တို့ဗမာ သာကီမျိုးဟာမို့၊ မညှိုးဂုဏ်တေဇာ (မင်းဒင်)

(၁)

သေချာစဉ်းစားကြည့်လေ လူမျိုးတစ်မျိုးအတွက် ဇာတိမာန်ဟာ သိပ်အရေးကြီးတယ်ဆိုတာ ပေါ်လွင်လေပဲဗျ။ လူတစ်ဦးချင်းစီအတွက်တော့ ဇာတိပုည ဂုဏ်မာနဆိုပါတော့ဗျာ ။ 

(၂) 

ဒါကြောင့်ဖြစ်မယ်ဗျ။ အမေရိကန်ပြည်ထောင်စုကြီးက အမေရိကန်နိုင်ငံသားတစ်ယောက်ကို ထိပါးရင် သူ့တိုင်းပြည်ကို ရန်စတာလို့ ယူဆတယ်ဆိုသကိုး။ အံမယ်၊ အခုဆို တရုတ်တွေတောင် အမေရိကန်လေသံလိုက်လာတာ ခင်ဗျား သတိပြုမိမှာပါ။ ထို့နည်းတူ ကျုပ်တို့ အစိုးရမင်းများလည်း မညံ့ကြပေဘူးဗျ။ အမျိုးဂုဏ်၊ ဇာတိဂုဏ်မြင့်မားရေး ဘာညာ ဘာညာဆိုပြီး ပုံနှိပ်စာအုပ်တိုင်းရဲ့ ရှေ့ဆုံးစာမျက်နှာတွေမှာ ဝေဝေဆာဆာ ဖော်ပြပေးနေတာပါပဲ။ အမှန်တော့ အစိုးရ မင်းများရဲ့စေတနာဟာ ပရမတ်ဆိုက်အောင် စဉ်းစားနိုင်လေ ပေါ်လွင်လေလို့ ဆိုရမယ်ဗျ။ ကြည့်လေ၊ ဖယောင်းတိုင်ထွန်းပြီး နေခိုင်းတာတို့၊ ထမင်းတစ်နပ် လျှော့စားခိုင်းတာတို့ဟာ ရှုတတ်၊ မြင်တတ်၊ ခံစားကျင့်ကြံ တတ်ရင် ဂုဏ်တက်စရာပဲဗျ။ 


အနောက်နိုင်ငံတွေမှာ ဖယောင်းတိုင်ထွန်းပြီး ညစာစားဖို့ဆိုတာ တကူးတက စီစဉ်ကြရတာ မဟုတ်လား။ ဟော ... ကျုပ်တို့ဆီမှာ အဆင်သင့်ဗျာ။ ခင်ဗျား ရှစ်ပါး၊ ကိုးပါးသီလလေး ခံယူစောင့်ထိန်းလိုက်ရင် ညစာကိစ္စဟာလည်း ဘာဝနာတစ်မျိုးပေပဲလေ။ အိမ်တိုင်း ဖယောင်းတိုင်ကိုယ်စီနဲ့ ညစာစားနိုင်တဲ့လူမျိုး၊ သီလကို တိုင်းခြားသား၊ ဘာသာခြားတွေထက် ထူးထူးကဲကဲ စောင့်ထိန်းနိုင်တဲ့လူမျိုးဖြစ်လာရင် ခင်ဗျားတို့ ကျုပ်တို့ အမျိုးဂုဏ်ဇာတိဂုဏ် မတက်ပေဘူးလားဗျာ။ 

(၃) 

ကျုပ်ကိုယ်တိုင်လည်း ယိုးဒယားပြည် ဖူးခက်မြို့ကိုရောက်လာတော့ အမျိုးသားရေးဇာတိမာန်ကတော့ မညှိုးပန်းပမာ တမျိုးလန်းကာ နေလျက်ပါပဲဗျာ။ အမှန်တော့ ကျုပ်တိုင်းပြည်မှာ ကျုပ်နေလည်း မြေတူး၊ ရေထမ်းစားရင်တောင် ထမင်း မငတ်ပါဘူးဗျ။ ဝတ်ရေး၊ နေရေး၊ လှူရေး၊ တန်းရေးတွေ ဆက်စဉ်းစားရင်တော့ တစ်မျိုးပေါ့။ ဒါပေမယ့် ဇာတိမာန်က အရေးကြီးပါတယ်လေ။ 

