မနက်... ဘီဘီစီသတင်းမှာ ... ဗကပ ဌာနချုပ် ပန်းဆန်း ကုို “ဝ” တွေ အာဏာသိမ်းတဲ့သတင်း လာတယ်။ ညနေ ၁၅း၄၅ မှာ ကော်မူးရာ (ဝမ်ခသစ်) စခန်းကုို ပထမဆုံး ရန်သူ့ လက်နက်ကြီးကျည် စ ကျတယ်။
အဲဒီ အချိန်က ဒီအေဘီ တပ်ပေါင်းစုဌာနချုပ်ရုံး၊ မကဒတ ဗဟုိုဌာနချုပ်ရုံး နဲ့ မကဒတ - ကေအန်ယူနယ်မြေ ကော်မတီရုံးတွေက ကော်မူးရာ မှာရှိတယ်။ ကေအန်အယ်အေ အထူးတပ်ရင်း (၁၀၁)ဌာနချုပ် နဲ့ မကဒတ ကျောင်းသားတပ်မတော် တပ်ရင်း (၂၁၁) တုို့ တပ်စွဲထားတဲ့ မဲဆောက်နဲ့ မိနစ် ၂၀ လောက်ပဲဝေးတဲ့ စခန်းကြီးပေါ့။
ပထမ တလုံးက ဒီအေဘီရုံး နဲ့ မကဒတ နယ်မြေရုံး (ကေအန်ယူ သစ်တောရုံးဟောင်း) ကြားမှာ ကျတယ်။ နယ်မြေရုံးခေါင်းရင်းက နံရံတစိတ် ပါသွားတယ်။ နယ်မြေရုံး နောက်ကျောဘက်မှာ မကဒတ ဗဟုိုဌာနချုပ်ရုံး ရှိတယ်။ ရှေ့က ဘုန်းကြီးကျောင်းဝန်းထဲမှာ ဒုတိယ တလုံးကျတယ်။ ကြက်တကောင်နဲ့ ငှက်ပျောပင် ၃ ပင် တုိုင်းပြည်နဲ့လူမျိုးအတွက် အသက်ပေးလှူသွားတယ်။ နောက် ၂ လုံးက ဘော်လုံးကွင်းနဲ့ နောက် ၃ လုံးက (၁၀၁)တပ်ရင်းရုံးဘက်မှာ မြေသက်တော်မူတယ်။
အရေးပေါ် နယ်မြေကော်မတီ အစည်းအဝေးကုို ရှိတဲ့သူနဲ့ ညနေ ၁၇း၁၅ မှာခေါ်တယ်။ အုိုနာကျိုးကန်း အုပ်စုနဲ့ ရုံးအဖွဲ့ဝင်တဝက်ကုို ဒုဥက္ကဋ္ဌနဲ့ အတွင်းရေးမှူး ဦးဆောင်မှုနဲ့ မဲဆောက် ဒေါက်တာစင်သီယာဆေးခန်းကုိုဆုတ်ခွာပြီး ရုံးလုပ်ငန်းနဲ့ ထောက်ပုို့လုပ်ပေးဖုို့ တာဝန်ချတယ်။ (အဲဒီတုန်းက ဒေါက်တာစင်သီယာမောင်က နယ်မြေကော်မတီ ကျန်းမာရေးတာဝန်ခံပါ)။ ဆုိုင်းသံဗုံသံကြားရလုို့ လည်ဆံမွေးတထောင်ထောင်နဲ့ ခွပ်လက်ပြင်နေတဲ့အုပ်စုကုိုတော့ နယ်မြေဥက္ကဋ္ဌ ဦးဆောင်ပြီး မဟာမိတ်တွေနဲ့လက်တွဲတုိုက်ပွဲဝင်ဖုို့ တထုိုင်တည်း ဆုံးဖြတ်ချက်ချတယ်။ (၁၀၁) တပ်မှူး ဒုဗုိုလ်မှူးကြီးတောလှကုို ချက်ခြင်းအကြောင်းကြားတော့ ဗုိုလ်လှဝေဖုတ်မှာ အခြေပြုဖို့ အမိန့်ရတယ်။ [ပြောသာပြောရတာ လူ ၂၂ ယောက်ပေါင်းမှာ လက်နက်ဆုိုလုို့ ပွိုင့် ၃၂ တလက်ပဲရှိတယ်။ နောက်မှ ငုိုအားထက် ရယ်အားသန်တွေ ရေးရဦးမယ်။]
