သိုက်ကြိုးမဖြတ်ရသေးတဲ့
လူဝင်စားအလား
ခေါ်သံတွေ ငါကြား
အတိတ်ဘဝက တဘဝလား
အခုဘဝက တဘဝလား
နှစ်ခုပေါင်းမှ တဘဝလား
ငါ့တကိုယ်ထဲ နှစ်ဘဝလား
ငါ့ကိုယ်ငါ မကွဲပြား။
တချို့လဲ
တတိယဘဝ
သိုက်နန်းပြောင်းသွားကြပြန်ပါပြီ။
အစွဲကြီးသူပဲဆိုပါတော့
အရင် ဟိုဘဝများ
အဖေအမေတို့မျက်နှာ
မောင်နှမတို့မျက်နှာ
အမိုးကုပ်ကုပ်အိမ်ကလေးရဲ့ သက်ပြင်းလျလျမေ့မရမှုများ ထိုင်နေကြနေရာလေးကနေ ပြတင်းဝညွှန်ရာအရပ်ဆီ တဆုံး …
မောင်လိုနှမလို ညီအကိုတို့ရဲ့မျက်နှာ
သူ့အိမ်ကိုယ့်အိမ်
အချိန်မရှိ အိုးမခွဲတတ်သူများ
တလိပ်ထဲနှစ်ယောက် ဖွာရှိုက်
တခွက်ထဲ သူတကျိုက်
ကိုယ်တကျိုက် ဒီလိုသာ ဘဝချင်းမော့သောက်ခဲ့ကြသူများ
ကိုယ်တွင်းနာကို တိုးဖွဖွပြောခဲ့ကြတာများ
အော် …
ခေါ်သံကြား လွမ်းမိ။
ဒီမှာ
ဒုတိယဘဝကရတဲ့ဥစ္စာ ယူခဲ့ရမလား
ပထမဘဝက ဥစ္စာ ပေးခဲ့ရမလား
နှစ်ခုပေါင်းမှ တဘဝထဲလား
ငါ့တကိုယ်ထဲ နှစ်ဘဝလား
ငါ့ကိုယ်ငါ မကွဲပြား
ခေါ်သံတွေ
လိပ်ပြာခေါ်သံတွေကြား …။ ။
ခင်လွန်း
ဇွန် ၄၊ ၂၀၀၆
No comments:
Post a Comment