မရဲတရဲနဲ့ ရေးကြည့်လိုက်တာပါ (လူထုစိန်ဝင်း)

“လက်ဖက်ရည်ဆိုင်မှာ သူငယ်ချင်းနှစ်ယောက် စားဝတ်နေရေး ကြပ်တည်းကြောင်း၊ ဘာတစ်ခုမှ ကောင်းတာမတွေ့ရကြောင်း၊ ချမ်းသာသူတွေကတော့ သန်းထောင်ချီပြီး ချမ်းသာနေကြကြောင်း၊ ပြောရိုးပြောစဉ် နှစ်ကိုယ်ကြားပြောဆိုနေမိကြတာကို
ဘေးစားပွဲမှာရှိတဲ့ လူတစ်ယောက်က အစိုးရဆန့်ကျင်နေရေးတွေ ပြောနေတာကြားခဲ့ကြောင်း သွားပြီးတိုင်ကြားလိုက်ရင် ချက်ချင်းဖမ်းချုပ်ပြီး စစ်ဆေးခံရတယ်။
ပုံကြီးချဲ့ပြီး အစိုးရ အကြည်ပျက်စေမယ့်စကားတွေ ပြောတယ်၊ ဘေးကလူတွေကြားနိုင်တဲ့အတွက် ဆူပူအောင် လှုံ့ဆော်ပါတယ်လို့ စွဲချက်တင်နိုင်တယ်။
မိတ်ဆွေချင်း အီးမေးလ်နဲ့ စာပို့ပြီး ညည်းမိတာကိုလည်း အီလက်ထရောနစ်ပုဒ်မ တပ်ပြီး ဖမ်းနိုင်တယ် …”

ဖေဖော်ဝါရီ ၂၂ရက်နေ့က ရန်ကုန်တိုင်းဒေသကြီး ပြည်သူ့လွှတ်တော်မှာ ပြည်သူ့လွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်နဲ့ ပြည်သူ့လွှတ်တော် ဥက္ကဋ္ဌ သူရဦးရွှေမန်းတို့ တွေ့ဆုံခဲ့ကြတယ်။ အဲဒီလိုတွေ့ရာမှာ ပြည်သူ့လွှတ်တော် ဥက္ကဋ္ဌက ဝန်ထမ်းတွေလစာတိုးပေးရေးနဲ့ ပတ်သက်တဲ့အဆို ပြည်သူ့လွှတ်တော်မှာ ဘာကြောင့်တင်ခဲ့သလဲဆိုတာကို အကျယ်တဝင့် ရှင်းလင်းပြောကြားသွားခဲ့တယ်။

သတ္တိရှိစေချင်တယ်

အဲဒီပြောသွားတဲ့အထဲမှာ အပြည့်အဝ သဘောတူတာတစ်ခု တွေ့ရတယ်။ အဲဒါကတော့ … "ကျွန်တော်က ဒီလိုပြောပေမယ့် သတင်းထဲကျတော့ ရဲရဲဝံ့ဝံ့ဆိုတာပါပြီး သတ္တိရှိရှိဆိုတဲ့ စကားကျတော့ ပါမလာဘူး။ သဘောကတော့ ဒီစကားကို ကျွန်တော်သုံးလိုက်တာကို သတင်းစာထဲ၊ ရေဒီယိုထဲ၊ တီဗီထဲကို ထည့်လိုက်တယ်ဆိုရင် ကျွန်တော့်အတွက်များ စိုးရိမ်ပြီးတော့ မထည့်တာလားတော့ မသိဘူး။ သတ္တိလို့ ဘာလို့ထည့်လိုက်လဲဆိုတဲ့အခါမှာ ကျွန်တော်ကတော့ သတ္တိရှိချင်တယ်။ ဒါဖြင့်ရင် ကျွန်တော်တစ်ယောက်တည်းပဲ သတ္တိရှိချင်တာလားဆိုတော့ ကျွန်တော်တို့ နိုင်ငံသားလူမျိုးအားလုံးကို ရှိစေချင်တယ်။ မိုက်မဲခြင်းနဲ့ မယှဉ်သော တာဝန်ကျေမှုကို အားလုံးမှာရှိစေချင်တယ်။ အခုချိန်မှာရော၊ အရင်တုန်းကရော ကျွန်တော်တို့တွေ သတ္တိရှိကြလားဆိုတဲ့နေရာမှာ ရှိတဲ့လူတွေလည်း ရှိမှာပေါ့၊ တချို့မရှိတဲ့ သူတွေလည်းရှိကြမှာပေါ့။ မရှိရတဲ့အကြောင်းရင်းက ဘာလဲဆိုတော့ ကိုယ့်အတ္တအကျိုးစီးပွားကို ကြည့်ပြီးတော့ မပြောရဲတာတို့၊ ပြောလိုက်ရင် ငါ့ကို ဒုက္ခရောက်စေမှာလို့၊ အဲဒီလိုဖြစ်လာတဲ့အခါကျတော့ မှန်တာလည်း မပြောရဲ၊ ကောင်းတာလည်း မပြောရဲဆိုတဲ့ အနေအထားတွေက ဒီအတိုင်းဆက်သွားမယ်ဆိုရင် ကျွန်တော်တို့နိုင်ငံ နိမ့်ကျနောက်ကျနေတဲ့ အနေအထားမှာပဲ ဖြစ်နေလိမ့်မယ်” လို့ ဖြစ်တယ်။

