“ဆေးရုံပေါ်မှာသံဃာတွေ အတုံးအရုံး၊ မီးလောင်ဗုံးသင့်၊ ဒုက္ခတွေ တစ်နင့်တစ်ပိုးနဲ့ ဒီလောက်အကြမ်းဖက် ဖြိုခွင်းခဲ့တာကိုတောင် အပြစ်ရှိတယ်လို့ မသတ်မှတ်သေးပါဘူးဆိုတော့ ဒေါ်စုရဲ့သဘောထားက ရှင်းနေပါပြီ။ ‘ပြည်သူအားလုံး ကျေနပ်မယ့် အဖြေမျိုးထွက်နိုင်မှာ မဟုတ်ပါဘူး' လို့လည်း ဒေါ်စုက ကြိုတင်ဝန်ခံ အဖြေပေးလိုက်ပါပြီ …”
ညတကာည လတကာလတွေထဲမှာ တန်ဆောင်မုန်းလပြည့်ညဟာ အလှပဆုံးည ဖြစ်ပါတယ်။ ထက်ဝန်းကျင် ကောင်းကင်တစ်ခွင်တစ်ပြင်မှာ ဆီးနှင်းမြူတိမ် သူရိန်မီးခိုးဆိုတဲ့ ညစ်မျိုးငါးမည် ကင်းရှင်းနေပြီး ဖိုးရွှေလမင်းကြီး လင်းလင်းချင်းချင်း လှလှပပ သာနိုင်တဲ့ညဖြစ်တယ်။ ညပေါင်း ၃၆၅ ည၊ လပေါင်း ၁၂ လအတွင်း ဒီညမှာသာတဲ့ လဟာရောင် ဝါအထွန်းလင်းဆုံး၊ တစ်လောကလုံး ရွှေရောင်ဖုံးလွှမ်းသွားအောင် လမင်းအလင်းရောင်တွေ သွန်ချနေတဲ့ ရွှေရောင်အလင်းည၊ ကမ္ဘာ့အလှဆုံးည ဖြစ်ပါတယ်။ အခြားသောညတွေမှာ နက္ခတ်ကြယ်တာရာတွေ မစုံညီ၊ ဒီညမှာတော့ ပုန်းနေတဲ့ ကြယ်ကလေးတစ်ပွင့်တောင် မကျန်အောင် လမင်းကြီးနောက် ခြံရံလိုက်ပါပြီး အလင်းခရီး အလှခရီးနှင်တဲ့ည။
ဗုဒ္ဓမြတ်စွာဘုရား သက်တော်ထင်ရှားရှိစဉ် အခါကပင် ကြတ္တိကာ နက္ခတ်ပွဲသဘင် ဆင်ယင်ကျင်းပခဲ့တဲ့ တန်ဆောင်မုန်းလပြည့်ည၊ ကောင်းကင်မှာ လမင်းကြီးရယ်၊ နက္ခတ်ကြယ်တာရာတွေရယ် စုံစုံညီညီ တင့်ရွှန်းနေသလို မြေပြင်မှာ ဆီမီးတန်ဆောင် အလင်းရောင်တွေနဲ့ ခြယ်မှုန်းထွန်းပနေတဲ့ ည. .။ အဲဒီညမှာ ဗုဒ္ဓဘုရားရှင်ရဲ့ လက်ဝဲတော်ရံ၊ လက်ျာတော်ရံ အရှင်မြတ်ကြီးနှစ်ပါး ဖြစ်လာမယ့် အရှင်သာရိပုတ္တရာ အလောင်းအလျာနဲ့ အရှင်မောဂ္ဂလာန် အလောင်းအလျာ တို့ တွေ့ဆုံပေါင်းစည်း ဓမ္မခရီး နှင်ခဲ့ကြပါတယ်။ အရှင်အဿဇိနဲ့တွေ့တော့ အရှင်သာရိပုတ္တရာ လောင်းလျာက 'အကျိုးရှိရာ ညွှန်ပြပါလော့' လို့လျောက်ထားခဲ့အခါ အရှင်အဿဇိမထေရ်က ဗုဒ္ဓမြတ်စွာဘုရားထံ ပို့ဆောင်ပေးခဲ့တယ်။
ကောင်းကင်နဲ့ မြေပြင်မှာ လရောင်နဲ့ ဆီမီးရောင်တို့ အပြိုင်ထွန်းလင်းနေတဲ့ ညမှာဓမ္မရဲ့ အလင်းရောင်က ပိုပြီးတော့ သာလွန်ထွန်းပခဲ့တဲ့ ညပါတကား။
ဗုဒ္ဓသာသနာဝင်မှာ တန်ဆောင်မုန်းလပြည့်ညဟာ ဓမ္မအဓိပ္ပာယ် ကြွယ်ဝလွန်းတဲ့ည. .။