[ဗုိုလ်လှဝေက ရင်း ၁၀၁ လက်နက်ကြီးတပ်ခွဲကပါ။ (အခု မင်နီဆုိုတာမှာ ထင်ပါ့)။ ဖုတ် ဆုိုတာကတော့ ကွန်ကရစ်တထပ်၊ ကျွန်းလုံးတုိုင်တွေတထပ်နဲ့ အခုိုင်အမာလုပ်ထားတဲ့ ကတုတ်ကျင်းကြီးတွေကုိုခေါ်တဲ့ ဒေသိယစကားပါ။ စခန်းပတ်ပတ်လည်မှာ အဲဒီလုိုအခုိုင်အမာ ကတုတ်ကျင်းကြီးတွေ ရှိပါတယ်။ အဲဒီထဲမှာ လက်နက်ကြီးကျည်နဲ့ အရံခဲယမ်းမီးကျောက်တွေလည်း သုိုလှောင်ထားလေ့ရှိပါတယ်။ သူ့ရှေ့မှာတော့ သစ်လုံးငယ်တွေ၊ ဝါးတွေ၊ တခါတလေလည်း သင်္ဘောပင်တွေနဲ့ ယာယီလုပ်ထားတဲ့ ပစ်ကျင်းလေးတွေ ၄/၅/၆ ခုစီ ရှိပါတယ်။ ဗုိုလ်လှဝေအိမ်နဲ့နီးရင် ဗုိုလ်လှဝေဖုတ်၊ ဗုိုလ်မှူးသန်းမောင်အိမ်နဲ့နီးရင် ဗုိုလ်မှူးသန်းမောင်ဖုတ်၊ ဆရာဝေါ ဘားတုိုက်နဲ့နီးရင် ဆရာဝေါဖုတ် စသဖြင့် အမှတ်သညာပြုကြရသပေါ့ဗျာ။ “အလုံးကြီးတွေကျရင် (လက်နက်ကြီးကျည် အရမ်းကျရင်) ဖုတ်ထဲ ခေါင်းဖွက်ထား”... လုို့ အမောင်ကျောင်းသားတွေ မြိန်ရည်ရှက်ရည် နောက်ကြတဲ့ခေတ်ပေါ့။ (တော်ပါသေးရဲ့ ... အဲဒီတုန်းက ၁၀၁ မှာ အမျိုးသမီးတပ်မှူးတွေ မရှိလုို့...)]
ထားပါတော့ ... ဖုတ်ဋီကာဖွင့်နေရတာနဲ့ လုိုရင်းမရောက်တော့ဘူး။ ပြောချင်တာက ... အထက်က နယ်မြေကော်မတီဆုံးဖြတ်ချက်နဲ့ ဆောင်ရွက်ထားချက်ကုို နောက်ဖေးက ဗဟုိုရုံးကုို သွားသတင်းပုို့တယ်။ အဲဒီအချိန်မှာ ခေါင်းဆောင်တချို့ မျက်နှာမှာသွေးဆုတ်ပြီး ရာဇအိနြေ္ဒပျက်နေကြတယ်။
ဗဟုိုကော်မတီတချို့က တုိုက်စရာမလုိုဘူး၊ ဆုတ်မယ်လုို့ ပြောတယ်။ တချို့က မဟာမိတ်ကုို ကူတုိုက်ရမယ်လုို့ ပြောတယ်။ တချို့က (ဘာမှန်းမသိဘဲ ... အလုံးကြီးနဲ့) ဒါ ... ခံစစ်သေ ... တုိုက်စရာမလုိုဘူးလုို့ ပြောတယ်။ အဆုိုးဆုံးကတော့ “ဒါ သူတုို့နယ်မြေ၊ ငါတုို့ အသေခံတုိုက်စရာမလုိုဘူး”... လုို့ပြောတဲ့ပုဂ္ဂိုလ်ပဲ။ မကဒတ ထိပ်ပုိုင်းခေါင်းဆောင်မှုကြားမှာ ပထမဦးဆုံး အတွေးအခေါ်စကွဲတာကုို တွေ့ဖူးတာပဲ။
