၁၉၈၈ ခုနှစ် လူထုအုံကြွမှုကို စစ်တပ်က ချေမှုန်းရာမှာ လက်နက်မဲ့ ဆန္ဒပြသူတွေကို မည်သူမည်ဝါ ခွဲခြားခြင်း မရှိ သို့မဟုတ် အဆင်အခြင် အထိန်းအသိမ်း မရှိ ရက်ရက်စက်စက် ပစ်ခတ်သတ်ဖြတ်လိုက်တုန်းက ရာနဲ့ချီတဲ့ ကျောင်းသားတွေနဲ့ တခြား လှုပ်ရှားသူတွေဟာ နယ်စပ်ကိုဖြတ်ပြီး ထိုင်းနိုင်ငံဘက်ကို ထွက်ပြေးခဲ့ကြပါတယ်။ အဲဒီ ကျောင်းသားတွေထဲက အများအပြားဟာ သေနတ်နဲ့ လူလုပ်သူကို သေနတ်နဲ့ အနိုင်ယူမှသာ ရနိုင်တယ်လို့ ယုံကြည်ကြပြီး ဒီမိုကရေစီရေးအတွက် ကျောင်းသား တပ်မတော် ဖွဲ့စည်းဖို့ ဆုံးဖြတ်ခဲ့ကြပါတယ်။
မတရား ကြီးစိုးလွှမ်းမိုးမှုအောက်က မိမိတို့လွတ်မြောက်ဖို့ လက်နက်ကိုင်စွဲသူတွေကို လွတ်လပ်ရေး တိုက်ပွဲဝင်သူတွေလို့ ရှုမြင်ကြပါတယ်။ သူတို့ဟာ တိုင်းချစ်ပြည်ချစ် စိတ်ဓာတ်ကြောင့်သော်လည်းကောင်း၊ ဝါဒသဘောတရား အမြင်ကြောင့် သော်လည်းကောင်း၊ တိုင်းပြည်တစ်ပြည်လုံး သို့မဟုတ် ပြည်သူတစ်ရပ်လုံးရဲ့အရေးအတွက် တိုက်ပွဲဝင်နေကြတာ ဖြစ်နိုင်ပါတယ်။ ဒါမှမဟုတ် တန်းတူညီမျှရေးနဲ့ လူ့အခွင့်အရေး လိုလားချက်ကြောင့် လူမျိုး သို့မဟုတ် လူမျိုးစု သို့မဟုတ် ဘာသာ အယူဝါဒ အခြေခံတဲ့ သီးခြား ပြည်သူအုပ်စုတစ်စုရဲ့အရေးအတွက် တိုက်ပွဲဝင်နေကြတာ ဖြစ်ပါတယ်။
လက်နက်ကိုင်စွဲမှု မပါဝင်တဲ့အခါမှာတော့ လှုပ်ရှားသူဆိုတဲ့အမည်ဟာ နိုင်ငံရေး အခြေခံမူတစ်ခုအတွက် တိုက်ပွဲဝင်နေသူတွေကိုခေါ်တဲ့ ယေဘုယျအမည်ဖြစ်လာတဲ့ လက္ခဏာ ရှိပါတယ်။
နိုင်ငံသား အခွင့်အရေးအတွက် လှုပ်ရှားသူများ၊ လူမျိုး အသားအရောင် ခွဲခြားမှု ဆန့်ကျင်ရေးအတွက် လှုပ်ရှားသူများ၊ လူ့အခွင့်အရေးအတွက် လှုပ်ရှားသူများ၊ ဒီမိုကရေစီရေးအတွက် လှုပ်ရှားသူများ စသဖြင့် ဖြစ်ပါတယ်။
အဲဒီတော့ ကျွန်မတို့ဟာ လူ့အခွင့်အရေးနဲ့ ဒီမိုကရေစီအတွက် အစဉ်တစိုက် အရေးဆိုနေကြတာဖြစ်တဲ့အတွက် နောက်ဆုံး အမျိုးအစား နှစ်ခုမှာ ပါဝင်ပါသလား။
မြန်မာနိုင်ငံမှာ ဒီမိုကရေစီရေး လှုပ်ရှားမှုမှာ ပါဝင်နေကြတဲ့ ကျွန်မတို့တတွေဟာ ဒီမိုကရေစီရေးအတွက် လှုပ်ရှားသူများ ဖြစ်ပါတယ်လို့ပြောရင် မှန်ကန်မှာပါ။ ဒါပေမယ့် ကျွန်မတို့တိုက်ပွဲရဲ့ အရေးကြီးတဲ့ သဘောသဘာဝကို ပြည့်ပြည့်ဝဝ ဖော်ပြနိုင်ဖို့အတွက်ကတော့ ဒီစကား အသုံးအနှုန်းဟာ ကျဉ်းမြောင်းလွန်းအားကြီးနေပါတယ်။
သမ္မတ Suharto လက်အောက် Indonesia နိုင်ငံကို စစ်တပ် အာဏာရှင်စံနစ်အောက် မြန်မာနိုင်ငံနဲ့ နှိုင်းယှဉ် သုံးသပ်သူ ပညာရှင်တစ်ယောက်က မြန်မာနိုင်ငံရဲ့အဖြစ်အပျက်မှာ စစ်တပ်ဟာ (အရပ်သား နိုင်ငံရေးလောကရဲ့လက်ထဲက အာဏာကို သိမ်းယူခဲ့တာ) လို့ ရေးခဲ့ပါတယ်။
ဒီနက်ရှိုင်းတဲ့အမြင်နဲ့ သုံးသပ်ချက်ကိုကြည့်မယ်ဆိုရင် (NLD) အဖွဲ့ချုပ်ရဲ့လုပ်ငန်းဟာ နိုင်ငံရေးဆောင်ရွက်ရာမှာ ပါဝင်ရုံမျှ မဟုတ်ကြောင်း အရပ်သားတွေဟာ သူတို့ရဲ့ပိုင်ခွင့်ဖြစ်တဲ့ အခန်းကဏ္ဍကို ရပိုင်ခွင့် အာမခံချက်ရှိနိုင်အောင် ကျွန်မတို့ လူ့ဘောင်အဖွဲ့အစည်းရဲ့ အခြေခံ အဆောက်အအုံတစ်ခုလုံးကို ပြန်လည်တည်ဆောက်ဖို့ ဖြစ်ကြောင်း ကောက်ချက်ချနိုင်ပါတယ်။
ဆက်လက်ဖော်ပြပါမယ်။
သရုပ်ဖော် ကောက်ကြောင်းပန်းချီ - မင်းကျော်ခိုင်
No comments:
Post a Comment