ဒီနေ့ဖတ်စရာ သတင်းများ (ဇူလိုင်လ ၂၅ ရက်)

ဒေါ်စုနဲ့ အစိုးရဝန်ကြီး တွေ့ဆုံမှု ထူးခြားတဲ့ရလဒ် ရှိနိုင်ဟု NLD မျှော်လင့်
By မသင်းသီရိ တနင်္ဂနွေ, 24 ဇူလိုင် 2011

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အလုပ်သမား ၀န်ကြီးဌာနက ပြည်ထောင်စုဝန်ကြီး ဦးအောင်ကြည်တို့ဟာ မနက်ဖြန် ဇူလိုင်လ ၂၅ ရက် တနင်္လာနေ့ နေ့လယ် ၁ နာရီမှာ ရန်ကုန်မြို့က စိမ်းလဲ့ကန်သာ ဧည့်ဂေဟာမှာ တွေ့ဆုံ ဆွေးနွေးကြပါမယ်။

ဒါဟာ အစိုးရသစ် လက်ထက်မှာ ပထမဆုံးအကြိမ် တွေ့ဆုံတာ ဖြစ်သလို အရင် စစ်အစိုးရ လက်ထက်ကလို အဖြေမရခဲ့တဲ့ တွေ့ဆုံမှုမျိုး မဟုတ်ဘဲ ထူးခြားတဲ့ ရလဒ်ထွက်တဲ့ တွေ့ဆုံမှုမျိုးဖြစ်ဖို့ အမျိုးသား ဒီမိုကရေစီ အဖွဲ့ချုပ် (NLD) ဘက်က မျှော်လင့်ထားတယ်လို့ NLD ပါတီက ပြောပါတယ်။ အပြည့်အစုံကို မသင်းသီရိက တင်ပြပေးထားပါတယ်။

မနက်ဖြန် တနင်္လာနေ့ နေ့လယ်မှာ ရန်ကုန် စိမ်းလဲ့ကန်သာ ဧည့်ဂေဟာမှာ ၀န်ကြီး ဦးအောင်ကြည်က ဒေါ်အောင်ဆန်းစုကြည်နဲ့ တွေ့ဆုံပြီး ဆွေးနွေးမှုတွေလုပ်ဖို့ ပြည်ထဲရေး ၀န်ကြီးဌာနက ဒီကနေ့ NLD ပါတီကို လာရောက် အကြောင်းကြားခဲ့တာပါ။ NLD ပါတီရဲ့ ဗဟိုအလုပ်အမှုဆောင် အဖွဲ့ဝင်တွေ မပါဘဲ ဒေါ်အောင်ဆန်းစုကြည် တဦးတည်းနဲ့ပဲ တွေ့ဆုံမယ်လို့လည်း ဖိတ်ထားပါတယ်။

အရပ်သားအစိုးရ တက်လာအပြီး ၃ လကျော်အကြာ ဒေါ်အောင်ဆန်းစုကြည်နဲ့ ထိပ်ပိုင်းခေါင်းဆောင်တဦး တွေ့တာဟာ ဒါ ပထမဦးဆုံးအကြိမ် ဖြစ်ပေမဲ့ အရင် စစ်အစိုးရလက်ထက် ၂၀၀၇ ခုနှစ်ကစပြီး ဦးအောင်ကြည်ကို ဆက်ဆံရေးဝန်ကြီး အဖြစ် ခန့်အပ်ပြီး ဒေါ်အောင်ဆန်းစုကြည်နဲ့ ၉ ကြိမ်လောက် တွေ့ခဲ့ဖူးပါတယ်။

ဒီလို တွေ့ဆုံ ဆွေးနွေးမှုတွေ ရှိခဲ့ပေမဲ့ မြန်မာ့နိုင်ငံရေး ပြဿနာတွေအတွက် ပြေလည်ပြီး အောင်မြင်တဲ့ ဆွေးနွေးမှုတွေတော့ မဖြစ်ခဲ့ပါဘူး။ ဒါကြောင့် မနက်ဖြန်မှာ တွေ့ကြမယ့် ၂ ဘက် ဆွေးနွေးမှုတွေအတွင်း ဘယ်လိုအကြောင်းအရာတွေကို ဆွေးနွေး ပြောဆိုမယ်ဆိုတာ အတိအကျ မသိရသေးပေမဲ့ ဒီတွေ့ဆုံမှုတွေကနေ ထူးခြားတဲ့ ရလဒ်ရဖို့ မျှော်လင့်ထားတယ်လို့ NLD ပါတီ ပြောခွင့်ရသူ ဦးဉာဏ်ဝင်းက ပြောပါတယ်။

“ကျနော်တို့ အရင်တုန်းက တွေ့ခဲ့ဖူးပါတယ်၊ အချိန် တော်တော်များများ။ တွေ့လာတဲ့ အဖြေရလဒ် ဘာမှ မရခဲ့ဘူးလို့ပြောရင် ရပါတယ်။ သို့သော် အခု အစိုးရအဖွဲ့ကလည်း အပြောင်းအလဲ ရှိသွားပြီ။ ဘာပဲပြောပြော ပြည်သူ့လွှတ်တော်ကလည်း ရှိနေတယ်။ ဒီလို အခြေအနေမှာ အရင်လိုမဟုတ်ဘဲ ထူးခြားတဲ့ တွေ့ဆုံမှုဖြစ်ဖို့ ကျနော်တို့ မျှော်လင့်ထားပါတယ်။ ထိထိရောက်ရောက် အပြောင်းအလဲတွေ လုပ်နိုင်ဖို့၊ အဖွဲ့ချုပ်ရဲ့ ရပ်တည်မှုနဲ့ ပတ်သက်ပြီးတော့လည်း ဆွေးနွေးခွင့်ရရင် ဆွေးနွေးမှာပါ။”

နိုင်ငံမှာ အမျိုးသား ပြန်လည်သင့်မြတ်ရေးအတွက် အမျိုးသား ဒီမိုကရေစီ အဖွဲ့ချုပ်ဟာ ပြင်သာ ပြောင်းသာစွာနဲ့ တွေ့ဆုံဆွေးနွေးမှုတွေ လုပ်မယ်လို့ အခု အစိုးရသစ်ကို ကမ်းလှမ်းထားတာ ဖြစ်သလို ဒီဆွေးနွေးမှုတွေဟာ NLD ပါတီ အတွက်ရော အာဏာပိုင်တွေအတွက်ပါ ကောင်းစားဖို့ ဦးတည်ဆွေးနွေးတာမျိုး မဖြစ်သင့်ဘဲ လူထုကောင်းစားရေး အတွက်သာ ဖြစ်ရမယ် ဆိုတာနဲ့အတူ နိုင်ငံရေး အကျဉ်းသားတွေ အမြန်လွှတ်ပေးပြီး နိုင်ငံရေး အဓိပ္ပာယ် ပြည့်ဝတဲ့ ပတ်ဝန်းကျင် အခြေအနေကောင်းတွေ ဖန်တီးနိုင်ဖို့အတွက် အစိုးရနဲ့ တွေ့ဆုံ ဆွေးနွေးလိုတယ်လို့ ဒေါ်အောင်ဆန်းစုကြည်က စာရေး အကြောင်းကြား တောင်းဆိုထားတာတွေလည်း ရှိပါတယ်။

“သိသာ ထင်ရှားတဲ့၊ မြင်သာတဲ့ ပြုပြင်ပြောင်းလဲမှုဆိုတာ၊ နိုင်ငံရေးအကျဉ်းသား ဆိုတာ ဒီမိုကရေစီနိုင်ငံမှာ မရှိဘူးဗျ။ အဲတော့ နိုင်ငံရေးအကျဉ်းသားတွေ လွတ်မြောက်ရေး၊ တရားဥပဒေ စိုးမိုးရေး၊ လွတ်လပ်စွာ ပြောဆိုခွင့်၊ လွတ်လပ်စွာ သတင်းရယူခွင့်၊ တရားဥပဒေ စိုးမိုးရေး တိတိကျကျဖြစ်ဖို့၊ တရားရုံးတွေရဲ့ လွတ်လပ်မှု၊ ဒါတွေက အဓိကကျတဲ့ အပြောင်းအလဲတွေပါ။ ဒီကဏ္ဍတွေ ကဏ္ဍတွေမှာ အပြောင်းအလဲတွေ၊ တိုးတက်မှုတွေ ဒီကနေ စမယ်လို့ ကျနော်တော့ မျှော်လင့်ပါတယ်။”

NLD ပါတီ ပြောခွင့်ရသူ ဦးဉာဏ်ဝင်း ပြောပြခဲ့တာ ဖြစ်ပါတယ်။

မြန်မာအစိုးရဟာ ၂၀၁၄ ခုနှစ်မှာ အာဆီယံ အလှည့်ကျ ဥက္ကဋ္ဌအဖြစ် တာဝန်ယူနိုင်ဖို့ နိုင်ငံရေး ပြုပြင်ပြောင်းလဲမှုတွေ အစစ်အမှန်ဖြစ်ဖို့၊ တခါ သမ္မတရဲ့ ပထမဆုံး မိန့်ခွန်းထဲက ကတိစကားတွေကို အမြန်ဆုံး အကောင်အထည် ဖော်ဖို့အတွက် မြန်မာအစိုးရကို နိုင်ငံတကာက ဖိအားပေး တောင်းဆိုနေတာတွေ ရှိပါတယ်။ ဒါ့ကြောင့် ဒီတွေ့ဆုံ ဆွေးနွေးမှုတွေဟာ နိုင်ငံတကာကို ချပြဖို့ ဟန်ပြမျိုး မဖြစ်သင့်ဘဲ တိုးတက်တဲ့ နောက်ဆက်တွဲ အခြေအနေတွေကိုပါ ကြည့်ပြီးတော့ နိုင်ငံတကာက သုံးသပ်လေ့လာဖို့ လိုတယ်လို့ ပြည်တွင်း သတင်းအယ်ဒီတာ တဦးက ဆိုပါတယ်။

“လောလောဆယ် အာဆီယံဥက္ကဋ္ဌ ဖြစ်ရေးအတွက်လည်း မြန်မာအစိုးရသစ်က ကြိုးစားနေပါတယ်။ အဲဒီလို ကြိုးစားနေတဲ့ အခါမှာ အာဆီယံနိုင်ငံတွေ အပါအ၀င် အာဆီယံရဲ့ မိတ်ဆွေနိုင်ငံ၊ အထူးသဖြင့် အမေရိကန်နိုင်ငံရဲ့ အနေအထားကတော့ လက်ရှိ မြန်မာ့နိုင်ငံရေး အနေအထားအရ ဥက္ကဋ္ဌဖြစ်ဖို့ကို သူတို့က သဘောတူနိုင်မယ့် အနေအထား မရှိပါဘူး။

“ဒီတော့ အဲဒီလို အာဆီယံ ဥက္ကဋ္ဌ ဖြစ်နိုင်ဖို့ဆိုရင် အစိုးရဘက်က ပြုပြင်ပြောင်းလဲရေးတွေ လုပ်ရပါလိမ့်မယ်။ အဲဒီလို ပြုပြင်ပြောင်းလဲရေးတွေ လုပ်တဲ့အခါမှာ အရေးအကြီးဆုံးကတော့ ဒေါ်အောင်ဆန်းစုကြည်နဲ့ တွေ့ဆုံဖို့ ဖြစ်တယ်၊ တွေ့ဆုံ ဆွေးနွေးရေးတွေ လုပ်ဖို့ဖြစ်တယ်။ အဲဒီလို လုပ်လို့ရှိရင် မြန်မာအစိုးရအတွက် အခွင့်အလမ်းကောင်းတွေ ပေါ်ပေါက်လာနိုင်ပါတယ်။

“နိုင်ငံရေး အခွင့်အလမ်းကောင်းတွေတင် မဟုတ်ဘူး၊ Sanctions တွေ ချမှတ်ထားတဲ့ ကိစ္စတွေနဲ့ ပတ်သက်ပြီးတော့လည်း အခုလို တွေ့ဆုံဆွေးနွေး အဖြေရှာခြင်းကတဆင့် Sanctions တွေအတွက်လည်း အခွင့်အလမ်းကောင်းတွေ ပေါ်လာနိုင်တယ်လို့ အဲဒီလို မြင်ပါတယ်။”

အခုလို မြန်မာအစိုးရ တာဝန်ရှိသူတွေနဲ့ ဒေါ်အောင်ဆန်းစုကြည်တို့ တွေ့မယ် ဆိုတာဟာ ထူးခြားတဲ့ ဖြစ်စဉ်လို့ သုံးသပ်တာတွေ ရှိသလို NLD ပါတီကို တရားမ၀င်ဘူးလို့ အစိုးရဘက်က ပြောတာတွေ၊ တခါ အစိုးရ သတင်းစာတွေထဲမှာ ဒေါ်အောင်ဆန်းစုကြည်နဲ့ NLD ပါတီရဲ့ လှုပ်ရှားမှုတွေနဲ့ ပတ်သက်ပြီး ဝေဖန် ရေးသားတာမျိုးတွေကို တွေ့ရတာမို့ အခု အစိုးရဘက်က ခြေလှမ်းတွေကို သတိထား စောင့်ကြည့်ရမယ်လို့လည်း သုံးသပ်သူတွေ ရှိနေပါတယ်။