ပထမတော့ ခေါင်းဆောင်ကြီးတွေ အလုံးကြီးထုနေကြတာကုို နားထောင်နေသေးတယ်။ နောက်တော့ တကဲ့အလုံးကြီးတွေထပ်ကျလာရင် မလွယ်ဘူးဆုိုပြီး ... “အဖွဲ့အစည်းတခုမှာ ဗဟုိုဆုိုတာ အရေးအကြီးဆုံး၊ ဗဟုိုအကျခံလုို့မရဘူး ...။ ခင်ဗျားတုို့ ဆုတ်ပါ ...၊ ဒီမှာ ၂၁၁ ရှိတယ်၊ ကျနော်တုို့ နယ်မြေကော်မတီ ရှိတယ်”... လုို့ ဝင်ပြောမှပဲ တချို့ တချို့ရဲ့ရင်ထဲက အလုံးကြီးတွေ ကျသွားဟန်တူတယ်။ တခဲနက် ဝိုင်းထောက်ခံလုိုက်လုို့ အစည်းဝေးရပ်ပြီး အထုတ်အပုိုးပြင်ကြလေရဲ့။
ဒါပေမယ့် ခုနက ပုဂ္ဂိုလ်အပါအဝင် ဗုိုလ်ဆန်ပြုတ်တချို့ရဲ့ မဟာ့မဟာ အတွေးအခေါ်တွေကုို ဆော်ချင်စိတ်ကတားမရတော့ “ခင်ဗျားတုို့ ထောက်ကြန့်ကနေ ခါးတောင်းကျိုက်ပြီး သွားစောင့်နေကြဗျာ ...။ ကျနော်တုို့ ရန်ကုန်သိမ်းခါနီးကျရင် လက်တုို့လုိုက်မယ်၊ ဒီကြားထဲတော့ ခင်ဗျားတုို့ ခါးတောင်းကျိုက် မပြုတ်စေနဲ့ ... မင်္ဂလာဒုံနဲ့ သိပ်နီးတယ်”... လုို့ နောက်လုိုက်မိတယ်။ တချို့က (ဒီနေ့အထိ) အဲသလုို အပြောအဆုိုမျိုးတွေကုို မျက် နေဟန်ရှိတယ်။ မတတ်နုိုင်ဘူး.. (ဒီနေ့အထိ) အဲ့ဒီအကျင့်က မဖျောက်နုိုင်ဘူး။
ဆုိုတော့ ... အတုိုချုပ်ရရင် အဲဒီကစပြီး ကော်မူးရာတုိုက်ပွဲ ပြင်းထန်လာလေသတည်းပေါ့ဗျာ ...။ ရေးစရာတွေ ပြောစရာတွေကတော့ တုိုက်ပွဲတပွဲတည်းအကြောင်းပြောရရင်တောင် တစ်ထောင့်တစ်ည မဟုတ်ပေမယ့် တစ်ရာ့တစ်ညလောက်တော့ အသာလေးရှိနုိုင်ပါတယ်။ နောက်များမှပေါ့ ...။
အခု ၂၅ နှစ်မြောက်မှာ အမှတ်တရရေးချင်တာက မကဒတရဲ့(ပထမဦးဆုံးဖြစ်နိုင်တဲ့) လူမသိ သူမသိ စာစောင်လေးတစောင် အကြောင်းပါ။ အဲဒီတုန်းက ဒေါင်းအုိုးဝေတွေ၊ Dawn တွေ မထွက်သေးပါဘူး။ အောက်က ပုံတွေမှာပါတဲ့အတုိုင်း နာမည်က ရုိုးရုိုးရှင်းရှင်း "Revolution” တဲ့။ ဒါပေမယ့် ပေါ့သေးသေးတော့ မဟုတ်ဘူး ...။ မီးကျိုးမောင်းပျက် သုိုးဆောင်းဘာသာ နဲ့ စ ထုတ်တာ။ ကော်မူးရာတုိုက်ပွဲကုို အကြောင်းပြုပြီးတော့ ... တုိုက်ပွဲသတင်းစဉ်ပေါ့လေ ...။
