နှစ်ပေါင်း ၅၆ နှစ်အတွင်း မြန်မာပြည်ကိုရောက်ရှိလာတဲ့ မစ္စစ် ကလင်တန်ကို မြန်မာ ဒုတိယ နိုင်ငံခြားရေးဝန်ကြီး ဒေါက်တာမျိုးမြင့်က လေဆိပ်မှာ ကြိုဆိုခဲ့ပါတယ်။
နေပြည်တော်ကို ကြိုတင်ရောက်ရှိနေတဲ့ မြန်မာနိုင်ငံဆိုင်ရာ အမေရိကန် အထူးသံတမန် ဒဲရစ်ခ်မစ်ချယ်လ်ကလည်း လေဆိပ်မှာ သူ့ဝန်ကြီးကို လေယာဉ်ပေါ်တက်ရောက်ပြီး လာရောက်ကြိုဆိုခဲ့တယ်လို့ နေပြည်တော်ရောက် ဘီဘီစီ သတင်းထောက် ကိုမင်းထက်က လေဆိပ်ကနေ တိုက်ရိုက်သတင်းပေးပို့ပါတယ်။
မစ္စစ် ကလင်တန်ဟာ မနက်ဖြန် ကြာသပတေးနေ့မှာ မြန်မာ သမ္မတ ဦးသိန်းစိန်၊ အထက် အောက် လွှတ်တော် နှစ်ရပ်က ဥက္ကဋ္ဌတွေဖြစ်တဲ့ သူရ ဦးရွှေမန်းနဲ့ ဦးခင်အောင်မြင့်တို့နဲ့လည်း တွေ့ဆုံဆွေးနွေးမှာ ဖြစ်ပါတယ်။
လေဆိပ်မှာတွေ့ရတဲ့ အမေရိကန် နိုင်ငံခြားရေးဝန်ကြီးကို ပြုံးပြုံးရွှင်ရွှင်တွေ့ရပေမယ့်လို့ ဒေသခံ မြန်မာသတင်းထောက်တချို့မှာတော့ အကြောင်းတစုံတရာကြောင့် နေပြည်တော်လေဆိပ်ထဲ ဝင်မရတာရှိခဲ့တယ်လို့ နေပြည်တော်ရောက် ဘီဘီစီ သတင်းထောက် ကိုမင်းထက်က ပြောပါတယ်။
သောကြာနေ့မှာတော့ အမေရိကန် နိုင်ငံခြားရေးဝန်ကြီးဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၊ တိုင်းရင်းသားခေါင်းဆောင်တွေနဲ့ လူထုအခြေပြု အဖွဲ့အစည်းတွေက တာဝန်ရှိသူတွေနဲ့ ရန်ကုန်မှာ တွေ့ဆုံပြီး၊ ညနေပိုင်းမှာတော့ မြန်မာနိုင်ငံကနေ ပြန်လည်ထွက်ခွာမှာ ဖြစ်ပါတယ်။
သတင်း - ဘီဘီစီ
Photos: Getty Images, Reuters, AP
No comments:
Post a Comment