အဇာတသတ်ကို မြတ်စွာဘုရား 'သာမညဖလ သုတ်တော်' ဟောတဲ့ ည. .။ ရဟန်းသံဃာတို့အပေါ်ယုံမှားသံသယ၀င်နေတဲ့ အဖသတ်မင်း၊ ကိုယ့်အဖေကိုယ်ပြန်သတ်တဲ့ အဇာတသတ်မင်းကို မြတ်စွာဘုရားက သံဃာတော်များရဲ့ ဂုဏ်ကျေးဇူး၊ ရဟန်းဘ၀ရဲ့ အကျိုးဖလနဲ့ ဓမ္မရဲ့အတိုင်းမသိအောင် ကျေးဇူးပြုပုံတွေကို အကျယ်တ၀င့် ဟောကြားခဲ့တဲ့ည . .။
အဖေကိုသတ်ပြီး အာဏာလုခဲ့တဲ့ မင်းဆိုးမင်းညစ် အဇာတသတ် ကျွတ်တန်းဝင်ခဲ့တဲ့ည . .။ အဲဒီညမှာပဲ ကျေးဇူးရှင် လယ်တီဆရာတော်ဘုရားကြီးရဲ့ ဓမ္မအောင်မြေကို အဓမ္မသိမ်းပိုက်ပြီး ကြေးနီစီမံကိန်းကြီး လုပ်ထားတဲ့ လက်ပံတောင်းတောင်ဆီက အော်သံ၊ ဟစ်သံ၊ ပစ်သံ၊ ခတ်သံ၊ ပေါက်ကွဲသံတွေ ဆူညံသွားပြီး မီးတောက်မီးလျံတွေ မီခိုးလုံးကြီးတွေ ထွက်ပေါ်လာပါတော့တယ်။
သာသနာ့အောင်မြေ ဓမ္မမြေကို မေတ္တာသုတ်ရွတ်ဖတ် သရဇ္ဈာယ်၍ ငြိမ်းချမ်းစွာ ကာကွယ်စောင့်ရှောက်လျက်ရှိသော သံဃာတော်များ လက်နက်ဘေးရန် ဗုံးဒဏ်သင့်ခဲ့လေပြီ။ အရဟတ္တမင်္ဂ၏အောင်လံ (အကြွင်းမဲ့ ငြိမ်းချမ်းရေး) ၏ အောင်လံတော်ဟု မြတ်စွာဘုရား ကိုယ်တော်တိုင် အမွှမ်းတင် ရည်ညွှန်းတော်မူခဲ့သော သင်္ကန်းတော်များ မီးစွဲလောင်ခဲ့လေပြီ။ သြကာသလောကရဲ့ အလှဆုံးညကို အကျည်းတန်ဆုံးညဖြစ်အောင် အဓမ္မ လွန်ကျူးခဲ့လေပြီ။ သိမ်မွေ့နူးညံ့ နက်ရှိုင်းသော ဓမ္မ၏အဓိပ္ပာယ်များ တစ်စစီပဲ့ကြွေအောင် အကြမ်းဖက် ဖျက်ခဲ့လေပြီ။ လောကီအလိုအားဖြင့် 'ဆေးပေါင်းခတဲ့ ည' သည် 'သွေးပေါင်းခတဲ့ည' ဖြစ်ခဲ့လေပြီ။
ဒီသွေးဟာ သံဃာတော်အရှင်မြတ်တို့ရဲ့သွေး၊ ကျေးဇူးတော်ရှင် လယ်တီဆရာတော် ဘုရားကြီး၏ ဓမ္မအောင်မြေ သာသနာ့အောင်မြေသည် သွေးစွန်းပေ သွေးအိုင်ထွန်းခဲ့လေပြီ။ အဆိပ်မီးဗုံးတွေ တ၀ုန်းဝုန်းပေါက်ကွဲ ဓမ္မမဏ္ဍိုင်ကြီးကို ဖြိုလှဲခဲ့လေပြီ။
ကျေးဇူးရှင် လယ်တီဆရာတော်ဘုရားကြီးသည် ဤနေရာဤဒေသ လက်ပံတောင်းတောင်သို့ လွန်ခဲ့သော နှစ်ပေါင်းတစ်ရာကျော် (၁၀၉ နှစ်) က မြန်မာသက္ကရာဇ် ၁၂၆၅ ခုနှစ် (ခရစ်နှစ် အေဒီ ၁၉၀၃) က ကြွရောက်သီတင်းသုံးတော် မူခဲ့ပါတယ်။ လယ်တီဆရာတော်ဘုရားကြီးဟာ ၃၈ ၀ါမြောက် ၀ါဆိုရာဌာနအဖြစ် လက်ပံတောင်းတော်သို့ ကြွချီတော်မူခဲ့ခြင်း ဖြစ်ပါတယ်။ လက်ပံတောင်းတောင်ဟာ အဲဒီတုန်းကပင် တောင်ထွတ်ပေါင်း ၃၃ လုံးရှိခဲ့ပြီး သာယာအေးချမ်းလှတဲ့ သဘာဝပတ်ဝန်းကျင် ဖြစ်တာမို့ လယ်တီဆရာတော်ဘုရားကြီးကဲ့သို့သော သူတော်ကောင်းတို့ မွေ့လျော်ရာ ဓမ္မအောင်မြေ ဖြစ်ခဲ့ပါတယ်။ လယ်တီဆရာတော်ဟာ ဒီနေ့ ဆန္ဒပြရွာတွေဖြစ်တဲ့ ကျော်ရွာ၊ တောင်ပလူရွာ၊ မိုးကြိုးပြင် ရွာစတဲ့ ရွာများသို့ ဆွမ်းခံကြွ သွားလေ့ရှိပါတယ်။
လက်ပံတောင်းတောင်မှာ တရားသဘောကို ကိုယ်လိုရာဆွဲပြီးပြောကြ ဟောကြ ငြင်းခုန်ကြတဲ့ လူတွေကိုကြည့်ပြီး လယ်တီဆရာတော်ဘုရားကြီးက . . 'တစ်ပိုင်းကြောင် ကျက်စာရရုံနဲ့ . . အစချီသော ဂန္တ၀င် ဓမ္မကဗျာကို စီကုံးရေးဖွဲ့ခဲ့ပါတယ်။ ကဗျာရဲ့အဆုံးမှာ . . 'ပိဋကတ်အစွယ်ထောင်လျှင် အပါယ်တောင် ဆင်းရလိမ့်လေး' လို့ ဖော်ပြဆုံးမထားပါတယ်။
သြော် . . ကျေးဇူးရှင်ကြီးဘုရား . . ဒီနေ့တော့ဖြင့် 'အဆိပ်ဗုံးမီး လောင်၊ အစွယ်ထောင်လျင်၊ အပယ်တောင်ဆင်းရလိမ့်လေး' လို့ ကဗျာအသစ် ရေးရတော့မည် ထင်ပါတယ်ဘုရား။
လယ်တီဆရာတော်ကြီး လက်ပံတောင်းတောင်မှာ သီတင်းသုံးနေစဉ် ကင်းဝန်မင်းကြီးရဲ့သား ပုသိမ်ကြီးမြို့အုပ် ဦးခင်မောင်ကြီး လာရောက်ဖူးမြော်ပါတယ်။ ဆရာတော်ဘုရားကြီးထံတော်မှာ နည်းခံပြီး လေးငါးရက် တရားအားထုတ်ပါတယ်။ အဲဒီအချိန်မှာ ကင်းဝန်မင်းကြီးမှာ 'ဦးကောင်းလိမ်ထုတ် သီပေါပြုတ်' ဆိုတဲ့ စကားနဲ့ ပြည်သူလူထုရဲ့ ဆန့် ကျင်တာခံနေရတဲ့ အချိန်၊ အသက်အားဖြင့်လည်း ၈၀ ကျော်မို့ အိုမင်းမစွမ်း ဆောက်တည်ရာမဲ့နေတဲ့ ကင်းဝန်မင်းကြီး ဦးကောင်းအတွက် လယ်တီဆရာတော်ကြီးက သံဝေဂကဗျာရေးပြီး ဦးခင်မောင်ကြီးအပြန်မှာ လက်ဆောင်ပါးလိုက်ပါတယ်။ (ဒီကဗျာကလည်း မြန်မာကဗျာလောကမှာ အင်မတန်နာမည်ကျော်တဲ့ ဂန္ထ၀င်ကဗျာတစ်ပုဒ် ဖြစ်ပါတယ်။)
'မိုက်မလင်းနိုင်ဘု' . . အစချီတဲ့ ဒီကဗျာမှာလည်း ဒီနေ့လက်ပံတောင်းတောင်မှာ သံဃာတော်များကို အစိုးရက အကြမ်းဖက်ဖြိုခွင်းခဲ့တဲ့ ဖြစ်စဉ်ဖြစ်ရပ်တွေနဲ့ ဟပ်မိနေတဲ့ ကဗျာစာသားတွေကို အံ့သြဖွယ် တွေ့ရှိခဲ့ရပါတယ်။
'အသေသတ် လက်မရွံ့ကို အသက်ခွန် ပဏ္ဍာသွင်းရန်ဖို့' . .
'သုံးသွယ်မြုံသိုက် ဘုံတလှိုက်မှာ၊ တုန်ရိုက်ကယ်ဆူညံ မြူမချန်ပူလျံတောက်ညီး၊ အမြဲစတေ မစဲချွေ အသေမီးတဲ့' . . .
'ဘုံတခွင်အတွင် လောင်မြိုက်အပြောင်တိုက်လို့' . . .
