ဒုတိယကမ္ဘာစစ်ကာလ မဟာမိတ်တို့၏ ပြင်သစ်နိုင်ငံ နော်မန်ဒီ ကမ်းတက်တိုက်ပွဲ (ဒေါက်တာ ဇင်ထွန်းတင်)

ဒုတိယကမ္ဘာစစ်ကာလတွင် နာဇီ ဂျာမန်တို့ သိမ်းပိုက်ထားသော ပြင်သစ်နှင့် ဘယ်လ်ဂျီယံနိုင်ငံများ ပါဝင်သည့် ဥရောပတိုက် အနောက်မြောက်ခြမ်းကို မဟာမိတ်တို့က ထိုးစစ်ဆင်တိုက်ခိုက်ရန် စကားဝှက် (Code Name) ကို အိုဗာလော့ စစ်ဆင်ရေး (Operation Overlord) ဟု အမည်ပေးခဲ့သည်။

အိုဗာလော့ စစ်ဆင်ရေး၏ အဓိက အစိတ်အပိုင်းတစ်ရပ်ဖြစ်သော နော်မန်ဒီ ကမ်းတက်တိုက်ပွဲကိုလည်း နက်(ပ်)ကျွန်းစစ်ဆင်ရေး (Operation Neptune) ဟူ၍ (Code Name) ပေးခဲ့သည်။ ၎င်းစစ်ဆင်ရေးကို စတင်သည့် ၆ ဇွန်၊ ၁၉၄၄ (အင်္ဂါနေ့) ကို ရ ရက် (D Day) ဟု သတ်မှတ်ခဲ့၍ ကမ္ဘာ့သမိုင်းတွင် (D Day the 6th of June) ဟုလည်းခေါ်ဆိုခဲ့ကြသည်။ စစ်ဆင်ရေးတွင် ပြင်သစ်နိုင်ငံ နော်မန်ဒီကမ်းခြေ အရှေ့မှ အနောက်သို့ ထိုးစစ်ဆင်ကမ်းတက်မည့် ကမ်းခြေ ၅ ခုကို (Sword Beach, Juno Beach, Gold Beach, Omaha Beach, Utah Beach) ဟူ၍ ခွဲခြားသတ်မှတ်ခဲ့သည်။

နော်မန်ဒီ ကမ်းတက်စစ်ဆင်ရေးကြီး ဖြစ်ပေါ်လာရသည့်အကြောင်းရင်းကို ဆန်းစစ်ကြည့်လျှင် ဒုတိယကမ္ဘာစစ်ကြီးဖြစ်၍ နှစ်နှစ်ကျော်အကြာ ၇ ဒီဇင်ဘာ၊ ၁၉၄၁ တွင် ဂျပန်သည် ပစိဖိတ်သမုဒ္ဒရာ၊ ဟာဝိုင်အီကျွန်းရှိ အမေရိကန်တို့၏ ရေတပ် စခန်းဖြစ်သော ပုလဲဆိပ်ကမ်းကို ရုတ်တရက် ဝင်တိုက်ခြင်းဖြင့် အမေရိကန်နိုင်ငံသည်လည်း ဂျပန်ကိုစစ်ကြေညာ၍ ဒုတိယကမ္ဘာစစ်ထဲ ဝင်ရောက်လာခဲ့သည်။


