သူပုန်လမ်းကို
မလွမ်းဘယ်မှာ
နေရာလော။
ဟိုတောင်ကြော့ခါးပန်း
ဒေါင်းတို့စခန်းကို
မြူခိုးတွေဖြန်းရင်
ချမ်းရှာပြီထင့်။
စီးဆင်းလျက်ပါ
ခရီးပြင်းထွက်ခွာ
တသက်တာ
ဝေဒနာအိမ်ဆောက်
လျှောက်သောလမ်းကား
မခမ်းနားသည်ဖြစ်စေ
ပရိယေသန သက်သက်တော့
တပ်မက်စရာ မဟုတ်တုံ။
အရေးတော်ပုံ
ကြုံရဆုံရ
ဒုလ္လဘ သူပုန်တဘဝကို
တယုတယမွေးမြူ
ပြည်သူတို့ တောင့်တတဲ့အလင်း
အရုဏ်ကျင်းချိန်ထိ
ရင်းနှီးပေးဆက်
သွေး အသက် စိတ် ဝိဉာဉ်ဖြင့်။
လ ရေးရေး
ည အေးအေး
ဘဝ ဆွေးဆွေးမှာ
ခဏမှေးပါလှည့်။
မြစ်ကြီးသံလွင်
ရေအလျဉ် မတန့်သရွေ့ပေါ့
တမြေ့မြေ့ သယ်ပိုးခဲ့တဲ့သမိုင်း
တောရိုင်းတွေရဲ့ အရပ်
မြတ်သောကုံလုံရာ
ဒဏ်ရာကိုထမ်း၍
ချမ်းမြမြ သည်ဆောင်း
ရှေးဟောင်းနှောင်းဖြစ်
ကာလသစ်ပါ့
မြစ်ကြီးသံလွင်
ဆီးနှင်းပြင်မှာ
သဘင်ငွေရတုကို
ပြုစုဆင်ယင်နေသည်လော။
ရေအလျဉ်
ငယ်ရုပ်ကိုဆင်၍
ရှိသမျှအားအင်ဖြင့်
ရှင်သန်စီးဆင်းခဲ့ပါ
ထွင်းဖောက်ဖြတ်သန်းခဲ့သမျှ
ဘဝပင်လယ်ကို မတွေ့မချင်း။
ဒေါင်းက အိုးဝေ
တွန်သံစေ၍
အမိမြေမှာ
နေဝါထွန်းစေကြောင်း။ ။
အောက်တိုဘာ ၂၈၊ ၂၀၁၃
အမာရီလို
(ကျဆုံးသွားကြသော မကဒတ ရဲဘော်များကို အလေးပြုပါသည်။)
No comments:
Post a Comment