စိတ်ကူးစိတ်သန်းများ (ကမာပုလဲ)

ဘဝမှာ
စိတ်ကူးစိတ်သန်းတွေအတိုင်း
တကယ်ဖြစ်လာခဲ့ရင်
အမေနဲ့ ကျနော်
ခုလို သေကွဲ ကွဲခဲ့ရမယ် မဟုတ်ဘူး ...။

ဘဝမှာ
စိတ်ကူးစိတ်သန်းတွေအတိုင်း
တကယ်ဖြစ်လာခဲ့ရင်
ကျနော့် ဇာတိမြို့ကလေး
မုန်တိုင်းအောက်မှာ
ခုလို
အတိဒုက္ခရောက်ခဲ့မယ် မဟုတ်ဘူး ...
စိတ်ကူးစိတ်သန်းတွေအတိုင်း
တကယ်ဖြစ်ခဲ့မယ်ဆိုရင်ပေါ့ ...။


မည်သူမဆို
ဘဝကို ခုံမင်နှစ်သက်မယ် ...
မည်သူမဆို
ဇာတိရပ်ရွာကို
ရိုးသားစွာ တပ်မက်မယ် ...
မည်သူမဆို
ခေတ်ကို
ငြိမ်းချမ်းရေးနဲ့ အတိပြီးစေလိုမယ် ...
မည်သူမဆို ...။

ခေတ်တွေ ပျက်ခဲ့တော့
ကလေးတွေက မိခင်ပျောက်ကို ရှာတယ် ...
အနုပညာက အနုပညာကို ရှာတယ် ...
ချစ်ခြင်းမေတ္တာတရားက သစ္စာတရားကို ရှာတယ် ...
လွတ်မြောက်ရေး တိုက်ပွဲတွေက ခေါင်းဆောင်စစ်စစ်ကို ရှာတယ် ...။

စိတ်ကူးစိတ်သန်းတွေအတိုင်း
တကယ်ဖြစ်လာခဲ့ရင်
ဦးပုညလည်း
ဆဒ္ဒန်ဇာတ်ကို စာချိုးဖို့လိုမယ် မဟုတ်ဘူး
အချုပ်တန်း ဆရာဖေကလည်း
တွေးတိုင်း ရေးတိုင်း အရိုးနာကာ
အမျိုးကို ဆဲမှာ မဟုတ်ဘူး ...
စိတ်ကူးစိတ်သန်းတွေအတိုင်း
တကယ်ဖြစ်လာခဲ့ရင် ...
စိတ်ကူးစိတ်သန်းတွေအတိုင်း
ကမ္ဘာလောကဟာ
ငြိမ်းချမ်းနေခဲ့ရင် ...
ဂျွန်လင်နွန်
လေဒီဒိုင်ယာနာ
မိုက်ကယ်ဂျက်ဆင်
.....................
.......................
သူတို့ ... သူတို့တွေလည်း
ပက်ပက်စက်စက်
လုပ်ကြံသတ်ဖြတ်ခြင်းကို
ခံခဲ့ရလိမ့်မယ် မဟုတ်ဘူး ...။

ကမ္ဘာကြီးမှာ
ငြိမ်းချမ်းရေးဟာ
စိတ်ကူးစိတ်သန်းတွေအတိုင်း
တကယ်ဖြစ်လာခဲ့ရင် ... ပြောပါတယ်။ ။

ကမာပုလဲ
၀၇၊ ၁၂၊ ၂၀၁၁။

ဤ ကဗျာအား ငြိမ်းချမ်းရေး အနုပညာရှင် ဂျွန်လင်နွန် ကွယ်လွန်ခဲ့သည့် နှစ် ၃၁ နှစ်မြောက် အမှတ်တရအဖြစ် ရေးသည်။

+ ဂျွန်လင်နွန် = John Winston Lennon (9 October 1940 – 8 December 1980)

ကမ္ဘာကျော် The Beatles တေးဂီတအဖွဲ့၏ တေးရေး၊ သီဆို၊ တူရိယာ ပညာရှင်။ သူ၏ ငြိမ်းချမ်းရေး စိတ်ကူး Imagine သီချင်းကို သီဆိုခဲ့။ ၁၉၈၀ ဒီဇင်ဘာ ၈ ရက်နေ့တွင် သေနတ်သမားတဦး၏ လုပ်ကြံသတ်ဖြတ်ခြင်းကိုခံရကာ ကွယ်လွန်ခဲ့သည်။

+ လေဒီဒိုင်ယာနာ = Princess of Wales (1 Jyly 1961 - 31 August 1997) ကမ္ဘာ့မြေမြုပ်မိုင်းများ ဆန့်ကျင်ခဲ့သူ။

+ မိုက်ကယ်ဂျက်ဆင် = အမေရိကန် ပေါ့ပ် အဆိုတော် (August 29, 1958 – June 25, 2009)
we are the worl သီချင်းကို ရေးစပ်သီဆိုခဲ့။ အာဖရိက အငတ်ဘေးဆိုက်ရောက်နေသူများအား ကူညီရန် Life Aid တေးဂီတပွဲကို ကမကထပြု ကျင်းပခဲ့။

သီချင်းလင့်များ =Imagine = http://www.youtube.com/watch?v=aIFY9h8DImg

we are the world = http://www.youtube.com/watch?feature=endscreen&v=M9BNoNFKCBI