နိုဘယ်လ်ဆုနဲ့ ဆော်လမွန်ငါး လဲလှယ်ချင်တဲ့ နော်ဝေးအစိုးရ (ကိုညို)

“ကျမတို့က စေ့စပ်ဆွေးနွေးဖို့ ပိုမိုအားထုတ်နေတဲ့အချိန်၊ သူတို့က တံခါးတွေကို ပိုပြီးပိတ်ထားတယ်၊ ဒီပုံစံနဲ့ ကျမတို့ ကိုယ့်ကိုယ်ကိုတောင် ရှာတွေ့ရတော့မှာ မဟုတ်တော့ဘူး” “သူတို့ ဒလိုင်လားမားကို မတွေ့လိုတဲ့ အစီအစဉ်ကို လုံးဝ လက်မခံနိုင်ဘူး၊ ပြည်သူတွေ ရွေးချယ်တင်မြှောက်လိုက်တဲ့ အခွင့်အာဏာကို တလွဲမသုံးသင့်ဘူး” 

စင်ပေါ်က မိုက်ကရိုဖုန်းကိုဆုတ်ကိုင်ပြီး မာန်ပါပါပြောလိုက်တဲ့ အန်း ခရစ်စတင်း အက်စပယ်ရော့ဒ် (Ann Kristin Espejord)ရဲ့ မိန့်ခွန်းကို အော်စလိုမြို့လည် ပါလီမန်ရှေ့က လူထု ပရိဿတ် ၅၀၀ လောက်က တခဲနက် သြဘာပေးလိုက်ပါတယ်။ “ဒလိုင်လားမားကြီးအား ကြိုဆိုပါ၏” လို့ အဖြူခံပေါ် စာလုံးနီနဲ့ ရေးထားတဲ့ ပိတ်သားကြီးဟာ တချက်တချက် အရိုးထဲစိမ့်အောင် တိုက်ခတ်လိုက်တဲ့ လေစိမ်းတွေနဲ့အတူ ယိမ်းထိုးနေတယ်။ 


ဧပြီလ ၂၅ ရက်နေ့က နော်ဝေးနိုင်ငံခြားရေးဝန်ကြီး ဘိုဂေး ဘရန်းဒဲက တရုတ်နိုင်ငံနဲ့ အနာဂတ်ဆက်ဆံရေးမှာ ဆိုးရွားစေမယ့်ကိစ္စတွေ ရှောင်ရှားနိုင်ဖို့ တိဘက်ဘုန်းတော်ကြီး ဒလိုင်လားမားကို ဝန်ကြီးချုပ်နဲ့ မိမိအပါအဝင် အစိုးရအဖွဲ့က လက်ခံတွေ့ဆုံဖို့ မလိုအပ်ဘူးလို့ သတင်းထုတ်ပြန်ခဲ့ပါတယ်။ ဒလိုင်လားမားကို ကြည်ညိုသူတွေသာမက တိဘက်ပြည်သူတွေအပေါ် လူ့အခွင့်အရေး ကျူးလွန်မှုတွေအပေါ် မနှစ်မြို့တဲ့ နော်ဝေးပြည်သူတွေက မိမိတို့တလျှောက်လုံး တန်ဖိုးထားကိုင်စွဲလာတဲ့ ငြိမ်းချမ်းရေးနဲ့ လူ့အခွင့်အရေးစံတွေကို တဆင့်နှိမ့်ချလိုက်တဲ့ အော်စလို အစိုးရအပေါ် ပြစ်တင်ရှုတ်ချခဲ့တယ်။ ဧပြီ ၂၉ ရက်နေ့ညနေက အော်စလိုပါလီမန်ရှေ့မှာ အစိုးရဆုံးဖြတ်ချက်ကို ပြင်ဆင်ပြီး တိဘက်ဘုန်းတော်ကြီးကို လက်ခံတွေ့ဆုံဖို့ တောင်းဆို ဆန္ဒပြခဲ့ပါတယ်။ 