မြန်မာအစိုးရတပ်တွေ SSA ၀မ့်ဟိုင်းဌာနချုပ်ကို ၀ိုင်းရံပိတ်ဆို့

By နိုင်ကွန်းအိန် တနင်္ဂနွေ, 24 ဇူလိုင် 2011

တိုက်ပွဲဖြစ်နေတာ သီတင်း ၂ ပတ်နီးပါး ရှိပြီဖြစ်တဲ့ ရှမ်းပြည်နယ် တောင်ပိုင်းဒေသက နယ်ခြားစောင့်တပ် ဖွဲ့စည်းရေးကို လက်မခံတဲ့ ရှမ်းပြည်တိုးတက်ရေးပါတီ (SSPP) ရဲ့ ၀မ့်ဟိုင်းဌာနချုပ် စခန်းကို မြန်မာအစိုးရတပ်က အင်အားအလုံးအရင်းနဲ့ ၀ိုင်းရံပိတ်ဆို့ထားတယ်လို့ သိရပါတယ်။

မြန်မာစစ်တပ်ဟာ ၀မ့်ဟိုင်းဌာနချုပ်နဲ့ တဖာလုံကွာမှာ ရောက်နေပြီ ဖြစ်ပေမဲ့ SSPP အနေနဲ့ကတော့ ဘယ်သူ့ဆီကမှ အကူအညီတွေ မရလည်း ဆက်ပြီး ခုခံ တိုက်ခိုက်သွားမယ်လို့ အဖွဲ့ရဲ့ ပြောရေးဆိုခွင့်ရှိသူတွေက ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် နိုင်ကွန်းအိန်က တင်ပြပေးထားပါတယ်။

ရှမ်းပြည်နယ်တောင်ပိုင်း ကျေးသီးမြို့နယ် အတွင်းမှာရှိတဲ့ ရှမ်းပြည်တိုးတက်ရေးပါတီ ၀မ့်ဟိုင်းဌာနချုပ်ကို သိမ်းပိုက်ဖို့ ထိုးစစ်ဆင် တိုက်ခိုက်နေတဲ့ မြန်မာစစ်တပ်ဟာ နောက်ဆုံးဝင်လာတဲ့ သတင်းအရ ဌာနချုပ်နဲ့ တဖာလုံနေရာမှာ ရှေ့မတိုးနိုင်ဘဲ ရပ်တန့်နေတယ်လို့ ရှမ်းပြည်တိုးတက်ရေးပါတီ ခေါင်းဆောင်တဦးက ပြောပါတယ်။ ဒါ့အပြင် မြန်မာစစ်တပ်တွေဟာ အင်အားအလုံးအရင်းနဲ့ ၀မ့်ဟိုင်းဌာနချုပ်ကို ၀ိုင်းရံပိတ်ဆို့ထားတယ်လို့ ရှမ်းပြည်တိုးတက်ရေးပါတီ ပြောရေးဆိုခွင့်ရှိသူ ဗိုလ်မှူး စိုင်းလက အခုလို ပြောပါတယ်။

“နောက်ဆုံးအခြေအနေတော့ ဒီအတိုင်းပဲ ရပ်နေတယ်ခင်ဗျ။ လမ်းကြောင်းမှန်သမျှ သူတို့က ပိတ်ဆို့ထားတယ်။ အလုံးအရင်းနဲ့လည်း ၀ိုင်းထားတယ်။ မိုင်းနောင်၊ မိုင်းရှူး ကားလမ်းပေါ်လေ၊ အဲဒီလမ်းတလျှောက် သူတို့ အားလုံးရှိတယ်ခင်ဗျ။ ကျေးသီး မိုင်းနောင် ကားလမ်းတို့၊ အဲဒီ မူဆယ် နမ့်ခမ်းဘက် လမ်းကြောင်းရော၊ လားရှိုး သီပေါ ကျောက်မဲ အဲဒီလမ်းကြောင်းတွေပါ သူတို့ အားလုံးချထားတယ်ခင်ဗျ။”

မြန်မာစစ်တပ်အနေနဲ့ ၀မ့်ဟိုင်းဌာနချုပ်ကို သိမ်းဖို့အတွက် လေးဘက်လေးတန် ၀ိုင်းဝန်းပိတ်ဆို့ထားတယ်လို့လည်း ဆိုပါတယ်။ ဒါ့အပြင် မြန်မာစစ်တပ်ဘက်ကနေ စစ်လေယာဉ် အကူအညီတွေပါ ရောက်ရှိနေတယ်လို့ ဗိုလ်မှူး စိုင်းလက အခုလို ပြောပါတယ်။

“နေပြည်တော်က စေလွှတ်ခဲ့တဲ့ လေယာဉ် ၇ စီးလေ၊ နမ့်ဆန်မှာ ရှိနေဆဲပဲခင်ဗျ။ ရာသီဥတုမကောင်းဘူး ကျနော်တို့ ၀မ့်ဟိုင်းဘက်မှာ။ အဲဒါ မသွားဖြစ်သေးဘူး ထင်တယ်။ ဟိုဘက်မှာ မိုးရွာနေတယ်လေ။”

အခုလို ၀မ့်ဟိုင်း စခန်းသိမ်းတိုက်ပွဲမှာ မြန်မာစစ်တပ်ဘက်ကနေ စစ်လေယာဉ်သုံးပြီး တိုက်ခိုက်လိမ့်မယ်လို့ ရှမ်းပြည်တိုးတက်ရေးပါတီကနေ ယူဆထားပါတယ်။ ဒီသတင်းနဲ့ ပတ်သက်လို့ကတော့ သီးခြား အတည်ပြုချက် မရရှိသေးပါဘူး။

အခုဆိုရင် မြန်မာစစ်တပ်ဟာ ၀မ့်ဟိုင်းဌာနချုပ်ကို သိမ်းဖို့ အနီးကပ်ဆုံး ရောက်ရှိနေပြီး အရေးကြီးတဲ့ အခြေအနေမှာ SSA တောင်ပိုင်းတပ်ဖွဲ့ အနေနဲ့ စစ်ရေးအကူအညီ ပေးပို့တာ မရှိပေမဲ့ ရှမ်းပြည်တိုးတက်ရေးပါတီ အနေနဲ့ တဖွဲ့တည်း ခံတိုက်သွားမယ်လို့ ရှမ်းပြည်တိုးတက်ရေးပါတီ ပြောရေးဆိုခွင့်ရှိသူ ဗိုလ်မှူး စိုင်းလက ဆက်ပြောပါတယ်။

“ကျနော်တို့ ဘယ်လိုမှ မဆုံးဖြတ်ပါဘူး။ ဘယ်သူမှ မကူလည်း ကျနော်တို့ ဒီအတိုင်း တိုက်သွားမှာပဲ။ အရင်ကလည်း တိုက်နေကျပဲ။ ကျနော်တို့အတွက်တော့ သိပ်မဆန်းတော့ဘူးခင်ဗျ။ ကျနော်တို့ ၀မ့်ဟိုင်းဌာနချုပ် ကျသွားလည်း ကိစ္စမရှိဘူးလေ။ ကျနော်တို့အတွက်တော့ ဘာမှမဆန်းပါဘူး။ ကျနော်တို့ ငြိမ်းချမ်းရေး မယူခင်တုန်းကလည်း အဲဒီလိုပဲ ကျောပိုးအိတ်ဌာနချုပ်နဲ့ လှည့်လည်နေတာပဲ။”

