ဒီနေ့ဖတ်စရာ သတင်းများ (ဧပြီလ ၁၈ ရက်)

အကျဉ်းသား လွတ်မြောက်ရေး စုပေါင်းလက်မှတ်ရေးထိုးမကျေနပ်သည့် တပ်များ၊ ရန်ကုန်တိုင်း စစ်ဌာနချုပ်ကို ဝိုင်းမည်
ကိုမင်းကိုနိုင် ကျန်းမာရေး မိသားစုဝင်တွေ စိုးရိမ်
ဒေါ်အောင်ဆန်းစုကြည်ရဲ့ နှစ်သစ်ဆုတောင်း
တရုတ် ငွေကြေးဈေးကွက် မငြိမ်၊ အာရှ စတော့ဈေး ထပ်မံကျဆင်း
ဆီးရီးယားမှာ လွတ်လပ်ရေးနေ့ အထိမ်းအမှတ် အစိုးရဆန့်ကျင် ဆန္ဒပြ
ဂျပန် ပြန်လည်ထူထောင်ရေး အမေရိကန်နဲ့ ပူးပေါင်း ဆောင်ရွက်မည်
အမျိုးသားသင့်မြတ်ရေး မျှော်လင့်သလို ကြိုးပမ်းဖို့လို

အကျဉ်းသား လွတ်မြောက်ရေး စုပေါင်းလက်မှတ်ရေးထိုး

By မသိင်္ဂီထိုက် တနင်္ဂနွေ, 17 ဧပြီ 2011

မြန်မာ့နှစ်သစ်ကူး နှစ်ဆန်း ၁ ရက်နေ့မှာ ယုံကြည်ချက်ကြောင့် အကျဉ်းကျနေကြတဲ့ နိုင်ငံရေး အကျဉ်းသားတွေ လွတ်မြောက်ရေးနဲ့ ပြည်တွင်း ငြိမ်းချမ်းရေး အတွက် ဆောင်ရွက်ပေးဖို့အရေး မြန်မာအစိုးရသစ်ကို တောင်းဆိုတဲ့ လက်မှတ်ထိုး လှုပ်ရှားမှုတရပ်ကို ဆောင်ရွက်နေကြပါတယ်။ ဒီလက်မှတ်ထိုး တောင်းဆိုလှုပ်ရှားမှုမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး ခေါင်းဆောင်တွေနဲ့ ၈၈ မျိုးဆက် ကျောင်းသားတွေလည်း ပါဝင်ခဲ့ကြပါတယ်။ အပြည့်အစုံကို ဆက်သွယ် မေးမြန်းထားတဲ့ မသိင်္ဂီထိုက်က တင်ပြထားပါတယ်။

နိုင်ငံရေး အကျဉ်းသာတွေကို လွှတ်ပေးဖို့၊ ပြည်တွင်းစစ်တွေ ရပ်စဲဖို့နဲ့ ပြည်ပရောက် မြန်မာတွေ ပြည်တွင်း ပြန်လည် ၀င်ရောက်နေထိုင်နိုင်ရေး အတွက် ကောင်းမွန်တဲ့ အနေအထား တခုကို ဖန်တီးပေးဖို့ ၈၈ မျိုးဆက် ကျောင်းသားတွေ၊ ၀ါရင့် နိုင်ငံရေး သမားကြီးတွေနဲ့ တိုင်းရင်းသား ခေါင်းဆောင်တွေ စုပေါင်း လက်မှတ်ရေးထိုး တောင်းဆို လှုပ်ရှားမှုတခုကို မြန်မာနှစ်သစ်ကူး နှစ်ဆန်း ၁ ရက်နေ့မှာ စတင်လိုက်ပါတယ်။ ဒီလို လက်မှတ်ရေးထိုး တောင်းဆိုမှုကို လူထုတောင်းဆိုမှု တခုအသွင် ဆောင်လာအောင်အထိ ပြည်နယ်နဲ့ တိုင်းအသီးသီးကို ပို့ဆောင်ပြီး လှုပ်ရှား ဆောင်ရွက်သွားမယ်လို့လည်း ၈၈ မျိုးဆက် ကျောင်းသား တဦးဖြစ်တဲ့ ဦးဖြိုးမင်းသိန်းက ပြောပါတယ်။

“ပထမဦးဆုံးအချက်ကတော့ နိုင်ငံရေး အကျဉ်းသားတွေအားလုံးကို ချွင်းချက်မရှိ လွှတ်ပေးဖို့ရယ်၊ ဒုတိယ အချက်က မြန်မာ့နိုင်ငံရေးပြဿနာတွေကို နိုင်ငံရေးနည်းလမ်းနဲ့ ဖြေရှင်းဖို့အတွက်ပေါ့။ အပစ်အခတ်ရပ်စဲရေး၊ ပြည်တွင်းငြိမ်းချမ်ေးရး တည်ဆောက်ဖို့ တိုက်တွန်းထားတာ။ နိုင်ငံတကာမှာ ရောက်နေတဲ့သူတွေရော၊ ပြည်ပနိုင်ငံ အသီးသီးမှာ ဒုက္ခသည်အဖြစ် ရောက်နေကြတဲ့သူတွေရော၊ မြန်မာနိုင်ငံအတွင်းကို လုံခြုံစိတ်ချစွာ ပြန်လည် လာနိုင်ရေးအတွက်ပေါ့ နောက် အခြေအနေ ကောင်းတွေကို ဖန်တီးပေးဖို့ တောင်းဆိုထားတာ ဖြစ်ပါတယ်။

အခုစပြီး လက်မှတ်ရေးထိုးနေကြပါတယ်။ ဒေါ်အောင်ဆန်းစုကြည် တို့၊ ဦးတင်ဦး တို့ အပါအ၀င် တိုင်းရင်းသား ခေါင်းဆောင်တွေ၊ ၀ါရင့်နိုင်ငံရေးသမားကြီးတွေ၊ ၈၈ ကနေ အခုထိ ပါဝင်လှုပ်ရှားနေတဲ့ နိုင်ငံရေး မိသားစုတွေ အတော်များများ ပါဝင် လက်မှတ်ရေးထိုး ကြမှာပါ။ လူထုရဲ့ အသံတခု အနေနဲ့ အစိုးရအဖွဲ့ကို တင်ပြနိုင်အောင် ကျနော်တို့ ကြိုးစားသွားမှာပါ။”

