ဒီနေ့ဖတ်စရာ သတင်းများ (မေလ ၉ ရက်)

- ဒီမိုကရေစီရေး တိုးတက်လျှင် မြန်မာ ဥက္ကဋ္ဌတာဝန်ယူရေး ကန့်ကွက်ဖို့မရှိ
- ဘင်လာဒင် ဗွီဒီယိုမှတ်တမ်းများ အများပြည်သူသို့ ထုတ်ပြန်
- ပါကစ္စတန် ခေါင်းဆောင်များ နှုတ်ထွက်ရန် ဖိအားပေးခံရ
- ထားဝယ် ရေနက်ဆိပ်ကမ်း ရင်းနှီးမြုပ်နှံဖို့ EU စိတ်မဝင်စား
- လူထုကိုယ်စားပြုကိုယ်စားလှယ် မဟုတ်သူကို ခန့်အပ်မှုအပေါ် မြန်မာကို ဝေဖန်ရှုတ်ချ
- ဘရိုက်တန် အနုပညာပွဲတော်သတင်း
- တဝဲလည်လည် ဖိလစ်ပိုင် အဂတိလိုက်စားမှု တိုက်ဖျက်ရေး
- ဘင်လာဒင်ကို ပါကစ္စတန်မှာ ကူညီသူရှိလို့ သမ္မတ အိုဘားမား ပြော
- အီဂျစ် ဘာသာရေး အဓိကရုဏ်း လှုံ့ဆော်သူတွေကို အရေးယူဖို့ စီစဉ်ပြီ
- ၂ဝ၁၄ အာဆီယံဥက္ကဋ္ဌ မြန်မာ ဖြစ်လာဖွယ်ရှိ
- အာဆီယံ၏ တည်မြဲမှု မသေချာ၊ မြန်မာ ဥက္ကဋ္ဌဖြစ်ရေး ဝိုင်းကန့်ကွက်ခံရ

ဒီမိုကရေစီရေး တိုးတက်လျှင် မြန်မာ ဥက္ကဋ္ဌတာဝန်ယူရေး ကန့်ကွက်ဖို့မရှိ
By ဗွီအိုအေ (မြန်မာဌာန) တနင်္ဂနွေ, 08 မေ 2011

လာမယ့် ၂၀၁၄ ခုနှစ်ကျရင် အရှေ့တောင်အာရှ နိုင်ငံများအသင်း (အာဆီယံ) ရဲ့ အလှည့်ကျ ဥက္ကဋ္ဌအဖြစ် မြန်မာက တာဝန်ယူချင်တယ်ဆိုတဲ့ ကိစ္စနဲ့ ပတ်သက်လို့ ဒီမိုကရေစီဆိုင်ရာ တိုးတက်မှုတွေ ဖြစ်ပေါ်လာအောင် ဆက်ပြီး လုပ်နေသရွေ့ ကန့်ကွက်စရာ မရှိဘူးလို့ အင်ဒိုနီးရှား သမ္မတက ပြောလိုက်ပါတယ်။

အာဆီယံ ခေါင်းဆောင်တွေက မူအားဖြင့် ကန့်ကွက်စရာ မရှိဘူးလို့ ဒီကနေ့ ပြီးဆုံးခဲ့တဲ့ ၁၈ ကြိမ်မြောက် အာဆီယံ ထိပ်သီးဆွေးနွေးပွဲ အဆုံးသတ် အခမ်းအနားမှာ အင်ဒိုနီးရှား သမ္မတက ပြောခဲ့တာပါ။
၂၀၁၄ ခုနှစ်မှာ အာဆီယံ အလှည့်ကျ ဥက္ကဋ္ဌနိုင်ငံအဖြစ် မြန်မာနိုင်ငံက တာဝန်ယူရေး မေတ္တာရပ်ခံချက်ကို အာဆီယံ ခေါင်းဆောင်တွေက အာဆီယံအသင်းရဲ့ မူတွေကို အခြေခံပြီး စဉ်းစားခဲ့ကြတယ်လို့လည်း ဆိုပါတယ်။

ရွေးကောက်ပွဲ ကျင်းပခဲ့ပြီး အစိုးရသစ် ပေါ်ပေါက်ခဲ့ပြီး နောက်ပိုင်း နိုင်ငံရေးနဲ့ တခြား တိုးတက်မှုတွေ ဖြစ်ပေါ်လာအောင် လုပ်ဆောင်ရေး အာဆီယံ ခေါင်းဆောင်တွေက မြန်မာနိုင်ငံကို အားပေးခဲ့ကြတယ်လို့လည်း ဆိုပါတယ်။

အင်ဒိုနီးရှားနိုင်ငံ ဂျကာတာမြို့တော်မှာ ၂ ရက်ကြာ ကျင်းပခဲ့တဲ့ အာဆီယံ ထိပ်သီး ဆွေးနွေးပွဲအတွင်း မြန်မာပြည်ကိစ္စကို ထည့်သွင်း ဆွေးနွေးခဲ့ကြတယ် ဆိုပေမဲ့ အာဆီယံ အလှည့်ကျ ဥက္ကဋ္ဌတာဝန် ပေးရေး၊ မပေးရေး နောက်ဆုံး ဆုံးဖြတ်ချက်ကိုတော့ နောက်နေ့တွေမှပဲ ထုတ်ပြန်သွားမယ်လို့ ဆိုပါတယ်။
ပြီးခဲ့တဲ့ သောကြာနေ့တုန်းကတော့ လာအိုနိုင်ငံက မြန်မာကို အာဆီယံဥက္ကဋ္ဌ လုပ်ခွင့်ပေးဖို့ အဆို တင်သွင်းခဲ့ပါတယ်။

မြန်မာပြည်မှာ လူ့အခွင့်အရေး ချိုးဖောက်မှုတွေနဲ့ နိုင်ငံရေး ပြုပြင်ပြောင်းလဲမှုတွေ မရှိလို့ ၂၀၀၅ ခုနှစ်က အာဆီယံ ဥက္ကဋ္ဌလုပ်ဖို့ ကိစ္စမှာ ကန့်ကွက်မှုတွေ ကြုံခဲ့ပါရတယ်။ အခုလောလောဆယ်မှာလည်း လူ့အခွင့်အရေး အုပ်စုတွေက ဆက်ပြီး ကန့်ကွက်နေကြပါတယ်။

မြန်မာကို အာဆီယံဥက္ကဋ္ဌ အနေနဲ့ လက်ခံလိုက်မယ်ဆိုရင် အာဆီယံ အသင်းဟာ နိုင်ငံတကာ အသိုင်းအ၀ိုင်းက ယုံကြည်လက်ခံနိုင်တဲ့ အဖွဲ့အစည်း အဆင့်ကနေ လျော့ကျသွားလိမ့်မယ်လို့ AIPMC လို့ခေါ်တဲ့ မြန်မာ့အရေး အာဆီယံ လွှတ်တော်အမတ်များ အဖွဲ့က သတိပေးထားပါတယ်။

ဘင်လာဒင် ဗွီဒီယိုမှတ်တမ်းများ အများပြည်သူသို့ ထုတ်ပြန်

By ဗွီအိုအေ (မြန်မာဌာန) စနေ, 07 မေ 2011

အိုစမာ ဘင်လာဒင် (Osama Bin Laden) နေထိုင်ရာ အိမ်ဝင်းကို အမေရိကန် အထူးတပ်ဖွဲ့က ၀င်ရောက်စီးနင်းစဉ် သိမ်းဆည်းခဲ့တဲ့ ဗွီဒီယို အခွေတွေထဲက တချို့ကို အမေရိကန် ပြည်ထောင်စုက ထုတ်လွှင့် ပြသလိုက်ပါတယ်။