ဗိုလ်ချုပ် ရွက်ဆစ် ဦးဆောင်တဲ့ တောင်ပိုင်း SSA တပ်ဖွဲ့နဲ့ ဗိုလ်ချုပ် ပန်ဖ ဦးဆောင်တဲ့ မြောက်ပိုင်း SSA တပ်ဖွဲ့တို့ဟာ တဖွဲ့တည်း ပေါင်းစည်းသွားခဲ့ပြီလို့ ဗိုလ်ချုပ် ရွက်ဆစ်ကနေ တရားဝင် ပြောဆိုခဲ့ပါတယ်။ ဒါပေမဲ့ လက်တွေ့ အနေအထား အရတော့ လုပ်ငန်းစဉ်ပိုင်းဆိုင်ရာ နောက်ထပ် ဆွေးနွေးစရာ ရှိနေသေးတယ်လို့လည်း တောင်ပိုင်း SSA တပ်ဖွဲ့ရဲ့ ပြောရေးဆိုခွင့်ရှိသူ ဗိုလ်မှူး စိုင်းလောင်ဆိုင် ပြောပါတယ်။

မြောက်ပိုင်း SSA တပ်ဖွဲ့ဟာ ၁၉၈၉ ခုနှစ်မှာ မြန်မာအစိုးရကနေ ထိန်းသိမ်းထားတဲ့ ဗိုလ်ချုပ် ဆေထင် ခေါင်းဆောင်ပြီး မြန်မာစစ်အစိုးရနဲ့ အပစ်အခတ် ရပ်စဲခဲ့ပါတယ်။ ၂၀၁၀ ခုနှစ်မှာတော့ နယ်ခြားစောင့်တပ် အသွင်ပြောင်းရေးကိစ္စနဲ့ ပတ်သက်ပြီး မြောက်ပိုင်း SSA တပ်ဖွဲ့ နှစ်ခြမ်းကွဲခဲ့ပါတယ်။

ဥက္ကဋ္ဌ ဦးလွယ်မောင်း ဦးစီးတဲ့ တပ်မဟာ ၄၊ တပ်မဟာ ၇ နဲ့ ဌာနချုပ် တပ်ဖွဲ့တို့ဟာ စစ်အစိုးရ တိုက်တွန်းထားတဲ့ ဌာနေ ပြည်သူ့စစ်တပ်အသွင်ကို ပြောင်းလဲသွားပါတယ်။ တပ်အသွင်ပြောင်းရေးကို လက်မခံတဲ့ စစ်ဦးစီးချုပ် ဗိုလ်ချုပ် ကိုင်ဖဟာ တပ်မဟာ ၁ ကို ဆက်လက်ဦးဆောင်ပြီး SSA/SSPP ခေါ် ရှမ်းပြည်တိုးတက်ရေးပါတီ အမည် ပြောင်းလဲခဲ့ပါတယ်။

၂၀၁၁ ခုနှစ် မတ်လမှာ မြန်မာစစ်တပ်ကနေ တပ်အသွင် ပြောင်းရေးကို လက်မခံတဲ့ ရှမ်းပြည်တိုးတက်ရေးပါတီကို စတင်တိုက်ခိုက်လာရာကနေ နှစ်ဘက် တိုက်ပွဲတွေ စတင်ဖြစ်ပွားခဲ့ပါတယ်။

မြန်မာကို ဥက္ကဋ္ဌတာဝန်ပေးဖို့ အာဆီယံ အဆင်သင့် မဖြစ်သေး

By ဗွီအိုအေ (မြန်မာဌာန) တနင်္ဂနွေ, 24 ဇူလိုင် 2011

အာဆီယံအဖွဲ့ရဲ့ ၂၀၁၄ ခုနှစ် အလှည့်ကျ ဥက္ကဋ္ဌတာဝန် မြန်မာနိုင်ငံကို ပေးရေး မပေးရေးနဲ့ ပတ်သက်လို့ အာဆီယံအဖွဲ့က မဆုံးဖြတ်နိုင်သေးဘူးလို့ လက်ရှိ အာဆီယံ အလှည့်ကျ ဥက္ကဋ္ဌတာဝန် ယူထားတဲ့ အင်ဒိုနီးရှားနိုင်ငံရဲ့ နိုင်ငံခြားရေးဝန်ကြီး မာတီ နာတာလေဂါဝါ (Marty Natalegawa) က ပြောပါတယ်။

မြန်မာနိုင်ငံဟာ အာဆီယံ ဥက္ကဋ္ဌတာဝန် ယူဖို့ တကယ်ပဲ အသင့်ဖြစ်နေပြီလား ဆိုတာကို လက်ခံနိုင်လောက်တဲ့ အဆင့်ရောက်ဖို့ လိုသေးတဲ့အတွက် အခုနောက်ဆုံး အာဆီယံ နိုင်ငံခြားရေး ဝန်ကြီးတွေရဲ့ တွေ့ဆုံပွဲမှာ ဆုံးဖြတ်ချက် မချတာ ဖြစ်တယ်လို့ ဝန်ကြီး နာတာလေဂါဝါက တနင်္ဂနွေနေ့က ပြောခဲ့ပါတယ်။

အာဆီယံ ဒေသတွင်း လုံခြုံရေး စည်းဝေးပွဲ လာတက်တဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) နဲ့ ဂျကာတာမြို့တော်မှာ တွေ့ဆုံအပြီး ပူးတွဲပြုလုပ်တဲ့ သတင်းစာ ရှင်းလင်းပွဲမှာ အင်ဒိုနီးရှား နိုင်ငံခြားရေးဝန်ကြီးက အခုလို ပြောသွားတာပါ။

အဖွဲ့ဝင်နိုင်ငံတွေ အားလုံး တသားတည်း ဖြစ်နိုင်မယ့် စီးပွားရေး အသိုင်းအဝိုင်းကြီးအဖြစ် ၂၀၁၅ ခုနှစ် မကုန်ခင် ဖော်ဆောင်နိုင်အောင် ရည်ရွယ်ထားတာမို့ ဒီ့မတိုင်ခင် ၁ နှစ်အလို ၂၀၁၄ ခုနှစ်မှာ အလှည့်ကျ ဥက္ကဋ္ဌတာဝန် မြန်မာနိုင်ငံက ယူမှာကို စိတ်ချလက်ချ ရှိသလားဆိုတဲ့ အပေါ်မှာ ဆွေးနွေးစရာတွေ အများကြီး ရှိသေးတယ်လို့လည်း သူက ပြောကြားသွားပါတယ်။