တရုတ် ဝေဖန်မှု 

၁၉၈၉ ခုနှစ်အတွက် နိုဘယ်လ်ငြိမ်းချမ်းရေးဆုရှင် ဘုန်းတော်ကြီး ဒလိုင်လားမားဟာ သူရဲ့ ၂၅ နှစ်မြောက် နိုဘယ်ဆုရ အထိမ်းအမှတ်အဖြစ် ကျင်းပမယ့် ဂုဏ်ပြုပွဲအတွက် နိုဘယ်အင်စတီကျုနဲ့ နော်ဝေးနိုင်ငံဆိုင်ရာ တိဘက်ကော်မတီတို့က ကမကထလုပ် ဖိတ်ကြားလို့ မေလ ၇ ရက်ကနေ ၉ ရက်အထိ အော်စလိုကို ကြွလာမှာဖြစ်တယ်။ ဒီသတင်းထွက်ပေါ်လာလာချင်း ဧပြီ ၂၃ ရက်မှာ တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ကွီန်ဂန်(Qin Gang) က အပြင်းအထန် ကန့်ကွက်ခဲ့ပြီး “သူ့အနေနဲ့ အမှန်တကယ်ပဲ စစ်မှန်တဲ့ ဘာသာရေးသမားသွင်ပြင်ကို ပြသချင်ရင် ဘုန်းကြီးကျောင်းမှာပဲ သီတင်းသုံးသင့်တယ်၊ ကမ္ဘာလှည့်ခရီး ထွက်စရာမလိုဘူး” လို့ ဆိုတယ်။ 

“သူဟာ တရုတ်ပြည် ပြိုကွဲရေးနဲ့ လူမျိုးစုများညီညွတ်ရေးပျက်ပြားအောင် နိုင်ငံတကာက ဝင်ရောက်စွက်ဖက်ဖို့ ဟိုဒီသွားလာလုပ်ဆောင်နေတာ ဖြစ်တယ်” “မိမိတို့တရုတ်အစိုးရရဲ့ ဒလိုင်လားမားအပေါ်ထားတဲ့ သဘောထားဟာ အလွန်တရာ ရှင်းလင်းတိကျပြီး ပြတ်သားတဲ့ မူဝါဒအပေါ်အခြေခံတဲ့ သင့်တင့်လျှောက်ပတ်မှုနဲ့ ဆောင်ရွက်နေတာဖြစ်တယ်” လို့ ချိုင်းနားဒေလီနယူးစ် သတင်းဌာနကို ပြောခဲ့တယ်။ 

နယ်မြေပျောက် တိဘက် 

သိုးရေခြုံဝံပုလွေလို့ တရုတ်အစိုးရရဲ့ နှိမ့်ချခေါ်ဝေါ်ခံနေရသူ သက်တော် ၇၈ နှစ်အရွယ်ရှိ ဘုန်းတော်ကြီး ဒလိုင်လားမားဟာ အာရှရဲ့ခေါင်မိုးလို့လူသိများတဲ့ တိဘက်နိုင်ငံငယ်လေးကို ၁၉၅၉ ခုနှစ်မှာ တရုတ်က ကျူးကျော် သိမ်းပိုက်တဲ့အခါ ထောင်နဲ့ချီတဲ့ နောက်လိုက်နောက်ပါတွေနဲ့အတူ ဟိမဝန္တာတောင်စွယ်တွေဖြတ်ပြီး အိမ်နီးချင်း အိန္ဒိယနိုင်ငံ ဟီမာလေယာပြည်နယ်ထဲ ရောက်လာတယ်။ နောက်ပိုင်း တိဘက်များရဲ့ လွတ်မြောက်နယ်မြေဖြစ်သွားတဲ့ တောင်ပေါ်မြို့ ဒရမ္မန်ဆာလာမှာ ခိုလှုံသီတင်းသုံးနေခဲ့ပါတယ်။ မဟာယာန ဗုဒ္ဓဘာသာဘုန်းကြီးတွေနဲ့ ဿသနိက အဆောက်အအုံတွေ ထူပြောတဲ့ အဆိုပါပြည်နယ်မှာ တိဘက်လူမျိုး သိန်းချီအခြေချနေထိုင်နေတယ်။ အဝေးရောက် တိဘက်အစိုးရကို ထူထောင်ထားပြီး နိုင်ငံတကာရဲ့ လူသားချင်းစာနာမှု အကူအညီတွေနဲ့ နိုင်ငံရေးလှုပ်ရှားနေတယ်။ NGO တွေ ခြေချင်းလိမ်နေတဲ့ တောင်ပေါ်ဒေသလေးဟာ အိန္ဒိယရဲ့ ကမ္ဘာလှည့်ခရီးသွားများထံက ဝင်ငွေလည်းဖြစ်စေတယ်။ 

