သက္ကရာဇ်တွေ တစတစကြွေဆူးထောင်တွေ တဖြည်းဖြည်းရစ်
မျှော်လင့်ချက်တွေ တငွေ့ငွေ့ဆင်း
သင်းကွဲလေရိုင်းကြမ်းတွေ
အကြိမ်ကြိမ်ဖြိုလှဲချမရတဲ့ ကောင်းကင်သစ်ပင်၊
ဒုက္ခမီးလှိုင်းဆိုးကြီးတွေ
ခဏခဏ ဝါးမြိုချေမရတဲ့ ဂန္ထဝင်ပန်းပွင့်၊
စူးရှပြင်းထန် စစ်အာဏာသံတွေ
အခါခါဖုံးလွှမ်းမရတဲ့ အပြုံးကြယ်စင်
သောကပင့်သက် နင့်နင့်ကြိတ်ရှိုက်
ဝေးလွင့်ရဲဘော်တွေကို နှုတ်မဆက်လိုက်ရတဲ့ အလင်းရှင်၊
ပိတ်လှောင်နှောင်တည်း တားဆီးမှုတွေ
အလီလီဖဲ့စားချိုးမရတဲ့ သစ္စာဓားတလက်၊
မနက်ဖြန်များစွာ …
တိုက်ပွဲဖော် အားမြှင့်ထပ်ဆင့်တိုး
ကမ်းလင့်ကြိုဆိုသူတွေနဲ့
ကျွမ်းရင့်ညှိုးငယ်သူတွေနဲ့
လမ်းသစ်တိုးဖွင့်သူတွေနဲ့
တမ်းတအာခံ ပုန်ကန်သူတွေနဲ့၊
ယတြာ မန္တာန် မမန်းမှုတ်
ကမ္ဘာ့သမိုင်းစာမျက်နှာ လှုပ်နှိုး
ဒဏ်ရာဝေဒနာ ဆုပ်ကိုင်ထားကာ
ကတိမေတ္တာ ရင်တွင်းလမ်းခင်း
အကျဉ်းစံ ရူးသွပ်ကြေ အမှောင်တိုက်မှာ
ခေါင်းအစ ခြေအဆုံး သွေးချင်းဖုံးပစေ
ဘယ်တော့မှ
ဒူးမထောက် အလံမလှဲခဲ့သူ (အမေ)။ ။
ဒေါင်းနီ
ကမ္ဘာ့ငြိမ်းချမ်းရေးနိုဘယ်လ်ဆုရှင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့အမှတ်တရ
ပန်းချီ-သန်းဌေးမောင်
ပန်းချီ-သန်းဌေးမောင်
No comments:
Post a Comment