ဒီမိုကရေစီ ဖော်ဆောင်ရေးကို မြန်မာနိုင်ငံက လုပ်နေဆဲပဲလို့လည်း အင်ဒိုနီးရှား နိုင်ငံခြားရေးဝန်ကြီး မာတီ နာတာလေဂါဝါက ပြောကြားသွားပါတယ်။
အမေရိကန် နိုင်ငံခြားရေးဝန်ကြီး ဟီလာရီ ကလင်တန်ကလည်း မြန်မာနိုင်ငံမှာ နိုင်ငံရေး အကျဉ်းသားတွေ ပြန်လွှတ်ပေးရမှာ ဖြစ်သလို ဒေါ်အောင်ဆန်းစုကြည်ဘက်က သဘာဝကျတဲ့ အကြံပြုချက်တွေ၊ စိုးရိမ်ချက်တွေကို ပြန်လည် တုံ့ပြန်နိုင်မယ့် သူတွေနဲ့ အဓိပ္ပာယ်ရှိတဲ့ တွေ့ဆုံဆွေးနွေးမှု လုပ်ရမယ်လို့ ပြောခဲ့ပါတယ်။

မြန်မာပြည်သူတွေ လက်တွေ့ ခံစားနိုင်တဲ့ အပြောင်းအလဲတွေ ဖြစ်ဖို့လည်း အမေရိကန်က ဆက်လက် ဖိအားပေးသွားမယ်လို့ အမေရိကန် နိုင်ငံခြားရေးဝန်ကြီးက သတင်းစာ ရှင်းလင်းပွဲမှာ ပြောကြားသွားပါတယ်။

တရုတ် ကျည်ဆံရထား ၂ စီးတိုက်မှု လူ ၃၀ ကျော် သေဆုံး

By ဗွီအိုအေ (မြန်မာဌာန) တနင်္ဂနွေ, 24 ဇူလိုင် 2011

တရုတ်နိုင်ငံက ကျည်ဆံရထား ၂ စီး မနေ့ညတုန်းက တိုက်ခဲ့ကြလို့ သေဆုံးသူဦးရေဟာ ၃၅ ဦးထက်မနည်း ရှိသွားပါပြီ။ ဒဏ်ရာရသူတွေလည်း ၂၀၀ ကျော် ရှိနေပါတယ်။ ဟန်ဇိုးမြို့ (Hangzhou) ကနေ ဇေဂျန်းပြည်နယ် (Zhejiang) ၀မ်ဇိုးမြို့ (Wenzhou) ကို ထွက်လာတဲ့လမ်းမှာ ရထားတိုက်မှု ဖြစ်ခဲ့တာပါ။

တိုက်ခိုက်မှုဖြစ်ပြီး ၂၁ နာရီအကြာမှာ ရထားတွဲတွေထဲက ၄ နှစ်အရွယ် ယောက်ျားလေးတဦးကို ကယ်ဆယ်ရေး လုပ်သားတွေက ကယ်ထုတ်နိုင်ခဲ့ပါတယ်။

တရုတ်နိုင်ငံ ရုပ်မြင်သံကြားတွေမှာ ပြသနေတာက လူစီးရထားတွဲတခုက တံတားပေါ်ကနေ တွဲလောင်းကျနေပြီး နောက်တတွဲက မြေကြီးပေါ်မှာ ရောက်နေပါတယ်။

ရထားကို မိုးကြိုးပစ်ခံရပြီး လျှပ်စစ်ဓာတ်အား ပြတ်တောက်လို့ ရပ်နေတဲ့ အချိန်မှာ နောက်ထပ် ကျည်ဆံရထား တစီးက ၀င်တိုက်ခဲ့တာပါ။ အရေးပေါ် ကူညီကယ်ဆယ်ရေး လုပ်သားတွေကတော့ ရထားတိုက်မှုနေရာမှာ ကူညီနေကြပါတယ်။

တရုတ် ဒု-၀န်ကြီးချုပ် ဇန်ဒီဂျင်းကလည်း ကယ်ဆယ်ရေး လုပ်ငန်းတွေကို သွားပြီး ကြည့်နေပါတယ်။ တရုတ် မီးရထား ၀န်ကြီးဌာနကတော့ အခုအဖြစ်အပျက်နဲ့ ပတ်သက်ပြီး တောင်းပန်ထားပါတယ်။ မီးရထား အဆင့်မြင့် အရာရှိ ၃ ဦးကိုလည်း အလုပ်ဖြုတ်တဲ့အကြောင်း တရုတ်အစိုးရပိုင် သတင်းမီဒီယာတွေမှာ ဖော်ပြထားပါတယ်။

အခုလဆန်းတုန်းကလည်း ဘေဂျင်း (Beijing) နဲ့ ရှန်ဟိုင်း (Shanghai) ပြေးဆွဲနေတဲ့ တရုတ် ကျည်ဆံရထား မုန်တိုင်းမိလို့ ပျက်ခဲ့ရပြီး တနာရီခွဲလောက် မထွက်နိုင်ဘဲ ဖြစ်ခဲ့ရပါတယ်။
တရုတ်အစိုးရဟာ နိုင်ငံတွင်းက မြို့ကြီးတွေကို ကျည်ဆံရထားတွေနဲ့ ဆက်သွယ် ပြေးဆွဲရေးအတွက် အမေရိကန်ဒေါ်လာ ဘီလျံနဲ့ချီ သုံးစွဲခဲ့တာပါ။

၃ စီးမြောက် ထိုင်းစစ်ရဟတ်ယာဉ် ပျက်ကျ

By ဗွီအိုအေ (မြန်မာဌာန) တနင်္ဂနွေ, 24 ဇူလိုင် 2011

ထိုင်း၊ မြန်မာ နယ်စပ်နားမှာ ထိုင်းစစ်ရဟတ်ယာဉ်တစီး ဒီကနေ့ ပျက်ကျခဲ့လို့ ထိုင်းစစ်သား ၃ ဦး သေဆုံးပြီး တဦး ဒဏ်ရာရခဲ့တယ်လို့ ထိုင်းအရာရှိတွေက ပြောပါတယ်။ အခုတလော ထိုင်း၊ မြန်မာ နယ်စပ်နားမှာပဲ ထိုင်းစစ်ရဟတ်ယာဉ်တွေ ပျက်ကျတာ ၃ စီး ရှိသွားပါပြီ။

ပြီးခဲ့တဲ့ အင်္ဂါနေ့က ပျက်ကျခဲ့တဲ့ ရဟတ်ယာဉ်မှာ ပါသွားသူတွေရဲ့ အလောင်းတွေကို သယ်ဆောင်ဖို့ ထပ်သွားတဲ့တစီး ဒီကနေ့ ပျက်ကျတာပါ။ အဲဒီရဟတ်ယာဉ်ပေါ်မှာ စစ်ရဟတ်ယာဉ်မှူး ၂ ဦးနဲ့ စက်ပြင် ၂ ဦး ပါသွားပြီး တဦးပဲ အသက်ရှင်တယ်လို့ ဆိုပါတယ်။ ဒါနဲ့ပါဆိုရင် ပျက်ကျခဲ့တဲ့ ရဟတ်ယာဉ် ၃ စီးမှာ ပါဝင်ခဲ့သူတွေ သေဆုံးတာ ၁၇ ဦး ရှိသွားပါပြီ။

