ဒီဓာတ်ပုံလေးဟာ မကဒတ ရဲဘော်လေးနဲ့ မကဒတ ရဲဘော်(ရဲမေ)ဟောင်းမလေးတို့ရဲ့ မင်္ဂလာလက်မှတ်ထိုးပွဲလေးပါ။ ဒီမင်္ဂလာပွဲလေးဟာ မကဒတမှာရှိခဲ့ဖူးတဲ့ ဘက်၊ ပြိုင်ဆိုင်မှုတို့ ချုပ်ငြိမ်းကုန်ဆုံးပြီး ပေါင်းစည်းခွန်အား ညီညွတ်မှုနဲ့ ရှေ့ခရီးကိုဆက်နေကြတဲ့ နိမိတ်ပုံလေးဖြစ်နေလို့ပါပဲ။
ကျနော်တို့ မကဒတ ဟာ ရင်နှစ်ခြမ်း ဗြန်းဗြန်းကွဲခဲ့ဖူးတယ်၊ အောက်ခြေရဲဘော်တွေ ကြွေ လွင့် ဝေး ထွက် စိတ်ပျက်ခဲ့ကြဖူးတယ်။ ရှေ့တန်းစစ်မြေပြင်က တိုက်ပွဲဝင် ဒေါင်းစစ်သည်တွေ ဘုမသိ ဘမသိ။ တော်လှန်ရေးတက်နေချိန်မှာ ပြိုကွဲရေးငလျင်ဗဟိုချက်မ ဗဟိုခေါင်းဆောင်တွေထဲ ပေါ်ခဲ့ရတဲ့ အတွင်းကြေ ... ကျောင်းသား လက်နက်ကိုင်တော်လှန်ရေးသမိုင်းထဲက ဖျက်မရတော့မယ့် အမာရွတ်။ ဗိုလ်ထီး စာသားထဲကလို ... ပြီးပါစေတော့ ပြီးပါစေတော့ ပထမနဲ့ နောက်ဆုံးအခေါက်ပါပဲ ...။
အဖွဲ့အစည်းထဲက ရဲဘော်ဟောင်းတွေ သိကြမယ်။ နော်လေးဒီ၊ မောင်မောင်ကြီးတို့ဆိုတာ မကဒတ တခြမ်းပဲ့ဖြစ်သွားတဲ့ ဒေါက်တာနိုင်အောင်ဘက်မှာ ရပ်တည်သူတွေ ... တခါ မောင်လွမ်းဏီ၊ မင်းဇော်တို့ဆိုတာ တဖက် မကဒတ တခြမ်းရဲ့ မိုးသီးဇွန်ဘက်က အမာခံတွေ (ဟဟဟ) မင်းမင်းအောင် (မကဒတ - နိုင် )၊ နေမျိုးလး (မကဒတ - မိုး)
အခုတော့ ဒီဓာတ်ပုံလေးထဲမှာ ......
သွားလေသူ ကိုမောင်ကြီး၊ အမ နော်လေးဒီတို့ဘက်ခြမ်းမှာ နေမျိုးလေး ထိုင်လို့ ... မောင်လွမ်းဏီ၊ မင်းဇော်တို့ဘက်မှာ မင်းမင်းအောင် ထိုင်လို့ ... ပြုံးလို့ ရယ်လို့ ပီတိဖြစ်လို့ ...။
... ... ... ... ...
မကဒတဟာ မိုးထဲရေထဲ အကျပ်အတည်း အခက်အခဲတွေထဲမှာ ရင်ခြင်းအပ် ကျောခြင်းကပ် ပေါင်းစပ်စုစည်းမှုနဲ့ လူထုဘဝကို မျက်မှောက်ပြုပြီး မပြီးသေးတဲ့ခရီးကို ဆက်နေခဲ့ပါပြီ ....။ မိုးသီး၊ နိုင်အောင်ဆိုတဲ့ ဘာဟုတ်သလိုလို ဘာမဟုတ်သလိုလို ကွဲပြားခဲ့ဖူးတာတွေကို ချန်ခဲ့ပစ်ခဲ့ကြပြီး တပေါင်းတစည်းထဲစိတ်နဲ့ မမျှော်မှန်းနိုင်တဲ့ မျှော်မှန်းနိုင်တဲ့ စိန်ခေါ်မှုတွေကို ရင်ဆိုင်ဖို့အတွက် အတူလက်တွဲဖော် တောင်တန်းသား ဒီမိုကရေစီ လက်နက်ကိုင် တော်လှန်ရေးနယ်မြေတွေပေါ်မှာ ရပ်တည်နေကြတဲ့ မကဒတ (အနောက်ပိုင်း)၊ မကဒတ (မြောက်ပိုင်း)၊ မကဒတ (တောင်ပိုင်း) နဲ့ မကဒတ (ဗဟိုဌာနချူပ်ဒေသ)တို့ဟာ မကဒတ ကျောင်းသားတပ်မတော် (ဗဟိုကော်မတီ) ရဲ့ဦးဆောင်မှုအောက်မှာ တစုတစည်းထဲနဲ့ အဖွဲ့အစည်းအတွင်းပိုင်းမှာ အတွေးအခေါ် တိုက်ပွဲဆင်နွဲရင်း အလုပ်တာဝန်ပိုင်းမှာ ညီညွတ်ရင်း သွားနေကြပါပြီ ...။
... ... ... ... ...
မောင်လွမ်းဏီအိမ်နဲ့ ကိုမောင်ကြီးအိမ်နဲ့က ဝေးလှ ခဲတပစ်အနီးဆုံးမှာ ... သာရေး၊ နာရေး လူမှုရေး၊ နိုင်ငံရေး နီးကပ်ဆက်စပ်ပေါင်းစပ် .... မောင်လွမ်းဏီသား အောင်ကျော်ဇာနည်၊ မင်းဇော်ကောင် ပိုင်ထူးအံ့ နဲ့ ကိုမောင်ကြီးသား ဖိုးခွားကြီး၊ ဖိုးခွားလေးတို့က မျိုးဆက်သစ်လူငယ် သူငယ်ချင်းတွေ အတူသွား အတူစား အတူလာ အတူဂိမ်းဆော့ဖက်တွေ ...။
မနေ့ညက ကိုမောင်ကြီးအသုဘရှုဖို့ လမ်းလျှောက်လာနေတဲ့ ကိုလွမ်းဏီကို လှမ်းကြည့်ရတာ တခုခုကိုများ စဉ်းစားနေသလား၊ သူလည်း အသက်ရလာ ... ကျန်းမာရေးကြောင့် ခြေထောက်တဖက်လည်း မကောင်းလှတော့ ...။
ကိုမောင်မောင်ကြီး ... ရဲဘော်မောင်မောင်ကြီး !!!
သေချာတယ်။ ခင်ဗျားဟာ ကြက်မကျွတ်တဲ့ ဒေါင်းခွပ်တကောင်ဖြစ်ခဲ့တယ်ဆိုတာ ...။
No comments:
Post a Comment