အဲဒီထဲမှာ အိုစမာ ဘင်လာဒင်က ကမ္ဘာတ၀န်း ထုတ်လွှင့်မယ့် သူမိန့်ခွန်းပြောနေတဲ့ ဗွီဒီယိုတွေ၊ မိန့်ခွန်းပြောဖို့ အစမ်းလေ့ကျင့်နေတဲ့ ဗွီဒီယိုတွေကို သူကိုယ်တိုင် ထိုင်ကြည့်နေတာ တွေ့ကြရပါတယ်။

အမေရိကန်ရေတပ် အထူးတပ်ဖွဲ့က ပြီးခဲ့တဲ့ တနင်္လာနေ့ အရုဏ်မတက်မီမှာ အဘော့တာဘက် (Abbottabad) ပါကစ္စတန် တပ်မြို့ရှိ အိုစမာ ဘင်လာဒင်ရဲ့ နေအိမ်ဝင်းကို ၀င်စီးခဲ့ကြပြီး ပြန်လည်မဆုတ်ခွာမီ အိမ်ထဲက ရနိုင်သမျှ သတင်းအချက်အလက်တွေ သိမ်းယူခဲ့ကြတာ ဖြစ်ပါတယ်။
ဒီတခါရရှိတဲ့ အယ်လ်ခိုင်းဒါး (Al Qaida) အကြမ်းဖက်အဖွဲ့နဲ့ ပတ်သက်တဲ့ သတင်းအချက်အလက်တွေဟာ အစုံလင်ဆုံး ဖြစ်တယ်လို့ ပြောပါတယ်။

အဲဒီ ဗွီဒီယိုအခွေတွေ၊ ကွန်ပြူတာ Hard drvie တွေနဲ့ တခြား ပစ္စည်းကိရိယာတွေကို ကြည့်ရတာနဲ့ အိုစမာ ဘင်လာဒင်ဟာ အယ်လ်ခိုင်းဒါး အကြမ်းဖက်အဖွဲ့ရဲ့ ရုပ်ပြသက်သက်ခေါင်းဆောင် မဟုတ်ဘဲ နေ့စဉ် အယ်လ်ခိုင်းဒါး အကြမ်းဖက် စစ်ဆင်ရေးတွေကို တက်တက်ကြွကြွ ကိုယ်တိုင်ပါဝင် စီစဉ်ပေးနေသူဆိုတာ ထင်ထင်ရှားရှား တွေ့ရတယ်လို့ အမေရိကန် ထောက်လှမ်းရေး အရာရှိတွေက ပြောပါတယ်။

အိုစမာ ဘင်လာဒင်ကို ကြည့်ရတာ သူ့အနေနဲ့ ကမ္ဘာကို ဘယ်လိုပုံစံနဲ့ တင်ပြရင် ကောင်းမလဲ ဆိုတာကို အထူးစိတ်ပူနေပုံရတယ်လို့ ဆိုပါတယ်။

သူ ကြမ်းပြင်မှာ စောင်ခြုံထိုင်ပြီး ရုပ်မြင်သံကြား ကြည့်ရာမှာ Remote Control နဲ့ Channel လိုင်းတွေ တခုပြီးတခုပြောင်း၊ နောက်ဆုံး သူ့အကြောင်း သတင်းပြနေတာကို ရှာတွေ့ပြီး သေသေချာချာ ကြည့်နေတာ တွေ့ရပါတယ်။

အဲဒီဗွီဒီယိုမှာ မုတ်ဆိတ်မွေးတွေ ဖြူပြီး ရှုပ်ထွေးနေတာ တွေ့ရပေမဲ့ နောက်တခွေမှာတော့ မုတ်ဆိတ်ကို အနက်ရောင်ဆိုး၊ သပ်သပ်ယပ်ယပ် ၀တ်ဆင်ထားတာ တွေ့ရပြီး အမေရိကန် ပြည်သူတွေအတွက် အမှာစကားဆိုတဲ့ ၀ါဒဖြန့် ဗွီဒီယို ရိုက်ကူးထားတာ ဖြစ်ပါတယ်။ မနှစ်က အောက်တိုဘာ ဒါမှမဟုတ် နိုဝင်ဘာလ အတွင်းမှာ ရိုက်ကူးထားပုံ ရတယ်လို့ ဆိုပါတယ်။

အယ်လ်ခိုင်းဒါးတွေ နောက်ထပ် တိုက်ခိုက်မယ့် အစီအစဉ်တွေ၊ သူတို့ရဲ့ တခြားခေါင်းဆောင်တွေ ဘယ်မှာရှိနေသလဲ ဆိုတဲ့ အရေးကြီးတဲ့ သတင်းတွေကို အခုသိမ်းလာတဲ့ ပစ္စည်းတွေကနေ သိရှိရကြောင်း၊ အမေရိကန်ပြည်သူတွေ ယုံကြည်အားထားကြတဲ့ CIA အမေရိကန် ဗဟိုထောက်လှမ်းရေးနဲ့ အမေရိကန် စစ်တပ်ရဲ့ အထစ်အငေါ့မရှိ ပူးပေါင်းဆောင်ရွက်မှုကြောင့် ဖြစ်ပါတယ်လို့ CIA ညွှန်ကြားရေးမှူး လီယွန် ပန်နက်တာ (Leon Panetta) ရဲ့ ထုတ်ပြန်ချက်မှာ ဖော်ပြထားပါတယ်။

ပါကစ္စတန် ခေါင်းဆောင်များ နှုတ်ထွက်ရန် ဖိအားပေးခံရ

By ဗွီအိုအေ (မြန်မာဌာန) စနေ, 07 မေ 2011

ပါကစ္စတန်နိုင်ငံမှာ အယ်လ်ခိုင်းဒါး (al-Qaida) ခေါင်းဆောင် ဘင်လာဒင် (Osama bin Laden) ကို အမေရိကန်က တိုက်ခိုက်အပြီးမှာပဲ ပါကစ္စတန် လွှတ်တော်အမတ်တွေက သမ္မတ အဆစ်ဖ် အလီ ဇာဒါရီ (Asif Ali Zardari) နဲ့ ၀န်ကြီးချုပ် ယူဆွတ်ဖ် ရာဇာ ဂီလာနီ (Yousuf Raza Gilani) အခြား ထိပ်တန်း အရာရှိတွေ နှုတ်ထွက်ပေးကြဖို့ တောင်းဆိုလိုက်ကြပါတယ်။

အဓိက ပါလီမန် အတိုက်အခံခေါင်းဆောင် ချောင်ဒရီ နီဆာ အလီ (Chaudhry Nisar Ali) က အခုလို တိုက်ခိုက်တာကို ရပ်ဖို့ တာဝန်ရှိသူတွေ အနေနဲ့ မရပ်နိုင်ခဲ့တာကို တာဝန်ယူ၊ တာဝန်ခံမှု ပြတဲ့အနေနဲ့ နှုတ်ထွက်သင့်တယ်လို့ ဆိုလိုက်ပါတယ်။

မနေ့က ပါကစ္စတန် ကြည်းတပ် အကြီးအကဲ ဗိုလ်ချုပ်ကြီး အက်ရ်ှဖက် ကာယာနီ (Ashfaq Kayani) ဟာ မစ္စတာ ဇာဒါရီနဲ့ မစ္စတာ ဂီလာနီတို့နဲ့ တွေ့ပြီး အမေရိကန်ရဲ့ ၀င်ရောက် တိုက်ခိုက်ခဲ့မှုကို ဆွေးနွေးခဲ့ကြပါတယ်။

တနင်္လာနေ့ မနက်စောစောပိုင်းမှာ ဖြစ်ခဲ့တဲ့ တိုက်ခိုက်မှုထဲမှာ အမေရိကန် ဟယ်လီကော့ပ်တာ ရဟတ်ယာဉ်တွေနဲ့ အထူးလေ့ကျင့်ထားတဲ့ စစ်တပ်ဖွဲ့တခုကို အဘော့တာဘက် (Abbottabad) မြို့က ဘင်လာဒင်ရဲ့ ခြံဝင်းထဲကို သယ်ဆောင်လာခဲ့ပါတယ်။