'သည်မီးတာ ဘယ်တကိန်းမှာမှ ငြိမ်းပါ့မယ်လို့ '
(၁၉၅၆ ခုနှစ်ထုတ် ဂမ္ဘီရကဗျာ ကျမ်းစာ-၁၃၃)
ဦးအောင်မွန်ရေး။ ၂၀၀၇ ထုတ် လယ်တီဘ၀ ဖြစ်တော်စဉ်၊ စာ-၅၁၇
မှန်ပါဘုရား။ သူတို့ဟာ 'လက်မရွံ့' တွေပါဘုရား၊ သံဃာကို သွေးမြေကျအောင် အကြမ်းဖက် ဖြိုခွင်းခဲ့ပါပြီဘုရား။ သူတို့ရဲ့ အဆိပ်ဓာတု မီးလောင်ဗုံးတွေဟာ 'ဘုံတစ်ခွင်ကို အတွင်လောင်မြိုက် အပြောင်တိုက်ခဲ့ပါပြီဘုရား။ ဒီမီးဟာ လက်ပံတောင်းတောင် ကြေးနီစီမံကိန်းကြီး မရပ်သမျှ ဘယ်တော့မှ ငြိမ်းလိမ့်မည် မဟုတ်ပါဘုရား။ ပြည်သူတစ်ရပ်လုံးရဲ့ ရင်ထဲအသည်းထဲမှာ စွဲလောင်နေတဲ့ အဓမ္မမီးတောက်မီးလျံများပါ ကျေးဇူးရှင်ကြီးဘုရား။ ကျေးဇူးရှင် လယ်တီဆရာတော်ဘုရားကြီးဟာ လက်ပံတောင်းတောင်မှာ တန်ဖိုးဖြတ်လို့ မရနိုင်တဲ့ အောက်ပါတရားကျမ်းစာများကို ရေးသား၍ သာသနာ့အမွေ ပေးဝေရစ်ခဲ့ပါတယ်။
စတုသစ္စဒီပနီ - ၁၉၀၃ ခုနှစ် သြဂုတ်လ ၉ ရက် ပြီးစီးအောင်မြင်
ရွှေချိန်ခွင်အဖြေ- ၁၉၀၃ ခုနှစ် စက်တင်ဘာလ ၂၈ ရက် ပြီးစီး၏အောင်မြင်
သမ္ဗာဒိဋ္ဌိဒီပနီ- (ရက်စွဲမတွေ့)
ကမ္မဌာနဒီပနီ - ၁၉၀၃ ခုနှစ် အောက်တိုဘာလ ၁၀ ရက် ပြီးစီးအောင်မြင်
(လယ်တီဘ၀ဖြစ်တော်စဉ်၊ စာ-၅၁၅)
လယ်တီဆရာတော်ဘုရားကြီးဟာ ကျမ်းပေါင်းတစ်ရာကျော် ပြုစုခဲ့တဲ့အနက် လက်ပံတောင်းတောင်မှာချည်း အရေးကြီးတဲ့ ဒီပနီကျမ်းစာတွေ ရေးခဲ့ပါတယ်။ ဒါကြောင့် လက်ပံတောင်းတောင်ဟာ သာသနာ့အောင်မြေ၊ ဓမ္မအောင်မြေ၊ စာပေအောင်မြေဖြစ်ကြောင်း သိသာထင်ရှားလှပါတယ်။ ပြီးတော့ လယ်တီဆရာတော်ဘုရားကြီးဟာ လက်ပံတောင်းတောင်မှာပဲ တရားထူးတရားမြတ်ကို မျက်မှောက်ပြုနိုင်တဲ့အထိ အားထုတ်ခဲ့တာမို့ လက်ပံတောင်းတောင်ဟာ 'အရိယာသူတော်ကောင်းတို့ အောင်မြေ' လည်း ဖြစ်ပါတယ်။
ရဟန်းရှင်လူ ပြည်သူအပေါင်းက ကန့်ကွက်ဆန္ဒပြကြတဲ့အခါ 'တစ်လကို ဒေါ်လာနှစ်သန်း နစ်နာနေပါတယ်' လို့ သူတို့ဘက်က လွှတ်တော်မှာ အရေးဆိုခဲ့ပါတယ်။ ကြည့်စမ်း . . တစ်လဒေါ်လာနှစ်သန်းလောက်များ စကားထဲထည့်ပြောနေတယ်။ ဒီမှာ ပြည်သူလူထုကြီး နစ်နာတာက ဒေါ်လာသန်း ကုဋေချီပြီး တန်ဖိုးဖြတ်လို့ မရပါဘူး။ ဒီမြေဒီရေဒီတော တောင်တွေဆိုတာ ဗုဒ္ဓဓမ္မသံဃာ့အောင်မြေ၊ မြေတစ်မှုန်ကို တစ်ဒေါ်လာနဲ့ မလဲနိုင်ဘူး။ ဗုဒ္ဓမြတ်ဘုရားရဲ့ သာသနာ့ အမွေအနှစ် အောင်မြေအစစ်ကို ဒေါ်လာနဲ့ တန်ဖိုးဖြတ်လို့မရပါဘူး။ ဒါကြောင့်လည်း ဒေသခံပြည် သူတွေကစပြီး ဆန္ဒပြကတည်းကပင် ဒီမြေကို အသက်နဲ့လဲပြီး ကာကွယ်မယ်လို့ ကြွေးကြော်ခဲ့တယ် မဟုတ်ပါလား။