အမျိုးသား ဒီမိုကရေစီအဖွဲ့ချုပ် (NLD) ကလည်း နိုင်ငံရေး အကျဉ်းသားတွေ ပြန်လွှတ်ပေးရေး အပါအ၀င် အစိုးရသစ် သမ္မတ အနေနဲ့ ပြောထားတဲ့ ကတိအတိုင်း ပြည်တွင်း ငြိမ်းချမ်းရေး၊ ဖွံ့ဖြိုးတိုးတက်ရေးတို့ကို လုပ်ဆောင်ပါလို့ တိုက်တွန်း တောင်းဆိုထားတဲ့ စာတစောင်ကို အစိုးရသစ် သမ္မတ ဦးသိန်းစိန်ထံကို ပြီးခဲ့တဲ့ သီတင်းပတ်ထဲမှာပဲ ပေးပို့ခဲ့ပါသေးတယ်။ နိုင်ငံရေး အကျဉ်းသားတွေ လွှတ်ပေးဖို့နဲ့ ပြည်ပရောက် မြန်မာနိုင်ငံသားတွေ ပြည်တွင်း ပြန်လည် နေထိုင်နိုင်ရေး အတွက် အမတ်တချို့က လွှတ်တော်သစ်ထဲမှာ တင်ပြဖူးပေမဲ့ ဒီကိစ္စဟာ လွှတ်တော်မှာ ဆုံးဖြတ်ရမယ့်ကိစ္စ မဟုတ်ဘူးဆိုပြီး ပယ်ချခဲ့တာပါ။

ဒီလို ပယ်ချထားပေးမဲ့လည်း အခု လက်မှတ်ရေးထိုး လှုပ်ရှားသူတွေကတော့ နိုင်ငံရေး အကျဉ်းသားတွေ လွှတ်ပေးရေးနဲ့ ပြည်တွင်း ငြိမ်းချမ်းရေးကို အစိုးရသစ်အနေနဲ့ ဆောင်ရွက်ပေးလိမ့်မယ်လို့ မျှော်လင့်ထားဆဲ ဖြစ်တယ်လို့လည်း တက်ကြွ လှုပ်ရှားသူ တဦးဖြစ်တဲ့ ဦးဖြိုးမင်းသိန်းက ပြောပါတယ်။

“ကျနော်တို့ကတော့ဗျာ နိုင်ငံရေး အကျဉ်းသားတွေ လွတ်မြောက်ရေးအတွက် မျှော်လင့်ထားပါတယ်။ အခုချိန်မှာ နိုင်ငံတော်သမ္မတလည်း ပေါ်လာပြီ။ တိုင်းပြည်မှာ လွှတ်တော်တရပ်လည်း ပေါ်လာပြီဖြစ်တဲ့ အတွက် ဒီအခြေအနေ အပေါ်ကနေ နိုင်ငံရေးအကျဉ်းသားတွေ လွတ်မြောက်ရေးကိစ္စကို အခုပေါ်လာတဲ့ အစိုးရသစ်ကနေ ဆောင်ရွက်ပေးဖို့ လိုလိမ့်မယ်လို့ ကျနော်တို့ ထင်ပါတယ်။ ဒီအပေါ်မှာလည်း ကျနော်တို့ မျှော်လင့်ထားပါတယ်။

ဒီနှစ်သစ်အခါသမယမှာပေါ့နော် တိုင်းပြည်မှာရှိနေတဲ့ ပြဿနာ အရပ်ရပ်တွေကို ပြေလည်သင့်မြတ်ဖို့နဲ့ လာမယ့် မင်္ဂလာရှိတဲ့နှစ်သစ် ဖြစ်ဖို့အတွက် နိုင်ငံရေး အကျဉ်းသားတွေအားလုံး လွတ်မြောက်ကြမယ်၊ ဒုက္ခသုက္ခရောက်နေသူတွေ၊ စစ်ဘေးဒဏ် သင့်နေတဲ့သူတွေရဲ့ ဒုက္ခတွေကိုလည်း ငြိမ်းချမ်းဖို့အတွက် ပြည်တွင်း ငြိမ်းချမ်းရေးကို အမြန်ဆုံး တည်ဆောက်နိုင်ပြီး အပစ်အခတ် ရပ်စဲရေးကို အမြန်ဆုံး ဆောင်ရွက်နိုင်ဖို့၊ နိုင်ငံရေး ပြဿနာရပ်တွေကို တွေ့ဆုံဆွေးနွေးပြီး အမျိုးသား ပြန်လည် သင့်မြတ်ရေး တည်ဆောက်နိုင်ဖို့ ဆိုတဲ့ ရည်ရွယ်ချက်တွေနဲ့ အခု နှစ်သစ် အခါသမယမှာ ဒီလို ကောင်းမြတ်တဲ့ ကိစ္စတွေကို ကျနော်တို့ ဆောင်ရွက်တာ ဖြစ်ပါတယ်။”

ဒီကနေ့စတင်တဲ့ လက်မှတ်ရေးထိုး လှုပ်ရှားမှုကရလာတဲ့ လက်မှတ်တွေနဲ့ တောင်းဆိုမှုတွေကိုတော့ လာမယ့် ရုံးဖွင့်ရက်မှာပဲ နေပြည်တော်မှာရှိတဲ့ သမ္မတရုံးကို ပေးပို့မယ်လို့ ဆိုပါတယ်။

မကျေနပ်သည့် တပ်များ ၊ ရန်ကုန်တိုင်း စစ်ဌာနချုပ်ကို ၀ိုင်းမည်

April 17, 2011 FNG

ရန်ကုန်မြောက်ပိုင်းက တိုက်ကြီး၊ မှော်ဘီ ၊ ရဲမွန်နဲ့  အင်းတကော်က တပ်တွေဟာ ရန်ကုန်တိုင်း စစ်ဌာနချုပ်ကို မကြာခင် ၀ိုင်းတော့မယ်လို့  မှော်ဘီလေတပ်စခန်းက အရာရှိတဦးက FNG ကို ပြောပါတယ်။
ဒီတပ်တွေဟာ သူတို့ ရဲ့  မကျေနပ်ချက်တွေနဲ့  အခွင့်အရေးတချို့ ဆုံးရှုံးတာတွေနဲ့ပတ်သက်ပြီး အထက်ကိုတင်ပြရာမှ ဘာမှ လုပ်ဆောင်ဖြေရှင်းပေးမှုမရှိတာကြောင့် အခုလို လက်နက်ကိုင် ဖြေရှင်းရတော့မှာ ဖြစ်တယ်လို့ ဆိုပါတယ်။

