မှန်ပါသည်။ မန္တလေး၏ အချက်အခြာကျသော နေရာအားလုံးလိုလို၊ စီးပွားရေးလုပ်ငန်းအားလုံးလိုလိုသည် တရုတ် အမျိုးသားတို့လက်တွင်းသို့ ကျရောက်ခဲ့သည်မှာ အားလုံးအသိပင်ဖြစ်ပါသည်။ ရွာနေပြည်ထိုင် မန္တလေးသားတို့မှာ မြို့စွန်၊ မြို့ဖျား ရေမရ၊ မီးမလာသော ဆင်ခြေဖုံးရပ်ကွက်များသို့ လွင့်ပါးသွားခဲ့ကြရသည်မှာလည်း အမှန်ပင်ဖြစ်ပါသည်။ ထိုအတွေ့အကြုံ အဖြစ်အပျက်များကို အခြေခံ၍ ရေးဖွဲ့တင်ပြခဲ့ကြသော ကဗျာ၊ ဆောင်းပါး၊ ဝတ္ထုများကိုလည်း မဂ္ဂဇင်းစာမျက်နှာအချို့တွင်ဖတ်ရှုပြီး မချိတင်ကဲ ခံစားခဲ့ရပါသည်။ တရုတ်အမျိုးသားတို့များလာ၍ တရုတ်ယဉ်ကျေးမှု လွှမ်းလာသည်မှာ မဆန်းပါ။ ထို့အတူ တရုတ်လုပ်ငန်းရှင်တို့ကြီးစိုးလာ၍ တရုတ်ဘာသာစကားဖြင့် ဖော်ပြသော ဆိုင်းဘုတ်များ များလာသည်မှာလည်း အဆန်းမဟုတ်ပါ။ ဆန်းသည်က အဆိုပါ တရုတ်အမျိုးသားတို့သည် မန္တလေးကို ဘယ်လိုဘယ်ပုံ ရောက်ခဲ့ကြသနည်း။ ဘယ်လိုပုံစံဖြင့် ဝင်ရောက်လာကြသနည်းဆိုသည်က ဆန်းနေခြင်းဖြစ်သည်။
ကျွန်တော်တို့မြန်မာနိုင်ငံသည် လူဦးရေ အဆမတန်များပြားသော လူဦးရေ အင်းအားကြီးမားသည့် နိုင်ငံများကြားတွင် တည်ရှိနေပါသည်။ အရှေ့မြောက်အရပ်တွင် လူဦးရေသန်း ၁၃၀၀ ကျော်ရှိသည့် တရုတ်နိုင်ငံ။ အနောက်ဘက်တွင်ကား လူဦးရေ သန်းတစ်ထောင်ကျော်ရှိသည့် အိန်္ဒိယနိုင်ငံနှင့် လူဦးရေသန်း ၂၀၀ နီးပါးရှိသည့် ဘင်္ဂလားဒေ့နိုင်ငံတို့ ရှိနေသည်။ ထိုလူဦးရေ လွန်နိုင်ငံများကြားတွင် မြေဆီသြဇာကောင်းသော၊ သဘာဝသံယံဇာတကြွယ်ဝသော မြန်မာနိုင်ငံ ကြားညှပ်နေသည်။ ပထဝီအနေအထားအရ တည်ရှိနေခြင်းဖြစ်သည့်အတွက် ဘာမျှမတတ်နိုင်။ ဘဝပေးကုသိုလ်ဟုသာ ဆိုရပေတော့မည်။ ခက်နေသည်က ကျွန်တော်တို့ရွှေမြန်မာတွေ၏ တွေးပုံခေါ်ပုံဖြစ်နေသည်။ အရှေ့မြောက်တံခါးထက် အနောက်ဘက်တံခါး ကျိုးပျက်သည်ကို ပို၍ စိုးရိမ်နေကြသည်။ အဖြူရောင်လှိုင်းထက် အမည်းရောင်လှိုင်းကိုပို၍ အာရုံစိုက်နေကြသည်။ အသားအရောင်နောက်ကို လိုက်နေကြသည်။
