ရပ်ကွက်ထိပ် ဘုန်းကြီးကျောင်းနားမှာက အကြော်ဆိုင်နဲ့ အသုပ်ဆိုင်ရှိတယ်။ မနက် ဝေလီဝေလင်း စောစောစီးစီးထပြီး အဲ့ဒီကိုပြေးတယ်။ မိသားစုတွေအသုပ်စားမယ့်သူ ... အကြော်စားမယ့်သူ ... ဘယ်ဟာကို စားမယ့်သူများလဲ ...။ အကြော်စားမယ့်သူများရင် ... အကြော် ... ။ အသုပ်စားမယ့်သူများရင် အသုပ်။ တခါတခါ ပဲပြုတ်စားချင်ရင် စောစောစီးစီး နားစွင့်ရတယ် ...။ ပဲပြုတ်သည်က ပဲပြုတ်လုို့ အော်ရင် ... ပြေးပေရော ...။
မနက်စာဆိုတော့ အသုပ်တပွဲဆုို မိသားစုအားလုံး နှစ်ယောက်ဆို တပွဲရတယ်။ အကြော်ဆုို တယောက် တခု။ ဒါမှမဟုတ် ... တခု တဝက်။ အဲ့ဒါကုိုမှ အမေ ညကချန်ထားတဲ့ ထမင်းကြမ်းနဲ့ လွေးရတယ်။
ကျနော်တုို့ဘက်က အသုပ်က ... ညောင်ဖူးတုို့ ... ကြောင်လျှာသီးတုို့ .. ပဲပင်ပေါက်တုို့ .. ပဲသီးတုို့ ... နွေဘက်ဆုို နွေပဲသီးလုိုဟာမျိုးလေးတွေ၊ အဲ့ဒါမျိုးလေးတွေကုို မနူးမနပ်ကလေး ပြုပ်ပြီး ... ဆေးဆုိုးထားတဲ့ ထမင်းနဲ့ သုပ်တာပါ။ ပြီး ကြက်သွန်ဖြူနဲ့ ငရုပ်ကောင်းရောထားတဲ့ ဟင်းခါးလေးပေါ့။ အဲ့ဒါကတော့ ထမင်းသုပ်ပေါ့ ...။ မြို့ကြီးသားတွေစားသလုို ... အသုပ်ကလေး တဇွန်းစားပြီး ကြက်သွန်ဖြူလေးတကုိုက် .. ငရုတ်သီးလေး တကုိုက်လုိုမျိုးတော့ စားလေ့မရှိဘူး။ ကျနော်ကတော့ ဝယ်ရင် အမြဲ ဟင်းရွက်တွေချည်းသုပ်တဲ့ ... အသုပ်စုံဆုိုတာ ဝယ်တယ်။ အိမ်ရောက် ထမင်းနဲ့ လွေးရမှာကုိုး ...။
ထမင်းသုပ်ကုို ထုပ်ရင် အင်ဖက်ဆုိုတာနဲ့ ထုပ်ကြပါတယ်။ အင်ဖက်နဲ့ ကျွန်းဖက်နဲ့က ခပ်ဆင်ဆင် ..။ ကျွန်းဖက်က ချေလုိုက်ရင် အနီရောင် အဆင်းတွေ စွန်းထင်းကျန်တယ်။ အင်ဖက်ကတော့ အဲ့လုို မဟုတ်ဘူး။ များသောအားဖြင့်တော့ ကျနော်တုို့ဘက်မှာက မုန့်ပဲသားရေစာဖြစ်ဖြစ် ... တခြား ဘာပဲဖြစ်ဖြစ် .. အင်ဖက်နဲ့ထုပ်ကြ ပုိုးကြပါတယ်။ ဘာဖြစ်ဖြစ်ဆုိုတာ ... သား ငါးတွေက အစပါ။ ဟုိုတုန်းက ခုခေတ်လုို ပလတ်စတစ်အိတ်တွေ မပေါသေးတာလည်း ဖြစ်နုိုင်ပါတယ်။
ဘာပဲဖြစ်ဖြစ် ... ကျနော်ကတော့ အင်ဖက်နဲ့ ထုပ်ထားတဲ့ အသုပ်စုံကုို စားရတာ ပုိုသဘောကျပါတယ်။ အင်ဖက်ပေါ်မှာ ကပ်နေတဲ့ ပဲမှုန့်၊ အချိုမှုန့်နဲ့ ငရုတ်ဆီချက် အကပ်အသတ်တွေကုို ထမင်းကြမ်းနဲ့ နယ်ဖတ်ပြီး စားရတာကုို ပုိုအရသာတွေ့ပါတယ်။ အမြဲတမ်းလည်း ... အသုပ် တယောက်တဝက်မှာ အင်ဖက်လုကြပါတယ်။ အင်ဖက်မရတဲ့သူကုိုတော့ အသုပ်နည်းနည်းပုိုပေးပေါ့ ...။ အင်ဖက်နဲ့ စားတဲ့သူကတော့ ခွဲတမ်းနည်းသွားတာပေါ့ ...။ ဒါပေမယ့် အင်ဖက်မှာ ကပ်နေတဲ့ အကပ်အသတ်ကုို ထမင်းကြမ်းနဲ့ နယ်ဖတ်စားရတာကုိုက အရသာလေ ...။