သွားလေသူ ဦးနေ၀င်းကြီးလို နောင်မှ နောင်တမရစေချင်ဘူး။
'ဗိုလ်ချုပ်ကြီး နေ၀င်းက . . သူသည် ဗုဒ္ဓဟောကြားတော်မူသော သင်္ခါရတရား၊ အနိစ္စတရား၊ ဒုက္ခတရား၊ အနတ္တတရား၊ ကံတရား စသည်များကို ကောင်းစွာမသိခဲ့၍သာ ၁၉၆၂ ခုနှစ်က အာဏာကို သိမ်းယူသည့်အလုပ်ကို လုပ်မိခဲ့သည်။ ထိုတရားဓမ္မများကို ကောင်းစွာသိခဲ့မည်၊ နားလည်ခဲ့မည်ဆိုလျှင် ၁၉၆၂ ခုနှစ်ကလုပ်ခဲ့သည့် အလုပ်မျိုးကို လုပ်ခဲ့မည်မဟုတ်ပါ' ဟု ပြောပြလိုက်သောအခါ . . . ၂၀၁၁ ထုတ်
ကိုကိုမောင်ကြီး၏ ကျွန်တော်သိသော တရံရောအခါများ စာ-၇၇၉
'ဦးနေ၀င်းက သူသည် လယ်တီဆရာတော်ဘုရား စီရင်သော ကမ္မဌာန်းကျမ်းကို လက်ကိုင်ထားပြီး ရှုမှတ်ဖွယ်ရာ တရားများကို ရှုမှတ် လေ့ကျင့်နေသည်ဟု ပြောပြပါသည်။ (၄င်းစာ-၇၆၁)
စစ်အာဏာရှင် အဘတို့ရဲ့ အဘကြီး ဦးနေ၀င်းက လယ်တီဆရာတော်ဘုရားကြီးရဲ့ ကျမ်းစာအုပ်တွေ စောစောစီးစီးဖတ်မိခဲ့ရင် 'အာဏာမသိမ်းပါဘူး' လို့ ပြောခဲ့ကြောင်း၊ ဆရာကိုကိုမောင်ကြီးက သူ့စာအုပ်ကြီး မထွက်ခင်ကတည်းက ကျွန်တော့်ကို ပြောပြခဲ့ဖူးပါတယ်။ ဦးနေ၀င်းရဲ့ စိတ်ကြမ်းစရိုက်ကြမ်းတွေကို ပြောင်းလဲစေခဲ့တဲ့ လယ်တီဆရာတော်ဘုရားကြီးရဲ့ 'ကမ္မဌာန်း ကျမ်းကြီး' ဆိုတာ လက်ပံတောင်း တောင်မှာ ရေးခဲ့တဲ့ 'ကမ္မဌာနဒီပနီ' မှာ မြစ်ဖျားခံပါတယ်။ (နှစ်အုပ်တိုက်ဆိုင်ပြီး ဖတ်ကြည့်ပါ)
အခုတော့ ကျွန်တော်တို့ တိုင်းပြည်ကို အုပ်ချုပ်နေတဲ့ စစ်ဗိုလ်ချုပ်တွေ၊ မြွေအရေခံလဲသလို လူဝတ်လဲထားတဲ့ ခေါင်းဆောင်တွေဟာ 'လက်ပံတောင်းတောင်ရဲ့ ဓမ္မတန်ဖိုး' မသိနိုင်ဘဲ ဒေါ်လာတန်ဖိုးနဲ့ တွက်ချက်ကြည့်ကာ သာသနာ့ဝန်ဆောင်၊ ဓမ္မ၀န်ဆောင် သံဃာတော်များကိုပင်လျှင် အကြမ်းဖက်ဖြိုခွင်း မီးလောင်တိုက်သွင်းခဲ့လေပြီ။ ကြေးနီစီမံကိန်းကြီးကို အဖတ်မဆယ်ခင် မိမိတို့ရဲ့ ပစ္စုပ္ပန်သံသရာ နှစ်ဖြာသော အကျိုးတို့ကို ဘယ်လိုအဖတ်ဆယ် တည်ဆောက်ကြမှာလဲလို့ ကိုယ့်ကိုယ်ကို ပြန်မေးကြည့်စေလိုပါတယ်။ ဦးပုညရဲ့ တေးထပ်ထဲကလို 'ရွှေဉာဏ်ရှင် မဝေခွဲနိုင်ဘု၊ ပွဲတွေ့အမှား' ကိုတော့ ရက်ရက်စက်စက် ကျူးလွန်ခဲ့ကြလေပြီ။
