ကျနော်တို့ နှလုံးအိမ်တွင် စွဲမှတ်နေသည်က ကယားပြည်နယ်၊ ကယားလူမျိုးဟုသာ သိကြသည်။ ကရင်နီပြည်နယ်၊ ကရင်နီလူမျိုးဟုဆိုလျှင် လူအတော်များများ ကောင်းစွာသိရှိလိမ့်မည်ဟု မထင်။ နှစ်ပေါင်းအတော်ကြာ ကရင်နီလူမျိုးများအကြား နေထိုင်ခဲ့ဖူးသောကြောင့် ကရင်နီသမိုင်း အပြည့်အစုံမဟုတ်သည့်တိုင် အချို့ကိုတော့ ယနေ့တိုင် အမှတ်တရ ရှိနေခဲ့သည်။ တွေ့ကြုံခဲ့ရသော ကရင်နီလူမျိုးအများစုမှာ အခြေခံ ရိုးသားကြသည်။ ဘဝကို အေးအေးချမ်းချမ်းသာ ဖြတ်သန်းလိုကြသည်။
ကရင်နီမျိုးနွယ်စုများမှာ ခရစ်တော်မပေါ်မီ ဘီစီ-၇၃၉ ခုနှစ်တွင် မွန်ဂိုးလီးယားမှ ဆင်းသက်လာသည်ဟု သိရသည်။ အခြားတိုင်းရင်းသားမျိုးနွယ်စုများနှင့် မတူညီသော သွင်ပြင်လက္ခဏာ ဝိသေသများ ရှိနေသည်။ ၁၈၇၅ ခု ဇွန်လ ၂၁ ရက်နေ့ ဗြိတိသျှအစိုးရနှင့် မြန်မာဘုရင်တို့ ချုပ်ဆိုခဲ့သောစာချုပ်အရ ကရင်နီပြည်သည် သီးခြားလွတ်လပ်သောပြည်အဖြစ် အသိအမှတ်ပြုခဲ့ကြသည်။ မြန်မာပြည် လွတ်လပ်ရေးမရမီနှင့် လွတ်လပ်ရေးရပြီး ဖဆပလ အစိုးရလက်ထက်တွင် ကိုယ့်မင်းကိုယ့်ချင်းနှင့်သာ ရပ်တည်ခဲ့သော မျိုးနွယ်စုများလည်းဖြစ်သည်။ ကိုယ်ပိုင်စာပေယဉ်ကျေးမှု အမွေအနှစ်များကိုလည်း ပိုင်ဆိုင်ထားကြသည်။ ကရင်နီမျိုးနွယ်စုများကို အဓိက အုပ်ချုပ်ခဲ့သော ခေါင်းဆောင်များက စောဖျာများဖြစ်သည်။
၁၉၄၈ ခုနှစ် သြဂုတ်လ ၉ ရက်နေ့ ကရင်နီခေါင်းဆောင်ကြီး ခူးဘီတူရယ် နေထိုင်သော မြသလဲရွာကို ဖဆပလ လက်နက်ကိုင် လဲဗီးတပ်များမှ ဝင်ရောက်သိမ်းပိုက်ခဲ့သည်။ ခေါင်းဆောင်ကြီး ခူဘီတူရယ်ကိုလည်း လုပ်ကြံသတ်ဖြတ်ပစ်လိုက်ကြသည်။ ထိုဖြစ်ရပ်ကို မခံရပ်နိုင်သော ကရင်နီအမျိုးသားတို့က ရရာလက်နက်ကို စွဲကိုင်ပြီး ခုခံစစ်ကို စတင်ဆင်နွှဲခဲ့ကြသည်။ ခုခံစစ်ဆင်နွှဲကြသူများ ပူးပေါင်းပြီး ကရင်နီအမျိုးသား တိုးတက်ရေးပါတီ အဖြစ် ပြောင်းလဲဖွဲ့စည်းကြသည်။
တခြားလက်နက်ကိုင် တိုင်းရင်းသားများကဲ့သို့ ကရင်နီပြည်နယ်ရရှိရေး ကိုယ်ပိုင်ပြဌာန်းခွင့်ရရှိရေးအတွက် တိုက်ပွဲဝင်နေခြင်းတော့ မဟုတ်။ သီးခြားလွတ်လပ်သော ကရင်နီနိုင်ငံတော် ထူထောင်ရန် ခုခံစစ်ဝင်နေသော အဖွဲ့အစည်းသာဖြစ်သည်။ ဖက်ဒရယ်မူကိုဆန့်ကျင်သည့် အဖွဲ့အစည်းဟုလည်း ဆိုရမည်။ ၁၉၉၅ ခု မေလ ၂၁ ရက်နေ့တွင် အခြေအနေအရပ်ရပ်ကြောင့် အလွှဲသာမရှောင်သာ နဝတ အစိုးရနှင့် အပစ်အခတ်ရပ်စဲရေး သဘောတူစာချုပ်ကို ချုပ်ဆိုခဲ့ရသည်။