မရဲတရဲ ဆုံးဖြတ်

လွှတ်တော်ဥက္ကဋ္ဌရဲ့ မိန့်ခွန်းအပြည့်အစုံကို ဖတ်ပြီးတဲ့အခါကျတော့ ဒီစာကိုရေးလိုက်တော့မယ်လို့ မရဲတရဲ ဆုံးဖြတ်ချက်ချပြီး ရေးလိုက်တာဖြစ်တယ်။ မရဲတရဲဆိုတာက ကိုယ့်အတွက် စိုးရိမ်လို့မဟုတ်ဘူး၊ ဒီစာ စာဖတ်ပရိသတ် ဖတ်ရတဲ့အဆင့်ကို မရောက်မီ ဇီဝိန်ချုပ်သွားမယ့်အရေး စိုးရိမ်တာဖြစ်တယ်။ ဘာကြောင့်လဲဆိုတော့ စာပေစိစစ်ရေးတို့၊ ပြန်ကြားရေးဝန်ကြီးဌာနတို့နဲ့ တည့်တည့်ကြီးဝင်တိုးတဲ့ ကိစ္စဖြစ်နေလို့ပဲ။ ဒီကိစ္စကို အစောကြီးကတည်းက ရေးချင်နေတာ။ ဒါပေမယ့် လွတ်မှာမဟုတ်ပါဘူးလေဆိုတဲ့ အတွေးက အလေးသာနေလို့ မရေးဖြစ်ဘူး။ အခုလည်း မလွတ်လည်း ရေးခဲ့တယ်ဆိုတဲ့ သက်သေအထောက်အထားတော့ ကျန်ခဲ့မှာပဲ၊ သမိုင်းတရားခံတော့ မဖြစ်တော့ဘူးပေါ့လို့ တွေးပြီး ရေးလိုက်တာ ဖြစ်တယ်။ စိစစ်ရေးနဲ့ မလွတ်လို့ ဂျာနယ်ထဲမပါလည်း Facebook တင်လိုက်ရင် ဖတ်ကြရမှာပါပဲ။

