ဒီနေ့ ဖတ်စရာ သတင်းများ (ဇူလိုင်လ ၄ ရက်)

ကြံ့ခိုင်ရေး ပါတီ နှစ် ၅၀ စီမံကိန်း ပြည်နယ်ဝန်ကြီး တစ်ဦးမှ ထုတ်ဖေါ် ပြောကြား

News Date:7/2/2011 နိရဉ္ဖရာ သတင်းဌာန

ရခိုင်ပြည်နယ်မှ ၀န်ကြီး တစ်ဦးက ကြံ့ခိုင်ရေး ပါတီ အနေဖြင့် မြန်မာနိုင်ငံကို နှစ်ပေါင်း ၅၀ အုပ်ချုပ်ရန် စီမံကိန်းချထားကြောင်း လူသိရှင်ကြား ထုတ်ဖေါ် ပြောကြားသည်ဟု သိရသည်။

ယခုကဲ့သို့ ပြောကြားသော ၀န်ကြီးမှာ ကြံ့ခိုင်ရေး ပါတီမှ ယခင် ရခိုင်ပြည်နယ် ပို့ဆောင်ရေး ၀န်ကြီး (ယခု ဘဏ္ဍာရေးနှင့် အခွန်ဝန်ကြီးဌာန ၀န်ကြီး) ဦးစိုးအေး ဖြစ်သည်။

ကျက်တောပြင် ကျေးရွာ ဒေသခံ အရပ်လူကြီး တစ်ဦးက ကျွန်တော်တို့ရွာကို ၅ လပိုင်း ၂၃ ရက်နေ့မှာ မျိုးစပါးတွေ ပေးဖို့ ရောက်ပါတယ်။ အဲသလို ရောက်တဲ့အခါ အသံချဲ့စက်နဲ့ ပြောပါတယ် ခင်ဗျား။ သူက ဘာပြောလဲ ဆိုရင် အခု အနိုင်ရထားတဲ့ ရခိုင်ပါတီဟာ နောက်က လိုက်ပြီး လက်ခုပ် တီးပေးဖို့ အဆင့်ဘဲရှိတယ်။ ပြည်ခိုင်ဖြိုးပါတီဟာ နှစ် ၅၀ အုပ်ချုပ်မယ့် စီမံကိန်း ချမှတ် ထားတယ် ဆိုပြီး ပြောဆိုသွားပါတယ်ဟု ပြောသည်။

ဝန်ကြီး ဦးစိုးအေးသည် ကျက်တောပြင်ရွာတွင်သာမက တခြားကျေးရွာများ ဖြစ်ကြသည့် သဲချောင်းရွာ၊ ကျောက်နီရွာ၊ မင်းဂံရွာ၊ ကျောက်ငူ၊ တောင်ရင်းရွာများတွင်လည်း အသံချဲ့စက်ဖြင့် ထိုသို့ လူသိရှင်ကြား ပြောဆိုသွားကြောင်း သိရသည်။

တောင်ရင်းရွာသား တစ်ဦးကလည်း နောက်လာမယ့် ရွေးကောက်ပွဲမှာ ရခိုင်ပါတီကို မဲ မပေးဘဲ ကြံ့ခိုင်ရေးပါတီကိုသာ မဲပေးဖို့ အတွက် စပါးပေးတဲ့ အခါ ပြောပါတယ်။ တကယ်လို့ ရခိုင်ပါတီကို မဲပေးပါက တခုမှ လုပ်ပေးမှာ မဟုတ်ဘူး။ ကြံ့ခိုင်ရေး ပါတီ နှစ် ၅၀ တိုင်းပြည်ကို အုပ်ချုပ်မယ့် အစိုးရ ဖြစ်တဲ့အတွက် ကြံ့ခိုင်ရေး ပါတီက လွဲပြီး ဘယ်သူမှ တိုင်းပြည်မှာ လိုအပ်တာကို လုပ်ပေး နိုင်မှာ မဟုတ်ဘူးလို့လည်း ပြောပါတယ်။

၎င်းပြင် ဦးစိုးအေးသည် ကျောက်ငူ ကျေးရွာသို့ ရောက်ရှိလာသောအခါ ကျောင်းဆရာ တစ်ဦးကိုလည်း ကြိမ်းမောင်သွားကြောင်း အရပ်လူကြီး တစ်ဦးကပြောသည်။