ရန်ကုန်တိုင်း စစ်ဌာနချုပ် တိုင်းမှုးအသစ်ဖြစ် တဲ့ ဗိုလ်မှုးချုပ် ထွန်းသိန်း ရော၊ ကာကွယ်ရေးဦးစီးချုပ်အသစ် ဗိုလ်ချုပ်ကြီး မင်းအောင်လှိုင်ရောပါ ဒီပြဿနာတွေကို ကျွမ်းကျင်လိမ္မာစွာ ကိုင်တွယ်ဖြေရှင်းနိုင်မယ် မထင်ဘူးလို့  ရန်ကုန်မြို့ က အငြိမ်းစား တပ်မတော်အရာရှိဟောင်းတဦးက FNG ကို ပြောပါတယ်။

ယမန်နေ့က ပြန်လှန်ပစ်ခတ်မှုတွေကြောင့် အရာရှိအဆင့်ရှိသူတဦး ကျဆုံးခဲ့ရတယ် လို့  ဘီဘီစီ မြန်မာပိုင်း အသံလွှင့် အစီအစဉ်က ကြေငြာသွားခဲ့ပါတယ်။

ယခင် ဒုတိယ ဗိုလ်ချုပ်ကြီးဟောင်း ရန်ကုန်တိုင်းဝန်ကြီးချုပ် ဦးမြင့်ဆွေက ဒီပြဿနာကို ၀င်ရောက်ဖြေရှင်းပေလို့ပေမယ့် တိုင်းမှုးအသစ်ကတော့ အရပ်သားဖြစ်သွားပြီဖြစ်တဲ့ ဦးမြင့်ဆွေရဲ့ ကြားဝင်စေ့စပ်မှုကို လက်မခံဘူးလို့ သိရပါတယ်။

ကိုမင်းကိုနိုင် ကျန်းမာရေး မိသားစုဝင်တွေ စိုးရိမ်

2011-04-17

ရှမ်းပြည်နယ် ကျိုင်းတုံထောင်ကို ပို့ခံ ထားရတဲ့ ကျောင်းသားခေါင်းဆောင် ကိုမင်းကိုနိုင်ရဲ့ ကျန်းမာရေး ချို့တဲ့နေတယ်လို့ သတင်းရရှိပါတယ်။

ကိုမင်းကိုနိုင်ဟာ မကြာခဏ ခေါင်းမူးတဲ့ဝေဒနာ ခံစားနေရသလို၊ နှလုံးအားနည်းတဲ့ ရောဂါပါ ခံစားနေရပြီလို့ သိရပါတယ်။ သင်္ကြန်မတိုင်ခင်က ကိုမင်းကိုနိုင်ကို ထောင်ဝင်စာ သွားတွေ့ခဲ့တဲ့ အမဖြစ်သူ ဒေါ်ကြည်ကြည်ညွန့်က RFA ကို အခုလို ပြောပါတယ်။

ဆေးဝယ်ခိုင်းလို့ ဆေးဝယ်ပေးခဲ့ရတယ်။ ငလျင်လှုပ်ပြီးကတည်းက နည်းနည်း အားနည်းနေတယ်။ အခုတော့ ဆေးသောက်ရင်တော့ သက်သာမယ်လို့ ပြောတာပဲ

ရှမ်းပြည်နယ်အရှေ့ပိုင်း တာလေငလျင်ကြောင့် ကျိုင်းတုံထောင်မှာလည်း အတော်လေး လှုပ်ခတ်သွားပါတယ်။ ဒါပေမယ့် ထောင်တွင်း အပျက်အစီးနဲ့ ထိခိုက်မှု မရှိတဲ့အကြောင်း သိခဲ့ရတာကိုလည်း ဒေါ်ကြည်ကြည်ညွန့်က ပြောပါတယ်။ ကိုမင်းကိုနိုင်ဟာ အရိုးကျည်းပေါင်း တက်တာနဲ့ အဆစ်အမြစ် ကိုက်ခဲတဲ့ ဝေဒနာတွေကို တောက်လျှောက် ခံစားနေခဲ့ရပြီး အခု နှလုံးအားနည်းတဲ့ ဝေဒနာ ခံစားလာရတာပါ။

၁၉၈၉ ခုနှစ် ကနေ ၂ဝဝ၄ ခုနှစ်အထိ အင်းစိန်နဲ့ စစ်တွေထောင်တွေမှာ နေခဲ့ရပါတယ်။ အခုတကြိမ် ၂ဝဝ၇ ခုနှစ်မှာ အဖမ်းခံရတဲ့ အခါမှာတော့ ထောင်ဒဏ် ၆၅ နှစ်နဲ့ ၆ လ ချမှတ်ခံရပြီး အင်းစိန်ထောင်က တဆင့် ရှမ်းပြည်နယ် ကျိုင်းတုံထောင်မှာ အပို့ ခံထားရတာပါ။

အလားတူပဲ ရှမ်းပြည်နယ်မြောက်ပိုင်း လားရှိုးထောင်မှာ အပို့ခံထားရတဲ့ နိုင်ငံရေး အကျဉ်းသူ မဟန်နီဦးလည်း ကျန်းမာရေး မကောင်းဘူးလို့ သိရပါတယ်။ မဟန်နီဦးဟာ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်မှာ ပါဝင် လှုပ်ရှားခဲ့ပြီး ၂ဝဝ၇ ရွှေဝါရောင် သံဃာ့လှုပ်ရှားမှု နောက်ပိုင်း ထောင်ဒဏ် ၉ နှစ်နဲ့ ၆ လ ချမှတ်ခံထားရပါတယ်။

နိုင်ငံရေးအကျဉ်းသားတွေ လွတ်ငြိမ်းချမ်းသာခွင့်နဲ့ ပတ်သက်ပြီး မိသားစုဝင်တွေရဲ့ အမြင်တွေကို ကိုနေရိန်ကျော်က စုစည်းတင်ပြထားပါတယ်။