ခက်သည်က မြန်မာတို့၏ဓလေ့စရိုက်ဖြစ်သည်။ သားသမီးမွေးလာလျှင် ဖြူဖြူဖွေးဖွေးလေးဖြစ်ပါက ဟယ်... တရုတ်ကလေးကျနေတာပဲဟု လိုလားနှစ်သက်စွာ ချီးကျူးတတ်ကြသော်လည်း အသားညိုသည့် ကလေးဖြစ်ပါက ဟင်း... ကုလားလေးနှင့်တူလိုက်တာဟူ၍ နှာခေါင်းရှုံ့တတ်ကြခြင်းဖြစ်သည်။ သို့ဖြင့်၍လည်း အနောက်တံခါးမှ ဝင်လာသူများအပေါ်တွင် ပို၍အကဲဆတ်နေကြခြင်းဖြစ်တန်ရာသည်။ အမျိုးသားအကျိုးစီးပွားနှင့် အမျိုးသားရေးကို အမှန်တကယ် ကုပ်ခွစီးထားသူကို မေ့လျော့နေကြသည်။ စီးပွားရေးနှင့် နိုင်ငံရေးအရ တဖြည်းဖြည်းချင်း လည်မျိုအထိ ဝါးမျိုထားသူမှာ မည်သူနည်းဆိုသည်ကို အသေအချာ လေ့လာဆန်းစစ်ရန် လိုပါသည်။ စိတ်ခံစားမှုအပေါ် အာရုံညွတ်ခြင်းထက် လက်တွေ့ကျကျ အမြင်ကျယ်ကျယ် တွေးခေါ်နိုင်ရန် အရေးကြီးသည်ဟု ဆိုချင်ပါသည်။ သို့မဟုတ်ပါက တံလျှပ်ကိုရေထင် ရွှေသမင်ရေလိုက်မှား ဖြစ်နိုင်သည်ကို သတိပြုရပါမည်။
မြန်မာနိုင်ငံသည် ပထဝီနိုင်ငံရေးအရ အရေးပါသော အနေအထားသို့ ရောက်ရှိနေပြီဆိုသည့်အသံများ ကျယ်ကျယ်လောင်လောင် ထွက်ပေါ်လာချိန်တွင် ကျွန်တော်တို့ မြန်မာနိုင်ငံ၏ ခါးလယ်မှဖြတ်လျက် ရေနံပိုက်လိုင်းတစ်ခုက နေရာယူထားပြီး ဖြစ်နေသည်။ မကြာမီ ထိုရေနံပိုက်လိုက်နံဘေးမှ မီးရထားလမ်တစ်ခု ဖောက်လုပ်ဦးမည်။ ထိုရေနံပိုက်လိုင်းနှင့် မီးရထားလိုင်းတို့သည် မြန်မာနိုင်ငံကို နှစ်ပိုင်းပိုင်းထားသည့်နှယ် ဖြစ်နေတော့သည်။ မြန်မာနိုင်ငံအထက်ပိုင်းသည် အရှေ့မြောက်တံခါးမှ ဝင်လာသူတို့အတွက်လော။ စစ်အုပ်ချုပ်ရေး၏ အကျိုးဆက် အသွင်ကူးပြောင်းရေးခရီးတွင် ပဋိပက္ခများကြောင့် မငြိမ်သက်မှုများက ရှိနေသည်။ ထိုမငြိမ်သက်မှုများကို အကြောင်းပြုလျက် ရေနံပိုက်လိုင်း လုံခြုံရေးအတွက် တိုင်းတစ်ပါးစစ်တပ်များ ဝင်ရောက်လာခဲ့သော် မည်သို့ရှိချေမည်နည်း။ မတွေးရဲစရာဖြစ်သည်။
အမျိုးသားအကျိုးစီးပွားတစ်ခုလုံးသည် တိုင်းရင်းသားပြည်သူတို့၏ လက်ဝယ်တွင်ရှိရေးဟု ကြွေးကြော်ရုံသက်သက်ဖြင့်တော့ တစ်စုံတစ်ရာ အကျိုးထူးလာလိမ့်မည် မဟုတ်ပါ။ အမျိုးသားအကျိုးစီးပွားကို အမှန်တကယ်ကာကွယ်ပေးသော မူဝါဒများ လက်တွေ့ချမှတ်ဆောင်ရွက်နိုင်ရန် အရေးတကြီးလိုအပ်နေသည်ကို အုပ်ချုပ်ရေးပိုင်းမှပုဂ္ဂိုလ်များ အထူးသဘောပေါက်ရန် လိုအပ်လှပါသည်။ အမျိုးသားအကျိုးစီးပွားများအတွက် အနောက်ဘက်တံခါးရော အရှေ့မြောက်တံခါးပါလုံခြုံရန် အရေးကြီးပါသည်။ မည်သည့်တံခါးမှ မကျိုးပျက်စေလိုပါ။ သို့သော် ကျိုးပျက်ခဲ့ပါပြီ။ ဘူးသီးတောင် မောင်တောဒေသတွင် ဘင်္ဂါလီက လူဦးရေ၏ ၉၆ ရာခိုင်နှုန်း၊ ဌာနေတိုင်းရင်းသားက ၄ ရာခိုင်နှုန်း။ မန္တလေးမြို့ကြီးတွင် တရားဝင်စာရင်းအရ တရုတ်အမျိုးသား အိမ်ထောင်စု ငါးသောင်းကျော်ရှိနေသည်ဟု သိရသည်။
ထိုကိန်းဂဏန်းတို့သည် အနှစ် ၂၀ ကျော်ကြာ စစ်အုပ်ချုပ်ရေး၏ စည်းစနစ်မဲ့မူ၊ လွဲမှားသော စီမံခန့်ခွဲမှု၊ အကျင့်ပျက်ခြစားမှုတို့၏ အကျိုးဆက်ဆိုသည်ကို ကောင်းစွာသဘောပေါက်နားလည်ကြရပါမည်။ အခုတစ်လော ခေတ်စားနေသောစကားဖြင့်ဆိုရသော် တရားဥပဒေစိုးမိုးရေး ကင်းမဲ့ခဲ့သောကြောင့် ဖြစ်ပါသည်။ မြန်မာတစ်ဦး၊ တိုင်းရင်းသားပြည်သူတစ်ဦး အမျိုးသားမှတ်ပုံတင် ပျက်စီး၊ ပျောက်ဆုံး၍ အသစ်ပြန်လည်ပြုလုပ်သည်ပင်လျှင် မည်မျှခက်ခဲကြောင်း ကြုံဖူးကြမည် ထင်ပါသည်။ ရပ်ကွက်ထောက်ခံစာ၊ ရဲစခန်းထောက်ခံစာများဖြင့် လ.ဝ.က ရုံးသို့ အခေါက်ခေါက်အခါခါသွားပြီးမှ ကိစ္စပြီးမြောက်ပါသည်။ အနောက်တံခါးမှ ဝင်လာကြသော ၉၆ ရာခိုင်နှုန်းသောသူများ၊ မန္တလေးမြို့ပေါ်သို့ အရှေ့မြောက်တံခါးမှ ဝင်ရောက်လာသူများမှာ လွယ်လွယ်ကူကူ မှတ်ပုံတင်ရကြ၊ နိုင်ငံသားဖြစ်ခဲ့ကြရသည်မှာ ထူးဆန်းအံ့သြဖွယ်ကိစ္စဟုပင် ဆိုရပါတော့မည်။
မည်သို့ပင်ဖြစ်စေ အနှစ် ၂၀ ကာလလုံးလုံး နယ်စပ်ဒေသများတွင် တံခါးမရှိ၊ ဓားမရှိဖြစ်ခဲ့ခြင်းသည် လတ်တလော ကြုံတွေ့နေကြသော ပဋိပက္ခများ၏ အခြေခံအကြောင်းရင်းများဖြစ်နေသည်ကို တွေ့ရမည်ဖြစ်ပါသည်။ အနောက်ဘက်တံခါးသည် လူမျိုးရေး၊ ဘာသာရေးကို ခြိမ်းခြောက်လျက်ရှိသည်ဟု မြန်မာအများစုက ယူဆလျက်ရှိကြသည်။ သို့ဆိုလျှင် အရှေ့မြောက်တံခါးသည် ပို၍အရေးပါသော နိုင်ငံရေးနှင့် စီးပွားရေးကို လွှမ်းမိုးထားသည့် အန္တရာယ်ရှိနေသည်ဆိုသည့်အချက်ကိုလည်း မမေ့လျော့သင့်သော ကိစ္စတစ်ခုဖြစ်ကြောင်း ရေးသား တင်ပြလိုက်ပါသည်။ ။
ရနံ့သစ်ဖေ့ဘုတ်မှာ တင်ထားတဲ့ ယနေ့ထုတ် 7 days သတင်းစာမှာ ဖော်ပြတဲ့ဆောင်းပါး။
No comments:
Post a Comment