ရက်အနည်းငယ် ကြာပြီးနောက် ဂျပန်၏မဟာမိတ် ဂျာမဏီနှင့် အီတလီကလည်း အမေရိကန်ကို ပြန်လည် စစ်ကြေညာခဲ့သည်။ ထိုချိန်က အမေရိကန်သမတဖြစ်သည့် ဖရန်ကလင်ရုစဘဲ့ က အမေရိကန်သည် ပစိဖိတ်စစ်မျက်နှာနှင့် ဥရောပစစ်မျက်နှာ နှစ်ခုစလုံးကို တစ်ချိန်ထဲတွင် တိုက်မည်မဟုတ်ဟု ဆုံးဖြတ်ခဲ့သည်။ သမတနှင့် ၎င်း၏အကြံပေးများက အမေရိကန်အနေဖြင့် ပထမဦးစွာ ဂျာမဏီနှင့် အီတလီကို တိုက်ခိုက်ပြီး ဥရောပစစ်မျက်နှာကို အောင်မြင်ပြီးမှ အာရှ စစ်မျက်နှာရှိ ဂျပန်တို့ကို တိုက်ခိုက်မည်ဟု ဆုံးဖြတ်ခဲ့သည်။ ဤဆုံးဖြတ်ချက်ကြောင့်ပင် ဂျပန်တို့အတွက် အာရှတစ်လွှားနှင့်ပစိဖိတ်ဒေသတို့ကို လွတ်လပ်စွာ ချဲ့ထွင်သိမ်းပိုက်ခွင့် ရရှိစေခဲ့သည်။

ဂျပန်တို့သည် ဟာဝိုင်အီကျွန်းကိုတိုက်ခိုက်ပြီး မကြာမီမှာပင် ဂျပန်တပ်များသည် ဟောင်ကောင်၊ မလေးရှားနှင့် ဖိလစ်ပိုင်ကျွန်းတို့ကို ကျူးကျော်တိုက်ခိုက်ခဲ့သည်။ ဂျပန်တို့သည် မနီလာကိုသိမ်းပြီးနောက် ၁၉၄၂ ဖေဖော်ဝါရီလတွင် အင်္ဂလိပ်တို့ကိုတိုက်ခိုက်၍ စင်္ကာပူကို သိမ်းပိုက်ခဲ့သည်။ ထို့နောက် မြန်မာနိုင်ငံ၊ သီရိလင်္ကာနှင့် ဘင်္ဂလားပင်လယ်အော်တစ်လျှောက် အက်ဒမန်ကျွန်းများအထိ ဂျပန်တို့သိမ်းနိုင်ခဲ့၍ ၎င်း၏စစ်အင်အားမှာ အလွန်ပင် ကြီးမားလာခဲ့သည်။ သမတရုစဘဲ့အနေဖြင့် အမေရိကန်တပ်အချို့ကို ပစိဖိတ်ဒေသသို့လွှတ်၍ ပျက်စီးသွားသော ပုလဲဆိပ်ကမ်းရှိ အမေရိကန်ရေတပ်ကို ပြန်လည်တည်ဆောက်စေခဲ့သည်။

သို့သော် အမေရိကန်၏ စစ်တပ်အားလုံးနီးပါးကို ဥရောပ စစ်မျက်နှာသို့ အဓိကထားပို့ခဲ့သည်။ အမေရိကန်သည် ဗုံးမိုးရွာသွန်းခြင်းခံရ၍ ဟစ်တလာ၏လက်အောက်သို့ ကျရောက်လုနီးပါးဖြစ်နေသော ဗြိတိန်နိုင်ငံသို့ စစ်အင်အားနှင့် စစ်လက်နက်အင်အားကို အလုံးအရင်းနှင့် ပို့ခဲ့သည်။ အမေရိကန်စစ်အရာရှိများအနေဖြင့် ဂျာမန်တို့ကို အလျှင်အမြန်တိုက်ခိုက်ရန် အင်္ဂလိပ်ရေလက်ကြားမှတစ်ဆင့် ဖြတ်ကျော် တိုက်ခိုက်လိုသည်။ သို့သော် ၎င်းအစီအစဉ်ကို အင်္ဂလိပ်ဝန်ကြီးချုပ် ဝင်စတန်ချာချီ က အောင်မြင်မှုမရနိုင်ဟု စိုးရိမ်၍ လက်မခံပေ။ ထို့ကြောင့် အင်္ဂလိပ်နှင့် အမေရိကန်တပ်များသည် အာဖရိကမြောက်ပိုင်းရှိ အီတလီနှင့် ဂျာမန်တပ်များကို တိုက်ခိုက်အောင်မြင်ပြီး မြေထဲပင်လယ်ကိုဖြတ်ကာ စစ္စလီကျွန်းကို တိုက်ခိုက်၍ ဂျာမန်တို့ကို တိုက်ထုတ်နိုင်ခဲ့သည်။

