မေမေကြီးကြီး (မောင်သာရ)

ကျုပ်မှာ ကျုပ်တို့ တူ တူမတွေအားလုံးက ‘မေမေကြီးကြီး’ လို့ခေါ်ရတဲ့ ကြီးဒေါ်ကြီးတယောက် ရှိတယ်။ ကျုပ်ရဲ့အမေ့မှာ မွေးချင်းညီအမ ငါးယောက်ကြီးများတောင်ရှိခဲ့ပေမယ့် ကျုပ်အမေ အပါအဝင် အိမ်ထောင်ရှိတဲ့ ညီအမ သုံးယောက်လုံးကကျတော့ ရှားရှားပါးပါး သားသမီးတယောက်စီပဲ မွေးခဲ့တယ်။ အမေ့အောက်က ကျန်နှစ်ယောက်ဆိုရင် တယောက်က အိမ်ထောင်ရှိရက်နဲ့ သားသမီးလုံးဝ မထွန်းကားဘူး။ အမေ့ညီမအငယ်ဆုံးကျတော့ သက်ဆုံးတိုင် အပျိုကြီးဘဝနဲ့ အရိုးထုတ်တယ်။ မျိုးဆက်ကို ပြတ်ကရော။

ဆိုတော့ကာ ကျုပ်မှာ တဝမ်းကွဲဆိုပါတော့။ ညီမနှစ်ယောက် ရှိတယ်။ ကြုံရပုံက ကျုပ်တို့ မောင်နှမသုံးယောက်ကိုလဲ အမေတွေက ချိန်းဆိုတိုင်ပင်ပြီး မွေးကြလေရော့သလား အောက်မေ့ရတယ်၊ တယောက်နဲ့တယောက်က မီးဝင်မီးထွက်တွေချည့်ပဲ။ ပြီးတော့ အဲဒီခေတ်က အခုခေတ်လို မဟုတ်ဘူး။ ဆွေသံယောဇဉ် မျိုးသံယောဇဉ် အင်မတန်ကြီးကြတော့၊ ကျုပ်တို့ အဖိုးအဖွား မိဘအရိပ်အောက်မှာ သည်တပြုံတမကြီးက ဥမကွဲ သိုက်မပျက်နေကြတယ်။ အတောင်အလက်တွေ စုံ၊ ပညာတွေ တတ်၊ အလုပ်အကိုင်တွေ ရ၊ အိမ်ထောင်တွေကျကြလဲ ရေကြည်ရာ မြက်နုရာ ခွဲခွာမသွားကြဘူး။ ဘိုးဘွားပိုင် အုတ်တံတိုင်းကာ ဧရာမခြံဝန်းကျယ်ကြီးတကွက်ထဲမှာပဲ ကိုယ့်သီးသန့် အိမ်ကလေးတွေနဲ့ ကိုယ်နေကြတယ်။ ကျုပ်အဒေါ်တွေနဲ့ အိမ်ထောင်ကျကြတဲ့ ကျုပ်ဦးဦးတွေကလဲ ကျုပ်အထင် ပြောရရင်တော့ နဖားကြိုးအထိုးခံ ထမ်းပိုးအကျင့် သူတော်ကောင်းတွေချည့်ပါပဲ။ အဲ … ကုသိုလ်ကံညံတဲ့ ကျုပ်တယောက်ပဲ … ကျုပ် မမွေးခင် ကျုပ်အမေနဲ့ ကျုပ်အဖေ ကတောက်ကဆဖြစ်ကြပြီး၊ ကျုပ်အဖေ ဖျာလိပ်ထွက်သွားရတယ်။ ကျန် တဆွေတမျိုးလုံးကတော့ တစည်းတလုံးတည်းပဲ။

အဲ … ခြံရဲ့ရာဟုထောင့်မှာကလဲ လျှာထိုးပျဉ်ချပ် ဆယ့်ငါးချပ်ဆင့်အမြင့် တံခါးနဲ့လှောင်ထားတဲ့ စပါးကျီရှိတယ်။ အဖွားပိုင် အရှေ့တော (ပုသိမ်ကြီး၊ ဇီးချိုကုန်း၊ ချောင်းပန်း၊ နှမ်းကြဲတဝိုက်) က လယ်တွေကို သီးစားချထားလို့ရသမျှ စပါးတွေအကုန် သည်ကျီထဲ ထည့်ထားတာပါ။ ဒါ အများပိုင်ပဲ။ တဆွေလုံး တမျိုးလုံး တခြံလုံး အချိန်မရွေး ထုတ်ယူကြိတ်ခွဲ စားသုံးပိုင်ခွင့် ရှိတယ်။ ရှေးစကား ‘လက်ရေတပြင်စီး’ ဆိုပါတော့။

