တရားရုံးရှေ့မှာ အဖမ်းခံရသူတွေကို လာရောက်အားပေးကြတဲ့ မိဘဆွေမျိုးတွေနဲ့ လှုပ်ရှားတက်ကြွသူတွေ ရာနဲ့ချီပြီး ရှိနေခဲ့ပါတယ်။
အဲဒီ့ ၆၅ ဦး အပါအဝင် တရားခံပြေးအဖြစ် သတ်မှတ်ခံထားရတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ရဲ့ ဥက္ကဋ္ဌ ကိုကျော်ကိုကိုနဲ့ အခြား ၃ ဦး၊ စုစုပေါင်း ၆၉ ဦးတို့ကို ပုဒ်မ ၅ ခုတပ်ပြီး တရားစွဲဆိုထားတာ ဖြစ်ပါတယ်။
စွဲဆိုခံထားရတဲ့ ပုဒ်မတွေထဲမှာ နိုင်ငံ့ဝန်ထမ်းတွေကို စော်ကားမှု၊ လူစုခွဲဖို့ ငြင်းဆန်မှု၊ နိုင်ငံတော်ကို အကြည်ညိုပျက်စေမှု၊ ဆူပူအုံကြွစေမှု စတာတွေကို ကျုးလွန်တယ်ဆိုတဲ့ ပုဒ်မတွေ ပါဝင်ပါတယ်။
ကျောင်းသားသပိတ်ကို ဝန်းရံသူ ၁၁ ဦးကိုလည်း လက်ပံတန်း တရားရုံးမှာ သီးသန့်ခွဲ ရုံးထုတ်ခဲ့ပြီးတဲ့နောက် အာမခံနဲ့ လွှတ်လိုက်ပါတယ်။
သူတို့အားလုံးကို လာမယ့် ဧပြီလ ၇ ရက်နေ့မှာ တရားရုံးကိုပြန်လာဖို့အတွက် ရုံးချိန်းပေးထားပါတယ်။
တကယ်လို့ ပြစ်မှုထင်ရှားကြောင်း တရားရုံးကနေ ဆုံးဖြတ်ခဲ့ရင် အခုစွဲဆိုထားတဲ့ ပုဒ်မတွေအရ စုစုပေါင်း ထောင်ဒဏ် ၁၀ နှစ်ဝန်းကျင်လောက် ကျခံနိုင်ရဖွယ်ရှိတယ်လို့ ဖမ်းဆီးခံထားရသူတွေရဲ့ကိုယ်စား လိုက်ပါဆောင်ရွက်နေတဲ့ ရှေ့နေတစ်ဦးဖြစ်သူ ဦးစန်းမောင်က ဘီဘီစီကို ပြောပါတယ်။
သတင်း - ဘီဘီစီ
No comments:
Post a Comment