ပါကစ္စတန်ဘက်ကတော့ အမေရိကန် အနေနဲ့ ပါကစ္စတန် အာဏာပိုင်တွေရဲ့ ခွင့်ပြုချက် မရှိဘဲ တဖက်သတ် တိုက်ခိုက်ခဲ့တာ ဖြစ်တယ်၊ ဒီလို တိုက်ခိုက်မှုမျိုးကြောင့် အခြားနိုင်ငံတွေမှာလည်း လုပ်လို့ရတယ်လို့ အစဉ်အလာ ဖြစ်မသွားစေချင်ဘူးလို့ သူတို့ရဲ့ စိုးရိမ်ချက်ကို ထုတ်ဖော်ခဲ့ပါတယ်။

ဒီနေရာမှာ ပါကစ္စတန် အစိုးရနဲ့ စစ်တပ်အနေနဲ့ အဘော့တာဘက်မြို့က ခြံဝင်းထဲမှာ ဘင်လာဒင် ပုန်းနေတာ မသိခဲ့ကြဘူးလားဆိုတဲ့ မေးခွန်းတွေလည်း များစွာ ထွက်ပေါ်နေပါတယ်။ ဒီမြို့ဟာ မြို့တော် အစ္စလာမ်မာဘတ်ရဲ့ မြောက်ဘက် အနီးနားလေးမှာပဲ ရှိပါတယ်။

ထားဝယ် ရေနက်ဆိပ်ကမ်း ရင်းနှီးမြုပ်နှံဖို့ EU စိတ်မဝင်စား

2011-05-08 RFA

ဂျကာတာမြို့မှာ ပြုလုပ်တဲ့ ASEAN- EU စီးပွားရေးဆွေးနွေးပွဲမှာ ထားဝယ် ရေနက်ဆိပ်ကမ်းမှာ ရင်းနှီးမြုပ်နှံဖို့ မြန်မာ စီးပွားရေးလုပ်ငန်းရှင်တွေက EU ကို ဆွေးနွေးခဲ့ပေမယ့် EU ဘက်က စိတ်ဝင်စားတဲ့ အရိပ်အယောင် မပြခဲ့ဘူးလို့ သိရပါတယ်။

ဒီဆွေးနွေးပွဲကို မြန်မာနိုင်ငံ ကုန်သည်များနဲ့ လုပ်ငန်းရှင်များ အသင်းချုပ်UMFCCI ဥက္ကဋ္ဌ ဦးဝင်းအောင်က ဦးဆောင်ပြီး ဒေါက်တာမောင်မောင်လေး၊ ဦးအောင်ခင်မြင့်၊ ဦးဇော်မင်းဝင်းနဲ့ ဦးမြင့်စိုးတို့က EU နိုင်ငံတွေက စီးပွားရေး ကိုယ်စားလှယ်တွေနဲ့ ဆွေးနွေးခဲ့ပါတယ်။ စီးပွားရေး ဆုံးဖြတ်ချက်တွေ ချမှတ်ဖို့အတွက် ဒေသတွင်း တည်ငြိမ်မှု ရှိဖို့က အဓိက အရေးကြီးတယ်လို့ EU ကိုယ်စားလှယ်တွေက မြန်မာကိုယ်စားလှယ်တွေကို ပြောခဲ့တယ်လို့ UMFCCI အမှုဆောင်တဦးက ပြောပါတယ်။

EU ဘက်က အာရှ-ပစိဖိတ်ဆိုင်ရာ ဒါရိုက်တာ Ronald Unterburger ကတော့ မြန်မာနိုင်ငံမှာ တည်ငြိမ်မှုတွေ မရှိသရွေ့ နိုင်ငံခြား ရင်းနှီးမြုပ်နှံမှုတွေကို ဆွဲဆောင်ဖို့ ပိုခက်ခဲပြီး အချိန်ယူရလိမ့်မယ်လို့ အင်ဒိုနီးရှားနိုင်ငံထုတ် The Jarkata Post သတင်းစာကို ပြောပါတယ်။

အင်ဒိုနီးရှား မာစီးဒီးဘင့်ဇ် ကုမ္ပဏီရဲ့ ဥက္ကဋ္ဌကလည်း မြန်မာနိုင်ငံနဲ့ ပတ်သက်လို့ ဖြေကြားရာမှာ EU လုပ်ငန်းရှင်တွေ အနေနဲ့ အဂတိလိုက်စားမှု ကင်းပြီး နိုင်ငံတကာ စည်းကမ်းတွေနဲ့ ညီတဲ့ ရေခံမြေခံမျိုးကို ဦးစားပေး စဉ်းစားကြောင်း၊ လွတ်လပ်ပြီး အာဏာရှင်စနစ် မရှိတဲ့ နိုင်ငံမျိုးတွေကိုပဲ ရင်းနှီးမြုပ်နှံလိုကြကြောင်း ပြောပါတယ်။

ဒါပေမယ့် EU ကုန်သွယ်ရေး ကော်မရှင်အဖွဲ့ အကြီးအကဲ Karel De Gucht ကတော့ မြန်မာဟာ အနာဂတ်မှာ စီးပွားရေးလုပ်ငန်းတွေ ပူးပေါင်းဆောင်ရွက်ဖို့အတွက် စိတ်ဝင်စားစရာကောင်းတဲ့ နေရာဖြစ်တယ်လို့ ပြောကြားပါတယ်။

တခ်ျိန်တည်းမှာ မြန်မာနိုင်ငံ မပါဘဲ အာဆီယံနိုင်ငံတွေနဲ့ ဥရောပသမဂ္ဂ လွတ်လပ်စွာ ကုန်သွယ်ရေး သဘောတူစာချုပ် ချုပ်နိုင်ဖို့ EU ဘက်က ကြိုးစားနေတယ်လို့ EU ကုန်သွယ်ရေးကော်မရှင် အကြီးအကဲက မနေ့က ပြောကြားလိုက်ပါတယ်။

ဥရောပသမဂ္ဂနဲ့ အာဆီယံ ဒေသချင်း သဘောတူစာချုပ် ချုပ်ဆိုရေးမှာ အာစီယံနိုင်ငံ အသီးသီးရဲ့ ဖွံ့ဖြိုးရေး မတူညီတဲ့အချက်နဲ့ မြန်မာနိုင်ငံ ပြဿနာကြောင့် ဖြစ်ကြောင်း EU ကုန်သွယ်ရေးကော်မရှင် အကြီးအကဲ Karel De Gunht က ပြောပါတယ်။

မြန်မာနိုင်ငံကို တနိုင်ငံတည်း ခွဲထုတ်ထားတာ မဟုတ်ပေမယ့် လောလောဆယ် ဥရောပနိုင်ငံတွေ အကြား မြန်မာကိစ္စဟာ အထူး အထိခိုက်မခံတဲ့ ကိစ္စရပ်ဖြစ်ကြောင်း၊ ဒါပေမယ့် EU ဘက်က အပြောင်းအလဲ ရှိလာရင် မူဝါဒ ပြောင်းပေးဖို့ တံခါးဖွင့်ထားကြောင်း၊ မြန်မာနိုင်ငံမှာ ပြောင်းလဲဖို့ကိစ္စ အများကြီး ရှိ်နေသေးကြောင်း၊ အာဆီယံ နိုင်ငံတိုင်းက စီးပွားရေးကိစ္စ ညှိနှိုင်းဆွေးနွေးဖို့ ကမ်းလှမ်းလာရင် EU အနေနဲ့ ဆွေးနွေးပေမယ့် မြန်မာနဲ့တော့ ဆွေးနွေးဖို့ မဖြစ်နိုင်သေးကြောင်း Mr. Gunht က ပြောကြားပါတယ်။