တိဘက်ဟာ ပီကင်းအစိုးရရဲ့ တိုက်ရိုက် စီမံခန့်ခွဲအုပ်ချုပ်တဲ့စနစ်ကို မလိုလားဘဲ ဗုဒ္ဓဘာသာအဆုံးအမနဲ့ ကိုယ်ပိုင်အုပ်ချုပ်ခွင့်ရဖို့ နှစ်ပေါင်း ၅၅ နှစ်တိုင် တရုတ်သြဇာကို အကြမ်းမဖက် အံတုနေဆဲဖြစ်တယ်။ ယခု ၁၄ ကြိမ်မြောက် ဒလိုင်လားမားအလွန် ပန်ချန်လားမားအဖြင့် ဘာသာရေးခေါင်းဆောင် ဆက်ခံမယ့် တိဘက်ခေါင်းဆောင် အလောင်းအလျာလေးဟာ ၂၅ နှစ်အရွယ်ရှိနေပေမယ့် ၆ နှစ်သားကတည်းကနေ တရုတ်အာဏာပိုင်တွေက ထိမ်းသိမ်းထားတယ်လို့ယူဆပြီး ကနေ့အထိ ပျောက်ဆုံးနေပါတယ်။ ထောင်နဲ့ချီတဲ့ တိဘက်မျိုးချစ်တွေဟာ ဖမ်းဆီး လုပ်ကြံသတ်ဖြတ်မှုတွေကြောင့် သေဆုံးခဲ့ရတယ်။ တိဘက် လူ့အခွင့်အရေးမှတ်တမ်းအရ ၁၉၅၅ လောက်စပြီး ဒီနေ့အထိ လူဦးရေ ၆ သန်းခွဲရှိတဲ့ တိဘက်ပြည်သူတွေထဲက ၁.၂ သန်းဟာ စစ်ပွဲနဲ့ တရုတ်အာဏာပိုင်တွေ လက်ချက်ကြောင့် သေဆုံးခဲ့တယ်လို့ ဆိုပါတယ်။ တရုတ်အစိုးရကိုဆန္ဒပြပြီး မိမိတို့ဖာသာ မီးရှို့ခံ ဆန္ဒပြသေဆုံးခဲ့သူချည်း ၁၃၀ လောက်ရှိပါတယ်။

နော်ဝေး၊ တရုတ် အကွဲအပြဲ 

တိဘက်အရေးကို နော်ဝေးပြည်သူတွေက စာနာမှုအပြည့်ရှိခဲ့တယ်။ ဒီကနေ့ ဒလိုင်လားမားကို ရှောင်ဖယ်ချင်တဲ့ နိုင်ငံရေးခေါင်းဆောင်တွေဆိုတာလည်း တချိန်က ဒလိုင်လားမားကြီးနဲ့ တိဘက်ပြည်သူတွေကို အားပေး ထောက်ခံခဲ့သူတွေပါ။ ၁၉၈၉ ခု တီယင်နာရင်ပြင် အကြမ်းဖက်မှုနဲ့ တရုတ်အစိုးရ နာမည်ပျက်နေချိန် တရုတ် လက်အောက်ကလွတ်လပ်ဖို့ ကြိုးပမ်းနေတဲ့ ဘုန်းတော်ကြီး ဒလိုင်လားမားကို နိုဘယ်ငြိမ်းချမ်းရေးဆုပေးလိုက်လို့ တရုတ်က နိုင်ငံရေးအထိနာခဲ့တယ်။ နိုဘယ်လ်ဆုရွေးချယ်ရေးအဖွဲ့ဟာ သီးခြားလွတ်လပ်မှုနဲ့ ပြင်ပသြဇာစက် ကွင်းလွတ်မှုအပေါ် တရုတ်က လက်မခံခဲ့ပါ။ 