အမှန်တော့ ဖူးခက်ကို သာကီနွယ်တွေ အစုလိုက်အပြုံလိုက် ရောက်လာတာဟာ အရင်းစစ်ရင် ဒင်းတို့ အြ့ပစ်ပဲဗျ။ တဲလေးကနေ သွပ်မိုးပျဉ်ကာလေးများဖြစ်မလားလို့ လောဘတက်မိကြတယ်ထင်ပါရဲ့၊ အေးဗျာ ... လူတွေကလည်း လူတွေပဲဗျ။ ကိုယ့်တိုင်းပြည်ထဲမှာ ထမင်းကြမ်းကို ကန်းဇွန်းရွက် ရေလုံပြုတ်နဲ့ လေလာရာ၊ ဖင်ပေး ... အေးအေး စားနေနိုင်ကြပါရက်ကယ်နဲ့ ဒုက္ခရှာကြသကိုး။ 

ပြည်တွင်းမှာ စားဝတ်နေရေးကြပ်တည်းလို့ အမျိုးကောင်းသမီးတွေ ကေတီဗီ ရောက်တာကို ခင်ဗျား ရေးကြီးခွင်ကျယ် လုပ်အုံးမယ်။ ရွာတည်ရင် အဝှာသည်ရှိရတယ်တဲ့ဗျ။ ဘုရားရှင် လက်ထက်မှာတောင် အမ္မပါလီဆိုလား ရှိခဲ့သေးတာပဲဗျာ။ ခေတ်မီမီ ကမ္ဘာကြည့် ကြည့်စမ်းပါ။ ဘာပဲဖြစ်ဖြစ်၊ ဗမာ့ဂုဏ်ကိုအထင်အရှားမြင်နိုင်တာဟာ ဖူးခက်မြို့ဗျ။ 

တစ်မြို့လုံးလိုလို ခေတ်မီအဆောက်အဦတွေ၊ လမ်းတံတားတွေနဲ့ ရှုငြီးနေမဝ၊ နတ်ထီးနတ်နန်းထင်ရအောင် တည်ဆောက်ဖန်တီးပေးနေတဲ့သူတွေဟာ တစ်သိန်းကျော်လောက်ရှိတဲ့ ကျုပ်တို့ မဟာမြန်မာတွေပေါ့။ ဘိုလိုပြောရရင် Builders of Phuket ဆိုပါတော့ဗျာ။ ကဲ ... ဒါဟာ အမျိုးဂုဏ် တက်စရာမဟုတ်ရင် ဘယ်အရာကို ဇာတိမာန်လို့ ခင်ဗျားပြောမတုန်းဗျ။ အော် ... ခင်ဗျားက ထိုင်းနိုင်ငံသား အပါအဝင် ဘယ်နိုင်ငံခြားသားမှ နေဖို့စိတ်မကူးတဲ့ မဒမတိုင်ထူ၊ သွပ်ပြားကာတဲ့ ယာယီ တဲစုပ်လေးတွေနဲ့နေရတာကို ထောက်ချင်တာလား။ သေချာမှတ်ပေတော့ဗျာ။ တဲစုတ်တွေထဲကနေ ဘုံပြဿဒ်ကြီးတွေ ဆောက်လုပ်ပေးနိုင်တာကိုက ကျုပ်တို့လူမျိုးရဲ့ဂုဏ်။ 

(၄) 

