အမေ ရိုက်တာကို ခံယူရင်း
ရန်ကုန်ကို ထွက်ပြေး ရင်ခုန်ခဲ့ဖူးတယ် ...။
ရန်ကုန်ဟာ
နန်းကျ ရှင်ဘုရင်တပါး မဟုတ်ပါဘူး
ရန်ကုန်ဟာ
သိန်းစွန်ငှက်ဆိုးကို အသက်ပေး ခုခံခွပ်ခဲ့တဲ့
သစ္စာကြီးတဲ့ မုဆိုးမ မိခင်အိုတပါး ဖြစ်တယ် ...။
တနေ့မှာ တည
တညမှာ ရင်တချက်ချက် ခုန်
ရန်ကုန်ကို ကျနော် ချစ်ခဲ့တယ် ...။
ရန်ကုန်တဲ့
ရန်ကုန်ဟာ ရန်တွေ မကုန်မချင်း
ဇာတိသိုက်မြုံနဲ့ ဝေးနေဦးမယ့် အလွမ်းချစ်တွေ ...။
ခုဆို
ကျနော့်ချစ်သူရဲ့ ပါးပြင်မှာ
လတ်လတ်ဆတ်ဆတ် ရန်ကုန်ရနံ့တွေ စွဲနစ်
ရန်ကုန်ဟာ ကျနော့်အတွက်တော့ ...
သက်ရှိ အိပ်မက် ဖြစ်တယ်လေ ...။ ။
ကမာပုလဲ
၈၊ ၂၊ ၂၀၁၃
No comments:
Post a Comment