ကျောက်ငူကျေးရွာက မဲရုံမှုးလုပ်တဲ့ ကျောင်းဆရာတဦးကိုလည်း ဘာမှ မဆိုင်ဘဲနဲ့ ဦးစိုးအေးက ကြံ့ခိုင်ရေးပါတီ မဲမနိုင်တာ မင်းကြောင့် ဖြစ်တယ်။ မင်း အလုပ်ပြုတ်သွားချင်သလား။ မင်းကို ငါ ချက်ချင်း အလုပ်ဖြုတ်ပစ်လို့ ရတယ်။ မင်း ငါ ဘာကောင်ဆိုတာ သိလားလို့ ခြိမ်းခြောက်ပါတယ်။ အစည်းအဝေးမှာလည်း ကျောက်ဖြူက ရခိုင်အမတ်တွေဟာ ဘာစာမှမတတ်တဲ့ ကောင်တွေ။ နှစ်ယောက်ပေါင်းလို့ ၈ တန်း မအောင်တဲ့ ကောင်တွေဖြစ်တယ်။ လက်ခုတ်တီးဖို့ လိုက်လာတာ ဖြစ်တယ်လို့ အသံချဲ့စက်နဲ့ ရွာမှာပြောသွားပါတယ် ဟု ပြောသည်။

ဦးစိုးအေးမှာ ကျေးရွာများတွင် မျိုးစပါး အနည်းငယ်စီကို ပေးပြီး ထိုသို့ ကြံ့ခိုင်ရေး နှစ် ၅၀ စီမံကိန်းနှင့် ရခိုင်ပါတီ မကောင်းကြောင်းကို တရွာဝင် တရွာထွက် ပြောဆိုသွားခြင်း ဖြစ်သည်။ ဦးစိုးအေးသည် ကြံ့ခိုင်ရေး အမာခံ တစ်ဦးဖြစ်ပြီး ဂွမြို့နယ် အမှတ် (၂) မဲဆန္ဒ နယ်မြေက အနိုင်ရ ကြံ့ခိုင်ရေး ပြည်နယ် လွှတ်တော်အမတ် ဖြစ်သည်။

ယခုအခါ ကြံ့ခိုင်ရေး ပါတီ တာဝန်ရှိသူများသည် ရခိုင်ပြည်အတွင်း ပြုလုပ်သော ခရီးစဉ်များတွင် ရခိုင်တိုင်းရင်းသားများ ပါတီ မကောင်းကြောင်းနှင့် လမ်း၊တံတား၊ ကျောင်း၊ ဆေးခန်းများ လိုအပ်ပါက ရခိုင်ပြည်သူများ မဲပေးထားသော ရခိုင်ပါတီမှ သွားတောင်းရန် ငယ်ကြီးငယ်နာဖေါ်ကာ ပြောဆို လျှက်ရှိကြောင်း သိရသည်။

နိုင်ငံရေးအကျဉ်းသားတွေ လွှတ်ပေးဖို့ ဖိလစ်ပိုင်တောင်းဆို

2011-07-03 RFA

မြန်မာနိုင်ငံ အကျဉ်းထောင်တွေထဲမှာ ကျန်ရှိနေဆဲ နိုင်ငံရေးအကျဉ်းသား ၂ ထောင်ကျော်ကို လွှတ်ပေးဖို့ ဖိလစ်ပိုင် နိုင်ငံခြားရေးဝန်ကြီးက ဒီကနေ့ ထပ်မံ တောင်းဆိုလိုက်ပါတယ်။

ဖိလစ်ပိုင်မှာ အခြေစိုက်တဲ့ သံတမန်ရေးရာ သတင်းထောက်တွေကို နေ့လယ်စာ တည်ခင်းဧည့်ခံစဉ်မှာ ဖ်ိလစ်ပိုင် နိုင်ငံခြားရေးဝန်ကြီး Albert Del Rosario က အခုလို တိုက်တွန်းလိုက်တာ ဖြစ်တယ်လို့ ဒီကနေ့ထုတ် ဖိလစ်ပိုင် သတင်းဌာန GMA က ရေးသားထားပါတယ်။

ဖိလစ်ပိုင် နိုင်ငံခြားရေးဝန်ကြီးက အာစီယံ အဖွဲ့ကြီးကို ကတိပေးထားတဲ့အတိုင်း ဒီမိုကရေစီ အသွင်ပြောင်းရေး လုပ်ဆောင်ရာမှာ မနှစ်က မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွှတ်ပေးခဲ့တာနဲ့တင် မလုံလောက်ဘူးလို့လည်း ဝေဖန်လိုက်ပါတယ်။

