အမေရိကန် အထက်လွှတ်တော်အမတ်ရဲ့ခရီးစဉ် မဖြစ်မြောက်ပေမယ့် တရုတ်ဝန်ကြီးချုပ် ဝမ်ကျားပေါင်ရဲ့ မြန်မာပြည်ခရီးစဉ်ကတော့ ပြီးဆုံးသွားပါပြီ။ သူ့ခရီးစဉ်အတွင်း နေပြည်တော်မှာ မြန်မာ စစ်ခေါင်းဆောင်တွေနဲ့ သဘောတူညီချက် အတော်များများကို လက်မှတ်ရေးထိုးနိုင်ခဲ့ပါတယ်။တရုတ်ဘက်ကတော့ ဒီခရီးစဉ်ဟာ ၂ နိုင်ငံဆက်ဆံရေးကို နောက်ခြေတလှမ်း ထပ်တိုးစေခဲ့တာလို့ ပြောနေချိန်မှာပဲ တရုတ်နိုင်ငံဟာ မြန်မာနိုင်ငံ အပါအဝင် အခြားနိုင်ငံတွေမှာ လူ့အခွင့်အရေးချိုးဖောက်မှုတွေကို လစ်လျူရှုပြီး ရင်းနှီးမြှုပ်နှံမှုတွေ လုပ်နေတယ်လို့ ဝေဖန်တာကို ခံနေရပါတယ်။
တရုတ် မြန်မာ ဆက်ဆံရေးနဲ့ပတ်သက်လို့ ဘီဘီစီ တရုတ်ဘာသာဌာနက အယ်ဒီတာ ရှီရွန်းချန်းက …
တရုတ်နိုင်ငံဟာ လူ့အခွင့်အရေး ချိုးဖောက်မှုတွေရှိနေတာကို လျစ်လျူရှုပြီးတော့ နိုင်ငံတကာ အသိုင်းအဝိုင်းရဲ့ ဝိုင်းဝန်းရှုတ်ချမှုကိုခံနေရတဲ့ မြောက်ကိုးရီးယားနဲ့ မြန်မာနိုင်ငံလို နိုင်ငံမျိုးတွေနဲ့ နီးနီးကပ်ကပ် ဆက်ဆံနေတယ်လို့ မကြာခဏ ဝေဖန်ခံရပါတယ်။
တရုတ်ဝန်ကြီးချုပ် ဝမ်ကျားပေါင်ရဲ့ မြန်မာနိုင်ငံ ၂ ရက်ကြာခရီးဟာ တရုတ်ဝန်ကြီးချုပ်တဦးအနေနဲ့ ၁၆ နှစ်အတွင်း ၂ နိုင်ငံဆက်ဆံရေးကို ခိုင်မာစေမယ့် ပထမဆုံးခရီးစဉ် ဖြစ်ပါတယ်။ ဒီခရီးစဉ်အတွင်းမှာ စွမ်းအင်ဆိုင်ရာ၊ ဘဏ္ဍာရေးဆိုင်ရာ၊ ရေအားလျှပ်စစ်ဆိုင်ရာ၊ ကားပစ္စည်း တပ်ဆင်မှုဆိုင်ရာနဲ့ အခြေခံ အဆောက်အအုံဆိုင်ရာ သဘောတူညီချက် ၁၅ ခုကို လက်မှတ် ရေးထိုးခဲ့ကြပါတယ်။
တရုတ် မြန်မာ ၂ နိုင်ငံကြား တနိုင်ငံက တနိုင်ငံကို အမှီသဟဲပြုနေကြတဲ့ အချက်တွေကတော့ အများကြီးပါ။ နိုင်ငံတကာဒဏ်ခတ်ပိတ်ဆို့မှုကို ခံနေရတဲ့ မြန်မာစစ်အစိုးရအဖို့ တရုတ်ကို အဓိက မဟာမိတ်တဦးအဖြစ် ကုန်သွယ်ဖက် ပါတနာအဖြစ် လိုအပ်နေတာပါ။