ဒီကနေ့ပျက်ကျတာက Bell 212 အမျိုးအစား စစ်ရဟတ်ယာဉ် ဖြစ်ပါတယ်။ ထိုင်း၊ မြန်မာ နယ်စပ်အနီးက ထိုင်းဘေးမဲ့ကြိုးဝိုင်း သစ်တောအတွင်းမှာ မီးလောင်နေတဲ့ ရဟတ်ယာဉ်ရဲ့ ပုံကို ထိုင်းနိုင်ငံ ရုပ်မြင်သံကြားတွေမှာ ပြသခဲ့ပါတယ်။ ဒီကနေ့ ပျက်ကျခဲ့တဲ့ အချိန်မှာ ရာသီဥတုက ပုံမှန်အခြေအနေပဲလို့ ဆိုပါတယ်။

ပြီးခဲ့တဲ့ ဇူလိုင်လ ၁၆ ရက်နေ့တုန်းက ပျက်ကျခဲ့တဲ့ စစ်ရဟတ်ယာဉ်မှာ ထိုင်းစစ်သား ၅ ဦး သေဆုံးခဲ့ပြီး အဲဒီလူတွေရဲ့ အလောင်းတွေကို သယ်ဖို့သွားတဲ့ နောက်ရဟတ်ယာဉ် တစီးက ပြီးခဲ့တဲ့ အင်္ဂါနေ့မှာ တခါပျက်ကျတော့ အဲဒီမှာ ထိုင်းစစ်သား ၈ ဦးနဲ့ ရုပ်မြင်သံကြား ကင်မရာသမားတဦး သေဆုံးခဲ့ပါတယ်။

မြန်မာနိုင်ငံမှာ လူသတ်မှု ကျူးလွန်ခဲ့ကြောင်း သြစတြေလျရောက် နောက်ထပ် ဒုက္ခသည်တဦး ဝန်ခံ

2011-07-24 RFA

သြစတြေးလျနိုင်ငံမှာ ဒုက္ခသည်အဖြစ် ခိုလှုံ နေထိုင်သူ မြန်မာစစ်ထောက်လှမ်းရေးဟောင်း ဆိုသူ နောက်တဦးက မြန်မာနိုင်ငံမှာ လူ ၄ဝ နဲ့ ၅ဝ ကြား သတ်ဖြတ်မှု ကျူးလွန်ခဲ့ကြောင်း ဒီကနေ့ ဝန်ခံ ပြောကြားလိုက်ပါတယ်။

မြန်မာစစ်အစိုးရရဲ့ အမိန့်ပေး ခိုင်းစေမှုကြောင့် ၁၉၈၄ ခုနှစ်ကနေ ၁၉၈၇ ခုနှစ်အတွင်း ကရင် တော်လှန်ရေးသမား ၅ဝ နီးပါး သတ်ဖြတ်ခံခဲ့ရမှုအတွက် သူ့မှာ တာဝန်ရှိတယ်လို့ အသက် ၄၄ နှစ်အရွယ် ကရင်တိုင်းရင်းသား ကိုမွန်းဆာ ဆိုသူက ထုတ်ဖော် ပြောကြားလိုက်ပါတယ်။

ဒီ ကျူးလွန်ခဲ့မှုတွေအတွက် မိမိမှာ အပြစ်ရှိကြောင်း၊ စစ်အစိုးရက ကရင်လူမျိုး အချင်းချင်း သတ်ဖြတ်ဖို့ မိမိကို ဓားတချောင်းသဖွယ် အသုံးချခဲ့ကြောင်း အဲဒီ ကိုမွန်းဆာ ဆိုသူက ပြောပါတယ်။

ရှစ်လေးလုံး အရေးအခင်းအတွင်း လူတွေ ရာနဲ့ချီ သတ်ဖြတ်ခဲ့မှုမှာ ပါဝင် ကျူးလွန်ခဲ့ကြောင်း ကိုထူးထူးဟန် ဆိုသူက ပြောကြားအပြီး ရက်ပိုင်းအတွင်းမှာ သြစတြေလျ နိုင်ငံသား ကိုမွန်းဆာက ဒုတိယမြောက် အခုလို ဝန်ခံ ပြောဆိုလိုက်တာ ဖြစ်ပါတယ်။

ကိုထူးထူးဟန်ဟာ သြစတြေးလျနိုင်ငံမှာ သူနဲ့ လုပ်ဖော်ကိုင်ဘက် ပြစ်မှုကျူးလွန်ခဲ့သူ စစ်ထောက်လှမ်းရေး အရာရှိဟောင်း ၉ ဦး ရှိကြောင်း ပြောဆိုထားပြီး ဒီကနေ့ ဝန်ခံထွက်ဆိုသူ ကိုမွန်းဆာကိုတော့ သိကျွမ်းမှု မရှိကြောင်း ပြောပါတယ်။

လောလောဆယ်အထိတော့ ကိုထူးထူးဟန်ကိုရော၊ ကိုမွန်းဆာကိုပါ သြစတြေလျ အာဏာပိုင်တွေက ဖမ်းဆီး အရေးယူတာ မရှိသေးသလို သူတို့ရဲ့ ဝန်ခံ ပြောဆိုချက်တွေနဲ့ ပတ်သက်လို့ RFA က သီးခြား အတည်ပြုနိုင်ခြင်း မရှိသေးပါဘူး။

မြန်မာ့ လူ့အခွင့်အရေးအခြေအနေအပေါ် စိုးရိမ်ကြောင်း ကနေဒါပြောကြား

2011-07-24 RFA

ကနေဒါနိုင်ငံအနေနဲ့ မြန်မာနိုင်ငံနဲ့ သံအမတ်ကြီး အပြန်အလှန် ခန့်အပ် တာ အပါအဝင် မဟာဗျူဟာမြောက် ထိတွေ့ဆက်ဆံရေး စတင်ထားပြီ ဖြစ်ပေမယ့် မြန်မာနိုင်ငံအပေါ် ကနေဒါက ချမှတ်ထား တဲ့ ပိတ်ဆို့ အရေးယူမှုတွေကိုတော့ ဖယ်ရှားဖို့ မရှိသေးဘူးလို့ ကနေဒါ နိုင်ငံခြားရေးဝန်ကြီး John Baird က ပြောကြားလိုက်ပါတယ်။

