နယ်စပ်ကျော်လာတဲ့ ပြဿနာများကို ရပ်တန့်ရေးအတွက် (လှကျော်ဇော)

တရုတ်ပြည်-ယူနန်ပြည်နယ်တွင်း သောကြာနေ့က ဗုံးကြဲခံရမှုအတွင်း တရုတ် ၅ ယောက် သေဆုံးရပြီး ၈ ယောက် ဒဏ်ရာရမှုအပေါ် မြန်မာဘက်က ပထမဆုံးအကြိမ်အဖြစ် ဝမ်းနည်းကြောင်း တနင်္ဂနွေနေ့က အတိအလင်း ပြောလာပါတယ်။ 

မြန်မာပြည်မြောက်ပိုင်း ကိုးကန့်ဒေသတွင်း ကိုးကန့်တပ် (MNDAA)နဲ့ အစိုးရတပ်အကြား ဖြစ်ပေါ်နေတဲ့ ပဋိပက္ခများကနေ ဒေသတွင်း မတည်မငြိမ်ဖြစ်မှုများ စီးပွားရေးကျဆင်းမှုများ အရပ်သားသေကျေမှုများ စတာတွေ တရုတ်ပြည်လို အိမ်နီးချင်း နိုင်ငံများအထိပါ ဝင်တိုးတက်ဖြစ်ပေါ်လာနေပါတယ်။ သို့သော်လည်း အလွန်အကဲဆတ်တဲ့ ပဋိပက္ခများဖြစ်တာကြောင့် ကုလသမဂ္ဂလို၊ အေ-စီ-ယမ်လို ပတ်သက်ရာ ပတ်သက်ကြောင်း နိုင်ငံတကာ့နဲ့ ဒေသဆိုင်ရာ အဖွဲ့အစည်းများက ထိထိရောက်ရောက် ဝင်ရောက်ဖြန်ဖြေနိုင်ခြင်း မရှိပါ။

တရုတ်နိုင်ငံခြားရေးဝန်ကြီး အယင်အပတ်က ထပ်လောင်းပြောကြားခဲ့သလိုပါပဲ။ မြန်မာပြည်မြောက်ပိုင်းမှာ ဖြစ်နေတာတွေဟာ မြန်မာဗဟိုအစိုးရနဲ့ မြောက်ပိုင်းက လူမျိုးစုများအကြား အကျိုးအမြတ်မညီမျှမှုများကြောင့် ပေါ်ထွက်လာတဲ့ မြန်မာပြည်တွင်းရေး ပြသာနာသာဖြစ်ပါတယ်။ မြန်မာပြည်ရဲ့ ပထဝီနိုင်ငံရေး ထူးခြားမှုအရရော သဘာဝ သယံဇာတပေါများမှု အနေအထားအရရော မြန်မာပြည်တွင်း အင်အားကြီးနိုင်ငံများရဲ့ သေနင်္ဂဗျူဟာ ပြိုင်ဆိုင်မှုများလည်း ပါဝင်နေနိုင်ပါတယ်။ 

ဒါကြောင့်ပဲ ဒီမြောက်ပိုင်းက တင်းမာမှုများ ပိုမိုပြင်းထန် သည်းသန်လာမယ်ဆိုရင် မြန်မာပြည်သူလူထုအကြား အတိဒုက္ခရောက်မှုများ (humanitarian crisis) ကျရောက်လာနိုင်ပါတယ်။ ပိုဆိုးဝါးသွားနိုင်တာကတော့ တိုင်းပြည်အနေနဲ့ ကျဆုံးနိုင်ငံစာရင်းထဲဝင်သွားနိုင်ပြီး အမျိုးသားပုံရိပ်လည်း ပျက်စီးသွားနိုင်ပါတယ်။ နိုင်ငံတကာအသိုင်းအဝိုင်းထဲ ဝင်ဆန့်အောင် ကြိုးပမ်းချက်တွေလည်း အလဟသ ဖြစ်သွားနိုင်ပါတယ်။ မြန်မာပြည်ရဲ့အနာဂတ်ဟာ မြန်မာပြည်သူတွေရဲ့ လက်ထဲမှာပဲ ရှိသင့်ပါတယ်။ ဒီလိုမှ မဟုတ်ရင်တော့ ပြင်ပအင်အားစုများရဲ့ကိုယ်ကျိုးစီးပွား အတိုက်အခိုက်များအတွင်း ကြားညှပ်သွားနိုင်ပါတယ်။ စေ့စပ်ဆွေးနွေး အဖြေရှာရေးသာလျှင် ဒီပဋိပက္ခတွေ ငြိမ်းအေးရေးအတွက် တခုတည်းသော ထွက်ပေါက်ဖြစ်ပါတယ်။ နိုင်ငံတကာ အသိုင်းအဝိုင်းအနေနဲ့ ဒီလိုမျိုးဆွေးနွေးပွဲတွေ ဖြစ်မြောက်ရေးအတွက် အပြုသဘောဆောင်တဲ့ အကူအညီတွေ ပေးသင့်ပါတယ်။ 