EU နဲ့ မြန်မာအကြား ကုန်သွယ်မှု ပမာဏဟာ ပြီးခဲ့တဲ့ သုံးနှစ်အတွင်း တဖြည်းဖြည်း လျော့ကျလာပြီး EU ရဲ့ ထုတ်ပြန်ချက်အရ ၂ဝဝ၆ ခုနှစ်မှာ ယူရို ၃၈၇ သန်းရှိရာက ၂ဝ၁ဝ ပြည့်နှစ်မှာ ယူရို ၂၄၄ သန်းအထိ လျော့ကျသွားတယ်လို့ သိရပါတယ်။

လူထုကိုယ်စားပြုကိုယ်စားလှယ် မဟုတ်သူကို ခန့်အပ်မှုအပေါ် မြန်မာကို ဝေဖန်ရှုတ်ချ

2011-05-08 RFA

အစိုးရနဲ့ ဆက်နွယ်နေသူကို အာစီယံ လူထုကိုယ်စားပြု အဖွဲ့အစည်း ကိုယ်စားလှယ်အဖြစ် မြန်မာအစိုးရက ခန့်အပ်ပြီး အာဆီယံက အတည်ပြုခဲ့တဲ့ အပေါ် အာဆီယံ လူထုအခြေပြု လူမှုအဖွဲ့အစည်း ညီလာခံ တက်ရောက်လာတဲ့ ကိုယ်စားလှယ်တွေက ဝေဖန် ရှုတ်ချလိုက်ပါတယ်။

မြန်မာအစိုးရက လူထုကိုယ်စားပြု လူမှုအဖွဲ့အစည်း ကိုယ်စားလှယ်အဖြစ် သမ္မတရဲ့ အကြံပေးအဖွဲ့ဝင် ရဲမှူးကြီးဟောင်း ဦးစစ်အေးကို အဆိုပြုပြီး အာဆီယံက အသိမှတ်ပြုခဲ့တဲ့အတွက် အခုလို ဝေဖန်ရှုတ်ချတာ ဖြစ်တယ်လို့ အာဆီယံ လူထုကိုယ်စားပြု လူမှုအဖွဲ့အစည်း ညီလာခံ ACSC ကို တက်ရောက်ခဲ့တဲ့ မြန်မာ အဖွဲ့အစည်း ကိုယ်စားလှယ် ဦးအောင်မျိုးမင်းက ပြောပါတယ်။

“ဒီလို လူထုအခြေပြု အဖွဲ့တွေက ရွေးချယ်ထားတဲ့လူ မဟုတ်ဘဲနဲ့ ကိုယ်လိုချင်တဲ့လူကို ရွေးချယ်ပြီး တွေ့ဆုံတာဟာ မြန်မာနိုင်ငံမှာ ရှိတဲ့ လူထုအခြေပြု အဖွဲ့တွေသာ မကဘူး၊ ဒေသတခုလုံးမှာ ရှိတဲ့ လူထုအခြေပြု အဖွဲ့တွေ အားလုံးကို စော်ကားလိုက်ခြင်းဖြစ်တယ်။ ကျနော်တို့ သတ်မှတ်ထားတဲ့ စံချိန်စံညွန်း နှုန်းနဲ့ မညီတဲ့သူကို ခေါ်ခြင်းက ကျနော်တို့အပေါ် လေးစားမှု မပြုခြင်းဖြစ်တယ်။ အဲဒါကြောင့် မနေ့က ဒါကို ကြေညာချက် ထုတ်ပါတယ်”

မြန်မာအစိုးရရဲ့ ကိုယ်စားလှယ်ကို အခုလို လူထုကိုယ်စားပြု လူမှုအဖွဲ့အစည်း ကိုယ်စားလှယ်အဖြစ် သဘောတူ ခန့်အပ်ခဲ့တာဟာ လူထုနဲ့ တိုက်ရိုက် ထိတွေ့ဖို့ ကတိပေးထားတဲ့ အာဆီယံရဲ့ ကြိုးပမ်းချက်တွေနဲ့ ဆန့်ကျင်ဘက် ဖြစ်နေတဲ့အတွက် အာဆီယံ အဖွဲ့ကြီးအတွက်လည်း သိက္ခာကျစေတဲ့ လုပ်ရပ်ဖြစ်တယ်လို့ မနေ့က ထုတ်ပြန်တဲ့ ASCS ကိုယ်စားလှယ်တွေရဲ့ ကြေညာချက်မှာ ဖော်ပြထားပါတယ်။

ဘရိုက်တန် အနုပညာပွဲတော်သတင်း

2011-05-08 RFA

ဗြိတိန်နိုင်ငံရဲ့ အကြီးဆုံး အနုပညာ ပွဲတော်တခု ဖြစ်တဲ့ ဘရိုက်တန် အနုပညာပွဲတော်ကို မနေ့က ဖွင့်လှစ်ခဲ့ရာမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပွဲတော်ရဲ့ ဂုဏ်ထူးဆောင် ဒါရိုက်တာအဖြစ် သတ်မှတ်ခဲ့ပြီး ပွဲတော်ကို ဖွင့်လှစ်ခဲ့တယ်လို့ သိရပါတယ်။

ဒေါ်အောင်ဆန်းစုကြည်ရဲ့ ဓာတ်ပုံတွေ ဘရိုက်တန် တမြို့လုံးအနှံ့ ချိတ်ဆွဲထားတဲ့ ဘရိုက်တန် အနုပညာပွဲတော်ကို တက်ရောက်ခဲ့တဲ့ Burma Campaign UK က မဇိုရာဖန်းက ပွဲတော်ဖွင့်ပွဲအကြောင်းကို အခုလို ရှင်းပြပါတယ်။

“ဒီဖွင့်ပွဲကို ဒေါ်အောင်ဆန်းစုကြည်ကို ဘာကြောင့် ဧည့်သည်တော်အနေနဲ့ ဖိတ်ကြားထားတဲ့အကြောင်း ဘရိုက်တန် ပွဲတော် ညွန်ကြားရေးမှူးကို ရှင်းပြပါတယ်။ ဒေါ်အောင်ဆန်းစုကြည်က ပြောတယ်ပေါ့၊ ဒီ အနုပညာက တဆင့် မြန်မာပြည်ရဲ့ လူ့အခွင့်အရေးနဲ့ ဒီမိုကရေစီရေး၊ လွတ်မြောက်ရေးအတွက် တစုံတရာ ဖြစ်လာနိုင်ဖို့ ကူညီပေးဖို့ ပြောခဲ့ပါတယ်”

ဒီပွဲတော်ကို မေလ ၂၉ ရက်နေ့အထိ ကျင်းပမှာဖြစ်ပြီး ဂီတ၊ ရုပ်ရှင်နဲ့ အနုပညာရှင်တွေက သူတို့ရဲ့ အိမ်တွေကို ပြတိုက်အဖြစ် ဖွင့်လှစ်ပြသတာ ဖြစ်ပါတယ်။

ဒီ ပွဲတော်ရက်တွေအတွင်း မေလ ၁၇ ရက်နေ့မှာ မြန်မာ့နိုင်ငံရေးနဲ့ ပတ်သက်တဲ့ စကားရည်လုပွဲ တခုကို Burma Campaign UK က ကျင်းပဖို့ ရှိတယ်လို့လည်း သိရပါတယ်။

တဝဲလည်လည် ဖိလစ်ပိုင် အဂတိလိုက်စားမှု တိုက်ဖျက်ရေး

Sunday, 08 May 2011 01:43 မောက္ခ နိုင်ငံတကာသတင်း

ဖိလစ်ပိုင် သမ္မတ ဘီနစ်ဂ်နို အကွီနို က ပြီးခဲ့တဲ့နှစ် ရွေးကောက်ပွဲမှာ သမ္မတဟောင်း ဖာဒီနန် မားကိုစ် လက်ထက်ကတည်းက နက်နက်ရှိုင်းရှိုင်း အမြစ်စွဲလှိုက်စား နေတဲ့ ခြစားမှု အားလုံးကို ရှင်းလင်းသုတ်သင်မယ်လို့ ကတိပေးပြီး အာဏာရလာခဲ့သည်။