ဒေါ်အောင်ဆန်းစုကြည်ရဲ့ နှစ်သစ်ဆုတောင်း

2011-04-17 RFA

မြန်မာပြည်သူတွေ တရပ်လုံး မိမိတို့ လိုအပ်ချက်တွေ ပြည့်ဝရေးအတွက် ယုံကြည်မှု ခိုင်ခိုင်မာမာနဲ့ လျှောက်လှမ်းကြစေလိုကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။ကိုယ့်ကိုယ် ကိုယ် ယုံကြည်မှုအပြည့်နဲ့ ကိုယ်လိုချင်တဲ့ နိုင်ငံမျိုးဖြစ်အောင် လုပ်ယူမယ်ဆိုတဲ့ ခိုင်မာတဲ့ စိတ်တွေ အခြေခံပြီး ဒီနှစ်သစ်ခရီးကို လှမ်းသွားစေချင်ပါတယ်။ နှစ်သစ်မှာ မြန်မာနိုင်ငံသူ နိုင်ငံသားတွေ စိတ်ဓာတ် အပြည့်အဝနဲ့ ကျန်းမာချမ်းသာကြပါစေလို့ ဆုတောင်း မေတ္တာပို့လိုက်ပါ။

RFA က ထုတ်လွှင့်နေတဲ့ “လူထု နဲ့ ဒေါ်အောင်ဆန်းစုကြည်” အမေးအဖြေ အစီအစဉ်မှာ သောတရှင်တဦးက အခု နှစ်သစ်အတွင်း NLD ရဲ့ လုပ်ငန်းစဉ်တွေနဲ့ ဒေါ်အောင်ဆန်းစုကြည်ရဲ့ နှစ်သစ်ကူး အမှာစကားကို မေးမြန်းရာမှာ အခုလို ဖြေကြားခဲ့တာပါ။

ဒါ့ပြင် ဒေါ်အောင်ဆန်းစုကြည်က တိုင်းရင်းသားစာပေနဲ့ ဘာသာစကား သင်ကြားရေးကို ထောက်ခံပြောဆိုရင်း မိမိ ကိုယ်တိုင်လည်း တခြား တိုင်းရင်းသား ဘာသာစကား တတ်ကျွမ်းခဲ့မယ်ရင် အခုလို နှစ်သစ်ကူး နှုတ်ခွန်းဆက်စကားကို သက်ဆိုင်ရာ တိုင်းရင်းသား ဘာသာစကားနဲ့ နှုတ်ဆက်လိုကြောင်း ပြောပါတယ်။

တိုင်းရင်းသားဒေသတွေမှာ တတ်နိုင်သလောက် တိုင်းရင်းသား ဘာသာစကားတွေကို သင်ကြားပေးတာလည်း သင့်တော်မယ်လို့ ယုံကြည်ပါတယ်။ ကျမ ကိုယ်တိုင်က မြန်မာဘာသာစကားအပြင် တခြား တိုင်းရင်းသား ဘာသာစကား တခုမှ မတတ်တာကို ဝမ်းနည်း မကျေနပ်မိ ဖြစ်ပါတယ်။ အခုလိုအချိန်မှာ မွန်ဘာသာစကားနဲ့ “နှစ်သစ်ကူး မင်္ဂလာပါ” လို့ ပြောနိုင်ရင် ဘယ်လောက်ကောင်းမလဲနော်

သြစတြေလျ နိုင်ငံက မွန်တိုင်းရင်းသား ခေါင်းဆောင်တဦးရဲ့ မေးခွန်းကို ဖြေကြားရာမှာ ဒေါ်အောင်ဆန်းစုကြည်က အခုလို ပြောဆိုခဲ့တာပါ။

တရုတ် ငွေကြေးဈေးကွက် မငြိမ်၊ အာရှ စတော့ဈေး ထပ်မံကျဆင်း

April 17, 2011 FNG

နိုင်ငံ၏ ဆဌမမြောက် အချမ်းသာဆုံး အမျိုးသမီး စီးပွားရေး လုပ်ငန်းရှင်ကို တရုတ်က သေဒဏ်ပေးခဲ့ရာ ရင်းနှီးမြုပ်နှံသူတို့ လက်တွန့်သွားကြသည်။

တရုတ်နိုင်ငံသုံး ရီမင်ဘီငွေကြေး ရုတ်တစ်ရက် ဖောင်းပွလာတာနဲ့ပတ်သက်ပြီး နိုင်ငံတကာက ငွေကြေးဈေးကွက် ဈေးကစားသူတွေက သူတို့ရဲ့  ရင်းနှီးမြုပ်နှံမှုတွေကို တရုတ်နိုင်ငံတွင်းမှာ မြုပ်နှံထားရာကနေ ပြန်ထုတ်ယူလိုတဲ့ ဆန္ဒရှိနေတာကြောင့် (အချို့ ထုတ်ပြီး) တရုတ်နိုင်ငံရဲ့  ငွေကြေးဈေးကွက်ဟာ အနှေးနဲ့ အမြန် အန္တရာယ်ရှိလာနိုင်တယ်လို့ ငွေကြေးဈေးကွက် ကျွမ်းကျင်သူတွေက သုံးသပ်ကြပါတယ်။

တရုတ်နိုင်ငံမှာ ၂ နှစ်တာကာလအတွင်း ငွေကြေးဖောင်ပွမှုနှုန်းထား အမြင့်ဆုံးကိုရောက်ရှိနေပြီး တရုတ်နိုင်ငံရဲ့  မြို့ ပြ ဒေသတွေမှာ ကုန်ဈေးနှုန်းတွေ ၅ ရာခိုင်နှုန်းကျော်တက်ပြီး ၊ အိမ်ခြံမြေ ဈေးနှုန်းတွေကတော့ မြို့ပြဒေသတွေမှာ ၈ ရာခိုင်နှုန်းကျော်အထိတက်တယ်လို့  ဘေဂျင်းကလာတဲ့ ရိုက်တာသတင်းတပုဒ်မှာ ဖော်ပြထားပါတယ်။

တရုတ်နိုင်ငံသုံး ရီမင်ဘီ ငွေကြေး ရုတ်တရက်ကျဆင်းလာတာနဲ့ပတ်သက်ပြီး ၀ါရှင်တန်မှာ ကျင်းပနေတဲ့ နိုင်ငံတကာ ငွေကြေးရံပုံငွေအဖွဲ့  IMF အစည်းအဝေးမှာ တရုတ် ဗဟိုဘဏ် ဥက္ကဋ္ဌ ကျောက်စီချွမ်းက IMF အနေနဲ့  နိုင်ငံဖြတ်ကျော် ငွေကြေးဈေးကွက် အသိမ်းအနှုတ် မြန်မှုတွေကို စည်းကြပ်ပေးပါလို့ တိုက်တွန်းခဲ့ပါတယ်။