မြန်မာပြည်နဲ့ ကီလိုမီတာ ၂၀၀၀ ကျော် နယ်န်မိတ်ဆက်စပ်နေရတဲ့ တရုတ်ပြည်အဖို့ ဒီမြန်မာပြည်တွင်း စစ်ရေး ပဋိပက္ခများကြောင့် ထိခိုက်နစ်နာမှုများ ရှိနေရပါတယ်။ တရုတ်ပြည်ရဲ့ လေပြင်ပိုင်နက်အတွင်း ချဉ်းနင်းဝင်ရောက်ပြီး ဗုံးကြဲခဲ့မှုများကြောင့် တရုတ် ပြည်သူ့လွတ်မြောက်ရေး တပ်မတော် လေတပ်က တရုတ်-မြန်မာနယ်စပ်တလျှောက် ကင်းလှည့်နေရပြီး တရုတ်နယ်မြေထဲ မြန်မာလေယဉ်တွေ ဝင်ရောက်မလာနိုင်အောင် တားဆီးသတိပေးမယ်လို့ ပြောကြားထားရပါတယ်။

ဒီနယ်ခြားဒေသတွင်း မတည်မငြိမ်ဖြစ်မှုများကြောင့် နှစ်နိုင်ငံအကြား ကုန်သွယ်ရေးများ အတော်ထိခိုက်နိုင်ပါတယ်။ တရုတ်-မြန်မာ ရေနံပိုက်လိုင်းရဲ့ လုံခြုံရေးတောင် ထိခိုက်လာနိုင်ပါတယ်။ မြန်မာပြည်တွင်း တရုတ်ပြည်ရဲ့ ရင်းနှီးမြှုပ်နှံမှုများရော၊ တရုတ်ခေါင်းဆောင်တွေ အဆိုပြုထားတဲ့ ဘင်္ဂလာဒက်ရှ်-တရုတ်-မြန်မာ-အိန္ဒိယ စီးပွားရေး စင်္ကြလမ်းကြီးရော လုံခြုံရေးအရ အန္တရယ်ရောယ်ရှိလာနိုင်ပါတယ်။ တရုတ်-မြန်မာဆက်ဆံရေးဟာလည်း ပိုမို ထိခိုက်သွားနိုင်ပါတယ်။ 

ဒါကြောင့် တရုတ်အစိုးရအနေနဲ့ သင့်တင့်လျောက်ပတ်တဲ့ (smart) သံခင်းတမန်ခင်း ဆုံးဖြတ်ချက်များ ချမှတ်ဖို့ လိုပါတယ်။ တကယ်တော့ တရုတ်အနေနဲ့ မြန်မာပြည်နဲ့ဖြစ်ဖြစ်၊ တခြား အိမ်နီးချင်းနိုင်ငံများနဲ့ဖြစ်ဖြစ် ဆက်ဆံရာမှာ အလွန် စိတ်ရှည် သည်းညည်းခံခဲ့ပါတယ်။ ဒီလို ချစ်ကြည် ရင်းနှီးမှုလုပ်ဟန်တွေ လုပ်ပြပေမယ့် တခါတရံမှာ သူတို့တတွေရဲ့ တရုတ်အန္တရာယ်အပေါ် စိုးရိမ်ကြောင့်ကျမှုများကို ရော့နည်းသွားအောင် မလုပ်နိုင်ခဲ့ရုံမက သူတို့တတွေက တရုတ်ပြည်ရဲ့ ဒေသတွင်းတိုးတက်လာတဲ့ အင်အားတရပ်ရဲ့ ရသင့်ရထိုက်တဲ့ အကျိုးစီးပွားတွေကိုတောင် တမင်သက်သက် လစ်လျှူရှုမှုတွေတောင် ရှိလာနေပါတယ်။ 

ဒါတွေကြောင့် တရုတ်ပြည်အနေနဲ့ မိမိတို့ရဲ့ တရားဝင်အခွင့်အရေးများကို ပြတ်ပြတ်သားသား တိတိကျကျ ကာကွယ်ဖို့ လိုအပ်လာပြီး မြန်မာပြည်တွင်းပဋိပက္ခများ အဆုံးသတ်ရေးအတွက် စေ့စပ်ဆွေးနွေးရေးအတွက် တွန်းအားများ ပေးသင့်ပါတယ်။ ပိုအရေးကြီးတာကတော့ နယ်ခြားဖြတ်ကျော် ဝင်ရောက်မှုများအပေါ် သတ်မှတ်ချက်များ ပြတ်ပြတ်သားသား သတ်မှတ်ရန်နဲ့ ဖြတ်ကျော်လာသမျှတွေကို ပြတ်ပြတ်သားသား အရေးယူအပြစ်ပေးရန်ဖြစ်ပါတယ်။ ။ 

လှကျော်ဇော 

(18-3-2015 China Daily မှ ဆောင်းပါးကို ဘာသာပြန်ထားပါတယ်)