အမယ် ... ကျုပ်ရောက်ကာစကဆို ကျုပ်ကို ထိုင်းခွေးတစ်ကောင်ကတောင် ဇာတိမာန်နဲ့ပတ်သက်လို့ အကဲစမ်းဖူးသေးသဗျ။ ဒီလိုဗျ ... ကျုပ်က ထိုင်းကိုရောက်ကာစမှာ ထိုင်းစားစရာတွေ နာမည်တပ်ပြီး မခေါ်တတ်တာကြောင့် လွယ်လွယ်ရရာ လမ်းဘေးက ဆယ့်ငါးဘတ်တန် ကြက်ကြော်တစ်တုံး ဝယ်စားမိပါလေရော။ စားနေရင်းတန်းလန်း ဘေးဘီကိုကြည့်မိတော့ အံမယ် ... ထိုင်းခွေးတစ်ကောင်က အစားတောင်းသလိုလို၊ ကျုပ်ကို အကဲခတ်သလိုလို ရစ်သီရစ်သီလာလုပ်နေသဗျ။ ကျုပ်တို့ ခင်ဗျားတို့လူမျိုးက အလှူရေစက်လက်နဲ့မကွာတဲ့ လူမျိုးမဟုတ်လား။ ကျုပ်လည်း ကြက်ရိုးမှာကပ်နေတဲ့ အသားတချို့ကို ကုန်အောင်ကိုက်ဖဲ့မနေတော့ဘဲ မောင်မင်းကြီးသား ခွေးဆီကို ပစ်ပေးလိုက်တာပေါ့။ ဖြစ်ရပုံက ရွှေကိုယ်တော်ဟာ ကြက်ကြော်ရိုးကို နမ်းရုံတင်နမ်းကြည့်ပြီး မစားဘဲ ချာခနဲ လှည့်ထွက်သွားပါလေရော။ စေတနာဟာ အကုသိုလ်ဖြစ်ရတယ်ဆိုတာ ဒါမျိုးဖြစ်မယ်ဗျ။ 

ဧကန္တ ဒီကောင် ကျုပ်ကို စောင့်ကြည့်နေခဲ့တာဟာ လမ်းဘေးက ကြက်ကြော်ကို အငမ်းမရစားနေတဲ့ ကျုပ်ကို ဘယ်လိုသတ္တဝါမျိုးပါလိမ့်ဆိုပြီး ကြည့်နေခဲ့တာလားဗျာ။ ခင်ဗျားတို့ ဗမာခွေးသာ ဒီကြက်ကြော်အရိုးကို စားမယ်၊ ကျုပ်တို့လို ထိုင်းခွေးတွေက ဒါမျိုး မမက်ဘူးဗျလို့ ဆိုချင်ပုံလည်း ပေါက်နေတယ်။ ကျုပ် ခဏငြိမ်ပြီး သေချာစဉ်းစားတယ်။ ဒီထိုင်းခွေးနဲ့ကျမှ ဇာတိမာန်ကို အထိခိုက်ခံလို့တော့ မဖြစ်ချေဘူး။ ကျုပ်မှာသာ ရှေးဘဝ၊ နောက်ဘဝ သိမြင်နိုင်တဲ့ ဇာတိဿရဉာဏ်ရခဲ့ရင် ဒီခွေးနဲ့ကျုပ်ဟာ ဘယ်ဘဝတွေမှာ ဘယ်လိုများဆုံခဲ့ပါလိမ့်ဆိုတာ သိချင်စမ်းပါဘိ။ 

ယိုးဒယားနဲ့ ဗမာဆိုတာ ဟိုး ရာဇဝင်စဉ်ဆက် ရန်ငြိုးရန်ဖက်အနေနဲ့ တိုက်ပွဲပေါင်းများစွာ တိုက်ခဲ့ကြတယ်လို့ သမိုင်းမှာဖော်ပြထားလေတော့ ဗုဒ္ဓအယူဝါဒအရ ဘဝများစွာသံသရာမှာ ဒီခွေးနဲ့ကျုပ် တစ်နေရာရာမှာ ဆုံခဲ့ဖူးမှာတော့ သေချာတယ်။ ဖြစ်နိုင်ချေကတော့ ဒီခွေးနဲ့ကျုပ်ဟာ ယိုးဒယား-မြန်မာတိုက်ပွဲဟောင်းတစ်ခုခုမှာ လူ့ဘဝ၊ လူရဲမက်တွေအဖြစ်နဲ့ ဆုံဖူးတယ် ထင်ပါရဲ့။ အဲဒီတိုက်ပွဲမှာ ကျုပ်ကနိုင်တဲ့ဘက် သူက ရှုံးတဲ့ဘက်ဖြစ်မယ်။ ဒါကို ဒီကောင်အခဲမကျေဖြစ်ပြီး အခုဘဝမှာပါ ကျုပ် ဇာတိမာန်ကို ထိပါးဖို့ ကြိုးစားတာဖြစ်မယ်ဗျ။ ဘယ်ရမလဲဗျာ။ သူ့နိုင်ငံကြီး ဘယ်လောက်တိုးတက်တိုးတက်၊ ကျုပ်တို့ကို ကျွန်လာခံတာလို့ စကားနာထိုးချင်ထိုး၊ ဟော ... မျက်မှောက်အခြေအနေမှာ သူက ခွေး ... ကျုပ်က လူ ... သေချာစာရင်းချုပ်ရင် ကျုပ်တို့သာကီမျိုးတွေက အထက်စီးကပါပဲလေ။ 