မြန်မာနိုင်ငံနဲ့ ပတ်သက်လို့ ဖိလစ်ပိုင်နိုင်ငံရဲ့ သဘောထား ရပ်တည်ချက်ဟာ အမြဲတမ်း ရှင်းရှင်းလင်းလင်း ရှိခဲ့ကြောင်း၊ ဒီမိုကရေစီ အသွင်ကူးပြောင်းရာမှာ ဆောင်ရွက်ရမယ့် ခြေလှမ်းအားလုံးကို မြန်မာဘက်က လုပ်ဆောင်ဖို့ လိုကြောင်း၊ ရွေးကောက်ပွဲ ကျင်းပတာ ဒေါ်အောင်ဆန်းစုကြည်ကို လွှတ်ပေးတာနဲ့တင် မလုံလောက်ဘဲ ကျန်နေတဲ့ နိုင်ငံရေးအကျဉ်းသား အားလုံး လွှတ်ပေးဖို့လည်း လိုကြောင်း Mr. Rosario က ပြောပါတယ်။

အာစီယံက တောင်းဆိုထားတဲ့ ဒီမိုကရေစီ အသွင်ပြောင်းရေး လမ်းစဉ်အတိုင်း မြန်မာနိုင်ငံက ပြည့်မီအောင် ဆောင်ရွက်နိုင်ဖို့ တောင်းဆိုရေးဟာ ဖိလစ်ပိုင် တနိုင်ငံတည်းမှာသာ တာဝန်ရှိတာ မဟုတ်ဘဲ အာစီယံ အဖွဲ့ကြီးမှာလည်း တာဝန်ရှိပါတယ်လို့ ဖိလစ်ပိုင် နိုင်ငံခြားရေးဝန်ကြီးက ပြောကြားခဲ့ကြောင်းလည်း သတင်းမှာ ရေးသားထားပါတယ်။

မြန်မာငွေတန်ဖိုးမြင့်နေတဲ့အတွက် အထည်ချုပ်လုပ်ငန်းတွေ အရှုံးပေါ်

2011-07-03 RFA

ဒေါ်လာဈေးကျဆင်းပြီး မြန်မာကျပ်ငွေတန်ဖိုး မြင့်တက်မှု ဂယက်ကြောင့် မြန်မာနိုင်ငံက အထည်ချုပ်လုပ်ငန်း အများစု အရှုံးနဲ့ လည်ပတ်နေကြရတယ်လို့ သိရပါတယ်။

လတ်တလောမှာ ဝင်ငွေ ၁၈ ရာခိုင်နှုန်းလောက် ထိခိုက်မှု ရှိတဲ့အပြင် ရေရှည်မှာ ဆက်လက် ရပ်တည်ဖို့ မလွယ်ကူတဲ့အတွက် အစိုးရက ဝင်ရောက်ကူညီ ဖြေရှင်းပေးဖို့ တင်ပြထားတယ်လို့ မြန်မာနိုင်ငံ အထည်ချုပ် လုပ်ငန်းရှင်များအသင်း ဥက္ကဋ္ဌ ဦးမြင့်စိုးက ပြောပါတယ်။

“အစိုးရအပေါ်လည်း ဖြစ်နိုင်မယ့် ခွင့်ပြုနိုင်မယ့် အနေအထားမျိုးလေးတွေ တင်ပြပါတယ်။ ကိုယ့်ဟာကိုယ်လည်း စစ်စစ်စီစီ လုပ်၊ Production ထွက်အောင်လုပ် ဒါမျိုးပဲ လုပ်ရတာပေါ့။ အလုပ်သမားခလည်း လျှော့လို့မှ မရတာ”

မြန်မာနိုင်ငံက ချုပ်လုပ်တဲ့ အဝတ်အထည်တွေကို ဂျပန်၊ ကိုရီးယား၊ ဥရောပနဲ့ လက်တင်အမေရိက ဈေးကွက်တွေကို တင်ပို့နေပြီး မနှစ်က အမေရိကန်ဒေါ်လာ ၄၈၉ သန်းဖိုး တင်ပို့နိုင်ခဲ့တယ်လို့ သိရပါတယ်။ မြန်မာနိုင်ငံမှာ ပြည်တွင်းငွေတန်ဖိုး မြင့်တက်မှုကြောင့် အထည်ချုပ် လုပ်ငန်းတွေအပြင် ရေထွက်ပစ္စည်း၊ စိုက်ပျိုးရေးထုတ်ကုန် စတဲ့ ပို့ကုန်လုပ်ငန်းတွေ အရှုံးပေါ်နေတယ်လို့ သိရပါတယ်။