ပြီးခဲ့တဲ့ ရက်သတ္တပတ်မှာ မစ္စတာ အကွီနိုက အကတိလိုက်စားမှု တိုက်ဖျက်ရေး အကြီးအကဲ မစ္စ ဂူတီရာရက်စ်ကို ရာထူးက နှုတ်ထွက်ဖို့ ဖိအားပေးခဲ့သည်။ သမ္မတက ဖိလစ်ပိုင် ခြစားမှုတွေကို အကာအကွယ်ပေးနေတာ ဒီအမျိုးသမီးဟု ယူဆသည်။ သို့သော် သူမကို တကယ်ရာထူးမှ ဖြုတ်ပစ်နိုင်ဖို့က ကွန်ဂရက်တွင်သာ အာဏာရှိသည်။

ဒါကြောင့် သမ္မတအကွီနိုရဲ့ မိတ်ဆွေ ကွန်ဂရက်လူကြီးမင်းများက သူမကို စစ်ဆေးနေသည်။ သမ္မတ အကွီနို မတိုင်ခင် သမ္မတ မစ္စ ဂလိုရီယာ အာရိုယို လက်ထက် အဂတိလိုက်စားမှုတွေကို အရေးယူဖို့ သူမတွင် ပျက်ကွက်မှုတွေရှိသည်ဟု စွဲချက် တင်ထားသည်။ သူမကို သမ္မတ အရိုယို က ခန့်ထားခဲ့ခြင်း ဖြစ်သည်။

လက်ရှိ သမ္မတ အကွီနိုရဲ့ ကြွေးကြော်သံက “အဂတိလိုက်စားမှု မရှိရင်၊ ဆင်းရဲမွဲတေမှု မရှိ” ဆိုတာ ဖြစ်သည်။ ထိုနှစ်ခု စလုံးကလည်း ဖိလစ်ပိုင်ရဲ့ အဓိက ပြဿနာ ဖြစ်နေသည်။ မကြာခင်က မစ္စတာ အကွီနိုက သမ္မဟောင်း အရိုယို အစိုးရ အဖွဲ့ရဲ့ ခြစားမှုတွေကို စုံစမ်းစစ်ဆေးဖို့ ကော်မရှင်ဖွဲ့လိုက်သည်။ ဒါပေမဲ့ တရားရုံးချုပ် (မစ္စ အရိုယို ခန့်အပ်ခဲ့သူများ) က အဖွဲ့တစ်ဖွဲ့ ထဲကိုသာ အခုလို ရွေးပြီး စစ်ဆေး အရေးယူတာ တရားမျှတမှုမရှိဆိုပြီး ပယ်ချလိုက်သည်။

သမ္မတဟောင်း အရိုယို ကိုယ်တိုင်ကလည်း သူမသမ္မတသက်တမ်းအတွင်း ဘာတစ်ခုမှ အမှားအယွင်း မလုပ်ခဲ့ဟု ငြင်းဆိုထားသည်။ သို့သော် မစ္စတာ အကွီနိုနဲ့ ကွန်ဂရက်ထဲရှိ သူ့မဟာမိတ်တွေက အရိုယိုကို မဖြစ်မနေ အရေးယူ ကြမည်။ နိုင်ငံရေးအရ နာမည်သတ်ထားမှ ဖြစ်မည်။ ဒါ လက်ရှိ သမ္မတ အကွီနိုရဲ့ ခြစားမှုတိုက်ဖျက်ရေး လုပ်ငန်းစဉ် ဖြစ်သည်။

အမှန်တော့ အတိတ်က ပြစ်မှုတွေကို အရေးယူရုံတင်မကဘဲ အနာဂတ် ခြစား မှုတွေ ထပ်မကျူးလွန်နိုင်အောင် မိမိအစိုးရအဖွဲ့အတွင်း ဘယ်လို ကြိုတင် ကာကွယ်မှုတွေ လုပ်ကြမလဲဆိုတာကိုတော့ သမ္မတက မေ့ပစ်ထားသည်။ လူဟောင်း အစိုးရအဖွဲ့ဟောင်းကို အရေးယူရုံနဲ့ မလုံလောက်။ ဥပဒေစိုးမိုးရေးကို ကျကျနန အကောင်အထည်ဖော်ဖို့ လိုနေသည်။ ၀န်ထမ်းလစာတွေ တိုးမြင့်ပေးဖို့ လိုသည်။ စီးပွားရေးသမား တောကြောင်တွေက ၀န်ထမ်းတွေ၊ အရာရှိတွေ၊ နိုင်ငံရေးသမားတွေကို ၀ယ်ယူလို့ မရနိုင်အောင် တင်းတင်းကျပ်ကျပ် လုပ်ဆောင်ထားဖို့ လိုနေသည်။

ဖိလစ်ပိုင် အဂတိလိုက်စားမှုတိုက်ဖျက်ရေး သမိုင်းကြောင်းအရ ယခု သမ္မတရဲ့လုပ်ဆောင်ချက်တွေမှာ ထူးခြားမှု သိပ် မတွေ့ရသေးဟု ဆိုရမည်။ မစ္စ အရိုယို လက်ထက်တုန်းက သူ့အရင်က သမ္မတ ဂျိုးဇက် အက်စ်ထရာဒါကို ခြစားမှုနဲ့ သေဒဏ် ပေးခဲ့သည်။ ပြီး သူမရဲ့ လွတ်ငြိ်မ်းချမ်းသာခွင့်နဲ့ ပြန်လွှတ်ပေးလိုက်သည်။ ပြီးခဲ့တဲ့ ရွေးကောက်ပွဲမှာ အက်စထရာဒါ ဒုတိယအကြိမ် ရွေးကောက်ပွဲ ပြန်ဝင်သည်။ အရေးယူချင်ယောင်ဆောင်တဲ့ ဖိလစ်ပိုင် အဂတိလိုက်စားမှုတိုက်ဖျက်ရေးနဲ့ နိုင်ငံရေး အရှုပ်တော်ပုံ ဖြစ်သည်။

ယခု သမ္မတ မစ္စတာ အကွီနိုက သမ္မတဟောင်း မားကိုးစ်ရဲ့ ဇနီး အီမလ်ဒါ မားကိုစ်ကို ခြစားမှု တစ်ဒါဇင် လောက်နဲ့ အရေးယူဖို့ ကြိုးစားနေသည်။ ဘယ်လိုပဲဖြစ်ဖြစ် အားလုံးသိနေတာက မစ္စမားကို့စ်ကို သံတိုင်တွေနောက် ဘယ်တော့မှ ပို့ထားနိုင်မှာမဟုတ် ဆိုတာပင်။

မောက္ခ နိုင်ငံတကာရေးရာ Source: Reuter

ဘင်လာဒင်ကို ပါကစ္စတန်မှာ ကူညီသူရှိလို့ သမ္မတ အိုဘားမား ပြော

By ဗွီအိုအေ (မြန်မာဌာန) တနင်္ဂနွေ, 08 မေ 2011

အယ်လ်ခိုင်းဒါး (Al Qaida) အကြမ်းဖက်အဖွဲ့ ခေါင်းဆောင် အိုစမာ ဘင်လာဒင် (Osama bin Laden) အစ္စလာမ်မာဘတ် (Islamabad) မြို့တော်နဲ့ မိုင် ၄၀ လောက်တောင် မဝေးတဲ့ နေရာမှာ နှစ်ပေါင်းများစွာ ခိုအောင်းနေနိုင်တယ် ဆိုတာဟာ သူ့ကို ထောက်ပံ့နေတဲ့ ကွန်ရက်တွေ ပါကစ္စတန်ထဲမှာ ရှိနေလို့ ဖြစ်ရမယ်ဆိုတဲ့ အမေရိကန် အစိုးရ အဖွဲ့ဝင် တချို့ရဲ့ အပြောမျိုး သမ္မတ အိုဘားမား (Barack Obama) ကလည်း ပြောသွားပါတယ်။