တရုတ်နိုင်ငံမှာ ယခုလဆန်းပိုင်းက နိုင်ငံရေးအရ အတိုက်အခံနဲ့ လှုပ်ရှားသူတွေကို အစုလိုက်အပြုံလိုက် ဖမ်းဆီးမှုနဲ့ တရုတ် ဗဟိုဘဏ်၊ ပို့ကုန်နဲ့  ငွေကြေးဈေးကွက် သတင်းအချက် ပေါက်ကြားမှုတွေကလည်း တရုတ်ငွေကြေးကို ယိုင်နဲ့စေတဲ့ အကြောင်းဖြစ်တယ်လို့  CNN Money ကဏ္ဍမှာ သုံးသပ်ထားပါတယ်။
တရုတ် ၀န်ကြီးချုပ် ၀မ်ကျားပေါင်ကတော့ ငွေကြေးဖောင်းပွမှုကို တိုက်ဖျက်ဖို့ဟာ တရုတ်အစိုးရရဲ့ ပထမဦးစားပေး တာဝန်လို့  ပြောကြားပါတယ်။

တရုတ်နိုင်ငံဟာ ယခုနှစ် ပထမ ၄ လမှာ နိုင်ငံရဲ့စီးပွားရေး ၉.၇ ရာခိုင်နှုန်း တိုးတက်တယ်ဆိုပေမယ့် တရုတ် စီးပွားရေး အချက်အလက် ပေါက်ကြားမှုတွေမှာတော့ တရုတ်နိုင်ငံထုတ် ကုန်တချို့ရဲ့ အမှာစာတွေကို ဂျပန်၊ အာရပ်နိုင်ငံတချို့နဲ့  အာဖရိကမြောက်ပိုင်းနိုင်ငံတွေက ရပ်ဆိုင်းလိုက်ကြတဲ့အတွက် အလုပ်လက်မဲ့တွေ များလာနိုင်တယ်လို့  ဖော်ပြထားပါတယ်။

တရုတ်အစိုးရဟာ ပြီးခဲ့တဲ့ ဧပြီလ ၇ ရက်နေ့က တရုတ်နိုင်ငံရဲ့  ဆဌမမြောက် အချမ်းသာဆုံး စွန့်ဦးတီထွင် စီးပွားရေး လုပ်ငန်းရှင် အသက် ၂၉ နှစ်အရွယ် အမျိုးသမီး ၀ုရင် ကို သေဒဏ်ပေးခဲ့ရာကနေစပြီး ပြည်တွင်း၊ ပြည်ပ စီးပွားရေး လုပ်ငန်းရှင်တွေဟာ ၎င်းတို့ရဲ့  ရင်းနှီးမြုပ်နှံမှုတွေကို ရွှေ့ပြောင်းခဲ့တာ ဖြစ်ပါတယ်။
အမေရိကန် ဒေါ်လာနဲ့  လဲလှယ်ရာမှာ တရုတ် ရီမင်ဘီ ဈေးကျဆင်းမှုတွေကြောင့် အကျိုးဆက်အနေ နဲ့ အာရှ စတော့ အညွှန်းကိန်းတွေလဲ ဆက်လက် ကျဆင်းလျှက်ရှိပါတယ်။

နိုင်ငံတကာ ငွေကြေးရံပုံငွေအဖွဲ့ ဥက္ကဋ္ဌကတော့ တရုတ်စီးပွားရေးဟာ ယခုနှစ်ကုန်မှာ ပြန်ကောင်းလာနိုင်တယ်ဆိုပေမယ့် အခုတော့ မသေချာ မရောရာတဲ့ အနေအထားကို ကျော်ဖြတ်နေရပါတယ်။

ဆီးရီးယားမှာ လွတ်လပ်ရေးနေ့ အထိမ်းအမှတ် အစိုးရဆန့်ကျင် ဆန္ဒပြ

တနင်္ဂနွေ, 17 ဧပြီ 2011

ဒီကနေ့ကျရောက်တဲ့ ဆီးရီးယားနိုင်ငံရဲ့ လွှတ်လပ်ရေးနေ့မှာ လွတ်လပ်ခွင့်တွေ ပိုမိုရရှိရေးအတွက် ရာပေါင်းများစွာသော ဆီးရီးယားပြည်သူတွေ တိုင်းပြည်တောင်ပိုင်း မြို့တမြို့မှာ တနင်္ဂနွေနေ့က ချီတက် ဆန္ဒပြခဲ့ကြပါတယ်။

ဆီးရီးယားနိုင်ငံမှာ ဆယ်စုနှစ်တွေနဲ့ချီ ပြဌာန်းထားခဲ့တဲ့ အရေးပေါ်ဥပဒေကို သီတင်းတပတ်အတွင်း ရုပ်သိမ်းပေးမယ်လို့ သမ္မတ ဘက်ရှာ အယ်လ်အာဆဒ် (Bashar al-Assad) က မနေ့က ကတိပေး ပြောကြားခဲ့တဲ့ကြားကပဲ ဆူဝေဒါ (Suweida) မြို့မှာ အစိုးရဆန့်ကျင်ရေး ချီတက် ဆန္ဒပြသူတွေက ဘုရားသခင်၊ ဆီးရီးယား၊ လွှတ်လပ်မှု စတဲ့ ကြွေးကြော်သံတွေကို အော်ဟစ်ခဲ့ကြပါတယ်။

စနေနေ့က သူ့ရဲ့ဝန်ကြီးအဖွဲ့သစ်ကို ပြောကြားတဲ့မိန့်ခွန်းထဲမှာ သမ္မတ အာဆဒ်က အရေးပေါ်ဥပဒေ ရုပ်သိမ်းပေးမယ်လို့ ပြောကြားခဲ့တာဖြစ်ပြီး အဲဒီမိန့်ခွန်းကို တိုင်းပြည်ကို အသံလွှင့်ခဲ့ပါတယ်။ လုံခြုံရေးတပ်ဖွဲ့တွေအနေနဲ့ ဖမ်းချင်တိုင်းဖမ်းနိုင်တဲ့ အခွင့်အာဏာ အလွန်အကျွံပေးထားတဲ့ အဲဒီ အရေးပေါ် ဥပဒေကို ရုပ်သိမ်းပေးဖို့ အစိုးရဆန့်ကျင်ရေး ဆန္ဒပြသူတွေကလည်း တောင်းဆိုနေခဲ့ကြတာပါ။