ဒါကြောင့်လည်း အရှေ့တောင်အာရှဒေသမှာ တရုတ်တို့ သြဇာလွှမ်းမိုးမှုကို စိုးရိမ်လာနေတဲ့ အမေရိကန် အစိုးရအနေနဲ့ မြန်မာအစိုးရနဲ့ပတ်သက်လို့ ထိတွေ့ဆက်ဆံရေး မူဝါဒသစ်ကို ကျင့်သုံးလာခဲ့တာ ဖြစ်ပါတယ်။ အမေရိကန် ဆီးနိတ်လွှတ်တော်အမတ် ဂျင်ဝက်ဘ်ရဲ့ မြန်မာနိုင်ငံကို သွားဖို့စီစဉ်ခဲ့တာဟာ အကောင်းဆုံးပြနိုင်တဲ့ နမူနာပါ။ ဒါပေမယ့် အခုတော့ မြန်မာအစိုးရရဲ့ နျူးကလီးယား အစီအစဉ်သတင်းကြောင့် ဂျင်ဝက်ဘ်ရဲ့ခရီးစဉ် ပျက်သွားပါပြီ။
တရုတ်ဘက်က ကြည့်ရင်တော့ မြန်မာနိုင်ငံက ရေနံနဲ့ သဘာဝဓာတ်ငွေ့ကို လိုအပ်နေတာပါ။ မြန်မာနိုင်ငံနဲ့ တရုတ်နိုင်ငံ အနောက်တောင်ပိုင်း ယူနန်ပြည်နယ်ရဲ့မြို့တော် ကူးမင်ရဲ့ အနောက်ဘက်ကမ်းခြေကို ဆက်သွယ်မယ့် ရေနံနဲ့ ဓာတ်ငွေ့ပိုက်လိုင်းတွေကို စပြီးတော့ တည်ဆောက်နေပါပြီ။ ပထဝီနိုင်ငံရေးအရ ကြည့်မယ်ဆိုရင် တရုတ်တို့အနေနဲ့ နယ်စပ်တလျှောက် တည်ငြိမ်မှုရှိဖို့နဲ့ အိန္ဒိယသမုဒ္ဒရာဘက်ကို တိုက်ရိုက် ထွက်ပေါက်ရရှိဖို့ ၂ နိုင်ငံ ဆက်ဆံရေး ခိုင်မာနေဖို့ လိုအပ်ပါတယ်။
တရုတ်တို့အဖို့ စီးပွားရေး တိုးတက်မှုတွေ ရှိလာတာနဲ့အမျှ အရှေ့အလယ်ပိုင်းနဲ့ အာဖရိကက အရင်းအမြစ်တွေကို ပိုပြီးတော့ အားထားလာနေရတဲ့အတွက် အိန္ဒိယသမုဒ္ဒရာဘက်ကို တိုက်ရိုက်ထွက်ပေါက် ရရှိဖို့ဟာ တရုတ်တို့အတွက် အလွန်အရေးကြီးပါတယ်လို့ ဘီဘီစီ တရုတ်ဌာနက အယ်ဒီတာ ရှီရွန်းချန်းက သုံးသပ်ရေးသားထားပါတယ်။
၂၀၁၀ ပြည့်နှစ် ဇွန်လ ၃ ရက်နေ့ ဘီဘီစီ မြန်မာပိုင်း အစီအစဉ်မှ ကောက်နုတ်ဖော်ပြပါတယ်။
တရုတ်ဝန်ကြီးချုပ်ရဲ့ မြန်မာပြည်ခရီးစဉ် (ဓာတ်ပုံ - AP, Reuters)
တရုတ်ဝန်ကြီးချုပ်ရဲ့ မြန်မာပြည်ခရီးစဉ် (ဓာတ်ပုံ - AP, Reuters)
No comments:
Post a Comment