မင်းတုန်းမင်းကြီးခေတ်က . . မန္တလေးနေပြည်တော်မှာ လူဦးရေ ခြောက်သိန်းရှိတဲ့အနက် ရဟန်းသံဃာ အရေအတွက်က 'ခြောက်သောင်း' ခန့် ရှိပါတယ်။ ကျောင်းတိုက်ကြီးပေါင်း ၂၀၀ ခန့်ရှိတဲ့အနက် မဟာဒက္ခိဏာရာမ တစ်တိုက်တည်းမှာ သံဃာအပါး ၃၀၀၀ (သုံးထောင်) ကျော် သီတင်းသုံးလျက် ရှိပါတယ်။ မင်းတုန်းမင်းဟာ သာသနာကို အလွန်ကြည်ညိုတဲ့ မင်းဖြစ်လေတော့ သံဃာတွေ ဆွမ်းခံကြွလာပြီဆိုရင် ကိုယ်တိုင် ဆွမ်းလောင်းလေ့ရှိသတဲ့။ သံဃာတွေက များလွန်းတော့ ဆွမ်း၊ ဆွမ်းဟင်းတွေကို သစ်သားကန်ကြီးတွေနဲ့ စီမံထားရတယ်။
ဆွမ်းတန်းကြီးက ရှည်လှတော့ ကိုရင်လေးတွေ၊ ရဟန်းပျိုတွေမှာ စိတ်မရှည်နိုင်တော့ဘဲ သပိတ်ဖုံးနဲ့ ဆွမ်းနဲ့ဆွမ်းဟင်းတွေ ခပ်ယူကြရောတဲ့။ မင်းတုန်းမင်းကြီးက ဗွေမယူပါဘူး။ သဘောကျပြီး ရယ်လို့တောင်နေသတဲ့။ ဒါပေမဲ့ မြင်ကွင်းဟာ မတင့်တယ်ဘူးလို့ နှလုံးသွင်းပြီး နောက်တစ်နေ့မှာ ဆင်လိမ္မာတွေ ၀ဲယာကညှပ်ပြီး ဆွမ်းခံလမ်းမှာ စောင့်နေစေတယ်။ စည်းကမ်းပျက်တဲ့ ကိုရင်နဲ့ သံဃာငယ်တွေကို ဆင်တပ်ကြီးနဲ့ ခြိမ်းခြောက်တာ ဒါပေမဲ့ ဘုရင်ထင်သလို ဖြစ်မလာပါဘူး။ သံဃာတွေက ဆင်တပ်ကြီးကို မကြောက်တဲ့အပြင် ကြေးသပိတ်ဖုံးတွေကို တဖတ်ဖတ်နဲ့ ပြိုင်တူတီးလိုက်ကြတာ ဆင်တပ်ကြီးလန့်ပြီး ထွက်ပြေးပါလေရော့။
အဲဒီမှာ မူးမတ်အကြံပေးတွေက . . 'ဆင်တပ်နဲ့မရ မြင်းတပ်နဲ့ ချပါမယ်ဘုရား၊ ဆွမ်းခံကြွလာရတဲ့ ဘုန်းကြီးများဘေးမှ မြင်းစီးသူရဲများကို တန်းစီ၍ ရှေ့နောက်မကွာ စိုင်းနှင်စေပြီး မိမိလမ်းကြောင်းအ၏တိုင်း မကြွဘဲ စည်းကမ်းဖျက်တဲ့ ဘုန်းကြီးကို မြင်းနဲ့တိုက်ချပါမည် ဘုရား' လို့ လျှောက်ထားသတဲ့။
မင်းတုန်းမင်းကြီးက သူရဲ့အကြံပေး မှူးမတ်ဝန်ကြီးတွေရဲ့ အခြေအနေကို ချက်ချင်းသိလိုက်တယ်။ ဒီလိုမိန့်ပါတယ်။
'ဟဲ့ . . သံဃာကို ပြစ်မှားတဲ့ကံ၊ သင်တို့သာမက ငါဘုရားပါ အ၀ီစိငရဲ ရောက်ကုန်တော့မယ်' တဲ့။ မင်းတုန်းမင်းကြီးက သံဃာတော်တွေကို အကြမ်းဖက်ဖြိုခွင်းမယ့် အစီအစဉ်ကို ပယ်ဖျက်တားမြစ်လိုက်ပါတယ်။ အ၀ီစိငရဲအထိ မင်းတုန်းမင်းကြီး လှမ်းမျှော်ကြည့်နိုင်ခဲ့ပါတယ်။ ဒီနေ့ သံဃာတော်တွေကို အကြမ်းဖက်ဖြိုခွင်းလိုက်တာဟာ ငရဲကိုမကြောက်၊ တရုတ်ကို ကြောက်လို့လား။