 (၅)

ခွေးပြဿနာပြီးတော့ စာကလေးပြဿနာလာသေးတယ်ဗျ။ အဲဒီစာကလေးပြဿနာက ထိုင်းဆန်နဲ့ ပတ်သက်တယ်။ ခင်ဗျားသိတယ် မဟုတ်လား၊ ကမ္ဘာကျော်ထိပ်တန်း စပါးမျိုးစပ်နည်းကို ထိုင်းနိုင်ငံက ရှာဖွေတွေ့ရှိထားလေတော့ ထိုင်းဆန်တွေဟာ ကမ္ဘာ့ဈေးကွက်မှာ မျက်နှာပန်းပွင့်တယ်ဆိုပဲ။ ထိုင်းဆန်ဟာ အနံ့ရော အရသာပါ ပြောစရာမရှိအောင် ကောင်းတာလည်း အမှန်ပဲဗျာ။ ကျုပ်က ခြောက်တိခြောက်ချက် ဗမာဈေးဆိုင်လေးဖွင့်ထားတော့ ထိုင်းဆန်ကော ဗမာဆန်ပါ ရောတင်ထားရပေသပေါ့။ ဖူးခက်ရောက် မြန်မာတွေက ထိုင်းဆန်အချောဟာ လျှောခနဲ၊ လျှောခနဲဝင်သွားလို့ စားမရဘူးဆိုပဲ။ ဆန်ကြမ်းလေးနဲ့ အဆင်ပြေတယ်ဆိုပြီး မျိုးချစ်စိတ် ငယ်ထိပ်တက်ကပ်နေကြတယ် ထင်ပါ့ဗျာ။ 

နေ့လည်ဘက် ဝယ်သူရှင်းချိန်ဆိုရင် ကျုပ် ဆိုင်ထဲကို စာကလေးတအုပ် လူအလစ်ချောင်းပြီး ဆန်အိတ်ထဲက ဆန်တွေကို လာလာစားကြသဗျာ။ ကျုပ်လည်း စာကလေးတွေစားပါစေဆိုပြီး မမောင်းမနှင်ဘဲ အသာကြည့်နေလိုက်တာ ... အမယ်မင်း ကိုယ်ရွှေစာကလေးတွေက ဗမာ့ဆန်ကို ဆန်လို့တောင် မှတ်ဟန်မတူဘူးဗျာ။ ထိုင်းဆန်အိတ်မှာသာ တရုန်းရုန်းနဲ့ ဖြစ်နေကြတာကလား။ 

ဒီမှာတင် ကျုပ်ရဲ့ အမျိုးသားရေးစိတ်ဓာတ်ဟာ ဟုန်းခနဲ ထလာပြန်ပါရောဗျာ။ ဘယ်နှယ် ... နှံပြည်စုပ်ဦးနှောက်သာသာရှိတဲ့ ထိုင်းစာကလေးတွေက ဗမာ့ဆန်ကို စော်ကားရတယ်လို့ပေါ့။ ဒါနဲ့ သေချာငြိမ်ပြီး စဉ်းစားပြန်တော့ ဦးနှောက်ကျပ်မပြည့်တဲ့ ထိုင်းစာကလေးတွေဟာ ဓာတုဗေဒနည်းတွေနဲ့ စိုက်ပျိုးထုတ်လုပ်ထားတဲ့ ထိုင်းဆန်ကို အကောင်းမှတ်နေကြတာဗျ။ တကယ်တမ်းကျတော့ မီးရောင်ကို ရွှေတောင်မှတ်နေကြတာပဲဖြစ်မယ်။ 