ထို့နောက် အီတလီကို အောင်နိုင်ခဲ့သည်။ ဟစ်တလာ အနေဖြင့် တစ်ဖက်တွင် ဆိုဗီယက်ယူနီယံနှင့် ပြင်းထန်စွာတိုက်ခိုက်နေရ၍ အာဖရိကမြောက်ပိုင်းသို့ စစ်အင်အား မဖြည့်တင်းနိုင်ခဲ့ပေ။ ဟစ်တလာသည် ၂၂ ဇွန်၊ ၁၉၄၁ တွင် ဘာဘရိုဆာ စစ်ဆင်ရေး (Operation Barbarossa) ဖြင့် ဆိုဗီယက်ယူနီယံကို ကျူးကျော်တိုက်ခိုက်ကာ အရှေ့ဘက်စစ်မျက်နှာကို ဖွင့်လှစ်ခဲ့သည်။ စစ်၏ အစဦးပိုင်းတွင် ဆိုဗီယက်ယူနီယံကိုတိုက်ခိုက်ရန် ဆုံးဖြတ်ခဲ့ခြင်းသည် ဟစ်တလာအဖို့ အကြီးအကျယ် မှားယွင်းခဲ့သည်။ စစ်မျက်နှာ နှစ်ဖက်ဖွင့်လိုက်ရ၍ စစ်သည်အင်အား၊ လက်နက်အင်အားတို့ကို နှစ်ဖက်ခွဲပို့နေရသည်။

သူ၏စီမံကိန်းမှာ ဆိုဗီယက်တပ်များကို လျှင်မြန်စွာတိုက်ခိုက် ချေမှုန်းရန်ဖြစ်သော်လည်း မအောင်မြင်ခဲ့ပေ။ ဂျာမန်တို့သည် ၁၉၄၁ နှစ်လည်ပိုင်းတွင် စစ်သည်အင်အား သုံးသန်းကျော်ဖြင့် ဆိုဗီယက်ယူနီယံကို ကျူးကျော် တိုက်ခိုက်မှုသည် အစပိုင်းတွင် အောင်မြင်ခဲ့၍ ဆိုဗီယက်မြို့ကြီးများဖြစ်သော ယူကရိန်း၊ ကီးယက်(ဗ်) မြို့ကြီးများအထိ ဂျာမန်တပ်များ သိမ်းပိုက်နိုင်ခဲ့သည်။

သို့သော် နောင်နှစ်တွင် အခြေအနေမှာ ပြောင်းလဲခဲ့သည်။ ဆိုဗီယက် ဗိုလ်ချုပ်ကြီး မာရှယ်ဇူးကော့(ဗ်) ခေါင်းဆောင်သော ဆိုယီယက်တပ်နီတော်၏ ပြင်းထန်၍ ကြောက်မက်ဖွယ်ကောင်းသောထိုးစစ်ကို ကမ္ဘာကျော် စတာလင်ဂရက်မြို့တိုက်ပွဲတွင် ဂျာမန်တို့ မရှုမလှ ခံခဲ့ကြရသည်။ ဆိုဗီယက်ဆောင်းတွင်း၏ ပြင်းထန်သော အအေးဒဏ်နှင့် အစာရေစာ ငတ်မွတ်မှုကြောင့် ဂျာမန်တပ်သားများ သေဆုံးခဲ့ကြရသည်။ ထို့နောက် ဆိုဗီယက်တပ်များသည် နာဇီဂျာမန်တို့ကို လီနင်ဂရက်မြို့မှ တိုက်ထုတ်နိုင်ခဲ့ပြီး ၁၉၄၄ နှစ်လယ်ပိုင်းတွင် ဂျာမန်တပ်များ ဆိုဗီယက်ယူနီယံမှ ဆုတ်ခွာခဲ့သည်။