ကောင်းပါပြီ။ သပိတ်စခန်းတွေကို ဖြိုခွင်းမီးလောင်တိုက်သွင်းလိုက်ရုံနဲ့ ကြေးနီစီမံကိန်းကြီး အောင်မြင်အောင် ဆက်လုပ်နိုင်မှာတဲ့လား။ ရန်ကုန်၊ မန္တလေး၊ ပခုက္ကူ၊ မြင်းခြံ၊ တောင်ကြီး၊ မိုးကုတ်၊ ချောက်၊ ကျောက်တံခါးစတဲ့ မြို့ကြီးတွေမှာ သံဃာတော်များ ဆက်၍ဆက်ကာ ဆန္ဒပြ တောင်းဆိုနေကြလေပြီ။ မြတ်စွာဘုရားရှင် ကိုယ်တိုင်က ဆန္ဒပြသင့်တဲ့သူကို ဆန္ဒပြဖို့ ဟောထားပါတယ်လို့ နိုင်ငံကျော် အရှင်ဆန္ဒာဓိကက ထောက်ခံချက်ပေးထားပါတယ်။ ဒီနေ့ပြောင်းလဲမှုတွေဆိုတာ ၂၀၀၇ ရွှေဝါရောင် တော်လှန်ရေးနဲ့ အများကြီး ဆက်စပ်မှုရှိပါတယ် . . . ဒါဟာ ဆရာတော် သံဃာတော်တွေရဲ့ မေတ္တာတရားနဲ့ ဆန္ဒပြမှုပေါ့ 'လို့မိန့်ကြားပါတယ်။
၁၉-၁၁-၁၂ ထုတ် Messenger ဂျာနယ်
ဒယ်အိုးဆရာတော် ဦးသုမနကလည်း '၂၀၀၇ ခုနှစ် သံဃာ့အရေးအခင်း ဖြစ်လာတဲ့အခါမှာ သံဃာတော်တွေ အစော်ကားခံလာတာ မြင်လာတော့ ဒီလိုစော်ကားတာ ဘာဖြစ်လို့လဲဆိုရင် ဘုရား တရား သံဃာ ရတနာသုံးပါးအပေါ်မှာ သိတဲ့အသိ မြင်တဲ့အမြင် မမှန်ကန်ကြတော့လို့ ဒါအယူမှား မိစ္ဆာဒိဋ္ဌိတို့ရဲ့အလုပ် '
၁၃-၁၁-၁၂ ထုတ် မဇ္ဈိမဂျာနယ်
မိစ္ဆာဒိဋ္ဌိတို့ရဲ့အလုပ်တွေထဲမှာ ဒေါ်အောင်ဆန်းစုကြည်ရော မျောပါနေပြီလား။ ဒေါ်စုအနေနဲ့ စကားဖြောင့်ဖြောင့် ပြောခဲ့ပါရဲ့လား။ အနောက်တိုင်း ခရီးစဉ်တွေမှာတော့ ဦးသိန်စိန်အစိုးရကို ကောင်းပြီကောင်းရဲ့နဲ့ ကောင်းသလိုပြောခဲ့ပြီးမှ နိုဝင်ဘာလ အိန္ဒိယခရီးစဉ်မှာတော့ . . 'မြန်မာနိုင်ငံနဲ့ပတ်သက်၍ The Hindu သတင်းစာ၏ မေးမြန်းမှုကို ဖြေကြားရာတွင် စိတ်ပျက်တယ်ဆိုတဲ့ စကားထက်တောင် ပိုဆိုးတယ်' လို့ မှတ်ချက်ချခဲ့ပါတယ်။ မြန်မာနိုင်ငံအပေါ် အလွန်အကျွံ အကောင်းမမြင်ရန်လည်း အိန္ဒိယအစိုးရကို သတိပေးခဲ့ပါတယ်။ ' (၁၆-၁၁-၁၂ ထုတ် မြန်မာပို့စ်ဂလိုဘယ်)
အခု ကြေးနီစီမံကိန်းနဲ့ပတ်သက်ပြီး သုံးသပ်ပြောဆိုရာမှာတော့ စိတ်ပျက်တယ်ဆိုတဲ့ စကားထက်တောင် ပိုဆိုးတယ်ဆိုတဲ့ အခြေအနေတွေကို ဖာထေးဖုံးဖိ ပြောဆိုသွားပါတယ်။
ဥပမာ ပတ်ဝန်းကျင် ပျက်စီးတာဟာ အခုမှ မဟုတ်ဘူး။ နည်းနည်းနှစ်နဲ့ကြာပြီ။ (ဆိုလိုတာက ၀မ်ပေါင်ကုမ္ပဏီကြောင့် မဟုတ်ဘဲ အရင်ကတည်းက ပျက်စီးနေတာ) 'ဦးပိုင်လီမီတက်ဆိုတာလည်း ဦးပိုင်နဲ့ ဆက်စပ်နေတယ်ဆိုတော့ ကျွန်မ တို့ ဒီကိစ္စတွေကို ချဉ်းကပ်တဲ့အခါမှာ သဘောထားကြီးကြီးနဲ့ နောက်ဆုံးကျတော့ အမျိုးသားရင်ကြားစေ့ရေးကို ဦးတည်ပြီးတော့ပဲ ချဉ်းကပ်မယ် '
သဘောထားကြီးပါ။ သည်းခံပါ၊ စိတ်ရှည်ပါ၊ နိုင်ငံကြီးသား ပီသပါဆိုတာတွေကို ပြည်သူတွေကိုပဲ ပြောနေတာဖြစ်ပြီး '၀မ်ပေါင်နဲ့ဦးပိုင်' ဘက်ကိုတော့ မြှားဦးတောင် မလှည့်ရဲခဲ့ရှာဘူး။ 'စီမံကိန်းရပ်သွားအောင် လုပ်ပေးနိုင်တဲ့ အခြေအနေ မရှိပါဘူး' လို့လည်း ဆိုတယ်။