နောက်တနည်းတွေးကြည့်ရင် ဒီစာကလေးတွေဟာ လွန်ခဲ့တဲ့ ငါးနှစ်လောက်က ဗမာပြည်ကို ဝင်နှောင့်သွားတဲ့ နာဂစ်မုန်တိုင်းကြောင့် ဗမာပြည်ကနေ ရေကြည်ရာ မျက်နုရာရှာရင်း ယိုးဒယားပြည်ဘက်ကို မျက်စိလည်လမ်းမှားပြီး ရောက်လာတဲ့ ဗမာစာကလေးတွေပဲဖြစ်ရမယ်။ စာကလေးချင်းတူပေမယ့် အရသာနဲ့အနံ့ကို ခွဲခြားနိုင်တဲ့ ဦးနှောက်ဉာဏ်ရည်မှာတော့ ထိုင်းစာကလေးတွေဟာ ဗမာစာကလေးတွေနဲ့ ဘယ်နည်းနဲ့မှ မသာနိုင်ဘူး။ အဲသလို အတွေးဝင်မိပြန်တော့ ကျုပ်ရင်ထဲမှာ အပူလျော့သွားတယ်ဗျ။ မတူရင်မတုလေနဲ့ ...  လူလူချင်းမဆိုထားနဲ့ စာကလေးချင်းယှဉ်ရင်တောင် ကျုပ်တို့က ပထမနေရာကနေ တပြားသားမှ မလျော့ဘူး၊ ဒီမှာတင် ကျုပ်ရဲ့ အမျိုးဂုဏ်ဇာတိဂုဏ်ဟာ သပြေညို ရွှေဘိုပန်းလို လန်းလျက်ပါကို ဆိုပါတော့။ 

(၆) 

ကျုပ်အကြောင်းချည်းပြောနေတော့ အမျိုးသားရေးစိတ်ဓာတ်နဲ့ ဇာတိမာန်မြင့်မားရေးကို ကျုပ်တစ်ယောက်တည်း ကြိုးပမ်းနေတယ်လို့ ခင်ဗျား ထင်နေအုံးမယ်။ မဟုတ်ဘူးဗျ။ ဖူးခက်ရောက် ထိုင်းနိုင်ရောက် အမျိုးကောင်းသား၊ အမျိုးကောင်းသမီး မြန်မာတိုင်းရင်းသားတိုင်းလိုလို ကိုယ်တတ်နိုင်တဲ့ဘက်က ကြိုးပမ်းနေကြတာပါ။ 

ကြည့်လေ၊ ထိုင်းမတွေ အဖြူကောင်တွေနဲ့ စည်းမရှိ ကမ်းမရှိတွဲပြီး မိုးလင်းမိုးချုပ် ဘီယာတမြမြလုပ်နေတာကို ကျုပ်တို့ မွန်၊ ထားဝယ်၊ ကရင်၊ ဗမာမလေးတွေက အညံ့မခံဘဲ တန်းတူလိုက်သောက်နိုင်ကြတယ်။ ယောက်ျားဆို ဟောတစ်ယောက်၊ ဟော တစ်ယောက် ပြောင်းယူနိုင်ကြတယ်။ အမျိုးကောင်းသားတွေလည်း မညံ့ပါဘူးဗျာ။ 

အာရှ သာတူညီမျှရေး အထိမ်းအမှတ်အနေနဲ့ ဘိန်းစာရွက်ကနေ ဖန်တီးထားတဲ့ အာစီယံ ခေါ် ဘဝင်ငြိမ့်ဆေးကို ၉၅ ရာခိုင်နှုန်းသော မြန်မာများက တာဝန်ယူသောက်သုံးရင်း ဇာတိသွေးပြလျက်ရှိပါသဗျ။ 

ဒါတင်ဘယ်ကအုံးမလဲ။ ထိုင်းအလုပ်ရှင်တွေက ဗမာအလုပ်သမ မြန်မာအမျိုးသမီးတွေကို ခြေတော်တင်ကြ၊ မုဒိန်းကျင့်ကြတာတွေရှိသလိုို အားကျမခံ ဖူးခက်မှာ တိုင်းရင်းသား အချင်းချင်းဖြစ်တဲ့ မုဒိန်းလူသတ်မှုတွ ကြိုကြားကြိုကြား ရှိပါ့ဗျာ။ 

(၇)

အေးလေ ... ကျုပ်ပြောခဲ့ပါပြီကော၊ သေချာစဉ်းစားကြည့်လေ၊ ဇာတိမာန်ဆိုတာလူမျိုးတစ်မျိုးအတွက် အရေးကြီးလေဆိုတာ။ လူတစ်ဦးချင်းစီအတွက်တော့ ဇာတိ ပုညဂုဏ်မာနဆိုပါတော့ဗျာ။   ။