အိမ်နီးချင်းနဲ့ ဒေသတွင်း နိုင်ငံတွေမှာတော့ အထည်ချုပ်လုပ်ငန်းတွေ ဝင်ငွေ အထူးကောင်းမွန်နေပြီး၊ ဗီယက်နမ်နိုင်ငံမှာဆိုရင် ဇွန်လ တလတည်းမှာတင် အမေရိကန်ဒေါ်လာ ၁ ဘီလီယံကျော်ဖိုး တင်ပို့နိုင်ခဲ့ကြောင်း၊ အခုနှစ်အတွင်း ဒေါ်လာ ၁၃ ဘီလီယံကျော်ဖိုး တင်ပို့ဖို့ ရည်မှန်းထားကြောင်း သိရပါတယ်။

လယ်သမားအရေး ဆောင်ရွက်သူ ဖမ်းဆီးခံရ

2011-07-03 RFA

ပုသိမ် ကန်ကြီးထောင့်မြို့နယ် ထိန်တောကြီးကျေးရွာ က လယ်သမားအရေး ဆောင်ရွက်သူ လယ်သမားကြီး ဦးထွန်းအေးကို ပြီးခဲ့တဲ့ ဇွန်လ ၃ဝ ရက်နေ့မှာ ရဲတွေက ဖမ်းဆီး ခေါ်ဆောင်သွားခဲ့ကြောင်း သူ့ရဲ့လုပ်ဖော်ကိုင်ဘက်တွေက ဒီကနေ့ ပြောပါတယ်။

လယ်သမားတွေရဲ့ နစ်နာချက်တွေအတွက် အာဏာပိုင်တွေနဲ့ ILO အလုပ်သမား အဖွဲ့ချုပ်ရုံးကို သွားရောက် သတင်းပို့ပြီး အပြန်လမ်းမှာ ရဲတွေက ဖမ်းဆီးသွားတာ ဖြစ်ကြောင်း ဦးထွန်းအေးနဲ့ အဲဒီနေ့က အတူရှိနေတဲ့ လူ့အခွင့်အရေး လှုပ်ရှားသူ ကိုမြင့်နိုင်က ပြောပြပါတယ်။

ကန်ကြီးထောင့်မြို့နယ် အတွင်းက ကျေးရွာတွေမှာ မြေစာရင်းဌာနနဲ့ မယက ပူးပေါင်းပြီး လယ်မြေ တဧကကို ကျပ်ငွေ ၅ ရာ ကောက်ခံသွားတဲ့ ကိစ္စကို ILO ရုံးကို သွားတိုင်ပြီး အပြန်မှာ အခုလို အဖမ်းခံရတာပါ။ သူ့ကို ဖမ်းဆီး ပုဒ်မ ၄၂၇ အတွက် ဖမ်းဝရမ်းနဲ့ ဖမ်းတာလို့ ရဲတွေက ပြောဆိုခဲ့ပါတယ်။

ဦးထွန်းအေးကို၂ဝဝ၇ ခုနှစ်က စိုက်ပျိုးစရိတ် ချေးငွေအတိုး ပြန်လည်ပေးဆပ်ဖို့ ကိစ္စနဲ့ ဆက်စပ်ပြီး ငွေရှင် ဦးအောင်ဌေးက တရား စွဲဆိုခဲ့ဖူးကြောင်း၊ ဒါပေမယ့် ၂ဝ၁ဝ ဇူလိုင်လ ၂၁ ရက်နေ့မှာ တရားသူကြီး ဦးရေချမ်း ထိုင်တဲ့ တရားရုံးက အမှုကို ပ,လပ် ခဲ့ပြီးဖြစ်ကြောင်း၊ ဒါပေမယ့် အခုတခါ အဲဒီအမှုနဲ့ပဲ ထပ်မံစွဲဆို ဖမ်းဆီးသွားတာ ဖြစ်ကြောင်းသိရပါတယ်။