တရုတ်အစိုးရက အကျဉ်းချထားတဲ့ အတိုက်အခံ နိုင်ငံရေးသမား Liu Xiaobo ကို ၂၀၁၀ ခုနှစ်အတွက် နိုဘယ်ငြိမ်းချမ်းဆုကို ချီးမြှင့်ရာကစပြီး တရုတ်က နော်ဝေးအပေါ် အမျက်တော်ရှခဲ့တယ်။ ပြည်တွင်းရေး ထိပါးနှောက်ယှက်တယ်လို့ နော်ဝေးအစိုးရအပေါ် ဝေဖန်ခဲ့ပြီး ထိပ်တန်းအဆင့် သံတမန်ဆက်ဆံရေးကို ရပ်စဲလိုက်တယ်။ နော်ဝေး အစိုးရခေါင်းဆောင်တချို့နဲ့ အစည်းအဝေးတွေ ရပ်ဆိုင်းခဲ့တယ်။ ထင်ရှားတဲ့ နော်ဝေး နိုင်ငံရေး၊ အားကစားနဲ့ အနုပညာနယ်ပယ်က ပုဂ္ဂိုလ်တချို့ကို ပြည်ဝင်ခွင့်ဗီဇာ ပိတ်ခဲ့တယ်။ 

လွတ်တဲ့ငါး ကြီးတယ်ထင်တဲ့ အစိုးရ 

အဆိုးဆုံးကတော့ နှစ်စဉ် တရုတ်ပြည်ကိုတင်ပို့နေတဲ့ ဆော်လမွန်ငါး တင်သွင်းမှုကို ရပ်စဲလိုက်တာဟာ နော်ဝေး အစိုးရအပေါ် အတိုင်းအတာ တစုံတရာ ထိခိုက်စေခဲ့တယ်။ တရုတ်-နော်ဝေးကုန်သွယ်မှုဟာ အပြန်အလှန်အားဖြင့် နှစ်စဉ် ဒေါ်လာ ၅ ဘီလျှံလောက် ပုံမှန်ရောင်းဝယ်နိုင်ခဲ့ရာက ၂၀၁၀ နောက်ပိုင်း တဟုန်တိုး ကျဆင်းခဲ့တယ်လို့ ဆိုတယ်။ နော်ဝေး ငါးတင်ပို့မှု ၂၀၁၀ ခုနှစ်ထိ ၉၂ ရာခိုင်နှုန်းကနေ ၂၀၁၂ မှာ ၂၉% ထိ ကျဆင်းခဲ့တဲ့အကြောင်း၊ နှစ်စဉ်တင်ပို့တဲ့ ဆော်လမွန်ငါး တန်ချိန် ၁၁၀၀၀ လောက် နစ်နာရတယ်လို့ မှတ်တမ်းတွေက ဆိုတယ်။ နောက်ပိုင်းမှာ နော်ဝေးငါးတွေဟာ ဗီယက်နမ်မှတဆင့် တရုတ်ပြည်ထဲ ဝင်နေပါတယ်။ 

ဒီကနေ့ တရုတ်အစိုးရရဲ့ သြဇာကြီးမားလာမှုအပေါ် နော်ဝေးအစိုးရက အလျှော့ပေး လိုက်လျှောနေတယ်၊ နိုဘယ်ဆုနဲ့ ဆော်လမွန်ငါး အလဲအလှယ်လုပ်နေတယ်လို့လည်း နော်ဝေးသတင်းစာတွေက ဝေဖန်ရေးသားလာပါတယ်။ နော်ဝေး ဝန်ကြီးချုပ် အပါအဝင် အစိုးရခေါင်းဆောင်တွေ၊ နော်ဝေးလွှတ်တော်နဲ့ အာဏာရပါတီတွေက ဒလိုင်လားမားကြီးနဲ့ တွေ့ဆုံဖို့ငြင်းဆိုခဲ့ပြီး တရုတ်နဲ့ နိုင်ငံရေး၊ သံတမန်ရေးနဲ့ စီးပွားရေး၊ ယဉ်ကျေးမှုဆိုင်ရာဆက်ဆံမှုတွေ တိုးတက်လာအောင် လုပ်ဆောင်ဖို့က ပိုမိုအရေးပါတယ်လို့ ထုတ်ဖော်ပြောကြားလာပါတယ်။ 

