မတ်လ ၁ ရက်နေ့မှာ ချီတက်မှု ပြန်လည်စတင်မယ်ဆိုပြီး ပြောထားပေမယ့် ကျောင်းသားခေါင်းဆောင်တွေဟာ ရန်ကုန်မှာ သံဃာ အင်အားစုတွေ ၊ နိုင်ငံရေး အင်အားစုတွေနဲ့ သွားရောက် တွေ့ဆုံခဲ့တဲ့အတွက် အခုလို ၁ ရက် နောက်ကျပြီးမှ ပြန်လည် စတင်ရတာဖြစ်တဲ့အကြောင်း သပိတ်ကိုဦးဆောင်နေတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဗကသရဲ့ ပြန်ကြားရေးတာဝန်ခံ ကိုရဲရင့်ကျော်က ဘီဘီစီကို ပြောပါတယ်။
ဒီနေ့မှာ သုံးဆယ်မြို့ကိုအရောက် ချီတက်မှာဖြစ်ပြီး သုံးဆယ်အလွန် ပဲခူးတိုင်းနဲ့ ရန်ကုန်တိုင်းအစပ် ဥက္ကံအနီး အာဏာပိုင်တွေ ပိတ်ဆို့ထားတဲ့ အခြေအနေကို စောင့်ကြည့်ရဦးမှာဖြစ်တယ်လို့လည်း ကိုရဲရင့်ကျော် က ဆိုပါတယ်။
အမျိုးသားပညာရေးဥပဒေ ပြင်ဆင်ရေး ၄ ပွင့်ဆိုင် ဆွေးနွေးပွဲရလာဒ်တွေအပေါ် အစိုးရက မလေးစားဘဲ လူထုအကြား ဝေဝါးအောင် ပုံဖျက်လာတဲ့အတွက် ကျောင်းသားတွေအနေနဲ့ အစိုးရအပေါ် ယုံကြည်မှုမထားနိုင်ဖြစ်လာပြီး ဆက်လက် သပိတ်မှောက်ချီတက်ရတာ ဖြစ်တယ်လို့ ကိုရဲရင့်ကျော်က ပြောပါတယ်။
အစိုးရ ပြည်ထဲရေးဝန်ကြီးဌာနကလည်း တကယ်လို့ သပိတ်မှာက်ကျောင်းသားတွေ ရန်ကုန်တိုင်းဒေသကြီးထဲ ဝင်လာရင် တည်ဆဲဥပဒေတွေအရ အရေးယူသွားမယ်ဆိုပြီးတော့ ပြောထားပါတယ်။
သတင်း၊ ဓာတ်ပုံ - ဘီဘီစီ
No comments:
Post a Comment