ပါကစ္စတန် အစိုးရဟာ သူ့တိုင်းပြည်ထဲမှာ အိုစမာ ဘင်လာဒင် ရှိနေတာ သိထားခဲ့လား၊ မသိထားဘူးလား ဆိုတာ တပ်အပ် မပြောနိုင်ပေမဲ့ ဒီကိစ္စကို စုံစမ်းစစ်ဆေးဖို့ လိုတယ်လို့ CBS ရုပ်မြင်သံကြားဌာနနဲ့ မေးမြန်းခန်းမှာ မစ္စတာ အိုဘားမားက ပြောသွားပါတယ်။

NBC ရုပ်မြင်သံကြားဌာနက တင်ဆက်တဲ့ Meet the Press အစီအစဉ်မှာတော့ သမ္မတ အိုဘားမား အစိုးရအဖွဲ့ရဲ့ ထိပ်တန်း အရာရှိတဦးဖြစ်တဲ့ အမျိုးသား လုံခြုံရေး အကြံပေး တွမ် ဒွန်နီလွန် (Tom Donilon) က ဘင်လာဒင် သေဆုံးသွားပေမဲ့လည်း အယ်လ်ခိုင်းဒါး အဖွဲ့ရဲ့ အကြမ်းဖက်မှု အန္တရာယ်က ရှိနေဆဲပဲလို့ ပြောပါတယ်။

အယ်လ်ခိုင်းဒါး အဖွဲ့ဟာ နည်းဗျူဟာအပိုင်းမှာ ကျရှုံးသွားပြီလို့ ယူဆလို့ မရကြောင်း အမျိုးသား လုံခြုံရေး အကြံပေး မစ္စတာ တွမ် ဒွန်နီလွန်က ပြောသွားတာပါ။ ဒါပေမဲ့ ဘင်လာဒင်ကို ဖယ်ရှားနိုင်လိုက်တာဟာ အယ်လ်ခိုင်းဒါး အဖွဲ့ကို နှိမ်နင်းနိုင်ဖို့ လုပ်ဆောင်ရာမှာ အထူးအရေးပါတဲ့ အောင်မြင်မှုပဲလို့ ပြောသွားတာပါ။

ဘင်လာဒင် နေထိုင်ရာကို စီးနင်းတိုက်ခိုက်တော့ သိမ်းဆည်းရမိလိုက်တဲ့ ထောက်လှမ်းရေး အချက်အလက်တွေဟာ သိမ်းဆည်းဖူးပြီးသမျှထဲမှာ အများဆုံးပဲလို့ မစ္စတာ ဒွန်နီလွန်က ပြောပါတယ်။

နောက်ထပ် ဘယ်လို တိုက်ခိုက်မှုတွေ လုပ်ဆောင်ဖို့ အစီအစဉ်ရှိလဲ ဆိုတာကို သိနိုင်ဖို့အတွက် သိမ်းဆည်းရမိတဲ့ ပစ္စည်းတွေကို သေချာ စစ်ဆေးရှာဖွေနေပါတယ်။

အိုစမာ ဘင်လာဒင်ကို မေလ ၂ ရက်နေ့ ဝင်ရောက်တိုက်ခိုက်တုန်းက ဖမ်းဆီးမိခဲ့ပြီး လက်ရှိမှာ ပါကစ္စတန် အစိုးရရဲ့ ထိန်းသိမ်းမှုအောက်မှာ ရှိနေတဲ့ ဘင်လာဒင်ရဲ့ ဇနီး ၃ ဦးကို အမေရိကန် ပြည်ထောင်စုက စစ်ဆေး မေးမြန်းချင်နေပါတယ်။

ဘင်လာဒင် ပုန်းအောင်းနေတဲ့ နေရာက သိမ်းဆည်းရမိတဲ့ ထောက်လှမ်းရေး အချက်အလက်တွေကို အမေရိကန် အစိုးရကို ပြောပြရမယ်၊ ဘင်လာဒင်ရဲ့ ဇနီး ၃ ဦးကိုလည်း ပါကစ္စတန်က အမေရိကန်တို့ကို မေးမြန်းခွင့် ပေးရမယ်လို့ မစ္စတာ ဒွန်နီလွန်က ပြောပါတယ်။

အီဂျစ် ဘာသာရေး အဓိကရုဏ်း လှုံ့ဆော်သူတွေကို အရေးယူဖို့ စီစဉ်ပြီ

By ဗွီအိုအေ (မြန်မာဌာန) တနင်္ဂနွေ, 08 မေ 2011

အီဂျစ်နိုင်ငံ ကိုင်ရိုမြို့ ဆင်ခြေဖုံးမှာ စနေနေ့က ဘာသာရေး ဂိုဏ်းဂဏ ကွဲပြားမှု အဓိကရုဏ်းတွေ ဖြစ်ခဲ့တာနဲ့ ပတ်သက်ပြီး လှုံ့ဆော်ခဲ့သူတွေလို့ သံသယရှိသူ ၁၉၀ ကို တရားစွဲဆိုဖို့ စီစဉ်နေတဲ့အကြောင်း အီဂျစ်စစ်တပ်က ပြောပါတယ်။ ၀န်ကြီးချုပ် အက်စ်စမ် ရှာရပ်ဖ် (Essam Sharaf) က အစိုးရ ၀န်ကြီးအဖွဲ့ အရေးပေါ် အစည်းအဝေး ခေါ်လိုက်ပြီး ပင်လယ်ကွေ့နိုင်ငံများ ခရီးစဉ်ကို ဖျက်လိုက်ရပါတယ်။

ကိုင်ရိုမြို့တော် အင်မ်ဘာဘာ (Imbaba) မြို့နယ်မှာ မနေ့ စနေနေ့က ခရစ်ယာန်နဲ့ မွတ်ဆလင်တွေကြား ရုန်းရင်းဆန်ခတ် ဖြစ်ခဲ့ရာမှာ ၁၀ ယောက် သေဆုံးပြီး ၁၈၆ ယောက် ဒဏ်ရာရခဲ့တယ်လို့ ဒီနေ့ထုတ် နိုင်ငံပိုင် သတင်းတွေမှာ ဖော်ပြထားပါတယ်။ သေဆုံးသူ တယောက်ကို ခရစ်ယာန် ဘုရားကျောင်းထဲမှာ တွေ့ခဲ့ရတယ်လို့ ဆိုပါတယ်။

ဒီအရေးအခင်းနဲ့ ပတ်သက်ပြီး အီဂျစ်အစိုးရ ၀န်ကြီးအဖွဲ့က ဒီနေ့ မနက်ပိုင်းမှာ အရေးပေါ် အစည်းအဝေး ကျင်းပခဲ့ပါတယ်။

ခရစ်ယာန် အမျိုးသမီးတယောက် အစ္စလာမ် ဘာသာဝင်အဖြစ် ပြောင်းမယ့် အစီအစဉ်ကို ပိတ်ပင်တဲ့ အနေနဲ့ ကော့ပ်တစ် (Coptic) ခရစ်ယာန် ဘုရားကျောင်းထဲမှာ ထိန်းသိမ်းထားတယ်ဆိုတဲ့ ကောလာဟလ ထွက်ခဲ့ရာကနေ အခုလို ရုန်းရင်းဆန်ခတ် ဖြစ်ခဲ့ရတာလို့ မျက်မြင်တွေက ပြောပါတယ်။

