အမျိုးသားအောင်ပွဲနေ့ ကာတွန်းပြပွဲနဲ့ စာပေ ဟောပြောပွဲတွေကိုလည်း NLD ရုံးချုပ်မှာ ကျင်းပခဲ့ရာမှာ လူတထောင်လောက် တက်ရောက်ခဲ့တယ်လို့ သိရပါတယ်။
တနင်္ဂနွေနေ့ထုတ် အစိုးရသတင်းစာတွေမှာ ဖော်ပြထားတဲ့ သမ္မတဦးသိန်းစိန်ရဲ့ အမျိုးသားနေ့အထိမ်းအမှတ် သဝဏ်လွှာထဲမှာတော့ ပြည်သူတရပ်လုံးအနေနဲ့ ကမ္ဘာ့အလယ်မှာ ဂုဏ်သိက္ခာရှိတဲ့ နိုင်ငံအဖြစ်ရပ်တည်နိုင်အောင် အစိုးရနဲ့အတူ ဆောင်ရွက်ဖို့လိုကြောင်းကို ရေးသားထားပါတယ်။
နိုင်ငံရေးအကျဉ်းသားဟောင်းတွေစုပေါင်းပြီး အမျိုးသားနေ့အောင်ပွဲကို ရန်ကုန် သာဓု ကျောင်းတိုက်ဝင်းအတွင်းက ရွှေညဝါ ကျောင်းတိုက်မှာလည်း ကျင်းပခဲ့ပါတယ်။
အဲဒီအခမ်းအနားကို စာရေးဆရာကြီး ဒဂုန်တာရာနဲ့ NLD က ဦးဝင်းတင်၊ ဦးဝင်းထိန်တို့ တက်ရောက်ခဲ့ကြပါတယ်။
လွန်ခဲ့တဲ့ ၁၉၂၀ ခုနှစ်က အင်္ဂလိပ် ကိုလိုနီပညာရေး အက်ဥပဒေကို ဆန့်ကျင်ပြီး တက္ကသိုလ် ကျောင်းသားတွေက တန်ဆောင်မုန်းလပြည့်ကျော် ၁၀ ရက်နေ့မှာ သပိတ်မှောက်ရာကနေ အမျိုးသားအောင်ပွဲနေ့ ပေါ်ပေါက်လာတာ ဖြစ်ပါတယ်။
အခုလို အမျိုးသားအောင်ပွဲနေ့ အခမ်းအနားတွေကို မြန်မာနိုင်ငံတဝန်းနဲ့ ပြည်ပနိုင်ငံတွေမှာလည်း ကျင်းပခဲ့ကြပါတယ်။
သတင်း - ဘီဘီစီ
Photos: AP, Reuter, Getty Images
No comments:
Post a Comment