'နိုင်ငံတကာရဲ့ လုပ်ထုံးလုပ်နည်းအရဆိုရင် နှစ်နိုင်ငံကြားထဲမှာ ယူထားတဲ့ သဘောတူညီချက်တွေကို လေးစားရမယ်၊ လိုက်နာရတယ် ' (၃-၁၂-၁၂ ထုတ် ဒီလှိုင်း) '
ဒီကြေးနီစီမံကိန်းပြီးတဲ့ နောင်အနှစ် ၃၀ မှာလည်း ဒေသခံတွေဟာ ပြည့်ပြည့်စုံစုံနဲ့ ရပ်တည်နိုင်ဖို့ကို ကြည့်ပြီးလုပ်သွားမယ်' (၅-၁၂-၁၂ ထုတ် Weekly ELEVEN)
ဒေါ်စုပြောခဲ့တာတွေကို စိစစ်ကြည့်လိုက်ရင် ဦးပိုင်နဲ့ ၀မ်ပေါင်တရုတ်ကုမ္ပဏီဘက်က မသိမသာ ရပ်တည်ပြောဆိုနေကြောင်း တွေ့ရပါတယ်။ ပြည်သူလူထုကြီးနဲ့ ရဟန်းသံဃာတွေ တောင်းဆိုနေတဲ့ 'ကြေးနီစီမံကိန်းကြီး လုံးဝရပ်ဆိုင်းပစ်' ဆိုတဲ့ ပဲ့တင်သံကို ဒေါ်စုဆီမှာ မတွေ့ခဲ့ရပါဘူး။ စုံစမ်းစစ်ဆေးရေးကော်မရှင်ရဲ့ ဥက္ကဋ္ဌတစ်ယောက်အနေနဲ့ ၆-၁၂-၂၀၁၂ က ရန်ကုန်တိုင်းဒေသကြီး အစိုးရအဖွဲ့ရုံးမှာ ပြုလုပ်တဲ့ သတင်းစာ ရှင်းလင်းပွဲမှာ - 'လက်ရှိအချိန်မှာ ကျွန်မအနေနဲ့ ဘယ်သူ့ကိုမှ အပြစ်ရှိတယ်လို့ မသတ်မှတ်သေးပါဘူး။ စုံစမ်းစစ်ဆေးပြီး အဖြေပေါ်မှ ဘယ်လိုအပြစ်ရှိတယ်ဆိုတာကို ထုတ်ဖော်ပြမှာ ဖြစ်ပါတယ်' တဲ့။
ဆေးရုံပေါ်မှာသံဃာတွေ အတုံးအရုံး၊ မီးလောင်ဗုံးသင့်၊ ဒုက္ခတွေ တစ်နင့်တစ်ပိုးနဲ့ ဒီလောက်အကြမ်းဖက် ဖြိုခွင်းခဲ့တာကိုတောင် အပြစ်ရှိတယ်လို့ မသတ်မှတ်သေးပါဘူးဆိုတော့ ဒေါ်စုရဲ့သဘောထားက ရှင်းနေပါပြီ။ 'ပြည်သူအားလုံး ကျေနပ်မယ့် အဖြေမျိုးထွက်နိုင်မှာ မဟုတ်ပါဘူး' လို့လည်း ဒေါ်စုက ကြိုတင်ဝန်ခံ အဖြေပေးလိုက်ပါပြီ။
ဒီတော့ ပြည်သူလူထုကြီးအနေနဲ့ ကိုယ့်အားကိုယ်ကိုးဖို့သာ အဓိက ကိုယ့်ဘ၀ ကိုယ့်ကြမ္မာကို ကိုယ်တိုင်သာလျှင် ဖန်တီးရမယ်ဆိုတာ ပိုပြီးတော့ သဘောပေါက်သင့်ပါပြီ။ လက်ပံတောင်းတောင် အရေးဟာ သူ့ဒေသကွက်ကွက်ကလေးရဲ့ အရေးမဟုတ်ပါဘူး။ နိုင်ငံတော်နဲ့ ပြည်သူလူထု၊ အမျိုးဘာသာသာ သနာအရေး အရာအားလုံးရဲ့ ဆုံချက်ပြဿနာကြီး ဖြစ်လာခဲ့ပါပြီ။ လက်ပံတောင်းတောင်ကို ကာကွယ်စောင့်ရှောက်ခြင်းဟာ အမျိုးဘာသာ သာသနာနဲ့ နိုင်ငံတော်ကို ကာကွယ်စောင့်ရှောက်ခြင်းလည်း ဖြစ်ပါတယ်။ လက်ပံတောင်းတောင်ရဲ့ ခါးသည်းပြီး အကျည်းတန်တဲ့ နေ့ညများအတွက် ချိုမြိန်လှပသော ဘ၀သစ်ကို ပြန်ရပါစေလို့ ဆုမွန်ကောင်း တောင်းလိုက်ပါတယ်။ ။
Eleven Media Group မှ ပြန်လည်ကူးယူ ဖော်ပြပါတယ်။
No comments:
Post a Comment