အကြော်တွေကတော့ ဘူးသီးကြော်၊ ကြက်သွန်ကြော်၊ ပဲကြော်၊ ဘယာကြော် (ကုလားပဲကုို ထုတောင်းပီး ဂျင်း၊ ကြက်သွန်ဖြူနဲ့ လုံးထားတာ) အဲ့ဒါမျိုးတွေပါ ...။ အမှန်က နောက်ကျမှလည်း သွားဝယ်ရပါတယ်။ နောက်ကျရင်တော့ အကြော်တွေက ဆီမဝတော့ပါဘူး။ များသောအားဖြင့်တော့ မနက်စာကုို ကျနော်တုို့အရပ်က လူတွေကတော့ ဆီဝနေတဲ့ ဘူးသီးကြော်နဲ့စားရတာကို ပုိုသဘောကျကြမှာပါ။ ဆီဝနေတဲ့ ဘူးသီးကြော် ပူပူနွေးနွေးကုို ထမင်းကြမ်းနဲ့ လွေးရတဲ့ အရသာဟာလည်း တမျိုးဆန်းပြီး ခံတွင်းတွေ့သလုိုပါပဲ ...။
အဲလုို မနက်စာတွေကို မနက်စောစော ဘုန်းကြီးကျောင်းက အုန်းမောင်းခေါက်သံကြားတဲ့အချိန်မှာ ငေါက်ခနဲထပြီး သွားဝယ်မှ ...။ ကလေးဘာဝ စားချင်လွန်းလုို့ သွားသာဝယ်ရတာ ... တစ္ဆေတုို့ ... သရဲတုို့ဆုိုတာလည်း ကြောက်သေး ...။ နယ်ဘက်ဆုိုတော့ သိတဲ့အတုိုင်းပဲ ... အိမ်တခုနဲ့ တခုကလည်း အလှမ်းဝေးတာကုိုး ...။
တခါတလေတော့လည်း အဲ့လုို သူများလုပ်တာတွေမဝယ်ဘဲ ... စိမ်းစားငါးပိကုို မီးကင် ... ပြီး ငရုတ်သီးစိမ်းလေး လှီးထည့် ... ကြက်သွန်လေး ပါးပါးလှီး ... ဆီစိမ်းလေးထည့်ပြီး သုပ်ထားတဲ့ ငါးပိဖုတ်ပေါ့ ...။ ထမင်းကြမ်းလွေးလုိုက်ရရင်တော့ ...
မနက်စာကုို ကော်ဖီတခွက်လောက်နဲ့ပဲ ပီးနေရတဲ့ဘဝမှာ ငယ်ငယ်က မနက်စာတွေကုို လွမ်းတယ် ...။ တခါတခါ စားချင်တော့ ကြိုးစားကြည့်ဖုို့ လုပ်ပေမယ့် ... နှုတ်ခမ်းပန်းနားပဲ့နေတဲ့ အုတ်မြေ ကြွေပန်းကန်တွေထဲက အသုပ်စုံလုို ... အင်ဖက်ပေါ်မှာ စုပြုံရောနယ်ဖတ်ထားတဲ့ အသုတ်စုံလောက်မှ အရသာရှိပါ့မလား။ ကြွေရည်ပဲ့ကွာနေတဲ့ ... သံဇလုံ ပိန်ပိန်လိန်လိန်လေးထဲက တရှုးရှုး တရှဲရှဲ မှုတ်သောက်ရတဲ့ ဟင်းခါးရည်လောက် အရသာရှိပါလေမလား ...။ ဆီချည်းအထပ်ထပ် ဆီရောင်ညစ်ညစ်နဲ့ ... ဒယ်ထဲက အကြော်တွေလောက်မှ ကျွတ်ရွပါလေမလား ...။
ဘာပဲပြောပြော .. ငယ်ငယ်က မနက်စာတွေကုို လွမ်းမိတာတော့ အမှန်ပဲ ...။ ။
စက်တင်ဘာ ၈၊ ၂၀၁၃
No comments:
Post a Comment