စစ်ကာလအတွင်း ဂျာမန်ရေတပ်၏အဓိကရည်ရွယ်ချက်မှာ အမေရိကန်နိုင်ငံမှ ဗြိတိန်နိုင်ငံသို့ စစ်လက်နက်ပစ္စည်းများ၊ အစားအစာရိက္ခာနှင့် စစ်တပ်များ ပေးပို့နေမှုကို ဟန့်တားရန်ဖြစ်သည်။ ဂျာမန်ယူဘုတ် ရေငုတ်သင်္ဘောတို့သည် အတ္တလန်တစ်သမုဒ္ဒရာကို ဖြတ်သန်းရသွားသော မဟာမိတ်သင်္ဘောများကို ကြီးမားစွာ အန္တရာယ်ပေးနိုင်ခဲ့သည်။

၎င်းတို့သည် ပင်လယ်ကြမ်းပြင်အောက်တွင် ငုတ်လျှိုး၍ အပေါ်မှသွားလာနေသော သင်္ဘောများကို ရုတ်တရက် တိုက်ခိုက်တတ်သည်။ အစပိုင်း ၁၉၄၁ တွင် ဂျာမန်ယူဘုတ် ရေငုတ်သင်္ဘောများ၏ စစ်ဆင်ရေးများ အောင်မြင်ခဲ့သော်လည်း ၁၉၄၃ တွင် မဟာမိတ် သိပ္ပံပညာရှင်များ၏ ဆိုနာနှင့် ရေဒါစံနစ်များ တီထွင်လာနိုင်မှုကြောင့် ပင်လယ်ရေပေါ် ရေအောက်ရှိ ဂျာမန် ရေငုတ်သင်္ဘောများကို ခြေရာခံနိုင်၍ တိုက်ခိုက်ဖျက်ဆီးနိုင်ခဲ့သည်။

ထို့ကြောင့် မဟာမိတ်တပ်များ အတ္တလန်တစ် သမုဒ္ဒရာကို တဖြည်းဖြည်း ထိန်းချုပ်လာနိုင်ခဲ့သည်။ အစဉ်အလာအရ နှစ်ဖက်ရေတပ်များသည် ပင်လယ်ရေမျက်နှာပြင်တွင် အပြန်အလှန် ထိုးစစ်ဆင်ကြစမြဲဖြစ်သည်။

သို့သော် လေတပ်တိုက်လေယာဉ်များ၏ အစွမ်းထက်သော တိုက်ခိုက်မှုများကြောင့် ဂျာမန်တို့၏ အကြီးမားဆုံး ရေတပ်သင်္ဘောကြီးဖြစ်သည့် ဘစ်စမတ်မှာ နှစ်မြှုပ်ခြင်းခံလိုက်ရသည်။ ၁၉၄၂ မေလတွင် အင်္ဂလိပ်နှင့် အမေရိကန် ဗုံးကြဲလေယဉ် တစ်ထောင်ခန့်သည် ဂျမန်တို့၏ စစ်ရေးနှင့် စက်မှုအခြေစိုက်စခန်းများကို ပြင်းထန်စွာ ဗုံးကြဲ တိုက်ခိုက်ခဲ့သည်။

၎င်းတို့သည် ဂျာမန်တို့၏ ကျူးကျော်မှုကြောင့်ဖြစ်ပေါ်ခဲ့ရသော ဆိုးကျိုးများကို ဂျာမဏီ ပြည်သူများအားသိရှိစေရန် ဂျာမဏီ၏ မြို့ကြီးများကို ဗုံးကြဲတိုက်ခိုက်ခဲ့သည်မှာ ၁၉၄၅ စစ်ပြီးဆုံးချိန်တိုင်အောင်ဖြစ်သည်။ စစ်ကြီးအစပိုင်းတွင် ဟစ်တလာ၏အောင်မြင်မှုများသည် တစ်ကမ္ဘာလုံးရှိ ပြည်သူများကို စိုးရိမ်ထိတ်လန့်စေခဲ့သည်။