ပြည်သူ့ရှေ့မှောက်မှ ကွယ်ပျောက်သွားရေး 

ကိစ္စကတော့ မီဒီယာဥပဒေဆိုတဲ့ ကိစ္စပါ။ ဖေဖော်ဝါရီ ၁၇ ရက်နေ့က ပြည်သူ့လွှတ်တော် အစည်းအဝေးမှာ ရွှေပြည်သာ မဲဆန္ဒနယ်က ကြံ့ခိုင်ဖွံ့ဖြိုးရေးပါတီကိုယ်စားလှယ် ဦးတင်မောင်ဦးက “နိုင်ငံတော်ရဲ့ စတုတ္တမဏ္ဍိုင်ဖြစ်တဲ့ မီဒီယာကဏ္ဍမှ ဂျာနယ်လောကတွင် တစ်ဖက်သတ်ဘက်လိုက် အရေးအသားများ ပြည်သူ့ရှေ့မှောက်မှ ပျောက်ကွယ်သွားရေး၊ ပြည်သူ့ လိုအင်ဆန္ဒ အမှန်အမှားကို သမာသမတ်ကျကျ သိက္ခာရှိရှိ မျှတစွာရေးသားထုတ်ဝေသော တိုင်းကျိုးပြည်ပြု ဂျာနယ်များ ထွက်ပေါ်လာရေး၊ ဝါသနာအရင်းခံပြီး ဝင်ရောက်လုပ်ကိုင်သော ယုံကြည်ချက် ခံယူချက်ရှိသည့်သူများ စိတ်အေးချမ်းသာစွာ သင့်တင့်သော အရင်းအနှီးဖြင့် ဂျာနယ်များထုတ်ဝေရပ်တည်နိုင်ရေးအတွက် စည်းကမ်းမဲ့ငွေရှာ၊ စီးပွားရှာသူများ လျော့နည်းပပျောက်လာရေးနဲ့ ဂျာနယ်လောကမှ လူငယ်သတင်းထောက်များ ယခုထက် ပိုမို အရည်အသွေးမြင့်မားလာရေးတို့အတွက် မည်သို့သော အကာအကွယ်ပေးဆောင်ရွက်နိုင်မည်ကို သိရှိလိုပါတယ်” လို့ မေးသွားခဲ့တယ်။

ဆက်လက်ထိန်းကျောင်းသွားမည်

ပြန်ကြားရေးဝန်ကြီးဌာန ပြည်ထောင်စု ဒုတိယဝန်ကြီး ဦးစိုးဝင်းက “မီဒီယာကဏ္ဍမှ ဂျာနယ်လောကတွင် တစ်ဖက်သတ်လိုက် ရေးသားသော အရေးအသားများ ပြည်သူ့ရှေ့မှ ကွယ်ပျောက်သွားရေးအတွက် ယခု နိုင်ငံတော်အစိုးရအဖွဲ့သစ် စတင်တာဝန်ယူချိန်မှစ ပြန်ကြားရေးဝန်ကြီးဌာနက လွတ်လပ်မှုနှင့် တာဝန်ယူမှုရှိသော၊ လွတ်လပ်မှုနှင့် ဆင်ခြင်တုံတရားရှိသော စာပေနှင့် စာနယ်ဇင်းသမားများ ဖြစ်လာစေရန် တာဝန်သိမှု၊ တာဝန်ယူမှုတို့ဖြင့် ဆောင်ရွက်ကြရန်၊ စာပေစိစစ်ရေးမူများ သတ်မှတ်စစ်ဆေး ကြပ်မတ်လျက်ရှိကြောင်း၊ အနာဂတ်တွင် ပုံနှိပ်ဥပဒေနှင့်အညီ ပေါ်ပေါက်လာမည့် Press Council ကဲ့သို့ အဖွဲ့အစည်းမျိုးဖြင့် ဆက်လက် ထိန်းကျောင်းသွားမည် ဖြစ်ပါတယ်” လို့ ပြန်လည်ဖြေကြားသွားခဲ့ပါတယ်။

သတင်းသမားစစ်စစ် ဟုတ်ရဲ့လား

ဒီအမေးနဲ့ ဒီအဖြေကိုကြည့်ခြင်းအားဖြင့် မကြာခင်အတွင်း မီဒီယာဥပဒေဆိုတာ တစ်ခုပေါ်ပေါက်လာဖို့ရှိကြောင်း သိနိုင်တယ်။ အဲဒီမတိုင်ခင်ကလည်း မီဒီယာဥပဒေ ရေးဆွဲရေးနဲ့ပတ်သက်ပြီး ပြည်တွင်းပြည်ပ သတင်းမီဒီယာသမားတွေ ပါဝင်တက်ရောက်ဆွေးနွေးတဲ့ ဆွေးနွေးပွဲတွေ ကျင်းပခဲ့ကြတယ်။ ပြည်ပ သတင်းမီဒီယာသမားအမည်ခံတချို့က မီဒီယာဥပဒေအတွက် အကြံပေးချက်တွေ တင်ပြကြတာလည်း တွေ့ရတယ်။ မီဒီယာကို ချုပ်ကိုင်ဖို့ ရေးဆွဲတဲ့ဥပေဒကို မီဒီယာသမားတွေ ကိုယ်တိုင်ပါဝင်ဆွေးနွေး အကြံပေးကြတယ်ဆိုတော့ တော်တော်အံ့သြမိတယ်။ သတင်းမီဒီယာသမားစစ်စစ်တွေမှ ဟုတ်ရဲ့လားလို့လည်း အတွေးရောက်မိတယ်။ ကိုယ့်လည်ပင်းကို စွပ်မယ့်ကြိုးကွင်းကို ကိုယ်တိုင်ဝင်ကျစ်ပေးတာနဲ့ မတူဘူးလား။

