ချစ်လို့ ခေါ်တဲ့အသံ
ဇော်ခိုင်ဦး
တခွင်လုံးမိုးသားတွေ
လေးလေးကန်ကန်ရွှေ့ရှားနေချိန်
စစ်သားလူထွက်ကြီး
အိမ်ပြန်လာခဲ့ပါပြီ …
ကျနော့် မိန်းမက
သူ့ နို့ပိန်ပိန်ကိုလှန်ပြီး
အနှီးမဲ့နေတဲ့ ကလေးကို တိုက်လို့ …
သမီးအကြီးမက
ကျနော့် စွပ်ကျယ်ပွပွကြီးကို
ဝတ်ထားလို့ …
ကျနော့်လက်တဖက်ကတော့
ကျနော့်မိန်းမ ပုခုံးပေါ်
အားပြုထားရပေါ့ …
မင်း ခြေထောက်တဖက်
ဘယ်ရောက်သွားလဲ၊
မင်း လက်တဖက်
ဘယ်သူယူသွားလဲ …
ရွာအဝင် မေးခွန်းတွေက
ကျနော့်ခန္ဓွာကိုယ်ပေါ်
အညစ်အကြေးတွေလို
စွန်းထင်းသွားတယ် …
စစ်မှုထမ်းသက် ၁၅ နှစ်မှာ
မွေးရာပါ
ခြေတဖက် … လက်တဖက်
ဘယ်သူ့အတွက် ပေးလိုက်ရတာလဲ
ဘယ်သူ့အတွက် ပေးပစ်ရတာလဲ …
ဒီမေးခွန်းကြီးထဲမွန်းကြပ်
ခုတော့ …
ရွာကို ပြန်လာခဲ့ပါပြီ…
အာဏာရှင်စစ်မီးဟာ
အချစ်ကြီးချစ်သူတွေကို သွေးခွဲ
လူထုဘဝကို
ခွေးဆွဲသလို ဝိုင်းဆွဲခဲ့ကြ
(ဒင်းတို့ဘဝ ချောက်ထဲမကျအောင်)
တိုင်းပြည်ကို
အကျဉ်းထောင်လုပ်ပစ်တာကွ …
နာနာကျည်းကျည်း ပွင့်အန်နေတဲ့
ကျနော့်ဦးလေးစကားသံတွေ
မြားလို လာလာမှန်နေပေါ့ …
မင့် … ညီမလေး
ရှစ်လေးလုံးမှာ ကျဆုံးသွားပြီ
မင့် … ညီအငယ်ကောင်
စစ်အကျဉ်းထောင်ထဲမှာ …
အဲ့ဒီစိတ်တွေနဲ့
မင်းအမေ
အိပ်ရာထဲ ဘုန်းဘုန်းလဲတော့တာ
မနေ့ကပဲ …
မနေ့ကပဲ ဆုံးသွားပြီ
အမေ …
အမေ့အလောင်းစင်ကို
ခေါင်းဝင်ပြီး ပြေးဖက်ဖို့တောင်
လက်တဖက်မရှိတော့တဲ့ ကျနော်
အေမ့စ်ာပနကို
အမေမွေးထားတဲ့အတိုင်း
လိုက်ပို့ဖို့
ခြေတဖက်မရှိတော့တဲ့
ကျနော် …
အာဏာရှင်အရိုင်းအစိုင်းဟာ
လူတိုင်းမုန်း
တပ်မတော်ကြီးတဲ့လား၊
ငါသားကို
နှမြောလိုက်တာကွယ် …
အဲ့ဒါ …
အမေ့ နောက်ဆုံးစကား တဲ့
ကျနော့်ကို
ခွင့်မလွတ်နိုင်တော့ဘူးလား အမေ …
ဟေ့ကောင် …
မင့် ခြေတဖက်
ဘာမှ စိတ်မပျက်နဲ့ဦး
တို့တရွာလုံးရှိပါတယ် ကွာ …
ဟင် …
ရွာလူကြီးတယောက်ဆီက
ထွက်ကျလာတဲ့ စကားသံဟာ
ကျနော့်နားတွေကို မယုံနိုင်အောင် ဖြစ်ရပေါ့ …
သမီးအကြီးမက
ကျနော့် စွပ်ကျယ်ပွပွကြီးကို
ဝတ်ထားလို့ …
အနှီးမဲ့နေတဲ့ အငယ်ကောင်က
သူ့အမေ နို့ပိန်ပိန်ကို
အရှိန်မပျက်စို့လို့ …
ရွာလူကြီးတယောက်က
ကျနော့် တဖက်တည်းလက်ကို
သူ့ပုခုံးပေါ်တင်
လာကွာ
ရွာထဲ ဝင်ကြရအောင် … တဲ့။ ။
ဇော်ခိုင်ဦး
ကပ-၆၂၇၅၂၉
(ယခင်) အမှတ်-၂ ချင်းသေနတ်ကိုင်တပ်ရင်း
ရှစ်လေးလုံးပြည်သူ့တပ်မတော်သား
အောင်ဆန်းဂျာနယ်
အတွဲ ၆ အမှတ် ၂
ဇွန်လ ၂၀၀၁ ခုနှစ်
No comments:
Post a Comment