ပင်မ သပိတ်စစ်ကြောင်းမှ ဖမ်းဆီးခံထားရသူတွေကို ရုံးထုတ်စစ်ဆေး
လက်ပံတန်းမှာ ကျောင်းသားသပိတ်ကို လုံခြုံရေးတွေက အကြမ်းဖက်ဖြိုခွဲစဉ်မှာ မတ်လ ၁၀ ရက် ညနေပိုင်းက လက်ပံတန်း သပိတ်စစ်ကြောင်းကနေ ဖမ်းဆီးခံခဲ့ရသူတွေထဲက ၆၀ ကျော်ကို လက်ပံတန်းမြို့နယ် တရားရုံးမှာ ရုံးထုတ် စစ်ဆေးခဲ့ပါတယ်။
ဥပဒေနဲ့ဆန့်ကျင်တဲ့ အစုအဝေးမှာ ပါဝင်ခဲ့မှု၊ လူစုခွဲဖို့ အမိန့်ပေးပြီးနောက်ပိုင်းမှာ ဆက်လက် ပါဝင်ခဲ့မှု၊ ရုန်းရင်းဆန်ခတ်မှု၊ တာဝန်ထမ်းဆောင်နေတဲ့ ဝန်ထမ်းကို နာကျင်စေခဲ့မှု၊ နိုင်ငံတော် ငြိမ်ဝပ်ပိပြားရေးကို ထိခိုက်စေမှု စတဲ့ ပုဒ်မ ၅ ခုနဲ့ တရားစွဲထားပြီး လာမယ့် မတ်လ ၁၅ ရက်နေ့မှာ ရုံးချိန်း ပြန်ခေါ်ထားတယ်လို့ သိရပါတယ်။
သူတို့ကိုရုံးထုတ်ရာမှာ အလုံပိတ်ကားနဲ့တင်လာပြီး မိသားစုတွေရော၊ သတင်းထောက်တွေပါ တရားရုံးအတွင်း ဝင်ခွင့်မရသလို မမြင်ရအောင်လည်း တားဆီးပိတ်ဆို့ထားတယ်လို့ ရုံးထုတ်ကို လာစောင့်နေတဲ့ မိဘတွေက ပြောပါတယ်။
တရားရုံးကအထွက်မှာတော့ ကျောင်းသားတွေက သူတို့ အလွန်အကျူး ဖိနှိပ်ခံရပါတယ်လို့ အော်သွားတာ ကြားရကြောင်း သတင်းထောက်တွေက ပြောပါတယ်။
သတင်း၊ ဓာတ်ပုံ - ဘီဘီစီ
No comments:
Post a Comment