ဥပဒေဆိုတာ ချုပ်ကိုင်ဖို့ 

ဥပဒေဆိုတာ ဘယ်ဥပဒေပဲဖြစ်ဖြစ်၊ တိုင်းသူပြည်သားများကို ချုပ်ကိုင်ဖို့ ချမှတ်တာဖြစ်တယ်။ ဒီမိုကရေစီရဲ့ အနှစ်သာရက လူတွေကို တုတ်နှောင်ထားတဲ့ နှောင်ကြိုးအားလုံးက လွတ်ကင်းရေး ဖြစ်တယ်။ သတင်းသမားမှန်ရင် ဘယ်လို ချုပ်ပိုင်မှုမျိုးကိုမဆို ဆန့်ကျင်ရမယ်။ စစ်မှန်တဲ့ ဒီမိုကရေစီဖြစ်ဖို့အတွက် မလိုလားအပ်တဲ့ ပြည်သူလူထုကို နှောင်ကြိုးတည်းတဲ့ဥပေဒတွေကို ပယ်ဖျက်ပြီး မရှိမဖြစ်ထားဖို့လိုအပ်တဲ့ ဥပဒေတွေကိုသာ ထားရှိကျင့်သုံးရမှာ ဖြစ်တယ်။ သတင်းမီဒီယာကို ထိန်းချုပ်တဲ့ ဥပဒေ၊ ပုဒ်မတွေ အခုကို မနည်းလှပါဘူး။ တချို့က မလှုပ်သာ မရှက်သာအောင် တင်းကျပ်လွန်းလို့ ဖြေလျှော့သင့်ပြီး၊ တချို့ကျတော့ ဒီမိုကရေစီရဲ့ အနှစ်သာရနဲ့ ဆန့်ကျင်ဖက်ဖြစ်နေလို့ လုံးဝ ဖျက်သိမ်းပစ်သင့်တယ်။

ကြိုက်သလို ချဲ့ကားလို့ရ

ခေတ်အဆက်ဆက် သတင်းသမားတွေ အများဆုံးရင်ဆိုင်ရတဲ့ အသရေဖျက်မှု ဥပဒေ၊ အစိုးရကို အကြည်ညိုပျက်စေမှု ဥပဒေ၊ ဆူပူမှုဖြစ်အောင် လှုံ့ဆော်မှုဥပဒေ၊ အခုခေတ်ပေါ် အီလက်ထရောနစ်ဥပဒေ ဆိုတာတွေက ပုံကြီးချဲ့ချင်ရင် ကြိုက်သလိုချဲ့ကားပြီး အမှုလုပ်လို့ ရပါတယ်။ လက်ဖက်ရည်ဆိုင်မှာ သူငယ်ချင်းနှစ်ယောက် စားဝတ်နေရေး ကြပ်တည်းကြောင်း၊ ဘာတစ်ခုမှ ကောင်းတာမတွေ့ရကြောင်း၊ ချမ်းသာသူတွေကတော့ သန်းထောင်ချီပြီး ချမ်းသာနေကြကြောင်း၊ ပြောရိုးပြောစဉ် နှစ်ကိုယ်ကြားပြောဆိုနေမိကြတာကို ဘေးစားပွဲမှာရှိတဲ့ လူတစ်ယောက်က အစိုးရဆန့်ကျင်နေရေးတွေ ပြောနေတာကြားခဲ့ကြောင်း သွားပြီးတိုင်ကြားလိုက်ရင် ချက်ချင်းဖမ်းချုပ်ပြီး စစ်ဆေးခံရတယ်။ ပုံကြီးချဲ့ပြီး အစိုးရအကြည်ပျက်စေမယ့်စကားတွေ ပြောတယ်၊ ဘေးကလူတွေကြားနိုင်တဲ့အတွက် ဆူပူအောင် လှုံ့ဆော်ပါတယ်လို့ စွဲချက်တင်နိုင်တယ်။ မိတ်ဆွေချင်း အီးမေးလ်နဲ့ စာပို့ပြီး ညည်းမိတာကိုလည်း အီလက်ထရောနစ်ပုဒ်မ တပ်ပြီး ဖမ်းနိုင်တယ်။