သေနတ်တွေနဲ့ နှစ်ဘက် အပြန်အလှန် ပစ်ခဲ့ကြသလို မွတ်ဆလင် ဆန္ဒပြသူတွေက လက်လုပ် မီးလောင်ဗုံးတွေနဲ့ ခရစ်ယာန် ဘုရားကျောင်းတွေ အပါအ၀င် အနီးနားက အဆောက်အဦးတွေကို ပစ်ခဲ့ကြတယ်လို့ ဆိုပါတယ်။

အဲဒီ ခရစ်ယာန် အမျိုးသမီးဟာ အစ္စလာမ် ဘာသာဝင်အဖြစ် ပြောင်းပြီးသား ဖြစ်ပေမဲ့ မွတ်ဆလင် အမျိုးသားနဲ့ လက်မထပ်နိုင်အောင် တားဆီးနေကြတာလို့လည်း မျက်မြင်တွေက ပြောပါတယ်။
အခင်းဖြစ်ပွားတဲ့ နေရာတ၀ိုက် လုံခြုံရေး တင်းတင်းကျပ်ကျပ် ချထားလိုက်ပြီး လူစုကွဲသွားအောင် သေနတ် မိုးပေါ်ထောင်ပစ်ပြီး မျက်ရည်ယိုဗုံးတွေ သုံးခဲ့ကြတယ်လို့ ဆိုပါတယ်။

အီဂျစ်လူဦးရေ သန်း ၈၀ အနက် ကော့ပ်တစ် ခရစ်ယာန် ဘာသာဝင် ၁၀% ရှိပြီး ဘာသာမတူသူတွေ လက်ထပ်ကြတဲ့အခါ ဒီလို တင်းမာမှုတွေနဲ့ ရင်ဆိုင်ကြရလေ့ ရှိပါတယ်။

၂ဝ၁၄ အာဆီယံဥက္ကဋ္ဌ မြန်မာ ဖြစ်လာဖွယ်ရှိ

2011-05-08 RFA

လာမယ့် ၂ဝ၁၄ ခုနှစ်ရောက်ရင် အာဆီယံဥက္ကဋ္ဌ နေရာကို မြန်မာနိုင်ငံက ယူဖို့ကိစ္စနဲ့ ပတ်သက်ပြီး တနင်္ဂနွေနေ့မှာ အာဆီယံခေါင်းဆောင်တွေ ဆွေးနွေးဖို့ရှိကြောင်း၊ အာဆီယံအနေနဲ့ မြန်မာနိုင်ငံကို ဥက္ကဋ္ဌ တာဝန်ယူဖို့ ခွင့်ပြုမယ့် အလားအလာတွေ ရှိနေကြောင်း ဂျကာတာက လာတဲ့ သတင်းတွေမှာ ဖော်ပြထားပါတယ်။

လာမယ့် ၂ဝ၁၄ ခုနှစ်မှာ အာဆီယံအလှည့်ကျဥက္ကဋ္ဌ တာဝန်ကို ထမ်းဆောင်ခွင့်ပေးဖို့ အင်ဒိုနီးရှားနိုင်ငံ ဂျကာတာမှာ ကျင်းပနေတဲ့ အာစီယံ အစည်းအဝေးမှာ ဦးသိန်းစိန် အစိုးရက တောင်းဆိုခဲ့ပါတယ်။

စင်္ကာပူနိုင်ငံကတော့ မြန်မာနိုင်ငံက လူ့အခွင့်အရေး အခြေအနေတွေအပေါ် စိုးရိမ်ပူပန်စရာ ရှိနေသေးတဲ့အတွက် ဒီကိစ္စကို ရွှေ့ဆိုင်းထားဖို့ တိုက်တွန်းခဲ့ပါတယ်။ ဒါပေမယ့် လာအိုနိုင်ငံက မြန်မာနိုင်ငံကို အလှည့်ကျ ဥက္ကဋ္ဌ နေရာပေးဖို့ ထောက်ခံခဲ့ပြီး ထိုင်းနဲ့ တခြား အာဆီယံနိုင်ငံတွေကလည်း မကန့်ကွက်မယ့် အနေအထားမှာ ရှိနေတယ်လို့ အစည်းအဝေး လာရောက်တဲ့ အာဆီယံ တာဝန်ရှိသူ တချို့က ပြောဆိုပါတယ်။

အာဆီယံ လူထုအစည်းအဝေးကို တက်ရောက်ခဲ့တဲ့ မြန်မာအတိုက်အခံ ကိုယ်စားလှယ်အဖွဲ့က ဒေါ်ခင်ဥမ္မာကတော့ မြန်မာနိုင်ငံကို ၂ဝ၁၄ ခုနှစ်မှာ ဥက္ကဋ္ဌ နေရာယူဖို့ သဘောတူကြောင်း တနင်္ဂနွေနေ့မှာ တရားဝင် ထုတ်ပြန်တာမျိုးတော့ မရှိသေးဘူးလို့ ပြောပါတယ်။

မြန်မာအစိုးရသစ် လက်ထက်မှာလည်း မြန်မာနိုင်ငံက လူ့အခွင့်အရေး အခြေအနေတွေ တိုးတက်လာတာ မတွေ့ရသလို အမျိုးသား ရင်ကြားစေ့ရေး အခြေအနေဟာလည်း တိုးတက်လာတာ မတွေ့ရတဲ့အတွက် နိုင်ငံတကာနဲ့ ဒေသတွင်းက လူထုအဖွဲ့အစည်းတွေ ဖြစ်တဲ့ အန်ဂျီအိုတွေနဲ့ လူ့အခွင့်အရေးနဲ့ လူမှုရေး လှုပ်ရှားတဲ့ အဖွဲ့အစည်းတွေကတော့ မြန်မာနိုင်ငံကို အာဆီယံဥက္ကဋ္ဌ နေရာပေးဖို့ ကန့်ကွက်ကြပါတယ်။

ဦးသိန်းစိန်အစိုးရကတော့ သူတို့အနေနဲ့ ဒီမိုကရေစီ ဖော်ဆောင်ရေး လုပ်ငန်းစဉ် (၇) ရပ်ကိုလည်း အကောင်အထည် ဖော်ပြီးပြီဖြစ်ကြောင်း၊ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုလည်း လွှတ်ပေးထားပြီဖြစ်ကြောင်း၊ ဒါကြောင့် မြန်မာကို ဥက္ကဋ္ဌနေရာ ယူခွင့်ပေးသင့်ကြောင်း၊ ဒါဟာသူတို့ရဲ့ အခွင့်အရေး ဖြစ်ကြောင်း ပြောဆိုခဲ့တယ်လို့ အမည်မဖော်လိုတဲ့ အာဆီယံ အရာရှိတဦးက ပြောဆိုခဲ့ပါတယ်။

အာဆီယံ၏ တည်မြဲမှု မသေချာ၊ မြန်မာ ဥက္ကဋ္ဌဖြစ်ရေး ဝိုင်းကန့်ကွက်ခံရ

Sunday, 08 May 2011 23:47 မောက္ခ နိုင်ငံတကာသတင်း

အာဆီယံအဖွဲ့၏ ခိုင်မြဲမှုနှင့် ဥရောပသမဂ္ဂကဲ့သို့ ၂၀၁၅ ခုနှစ်တွင် ဒေသတွင်း လုံခြုံရေးနှင့် စီးပွားရေး ကွန်မြူနတီ ဖြစ်လာရေး ရည်မှန်းချက်တို့မှာ များစွာ ထိခိုက်လျက် ရှိနေသည်။ ထိုင်းနှင့် ကမ္ဘောဒီးယား ၂ နိုင်ငံ နယ်စပ်ရှိ ၁၁ ရာစု ဘုရားကျောင်းဝန်းကို ပိုင်ဆိုင်လိုမှု ပြဿနာနှင့် နောက်ဆက်တွဲ တိုက်ခိုက်မှု များမှာ အာဆီယံ အစည်းအဝေးခန်းမ အထိ လိုက်ပါ နှောက်ယှက်လျက်ရှိခဲ့သည်။