ဆိုတော့ကာ ကျုပ်တို့ မောင်နှမသုံးယောက် ကြီးပြင်းလာခဲ့ရပုံကို ခန့်မှန်းကြည့်လို့ ရနိုင်ပါလိမ့်မယ်။ ကျုပ်တို့ကို ကြုံရာအိမ်မှာ ကြုံရာအမေက နို့လှန်တိုက်တာပဲ။ ဘယ်အဒေါ် ဘယ်အမေကမှလဲ သူ့ကလေး ကိုယ့်ကလေး ခွဲခြားမနေဘူး။ ကျုပ်တို့ကလဲ အတော်သိတတ်တဲ့အရွယ်အထိ ကြုံရာအမေ့ နို့ကိုစို့တာပဲ။ ကျုပ်က မောင်နှမတွေထဲမှာ အကြီးဆုံးဆိုတော့ ပိုဆိုးတာပေါ့။ ကျုပ်အမေက စနစ်ကြီးတော့ ကျုပ်အခါလည်တာနဲ့ နို့ဖြတ်ပြီ။ ပရုပ်ဆီတွေလူးထားပြီး လုံးဝ မတိုက်တော့ဘူး။ ဒါပေမယ့် … သူများ နို့စို့တာကိုငေးကြည့်ပြီး ကျုပ်နှုတ်ခမ်းလိုက်လှုပ်တာမြင်ကြတော့ ကျန်တဲ့ အဒေါ်တွေက အမေ့ကွယ်ရာမှာ ခိုးတိုက်ကြတယ်။ ပြီးခြံထဲမှာပဲ၊ ရိုက်ဖြတ်စင်အောက်မှာ နွားစားကျင်းနဲ့ နိုးစားနွားမ နှစ်ကောင်ကလဲ မွေးထားလိုက်သေးတယ်။ လူကြီးတွေအတွက်ရော ကျုပ်တို့အတွက်ရော နို့ကတော့ အလျှံပယ်ပဲ။