ဦးအေးထွန်းနဲ့ လယ်သမားတချို့ဟာ မြို့နယ် အာဏာပိုင်တွေက အကြောင်းပြချက် တစုံတရာ မရှိဘဲ လယ်တဧကကို ၅ ရာကျပ်နဲ့ အုပ်စု ၈ဝ ကျော်က လယ်ဧက ထောင်ပေါင်း များစွာအတွက် ငွေကြေး ကောက်ခံတာကို ကန်ကွက်ခဲ့ပြီး ပြီးခဲ့တဲ့လမှာ ဧရာဝတီတိုင်း ဝန်ကြီးချုပ်ထံ ကန့်ကွက်တိုင်တန်းစာ ပို့ခဲ့ကြောင်း၊ အဲဒီနောက်မှာ အခုလို အဖမ်းခံရတာဖြစ်ကြောင်း ကိုမြင့်နိုင်က ပြောပြပါတယ်။

ဒေါ်အောင်ဆန်းစုကြည်ရဲ့ လုံခြုံရေး အစိုးရ တာဝန်ယူသင့်ကြောင်း ဧည့်ဝန်ကြီးပြော

2011-07-03 RFA

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် နယ်ခရီးစဉ် ထွက်တဲ့အခါမှာ သူ့ရဲ့ လုံခြုံရေးကို အစိုးရက အာမ,ခံပေးဖို့ လိုအပ်ကြောင်း သြစတြေလျ နိုင်ငံခြားရေးဝန်ကြီး Mr. Kevin Rudd က မနေ့က ပြောကြားလိုက်ပါတယ်။

မြန်မာနိုင်ငံကအပြန် စင်္ကာပူနိုင်ငံကို ခေတ္တ ဝင်ရောက်ရပ်နားစဉ် သတင်းထောက်တွေကို အဲဒီလို ပြောကြားခဲ့တာပါ။

ဒေါ်အောင်ဆန်းစုကြည်ဟာ နေအိမ်အကျယ်ချုပ်က လွတ်မြောက်လာပြီးနောက်ပိုင်း ပထမဆုံးအကြိမ် အဖြစ် နယ်ခရီးထွက်ဖို့ ပြင်ဆင်နေကြောင်း၊ နိုင်ငံရေးကိစ္စ မပါရှိကြောင်း သူ့ကို ပြောတယ်လို့ ဆိုပါတယ်။

ဒေါ်အောင်ဆန်းစုကြည်ရဲ့ ခရီးစဉ်အတွင်း သူမရဲ့ လုံခြုံရေးကို အစိုးရက ဘယ်လောက်အထိ ဂရုစိုက်သလဲ ဆိုတာ တကမ္ဘာလုံးက အနီးကပ် စောင့်ကြည့်နေမှာ ဖြစ်တယ်လို့လည်း သြစတြေလျ နိုင်ငံခြားရေးဝန်ကြီးက ပြောသွားပါတယ်။

ဆေးဝါးအကူအညီ တောင်းသူ HIV ဝေဒနာရှင် ပိုများလာ

2011-07-03 RFA

အမျိုးသားဒီမိုကရေစီ အဖွဲ့ချုပ် NLD ပါတီက ရန်ကုန်တိုင်း တောင်ဒဂုံမှာ ဖွင့်လှစ်ထားတဲ့ HIV-AIDS ဂေဟာကို လာရောက် အကူအညီ တောင်းခံတဲ့ HIV/AIDS ရောဂါဝေဒနာရှင်တွေ ပိုများလာနေကြောင်း သိရပါတယ်။

ဒီတလ အတွင်းမှာပဲ အနယ်နယ် အရပ်ရပ်က ဆေးကုသမှု ခံယူဖို့ အကူအညီ လိုအပ်သူတွေ ထပ်ပြီး ရောက်လာကြောင်း၊ စုစုပေါင်း လူနာ ၂ ရာနီးပါး ရှိသွားပြီဖြစ်ကြောင်း မဖြူဖြူသင်းက ပြောပါတယ်။

“၁၂ဝ၊ ၁၄ဝ ပတ်ဝန်းကျင် လောက်ကနေ အခု ၂ ရာ ပတ်ဝန်းကျင် ဖြစ်လာတာ။ အဓိကတော့ သူတို့က ဘာလုပ်ရမှန်း မသိဘူး၊ ဘယ်သွားရမှန်း မသိဘူး။ တခြား ကျန်းမာရေးကိစ္စတွေ အဓိက တီဘီတို့ ဘာတို့ ဒီရောက်တော့မှ အကုန်လုပ်ရတာ”