အပစ်အခတ်ရပ်စဲရေး သဘောတူညီချက် ၁၆ ချက်ကို နဝတ အစိုးရမှ စတင်ချိုးဖောက်ရာမှစပြီး ၂ ဖက်တပ်များ တိုက်ပွဲပြန်လည်ဖြစ်ပွားခဲ့သည်။ ငြိမ်းချမ်းရေး၏အရသာကို ပြည်သူလူထု ၃ လပြည့်အောင်ပင် မခံစားလိုက်ရပေ။ တိုင်းလုံးဟိန်း စစ်ဆင်ရေး နှင့် ဖြတ်လေးဖြတ်စီမံကိန်းတို့ကြောင့် ရွာအတော်များများ မီးရှို့ဖျက်ဆီးခံလိုက်ရသည်။ စုစည်းရွာများအဖြစ် ပြန်လည်နေရာချပေးကြသည်။ အပြင်ထွက်ခွင့်မပြု တောင်ယာခုတ်ရန်လည်း ခွင့်ပြုချက်မရသောကြောင့် ပြည်သူလူထု အတော်ကို ဒုက္ခရောက်ကာ သေကြေပျက်စီးခဲ့ရသည်။
၂၀၀၅ ခုနှစ် မေလ ၂၇ ရက်မှ ဇွန်လ ၂ ရက်နေ့အထိကျင်းပသော ၁၀ ကြိမ်မြောက် ညီလာခံတွင် ကရင်နီပြည်သည် သီးခြားလွတ်လပ်သောနိုင်ငံဖြစ်သည်ဟူသော ယခင်မူကို စွန့်လွှတ်ပြီး ပြည်နယ်ပေါင်းစုံပါဝင်သော ဖက်ဒရယ်မူကို လက်ခံရန် ဆုံးဖြတ်ခဲ့ကြောင်းကိုလည်း သိရသည်။ နှစ်ပေါင်း ၄၀ ကျော်ကြာ စွဲကိုင်ခဲ့သောမူကို ရဲရဲဝံ့ဝံ့ စွန့်လွှတ်ခဲ့သည့် အဖွဲ့အစည်းကြီးတခုလည်းဖြစ်သည်။
ဇွန်လ ၂၁ ရက်နေ့ကို ကရင်နီအမျိုးသားနေ့ဟု သတ်မှတ်ပြဌာန်းပြီး သြဂုတ်လ ၉ ရက်နေ့ကိုတော့ ကရင်နီ တပ်မတော်နေ့ဟု သတ်မှတ်ပြဌာန်းခဲ့သည်။ ကရင်နီ အမျိုးသားတိုးတက်ရေးပါတီတွင် ခေါင်းဆောင်မှု အရည်အချင်းနှင့်ပြည့်ဝသော ခေါင်းဆောင်များကိုလည်း တွေ့ကြုံခဲ့ရဖူးသည်။ ခူးမော်ရယ် (ကရင်နီ သမ္မတကြီး၊ သေဆုံး)၊ ခူးပလျားရယ် (ကရင်နီ သမ္မတကြီး၊ သေဆုံး) ၊ ဗိုလ်ချုပ်အောင်သန်းလေး (သေဆုံး)၊ ပါတီ ဥက္ကဋ္ဌကြီး ခူးထဲဘူးထဲ (သေဆုံး) နှင့် ဗိုလ်ချုပ်အောင်မြတ် (စစ်ဦးစီးချုပ်)၊ ပါတီအတွင်းရေးမှူး ခူးဦးရယ်နှင့် တရားရေးဝန်ကြီး အဘ ခွန်းဆော်လမွန် တို့ဖြစ်သည်။
ဗိုလ်ချုပ်အောင်မြတ်က ထောင်ထောင်မောင်းမောင်း အသားညိုညို စကားပြောရာတွင် ပြတ်သားသည်။ မောက်မာသော မာနမရှိ။ ရိုးသားပြီး ရဲဘော်များကို ချစ်ခင်သည်။ ထို့ကြောင့်လည်း ရဲဘော်များကလည်း လေးစားချစ်ခင်မှုကို ပြန်လည်ရရှိထားသူဖြစ်သည်။ စစ်သားကောင်း ပီသသော စိတ်ဓာတ်ပိုင်ရှင်တဦးလည်းဖြစ်သည်။
အတွင်းရေးမှူး ခူးဦးရယ်မှာ ပိန်ပိန်ပါးပါး စကားပြောရာတွင် နူးညံ့လွန်းသည်။ စာကို အလွန်ကြိုးစားသူဖြစ်သလို လေ့လာမှုအားကောင်းသူ အရာရာကို ချင့်ချင့်ချိန်ချိန်နှင့်ဆုံးဖြတ်ပြီး အလုပ်များကိုလည်း သေသပ်စွာ လုပ်ကိုင်နိုင်သည့်ပုဂ္ဂိုလ်တဦးဖြစ်သောကြောင့် ပြည်သူလူထု ချစ်ခင်မှုကို ရရှိပိုင်ဆိုင်ထားသူတဦးဖြစ်သည်။
တရားရေးဝန်ကြီး အဘ ခွန်းဆော်လမွန်က ရှေးမီနောက်မှီ ပုဂ္ဂိုလ်တဦးဖြစ်သည်။ သူ့ဘဝ ဖြတ်သန်းမှုတလျှောက် တွေ့ကြုံခံစားခဲ့ရသည့် အဖြစ်အပျက်များကို ရုပ်ရှင် ဇာတ်ကားတကားကြည့်သကဲ့သို့ အခန်းနှင့်အခန်း မရိုးရအောင် ရှင်းပြသွန်သင်ဆုံးမတတ်သည်။ ဘာသာတရား ကိုင်းရှိုင်းပြီး ကြင်နာတတ်သော နှလုံးသားပိုင်ရှင်တယောက်ဟုလည်း ဆိုရမည်။ ထိုမှာ ကျနော် တွေ့ကြုံခဲ့ရသော ခေါင်းဆောင်များပင်ဖြစ်သည်။
(ဆက်ပါဦးမည်)
အုပ်ကြီးဖေ
၂၅-၈-၂၀၁၃
No comments:
Post a Comment