အစိုးရဲ့ဆုံးဖြတ်ချက်ဟာ လူ့အခွင့်အရေး၊ ဒီမိုကရေစီနဲ့ ကျင့်ဝတ်ဆိုင်ရာ အားနည်းမှုတွေကိုဖြစ်စေတယ်လို့ သတင်းစာတွေက ထောက်ပြပါတယ်။ နော်ဝေးရုပ်သံ NRK ကဖော်ပြတဲ့ ပြည်သူတွေရဲ့ သဘောထားစစ်တမ်းတွေအရ ၆၀% ဟာ အစိုးရဆုံးဖြတ်ချက် လုံးဝ မှားယွင်းနေတယ်လို့ ဖော်ပြခဲ့တယ်။ အချို့သတင်းစာစစ်တမ်းတွေမှာ ၅၀% က အစိုးရဆုံးဖြတ်ချက်အပေါ် ရေငုံနှုတ်ပိတ်နေခဲ့တယ်။ အချို့သတင်းတွေက ၄၃% ဟာ အစိုးရရဲ့ ညံ့ဖျင်းမှုကို ပြသရာရောက်ကြောင်းနဲ့ ၁၇% ကတော့ အစိုးရကို ထောက်ခံတာလည်း တွေ့ရပါတယ်။ 

တရားတဲ့ဘက်ရပ်မယ့် ပြည်သူ 

တရုတ်ဟာ သူ့ရဲ့ရပ်တည်ချက်အတိုင်း မိမိတို့ အတိုက်အခံနဲ့ပတ်သက်ပြီး အလျှော့ပေးဆက်ဆံရိုး မရှိခဲ့ပါ။ ဒလိုင်လားမားကြီးနဲ့ပတ်သက်ပြီးတော့လည်း အထိမခံ ရွှေပန်းကန်ပါ။ 

ဒလိုင်လားမားရဲ့ ဥရောပခရီးစဉ်အတွင်း ဂျာမန် အဓိပတိ Angela Markel နဲ့ ဗြိတိန်ဝန်ကြီးချုပ် David Cameron တို့နဲ့ တွေ့ဆုံမှုအပေါ် ကျေနပ်မှုမရှိခဲ့ပါ။ အခုနှစ် မေလကစပြီး သြဂုတ်လအထိ ဥရောပနိုင်ငံတွေဖြစ်တဲ့ နော်ဝေး၊ နယ်သာလန်၊ ဂျာမဏီ၊ အီတလီနိုင်ငံတွေကို ခရီးလှည့်လည်ပြီး “လူသားတွေရဲ့ နေ့စဉ်ဘဝတွေထဲက မေတ္တာ၊ ဂရုဏာများကို ပျိုးထောင်ခြင်း” ဆိုတဲ့တရားနဲ့ ဟောဆောင်လမ်းညွှန်မယ့် အစီအစဉ်တွေရှိပါတယ်။ လက်မှတ်၂၀၀၀ စီစဉ်ထားတာ ၂၄ နာရီအတွင်း ရောင်းကုန်သွားတဲ့အထိ နော်ဝေးပြည်သူတွေက ထောက်ခံအားပေးနေတယ်။ အော်စလိုခရီးစဉ်အတွင်း နိုဘယ်ကော်မတီခေါင်းဆောင်တွေ၊ နိုင်ငံရေး၊ ယဉ်ကျေးမှုနဲ့ လူမှုနယ်ပယ်က ခေါင်းဆောင်တွေနဲ့ တွေ့ဆုံဟောပြောဖို့ ရှိပါတယ်။ အစိုးရသစ်ရဲ့ နိုင်ငံရေးမျက်နှာစာအသစ်ဟာ လူကြိုက်နည်းစေခဲ့တယ်။ 

“ကျမတို့ဟာ လွတ်လပ်တဲ့ ပြည်သူတွေဖြစ်တယ်။ ဒလိုင်လားမား နော်ဝေးလာမှာကို ပြည်သူတွေက ဝမ်းမြောက် ဂုဏ်ယူတယ်။ အစိုးရရဲ့ ဆုံးဖြတ်ချက်အမှားတွေကို ပြင်ဆင်ဖို့ မျှော်လင့်ပါတယ်” လို့ နော်ဝေး-တိဘက် ကော်မတီက အန်းခရစ်စတင်း က ဆိုတယ်။ 