အခု လာရောက်ကြသူတွေထဲမှာ ကလေးတွေ အများဆုံးဖြစ်ပြီး ၁ နှစ်ခွဲအောက် ကလေးငယ်တွေလည်း ပါဝင်တယ်လို့ မဖြူဖြူသင်းက ပြောပါတယ်။

HIV/AIDS ဝေဒနာရှင်များ ကူညီစောင့်ရှောက်တဲ့ လုပ်ငန်းကို NLD လူမှု အထောက်အကူပြုအဖွဲ့က ရန်ကုန်တိုင်းအတွင်း ဂေဟာ ၃ ခုကို ၂ဝဝ၂ ခုနှစ်မှာ စတင် လုပ်ဆောင်ခဲ့ပြီး ကျောက်ပန်းတောင်း၊ အောင်လံ၊ တောင်တွင်းကြီး စတဲ့ မြို့နယ်တွေက ဝေဒနာရှင် အများဆုံး လာရောက်ကြတာ ဖြစ်ပါတယ်။

လူနာတွေထားတဲ့ဂေဟာ ဟာ ပတ်ဝန်းကျင် ကျန်းမာရေးကို ထိခိုက်စေနိုင်တဲ့အတွက် ဖယ်ရှားပေးဖို့ ကျန်းမာရေးဝန်ကြီးဌာနက ပြီးခဲ့တဲ့နှစ် နိုဝင်ဘာလက အမိန့်ပေးထားပေမယ့် ခုချိန်အထိတော့ နောက်ထပ် ဖိအားပေးတာ မရှိသေးဘူးလို့ သိရပါတယ်။

ထိုင်းရွေးကောက်ပွဲ အတိုက်အခံ အနိုင်ရ

By ဗွီအိုအေ (မြန်မာဌာန)\တနင်္ဂနွေ, 03 ဇူလိုင် 2011

ထိုင်းနိုင်ငံက ဒီကနေ့ ကျင်းပတဲ့ ရွေးကောက်ပွဲမှာ ပြည်ပမှာ ရောက်နေတဲ့ ၀န်ကြီးချုပ်ဟောင်း တပ်ခ်ဆင် ရှင်နာဝပ် (Thaksin Shinawatra) ရဲ့ ညီမဖြစ်သူ ယင်လပ် ရှင်နာဝပ် (Yingluck Shinawatra) က အနိုင်ရလိုက်ပြီး လက်ရှိဝန်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) က သူရှုံးနိမ့်တဲ့အကြောင်း အသိအမှတ်ပြု လက်ခံလိုက်ပါပြီ။

ထိုင်းဝန်ကြီးချုပ်က သူ့ရဲ့ပြိုင်ဘက် ယင်လပ် ရှင်နာဝပ် အနိုင်ရတဲ့အတွက် ဂုဏ်ယူတဲ့အကြောင်း ဒီကနေ့ပဲ ပြောဆိုခဲ့ပါတယ်။

ယင်လပ် ရှင်နာဝပ်ဟာ ဖွေထိုင်းပါတီ (Pheu Thai) ရဲ့ ခေါင်းဆောင်ဖြစ်ပြီး ထိုင်းနိုင်ငံရဲ့ ပထမဆုံး အမျိုးသမီး ၀န်ကြီးချုပ် ဖြစ်လာပါတော့မယ်။

ဒီကနေ့ ရွေးကောက်ပွဲတွေမှာ ဖွေထိုင်းပါတီက လက်ရှိအာဏာရ ဒီမိုကရက်ပါတီကို မဲအပြတ်အသတ်နဲ့ အနိုင်ရခဲ့တာပါ။ မဲထည့်ခဲ့ကြတဲ့ သူတွေကို စစ်တမ်းကောက်ယူချက်တွေ အရ လေ့လာသုံးသပ်သူတွေက ဖွေထိုင်းပါတီ အနိုင်ရလိမ့်မယ်လို့ ကြိုတင် ခန့်မှန်းထားကြတာပါ။

ထိုင်းနိုင်ငံရဲ့ လွှတ်တော်မှာ လွှတ်တော်ကိုယ်စားလှယ် နေရာ ၅၀၀ ရှိတဲ့အထဲမှာ ဖွေထိုင်းပါတီက နေရာ ၂၆၀ ထက်မနည်း အနိုင်ရတဲ့အကြောင်း မဲပေးမှု ရလဒ်တွေမှာ ပြသနေပါတယ်။
ဝန်ကြီးချုပ်ဟောင်း တပ်ခ်ဆင် ရှင်နာဝပ် ၂၀၀၆ ခုနှစ်တုန်းက ပြည်ပကို ထွက်ခွာသွားပြီး နောက်ပိုင်း သွေးထွက်သံယိုမှု မရှိတဲ့ စစ်တပ် အာဏာသိမ်းမှု ရှိခဲ့ပြီး နိုင်ငံရေးအရ ကွဲပြားမှုတွေ အပြင်းအထန် ဖြစ်ပွားခဲ့ပါတယ်။

