ခြင်္သေ့ကြီး လက်နှစ်ဖက်ကြား
ခွေခွေလေး အိပ်နေလိုက်တာ။
သမီး လုံမငြိမ်းချမ်းရေ
ဒီမှာ သမီးအရွယ် မိန်းမသားလေး တယောက်
ဒုက္ခဆိုက်ပုံတော့
တောရိုင်း သံမဏိ လက်သီးချက်
ဒရစပ် ဖွပ်ဖွပ်ချေ
အဝတ်နွမ်းတစ ပုံချထားတဲ့အတိုင်း။
သမီးလေးရေ ထ ထ
အရူးမ သားမွေးတယ်
ထ ထ ကလေးရယ်။
မနှိုးဖြစ်ခဲ့
စောင်းတန်းရှည်မြင့် တလျှောက်
နင်းတက်လိုက်တိုင်း
အုတ်လှေကားထစ်တွေ
ညွှတ်ခွက် နိမ့်နိမ့်ကျသွား။
အရှေ့ဘက် မိုးကုပ်ကုပ်မှာ
တိမ်ပုပ်တွေကြားက
ငါးတွေ ဝမ်းဗိုက်သား
ဖွေးဖွေးဖြူလို့
အရုဏ် ပေါ်ပြီ။ ။
မောင်အောင်ပွင့်
၎၊ ၈၊ ၁၉၉၁။
+ မောင်အောင်ပွင့် ... ဘဝမာတိကာ ကဗျာစာအုပ်မှ ...
No comments:
Post a Comment