လွတ်လပ်ရေးစိတ်ကို ချိုးနှိမ်ဖိသတ်ဖို့

လက်ရှိကျင့်သုံးနေတဲ့ မှုခင်းဆိုင်ရာ၊ တရားမဆိုင်ရာ ဥပဒေတွေ အားလုံးလောက်နီးပါးက ကိုလိုနီ အစိုးရခေတ်က တိုင်းသူပြည်သားများရဲ့ လွတ်လပ်ရေးစိတ်ဓာတ်ကို ချိုးနှိမ်ဖိသတ်ဖို့ ရေးဆွဲချမှတ်ခဲ့ကြတာတွေ ဖြစ်တယ်။ ပြည်သူလူထုကို ကာကွယ်စောင့်ရှောက်ဖို့ ရေးခဲ့တာ မဟုတ်ပါဘူး။ ဒါကြောင့် အခုအချိန်မှာ အဲဒီလို ဖိနှိပ်ချုပ်ချယ်ရေး လက်နက်သက်သက်ဖြစ်နေတဲ့ ဥပဒေ ပုဒ်မတွေကို ရုပ်သိမ်းဖို့ လျော့ချဖို့ အားလုံးဝိုင်းဝန်း ကြိုးစားရမှာ ဖြစ်ပါတယ်။ ဒီလိုအချိန်မျိုးမှာ သတင်းမီဒီယာတွေကို ချုပ်ကိုင်ဖို့ရည်ရွယ်တဲ့ မီဒီယာဥပဒေမျိုး သွတ်သွင်းမလာသင့်ပါဘူး။ နှစ်ပေါင်းငါးဆယ်ကျော် သတင်းသမားလုပ်လာသူတစ်ယောက်အနေနဲ့ သတင်းမီဒီယာကို ချုပ်ကိုင်မယ့် ဘယ်လို အစီအမံမျိုးမဆို ဆန့်ကျင်ကန့်ကွက်ပါတယ်။

လက်ခံနိုင်မှာ မဟုတ်

သတင်းသမားတို့လိုက်နာရမယ့် ကျင့်ဝတ်စည်းကမ်းတွေဆိုတာလည်း သတင်းသမားတွေ ကိုယ်တိုင် ဆွေးနွေးတိုင်ပင် ရေးဆွဲရမှာ ဖြစ်တယ်။ ဆရာဝန်တွေအတွက် ကျင့်ဝတ်ကို ဆရာဝန်မဟုတ်သူတွေကို ရေးခိုင်းလို့ မဖြစ်ပါဘူး။ ဆရာဝန်တွေကိုယ်တိုင်ရေးမှ အဓိပ္ပာယ်ရှိပါတယ်။ အဲဒါကြောင့် လုံးဝလွတ်လပ်တဲ့ သတင်းစာဆရာအသင်းတို့၊ သတင်းထောက်အသင်းတို့ ပေါ်ထွက်လာဖို့ အရင်ဆုံး လုပ်ရပါမယ်။ ဒါကိုမလုပ်ဘဲနဲ့ သတင်းမီဒီယာကျင့်ဝတ် စည်းကမ်းရေးဆွဲတာ ဖြစ်ဖြစ်၊ မီဒီယာဥပဒေ ပြဌာန်းတာဖြစ်ဖြစ်၊ အောင်မြင်လာဖွယ် မရှိပါဘူး။ ဘာကြောင့်လဲဆိုတော့ ဘယ်လိုသတင်းသမားစစ်စစ်မျိုးမှ လက်ခံနိုင်မှာ မဟုတ်လို့ပါ။

ထင်ထားခဲ့တဲ့အတိုင်း ဆင်ဆာ အဖြုတ်ခံရတဲ့ ဆောင်းပါးပါ။ 

၀၅၊ ၀၃၊ ၂၀၁၂ ထုတ် Weekly Eleven Journal အတွက် ရေးခဲ့တာ ဖြစ်ပါတယ်။