ဆိုတော့ကာ ကျုပ်တို့က အမေတွေ အဒေါ်တွေအားလုံးကို မေမေ တပ်ခေါ်ကြရတယ်၊ ‘ကြီးကြီး’ ‘ဒေါ်ဒေါ်’ မခေါ်ရဘူး။ မကြိုက်ကြဘူး၊ ကွပ်ညတ်တယ်။ အမေ မခွဲခြားရဘူး တဲ့။ သည်တော့ … ဗဟိုအုတ်ခံအိမ်မကြီးရဲ့ ဘယ်ဘက် မျက်စောင်းထိုးခြံရဲ့ တနင်္ဂနွေထောင့်ကအိမ်မှာနေတဲ့ ကျုပ်ညီမဝမ်းကွဲ အကြီးမရဲ့အမေကို … အမေတို့ ညီအမ ငါးယောက်ထဲမှာလဲ အကြီးဆုံးဖြစ်တဲ့အတွက် ‘မေမေကြီးကြီး’ လို့ ကျုပ်တို့က ခေါ်ကြရတယ်။ နောက် ညာဘက်မျက်စောင်းထိုး ခြံရဲ့အင်္ဂါထောင့်က အိမ်မှာနေတဲ့ ညီမအငယ်မရဲ့ အမေကိုကျတော့ ‘အိမ်ရှေ့မေမေ’ ခေါ်ရတယ်။ အိမ်ရဲ့ညာတောင်ပံ တောင်ဘက်က အိမ်မှာနေတဲ့ သားသမီးမထွန်းကားတဲ့ အဒေါ်ငယ်ကိုကျတော့ ရွှေဘိုသားနဲ့ညားတဲ့အတွက် ‘ဘိုမေမေ’ ခေါ်ကြရတယ်။ အိမ်မကြီးရဲ့မြောက်ဘက် ဘယ်တောင်ပံအိမ်မှာနေတဲ့ ကျုပ်အမေကိုတော့ ကျုပ်က ကျုပ်ညီမတွေခေါ်သလို ‘လေးမေမေ’ လို့ မခေါ်ရဘဲ ‘အမ’ လို့ပဲ ခေါ်ရတယ်။ ကျုပ်တို့အညာမှာ၊ တောဘက်မှာပေါ့နော် … များသောအားဖြင့် အမေကို ‘အမ’ လို့ ခေါ်တတ်ကြတာပါပဲ။ ကျုပ်က မြေးထဲမှာလည်း အကြီးဆုံး၊ အမေကလဲ အပျိုတပိုင်းပြန်ဖြစ်နေပြီဆိုတော့ ‘အမေ’ အခေါ်မခံချင်လို့ မဟုတ်ပါဘူး။ ကျုပ်အဖွားကိုယ်တိုင်က သူ့ကိုလဲ မြေးအားလုံးက ‘အမေ’ ခေါ်မှ ကြိုက်တာကို။ ကျန်တဲ့ မြေးမနှစ်ယောက်က တခါတရံယောင်ယောင်ပြီး ‘အဖွား’ ခေါ်မိရင် နည်နည်းလောက် မျက်နှာထားတင်းပြပြီး ‘ဟင်း’ ရုံပဲ ‘ဟင်း’ တယ်။ ကျုပ်ကိုကျတော့ တအိမ်ထဲအတူနေမို့ လုံးဝ ယောင်ခွင့်မပြုဘူး၊ ချက်ချင်းပြင်ခေါ်ခိုင်းတယ်နော့ … ကျုပ်ကိုလဲ အချစ်ဆုံးကို။ သူ့မှာက မွေးခဲ့တာသမီးချည့် ငါးယောက်။ မြေးကျတော့လဲ ယောက်ျားကလေးက ကျုပ်တယောက်တည်း။ ပြောလို့သာ မြေးလို့ပြောရတာကို။ လက်တွေ့က ကျုပ်ကအဖွားလက်ပေါ်မှာပဲ ကြီးရတာရယ်။ အားလုံးကလဲ ‘မနာလိုစွာ’ အသိအမှတ်ပြုကြပါတယ်။ ကျုပ်က အဖွားရဲ့ ‘အသည်း’ တဲ့။

ဆိုတော့ကာ ကျုပ်မှာ အမေတွေက ဖောခြင်းသောခြင်း။ အဖွားနဲ့အတူနေ … လိုတာမရ ရတာမလိုလို့ အပျိုကြီးဖြစ်နေရတဲ့ ‘မေမေထွေး’ ကလဲ ကျုပ် စာမကျက်ချင်ရင် လူမမြင်အောင် ပေါင်တွင်းကြောလိမ်ဆွဲတတ်တဲ့အတွက် ကျုပ်ကကျိတ်ပြီး မုန်းနေပေမယ့် .. အမေတယောက်ပါပဲ။ လက်ချိုးရေကြည့်ရင် ကျုပ်မှာ အမေ ခြောက်ယောက် ရှိတယ်။ အဲသည်အထဲမှာ အမေ သုံးယောက်၊ ကျုပ် အမေရင်း အပါအဝင်က ကျောင်းဆရာမတွေချည့်ပဲ။ မေမေကြီးကြီးနဲ့ ရတာ၊ ဘိုမေမေနဲ့ ရတာတွေကလဲ ကျောင်းဆရာတွေပဲ။ အိမ်ရှေ့ မေမေကသာ ကုန်သည်ပွဲစားနဲ့ရပြီး၊ ကျုပ်အဖေကလဲ ကျောင်းဆရာ မဟုတ်၊ သာမန် အောက်တန်းစာရေးကလေးသာဖြစ်တယ်လို့ ဆိုပါတယ်။

