အဲဒီနေ့က
ကောင်းကင်ကြီး မျက်ရည်စို့
မိုးတွေလည်း ညိုလို့
သမီးက အမာခံ မဟုတ်ဘူး
အသေခံတဲ့
မင်းပြောခဲ့တယ်
ညီမလေးရေ …
ချီတက်လာသူတွေကို
မင်း ဈေးဗန်းထဲက
ချချ ကျွေးခဲ့တဲ့
ကြံချောင်းတွေဆို
ခုထိတိုင် ချိုနေတုံး
ညီမလေးရေ …
မင်းလဲကျသွားသည့်တိုင်
မလွတ်တမ်းကိုင်ခဲ့တဲ့
တို့ဖခင်ဓာတ်ပုံ
တို့အားလုံးရဲ့ နှလုံးသားအစုံနဲ့
ခန်းမများအားလုံးမှာ
အပြီးအပိုင်ချိတ်ဆွဲလိုက်နိုင်တာ
မင်းပေးတဲ့ စံနမူနာ
ညီမလေးရေ …
မိုးတွေညိုတဲ့
ဒီလိုနေ့တိုင်းမှာ
မင်းနဲ့အတူ
စွန့်ခဲ့သူအပေါင်းအတွက်
မျက်ရည်ပန်းခွေ
လမ်းတွေပေါ်ပြည့်လို့
ညီမလေးရေ …။ ။
မင်းကိုနိုင်
၁၉၊ ၉၊ ၂၀၁၂
No comments:
Post a Comment