သမ္မတမိန့်ခွန်း ပြောပြီးပြီးချင်းမှာလည်း ဆန္ဒပြသူတွေ လမ်းမတွေပေါ်ထွက် ဆန္ဒပြခဲ့ကြပါသေးတယ်။
တိုင်းပြည်တည်ငြိမ်ရေးဟာ ဆီးရီးယားနိုင်ငံအတွက် ထိပ်တန်း ဦးစားပေးလုပ်ငန်း ဖြစ်ပြီး လုံခြုံရေးတပ်ဖွဲ့တွေ အနေနဲ့လည်း ဆန္ဒပြသူတွေကို ဘယ်လို ကိုင်တွယ် ဖြေရှင်းရမယ် ဆိုတာနဲ့ပတ်သက်တဲ့ သင်တန်းတွေ ထပ်တက်ဖို့လိုတယ်လို့ သမ္မတ အာဆဒ်က ပြောပါတယ်။

ဂျပန် ပြန်လည်ထူထောင်ရေး အမေရိကန်နဲ့ ပူးပေါင်း ဆောင်ရွက်မည်

တနင်္ဂနွေ, 17 ဧပြီ 2011

ဂျပန်နိုင်ငံမှာ ပြီးခဲ့တဲ့ မတ်လ ၁၁ ရက်နေ့က အင်အားပြင်းထန်တဲ့ ငလျင်ကြီးလှုပ်ခဲ့ပြီး နောက်ဆက်တွဲအဖြစ် ဆူနားမီဒဏ်တွေ ခံခဲ့ရတဲ့ဒေသတွေမှာ ပြန်လည် ထူထောင်ရေး လုပ်ငန်းတွေ လုပ်ဆောင်ဖို့ ပုဂ္ဂလိက တဦးချင်းစီ ဒါမှမဟုတ် အစုလိုက် အဖွဲ့လိုက် ပူးပေါင်း လုပ်ဆောင်နိုင်ရေး စီစဉ်ပေးဖို့ ဂျပန်နဲ့ အမေရိကန် ပြည်ထောင်စုတို့ သဘောတူလိုက်ကြပါတယ်။

အမေရိကန်နိုင်ငံခြားရေးဝန်ကြီး ဟယ်လာရီ ကလင်တန် (Hillary Clinton) ဂျပန်နိုင်ငံကို တရားဝင် အလည်အပတ်ခရီး ရောက်ရှိနေစဉ် တနင်္ဂနွေနေ့က အခုလို ကြေညာလိုက်တာပါ။ ဂျပန်နိုင်ငံမှာ ငလျင်နဲ့ ဆူနားမီဒဏ်တွေ ခံခဲ့ရပြီးနောက် သွေးစည်းညီညွတ်မှု ပြသတဲ့အနေနဲ့ရော၊ လတ်တလော ရင်ဆိုင်နေရတဲ့ နျူကလီးယား အခက်အခဲကိစ္စကိုပါ အားပေး ထောက်ခံမှု ပြသတဲ့အနေနဲ့ နိုင်ငံခြားရေးဝန်ကြီး ကလင်တန် ဂျပန်နိုင်ငံကို ရောက်နေတာပါ။

သူ့ခရီးစဉ်အတွင်း ဂျပန်နိုင်ငံခြားရေးဝန်ကြီး တက်ကီယာကီ မက်ဆူမိုနို (Takeaki Matsumoto) နဲ့ တွေ့ဆုံ ဆွေးနွေးခဲ့သလို ဂျပန် ဧကရာဇ်ဘုရင် အကီဟီတို (Akihito)၊ မိဖုရား မီချီကို (Michiko) တို့နဲ့လည်း လ္ဘက်ရည် အတူသောက်ခဲ့တယ်လို့ ဆိုပါတယ်။ ဒါ့အပြင် နိုင်ငံခြားရေးဝန်ကြီး ကလင်တန်ဟာ ဂျပန်ဝန်ကြီးချုပ် နာအိုတိုခန် နဲ့လည်း တွေ့ဆုံခဲ့တယ်လို့ ဆိုပါတယ်။

နိုင်ငံခြားရေးဝန်ကြီး ကလင်တန်ဟာ ဂျပန်နိုင်ငံကို ခရီးမဆက်ခင် တောင်ကိုရီးယားနိုင်ငံကို အရင် သွားရောက်ခဲ့တာပါ။ တောင်ကိုရီးယားနိုင်ငံမှာ ရှိနေစဉ်အတွင်း နှစ်နိုင်ငံ အကောက်ခွန်မဲ့ ကုန်သွယ်ရေး သဘောတူညီချက်ကို အတည်ပြုဖို့ သမ္မတ အိုဘားမားအစိုးရ အနေနဲ့ သံန္နိဌာန် ချထားတဲ့အကြောင်း တနင်္ဂနွေနေ့မှာပဲ မစ္စစ် ကလင်တန်က ပြောခဲ့ပါတယ်။

တကယ်လို့ အကောက်ခွန်မဲ့ ကုန်သွယ်ရေး သဘောတူညီချက်သာ အတည်ဖြစ်သွားခဲ့ရင် တောင်ကိုရီးယားနဲ့ အမေရိကန်တို့ဟာ အကျိုးတူ လုပ်ဖော်ကိုင်ဖက် နိုင်ငံတွေဖြစ်တယ် ဆိုတာကို ပြသရာရောက်မယ့်အကြောင်း ဆိုးလ်မြို့မှာရှိတဲ့ စီးပွားရေးလုပ်ငန်းရှင်တွေနဲ့ တွေ့ဆုံပွဲမှာ ၀န်ကြီး ကလင်တန်က ပြောခဲ့ပါတယ်။

အမျိုးသားသင့်မြတ်ရေး မျှော်လင့်သလို ကြိုးပမ်းဖို့လို

By ကိုသားညွှန့်ဦး တနင်္ဂနွေ, 17 ဧပြီ 2011

မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ နိုင်ငံရေးအရ တွေ့ဆုံညှိနှိုင်းမှုတွေ ဖြစ်လာဖို့ တဖက်မှာ မျှော်လင့်ထားသလို ဒီအတွက် လုပ်စရာတွေကိုလည်း ကိုယ်တိုင် လုပ်ဆောင်သွားရမယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မနေ့က မြန်မာနှစ်ဆန်း ၁ ရက်နေ့မှာ ပြောဆိုပါတယ်။ အမျိုးသား ဒီမိုကရေစီအဖွဲ့ချုပ် အနေနဲ့ အခုအစိုးရသစ်နဲ့ တွေ့ဆုံ ဆွေးနွေးလိုတယ် ဆိုတာ သမ္မတ ဦးသိန်းစိန်ကို အခုနှစ်ဆန်းမတိုင်ခင် စာရေးသားပေးပို့ခဲ့ပေမဲ့ အခုအချိန်အထိ အကြောင်းပြန်ချက် မရသေးပါဘူး။ ဒီအကြောင်း ကိုသားညွန့်ဦးက ဆက်သွယ် မေးမြန်းထားပါတယ်။