ဟစ်တလာနှင့် သူ၏မဟာမိတ်တပ်များ၏ အောင်မြင်မှုများသည် တစ်ပွဲပြီးတစ်ပွဲ ဆက်နေသည်။ သူတို့သည် ဗြိတိန်နိုင်ငံမှတစ်ပါး ဥရောပတိုက်အနောက်ခြမ်းကို သိမ်းပိုက်စိုးမိုးပြီးဖြစ်၍ ဆိုဗီယက်ယူနီယံကိုလည်း ကျူးကျော် တိုက်ခိုက်ခဲ့သည်။ ထို့အတူ အာဖရိကမြောက်ပိုင်းကို သိမ်းပိုက်နိုင်ပြီးလျှင် ၎င်းတို့၏ ရေငုတ်သင်္ဘောများက အတ္တလန်တစ် သမုဒ္ဒရာတစ်ခုလုံးကို စိုးမိုးထားနိုင်ခဲ့သည်။

ဂျာမဏီသည် အမေရိကန်နိုင်ငံ ဥရောပစစ်ထဲဝင်လာပြီး ပထမလပိုင်းမှသည် ၁၉၄၂ နိုဝင်ဘာလအထိ အင်အားကြီးမားနေခဲ့သော်လည်း နောက်ပိုင်းတွင် တဖြည်းဖြည်း အင်အားကျဆင်းလာခဲ့သည်။

ဂျာမဏီနှင့် ၎င်း၏မဟာမိတ်များသည် ၁၉၄၃ ၏ ပထမနှစ်ဝက်ပိုင်းတွင် ဆိုးရွားစွာ ဆုံးရှုံးထိခိုက်ခဲ့ရသည်။ ဆိုဗီယက်ယူနီယံ စတာလင်ဂရက်တိုက်ပွဲတွင် ဂျာမန်စစ်သားပေါင်း တစ်သိန်းခြောက်သောင်း (၁၆၀,၀၀၀) ခန့် သေကြေခဲ့၍ တပ်သား တစ်သိန်းတစ်သောင်း (၁၁၀,၀၀၀)ကျော်မှာ လက်နက်ချ အဖမ်းခံခဲ့ရသည်။ အာဖရိကမြောက်ပိုင်း စစ်ပွဲများတွင် ဂျာမဏီနှင့် အီတလီစစ်သား နှစ်သိန်းငါးသောင်း (၂၅၀,၀၀၀) ခန့် လက်နက်ချ အဖမ်းခံခဲ့ရသည်။ ထောင်ပေါင်းများစွာသော စစ်သားများ စစ္စလီကျွန်းနှင့် အီတလီနိုင်ငံတိုက်ပွဲများတွင် သေဆုံး အဖမ်းခံခဲ့ရသည်။

မြောက်အတ္တလန်တစ်ရေပြင်ကို စိုးမိုးထားထားသော ဂျာမန်ရေငုတ်သင်္ဘောများမှာလည်း ဖျက်ဆီးခြင်းခံခဲ့ရသည်။ ၁၉၄၃ ခုနှစ်ကုန်ပိုင်းတွင်မူ ဟစ်တလာ၏တပ်များသည် အင်အားကျဆင်းခဲ့ရသည်။ သို့သော် ဂျာမန်တပ်များသည် ပြင်သစ်နှင့် ဘယ်လ်ဂျီယံနိုင်ငံများ အပါအဝင် ကျန်ရှိနေသည့် ဥရောပအနောက်ခြမ်းကို သိမ်းပိုက်ထားဆဲပင်ဖြစ်သည်။ ထို့ကြောင့် ဤအချိန်သည် ဂျာမဏီသိမ်းပိုက်ထားသော ပြင်သစ် အပါအဝင် ဥရောပအနောက်ခြမ်းကို တိုက်ခိုက်သိမ်းပိုက်ရန် အင်္ဂလိပ်ရေလက်ကြားကိုဖြတ်၍ ပြင်သစ်နိုင်ငံ နော်မန်ဒီ ကမ်းခြေမှတဆင့် ဝင်ရောက်ရန် မဟာမိတ်တို့ ဆုံးဖြတ်ချက်ချခဲ့သည်။ ထို့ကြောင့် ကမ္ဘာ့သမိုင်းတွင် အကြီးကျယ်ဆုံး ကမ်းတက်စစ်ဆင်ရေးကြီးဖြစ်သည့် ဒီဒေး ဟု ခေါ်သည့် နော်မန်ဒီ ကမ်းတက်တိုက်ပွဲကြီးကို ၆ ဇွန်၊ ၁၉၄၄ နေ့တွင် စတင်ခဲ့သည်။