“ကျနော်တို့ရဲ့စံတွေ တန်ဖိုးတွေနဲ့ ကျနော်တို့ ရပ်တည်နေတာဖြစ်တယ်။ နော်ဝေးပြည်သူတွေရဲ့ ရပ်တည်ချက်၊ သွေးစည်းခိုင်မာမှုဟာ ဒလိုင်လားမားနဲ့အတူ ခိုင်မာစွာရှိနေဦးမှာပါ” လို့ နော်ဝေးအခြေစိုက် အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့အစည်းရဲ့ အတွင်းရေးမှူးက ဒလိုင်လားမားကို မတွေ့ချင်ဘူးဆိုတဲ့ အစိုးရသဘောထားကို ရှုတ်ချရင်း ပြောသွားပါတယ်။ 

သတိ 

ဓနအင်အားကြွယ်ဝသလို နိုဘယ်ဆုကြောင့် ဂုဏ်သိက္ခာမြင့်မားခဲ့တဲ့ နော်ဝေးဟာ စီးပွားရေးအရလည်း နိုင်ငံတကာမှာ သြဇာဖြန့်ကျက်ထားပါတယ်။ အစိုးရနဲ့ တမီးလ်ပြောက်ကျားတွေအကြား အထောက်အပံ့ အရှိန်အဝါနဲ့ စေ့စပ်ငြိမ်းချမ်းရေးလုပ်ရာမှာ အစိုးရဘက် သာသာထိုးထိုးပင်းလိုက်လို့ သူပုန်တွေ အကွဲကွဲအပြားပြားနဲ့ ချိနဲ့သွားတာဟာ ငြိမ်းချမ်းတည်ငြိမ်သွားတာလားဆိုတာကိုတော့ မြန်မာတိုင်းရင်းသား လက်နက်ကိုင်တွေ မိမိတို့ဖာသာ လေ့လာ သုံးသပ်ရမှာပါ။ 

နာဂစ်မုန်တိုင်းကိုအကြောင်းပြုပြီး မြန်မာစစ်အာဏာရှင်တွေနဲ့ ပေါင်းဖက်ခွင့်ရခဲ့တဲ့ နော်ဝေးဟာ ဒီကနေ့ မြန်မာပြည် နိုင်ငံရေး၊ စီးပွားရေးနဲ့ ငြိမ်းချမ်းရေးနယ်ပယ်မှာ ထဲထဲဝင်ဝင်နဲ့ ခရီးပေါက်နေပါပြီ။ ပေးဝေ လှူဒါန်းနိုင်မှုအပေါ် မှီခိုရတဲ့ဘဝတွေဟာ တချိန်မှာ အကာအကွယ်မဲ့စေနိုင်တာကို သတိပြုမိစေလိုတယ်။ မိမိတို့အရင်းအမြစ်တွေကို မိမိတို့ စနစ်တကျ ခွဲဝေပိုင်ဆိုင်နိုင်ပြီလားဆိုတာကလည်း မကြာခဏ စစ်ဆေးနေရမယ့်မေးခွန်းပါ။ 

နော်ဝေးပြည်သူတွေကိုယ်တိုင် ဝေဖန်စပြုနေတဲ့ နော်ဝေးအစိုးရဲ့ နိုင်ငံခြားရေးပေါ်လစီကို ကျနော်တို့ သတိကြီးကြီးစောင့်ကြည့်ဖို့ လိုနေပြီ။ တချိန်က လူ့အခွင့်အရေး၊ ဒီမိုကရေစီရေး၊ ငြိမ်းချမ်းရေးမူတွေပေါ် ကြံ့ကြံ့ခံရပ်တဲ့ နော်ဝေးဟာ ဒီကနေ့ ဆော်လမွန်ငါးနဲ့ ဂုဏ်သိက္ခာကိုလဲလှယ်ဖို့ ပြင်ဆင်နေပါတယ်။ တချိန်မှာ မြန်မာ့ဒီမိုကရေစီနဲ့ တယ်လီနော်၊ ငြိမ်းချမ်းရေးနဲ့ ဒေါ်လာ လဲမလား၊ မလဲဘူးလား ကံသေကံမ မပြောတတ်သေးပါ။ ။ 

ကိုညို (အော်စလို) 
မေ ၁၊ ၂၀၁၄။ 

သရုပ်ဖော်ပုံ - အော်စလိုမြို့တွင် နော်ဝေးအစိုးရကို ပြစ်တင်ရှုတ်ချဆန္ဒပြပွဲမှ ...