနေတဲ့ မတရားအသင်း ဥပဒေက အခုအချိန်အထိ ရှိနေသေးတယ်။ ပြီးမှ electronic law အဲဒါနဲ့ ပတ်သက်လို့ အရေးယူဆောင်ရွက်ခံနေရတဲ့ အခြေအနေမှာ ရှိနေသေးတယ်။ ထိုနည်းတူစွာပဲ ဥပဒေအမျိုးမျိုး။ အဲဒီ အခြေခံတွေကို ပြင်ဆင်ပြောင်းလဲသွားဖို့။ ဆက်တိုက်ဆက်တိုက် ပြင်ဆင်ပြောင်းလဲသွားဖို့ ကျနော်တို့ ကြိုးပမ်းဖို့ လိုအပ်တယ်။ အရေးကြီးဆုံးက တိုင်းပြည်အတွင်းမှာရှိတဲ့ ဖွဲ့စည်းပုံအခြေခံဥပဒေ ပြဿနာ။ ဒီ ဖွဲ့စည်းပုံ အခြေခံဥပဒေပြဿနာကိုလည်း ဖြေရှင်းနိုင်ဖို့ နည်းလမ်းရှိဖို့လိုတယ်။ အဖြေရှာနိုင်ဖို့ နည်းလမ်းရှိလို့လည်း အဲဒီ အခြေခံတွေ၊ နည်းလမ်းတွေ မပေါ်ထွန်းသေးသ၍တော့ ကျနော်တို့ ဒါကို ယုံယုံကြည်ကြည်နဲ့ ပြောင်းလဲနေပါပြီလို့ ပြောတာကို လက်ခံဖို့ စောပါသေးတယ်။
ဦးစံမိုးဝေ ။ ။ ABSDF အဖွဲ့ဟာ နိုင်ငံတကာမှာ တခုတည်းသော ကျောင်းသားလက်နက်ကိုင်အဖွဲ့ ဖြစ်ပါတယ်။ စစ်အာဏာရှင် ချုပ်ငြိမ်းရေး၊ လူ့အခွင့်အရေး အပြည့်အဝရရေး၊ ဒီမိုကရေစီ ရရှိရေး စတာတွေအတွက် တဖတ်ကနေ စစ်ရေးနဲ့ ဖိအားပေးနိုင်မှရမယ်ဆိုပြီး လက်နက်စွဲကိုင်ခဲ့ကြတာလို့ သိထားပါတယ်။ အခု အဲဒီ လက်နက်ကိုင်လမ်းစဉ်ကို စွန့်လွှတ်တော့မယ်လို့ ရည်ရွယ်ပါသလား။
ဦးမျိုးဝင်း ။ ။ ဒီ အယူအဆကို အခုထိ မစွန့်လွှတ်သေးပါဘူး။ တကယ်လို့ ကျနော်တို့ တွေ့ဆုံဆွေးနွေး အဖြေရှာမယ် ဆိုရင်လည်းပဲ ကျနော်တို့လက်နက် ကျနော်တို့လက်ထဲမှာ ရှိရအုန်းမှာပါ။ တကယ် စစ်မှန်တဲ့အပြောင်းအလဲ မရှိသေး၍ ကျနော်တို့ လက်နက်ကိုင်တော်လှန်ရေးလမ်းစဉ်ကို စွန့်လွှတ်မှာ မဟုတ်ပါဘူး။ ထို့နည်းတူစွာပဲ ဒီနေ့ကာလ ဖြစ်ပေါ်နေတဲ့ အခြေအနေအောက်မှာ အခုလိုမျိုး ၂၃ နှစ် တိုက်ပွဲဝင်လာခဲ့တဲ့ ရလဒ်အဖြစ်နဲ့ အခုလိုမျိုး ဒီလို နိုင်ငံရေးဆွေးနွေးမှုတွေ ဖြစ်လာတယ်။ ဒီ နိုင်ငံရေး ဆွေးနွေးမှုတွေကတဆင့် ကျနော်တို့ ပြောင်းလဲမှုတွေ ဖော်ဆောင်နိုင်လိမ့်မယ်လို့ ကျနော်တို့ စဉ်းစားတယ်။ ဒါကြောင့် ဒီနေ့ကာလမှာ တိုက်ပွဲနဲ့ ဖိအားတွေ လိုအပ်နေသေးတယ်။ ဒီ အပြောင်းအလဲတွေကို ပိုမို မြန်ဆန်စေဖို့အတွက်၊ စစ်မှန်တဲ့ အပြောင်းအလဲတွေ ဖြစ်ပေါ်စေဖို့အတွက်ဆိုရင် ကျနော်တို့ လွှတ်တော်အတွင်း တိုက်ပွဲတွေ ရှိမယ်။ လွှတ်တော်ပြင်ပ တိုက်ပွဲတွေ ရှိမယ်။ အဓိက အခြေခံအားဖြင့် လွှတ်တော်ပြင်ပတိုက်ပွဲတွေကို ပုံသဏ္ဍာန်မျိုးစုံနဲ့ ရှိနေရအုန်းမယ်။ အခြေအနေ လိုအပ်ချက်အရ ဒီ အပြန်အလှန် ယုံကြည် နားလည်မှုကို တည်ဆောက်နိုင်ဖို့အတွက်ကို ငြိမ်းချမ်းရေးစားပွဲကို သွားနိုင်ဖို့အတွက် တွေ့ဆုံဆွေးနွေးရေးစားပွဲကို သွားနိုင်ဖို့အတွက် ဒီအခြေခံမှာ ယုံကြည်မှုတည်ဆောက်နိုင်ဖို့ကို အပစ်အခတ် ရပ်စဲရေးထားတဲ့ အခြေအနေတွေဟာ အခုဆိုရင် တိုင်းရင်းသား အင်အားစုတွေမှာလည်း စတင်ဖြစ်ထွန်းနေပါပြီ။ ဒီ အခြေအနေမျိုးကို ရောက်ကောင်းရောက်နိုင်တယ်။ ဒါပေမယ့် တိုင်းရင်းသားလက်နက်ကိုင် အင်အားစုတွေ အပစ်အခတ် ရပ်စဲတယ်ဆိုတာ လက်နက်စွန့်လွှတ်တာ မဟုတ်ပါဘူး။ ဒါကြောင့် အပစ်အခတ် ရပ်စဲတာနဲ့ လက်နက်ကိုင်လမ်းစဉ် စွန့်တာကိုတော့ ခွဲခြားပြီးတော့ အားလုံးကိုတော့ သိစေချင်တယ်။ ကျနော်တို့ ယုံကြည်ထားတဲ့ နိုင်ငံရေး ရည်မှန်းချက်တွေ အကောင်အထည် ဖော်နိုင်ဖို့အတွက်ကို အကန့်အသတ် ရှိနေသ၍ ဒီ အခြေခံတွေ မဖြစ်ပေါ်သ၍တော့ လက်နက်ကိုင်လမ်းစဉ်ကို ဘယ်သူမှ စွန့်မှာ မဟုတ်ပါဘူး။
ဦးစံမိုးဝေ ။ ။ အခု လက်ရှိ အစိုးရကို ABSDF က ၂၀၁၀ အတုအယောင် ရွေးကောက်ပွဲကနေ ပေါ်လာတဲ့ ကြံ့ဖွံ့အစိုးရလို့ ခေါ်ခဲ့ပါတယ်။ အခုတော့ အစိုးရကိုယ်စားလှယ်အဖွဲ့နဲ့ စကားဝိုင်း ထိုင်ပြီးတော့ ဆွေးနွေးနေပြီဆိုတော့ ၂၀၁၀ ရွေးကောက်ပွဲကို လက်ခံလိုက်ပြီဆိုတဲ့ သဘောလား။
ဦးမျိုးဝင်း ။ ။ အဲဒီလို သဘောမျိုးတော့ မဟုတ်သေးဘူး ထင်တယ်ဗျ။ ဘာဖြစ်လို့လည်းဆိုတော့ အခုထက်ထိလည်း ကျနော်တို့ကို သူတို့လည်းပဲ မတရားအသင်း ကြေညာထားတာပဲ။ အဲဒီတော့ ကျနော်တို့ ဒီကိစ္စတွေကို တချိန်ချိန်မှာတော့ တွေ့ဆုံဆွေးနွေးမှုကတဆင့်၊ အပြန်အလှန် ယုံကြည်မှုကတဆင့် ကျော်လွှာသွားရမယ့် အခြေခံတွေလို့ ယုံကြည်တယ်။ ဒီနေ့ကာလအထိ ကျနော်တို့ ၂၀၁၀ ရွေးကောက်ပွဲရလဒ်အပေါ် မူတည်ပြီးမှ ကျနော်တို့အနေနဲ့ ၂၀၁၀ ရွေးကောက်ပွဲရလဒ် ဘယ်လိုပေါ်ထွက်လာသလဲဆိုတာကို အားလုံးလည်း နားလည်းပြီသား၊ သိရှိပြီသားဖြစ်တယ်။ ကျနော်တို့ ဒေါ်အောင်ဆန်းစုကြည်၊ အန်အယ်လ်ဒီ တို့ သုံးသလို အရှိတရားပေါ် အခြေခံပြီးတော့မှ တိုင်းပြည်အုပ်ချုပ်နေတဲ့ အစိုးရတဖွဲ့တော့ ရှိပြီ။ ဒီ တိုင်းပြည်အုပ်ချုပ်နေတဲ့ အစိုးရတဖွဲ့ကနေ ပြည်တွင်းငြိမ်းချမ်းရေး ဖော်ဆောင်ရေးအတွက် ကျနော်တို့ကို ကမ်းလှမ်းလာတယ်။ ကျနော်အပေါ် ဒီနေ့အထိ မတရားအသင်း ကြေညာထားသေးတယ်။ အဲဒီ အခြေခံပေါ်ကနေ တွေ့ဆုံဆွေးနွေးကြမယ်။ တစုံတရာ နှစ်ဦးနှစ်ဖက် ပြေလည်မှု တစုံတရာ ရရှိလာတဲ့အခါကြရင်တော့ အခုန ကိုစံမိုးဝေ ပြောတဲ့ သူတို့အပေါ် ထားရှိတဲ့ သဘောထား၊ ကျနော်တို့အပေါ်မှာ ထားရှိတဲ့ သဘောထားတွေ အလိုလို ပြောင်းလဲမှုတွေ ဖြစ်လာလိမ့်မယ်လို့ပဲ မျှော်လင့်ပါတယ်။
ဦးစံမိုးဝေ ။ ။ နောက်လာမယ့် အဆင့်တွေမှာကော ဘယ်လိုများ စီစဉ်ထားပါသလဲ။
ဦးမျိုးဝင်း ။ ။ နောက်တဖွဲ့ရဲ့  ဆွေးနွေးပွဲကို ရန်ကုန်မြို့ မှာ ကျင်းပဖို့ စီစဉ်ထားပါတယ်။ အဓိက အခြေခံအားဖြင့်တော့ အခု ပဏာမ ဆွေးနွေးပွဲမှာ ကျနော်တို့ နှစ်ဖက် တူညီတဲ့အမြင် ရသလို။ နှစ်ဖက်တူညီမှု အမြင်ရတာကတော့ နိုင်ငံရေး ပြဿနာကို နိုင်ငံရေးနည်းနဲ့ ဖြေရှင်းဆောင်ရွက်သွားနိုင်ဖို့အတွက်ကို ငြိမ်းချမ်းရေး စားပွဲမှာ တန်းတူရည်တူ ဆွေးနွေးသွားမယ်ဆိုတဲ့ အကြိုညှိနှိုင်းဆွေးနွေးပွဲမှာ ဒီသဘောအမြင် တူညီမှု ကျနော်တို့ ရတယ်။ ဒီ အခြေခံပေါ်ကနေ ဆက်လက် ဆွေးနွေးသွားမှာပါ။
ဦးစံမိုးဝေ ။ ။ ဘယ်တော့လောက် ဖြစ်မလဲ။
ဦးမျိုးဝင်း ။ ။ ဒီ အခြေခံ သတ်မှတ်ချက်တော့ ပြောဖို့အတွက်တော့ စောသေးတာပေါ့။ ပြောဖို့ စောသေးတယ် ဆိုတာကတော့ အဆင်သင့် မဖြစ်သေးလို့ပါ။ နှစ်ဦးနှစ်ဖက် အဆင်ပြေနိုင်ဆုံး ဖြစ်မယ့်ရက်ကို ကျနော်တို့ ညှိနှိုင်း ဆောင်ရွက်သွားမယ်။ အခုကာလမှာတော့ သူတို့လည်း ကျနော်တို့ကြားမှာ ဆက်သွယ်မှုတွေတော့ ပုံမှန်ရှိနေပါပြီ။
ဦးစံမိုးဝေ ။ ။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် (ABSDF) ရဲ့ ဒုတိယ ဥက္ကဋ္ဌ ကိုမျိုးဝင်း ကို မေးမြန်းခဲ့တာ ဖြစ်ပါတယ်။
ဗွီအိုအေ (မြန်မာပိုင်း) အစီအစဉ်မှ …
No comments:
Post a Comment