တတိယလှိုင်း နဲ့ မျက်လှည့်ဝိုင်း
အောင်ဆု
လမ်းဘေး ပလက်ဖောင်းဆိုပေမယ့်
ဘင်သံက သာတယ်။
လူစုံလာရင်
အမြင်အာရုံကို
လိမ်လည်လှည့်စားဖို့
ပညာရပ်တခု ထွက်ကြလာမယ် … ။
ကြည့်ကြ -
ကြိုးစက မြွေဖြစ်တော့မယ် … ။
ကြည့်ကြ -
ဖားကပြုတ်က
အဝတ်စုတ် ဖြစ်တော့မယ် … ။
ကြည့်ကြ -
မျက်လှည့်
လက်လှည့်
ပဉ္စလှည့်တွေနဲ့
လှည့်စားခံရသူရဲ့ ရင်မှာ
တစုံတရာ နာကျင်ခဲ့မယ်ဆိုရင်တော့ … ။
မပူပါနဲ့ဗျာ …
အစစ အရာရာ
ကုံလုံပြီးမြောက်စေမယ့်
သိဒ္ဓိပေါက် ဓာတ်လုံးကလေး
ဝိုင်းတပတ်ပတ်ပြီး ပေးခဲ့ပါမယ် … ။
ကဲ …
နေထန်းတဖျားလဲ ရှိခဲ့ပြီမို့
ကျနော့်အတွက်တော့
မြွေစာဖိုးကလေးသာ တုန့်ပြန်ခဲ့ကြပါတော့ … ။
လမ်းဘေး ပလက်ဖောင်းဆိုပေမယ့်
ဘင်သံက သာတယ် … ။
ကမ္ဘာ့ရွာမှာ
လှိုင်းတွေက တလှိုင်းပြီး တလှိုင်း
ဒီမှာက
မျက်လှည့်ဝိုင်းတွေ တဝိုင်းပြီး တဝိုင်း … ။
No comments:
Post a Comment