ဂျာမဏီခေါင်းဆောင် ဟစ်တလာအနေဖြင့် မဟာမိတ်တို့ဘက်မှ ကမ်းတက် စစ်ဆင်ရေးကြီးတစ်ခုဆင်နွှဲမည်ကို သိသော်ငြားလည်း မည်သည့်နေရာမှ ဝင်ရောက်မည်ကို မသိခဲ့ပေ။ ဂျာမန်တို့က မဟာမိတ်တပ်များသည် ပြင်သစ်နိုင်ငံ (Calais) ဒေသမှ ဝင်ရောက်တိုက်ခိုက်မည်ဟု ထင်မှတ်ထားခဲ့ကြသည်။ သို့သော် ၎င်းတို့၏ ယူဆချက် မှားယွင်းကာ အမေရိကန်ဗိုလ်ချုပ်ကြီး အိုက်ဆင်ဟောင်ဝါ က အင်္ဂလိပ်ရေလက်ကြားကိုဖြတ်၍ နော်မန်ဒီကမ်းခြေမှ ပြင်သစ်နိုင်ငံသို့ ဝင်ရောက်ရန် ဆုံးဖြတ်ခဲ့သည်။

ဗိုလ်ချုပ်ကြီး အိုက်ဆင်ဟောင်ဝါတွင် စစ်သည်အင်အား တစ်သိန်းငါးသောင်း (၁၅၀,၀၀၀)၊ စစ်လေယာဉ် (၁၂,၀၀၀) ခန့်နှင့် မြောက်မြားလှစွာသော ထောက်ပံ့မှုများရှိနေသည်။ အိုက်ဆင်ဟောင်ဝါအနေဖြင့် တစ်ဖက် ရန်သူမရိပ်မိအောင် ရုတ်တရက် ဝင်ရောက်တိုက်ခိုက်ခြင်းဖြစ်၍ စစ်ဆင်ရေးကြီးစတင်ချိန်မှာပင် ဂျာမန်ဗိုလ်ချုပ်ကြီး ရွန်းမဲလ် နှင့် အခြားသော ဂျာမန်စစ်ရေးပါရဂူများပင် မဟာမိတ်တပ်များ နော်မန်ဒီကမ်းခြေမှ အမှန်တကယ် ထိုးစစ်ဆင်လာသည်ကို မယုံကြည်ကြပေ။

သို့ရာတွင် စစ်ဆင်ရေးကြီးမှာ အမှန်တစ်ကယ်ပင် စတင်နိုင်ခဲ့သည်။ ဇွန်လ ၅ ရက်နေ့ ညမှာပင် မဟာမိတ် စစ်လေယာဉ်များက ထောင်ပေါင်းများစွာသော လေထီးစစ်သည်များကို နော်မန်ဒီကမ်းခြေအတွင်းပိုင်း ဂျာမန်တို့၏ နောက်တန်းသို့ ချပေးနိုင်ခဲ့သည်။

ထို့နောက် မဟာမိတ်ဗုံးကြဲလေယာဉ်ကြီးများက ဂျာမန်ခံစစ်ကြောင်းများကို ဗုံးမိုးရွာခဲ့သည်။ ဇွန်လ ၆ ရက်နေ့ နံနက်ပိုင်းတွင် ထောင်ပေါင်းများသော စစ်သင်္ဘောများသည် သတ်မှတ်ထားသော နော်မန်ဒီကမ်းခြေ နေရာ (၅) နေရာ (Sword Beach, Juno Beach, Gold Beach, Omaha Beach, Utah Beach) သို့ စစ်သည် လက်နက် အထောက်အပံ့ အပြည့်အစုံဖြင့် ချဉ်းကပ်လာနိုင်ခဲ့သည်။