အမျိုးသား ပြန်လည်သင့်မြတ်ရေးရဲ့ ရှေ့ပြေးနိမိတ်အဖြစ် နိုင်ငံရေးအကျဉ်းသားတွေ ပြန်လည် လွတ်လေမလား မျှော်လင့်သူတွေ နှစ်သစ် ဆုမွန်တောင်းသူတွေ ရှိကြပေမဲ့ မြန်မာနှစ်ဆန်း ၁ ရက်မှာတော့ အများရဲ့ မျှော်လင့်ချက်တွေ မပြည့်ခဲ့ပါဘူး။ ဒါပေမဲ့ နှစ်ဆန်း ၁ ရက်နေ့မှာပဲ နိုင်ငံရေးအကျဉ်းသားတွေ လွတ်မြောက်ရေးအတွက် တောင်းဆိုလှုပ်ရှားမှုအချို့ ရန်ကုန်မှာရှိခဲ့ပါတယ်။

အမျိုးသားဒီမိုကရေစီအဖွဲ့ချုပ်ရုံးမှာ လက်မှတ်ထိုး လှုပ်ရှားမှုရှိခဲ့သလို ရန်ကုန်ဆင်ခြေဖုံး ဘုရားတဆူမှာလည်း နိုင်ငံရေးအကျဉ်းသား မိသားစုဝင်တွေ စုပေါင်းပြီး ဆုတောင်းပွဲ လုပ်ခဲ့ကြပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က အမျိုးသားပြန်လည် သင့်မြတ်ရေးနဲ့ ငြိမ်းချမ်းရေး အတွက် မျှော်လင့်ချက်ထားသလို တဖက်မှာ ဒါတွေ အကောင်အထည်ပေါ်အောင် လက်တွေ့ပါဝင် ဆောင်ရွက်ကြဖို့လည်း လိုတယ်လို့ သတင်းထောက်တွေကို မနေ့ နှစ်ဆန်း ၁ ရက်နေ့က အမျိုးသား ဒီမိုကရေစီ အဖွဲ့ချုပ်ရုံးက အထွက်မှာ ပြောခဲ့ပါတယ်။

“မျှော်လင့်တာပဲ။ ဒါပေမဲ့ အန်တီ အမြဲပြောတယ်မဟုတ်လား၊ မျှော်လင့်တယ်ဆိုတာ အလုပ်လည်း လုပ်ရမယ်။ အလုပ်မလုပ်ဘဲနဲ့ မျှော်လင့်လို့မရဘူး။ ကြိုးစားရမှာပေါ့။ ကြိုးစားရင်းနဲ့ မျှော်လင့်သွားရမှာပေါ့။ မျှော်လင့်သွားရင်းနဲ့ ကြိုးစားရမှာပေါ့။”

နှစ်ဆန်း ၁ ရက်နေ့ကစတဲ့ နိုင်ငံရေးအကျဉ်းသား လွတ်မြောက်ရေးနဲ့ ပြည်တွင်းငြိမ်းချမ်းရေး တောင်းဆိုမှု လက်မှတ်ထိုးလှုပ်ရှားမှုဟာ အစိုးရသစ် ပေါ်လာပြီးနောက် အမျိုးသားဒီမိုကရေစီအဖွဲ့ချုပ်ရဲ့ ပထမဆုံး နိုင်ငံရေး လှုပ်ရှားမှုတခုလို့ ပြောနိုင်ပါတယ်။ ဒီလှုပ်ရှားမှုမှာ အဖွဲ့ချုပ်တင်မဟုတ်ဘဲ ၈၈ မျိုးဆက် ကျောင်းသားတွေ၊ ၀ါရင့်နိုင်ငံရေးသမားတွေ ဖျက်သိမ်းခံ တိုင်းရင်းသားပါတီ ခေါင်းဆောင်တွေပါ စုပေါင်း ပါဝင်ထားပါတယ်။

အဝေးရောက် ညွန်ပေါင်းအစိုးရအဖွဲ့ (NCGUB) ကုလသမဂ္ဂရေးရာ တာဝန်ခံ ဒေါက်တာသောင်းထွန်း ကတော့ နိုင်ငံတွင်း နိုင်ငံရေး တွေ့ဆုံညှိနှိုင်းမှုတွေနဲ့ ပြည်တွင်းငြိမ်းချမ်းရေး တကယ်ဖြစ်လာဖို့ ဆိုရင်တော့ လူထုနိုင်ငံရေး လမ်းစဉ်ဆိုတာ ခေါင်းဆောင်တွေက ချပေးဖို့လိုတယ်လို့ ပြောပါတယ်။
“တွေ့ဆုံဆွေးနွေးဖို့ ဆိုတာ အဲဒီလို တွေ့ဆုံဆွေးနွေးနိုင်တဲ့ အခြေအနေကို ရောက်အောင် တွန်းပို့နိုင်တဲ့ လူထုနိုင်ငံရေးလမ်းစဉ် ရှိဖို့လိုတယ်။”

လူထုက လမ်းပေါ်ထွက်ပြီးတော့ သူတို့ရဲ့ လိုလားချက်တွေ တောင်းဆိုခဲ့တာ ရှိပါတယ်။ ဒါပေမဲ့ အာဏာပိုင်တွေဘက်က အကြမ်းဖက် ခြေမှုန်းတာတွေချည်းကိုပဲ ခံနေရတော့ အဲဒီနည်းလမ်းကရော တကယ်တမ်း အပြောင်းအလဲအတွက် အဆင်သင့် ရှိရဲ့လားခင်ဗျ။ -

