အမျိုးသားပညာရေးဥပဒေကို ပြုပြင်ဖို့ တောင်းဆိုဆန္ဒပြနေကြတဲ့ ကျောင်းသားသပိတ်ဟာ လက်ပံတန်းမှာ ၁ဝ ရက် နားနေကြပြီး တကယ်လို့ တောင်းဆိုချက်တွေမရရင် မတ်လ ၁ ရက်မှာ ရန်ကုန်ကို ချီတက်ကြမှာဖြစ်ပါတယ်။
ဒီလို လွှတ်တော်ဘက်က တွေ့ဆုံမှုကို စောစောခေါ်ရင် ရနိုင်လျက်နဲ့ သတ်မှတ်ရက်ချိန်းထက်ကျော်ပြီးမှ ခေါ်တဲ့အတွက် ကျောင်းသားတွေရဲ့ မူလသဘောတူညီချက်အတိုင်း ၁ ရက်နေ့မှာ တောင်းဆိုချက်တွေ မရခဲ့ရင် ရန်ကုန်ကို ဆက်ချီတက်ရမှာဖြစ်တယ်လို့ ကျောင်းသားသပိတ် ပင်မစစ်ကြောင်းက ဗကသ ခေါင်းဆောင် ကိုမင်းသွေးသစ် က ပြောပါတယ်။
ရန်ကုန်ကို ကျောင်းသားတွေလာရင် အေးအေးဆေးဆေး မူလစည်းကမ်းချက်တွေအတိုင်း ပညာရေး တောင်းဆိုမှုတွေပဲ ဆက်လုပ်မှာဖြစ်လို့ အစိုးရအနေနဲ့ အသာတကြည် ဝင်ခွင့်ပေးသင့်တယ်လို့လည်း သူက ပြောပါတယ်။
အစိုးရအနေနဲ့ တက္ကသိုလ်ကျောင်းတွေမှာ ပညာရေး ဥပဒေမူကြမ်း မှတ်ချက်တောင်းတယ်ဆိုပြီး မူလ ၄ ပွင့်ဆိုင် ဆွေးနွေးပွဲမှာမပါတဲ့ လှုပ်ရှားမှုတွေလုပ်နေတာဟာ အစိုးရဘက်က ချိုးဖောက်မှုလို့လည်း ပြောပါတယ်။
မဘသ ခေါင်းဆောင် အင်းစိန် ရွာမ ဆရာတော်ဆီသွားပြီး ပညာရေးဥပဒေ ပြင်ဆင်ရေးအတွက် ရှင်းလင်းလျှောက်ထားမှာလို့ သိရပါတယ်။
အကယ်၍ ရဟန်း သံဃာတွေနဲ့ ပြည်သူတွေဘက်က ဥပဒေနဲ့ပတ်သက်ပြီး စိုးရိမ်မှု၊ မကျေလည်မှုတွေရှိခဲ့ရင် ဖြေရှင်းပြုပြင်မှုတွေ လုပ်သွားမှာဖြစ်ကြောင်း ကိုမင်းသွေးသစ်က ပြောကြားပါတယ်။
သတင်း၊ ဓာတ်ပုံ - ဘီဘီစီ
No comments:
Post a Comment