သပိတ်မှောက် အလုပ်သမားတွေဟာ ပြင်ပက ဆူပူလိုသူတွေနဲ့ပေါင်းပြီး ရပ်ရွာအေးချမ်းရေးနဲ့ တရားဥပဒေ စိုးမိုးရေးကို ပျက်ပြားအောင်လုပ်နေတယ်လို့ အစိုးရက မနေ့က သတင်းထုတ်ပြန်ခဲ့အပြီးမှာ စုပေါင်းသပိတ်မှာ ကူညီနေတဲ့သူတချို့ အခုလို ဖမ်းဆီးခံခဲ့ရတာလည်း ဖြစ်ပါတယ်။
အဖမ်းခံခဲ့ရတဲ့သူတဦးက ကိုနိုင်ဇော်ကြည်ဝင်း ဆိုသူဖြစ်ပြီး ရွှေပြည်သာမြို့နယ်၊ အလုပ်သမား စုပေါင်း သပိတ်စခန်းကို အားပေးကူညီခဲ့မှုနဲ့ ရဲက ဖမ်းသွားတာလို့ သိရပါတယ်။
သူဟာ ဒီ အလုပ်သမားသပိတ်နဲ့ပတ်သက်ပြီး ပထမဆုံးအဖမ်းခံရတဲ့ ကူညီအားပေးသူ ဖြစ်ပါတယ်။
သူ့ကိုမဖမ်းခင်မှာ အလုပ်သမား သပိတ်ခေါင်းဆောင် နှစ်ဦးကိုလည်း ဖမ်းထားတာ ရှိပါတယ်။
သပိတ်မှောက် အလုပ်သမား စက်ရုံတွေထဲက ELand Myanmar စက်ရုံအလုပ်သမား ကိုယ်စားလှယ်တွေနဲ့ အစိုးရဘက်က အလုပ်သမားရေးရာ ညှိနှိုင်းရေးအဖွဲ့ အတွင်းရေးမှူး ရန်ကုန်တိုင်းဒေသကြီး အစိုးရအဖွဲ့က တိုင်းရင်းသားရေးရာဝန်ကြီး ဦးဇော်အေးမောင်တို့ ဒီနေ့ နေ့လယ်က တွေ့ဆုံဆွေးနွေးခဲ့ပေမယ့် စက်ရုံတစ်ရုံတည်းကို ညှိနှိုင်းတာကြောင့် အဆင်မပြေဘူးလို့ အလုပ်သမား သပိတ်ကော်မတီက ပြောပါတယ်။
မြန်မာနိုင်ငံမှာ အနိမ့်ဆုံးလစာ သတ်မှတ်ထားတာမရှိသေးဘဲ အခုပြဿနာဟာ အလုပ်ရှင်နဲ့ အလုပ်သမားကြား လစာ သဘောတူချက်အပေါ်မှာပဲ မူတည်နေတယ်လို့ ဦးဇော်အေးမောင်က ပြောပါတယ်။
ဖမ်းထားတဲ့ အလုပ်သမား ခေါင်းဆောင်တွေကိုလွှတ်ပေးရင် အခြေခံလစာကို ၃ သောင်း တောင်းနေတာကနေ ၂ သောင်း ၄ ထောင်အထိ ကြားချ ညှိနှိုင်းပေးမယ်လို့ အလုပ်သမား သပိတ်ကော်မတီက ပြောပါတယ်။
စက်ရုံပိုင်ရှင်ဘက်ကတော့ တစ်သောင်း နှစ်ထောင်အထိပဲ ပေးပါတယ်။
ရက်ပေါင်း ၂၀ ကျော်ကြာလာပြီဖြစ်တဲ့ ဒီအထည်ချုပ် အလုပ်သမားသပိတ်ဟာ ဥပဒေကိုကျော်လွန်ပြီး စက်ရုံကိုပိတ်ဆို့ ဆန္ဒပြနေတာကြောင့် အသစ်ဝင်လာမယ့် နိုင်ငံခြား ရင်းနှီးမြှုပ်နှံမှုတွေကို အဟန့်အတားဖြစ်နိုင်တယ်လို့ အထည်ချုပ် လုပ်ငန်းရှင်အသင်းက သဘောထားထုတ်ပြန်ထားပါတယ်။
သတင်း၊ ဓာတ်ပုံ - ဘီဘီစီ
No comments:
Post a Comment