ကြီးကြီးကျယ်ကျယ် ခမ်းခမ်းနားနား အကြောင်းအရာတွေတော့လည်း မဟုတ်ပါဘူး။ ဒါပေမယ့် ဓာတ်ပုံနဲ့တကွ တုိုက်ပွဲသတင်းတွေ ... ရန်သူတွေ ဘယ်လုိုမရှုမလှ ကျဆုံးကြောင်း ...၊ လက်နက်တွေ ဘယ်လောက်သိမ်းရကြောင်း၊ လက်နက်ကြီးတွေကြားမှာ ကျောင်းသားတွေဘယ်လုို သတ္တိရှိရှိ တုိုက်ပွဲဝင်ကြောင်း ...(အမှန်တော့ မျက်ကန်းတစ္ဆေမကြောက် ဆော်ကြတာ)... စစ်ကုိုမုန်းပေမယ့် လူထုအတွက် စာသင်ခန်းတွေကုိုစွန့်ခွာပြီး စစ်တုိုက်ရတဲ့အကြောင်း ...၊ နုိုင်ငံတကာ ကျောင်းသားသမဂ္ဂတွေက မကဒတ ကုိုထောက်ခံကြောင်း ...၊ စစ်အစုိုးရကုို ရှုတ်ချကြောင်း ... ဘာညာ ... သာရကာ ပေါ့လေ ...။
အဲဒီမှာ ပြဿနာ စတက်တာပဲ ...။ ဒုတိယ (နဲ့ နောက်ဆုံး) စာစောင်ကုို ကာတွန်း၊ ဆောင်းပါး၊ သတင်း၊ မှတ်တမ်း၊ သရော်စာ ... တွေနဲ့ ဝေဝေဆာဆာ ထုတ်လိုက်မဟဲ့ ဆုိုပြီး ဒေါင်းနီနဲ့ နှစ်ယောက်ပေါင်း လောင်းကျော် လုပ်ကြပါတယ်။ (ဟုတ်ပါတယ် ... ဖုတ်ထဲကနေ ထုတ်တာပါပဲ ...)
ဗဟုိုလုပ်ငန်းစစ်နဲ့ စည်းကမ်းထိမ်းသိမ်းရေးက ဘော်ဘော်တွေခမျာလည်း ဘောင်ဝင်အောင် စစ်သာစစ်နေရတာ ဘယ်သူ့လက်ချက်လည်းဆုိုတာ အားလုံးသိပြီးသား။ နောက်ဆုံး စစ်လုို့မပေါ်တော့ “တော်လှန်ရေး” ကုို ထုတ်ဝေခွင့်ပိတ်လုိုက်ပါတယ်။ (ခုခေတ်လုို ကွန်ပြူတာသိမ်း၊ တုိုက်ကုို ချိတ်ပိတ်တော့ မလုပ်ပါဘူး။ ဖယောင်းစက္ကူပေါ်ရေးတဲ့ ကညစ်ကုို သိမ်းရအောင်ကလည်း အရပ်ရပ်နေပြည်တော် ကြားလုို့မတော် ... ...။ ဖုတ် ကုို ချိတ်ပိတ်ရအောင်ကလည်း အလုံးကြီးတွေကြောက်လုို့ မလာရဲ ... ဆုိုတော့ ... ဒီလောက်နဲ့ပဲ ပြီးသွားပါတယ်)
(ကြုံကြိုက်ရင် ... အကြောင်းတုိုက်ဆုိုင်ရင် ဆက်ရေးပါဦးမည် ...)
မှတ်ချက်။ ။ ယခု "Revolution” စာစောင် ကော်ပီကုို ၂၀၀၉ ခုနှစ် နယ်သာလန်နုိုင်ငံ အမ်စတာဒမ်ရှိ IISH သုို့ သွားရောက်လည်ပတ်စဉ် အမှတ်မထင်တွေ့ရှိ၍ ပြန်လည် ကော်ပီကူးယူခဲ့ခြင်းဖြစ်ပါကြောင်း။ အမှုဖြစ်သော ဒုတိယစာစောင်လက်ဝယ်ရှိသူများ ပြန်လည် ကြင်နာကြပါရန် မေတ္တာရပ်ခံပါကြောင်း။)
သူ့ ဖေ့စ်ဘွတ်က ပြန်လည်ကူးယူ ဖော်ပြပါတယ်။
No comments:
Post a Comment