ဘုရားကျောင်းဝန်း တည်ရှိရာ နယ်စပ်ဒေသ စစ်ပွဲများကြောင့် လူ ၂၉ ဦး အသက်ဆုံးရှုံးခဲ့ကြရပြီး ပြည်သူ ၈၅၀၀၀ မှာ အိုးအိမ်မဲ့ ရွှေ့ပြောင်းခဲ့ကြရသည်။ ဂျာကာတာတွင် ကျင်းပသည့် အာဆီယံ ထိပ်သီး ညီလာခံ၏ အဓိက အာဂျင်ဒါတစ်ခု မဟုတ်သော်ငြားလည်း အစည်းအဝေးကို လွှမ်းမိုးနေခဲ့သည့် ကိစ္စရပ်ဖြစ်၏။

အာဆီယံ အစည်းအဝေး ကာလအတွင်း လက်ရှိ အာဆီယံ ဥက္ကဌနှင့် အင်ဒိုနီရှားသမ္မတ ဆူဆီလိုဘမ်ဘန် ယူဒိုယိုနိုက ကမကထပြုပြီး ၂ နိုင်ငံအကြား ညှိနှိုင်းဖြန်ဖြေရန် ကြိုးစားမှုများလည်း ရှေ့မဆက်နိုင်ဘဲ ရှိနေခဲ့သည်။

သို့သော် ၂ နိုင်ငံ နိုင်ငံခြားရေးဝန်ကြီးများက ဘုံသဘောတူညီချက် ရသည်အထိ နောက်ထပ် တစ်ရက် ဆက်လက် ဆွေးနွေးသွားကြမည်ဖြစ်သည်။

ပရာဝိဟာဘုရားကျောင်း နယ်မြေကျဉ်းကျဉ်းလေး ကိစ္စ ပြဿနာ ဆွေးနွေးပွဲအပြီးတွင် ဤပြဿနာမှာ အာဆီယံ ထိပ်သီး အစည်းအဝေးပွဲ အခြေအနေကို ဖျက်ဆီးနေသည်ဟူ၍ ကမ္ဘောဒီးယား ၀န်ကြီးချုပ် ဟွန်ဆန်က ပြောကြားခဲ့သည်။

ထိုင်းဝန်ကြီးချုပ် အဘီဆစ်ဝိတ်ချာဂျီဝက “ဒီပြဿာနာဟာ အာဆီယံရဲ့ ခိုင်မြဲမှုအပေါ် ထိခိုက်နိုင်တယ် ဆိုတာကို ကျွန်တော်လက်ခံပါတယ်။” ဟူ၍ ပြောကြားလိုက်သည်။

စနေနေ့ တံခါးပိတ် တွေ့ဆုံပွဲတွင် ထိုင်းနိုင်ငံက သူ၏ တိုင်းပြည်ကို ကျုးကျော် တိုက်ခိုက်ခြင်းဖြစ်ကြောင်း ဟွန်ဆန်က ပြောကြားခဲ့သည်။ ပြီးခဲ့သည့် ဖေဖေါ်ဝါရီလက ကြိုကြား တိုက်ပွဲများကို “စစ်ပွဲကြီး” ဟူ၍ သူက သုံးသပ်ခဲ့သည်။

အားနည်းသည့် အာဆီယံ အိမ်နီးချင်းနိုင်ငံအပေါ် ထိုင်းတပ်များက စစ်ပွဲ ကြာရှည်အောင် ပြုမူနေသည်ဟုလည်း စွပ်စွဲခဲ့သည်။

ထိုင်းဝန်ကြီးချုပ်ကမူ “တိုက်ပွဲဖြစ်စေလိုတဲ့ ဆန္ဒ ထိုင်းနိုင်ငံမှာ လုံးဝမရှိပါဘူး။ ဒါပေမဲ့ ၀န်ကြီးချုပ် ဟွန်ဆန်ကတော့ အခြား အဓိပ္ပါယ်တစ်မျိုးနဲ့ ပြောတာဟာ စိတ်ပျက်ဖို့ကောင်းလှပါတယ်။” ဟု တုံ့ပြန်ပြောဆိုခဲ့သည်။

ဖိလစ်ပိုင်သမ္မတ ဘန်နင်နိုအာကွီနိုကလည်း အာဆီယံ၏ ခိုင်မြဲမှုမှာ ထိခိုက်လျက်ရှိနေပြီး ပြဿနာမှာ ပိုမို ကြီးထွားလာနိုင်သည်ဟု သတင်းထောက်များကို ရှင်းပြခဲ့သည်။

“အာဆီယံတစ်ခု၊ မိသားတစ်ခု ဆိုတာ ဘယ်လို ဖြစ်နိုင်တော့မှာလဲ။ အဓိက ၂ နိုင်ငံက သူတို့ရဲ့ ပြဿနာကို မဖြေရှင်းနိုင်သေးဘူးလေ။”

“အခြား အုပ်စုတွေနဲ့ ပြောဆိုတဲ့ အခါမှာ အာဆီယံဟာ စည်းလုံးညီညွတ်နေမှ ဖြစ်မှာပါ။ ကျွန်တော်တို့ အားလုံးကို တစ်ဖွဲ့တည်းအနေနဲ့ ပြောဆိုနိုင်မှာ ဖြစ်တယ်။” သူက ထပ်ပြောပြခဲ့သည်။

“ကျွန်တော်တို့ မညီညွတ်ဘူးဆိုရင်တော့ သူတို့က ဖိအားတွေ ပတ်ပတ်လည်က ပေးလိမ့်မယ်။”

နောက်ပြဿနာ တစ်ခုမှာ ၂၀၁၄ ခုနှစ်တွင် အာဆီယံဥက္ကဌ အဖြစ် မြန်မာနိုင်ငံက တာဝန်ယူရမည့်ကိစ္စကို နောက်ဆုတ် ထားလိုက်ခြင်းပင်ဖြစ်သည်။ လူ့အခွင့်အရေး အဖွဲ့အစည်းများနှင့် အနောက်တိုင်း အစိုးရများ၏ ဆန့်ကျင် ကန့်ကွက်မှု များကြောင့်ပင်ဖြစ်သည်။

၂၀၁၆ ခုနှစ်တွင် ဥက္ကဌ တာဝန်များကို မြန်မာနိုင်ငံက ထမ်းဆောင်ရန် အာဆီယံ၏ သဘောတူညီချက် မူကြမ်းမှာ နောက်ဆုံး ကြေညာချက်ထဲတွင်မူ စဉ်းစားနေဆဲသာလျှင် ဖြစ်ပြီး ဤအစည်းအဝေးက ဒီမိုကရေစီ ပြုပြင် ပြောင်းလဲမှုများကို ထောက်ခံ ကြိုဆိုပါ ကြောင်းသာ ဖော်ပြခဲ့သည်။

သို့ရာတွင် အာဆီယံက မြန်မာနိုင်ငံအပေါ် စီးပွားရေးအရ အရေးယူ ပိတ်ဆို့ထားသည့် အမေရိကန်၊ သြစတြေးလျနှင့် ဥရောပ သမဂ္ဂတို့မှ ဆန်ရှင်ကို ပြန်လည် ရုတ်သိမ်းပေးစေလိုသည်။

အရှေ့တီမောနိုင်ငံမှာ အာဆီယံ၏ ၁၁ နိုင်ငံမြောက် အဖွဲ့ဝင် ဖြစ်လာရေး ကိစ္စမှာလည်း စင်္ကာပူနိုင်ငံများ၏ ကန့်ကွက်မှုကြောင့် အဟန့်အတား ဖြစ်နေပြန်သည်။ တီမောကို ၂၄ နှစ်ကြာ သိမ်းပိုက်အုပ်စိုးခဲ့သည့် အင်ဒိုနီးရှားက ကမ်းလှမ်းခဲ့ခြင်း ဖြစ်သည်။