ဆိုတော့ကာ … အစကိုပြန်ကောက်ရရင် မေမေကြီးကြီးအကြောင်းကို ပြောမလို့…။ မေမေကြီးကြီးနဲ့ရတဲ့ ယောက်ျားက ကျောင်းဆရာဆိုပေမယ့် မန္တလေးဇာတိ မဟုတ်ဘူး။ မြေလတ်ပိုင်း မြို့ငယ်လေးတမြို့က အလယ်တန်းကျောင်းရဲ့ ကျောင်းအုပ်။ ရာထူးတက်ပြီး မန္တလေးပြောင်းလာတာတဲ့။ ရပုံရနည်းကတော့ ကျုပ်တို့လဲ ဘယ်သိပါ့မလဲ။ ဒါပေမယ့် မေမေကြီးကြီးက ကိုယ့်ယောက်ျားကိုယ် ဆရာကြင် ဆရာကြင်နဲ့ ဆရာတပ်ခေါ်တတ်တာကိုထောက်လို့ရယ်၊ အသက်ချင်းကလဲ တပြန်လောက် ကွာပုံရတာကိုထောက်လို့ရယ် … ကျုပ်တို့မေမေကြီးကြီး ခဏခဏ စိတ်ကောက်ပြီး ထမင်းဟင်းမချက်ဘဲ မစားဘဲနေရင် လိုက်လိုက်လာပြီး ချော့မော့ နှစ်သိမ့်နေရတတ်တာရယ်ကို ထောက်ချင့်ကြည့်ရင်တော့ ကျောင်းမှာ ဆရာတပည့်များဖြစ်ခဲ့ဖူးမလား မပြောတတ်ဘူး၊ ထားပါလေ…။ ဒါက အရေးမကြီးပါဘူး။ သေချာတာကတော့ မိန်းမငယ်ငယ်ကလေး ယူထားတာရယ်၊ မန္တလေးဇာတိ မဟုတ်တာရယ်ကြောင့် ဘယ်မှာ အိုးခွဲအိမ်ခွဲနေလို့ရမလဲ။ ကျုပ်တို့ ‘ချမ်းဧသာစံ’ ခြံထဲမှာပဲ ပေါင်းနေရမှာပေါ့။ နောက် ကျုပ် နည်းနည်း ကြီးလာတော့မှ အကြောင်းသိရတယ်။ မေမေကြီးကြီး မကြာခဏ စိတ်ကောက်တတ်တာ၊ အမေ့အိမ်ဆင်းလာပြီး ငိုတာ အိပ်တာတွေက နောက်ကြောင်း မရှင်းမရှင်း ဇာတ်ထုပ်အရှုပ်ရှိလို့ကိုး…။ ဆရာကြင်က သူတို့မြို့ကလေးမှာ သားကြီး မယားကြီးရှိသတဲ့။ သားကြီး နှစ်ယောက်ကဆိုရင် အလုပ်အကိုင်တွေနဲ့ဆိုပဲ။ ဒါပေမယ့် ပေါင်းလဲ မပေါင်းတော့ပါဘူး၊ အဆက်အသွယ်လဲ မရှိတော့ပါဘူး ပြောတာပဲ။ ကျုပ်အမြင်မှာတော့ ဟုတ်သားပဲ။ ဆရာကြင် မန္တလေးက တဖဝါးမှခွာတာ မတွေ့ပါဘူး။ တနင်္ဂနွေနဲ့ ဥပုသ်နေ့ကျောင်းပိတ်တဲ့ ရက်တွေမှာရော၊ နွေရာသီ ကျောင်းရက်ရှည် ပိတ်ရက်တွေမှာရော နှစ်အိမ်ကြားက မန်ကျည်းအချိုပင်ရိပ် ကွပ်ပျစ်ပေါ်မှာ စာအုပ်တပုံ ကျောက်သင်ပုန်းတချပ်နဲ့ ထိုင်ဗေဒင် တွက်နေတော မြင်တာပဲ၊ အဲ ... တခုတော့ရှိတယ်။ ဘိုမေမေ့ ယောက်ျား ကျောင်းဆရာလို၊ အိမ်ရှေ့နေမေမေရဲ့ ယောက်ျား ကျောက်ပွဲစားလိုတော့ ကျုပ်တို့ကလေးတွေနဲ့ လက်ပွန်းတတီး ရင်းရင်းနှီးနှီးနေလေ့ မရှိဘူး။ ကျုပ်တို့တတွေကလဲ သူ့သမီးအရင်းကိုယ်တိုင်ရဲ့ ဖောက်သယ်ချထားချက်အရ ဟို့မွေးကင်းစလွန်လာခဲ့ကတည်းက သည်ဘကြီးကြင် ကောက်တည့်ပြီး ပွေ့ချီလိုက်မှာ ဖက်ရမ်းနမ်းရှုံ့လိုက်မှာကို … သူ့ ဗန္ဓုလနှုတ်ခမ်းမွေးကြီးကြောင့် တအားကြောက်ပြီး ပြေးတတ်ကြတာ။

ဆက်လက် ဖော်ပြပါမယ်။