ပြီးခဲ့တဲ့နှစ်တုန်းက အစိုးရ ဆန့်ကျင်ရေး ဆန္ဒပြမှုတွေ ဖြစ်ပွားခဲ့ပြီး ဆန္ဒပြမှုနဲ့အတူ ပဋိပက္ခတွေလည်း ဖြစ်ပွားခဲ့လို့ လူ ၉၀ ကျော် သေဆုံးခဲ့ပါတယ်။

ဘင်္ဂလားဒေ့ရ်ှမှာ ဓါတ်ငွေ့ကိစ္စ သပိတ်မှောက်

ဘီဘီစီ ။ ။ 03-07-2011

လူပေါင်း ၁ ရာကျော် အဖမ်းခံခဲ့ရပါတယ် ဘင်္ဂလားဒေ့ရှ် အစိုးရဟာ အမေရိကန် စွမ်းအင်ကုမ္ပဏီတခုကို သဘာဝဓါတ်ငွေ့ ရှာဖွေခွင့် ပေးလိုက်တဲ့အပေါ် ဆန့်ကျင် ကန့်ကွက်တဲ့အနေနဲ့ မြို့တော် ဒက္ကာမှာ ၆ နာရီကြာ သပိတ်ဆင်နွှဲခဲ့စဉ် ဆန္ဒပြသူတွေနဲ့ ရဲတပ်ဖွဲ့ အကြား ထိပ်တိုက် ရင်ဆိုင်မှုတွေ ဖြစ်ပွားခဲ့ပါတယ်။

လူပေါင်း တရာကျော်လည်း အဖမ်းခံခဲ့ရပါတယ်။ဘင်္ဂလားပင်လယ်အော်မှာ သဘာဝဓါတ်ငွေ့ ရှာဖွေဖို့အတွက် ဘင်္ဂလားဒေ့ရ်ှအစိုးရက အမေရိကန်က ကိုနိုကိုဖီးလစ် စွမ်းအင်ကုမ္ပဏီနဲ့ သဘောတူညီချက်တခု လက်မှတ်ရေး ထိုးခဲ့တာ ဖြစ်ပါတယ်။

ဒီသဘောတူညီချက်ဟာ ဘင်္ဂလားဒေ့ရ်ှနိုင်ငံရဲ့ စွမ်းအင်လိုအပ်ချက် မြင့်မားလာနေတာကို ကူညီဖြေရှင်းပေးနိုင်လိမ့်မယ်လို့ အစိုးရက ပြောပါတယ်။ဒါပေမယ့်လို့ ရှာဖွေတွေ့ရှိသမျှ ဓါတ်ငွေ့ရဲ့ ၈ ရာခိုင်နှုန်းလောက်ကို တခြား တိုင်းပြည်တွေကို တင်ပို့ဖို့ အမေရိကန်ကုမ္ပဏီကို ခွင့်ပြုထားတယ်လို့ ဝေဖန်သူတွေက ပြောပါတယ်။

တရုတ်အစိုးရလက်ထက် ဟောင်ကောင်မှာ လွတ်လပ်ခွင့် ကျဆင်း

By ဗွီအိုအေ (မြန်မာဌာန) တနင်္ဂနွေ, 03 ဇူလိုင် 2011

ဗြိတိသျှအုပ်ချုပ်မှု အောက်ကနေ တရုတ်အစိုးရ လက်အောက် ပြန်ရောက်ခဲ့တဲ့ ဟောင်ကောင်မှာ သတင်းလွတ်လပ်ခွင့်နဲ့ အစိုးရ အတိုက်အခံတွေအပေါ် သည်းခံနိုင်မှုဟာ ပိုမိုနည်းပါးလာနေပြီလို့ ဟောင်ကောင်အခြေစိုက် သတင်းလွတ်လပ်ခွင့် အဖွဲ့တခုက ပြောလိုက်ပါတယ်။