“လူထု နိုင်ငံရေးလမ်းစဉ်ဆိုတာ ကျနော်တို့ လမ်းပေါ်ထွက်ပြီး ဆန္ဒပြတာ တခုတည်း မဟုတ်ပါဘူး။ လူတဦးချင်းစီရဲ့ အခွင့်အရေးတွေ၊ လူတန်းစာ အလွှာတခုချင်းစီရဲ့ အခွင့်အရေးတွေ၊ အလုပ်သမား အခွင့်အရေးတွေ၊ လယ်သမား အခွင့်အရေးတွေ။ ဒါတွေ အများကြီး ချိုးဖောက်ခံနေရတာရှိတယ်။ ကျနော်တို့ ဒီမိုကရေစီရေး ဆန္ဒပြမှမဟုတ်ပါဘူး။ အဲဒီ တဦးချင်းစီရဲ့ ကိုယ်ပိုင်အခွင့်အရေးတွေကို ချိုးဖောက်လာတယ်။ မတရားတဲ့ အမိန့်အာဏာတွေနဲ့ ဖိနှိပ်လာတယ် ဆိုလို့ရှိရင် ဒါတွေကို တဦးချင်းမှာ ကျနော်တို့ အင်အားနည်းကောင်း နည်းပေမဲ့လို့ စုဖွဲ့မှုတွေ ရှိမယ်ဆိုရင် အင်အားကောင်းလာနိုင်ပါတယ်။ ဒါဟာ လုပ်ငန်းစဉ်တရပ်ပါ။ ကျနော်တို့ အဆင့်ဆင့်မှာ ခေါင်းဆောင်တွေ ပျိုးထောင်ပေးဖို့ကလည်း လုပ်ငန်းစဉ်တရပ် ဖြစ်ပါတယ်။ ထိပ်ပိုင်းမှာ ကျနော်တို့ သတ္တိပြောင်တဲ့ ခေါင်းဆောင်တွေ ရှိယုံနဲ့ ကျနော်တို့ မလုံလောက်ပါဘူး။ အဆင့်ဆင့်မှာ ခေါင်းဆောင်တွေ ရှိပါတယ်။”

ဒီနေရာမှာ အမျိုးသား ဒီမိုကရေစီအဖွဲ့ချုပ်ရဲ့ အခန်းကဏ္ဍနဲ့ပတ်သက်ပြီးတော့ မေးချင်ပါတယ်။ NLD မှာ အခုအခြေအနေက ရပ်တည်မှုဆိုင်ရာ အကန့်အသတ် ရှိပါတယ်။ ဆိုတော့ စည်းရုံးရေးဆိုင်ရာ အကန့်အသတ်လည်း ရှိပါတယ်။ ဒီအခြေအနေမှာ အခု လူထုနိုင်ငံရေး လမ်းစဉ်ဆိုတာ ပြောလာရရင် NLD ကရော အဲဒီလမ်းစဉ်အပေါ်မှာ ဦးဆောင်နိုင်တဲ့ အခြေအနေ၊ NLD အနေနဲ့ တကယ်တမ်း ဦးဆောင်မှု ပေးနိုင်ပါ့မလား။ -

“ဟုတ်ကဲ့။ ကျနော်တို့ ဒေါ်အောင်ဆန်းစုကြည်လည်း ပြောသွားပါပြီ။ မြန်မာပြည် ဒီမိုကရေစီရဖို့ဆိုတာက သူတယောက်တည်း လုပ်လို့လဲ မရဘူး။ အမျိုးသား ဒီမိုကရေစီအဖွဲ့ချုပ် တခုတည်းလဲ လုပ်လို့မရပါဘူး။ သူ့အခန်းကဏ္ဍကနေ သူ ကပြဖို့လိုပါတယ်။ သူ့အလုပ်သူ လုပ်ဖို့လိုပါတယ်။ ခေါင်းဆောင်ပိုင်းတွေ အနေနဲ့ တွေ့ဆုံဆွေးနွေးရေးတွေ အတွက် လုပ်ဖို့တွေရှိမယ်။ အဲဒီလုပ်ဖို့တွေအရ ပျော့ပြောင်းတဲ့နည်းဗျူဟာတွေ လုပ်ကောင်းလုပ်ရမယ်။ ဒါပေမဲ့လို့ ကျနော်တို့ လူငယ်တွေ၊ တခြား လူထုလူတန်းစားဆိုင်ရာ အစုအဖွဲ့တွေ၊ Network တွေ အများကြီး ရှိပါတယ်။ အဲဒီ အစုအဖွဲ့တွေအနေနဲ့ ကိုယ့်ရဲ့အခန်းကဏ္ဍမှာ ကိုယ်လုပ်ရမယ့် လုပ်ငန်းစဉ်တွေကို လုပ်သွားဖို့လိုပါတယ်။ ဘယ်သူဘယ်ဝှါက ညွှန်ကြားမှ၊ ဘယ်သူက ဦးဆောင်မှ၊ ဘယ်သူက အမိန့်ပေးမှဆိုလို့ မဖြစ်ဘူး။ နိုင်ငံရေးမှာ ပါဝင်ပတ်သက်တဲ့သူတွေဟာ သူ့သက်ဆိုင်ရာကဏ္ဍမှာ သူနဲ့ဆီလျော်တဲ့ နည်းပရိယာယ်တွေနဲ့ လှုပ်ရှားကြရတာဖြစ်ပါတယ်။”

ဒေါက်တာသောင်းထွန်း ဖြစ်ပါတယ်။ မြန်မာအစိုးရသစ်အနေနဲ့ အမျိုးသား ပြန်လည် သင့်မြတ်ရေးအတွက် သက်ဆိုင်သူတွေနဲ့ တွေ့ဆုံဆွေးနွေးဖို့ အစီအစဉ်ရှိပါတယ်လို့ ပြီးခဲ့တဲ့ ထိုင်းနိုင်ငံမှာ အာဆီယံဝန်ကြီးတွေ ဆုံစဉ်မှာ မြန်မာနိုင်ငံခြားရေး ၀န်ကြီးက ပြောခဲ့တာကို အင်ဒိုနီးရှားဝန်ကြီးက သတင်းထောက်တွေကို ပြန်ပြောခဲ့ပါတယ်။

သမ္မတ ဦးသိန်းစိန်မိန့်ခွန်းမှာလည်း အမျိုးသား အကျိုးစီးပွားအတွက် လွှတ်တော်တွင်း လွှတ်တော်ပ နိုင်ငံရေးအင်အားစုတွေနဲ့ လက်တွဲ ဆောင်ရွက်သွားမယ် ဆိုပြီး ပြောခဲ့ပါတယ်။ ဒါပေမဲ့ လက်တွေ့အားဖြင့် ဒီစကားတွေကို ဘယ်လောက် အကောင်အထည် ဖော်မလဲ၊ ဒီမိုကရေစီအတိုက်အခံတွေ ကတော့ ဒါကို သံသယနဲ့ စောင့်ကြည့်နေကြပါတယ်။

ဗမာ့သွေး ပေးပို့သည်။