အင်ဒိုနီးရှားနိုင်ငံ ဘာလီကျွန်းမှာ ကျင်းပနေတဲ့ အာရှ လုံခြုံရေး ညီလာခံမှာ မနေ့က ပြောကြားလိုက်တာဖြစ်ပြီး မြန်မာနိုင်ငံနဲ့ ထိတွေ့ဆက်ဆံရေးဟာ လူ့အခွင့်အရေးကိစ္စ ပြောဆို ဆွေးနွေးနိုင်ရေး သက်သက်သာ ဖြစ်တယ်လို့လည်း ကနေဒါ နိုင်ငံခြားရေးဝန်ကြီးက ပြောပါတယ်။

မြန်မာနိုင်ငံက လူ့အခွင့်ရေး အခြေနေတွေကို မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်နဲ့ ဘာလီမှာ တွေ့ဆုံစဉ်မှာ ထည့်သွင်း ပြောကြားခဲ့တယ်လို့လည်း သူက သတင်းထောက်တွေကို ပြောပါတယ်။

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အနေနဲ့ မြန်မာနိုင်ငံအတွင်း လွတ်လပ်စွာ သွားလာခွင့်ရှိရေးနဲ့ လုံခြုံရေး ကိစ္စတွေကို ကနေဒါအစိုးရနဲ့ ကနေဒါပြည်သူတွေက စိုးရိမ် ပူပန်နေတာကိုလည်း မြန်မာ နိုင်ငံခြားရေးဝန်ကြီးကို ပြောကြားခဲ့တယ်လို့ Mr. Baird က ပြောပါတယ်။

အလားတူပဲ ကနေဒါ နိုင်ငံခြားရေးဝန်ကြီးအနေနဲ့ မြန်မာနိုင်ငံက လူ့အခွင့်အရေး အခြေအနေတွေနဲ့ ပတ်သက်လို့ သြစတြေလျနဲ့ နယူးဇီလန် နိုင်ငံခြားရေးဝန်ကြီးတွေနဲ့ တွေ့ဆုံ ဆွေးနွေးစဉ်မှာလည်း ထည့်သွင်း ဆွေးနွေးခဲ့တယ်လို့ သိရပါတယ်။

ကနေဒါနိုင်ငံဟာ မြန်မာနိုင်ငံအပေါ် စီးပွားရေးအရ ပိတ်ဆို့ အရေးယူမှုတွေကို ၂ဝဝ၇ ခုနှစ်မှာ ချမှတ်ခဲ့တဲ့ နိုင်ငံ ဖြစ်ပါတယ်။

အလုပ်သမားအခွင့်ရေးဆိုင်ရာ ဆွေးနွေးပွဲ ထန်းတပင်မှာ ပြုလုပ်

2011-07-24 RFA

ရန်ကုန်တိုင်း ထန်းတပင်မြို့နယ် မငေးစု ကျေးရွာမှာ ဒီကနေ့ ညနေပိုင်း က အလုပ်သမား အခွင့်အရေး ဆိုင်ရာ ဆွေးနွေးပွဲတခု ပြုလုပ်ခဲ့ကြောင်း သတင်းရရှိပါတယ်။

ကုလသမဂ္ဂ ပြဌာန်းချက်ပါ အခြေခံ အလုပ်သမား အခွင့်အရေးတွေနဲ့ လက်ရှိ မြန်မာနိုင်ငံရဲ့ တည်ဆဲဥပဒေအရ ရရှိ ခံစားနိုင်မယ့် အလုပ်သမား အခွင့်အရေးတွေကို ဆွေးနွေးကြတာ ဖြစ်တယ်လို့ ဦးဆောင်ဆွေးနွေးရာမှာ ပါဝင်တဲ့ HRDP လူ့အခွင့်အရေး မြှင့်တင်သူများ အဖွဲ့က ဦးမောင်မောင်လေးက ပြောပြပါတယ်။

“အလုပ်သမားတွေနဲ့ ပတ်သက်တဲ့ အခြေခံ အခွင့်အရေးတွေ၊ ILO Convention တွေနဲ့ ပတ်သက်တဲ့ ကိစ္စတွေကို Workshop သွားလုပ်ပေးနေတာပါ။ အလုပ်သမား အခွင့်အရေး သဘောတူညီချက် (၂၉) ဖြန့်ဝေပါတယ်၊ အဓမ္မ လုပ်အား ခိုင်းစေမှုနဲ့ ပတ်သက်တဲ့ကိစ္စတွေ ဆွေးနွေး ဖြန့်ဝေပါတယ်”

ဒီဆွေးနွေးပွဲကို ဒေသခံ အလုပ်သမား ၃ဝ ကျော်လောက် တက်ရောက်ခဲ့တယ်လို့ သိရပါတယ်။ မြန်မာနိုင်ငံမှာ တရားဝင် အလုပ်သမားသမဂ္ဂ ဖွဲ့စည်းခွင့် မရရှိတဲ့အတွက် အလုပ်သမားတွေ ကိုယ်တိုင် တည်ဆဲဥပဒေတွေနဲ့ နိုင်ငံတကာ သဘောတူညီချက်ပါ အလုပ်သမား အခွင့်အရေးတွေကို သိရှိနားလည်စေဖို့ အဓိကရည်ရွယ်တာ ဖြစ်တယ်လို့ သိရပါတယ်။

ပဲခူးရေကြီး ဘူတာရုံရှေ့ လှေလှော်နေရ

ဘီဘီစီ ။ ။ 24 - 07 - 2011

ပဲခူးမြို့နယ်မှာ ရိုးမတောင်ကျရေနဲ့ ပင်လယ်ဒီရေ တိုးလာတဲ့အတွက် မြေနိမ့်ပိုင်းက ရပ်ကွက်ပေါင်း(၈)ရပ်ကွက်လောက် ရေကြီးရေမြုပ်ခဲ့ပြီး အိမ်ခြေပေါင်းတသောင်း ကျော် စားသောက် နေထိုင်ရေး အခက်တွေ့နေရတယ်လို့ သိရပါတယ်။

မြန်မာပြည်မှာ ဒီရေတိုးလို့ရော မိုးကြီးလို့ပါ ရေကြီးတာတွေကတော့ ခဏခဏဖြစ်အဝေးပြေးကားလမ်းနဲ့ ဘူတာဈေးလည်း ရေမြုပ်နေပြီး လူတွေကတော့ ဘုန်းတော်ကြီး ကျောင်းနဲ့ ကုန်းမြင့်တွေမှာ ပြောင်းရွှေ့ နေထိုင် ကြလို့ ဒေသ အာဏာပိုင်တွေ ကလည်း ထမင်းထုပ်ဝေနေပြီး ကယ်ဆယ်ရေး လုပ်နေကြ ပါတယ်။

ပဲခူးဘူတာဈေးဟာ ရေမြှုပ်လို့ လှေနဲ့သွားလာ နေရတယ်လို့ ပဲခူး ဒေသခံတဦးက ဘီဘီစီကို ပြောပါတယ်။ ဈေးသည်တွေ ကတော့ လောလောဆယ် ရန်ကုန်-မန္တလေး လမ်းမပေါ် တက်ပြီး ဈေးရောင်း ကြတယ် လို့လည်း သူကပဲ ဆက် ပြောပါတယ်။