တရုတ်ပြည်မကြီးက ဗဟိုအစိုးရဟာ ဟောင်ကောင်ကျွန်းနဲ့ ပတ်သက်တဲ့ မူဝါဒတွေကို တင်းတင်းကျပ်ကျပ် ကျင့်သုံးလာနေသလို ဟောင်ကောင်ရဲတွေဟာလည်း ဆန္ဒပြသူတွေကို သည်းခံမှု လျော့ပါးလာတယ်လို့ ဟောင်ကောင် သတင်းထောက်များ အသင်းက နှစ်စဉ် သတင်းလွတ်လပ်ခွင့်ဆိုင်ရာ အစီရင်ခံစာက ဖော်ပြလိုက်တာပါ။

အသစ်တက်လာမယ့် ဟောင်ကောင် အုပ်ချုပ်ရေးမှူး အနေနဲ့လည်း ဟောင်ကောင်မှာ အမျိုးသားလုံခြုံရေး ဥပဒေတရပ် ပြဋ္ဌာန်းဖို့ ပြည်မကြီးက ဖိအားပေးနေတာကို ကြန့်ကြန့်ခံသွားဖို့နဲ့ သတင်းလွတ်လပ်ခွင့်နဲ့ ထုတ်ဖော်ပြောဆိုခွင့်တွေ အပေါ်မှာ အကာအကွယ်ပေးဖို့လည်း အစီရင်ခံစာ ထုတ်ပြန်သူတွေက တောင်းဆိုလိုက်ပါတယ်။

၁၉၉၇ ခုနှစ်မှာ ဗြိတိန်က ဟောင်ကောင်ကို တရုတ်အစိုးရ အုပ်ချုပ်မှုအောက် ပြန်လည်လွှဲပေးခဲ့စဉ်မှာ ဟောင်ကောင်ကို ကိုယ်ပိုင်အုပ်ချုပ်ခွင့် တစိတ်တပိုင်းပေးပြီး တနိုင်ငံ စနစ် ၂ ခု ပုံစံနဲ့ ပြည်မကြီးမှာ မရတဲ့ နိုင်ငံသား အခွင့်အရေးတွေ ရှိစေရမယ်ဆိုတဲ့ သဘောတူညီချက်တွေ ထည့်သွင်းထားတာ ဖြစ်ပါတယ်။

လစ်ဗျားသူပုန် တူရကီ တရားဝင် အသိအမှတ်ပြု

ဘီဘီစီ ။ ။ 03-07-2011

လစ်ဗျား နိုင်ငံက သူပုန်တွေရဲ့ အသွင်ကူးပြောင်းရေး အမျိုးသား ကောင်စီဟာ လစ်ဗျား ပြည်သူတွေကို တကယ်ကိုယ်စားပြုတဲ့ အဖွဲ့အဖြစ် တူရကီ နိုင်ငံက အသိအမှတ်ပြု လိုက်ပါတယ်။

သူပုန်တွေ အခိုင်အမာပြုတဲ့ ဘန်ဂါဇီမြို့မှာ ပြောကြားရာမှာ လစ်ဗျား ခေါင်းဆောင် ကဒါဖီ တိုင်းပြည်က ထွက်သွားရတော့မယ် အချိန်ရောက်နေပြီလို့ တူရကီ နိုင်ငံခြားရေး ဝန်ကြီး Ahmet Davutoglu က ဆိုပါတယ်။

ဒါ့အပြင် လစ်ဗျားသူပုန်တွေကို အထောက်အပံ့တွေ ပိုမို ပေးကြပါလို့လည်း နိုင်ငံတကာကို ပန်ကြားလိုက်ပါတယ်။

လစ်ဗျားမှာ နေတိုးတပ်ဖွဲ့ရဲ့ စစ်ဆင်တိုက်ခိုက်မှုကို တူရကီက ထောက်ခံခဲ့ပြီး လစ်ဗျားမှာ တူရကီက စီးပွားရေး အရ ရင်းနှီးမြုပ်နှံမှု အမြောက်အမြားရှိပါတယ်။

လစ်ဗျား က အရပ်သားတွေကို ကဒါဖီရဲ့ တိုက်ခိုက်မှုက ကာကွယ်ပေးရမယ် ဆိုတဲ့ ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက် အရ မတ်လ ကတည်းက နိုင်ငံတကာက ကဒါဖီရဲ့ တပ်တွေကို လေကြောင်း စစ်ဆင်ခဲ့တာ ဖြစ်ပါတယ်။