တိုက်ပွဲများသည် လျှင်မြန်ပြင်းထန်ပြီး သွေးချောင်းစီးတိုက်ပွဲများ ဖြစ်ခဲ့သည်။ နော်မန်ဒီကမ်းခြေတစ်လျှောက် ဂျာမန် ခံစစ်ကြောင်းများသည် တောင့်တင်းခိုင်မာလှသော်လည်း မဟာမိတ်စစ်သည်တို့၏ ကြီးမားလှစွာသော အလုံးအရင်းနှင့် ထိုးစစ်ဆင်မှုကို မခံနိုင်ဘဲ ပြိုလဲခဲ့ရသည်။ ထို့ကြောင့် မဟာမိတ်စစ်သည်တို့သည် နော်မန်ဒီကမ်းခြေတစ်လျှောက် တစ်ခုပြီး တစ်ခု ထိုးစစ်ဆင်၍ အောင်ပွဲရခဲ့သည်။ ထို့နောက် မဟာမိတ်တပ်များ ပြင်သစ်နိုင်ငံကို အခြေချနိုင်ခဲ့သည်။ ရက်သတ္တတစ်ပတ်အတွင်း ပြင်သစ်နိုင်ငံအတွင်းသို့ မဟာမိတ်တပ်သားပေါင်း ခြောက်သိန်း (၆၀၀,၀၀၀) နှင့် ယာဉ်အစီးရေ ကိုးသောင်း (၉၀,၀၀၀) ခန့် သယ်ဆောင် ဝင်ရောက်နိုင်ခဲ့သည်။ ဂျာမန်တို့သည် မဟာမိတ်တပ်များကို မည်သို့မျှ ထိမ်းချုပ်၍မရနိုင်တော့ဘဲ သြဂုတ်လနှောင်းပိုင်းတွင် မဟာမိတ်တပ်များ မြို့တော် ပဲရစ်ကို သိမ်းပိုက်နိုင်ခဲ့သည်။ နောက်ဆုံးတွင် ဂျာမန်တို့စစ်ရှုံး၍ ဗိုလ်ချုပ်ကြီး အိုက်ဆင်ဟောင်ဝါထံတွင် လက်နက်ချခဲ့ရသည်။

အချုပ်ဆိုရသော် အာဏာရှင်ဝါဒဖြင့် ကမ္ဘာကြီးကိုစိုးမိုး၍ နှစ်ပေါင်းတစ်ထောင်ခံမည့် တတိယအင်ပါယာ (Third Reich)« တည်ထောင်ရန်ကြံရွယ်သည့် ဟစ်တလာ၏စီမံကိန်းမှာ ပျက်ပြားခဲ့ရ၍ ၎င်းကိုယ်တိုင်မှာလည်း နောက်ဆုံးတွင် ကိုယ့်ကိုယ်ကို သတ်သေခြင်းဖြင့် နိဂုံးချုပ်ခဲ့ရသည်။  

----------

(Reich သည် ဂျာမန်ဘာသာဖြစ်ပြီး Empire ကိုဆိုလိုသည်။

First Empire: Medieval Holy Roman Empire

Second Empire: ဘစ်စမတ်ဘုရင်ကြီးလက်ထက်တွင် Second Reich ကိုတည်ထောင်ခဲ့သည် (second empire of 1871 to 1918)

----------

ကိုးကား 

American Mosaic 2003 Series (USIS)

http://en.wikipedia.org (Online Encyclopedia)

http://www.army.mil/d-day (Official Website of US Army)

http://www.dday.org/ http://www.americandday.org

ဒေါက်တာဇင်ထွန်းတင့် 

ကထိက၊ သမိုင်းဌာန 

Ph: 09-73059041

Own Website: http://www.historicalteaching.com/index.html 

Email: zintuntint@gmail.com