ရေကြီးတော့ လူတွေ နေရေးထိုင်ရေးပါမက စားရေးသောက်ရေး စီးပွားရေး အခက်တွေ့တရပ်ကွက်ကို အိမ်အလုံး၂၀ကျော်လောက် လုံးလုံးမြုပ်ပြီး သောကြာ ညနေပိုင်းက တက်လာတဲ့ ရေဟာ ပြန်မကျ သေးပါဘူး။ ရေဘေးဒဏ် ခံရသူတွေက အိမ်အမြင့် တွေမှာ ပြောင်းနေ ကြသလို၊ ကျွန်းသာယာ ရပ်ကွက် ကတော့ ရွှေနံ့သာ ဘုန်းတော်ကြီး ကျောင်းမှာ ခဏသွား ခိုနေ ရတယ်လို့ ပဲခူး ဒေသခံက ပြောပါတယ်။

ပဲခူးတိုင်းအတွင်း တာဝမြို့နယ်မှာလည်း လယ်မြေတွေ ရေမြုပ်နေသလို ဧရာဝတီတိုင်း ကျုံပျော် ကွမ်းခြံကုန်းနဲ့ ရခိုင်ပြည်နယ်မှာလည်း နေရာအနှံ့အပြား ရေကြီး ခဲ့ပါတယ်။ တခါ ရန်ကုန်တိုင်း ခရမ်း သုံးခွ မြို့နယ်တွေ ဘက်မှာလည်း ရေကြီးခဲ့တာကြောင့် စိုက်ပျိုးပြီးသား လယ်မြေနဲ့ လူနေအိမ်တွေ အပျက်အစီး များခဲ့တယ်လို့ သိရပါတယ်။

ဘာရိန်း ဆန္ဒပြပွဲ နှိမ်နင်းမှု ကော်မရှင်ဖွဲ့ စုံစမ်းပြီ

ဘာရိန်းနိုင်ငံမှာ လူသုံးဆယ်ကျော် သေဆုံးခဲ့ရတဲ့ အစိုးရ ဆန့်ကျင်ရေး ဆန္ဒပြမှုတွေ ဖြစ်ခဲ့တာ ငါးလကြာပြီးတဲ့နောက် နိုင်ငံတကာက အထင်ကရ ပုဂ္ဂိုလ်တွေ ပါတဲ့ အဖွဲ့က စုံစမ်း စစ်ဆေးမှုတွေ စတင်ပြုလုပ်နေပါပြီ။

ဆန္ဒပြမှုမှာ ပါဝင်လို့ ထောင်ချခံရသူတွေ အပါအဝင် အတိုက်အခံ ခေါင်းဆောင်တွေ ၊ တက်ကြွလှုပ်ရှားသူတွေနဲ့ အတူ အစိုးရနဲ့ စစ်တပ် အရာရှိတွေကိုလည်း စစ်ဆေး မေးမြန်း သွားမယ်လို့ သတင်းစာ ရှင်းလင်းပွဲမှာ စုံစမ်းရေး ကော်မရှင် ဥက္ကဌ Mahmoud Cherif Bassiouni က ပြောပါတယ်။

ဆန္ဒပြမှုတွေကြောင့် နိုင်ငံမှာ အရေးပေါ် အခြေနေ ကြေညာချက် လေးလကြာ ထုတ်ပြန် ခဲ့တာ ဖြစ်ပါတယ်။

ဘာရိန်က လူများစု ရှီးရိုက်တွေက အုပ်ချုပ်သူ လူနည်းစု ဆွန်နီ တွေဆီက အခွင့်အရေးတွေ တောင်းဆိုရာက ဆန္ဒပြမှုတွေ ဖြစ်ပွားခဲ့တာပါ။

သေနတ်သမား Breivik ရုံးတော်မှာ အစစ်ခံမယ်

ဘီဘီစီ သတင်းဌာန ။ ။ 24-07-2011

နော်ဝေနိုင်ငံမှာ ပြီးခဲ့တဲ့ သောကြာနေ့တုန်းက ဗုံးပေါက်ကွဲမှုနဲ့ သေနတ် ပစ်ခတ်မှုတွေ ကြောင့် လူတရာနီးပါး သေဆုံးခဲ့ရတဲ့ အတွက် နိုင်ငံတလွှားက ဘုရားရှိခိုးကျောင်းတွေ မှာ ဝမ်းနည်းခြင်း အထိမ်းအမှတ် ဆုတောင်းပွဲတွေ ကျင်းပခဲ့ပါတယ်။

ဗုံးခွဲမှုနဲ့ သေနတ် ပစ်ခတ်မှုတွေ ကျူးလွန်ခဲ့တဲ့ Anders Behring Breivik ကို လူအစုလိုက် အပြုံလိုက် သတ်ဖြတ်မှုနဲ့ တရားစွဲလိုက်ပြီလို့ ရဲက ပြောပြီး ဒီနေ့ တနလာင်္နေ့မှာ တရားရုံးမှာ သူကိုယ်တိုင် လာရောက် အစစ်ခံမယ်လို့ သိရပါတယ်။

အော်စလို မြို့နားက ကျွန်းပေါ်က ပစ်ခတ်မှုမှာ သေဆုံးသူ ၈၆ ယောက် ထဲက အများစုဟာ ဆယ်ကျော်သက်တွေ ဖြစ်ပြီး ဒီပစ်ခတ်မှုအတွက် မစ္စတာ ဘရီဗစ်ခ် က ဝန်ခံခဲ့ခဲ့ကြောင်း ရဲက ပြောပါတယ်။အဲဒီ ပစ်ခတ်မှု မတိုင်ခင် အော်စလို မြို့ပေါ်မှာလည်း ကားဗုံးထောင် ဖောက်ခွဲ ခဲ့တာကြောင့် လူရယောက် သေဆုံးခဲ့ပါတယ်။

ဒီပစ်ခတ် ဖောက်ခွဲမှုတွေကို သူတယောက်တည်း ကြံစည် လုပ်ဆောင်တာ ဖြစ်တယ်လို့ ပြောကြောင်း ရဲက ဆိုပါတယ်။သူ့အပြောအရ ဥရောပ တခွင်လုံးဟာ အစ္စလာမ် ကိုလိုနီ လက်အောက် ကျရောက် လာတာကြောင့် ဥရောပရဲ့ လူမျိုးစုံ အတူပူးတွဲ နေထိုင်ရေး ဝါဒဟာ အမျိုးသားရေး စိတ်ဓါတ်ကို ယိုင်နဲ့လာစေတယ်လို့ သူက ဒီတိုက်ခိုက်မှုတွေ မလုပ်ခင် ကြေညာချက် ထုတ်ခဲ့ကြောင်း သိရပါတယ်။