သူတို့မိသားစုဟာ ပြင်ပကမ္ဘာနဲ့ အဆက်အသွယ်မလုပ်ဘဲ တိမ်းရှောင်နေခဲ့တာ နှစ်ပေါင်း ၄၀ ကြာပါတယ်။ အခု မိသားစုဝင်သုံးယောက် စစ်ကျန် မြေမြှုပ်မိုင်းဒဏ်နဲ့ အသက်ဆုံးရှုံးပြီးနောက်ကျမှ လူ့လောကထဲမှာ ပြန်လည်ခြေချဖို့ ဆွဲဆောင်သိမ်းသွင်းနိုင်ခဲ့တာပါ။
အခု လူတွေနဲ့အတူပြန်လည်လိုက်ပါလာတဲ့အချိန်မှာ ဟိုဗန်လန်းဟာ သန်သန်မာမာဖြစ်ပေမယ့် အသက် ၈၂ နှစ် အရွယ် သူ့အဖေကိုတော့ အဝတ်ပုခက်ကို ထမ်းစင်လုပ်ပြီး သယ်လာရပါတယ်။
သူတို့ တောထဲမှာနေခဲ့တဲ့ ကာလတော်တော်များများမှာ သူတို့ ဘယ်မှာနေတယ်ဆိုတာ လူတွေက ခြေရာမခံနိုင်ခဲ့ကြပါဘူး။
ကွမ်းငိုင်း ဒေသတောနက်ကြီးထဲက သစ်တောသစ်ရွက်ထူထပ်တဲ့နေရာမှာ သူတို့ နေထိုင်ကြပါတယ်။ သူတို့ကို ထိတွေ့ဆက်သွယ်နိုင်ဖို့ကလည်း တော်တော်ခက်ခဲလှပါတယ်။
အခု လူတွေနဲ့ ပြန်ထိတွေ့တဲ့အခါ ဟိုဗန်လန်းဟာ သူတို့ ဒေသခံတိုင်းရင်းသားတွေပြောကြတဲ့ ကော် ဘာသာစကားကို နည်းနည်းပဲ နားလည်ပါတော့တယ်။
လွန်ခဲ့တဲ့ နှစ်ပေါင်း ၂၀ လောက်တုန်းက ဟိုဗန်လန်းရဲ့အစ်ကိုက သူတို့ကို တောထဲမှာလိုက်ရှာပြီး တခါ တွေ့ခဲ့ဖူးတယ်လို့ ဆိုပါတယ်။ ဒါပေမယ့် အဲဒီတုန်းကတော့ ခေတ်မီလောကကြီးထဲ ပြန်ဝင်ဖို့အရေးကို ဘယ်လိုမှဆွဲဆောင်လို့ မရခဲ့ပါဘူး။
အခုတော့ ဒေသတွင်းသတင်းစာတွေထဲမှာ အမျိုးသမီးကြီးတယောက်နဲ့ ကလေးနှစ်ယောက် မိုင်းထိပြီးသေတယ်ဆိုတဲ့ သတင်းထွက်လာရာကနေ ပြန်ပြီးသဲလွန်စရခဲ့တယ်လို့ မြို့မှာနေတဲ့ ဟိုဗန်လန်းရဲ့ အစ်ကိုက ပြောပါတယ်။ သဲလွန်စအတိုင်း စုံစမ်းကြည့်တဲ့အခါ သေသွားတဲ့ အမျိုးသမီးကြီးဟာ သူ့အမေဖြစ်ပြီး ကလေးတွေဟာ သူ့အမေရဲ့ မြေးတွေဖြစ်နေတာကို သိခဲ့ရပါတယ်။
တောထဲမှာ သူတို့ဟာ လူရ်ိုင်းတွေလို လန်ကွတ်တီလေးတွေပဲဝတ်ပြီး နေထိုင်ကြပါတယ်။ လက်နက်ပစ္စည်းအဖြစ် လက်လုပ် ပုဆိန်နဲ့ ဓားမတိုကို သုံးပါတယ်။ ပြောင်းဖူး၊ သစ်သီးနဲ့ အာတာလွတ်ဥ၊ ကန်စွန်းဥတွေကိုစားပြီး အသက်ရှင်ကြပါတယ်။
နေတဲ့အိမ်က မြေပြင်ကနေ ၁၅ ပေမြင့်တဲ့သစ်ပင်ပေါ်မှာ ဆောက်ထားတဲ့ သစ်ပင်အိမ်လေးပါ။ မြားနဲ့ဓားကို အသုံးပြုပြီး အမဲလိုက်ကြပါတယ်။
အဖိုးကြီးက သူ့စစ်ဘောင်းဘီနဲ့ အနီရောင် အပေါ်အင်္ကျီကို သူတို့အိမ်ထောင့်မှာ သပ်သပ်ယပ်ယပ်ခေါက်ပြီး သိမ်းထားပါတယ်။ သူတို့ထွက်ပြေးဖို့လိုအပ်တဲ့အခါဝတ်ဖို့ သိမ်းထားတာလို့ထင်ကြောင်း သားဖြစ်သူက ပြောပါတယ်။
သူတို့ကို လူတွေကတွေ့တဲ့အခါ သူတို့ဟာ လူရိုင်းတွေလိုဖြစ်နေပြီး သူတို့အမူအယာက ဆန်းကြယ်နေလို့ လူတွေဟာ တအံ့တသြဖြစ်ခဲ့ကြပါတယ်။ သူတို့ရှိတယ်လို့သတင်းကြားထားတဲ့ တောအုပ်ထဲမှာ ၅ နာရီလောက်ကြာအောင် တောနင်းရှာပြီးမှ သူတို့ကို သစ်ပင်အိမ်ထဲမှာ တွေ့ခဲ့ကြရတာဖြစ်ပါတယ်။
ခုတော့ သူတို့သားအဖမှာ နှစ်ရှည်လများခံစားခဲ့ကြရတဲ့ စိတ်ဒဏ်ရာကိုကုစားဖို့ သားအဖနှစ်ယောက်စလုံးကို ဆေးစစ်ဆေးမှုတွေလုပ်နေပြီး သူတို့ကို လူ့အသိုင်းအဝိုင်းမှာ ဝင်ဆန့်နိုင်အောင် တဖြည်းဖြည်း လေ့ကျင့်ပေးနေတယ်လို့ ဆိုပါတယ်။ ။
သတင်း - ဘီဘီစီ
No comments:
Post a Comment